Zodawn Media (2024)

28/07/2021

Lamka 28.07.21: Guite kual dung a ngaman mite'n ngamatna dia Dynamo leh Bomb zat khamna bohzuina ding in zan in Lungthul (L) ZYA Unit in tuabang a thilkham palsat pawlkhat man uh a, a vanzatte uh leng matsam uhi.

Dyanamo leh Bomb zang a nga mat ahihchiang in i nektheih nailouh nganou tampi si a, pammaih mahmah ahihman in chin tuak hetlou hi. Huaiziak in kuapeuh ngaman dingte'n pupa paidan bang a leen seh a mat mah deihhuai mahmah sak in om hi.

01/07/2021

Sinzawl kho kiang ah Accident tuak

Lamka : 01.07.20
Tuni in Lamka lam zuan a hongtai Pa Kamthianlal of Thanlon, Sinzawl kho khang ah BIPL(Lamlian keeklian company khat) te gari toh kiphukha a, kintak a Sinzawl hospital puaktun a om in, sinzawl a doctor ten dressing leh ana thuaknopna a kap in lamka a di'n refer pah uhi.

Hong kipuak na ding gari om zok lou dia, lungbuai sim a a om lai un Government gari (hospital te gypsy) genkha sim man ua, CMO in le ngetna lai hon pe meng un a chih laitak in BIPL te gari a ki pawsuk thei dia a kilat man in, hon pawsuk thei uh a, nitaklam dak 4 vel in Lamka District Hospital puaktun in om hi

X-ray, Ultrasound, KFT, LFT test neih hi pah ngal a, a dinmun bel lauthawng huai tadihlou in ward ah admit in om hi.

Hiai toh kisai in pawl nih kal a kihouna om a, Company lam te'n Medical expenses teng seng ding, gari kisia a bawl vek ding uh, Party tegel in FIR file louh hoih sa in, Victims in patient attendant moh paw ding chihte tel in a poimoh bangkim kihoulemna om hi.

Unaupa Kamlal ahihleh tu tadih in a dinmun hoih mahmah ta hi.

Thumna ah phawkzui ni.

27/05/2021

27.05.21: Thutut kimudan in tuni in Thanlon Subdivision nuai a om Bukpi khua ah Covid-19 test kipan ta hi. Tutan a ki testna ah mi 22 ki test ta uh a, vangphathuai tak in positive muhsuah bel om tadihlou hi.

Hiai test ahihleh Thanlon PHC teamte sai hi a, tuabang mah in a kim leh kiang ah Covid-19 testna leng neihzel hiding leh Zodawn lam aleng Vaccine kiningching tak a omna dia panlakna paitou zel ahihdan thutut kingah hi.

05/05/2021

May 5, 2021: NHIDCL in a donate Basic Life support Ambulance toh kisai in Thanlon PHC, Pherzawl District inleng tangkha a, tuni in Thanlon khua tut in omta hi. Hiai toh kisai a panla Minister Pu Vungzagin Valte tung ah bial mipite kipak mahmah uh ahihdan thuzak ahi. Thanlon bial a dia Ambulance hoihtak om i chih a om mengmenglou thil ahihna ah kipahhuai sawn diak a, bial mipite a ding a vanzat manpha hong hih i deihsak mahmah ahi.

24/04/2021

NHIDCL in a donate Basic Life support Ambulance toh kisai in Thanlon PHC, Pherzawl District inleng tangkha a, kipahhuai mahmah mai hi. Hiai toh kisai a panla tute tung ah kipahthu i gen ahi.

25/03/2021

JCB TUAHSIA, 2 SI

March 25, 2021: Tunitaklam in Thanlon Subdivision sung a om Dialkhi khua leh Joutung kikal ah Rolland nasemte Lamka lam zuan ding a pailai tuahsia uh a, huai ah a tuang tegel in sihna tuak uhi.

Thukiza dan in JCB a tuahsiat phet in khat sipah a, a khatpen sipahlou in Lamka lam a a Mahajon pa uh phone man a, huai apan a accident tuak ahihlam uh theihpat in om hi. Huchihnung sawtlou in aman leng honna beisan nawn ahihdan thulakna in gen hi.

Thiltung theihphet in a kim leh kiang a Phatuamngai pawlpi tuamtuam panlakna toh sai in om a, Lamka lam apan a delh leng om in, aluang Lamka lam ah pua uhi. Sihna tuak mi nihte ahihleh Unau meiteite hi uhi.

16/03/2021

Vungzagin Valte, Minister In Tuili Village Ah Tuili Lei K*m Tamtak Siam Phatlo Chu Siam Phatpiakta

16th March 2021 | Kanam Vaiphei.

Thu aki hiat dan in Thanlon bial sung ah Tuili khua Tuili Lei k*m sawt tak senetnut ah um zing chu Pu.Vungzagin Valte, CAF & PD, Law, Labour and Employment Minister Government of Manipur in a siam phat piak tai tithu aum hi.

