KABOS / كابوس

04/10/2022

مساء الخير شبيبة.. 🤓
شوية ونطلع بث على التيكتوك 🎬

رابط الصفحة في أول تعليق 👇🏼
❤️

23/09/2022

السلام عليكم..
ليكم وحشة والله 😍 ليا وحشة صح؟ 😂
الي مستاحشني ايجي توا توا بث ع التيكتوك لأول مرة:
https://www.tiktok.com/?_t=8VvVozulZTB&_r=1

3953 Followers, 614 Following, 43.0k Likes - Watch awesome short videos created by ELKABBO GAMING

02/07/2022

مساء الخير حبايبنا👋🏼
طبعاً سبب توقفي عن البثوث حاليا بسبب انقطاع الكهرباء طول اليوم للاسف 💔
وان شاء الله ربي ايفرج علينا وعليكم..

المهم الي حاب يتواصل معاي وايكسد معانا اني والسمعة والشباب عندنا سيرفر ديسكورد متنوع وفيه العاب ومسابقات وبثوث وفعاليات وجوائز 🔥
تعالو شرفونا ونورونا:
https://discord.gg/3h6Gkrd2Zn

Check out the ⭐𝑵𝑶𝑷𝑰𝑿𝑬𝑳 𝑪𝑳𝑼𝑩⭐ community on Discord - hang out with 195 other members and enjoy free voice and text chat.

23/06/2022

طبعاً مافتحتش بث لتوا مش لأني مقصر لا وربي لأن كالعادة ياسادة الشركة ال ع ي ل ة لطرح الأحمال ايمارسو في هواياتهم عليا زي كل ليلة..💔
اول مايجي الضي نفتح بث حتى كان فجر والي ساهر مرحبتين بيه بدينا راضيين بالخمسين لايك لين ايفرج الله 😔

22/06/2022

كالعادة نبدأ بث بعدها بشوي يتدخل وزير الضي ال ع ي ل باش ايدره الكبد ويستمر السيناريو للسنة
العاشرة على التوالي 💔
الله غالب تحملونا وخلاص..

22/06/2022

السلام عليكم غوالينا 😍
بما انه بديت انوع في الألعاب قلت انديرو جدول للبثوث والي حيكون كالتالي:
الأحد: Bloodhunt
الإثنين: بث مفتوح
الثلاثاء: PUBG Steam + Mobile
الإربعاء: قراند الحياة الواقعية
الخميس: قراند الحياة الواقعية + bloodhunt
الجمعة: COD Warzone
السبت: راحة بدون بث

وبإذن الله موعد البثوث حيكون في الليل لو فيه ضي بين الساعة 9م والساعة 12ص، واي حد بيقترح لعبة جديدة يكتبلي في التعليقات 🔥
والي مايوصلش فيه اشعار البث ايفعل الإشعارات ومنورين ❤️

21/05/2022

مساء الانوار غوالينا 😍

ملوك الجزيرة وبكل جدارة للمرة الثانية على التوالي 🔥🔥🔥
والي فاته الجو امبارح يقدر يعاود البث ❤️ وايفعل الاشعارات باش معش ايفوته الجو 😂

ومنورييييييييييين ❤️❤️❤️

15/05/2022

السلام عليكم غوالي 😍

طبعاً الاحداث الي صارت اليومين الي فاتو مش الكل يعرفها بنلخصها في نقاط 🔥
1_ ظهور ابن الكابو واخوه الاصغر في مدينة هيل توب وافتتاح عصابة الYAKUZA.
2_ جرى اجتماع بين ابن الكابو والكو بيق بوس في المدينة بناء على توصية والده.
3_ فرض هيبة العصابة في يوم الافتتاح والظفر بحرب الجزيرة ولقب (ملوك الجزيرة) يوم الخميس الماضي.

وباذن الله حنكملو السلسلة مع بعض وبث الليلة انديروه الساعة 10:00م بعون الله 🔥
نبو دعمكم للسلسلة ورأيكم في افضل توقيت للبث يهمني ❤️
ومنورييييييييييييين 😍🔥

23/04/2022

صحة فطوركم غوالينا 😍

مني فيكم مايعرفش الستريمر سمعة (المرعب) الشخصية المحبوبة والكوميدية ليه سنين في المجال هذا وصديقنا وخونا ❤️
للأسف صفحته حذفها الفيس بسبب مخالفات بسيطة وفتح صفحة جديدة نبي طلب منكم اتوصلوه لاعلى عدد متابعات 🔥❤️

وهذه صفحته كلكم متابعة ياغوالي 👇🏼👇🏼
SOM3A

ومنورييييييين 😍

17/04/2022

صحة فطوركم غوالي ❤️
طبعاً الصفحة حاليا صكرت سنة من يوم فتحتها لتوا من غير السنتين الي بثيتهم في صفحاتي الاولات 💔
والحمد لله في مسيرتي تعرفتي على عز الناس الطيبة والباهية ان شاء الله ربي يحفظهم وايدوم الصحبة بيناتنا 😍

لكن المشكلة الي واجهتني خلال الفترات هذه اشعارات الفيس وبعض الناس الي لما يلقاك تقدم في محتوى فوسط لعبة مايبيهاش يكتبلك كلام بايخ وحتى لايك مايديراش..!!

