Khmerload (2024)

06/07/2023

12/06/2023

#ទ្រឹស្តីរបស់ លោក តេង សៀវភីង ទាំង ៧ ដែលអាចធ្វើការពិចារណារអប់រំខ្លួនឯង កុំឲ្យភ្លេចខ្លួនឯងថាជាអ្វី ? មកពីណា ? ហើយដើម្បីអ្វី ?
១. នៅពេលបក្សីមានជីវិត ពួកវាស៊ីសត្វល្អិតជាអាហារ ប៉ុន្តែពេលវាងាប់ វាក៏ត្រូវសត្វល្អិតស៊ីជាអាហារវិញដូចគ្នា។
២. ដើមឈើមួយដើមអាចយកទៅធ្វើឈើគូសបានរាប់លានដើម ប៉ុន្តែឈើគូសតែមួយដើមក៏អាចដុតដើមឈើក្នុងព្រៃរាប់លានដើមដូចគ្នា។
៣. ចូរកុំមើលរំលងមនុស្សដែលតូចទាបជាងអ្នក ដោយសារគិតថាខ្លួនឯងធំខ្ពស់។ កុំមើលរំលងអតិថិជនតូចតាច ដោយមើលមិនឃើញពីគុណតម្លៃរបស់ពួកគេ ព្រោះនៅថ្ងៃមួយគេអាចក្លាយជាអតិថិជនធំម្នាក់របស់យើងក៏ថាបាន។
៤. កុំគិតថាយើងរឹងមាំ គ្មានថ្ងៃឈឺថ្កាត់ ដោយសារអាយុនៅតិច ត្បិតរណ្ដៅបញ្ចុះសពមិនមែនមានសម្រាប់តែមនុស្សចាស់នោះទេ ប៉ុន្តែគឺសម្រាប់មនុស្សស្លាប់ទូទៅ។
៥. កុំគិតថាខ្ញុំមានហើយចាយលុយដូចក្រដាស ព្រោះថ្ងៃណាមួយលុយតែ១ម៉ឺនរៀលអាចមានតម្លៃខ្លាំងណាស់នៅពេលអ្នកធ្លាក់ខ្លួនមែនទែន។
៦. ក្នុងជីវិតនេះគ្មានអ្វីស្ថិតស្ថេរទេ ធំក៏អាចក្លាយជាតូច មានក៏អាចក្លាយជាក្រ រឹងមាំក៏អាចប្រែជាទ្រុឌទ្រោម។ គ្មាននរណារស់បានអមតៈនោះទេ ដូច្នេះត្រូវចាំទុកថា “កុំភ្លេចខ្លួន កុំឈ្លក់វង្វេងខ្លួនឯង” ហើយរឹតតែសំខាន់គឺហាមប្រមាថជាមួយជីវិតតទៅទៀត។
៧. បើទោះបីមិនទំនេរយ៉ាងណា ក៏ត្រូវមើលថែខ្លួនឯងឲ្យល្អ។ មិនថាពេលខ្លះពិបាកទាក់ទងជាមួយមិត្តភក្ដិ តែត្រូវនឹកដល់គ្នាជានិច្ច។ ពេលថ្ងៃផឹកទឹកឲ្យបានច្រើន ពេលយប់ផឹកទឹកឲ្យតិច មួយថ្ងៃកុំផឹកកាហ្វេលើសពី២កែវ។
# រឿង ៣ យ៉ាងដែលគួរបំភ្លេច ៖
• រឿងអាយុ
• រឿងដែលកន្លងហួស
• រឿងដែលនាំទុក្ខដល់អ្នកដទៃ
# ៤ យ៉ាងដែលត្រូវមាន ៖
• មានមនុស្សដែលស្រឡាញ់អ្នកដោយចិត្ត
• មានមិត្តដែលយល់ចិត្ត
• មានការងារធ្វើ
• មានផ្ទះសម្បែងសមរម្យ
# ៦ យ៉ាងដែលមិនគួរធ្វើ ៖
• ឃ្លានហើយតែមិនញ៉ាំ
• ស្រេកទឹកតែមិនផឹកទឹក
• ងងុយហើយតែមិនព្រមគេង
• ហត់ហើយតែមិនសម្រាក
• ឈឺហើយតែមិនព្យាបាល
• ចាស់ហើយទើបស្ដាយក្រោយ
# ៧យ៉ាងដែលមានតម្លៃខ្ពស់ជាងលុយ ៖
• ការដែលបានកើតជាមនុស្ស
• ការបានយល់ពីសាសនា
• ការមានកល្យាណមិត្តល្អ
• ការមានភាពសុចរិតជានិស្ស័យ
• ការមានចិត្តមិនឫស្យា
• ការមានពេលវេលាសម្រាប់មនុស្សជាទីស្រឡាញ់
• ការចេះស្គាល់ពាក្យថា “គ្រប់គ្រាន់”
# ២ យ៉ាងមានតម្លៃមិនអាចកាត់ថ្លៃបាន ៖
• សុខភាពផ្លូវកាយ
• សុខភាពផ្លូវចិត្ត
# ទុក្ខ ៣ យ៉ាង៖
• លះបង់មិនបាន
• ចាញ់គេមិនបាន
• លែងអ្វីមួយមិនបាន
# ទ្រព្យសម្បត្តិដ៏មានតម្លៃ ៦ យ៉ាង ៖
• រាងកាយ
• ចំណេះដឹង
• ក្ដីស្រមៃ
• ទស្សនៈគតិ
• ភាពជឿជាក់
• ភាពក្លាហាន
🙏 សូមអរគុណដល់ម្ចាស់អត្ថបទដើម
( តេង សុីវភីង និងប្រភព៖ ហ្វេសប៊ុក)