Zia gual ah ma hun la, Minister leh asep khawm pi Pu.Kamkhanhau te hi mi pi tamtak in apa chat thu uh genbep uh hilo in Gam leh Nam khawtua ahi dan uh ana sep un alat sak ui ti chu mipi lam mudan le hi ngei ding in iging chai. A hat dan uh chu zia lei hi ni 3 sung ah asiam zaw ziang uh ala hi ahi. Pachat aum khawp mai ui.

~Vaiphei Tawngsua

16/03/2021

Tuni March 16, 2021 in Lamka Khopi ah Rally Against Poppy Cultivation and Drugs Abuse sai in om hi. Hiai ahihleh Churachandpur District sung a khamtheih doudalna ding a a thak a panlakna leh tangkouna ahi a, michih in a hoihlouh dan leh khangsawnte a suksiatdan thei a pankhawm a nasep ahihna ding tangkouna ahi hi.

Hiai Rally ah veng tuamtuam apan Khamtheih toh kisai a veina leh awlmohna nei tamtak paikhawm uh a, Tangnuam Field a kipan khia in, YPA GHQ Hall, Hiangtam Lamka ah Function zat in om hi. Hunzatna ah CM N Biren Singh Chief guest in pang a, District Incharge Minister ban ah, MLA leh District sung a officials ban ah CSOs leh Nam heutu tuamtuam paikhawm uhi.

Hiai ahihleh tuma a Manipur a nam heutu tuamtuam in War against Drugs toh kisai a panlakhawm ding a a namkip uh bohzuina hoihtak a campaign sai a om hiding in lam-ethuai hi.

Hiai sual douna ah, philanthropic, CSOs, hausa ban ah michih in mohpuakna nei ahihna ah, pantheihna lamchiat a pang a, tangkou poimoh mahmah ahihdan muh in om hi.

21/02/2021

February 19, 2021 a kipan in Guite Road dung a khua omte lak ah Sinzawl, Khuanggin, Songtal, Mualnuam & Thuangtam a ding Solar Street Lightning System Installation nasepna pai lellel a, zoh siang pah lamet ahi. Hiaibang a piantheihna dinga pan latu Pu V. Valte , Hon'ble Minister (Tribal Affairs & Hills,GAD & Transport) Govt of Manipur tung ah abial mipite kipak mahmah uh ahihdan thutut kingah a, na hoih semthei zel ding a Minister Pu leh a Innkuante Pathian in makaih zel a deihthu uh taklang uhi.

07/01/2021

Aibulon to Bungpilon kikal Black Topping pat in omta hi. Hiai ahihleh Thanlon Sub division nuai a on ahi hi.

30/12/2020

Gamsa sa in thau in kaplum

Zan in Songbiakdik s/o Langpau of Hanship khua in gamvak a a kuanna ah Leisen khomi gamvak mah Pa Darlienthang' tapa, zawng(monkey) sa in kaplum kha chih thu kiza hi.

Hiai toh kisai in tuni in a Pate Inn Rengkai ah kihouna neih in om a, tupmawng hilou ahihna ah a sia leh a pha mihingte'n tuah theih gige ahi chi in Innsungmite'n khutkhial lamte lutna san ana pomsak uh a, singpi na dawnsak uhi.

Khutkhial innteeklam te'n leng sigalna in puandum ban ah Sum Rs. 300,000 piak di'n kihoulemna om thei hi.

Tuahsiatna kawmkal ah Lemthei tak kihoulem theih a om man in thupi isa a, lusuunna tuak sungkuante leng sunpih thu i puang ahi.

23/12/2020

Minister Pu Vungzagin Valte in, a bial sung a Mualpheng khomi, inntung ding langva poimoh leh tasam mahmahte' AW za in, panpihna pia a, tu'n a khuhzouta leh a khuh lellel om uhi.

Hiai toh kisai in Minister Pu tung ah, khomite kipak mahmah uh ahihdan Unit committee leh innneite apan in thutut kingah hi.

11/12/2020

Suongsang, Thanlon Sub-Division.

08/12/2020

December 8, 2020¦ Lamka to Bukpi MST Bus flagged Off zoh a masapen ding in tunitaklam in Bukpi vangkhua ana luutta hi. Bial mite ading a zinvelna adia manpha ahihman in kipahhuai mahmah hi. Hiai ahihleh a totkhak khua teng a ding a tuan theihna ahihban ah, Tipaimukh Road tawn in tai hi.

08/12/2020

Electric in manlum

Thanlon ¦08.12.2020¦ Muanhuai tak apan thukizadan in tunitaklam dak 5pm vel in Pa Domsangkhum (K*m 50 vel ) of Thanlon (tulel a bungzang khua a om) in a nektawm zonna mausat (cutting bamboo) ding a a kuanna lam ah 132kv Thanlon LoC no. 193 leh 194 kikal ah Electric in kisukha a, electric in a matna thuak zoulou in honna mualliam san hi.

Thukiza dan in electric in a matna mun ahihleh Tallian leh Suangpehmun kho kikal hi in kigen a, a luang ahihleh Thanlon ah Post Mortem ding a tut in om hi.

I suun mahmah kawm in a nutsiat sungkuante i thuakpih petmah ahi.

