True News (2024)

06/06/2024

“သမိုင်းမဲ သမိုင်းပုပ်နှင့် ဆက်လက်ရှင်နေသူ”
~•~•~•~•~•~•~•~•~•~•~•~•~•~•~•~•~•~•~•~•~•~
မြန်မာသက္ကရာဇ် ၁၃၅၂ ခုနှစ် ပြာသိုလလောက် တွင် ဖမ်းသွားပြီး ၁၃၅၄ ခု ဝါခေါင်လဆန်း၅ရက်
တနင်္လာနေ့ ညနေ ၆ ၃၀ နာရီအချိန်တွင်

(၁၉ လ ကြာနေခဲ့ရသည့် )နန်းတွင်းမှ ပြန်ကြွလာ သော ဆရာတော်ကြီး ဦးရာဇဓမ္မာဘိဝံသ က

သူ့ဒကာရင်းတယောက်အား ပြောပြသည်မှာ

“ငါ က မွေးကတည်းက ခုထိ ထောင်ကျလောက်
အောင် ဘာအပြစ်တခုမှ မလုပ်ခဲ့ဘူး ကွ”

ဆက်လက်၍ ဆရာတော်က
“ငါ ထောင်ထဲရှိတုန်းက တိုင်းမှူး ထွန်းကြည်
လာတွေ့တယ်ကွ”

သူက " ဆရာတော် ထောင်ထဲနေရတာ
တပည့်တော်ပယောဂ မပါဘူး ဘုရား"တဲ့
လျှောက်တယ်ကွ ။

“ဒီလိုဆိုရင် ဘယ်သူ့ပယောဂလဲ ဘုရား?”လို့
မေးလျောက်တော့

“ခင်ညွန့် ပေါ့ကွာ” ဟု တိုတိုတုတ်တုတ်
မိန့်တော်မူခဲ့သည် ။

ဘက်ပေါင်းစုံနှိပ်စက်ဖို့ တာဝန်ယူခဲ့သူပါ။

17/03/2024

ဗခ ထွန်းမြတ်နိုင် ညီ အဖမ်းခံရပြီး အပစ်ရပ်သွားဖူးတယ်

ခု ဗခ ထွန်းမြတ်နိုင် ယောက်ဖ အဖမ်းခံရပြန်ပြီ

ဗခ ထွန်းမြတ်နိုင်အမျိုးတွေ ဘေးကင်းပါစေ အဖမ်းမခံရပါစေ ဘုရား အမြန်ပြန်လွတ်ပါစေ ဘုရား

14/03/2024

အတင်းအဓမ္မ စစ်တပ်က
မဲနှိုက်ပေါ်တာ ဆွဲနေပြီ
ဟာသ ထင်မနေကြနဲ့

13/03/2024

ဆိုင်းဘုတ်တင်ထားတာက နယ်ခြားစောင့် "ရဲ "စခန်း။ ကိုင်ဆောင်ထားတာက ခြေမှုန်းရေး မောင်းပြန်ရိုင်ဖယ်တွေ၊ လက်ပစ်ဗုံးတွေ၊ နင်းမိုင်းတွေ၊ စိန်ပြောင်းတွေ ။ နိုင်ငံတကာ မှာ သတ်မှတ်ထားတာက ရဲ" တပ်ဖွဲ့ရဲ တာဝန်ဟာ တရားဥပဒေစိုးမိုးရေး ( အရပ်သား ရာဇဝတ်မှု နှိမ်နင်းရေး) ဖြစ်တယ်။ မအလစိုးမိုးမှုအောက်မှာ ရဲ ဟာ စစ်သား တွေ ဖြစ်နေတယ်

13/03/2024

Credit Moe Aung( ၂၀၁၈ တွင်ရေးခဲ့သည်)

ကနေ့မနက် ၁၃-၃-၂ဝ၁၈
ဖုန်းမော်၊ စိုးနိုင် ကျဆုံးခြင်း နှစ် ၃ဝပြည့် အခမ်းအနားသို့ ကိုယ်တိုင်ကိုယ်ကျ မတက်ရောက်နိုင်ပေမဲ့...