09/04/2023

#បរាជ័យអាចចាប់ផ្តើមជាថ្មីបាន

ដួលម្ដងហើយ ដួលម្ដងទៀតមិនមែនជាបញ្ហាទេ តែអ្វីដែលជាបញ្ហានោះគឺយើងដួលហើយ មិនព្រមក្រោកដើរម្ដងទៀតទៅវិញទេ។ ជីវិតមួយនេះនរណាដែលមិនធ្លាប់ដួលនោះ យ៉ាងណាក៏មានម្ដងដែរ។

កាលពីក្មេងទម្រាំតែយើងអាចដើរបាន យើងដួលច្រើនណាស់ មិនមែនម្ដងឡើយ ហើយបើយើងដួលម្ដងទៀតក៏មិនជាបញ្ហាដែលឱ្យតែយើងក្រោកម្ដងទៀតហើយបន្ត ជំហានទៅមុខ...។

កុំបោះបង់ខ្លួនឯងត្រឹមតែពាក្យ បរាជ័យសោះ ហើយត្រូវតែប្រាប់ខ្លួនឯងថា វាមិនមែនជាបញ្ហាធំទេ វាគ្រាន់តែជាបទពិសោធទេ ព្រោះយើងមិនធ្លាប់បានដើរ ចូរនិយាយជាមួយខ្លួនឯងឱ្យច្រើន ហើយប្រាប់ថា យើងនៅតែអាចបន្តដំណើរទៅមុខ ដរាបណាយើងមិនចុះចាញ់ ដរាបណាយើងមិនបោះបង់ ដរាបណាយើងនៅដង្ហើមដក...។

បរាជ័យអាចចាប់ផ្ដើមជាថ្មីបាន គ្មានពាក្យថាហួសពេលក្នុងការចាប់ផ្ដើមទេ។ ដ្បិតតែវាយឺត តែយើងមិនបោះបង់ ហើយយើងនៅតែក្រសោបកាយរបស់ខ្លួនឯង ហើយបោះជំហានទៅមុខ។

--------------------------------

អត្ថបទ៖ #សៀវភៅជីវិត

Address

Website

https://youtube.com/channel/UC2yjmPlfAyAnnits5g6oFzw

Alerts

Be the first to know and let us send you an email when Khmerload posts news and promotions. Your email address will not be used for any other purpose, and you can unsubscribe at any time.

Khmerload