24/11/2020

Lamka 24.11.2020: Tuni zingkal in Minister Vungzagin Valte (Tribals Affairs and Hills, Transport & GAD) leh a teamte a constituency 56- Thanlon A/C fang ding in na kipankhia uhi.

Minister teamte'n ahihleh khotuam tuam ah giak in Public meeting ban ah development pailel, lamlian kibawlte toh kisaite etkhiakna leng nei ding a, mipite toh kithuah in Government School building zoh a omte leng hongkhe tou ngal ding hi.

Amau ahihleh 27.11.2020 in Lamka hongkik nawn ding ua, a zing nawn in Imphal ah paisuk ding hi.

Hiai Tour programme ah mipoimoh Officials leh SDO Pherzawl, SP Pherzawl chihte'n leng zui uhi.

Lamzang leh thoveng tak a a lamzan uh i deihsak mahmah ahi.

30/10/2020

Minister pu in innkang panpihna pia

30-10-2020: Muanhuaitak apan thu kizadan in, zan nsunnung 2:30pm vel in Thanlon Sub-division nuai a om Pangen khua a Pa Lientinlal Gangte' Inn mei in kangtum hi in kigen hi.

Meikuang kipatna theihchet hikei mahleh, van bangmah lakkhiak manlouh in kangtum dimdem ahihdan thulakna in gen hi.

Hiai toh kisai in bialtu TA & Hills Minister Pu Vungzagin Valte in tuni in innkang panpihna ding in 0.30 mm GCI sheet Bundles 5, Ridging + Screw, Anntang bag 2, chhana bag 1, Blanket ( DC) 2 pieces chihte pia hi.

Tulai khokeu hun ahihman in kuapeuh pilvan mahmah poimoh hi.

09/10/2020

GUITE ROAD KEKLETNA VAI AH MEETING NEI

October 09, 2020: Zan in Pu Vungzagin Valte, Hon’ble Minister (TA & Hills, Transport, GAD) makaih in Office Conference Hall, Old Secretariat, South Block, Imphal ah Guite Road improvement toh kisak kikupkhawmna om hi.

Hiai hun a Govt officials kihelte:
1. Pu Letkhogin Haokip IAS, Addl. Chief Secretary
2. Pu Paulunthang IAS, Principal Secy (Transport, Works)
3. Pu Rajeev Sood, ED, Nhidcl
4. Pu Ajit Singh, GM, Manipur South, Nhidcl
5. Chiefs of Guite road: C.Tuiveljang, Suangdoh, G.Bualzang, Lungthul L, Lungthul D, Kangkap, Thuangtam, Mualnuam, Songtal & Khuanggin village.

Kikupkhawmna khenkhat:
1. Minister in hichi banga kikupkhawm theihna di meeting a sappen, Hausate kipak mahmah uh ahihdan leh Hausaten a poimoh bangbanga road construction toh kisai a kithuahpihna peding uh ahihdan chiam uhi.

Tu malam a MD, NHIDCL in Manipur CS kianga a laikhak a- Hausaten _“creating unnecessary problems, extortionist tendiencies”_ nei chidan a angohna toh kisai Hausa lam in lungkimlouh thu naktakin gen uh a, ED in MD kianga ana tun dia gen in, "we are peace loving & law abiding citizens," chi in gen uhi.

ZSF makaihna a Guite road a mass Work (k*m 2007/2008) lai a si-Mr.... min a waiting shed khat bawlkhiak hoih sa ahihdan a gen ban ah, hausa lam inleng lemsa in project a lamzan leh lohchin sem na dia kimuhkhawm zel poimoh sakthu gen uhi.

Public amenities- Bus bay leh toilet khua a tam thei lam a koih ding, Mobile Ambulance paisak ding. Tua kia hilou in Minister Pu heu a Govt lam a heutu lian tuamtuam banah, NHIDCL, DC, SDO leh Hausate toh joint tour paikhawm a, nasepna mun a khua, mipi leh contractor te toh kihoulim a, project lohchin nanga pankhawm a poimoh dan a tangkou pih ding chihte leng genkhawm in om a, Minister Pu in, project lohchin nang a Hausa leh mipi toh thu ki mutuah a om poimoh ahihdan officialte lak ah gen tuantuan hi hi.

07/10/2020

MIMANG SISA A MUH HITA

Aibulon gam a nasem a kiloh Mr. S. THANGSUANLAL h/o Mrs. Vungkhanchiin apaisa Kiginni 03-10-2020 apan a omna kitheilou zonna toh kisai in tuni in khokim leh paam a om mipite'n ZYA makaihna in zonna nasep pan uh a, tuni 07-10-2020 a aluang sisa a muhkhiak in om hi.

Hiai nasepna toh kisai a kul leh poimoh a hon kithuahpih Minister Pu Vungzagin Valte (Anntang, Chini leh Dal mimang zongte adia hon thoh), Khokim khopam / khual leh tual agamla anai apan phatuamngai taka mimang zonga hongkuan te tengteng leh Paisuk paitouh na ding Gari thohte tung ah ZYA leh AYC in kipahthu gen hi.