၁၂-၃-၂ဝ၁၈ Weekly Eleven တွင်ပါသော စာရေးသူ၏ဆောင်းပါးကို ကျမျက်ရည်တစ်စက်ဖြင့်
ကျဆုံးရဲဘော်များအား ဂုဏ်ပြုလိုက်သည်။

" နာကြည်းစက်ဆုပ်ဖွယ်ရာ တပေါင်းနွေတစ်ည "

(၁)

ထူးချွန်ထက်မြက်သလောက် ဉာဏ်ရွှင်သော၊ နှစ်လိုဖွယ်ကောင်း၍ ရယ်ပွဲဖွဲ့တတ်သော၊ ဆရာများအပေါ်ဆိုး နွဲ့ တတ်သလောက် အရေးကြုံလျှင် သက်လုံကောင်းကြသော၊ အချင်းချင်း မိသားစုထက်ပင် ပို၍ချစ်ကြသော၊
မတရားဟုထင်လျှင် စိုးစဉ်းမျှ ငုံ့မခံတတ်သော၊ အနာဂတ်ကြယ်ပွင့်များ ဖြစ်ကြသော ကျောင်းသူကျောင်းသား တို့ ပျော်ရွှင်ချမ်းမြေ့မှု ရရှိရာဖြစ်သော ရန်ကုန်စက်မှုတက္ကသိုလ်ရှေ့ မြက်ခင်းပြင်သည် ထိုတစ်ညက စစ်တ လင်းပြင်ကြီး ဖြစ်ခဲ့သည်။

ကျောင်းခြံစည်းရိုးအုတ်ရိုးဘက် လှမ်းကြည့်လိုက်သော်၊ လုံးထိန်းများ ခြံစည်းရိုးကို အစီအရီ ကျော်ဝင်လာနေ ပြီဖြစ်သည်။

“အမှောင်တွင် ရောင်စုံမီးတန်းများ တရွှီးရွှီးအသံမြည်ကာ ဥဒဟိုဖြတ်သန်းနေသည်။ ဝန်းကျင်တစ်ခုလုံးမီးခိုး များဖြင့် ပြည့်နှက်မွန်းကျပ်နေသည်။ ကျွန်တော်သည် စစ်သားမဟုတ်ပါဘဲ ရှေ့တန်းစစ်မြေပြင်သို့ရောက်နေ သည်။ ခပ်လှမ်းလှမ်းဆီမှ အော်ဟစ်သံများဖြင့် ဆူညံနေသည်”။ (သေနတ်ကျည်ထိမှန်သော်လည်း အသက်
မသေဘဲ ရှင်ကျန်ခဲ့သူ ထိုစဉ်ကကျောင်းသား မြင့်ဦး၏ ၁၉၈၈ခု မတ်လ ၁၃ရက် နှင့်ပတ်သက်သည့် မှတ်တမ်း မှတ်ရာ တစ်စိတ်တစ်ပိုင်းမှ….)။

(၂)

၁၉၈၈ခုနှစ် မတ်လ ၁၃။ စစ်အာဏာရှင်အစိုးရ၏ ရက်စက်စွာပစ်ခတ်မှုကြောင့် ရန်ကုန်စက်မှုတက္ကသိုလ်ပဉ္စမ
နှစ် ဓာတုအင်ဂျင်နီယာကျောင်းသား ဖုန်းမော် ကျဆုံးခဲ့သည်။ ပဉ္စမနှစ် သတ္တုတူးဖော်ရေးကျောင်းသား စိုးနိုင် သည် သေနတ်ဒဏ်ရာကြောင့် ဧပြီလ ၅ရက်နေ့တွင် ဆေးရုံပေါ်၌ ကျဆုံးခဲ့ပြန်သည်။ ထိုမျှသာမက သေနတ်
ကျည်ဆန်ကြောင့် ဖုန်းမော်လဲကျသွားသည့်နေရာနှင့် မလှမ်းမကမ်းနေရာ၌ ဆဋ္ဌမနှစ် စက်မှုအင်ဂျင်နီယာ ကျောင်းသား မြင့်ဦး သည်လည်း အသည်းထဲသို့ ကျည်ဆန်စူးဝင်နစ်မြုပ်သွားသဖြင့် လဲကျနေသည်။ မြင့်ဦး
သည် ယနေ့တိုင် အသက်ရှင်လျက်ရှိနေသော မျက်မြင်သက်သေတစ်ဦးဖြစ်ခဲ့သည်။

