02/10/2020
وڏي سۡڪون سان آهي هر شخص عذاب ۾,
هتي مسيحا ڀي آ منصف جي عتاب ۾ .
ٽنڊو محمد خان جي ڊسٽرڪٽ سيشن جج منير بخش ڀٽو , انساني همدردي ڪرڻ جي پاداش ۾ مسيحائي پيشي سان وابسطه ميڊيڪل آفيسر ڊاڪٽر آفتاب احمد لغاري کي مسلسل ٻه ڪلاڪ جوڊيشل لاڪ اپ ۾ قيد ڪرائي ڇڏيو ,
جيئن ته ميڊيڪل آفيسر ڊاڪٽر آفتاب لغاري جيڪو ڊسٽرڪٽ هيلٿ آفيسر ٽنڊو محمد خان جي آرڊر تي ڊسٽرڪٽ ۽ سيشن ڪورٽ ٽنڊو محمد خان جي ڊسپينسري جي انچارج طور پنهنجا فرائض سرانجام ڏئي رهيو هو , ايڊيشنل سيشن جج ٽنڊو محمد خان شمس الدين جوڻيجو جي طبي چڪاس جي حوالي سان اي اين ٽي اسپيشلسٽ وٽ انڊس اسپتال ٽنڊو محمد خان ويل هو , جتي کيس اسپتال جي عملي کان خبر ملي ته سيشن جج منير بخش ڀٽو به ناچاڪي سبب اسپتال ۾ آيل آهي ,جنهن کان انساني همدردي جي ناتي ڊاڪٽر آفتاب لغاري طبعيت پۡڇڻ لاء جيئن ئي ڪمري ۾ داخل ٿيو ته ڄاڻايل ڊسٽرڪٽ سيشن جج بلاجواز کيس گارگند ڪندي , سخت بدتميزي سان پيش اچي , فوري طور پوليس موبائيل گهۡرائي کيس سيشن ڪورٽ جي جوڊيشل لاڪ اپ ۾ قيد ڪرائي ڇڏيو , جنهن کانپوء سيشن جج کيس گهۡرائي سخت قسم جا نتيجا ڀوڳڻ جون ڌمڪيون ڏئي , لکت ۾ هڪ بيان وٺي کيس روانو ڪيو , مسلسل ٻه ڪلاڪ حبس بيجا ۾ رکي سندس عزت نفس مجروح ڪرڻ ڪهڙن انساني حقن جي ترجماني ۽ هڪ منصف پاران انصاف جي تقاضا آهي , جڏهن ڪميشن پاس مسيحا ميڊيڪل آفيسر به اهڙي عتاب جو شڪار هۡجن ته عام ماڻهن سان منصفن جو ڪهڙو رويو هوندو , اسان سپريم ڪورٽ آف پاڪستان , هاء ڪورٽ آف سنڌ سميت لاڳاپيل اختيارين کان گهۡر ٿا ڪريون ته انساني حقن جي ناتي بلاجواز حبس بيجا ۾ رکي , عزت نفس مجروح ڪرڻ واري اهڙي ڪۡڌي عمل خلاف پاڻمرادو نوٽيس وٺي اڻڌري جانچ ڪرائي وڃي , ته جيئن اڳ ۾ ئي انصاف تان ويساهه کڻي ويٺل سماج وڌيڪ انارڪي جو شڪار نه ٿي وڃي , تنهنڪري ان معاملي جي فوري طوري جانچ ڪرائي , انصاف جون تقاضائون پوريون ڪيون وڃن.