Misi ahihleh Tuiliam Lui khang in a tuah, Luipang a Sing lianpi kiphuk om in na oh kha a, huai a taang hi in kigen hi. Huai a tang khalou hileh saupi tui in tai ding ahihdan leng kigen hi. Hiai toh kisai thuzak ahihtan in Post mortem bawl ding sawm hi a, himahleh thuchian bel theih hilou a, Aibulon ah hankuang ding bawlna pailel hi.

06/10/2020

Thanlon Sub-division sung a om T. Maujang leh Suongsang khawng hi ei, vaak phingpheng.

06/10/2020

Mimang muh hinailou

Aibulon ZYA unit in Thangsuanlal ni-7 sung a kimuhma zong ding

Minister Pu Vungzagin Valte in kithuahpih

Unaupa Thangsuanlal zawnna; Day-2

Aibulon 06.10.020: Unaupa Thangsuanlal zonna toh kisai in muh teitei sawm a panlakna paitou zel in tuni inleng kho kim leh kiang pangkhawm in zonna neinawn uh a, himahleh lohsam lai uhi. Tuni in pawlkhat in buuk ding bawl ua, adangte'n muanmohna teng va dapkual uhi. Muanmohna teng dap himahleh muh hinailou lai hi.

Hiai toh kisai in Bungpilon leh Aibulon ZYA unit te'n maban panlak dingdan kik*m uh a, nitaklam dak 3pm leh chih in kikhen phot uhi.

Unaupa zonna ding a a muanmoh deuh uh Tuiliam Lui ahihleh zan sang a tui a tam zawk ziak in deihbang a zontheih hilou ahihna ah masawn haksa mahmah hi in kigen hi.

Unaupa thu toh kisai in tuni mah in Aibulon ZYA unit te'n meeting thupukna dungzui in theihtawp suah a a kimuhma ni-7 sung zong ding uh ahihdan gen uhi.

Tualou in ZYA phaitong leh ZYA Khangzang unit te kiang ah leng mimang tohkisai a panlakpih di'n Phone tungtawn in ngetna bawl uh a, pangkhawm a naksem a zon hiding ahihdan thutut kingah hi.

Hiai vai mah toh kisai in Tuni in Unaupa omna khua/ veng Dorcas veng inleng khotual hihna toh awlmoh in gari khat in na delhsuk ta uh a, zingchiang in leng kuan nawn ding uh ahihdan thutut kingah hi.

Mimang zonna vai ah mimang zongte nek-leh-dawn ding -

Anntang -6bags
Chini -1,bag
Havai -1bag
M/oil -5ltrs
Phulun pum -5kg
Bawngnawi & singpite chihte Minister Pu Vungzagin valte in Aibulon Hausa incharge Khamsuanthang Guite etkai ding in khaktou hi.

Thumna ah phawk chiat ni.

Limlak: Mi zong a kuante kingakna bukta

05/10/2020

MI MANG MUH HINAILOU

05.10.2020: Aibulon gam a Sing-atsa pawdia giah kuan Pa Thangsuanlal w/o Vungkhanchin of Dorcas veng, Convention Road ahihleh October 4 apan a muh a a om nawnlouh nung tunitan zon himahleh muh hituanlou hi. Amah ahihleh Sing-atte toh giakkhawm hi ua, amah pen Sing-atsate pua a om ahi a, Tuiliam dung a mang hidan in kigen hi.

A kigen dan in Kiginni zingsang dak 4:00am tan giahbuk a omlai a, himahleh zing ann nedia leng hong pailou hi in kigen hi. Huchi'n a lawmte patau ua, khomite ban ah vaikuante leng patau ua, himahleh hungaih lai uhi.

Hungaih ahihnung aleng a tungtang thu a kitheih tuanlouh ziak in Khomite toh khodang Palkhuang, Mualnuam chihte apan pangkhawm in ZYA makaihna toh tuni in Tuiliam Lei khang (a giahbuk kimlak uh) lui pangtuak zonna nei uhi. Sulnung zuih theih dandan in zui mahle uh zuimong uh ahihziak in, tuilak muangmoh uhi. Tuilak lah zon nangaihna omlou in tui tamlua a, lui lah hoihlou ahihtoh tuilut ngam mawkdi hilou ahihman in nitum tan in muh hinailou hi.

Hiai thu sut ahihtan in mimang zonna Zingchiang a sutzop hinawn ding ahihdan kigen hi.

Limlak: Mimang pen leh a zongtu Mipite

27/09/2020

Manipur government a Major Cabinet reshuffle neih ahihzoh in tuni in lakluut thak a om minister te lak ah Portfolio hawmna neih in om hi.

Portfolio kihawm dungzui in singtangmi apan Minister Pu Vungzagin Valte (from 56-Thanlon A/C) in Tribal Affairs & Hills, Transport, GAD len ding hi.

Minister thakte i kipahpih mahmah ahi. A gam leh mipi ban ah District khantouhna ding a hahtak a hong pan uh deihsakthu i khak ahi.