မတ် ၁၃ မတိုင်မီ တစ်ရက်ဖြစ်သည့် မတ် ၁၂ရက်နေ့ညတွင် စက်မှုတက္ကသိုလ်ဝင်းပြင်ပနှင့် မဝေးသော ကြို့ ကုန်းရပ်ကွက်ရှိ လက်ဖက်ရည်ဆိုင်တစ်ဆိုင်၌ ရပ်ကွက်လူငယ်အချို့နှင့် စက်မှုတက္ကသိုလ်ကျောင်းသားတို့၏ ရန်ပွဲငယ်တစ်ရပ် ဖြစ်ပွားခဲ့သည်။ မိမိနှစ်သက်သည့် ကက်ဆက်သီချင်း ဖွင့်ခိုင်းရာမှ တစ်ယောက်တစ်ခွန်း အ ချေအတင်ဖြစ်ကာ ရိုက်နှက်ထိုးကြိတ်သည့်ရန်ပွဲဖြစ်လာသည်။ ရပ်ကွက်ကောင်စီကဖြေရှင်းပေးရာ ပါဝင်သူအ ရပ်သားတစ်ဦးအား ဖမ်းထားရာ
မှပြန်လွှတ်ပေးလိုက်ခြင်းကို မကျေနပ်သဖြင့် နောက်တစ်နေ့အထိ ကူးစက်သွား ပြီး လူစုလူဝေးတို့ဖြစ်ပေါ်လာတော့သည်။ အတိုချုပ်ရပါက သက်ဆိုင်ရာအာဏာပိုင်တို့၏ ရပ်တည်ချက်၊ ကိုင် တွယ် ဆုံးဖြတ်ချက်ကို ကျောင်းသားများက တရားမျှတမှုမရှိဟု ယူဆ၍ မကျေမနပ်ဖြစ်ပြီး အုံကြွမှုဖြစ်လာရခြင်း ဖြစ်သည်။ ယင်းမှတစ်ဆင့် မတ် ၁၃ရက်ည ၁ဝနာရီခန့်တွင် လုံထိန်းတပ်ဖွဲ့ဝင်အများအပြား လက်နက်အပြည့် အစုံဖြင့် စက်မှုတက္ကသိုလ်ဝင်းထဲသို့ ဝင်ရောက်ကာ မညှာမတာ ပစ်ခတ်ခြင်းဖြစ်သည်။

ခဝဲခြံဘက်မှ ဒိုင်းလွှားများကိုင်ထားသောလုံထိန်းများက ကျောင်းဝင်းဘက်ခြမ်းတွင်နေရာယူလျက် တစ်တန်း၊
သူတို့နောက်တွင် သေနတ်ကိုင်လုံထိန်းများက တစ်တန်း၊ ယင်း၏နောက်တွင် မီးသတ်ကားများက တစ်တန်း စသဖြင့် အတန်းသုံးတန်းစီလျက် အင်းစိန်လမ်းမကြီးတစ်လျှောက် ကျား - ကျား ဟုအော်ဟစ်ကာ အရပ်သား နှင့်ကျောင်းသားများ ရန်စောင်နေသည့်ကြားသို့ ကျားထိုးပြီး တရစပ်ဝင်လာကြသည်။ ထူးဆန်းသည်မှာ ထိုသူ တို့သည် ကျောင်းဝင်းထဲရှိကျောင်းသားများဘက်သို့ လှည့်ကာ အသေအချာနေရာယူပြီး သေနတ်များဖြင့် ချိန်
ရွယ်လိုက်ခြင်း ဖြစ်ပေသည်။ မီးသတ်ကားများမှ ရေများတစ်ဟုန်ထိုး ပြင်းထန်စွာထွက်လာပြီး ရေကုန်သွား သောအခါ လုံထိန်းများက နေရာယူပြီး များမကြာမီ တဖောင်းဖောင်းဖြင့်သေနတ်သံများအား ကြားနေရသည်။
သေနတ်သံမကြားမီ မျက်ရည်ယိုဗုံးများဖြင့် ပစ်ခတ်သဖြင့် ဝေးရာလွတ်ရာသို့ ပြေးကြရသည်။