ف نبي نطلب طلب بسيط من الناس الي ايعزوني وانعزهم الي مايوصلوش فيه اشعارات البث ايخش ايطفي اشعارات الصفحة ويفتحهم من جديد ✅
واما نوع الناس التاني نتمنى انه يحاول يحسن اسلوبه وايطور عقليته في المحتوى ويعرف ايقدر المحتوى المتعوب عليه ومايخليش كل عقليته وقدره في جوائز او رومات او مصلحة لان الي كاتبهولك ربي بتاخذه، ولو اصريت على افكارك تقدر تلغي المتابعة لان نبي جمهور نظيف وواعي حتى لو واحد بس يتابعني حنتعب على خاطره وانقدم محتوى يسعده ❤️
وسامحوني طولت عليكم الكلام لان يعلم الله قداش انكافحو وانجهزوا وانحلو في مشاكل باش نفتحوا بث ويطلع المحتوى ممتع 😔

01/04/2022

السلام عليكم غوالي..
انحب انهني خوتي واحبابي وكل من دعمني وقال فينا كلمة طيبة بقدوم شهر رمضان المبارك وينعاد عليكم وعلينا بالصحة والسلامة وطاعة الله ان شاء الله ❤️
تبو بثوث في رمضان ولا تبوه راحة 😂💔

22/03/2022

السلام عليكم غوالي 😍
سلسلة الكابو من بداية الشخصية اكتسحت عالم الاجرام بقوة ومع الاحداث صارت سيناريوات قوية وعفوية من بداية شغلنا في الممنوعات والمجوهرات لعند مشاكلنا مع المباحث لعند محاولة الانقلاب الي قام بيها بابلو وتعاونه مع القيادات العسكرية للقبض عليا ونهايته المؤسفة..

وطبعاً بابلو قبل اعدامه اعطاني معلومات عن الي تعاون معاهم ولمنو اعطى معلومات عليا فهل نشوفو سيناريوات جديدة ضد الشرطة والمباحث؟ 😂

طبعاً كل مايحدث في اطار اللعبة لا يمثل الواقع وهي مجرد سيناريوات عفوية تحت قانون (الرول بلاي) هدفها تمثيل واقعي والحمد لله قدرت انكون بيها محتوى ترفيهي صعب صناعته ونتمنى الكميونيتي الليبي يعرف قيمته ❤️

شكراً لكل من دعمني ووقف معاي ودعمني 🔥
نبي رأيكم في السلسلة والتطورات الي صارت اكتبولي في تعليق ومنوريييييين 😍❤️❤️❤️

12/03/2022

مساء النور ياتريس 🔥

وبما ان الكابو ملاحق من جهاز المباحث من فترة وضيقو الخناق علينا وعلى اشغالنا في المدينة ووصلت بيهم الدرجة ارسال جواسيس لمراقبتنا، عقدنا اجتماع مع حلفائنا المطلوبين من جهاز المباحث وقررنا ضرب جهاز المباحث في عقر دارهم كتحذير واضح وصريح ليتراجعو عن قراراتهم الباطلة واعمال التجسس والتتبع الخسيسة 😂💔

الليلة باذن الله مع الساعة 10:30م حيكون موعدنا في توجيه ضربة ضد جهاز المباحث 🔥🔥🔥
ترقبونا ❤️

28/02/2022

شباب معليشي البث اتصكر من كوبيرايت على الاغنية الي في المحل 😂💔

16/02/2022

السلام عليكم..
بقلوب مؤمنة بقضاء الله وقدره بلغنا خبر وفاة اخ مشرفتنا (متميزة بداتي)

‎انا لله وإنا اليه راجعون (اللَّهُمَّ، اغْفِرْ له وَارْحَمْهُ، وَاعْفُ عنْه وَعَافِهِ، وَأَكْرِمْ نُزُلَهُ، وَوَسِّعْ مُدْخَلَهُ، وَاغْسِلْهُ بمَاءٍ وَثَلْجٍ وَبَرَدٍ، وَنَقِّهِ مِنَ الخَطَايَا كما يُنَقَّى الثَّوْبُ الأبْيَضُ مِنَ الدَّنَسِ، وَأَبْدِلْهُ دَارًا خَيْرًا مِن دَارِهِ، وَأَهْلًا خَيْرًا مِن أَهْلِهِ، وَزَوْجًا خَيْرًا مِن زَوْجِهِ، وَقِهِ فِتْنَةَ القَبْرِ وَعَذَابَ النَّارِ).[١] (اللَّهمَّ اغْفِرْ لحيِّنا وميِّتِنا وشاهدنا وغائِبنا وصَغيرنا وَكبيرنا وذَكرِنا وأُنثانا اللَّهمَّ مَنْ أحييتَه مِنَّا فأحيِه علَى الإسلامِ ومن تَوَفَّيتَه مِنَّا فتَوفَّهُ علَى الإيمانِ اللَّهمَّ لا تحرمنا أجرَه ولا تُضلَّنا بعدَه)

10/02/2022

مساء النور غوالي 😍

طبعاً بث امبارح سامحوني الي ماقريتش تعليقه ولا مالحقتش انشوفه لاني متفركس جديد عليا الميضوع وماعنديش شاشة نقرأ بيها التعليقات 😂

والي حضرو البث شن تقييمكم لأول يوم ليا في GTA الحياة الواقعية 🤔🔥

01/02/2022

صباح الخير 😍

الي ايدورو فيا وايهمهم امري بس بيعرفو شن فيه في الصندوق 👇🏻😂

تبي تعرف شن في الصندوق؟ خش ع الستوري 🤓

18/01/2022

مساء الخير على الجميع
نعتذر الليلة مافيش بث لأن صارلي ظرف
منورين جميعاً ونلتقي بكرا باذن الله ❤️