27.09.2020

24/09/2020

Pu Vungzagin Valte leh midang 4 Minister a lakluut in om
24.09.2020: Tunitaklam in CM N Biren makaih Manipur State solkar ah Cabinet Reshuffle om a, huai ah melthak 5 lakluut in om hi.

Minister ding a lakluut a omte ahihleh Pu Vungzagin Valte, MLA 56-Thanlon A/C leh midang 4 hi uhi.

Tuni mah in Kichiamna neingal uh a, mediate dotna a dawnna ah hiaibang a deihsakna petu CM ban ah Party makaite tung a leng kipak ahihdan gen in, a bial mite ading kia a Minister himailou a, a mi leh sa, a district ban ah state solkar ading a ahihtheih tan a na sem a panla ding ahihdan gen hi. A genbehna ah, khentuam leh paihtuam omlou a na sep hiding ahihdan gen in, hiaitan a tunna ding a deihsaktu tuamtuam, ngainatu leh mi tuamtuamte tung a kipak mahmah ahihdan gen hi.

Tua kia hilou in, khantouhna ding a amah hihtheih tan a chihtakna toh nasem ding ahihdan gen a, Pathian ompihna leh mipite kithuahpihna ziak a lamzan touh lam-en ahihthu gen hi.

Lohching leh gahsuah a, mipite ading a na lamzangtak a hong sep i deihsak mahmah ahi.

Tuni a Minister lakluut a omte:
1. O Lukhoi (Wangoi A/C)
2. O Henery (Wangkhei A/C)
3. Vungzagin Valte (Thanlon A/C)
4. Sorokhaibam Rajen (Lamshang A/C)
5. Th. Satyabrata (Yaiskul A/C)

24/09/2020

Sinzawl khua a tuilakna haksa toh kisai in, State government apan Bialtu MLA deihsakna toh Tanky a tui hoihtak a lutna dia panlakna muhtheih in omta hi. Hiai apan hawmlual hiding dan ahi. Sinzawl khua ahihleh mualdung a om ahihman in tuilakna ah hun paisa in nanwgkaina natuak sek uh a, mun gamla p**i pan a tui zawlluut ahi a, a zawlna a ginatlouh chiang bang in tui deihbang a muh hilou hi. A omna mun ahihleh
Pic: Tuikai veng, Sinzawl

24/09/2020

Thanlon bial a om Aibulon leh Bungpilon kikal lampi black topping nading a, poimoh thilte bawlna ding in Khajang gam a Camp Gotechiang kichi mun tutpat in omta a, kim dekdek ta hi.

Hiai Gotechiang Camp ahihleh i theihsiam ding in arkatara leh suang sekte lawi a huanna mun ding, suang gawi neuna khawl koihna mun ding....chihdan ahi.

Lamzang tak a na hong sepzel uh lam en mahmah hang.

03/09/2020

Thanlon A/C Bialtu MLA Pu Vungzagin valte panlakna a Bukpi khua a Residential School/Hostel koihna ding toh kisai Pherzawl ADC, S.Theinlaljoy Gangte makaih , Bukpi V/A toh a mun ding et khiak a neihna uh ahi. A lim ah tangvum kimu pen hiding in gintak huai. Huai ahihleh Bukpi leh Bukpi Bethel kikal a lamsak a Mualvum.. Thumna mun kiang, Bethel lampang hihtuak hi. Pherzawl ADC pu gendan in a building kizou photphot leh kigen hiauhiau dan in JNV ding ale panlak touh theih ding chih ahi. Hiai toh kisai a vaisaite hong lamzan uh deihhuai mahmah sak in om...

30/06/2020

56- THANLON A/C AH NFSA/ PMGKAY/ OMSS ANNTANG A 4VEINA HAWMSUAK

Lamka 30, 2020: Covid-19 ziak a nek leh tak buaina toh kisai in Solkar in 56-Thanlon A/C ah tunitan in Solkar apan Scheme tuamtuam tungtawn a hawm ding antang hongpai bang bang-te hawm in omtou zel a, tunitan in a 4vei hawmsuak hita hi.

A 4veina ding in apaisa June 21, 2020 in Thanlon bial a ding in FCI Godown Tualnuam leh FCS Godown Headquarter veng apan in Anntang leh Havai puakhiak in om a, Thanlon bial a khua omte a hawmtouh in om hi. Hiai anntang ahihleh inn khat ah Antang Kg 25 leh Solkar in piak ding a chihbang in Dal leng hawmsuak in om hi.

Antang hawmna toh kisai ahihleh Covid-19 ziak a Lockdown kipat a kipan lamzangtak a 4vei hawm suak chihna hita a, a khatveina ah 25 Kg/ household, a nihveina ah 25 Kg/ Household, a thumveina ah 50 Kg/household leh a Liveina ding a 25 Kg/ household leh havai, a vek a gawm in tunitan in Innchih ah Anntang 125 Kg kihawm kheta hi.

Hawm a om antangte ahihleh Thanlon bial a CSOs, VA leh Organization tuamtuam te kithuahpihna a lamzang tak a hawm a om ahi a, mipiten a tan ding bang uh a tan theihna ding un Bialtu MLA Pu Vungzagin Valte, Chairman MTDC in pan nasatak in la hi.