ဝေးရာလွတ်ရာဟု ဆိုသည်မှာလည်း စာထဲတွင်သာရှိသည်။ တကယ်တမ်းတော့ ဝေးသည်ဟူ၍မရှိရိုး၊ လွတ် ရာဟူသည်လည်း ရှိနိုင်ရိုးလား။ မျက်မြင်သက်သေမှတ်တမ်းများအရ ပထမနှစ်ကျောင်းသား မြသင်း ၏ဘယ်
ဘက်ပေါင်ကို ကျည်ဖောက်ဝင်သွားသည်။ တတိယနှစ် ရူပဗေဒကျောင်းသား မြအောင်၏ ဝဲဘက်ခြေချင်းဝတ် နား ကျည်ဆန်ထိမှန်ခဲ့သည်။ သူတို့ နှစ်ဦးအား ခွဲစိတ်ကုသရာ နောင်တွင်ဒဏ်ရာ သက်သာပျောက်ကင်းသွား ခဲ့သည်။ သူတို့နှင့် မနီးမဝေးရှိ စိုးနိုင်သည် ပြေးရင်းလွှားရင်း နောက်ကျောကျည်ဆန်မှန်၍ တစ်ချက်အော်ပြီး လဲကျသွားသည်။

ကျောင်းရှေ့ပန်းခြံအပြင်ဘက်ထောင့်ရှိ စိန်ပန်းပင်ကို အကာအကွယ်ယူထားသော ကျောင်းသား မြင့်ဦး။ ထို စိန်ပန်းပင်ကို ကျည်ဆန်များ တဖောင်းဖောင်းနှင့်လာမှန်နေသောကြောင့် ပစ်မှတ်ထားခံနေရပြီဟု သိလိုက်ရ သည်။ ကွန်ကရစ်လမ်းကို ခြေဖျားဖြင့် တစ်ချက်ထောက်ကာ ပန်းခြံအဝိုင်းထဲသို့ စုံခုန်ဝင်လိုက်သည်။ လေထဲ ၌အလျားလိုက်ရှိနေစဉ်မှာပင် နောက်ကျောဘက်မှ စူးခနဲဖြစ်သွားပြီး ဝေဒနာခံစားလျက် မြေပြင်ပေါ်သို့ပစ်ကျ သွားသည်။ မြင့်ဦးသည် အသည်းထဲသို့ နစ်ဝင်သွားသော သေနတ်ကျည်ဒဏ်ရာဖြင့် လဲသွားတော့သည်။

ဘေးဘီကိုကြည့်လိုက်သော် မျက်ဝန်းထောင့်မှ မြင်ကွင်းတစ်ခု။ ကျောင်းသားတစ်ယောက် ကားခနဲ ကွန်က ရစ်လမ်းပေါ်သို့လဲကျသွားသည့် မြင်ကွင်း။ အခြေအနေလုံးဝမကောင်း။ (နောင်တွင် ထိုကျောင်းသား မှာ ဖုန်းမော် ဖြစ်မှန်းသိရသည်)။

(၃)

မြင့်ဦးမှာ ဆေးရုံသို့ရောက်သွားသော ‘ဆေးရုံတက်အကျဉ်းသား’ ဖြစ်မှန်းမသိဖြစ်သွားသည်။ မနက်လင်းအား ကြီးအချိန်တွင်တော့ ကျည်ဒဏ်ရာဖြင့် စိုးနိုင်လည်းရောက်လာသည်။ ထောက်လှမ်းရေးများက အခြားသူများ မေးမြန်းသည်ကို အတင်းတားဆီးပြီး ယခုရရှိလာသည့် ဒဏ်ရာတို့မှာ အရပ်သားများနှင့်ရန်ဖြစ်စဉ်က ရလာ သော ဒဏ်ရာဖြစ်ကြောင်းပြောဆိုသည်။ သို့သော်၊ ထောက်လှမ်းရေးသမားများပြောသလို အချွန်ဖြင့်ထိုးခံရ၍
ရခဲ့သောဒဏ်ရာများ မဟုတ်ကြောင်း ဆေးရုံတာဝန်ကျဆရာဝန်ကြီးက အတည်ပြုပြောကြားသည်။

