27/05/2024
ဇာတ်ကားရိုက်ချင်ရင် ဒါရိုက်တာနဲ့ အိပ်ရတယ်ဆိုတာ အခုခေတ်မှာလည်း ရှိတယ်ဆိုတဲ့ V V Chan
မင်္ဂလာပါပရိတ်သတ်ကြီးရေ Blogger တစ်ယောက်ဖြစ်တဲ့ V V Chan ကကတော့ ခုတလောမှာ ရုံတင်ထားတဲ့ ဖုန်းရွှေဇာတ်ကားမှာ ပါဝင်သရုပ်ဆောင်ထားသူဖြစ်ကာ သူ့ကိုဝေဖန်နေကြတဲ့သူတွေလည်းရှိတယ်လို့ ပြောဆိုလာပါတယ်။
V V Chan ကို ဝေဖန်သူတစ်ချို့ကတော့ အနုပညာကို ခွေးတိုးပေါက်ကနေဝင်လာတာဖြစ်တယ်လို့ပြောဆိုထားပေမယ့်လည်း သူကတော့ ကိုယ်တိုင်က အသုံးကျနေတယ်ဆိုရင် ဘယ်အပေါက် ဘယ်ကုတင်ပေါ်ကနေ ဝင်စရာမလိုဘူး လို့ ဖြေဆိုထားတာဖြစ်ပါတယ်။
" ဇာတ်ကားရိုက်ချင်ရင် ဒါရိုက်တာနဲ့ အိပ်ရတယ်ဆိုတာ အရင်ခေတ်မှ မဟုတ်ဘူး အခုခေတ်မှာလည်း ရှိတယ်။ V ကတော့ blogger imageနဲ့ ဝင်လာတာမလို့ ကုတင်ပေါ်က ဝင်တဲ့သူတွေထက် သာတယ်၊ ကိုယ့်လိပ်ပြာ ကိုယ်လုံတယ်" လို့ အင်တာဗျူးတစ်ခုမှာဖြေဆိုထားပါတယ်။
သူကတော့ ငယ်ငယ်ထဲက ကြားဖူးတားဝါရှိတဲ့ “ဇာတ်ကားရိုက်ချင်ရင် ပရိုဂျူဆာ တို့ ဒါရိုက်တာတို့နဲ့ တစ်ညအိပ်ရတယ်ဆိုတာက တကယ်ရှိမရှိဆိုတာကို သေချာမသိပေမယ့် ခုခေတ်မှာလည်းအဲ့လိုမျိုးရှိပါတယ်လို့ လဲ ထပ်ပြောခဲ့ပါတယ်။
သူကတော့ Blogger လောကထဲမှာ နာမည်ရထားသူမို့ အဲ့ဒီကနေတဆင့် အနုပညာလောကထဲကို ဝင်လာတာဖြစ်တယ်လို့ ဆိုခဲ့ပြီး ခွေးတိုးပေါက်ကနေဝင်လာတာဆိုပြီး အပြောမခံချင်ရင်တော့ ကိုယ်တိုင်ကအသုံးကျဖို့လိုတယ်လို့ ဆိုထားပါတယ်။
တစ်ဖက်လူအတွက် ကိုယ်လုပ်မဲ့အရာက အသုံးဝင်နေဖို့ပဲ လိုပါတယ်လို့ဖွင့်ဟခဲ့ပြီး အဲ့လိုအသုံး ဝင်နေရင် ကုတင်ပေါ်ကလဲ လာစရာမလိုသလို ဘယ်အပေါက်ကမှလည်း ဝင်စရာမလိုပါဘူးလို့ ပြောပါတယ်။
သူကတော့ အရင်က Vlogger လုပ်ခဲ့ပေမယ့် ခုချိန်မှာတော့ ရပ်နားထားပြီး Vlogger ခေါင်းစဉ်အောက်နေ သရုပ်ဆောင်ဆိုတဲ့ ခေါင်းစဉ်အောက်ကို ပြောင်းချင်နေသူဖြစ်ပါတယ်။
ခုလိုမျိုး သရုပ်ဆောင်ဘက်ကိုကူးပြောင်းချင်ခဲ့ပေမယ့်လည်း ဝေဖန်သူတစ်ချို့ကတော့ ခေါတ်မကောင်းတဲ့အချိန်မှာ ခွေးတိုးပေါက်ကဝင်ချင်တယ်လို့ ပြောဆိုတိုက်ခိုက်ကြတာတွေ ကြုံခဲ့ရတယ်လို့ ဆိုထားပါတယ်။
သူကတော့ လူမသိ သူမသိဘဝကနေ သရုပ်ဆောင်လောကထဲကို စပြီးဝင်လာတာမဟုတ်ဖူးလို့လဲဆိုကာ ကိုယ့်ရဲ့အောင်မြင်မှုတစ်ခုကနေ ဝင်လာတာဖြစ်တယ်လို့လဲ ဆိုထားပါတယ်။
V V Chan ကတော့ သရုပ်ဆောင်လောကထဲကို ကုတင်ပေါ်ကနေ ဝင်လာတာမဟုတ်လို့ ကိုယ့်ကိုကို ဖြူစင်တယ်လို့ခံယူထားပြီး ကိုယ့်ရဲ့အသုံးဝင်မှု အရည်အသွေးကို အားကိုးပြီးတော့မှဝင်လာတာဖြစ်ကြောင်းကိုလဲ ထပ်လောင်းကာ ရှင်းပြခဲ့ပါသေးတယ်။
သူကတော့ သရုပ်ဆောင်ပညာကို ဝါသနာပါသူတစ်ယောက်ဖြစ်တာကြောင့် Blogger ဘဝကနေ လိုင်းပြောင်းခဲ့တာဖြစ်ပြီး သရုပ်ဆောင်ဘဝရဲ့ ပထမဖြေလှမ်းမှာတင် ညိုမင်းလွင်ရဲ့ ရုံတင်ရုပ်ရှင်ကားကြီးနဲ့ စပြီး ပွဲထွက်ခွင့်ရခဲ့တာဖြစ်ပါတယ်။
ဒီဇာတ်ကားကို ရိုက်ဖြစ်ခဲ့တာကတော့ အသိမိတ်ဆွေတစ်ယောက်က ဒါရိုက်တာ ညိုမင်းလွင်ရဲ့ အင်တာဗျူးတစ်ခုကိုလာပြရင်းနဲ့ ကိုယ်တိုင်ကလည်း တရုတ်စကားပြောတတ်တာကြောင့် ကို့ညိုကိုဆက်သွယ်ရင်းနဲ့ ဇာတ်ကားရိုက်ဖြစ်သွားလို့ ပြောပြပါတယ်။
အရင်ထဲက ရုပ်ရှင်ရိုက်ဖူးချင်သူတစ်ယောက်ဖြစ်ပြီး ရိုက်ရမယ့် ဇာတ်လမ်းကတော့ ဖုန်းရွှေပညာရပ်တစ်ခုကို ဖော်ပြတဲ့ကားဖြစ်တာကြောင့် ရိုက်ဖြစ်ခဲ့တာလို့ ဆိုပါတယ်။
ခုလိုမျိုးပထမဆုံးရိုက်ခွင့်ရခဲ့တဲ့ ဇာတ်ကားကို ဒါရိုက်တာညိုမင်းလွင်နဲ့ ရိုက်ခဲ့ရလို့ ဝမ်းသာပါတယ်လို့ဆိုခဲ့ပြီး အကောင်းဆုံးလဲ ကြိုးစားထားပါတယ်လို့ ဖြေဆိုထားပါတယ်။