Tutung anntang hawmna toh kisai a anntang puakkhiakna ding vai a Transportation Fund a huntak a nawngkaina a omsek ziak in,
Thanlon Bialtu MLA in ama mimal sum seng in anntangte khochih a tunna ding a panla hidan in kigen hi.

Thanlon Constituency sung ah ahihleh Government record dan in khua 72 omlel a, Pherzawl Bial ah Khua 7, Thanlon TD Block ah khua 47, Mualnuam TD Block ah khua 18 om hi.

30/06/2020

MIMANG

June 30, 2020|| Thutut kingah dan in Apaisa June 29, 2020 in Pa Jamchinthang b/o Chinkhanson of Palkhuang, Tuiliam zaang a Pa Songinte lou a giak dia kuan, Sosom s/o Siamzading Sinzawl in Bangla chiang tan gari a vakha hi. Sunma dak 11:00 am vel a Buk mun tung dia hisap ahihlai in sawtpi tunglou in om nilouh a Sinzawl a a tanau laina bangzah hiamte kizawn khawm in vazong uh chih thu kiza a, himahleh tuni Zinglam dak 1:40am tan bang in leng muh hilou hi.

Hiai toh kisai in tuni in khokim kho kiang toh pang in ZYA makaihna a zon in om a, Unaupa' vanzat khenkhat a muhna ua pan a sulnung bang tan hiam zuih thei in om a himahleh sau suitheih dia omlou hi in kigen hi.

Zing an nelou a kuante Pa Songin lou a an nek dia ngak in huai apan zonna pan nawn uh a, tutan in bangmah thuthak om nailou hi. Thu kiza nanung pen ah a sulnung dan a muhpen uh deih a batlouh ziak ua zong buai mahmah uh hi in kigen hi.

Zingchiang in ZYA makaihna in zonna sutzop hiding ahihdan thutut kimu hi.

Damtak a muh ahihtheihna ding in thumna ah phawk ni. A zong tute ading inleng thumpih ni.

27/05/2020

Thanlon Bial anntang Phase 3na hawm zoh hita.

Innchih in Kg 50 chiat a tang uh ahihdan gen in, District Administrator, SDO ban ah Bialsung a Philanthropic Organisation tuamtuam Zomi Youth Association GHQ, Vaiphei Youth Association GHQ leh Hmar Youth Association GHQ chihte'n kithuahpih in anntang hawmkhiakna toh kisai etkaina nei uh ahihdan ki gen hi.

27/05/2020

Anntang Phase 3na hawm zou:
Innchih in Bag khat (Kg 50) chiat in tang

May 27, 2020: Covid-19 ziak a neektak haksatna toh kisai a Thanlon bial a Anntang kihawm dan toh kisai 56- Thanlon A/C a Bialtu MLA Pu Vungzagin Valte in a genna ah, Phase masa ah Anntang Kg 25 huding Innchih a hawm a om ahihdan leh Phase nihna a leng tuabang mah a Kg 25 mah hawmsuak a om ahihdan gen hi.

Tualou in Phase Thumna leng hawmzoh hita a, huai ah innchih in Kg 50 chiat a tang uh ahihdan gen in, District Administrator, SDO ban ah Bialsung a Philanthropic Organisation tuamtuam Zomi Youth Association GHQ, Vaiphei Youth Association GHQ leh Hmar Youth Association GHQ chihte'n kithuahpih in anntang hawmkhiakna toh kisai etkaina nei uh ahihdan gen hi.

State dang apan a innlam hongpai a bial mi, Quarantine Centre a omte toh kisai dotna a dawnna ah District Administrator te lemgelna toh tulel a *En Gedi Retreat Centre, Gelzang ah* a bawl a om ahihdan gen a, huai ah tulel in mi 160 om a, mi 32 te Thanlon A/C apan ahihdan leh a dang mi 128 te Tipaimukh A/C apan ahihdan gen hi.

Quarantine centre etkaina toh kisai a genna ah, panlak theihtawp a panla a, a vangkim a phazel ahihdan gen hi. Quarantine a omte a ding a Antang Bag 30 peta ahihdan gen a, Mehding Dal Kg 150 ban ah, um leh bel vanzat poimoh, Hand Sanitizer leh Mask chihte ban ah a poimoh bangkim a kithuahpih touzel hi in gen hi.

Tuate ban ah tulel a Quarantine Centre a omte, a ni a chinchiang a innlam a apaina ding uh Transportation toh kisai poimoh ngaih mahmah ahihdan gen a, aman ngaihtuahsak a felsa diam a koihta ahihdan gen in, a lem hunhun a buaihetlou a innlum chiat tut hiding in gen hi.

Huaiziak in, hiai hun haksatak ah, mimal, mipi hi in heutu tuamtuam te kiang ah, i palkai theihna ding ua pangkhawm a kithuahpih chiat ding leh hihtheihna chiat a panla khawm ding in chialna leng bawl a, India solkar in hiai Covid-19 hipi toh kisai a, apanlaknate ahi ding bangtak a a lohchin theihna ding a pangkhawm ding in ngetna leng bawl hi.