စိုးနိုင်၏ ကိုယ်တွင်းရှိ အူများအားကျည်ဆန်ကဖြတ်သန်းသွားသဖြင့် ဆရာဝန်ကြီးက အရေးပေါ်ခွဲစိတ်ကာ ထိုအူအပိုင်းများအား ဖြတ်ထုတ်ပြီးပြန်ဆက်ရသည်။ မည်သို့မျှ ထွက်မပြေးနိုင်သော မြင့်ဦးနှင့် စိုးနိုင် တို့ကို
သံခြေချင်းများဖြင့် ခုတင်တိုင်တွင်ချည်နှောင်၍ သော့ခတ်ထားသည်။ တကယ့် ရာဇဝတ်သားကြီးများကို ဆက်ဆံသကဲ့သို့ ဆက်ဆံခြင်းခံရသည်။

ဤနေရာတွင် အရေးကြီး၍ ချန်လှပ်မရသော အကြောင်းအရာတစ်ခုရှိသည်။ ဒဏ်ရာရကျောင်းသားများသည်
နိုင်ငံရေးပြစ်မှုကျူးလွန်ထားသည်ဆိုကာ ဆေးရုံအောက်ထပ်ရှိ အချုပ်ဆောင် သို့ပြောင်းရွှေ့ရမည်ဆိုသည်။ သို့
သော် ဆရာဝန်ကြီးများက ကျောင်းသားလူနာများအား ဂရုတစိုက်ကြပ်မတ်ကုသရန်လိုအပ်သဖြင့် အချုပ် ဆောင် သို့ပို့ရန် ခွင့်မပြုနိုင်ကြောင်း အကြောက်အကန်ငြင်းဆိုလေရာ သက်ဆိုင်ရာကလက်လျှော့သွားသည်။ မည်သို့မျှထွက်ပြေးနိုင်ခြေမရှိသော ကျောင်းသားလူနာများအား စာနာငဲ့ညှာခြင်းမရှိသည့် လူမဆန်သော စိတ်
သဘောထားမျိုးပါတကား။

စိုးနိုင်သည် တစ်နေ့တခြား သက်သာလာပြီဆိုသော်လည်း မကြာမီပင် အခြေအနေပြန်လည်ဆိုးရွားလာသည်။ ဖြစ်ပုံမှာ ဆောလျင်စွာခွဲစိတ်မှုမပြုလိုက်ရခြင်းကြောင့် ၎င်း၏ဝမ်းဗိုက်ထဲတွင် ပြန့်နှံ့နေခဲ့သော အစာဟောင်းများ သည် သွေးထဲသို့စိမ့်ဝင်ကာ သွေးအဆိပ်သင့်ခဲ့ရာ ထပ်မံခွဲစိတ်ကုသပါသော်လည်း ဧပြီလ ၅ရက်နေ့တွင် သေ ဆုံးသွားပါတော့သည်။