30/03/2020

LAWMTHU KAN HRIL TAK MEU
To,
Shri. Vungzagin Valte
Member of Legislative Assembly
56 Thanlon AC.
& H.Y.A Volunteers

Hripui ṭibaium tak Coronavirus (COVID-19) in khawvel a rûn mêk le inzawmin India sawrkarin a ram mipuihai himna dingin Total Lockdown a puong a. Chuonglai zing chun tlangrama khawsa, nitin nisa suok zuia fâkfâwm zawngtu ta ding chun khawsak dân ding ngaituo thiem an tak ta hle. Kan thiemna le varna hmangin fâk le dâwn zawng dân kan hisâp dawk zo ta naw lai zingin kan lungngaina theinghil ngailo le kan ngirhmun ding hrethiemtu MLA fel le ṭha kan inei Shri. Vungzagin Valte hmanga Pathien le sawrkara inthawk bufai, Pherzawl khawsung mipuihaiin a thlawn a kan fâk ding a mi hung pêk el hi KAN VA LAWM BÊK BÊK de!. Kan beidawng dân ding le kan lungngai ding zie hretu MLA kan nei che hi vangnei kan inti hle a nih. Sûm dum karah nisa var mawi tak a hung inlang angin kan ta dingin var ropui tak i nih. Thuk-a mei en el bâk chu hmabâk kan nei ta naw ding laia Thuk-a inchuon ding bufai kan hang hmu el chu KAN VA LAWM EM EM de!. Sungkuo tin kan lung lâwm a kim ngei ie.I hringnun lamsuk, lamtung ah Pathien chun umpui sienla che, hrisêlna dâm, thiemna le varna i mamaw ang peiin Pathienin vur raw sen che. Jospeh kuoma um zing hlak Pathien chun umpui sienla che, ṭampui senvung kara sâwmdâwltu ropui tak nina chang pei dingin kan ditsak che.

Bible-a " Thil ṭha chanchin lâwmum inthluntuhai ke chu a va mawi de!" ti a ziek ang khan tha le zung tam tak sêng a, tlâwmngaina chungchuong insuotu H.Y.A Volunteers Pu. Peter Sanate, Rengkai le a ruolhai ke chu a va mawi de!, kan ti naw thei nawh. Hri le hrai inlêng karah bufai an mi hung inthlun pêk hi KAN VA LAWM DE !. An inrimna Lalpaah chun thlawn naw nih.

Pherzawl mipuihaiin fâk ding kan hmu theina dinga remhrietna le tha le zung tam tak sêngtu, an hming kan ihriet sêng lohai popo chungah khawm lâwmthu kan hril bawk a nih.

Pherzawl mipuihai awi a lawmthu hriltuhai,

Sd/-
Ramchuoilo,
Chairman, V.A

Sd/-
Fimzahlei,
Secretary, V.A

Sd/-
Lalchelzing,
President, H.Y.A

Sd/-
Tlangsanluoi,
Secretary, H.Y.A

Sd/-
Darthangsei Amo,
Chairman, BJP Unit

Sd/-
Siemremthang,
Secretary, BJP Unit

Sd/-
Lalhminglien
Vice - Chairman, Val-upa

Sd/-
J. Malsawm,
Secretary, Val-upa

Sd/-
Upa. Lalṭhuom,
Chairman
Pherzawl Kohran Inzâwmkhâwm

Sd/-
Pastor Lalchanglien,
Member,
Pherzawl Kohran Inzâwmkhâwm

Sd/-
Pastor Lalthangkung,
Member,
Pherzawl Kohran Inzâwmkhâwm

30/03/2020

AHUNTAK A MUHTHEIH PANLAKNA
(NE-TV National)

Tuni (30/3/2020) nitak in National NE- TV Manipur in Manipur a Corona Virus hipi leng toh kisai a "A huntak a Relief panpihna bawl" Pu Vungzagin Valte, MLA & Chairman, MTDC hi'n taklang hi.

Pu Valte in ahihleh abial (56- Thanlon Constituency) huamsung a anntang nekding suansamte khualna in March 28, 2020 in a teenna Lamka a kipan a bial a ding Antang tamtak Official tak a Khahkhiakna (Flag-off) bawl in thonkhia a, huai ah mipoimoh tamtak in uap uhi.

Hiai thotkhiak a om antangte toh kisai a a hawmkhiakna ahihleh District Administration lam apan DC, SDO, leh Police in mohpua in enkai uh a, Nam tuamtuam apan Philanthropic Leader te'n spot monitoring bawl in, ni 2 sunglel in a bialsung a khua 97 % hawmsuak zou hi.

Hiai toh kisai in Government in Public Distribution Centre di'n Thanlon & Mualnuam kia identified mahleh khua 64 vel ah door-step tan ah anntang puaktung ahihna ding a lemgel theih a om hi'n kigen a, Manipur singtang Area adia ahuntak a semhoih masapen hi'n thusuak in gen hi.

Hiai toh kisai Pu Valte in a genna ah, Corona Virus ziak a suansamte kitheihmoh bawl vual hilou ahihdan leh PDS antangpe'n thukin ahih dungzui a tutmun a ngak chi hilou a, i kiang a hawm dia hong tung mawk ding lam-en a om hun leng hilou ahihdan a gen ban ah, hihtheihna zahzah a va delh a, va sai a, kipei ngai ahi chi hi. A genbehna ah, ei zekai hiam, a huntak a zohlouh ziak a innkuan tamtak na buaise thei ahih theikawm a, ka bial mite a haksat hun ua delh dia mansa a om gige ka hi chi hi.

Tuate ban ah, a hawmkhiakna toh kisai a tha leh zung seng workers te, District Administrator lam ate hi in, a hawmna teng a theihpihtu a pang bial chih a philanthropic org heutute tung a kipak mahmah ahihdan gen hi.

29/03/2020

Suongsang Khua ah PDS Antang hawm in omta. Suongsang ahihleh nidang a unau Thadoute khopi ahi a, Pangen-Phaizang phakma a khua om ahi. Amau lam bel zin leh leng omlou ahihna ah natna hileng pen ah thoveng mahmah lai hi.

29/03/2020

Zodawn lam kho tuamtuam a ding antang hawmkhiak leh suahkhiak in omta hi.

28/03/2020

28-03-20: Tulai a natna hipi leng toh kisai a mipite haksatna awlmoh in Pu Vungzagin Valte, MLA Thanlon A/C & Chairman MTDC in PDS antang tutmun a ngakthoh mailou in va noh zen in panla a, tuni in Thanlon bial a ding puakkhiak hiding hi in kigen hi. Sun lak vel in a Tenna Dorcas veng apan khahkhiakna om ding a, huchi in a teamte toh a bial lam zuan ding uhi.
Tua dungzui in Kin leh buang in khochih a anntang poimoh ding zah list bawl in om a, feltak leh selguk omlou a sai ahihtheihna ding in panla hi. Khua khenkhat ahihleh inn phazah adiklou deuh bangleng om ding a, himahleh huaite pansan a a tangpi paiding dan bawl a om hi inleng kigen a, a khua ah a poimoh bang a hawm dik hiveve ding hi in gen hi.
Hiai Anntangte ahihleh HYA, YVA leh ZYA in amau bial chiat a te na etkaipih ding uhi.
Lamzang tak a a tun ua, mipi tamtak in a phattuampih i lam en ahi. Toupa'n makaih zel hen aw.

27/03/2020

Coronavirus hipi leng ziak in gam vaihawmtute'n Social distancing ngaipoimoh a a gen bang un, Zodawn khuate ah leng zuih diamdiam in om hi.

26/03/2020

26-03-20: Thanlon Bialtu MLA Pu Vungzagin Valte in tulai a CoronaVirus ziak a buaina om toh kisai ngaikhawk kawm in, nektak zonna haksa diak te khualna in ama bial lam ading kia hilou in, Ccpur district pumpi a ding Khanawn quota PDS Antang puakkhiak dingdan ngaihtuah in Lamka ah truck 6 hong tuntou hi. MLA pu'n amun mah a hawmdia zui ngalding ahihdan leng gen ban ah normal process dan a PDS anntang paipe'n ngak thoh theih hinawnlou a, kaihkhiak theih zahzah kaihkhiak a noh hun ahi chi in gen hi. Tupbang lohching tak a a paitheih i deihsak kawm in, hiai tungtawn in Bial mipi tamtak in hamphatpih leh i chi ahi.

20/03/2020

▪Bukpi khua ah Solar Power park. Khaw khunglui lam a om di'n kigen.

(Areas 100 acres of land under MTDC)
Under MTDC as SPPD.

04/03/2020

SUUNNA : 4th March, 2020
Tunitaklam 1:30 PM vel in Nu Kimzaniang w/o Th.Dongchinpau, Chief of Thanlon in hinna mualliam san hi.

Amah ahihleh hun sawtpi tak paisa apan Cancer natna nei a damlou a om zong ahi hi.
A luang ahihleh zingchiang 5th March, zinglam dak 9:00am in Thanlon khua puak hiding hi.
Hiai toh kisai in bialtu MLA Pu Vungzagin Valte inleng delhpah a, puan tuamna nei hi.

Lusuunna tuak innkuanpihte Toupa'n khamuan ta hen aw.

28/07/2021

01/07/2021

27/05/2021

05/05/2021

24/04/2021

25/03/2021

16/03/2021

16/03/2021

21/02/2021

07/01/2021

30/12/2020

23/12/2020

11/12/2020

08/12/2020

08/12/2020

24/11/2020

30/10/2020

09/10/2020

07/10/2020

06/10/2020

06/10/2020

05/10/2020

27/09/2020

24/09/2020

24/09/2020

24/09/2020

03/09/2020

30/06/2020

30/06/2020

27/05/2020

27/05/2020

30/03/2020

30/03/2020

29/03/2020

29/03/2020

28/03/2020

27/03/2020

26/03/2020

20/03/2020

04/03/2020

Address

Website

Alerts

Videos

MST Bukpi Bus

Shortcuts

Share