နောက်သုံးလနီးပါးကြာသည်အထိ မြင့်ဦး၏ အသည်းထဲနစ်ဝင်နေခဲ့သော ကျည်ဆန်ကိုခွဲမထုတ်နိုင်သေး။ ဓာတ်မှန်အကြိမ်ကြိမ်ရိုက်ပြီး တစ်နေရာတည်းတွင်မရှိဘဲ ဟိုဒီရွေ့နေသောကျည်ဆန်၏ တည်နေရာကို ရှာဖွေ နေရသဖြင့် အချိန်ကြာမြင့်သွားခြင်းဖြစ်သည်။ တစ်နေ့တော့ အာဏာပိုင်တို့ ဖိအားပေး လိမ်ညာခိုင်းသည့်အ တိုင်း မနာခံဘဲ အမှန်တရားဘက်တွင်ရဲဝံ့စွာရပ်တည်နေခဲ့သော သမားတော်ကြီးက မြင့်ဦးကို ချက်ချင်းခွဲစိတ် ရန် ဆေးရုံသို့ရောက်ရှိလာသည်။ သက်ဆိုင်ရာအာဏာပိုင်တို့က ဆရာဝန်ကြီးအား နယ်ပြောင်းရွှေ့မိန့်ထုတ်
ပြန် လိုက်သည်ဟု နောင်တွင်သိရသည်။ နောက်တစ်ပတ်ခန့်အကြာ မြင့်ဦး၏ အနာချုပ်ရိုးဖြေပြီး သောအခါ
မြင့်ဦးသည် အဝတ်တစ်ထည်ကိုယ်တစ်ခုဖြင့် အင်းစိန်ထောင်ထဲသို့ ပို့ခံလိုက်ရသည်။ ထောင်ဗူးဝမှ အတွင်းသို့ လမ်းလျှောက်ရရုံနှင့်ပင် လတ်လတ်ဆတ်ဆတ်ချုပ်ရိုးဖြေထားသော ရင်ဘတ်ရှိ အနာသည် ပွင့် ထွက်သွားပြီး သွေးများစီးထွက်လာတော့သည်။ သွေးများ၊ ပြည်များ တရွှဲရွှဲနှင့် ဖြတ်သန်းခဲ့ရသော ထောင်တွင်း ကာလများ
အား မေ့ရရန်ဆိုသည်မှာ မဖြစ်နိုင်။

(၄)

သတင်းမီဒီယာဟူသည်မှာ အများပြည်သူအတွက် အားကိုးအားထားပြုရသည့် သတင်းအမှန်များ၊ တရားမျှတ သော ဝေဖန်သုံးသပ်မှု ရေးသားဖြန့်ဝေပေးသော ကြားခံတစ်ခုပင်ဖြစ်သည်ဟု စာရေးသူတို့က စွဲစွဲမြဲမြဲယုံကြည် သည်။ သို့ ယုံကြည်ထားသည့်အလျောက် မျှော်လင့်ထားသည်နှင့် အမှောင်ချသော၊ လုံးလုံးလျားလျားဆန့် ကျင်သော သတင်းကို ၁၅ မတ် ၁၉၈၈ နေ့ထုတ် လုပ်သားပြည်သူ့နေ့စဉ်သတင်းစာတွင် ဖော်ပြခဲ့ခြင်းကို အောက်တွင် အတိုချုံ့၍ ဖော်ပြပါသည်။

“အရပ်သားနှင့် စက်မှုတက္ကသိုလ်ကျောင်းသားအချို့ခိုက်ရန် ဖြစ်ပွား” ခေါင်းစဉ်။
“မတ်လ ၁၂ရက်နေ့ ညပိုင်း ခိုက်ရန်ဖြစ်ပွားပြီးနောက် မတ်လ ၁၃ရက်နေ့ ည ၈နာရီခွဲခန့်တွင်လည်း စက်မှု တက္ကသိုလ်ကျောင်းသားအချို့နှင့် ရပ်ကွက်လူငယ်အချို့ စန္ဒာဝင်း လက်ဖက်ရည်ဆိုင်ရှေ့တွင် ထပ်မံခိုက်ရန် ဖြစ်ပွားကြပြီး ကျောင်းသားများခဲနှင့်ပစ်ပေါက်၍ အရပ်သားလူငယ်များကလည်း ခဲဖြင့်ပြန်လည်ပစ်ပေါက်ကြ ရာမှ ကျောင်းသားတစ်ဦး ဝဲဘက်လက်မောင်းနှင့် ခေါင်းတို့တွင် ဒဏ်ရာရရှိသွား၍ ရန်ကုန်ဆေးရုံကြီး သို့တင်ပို့ ခဲ့ရသည်….”

“ကျောင်းသားအချို့သည် ဆက်လက်ဆူပူအော်ဟစ်နေကြပြီး တက္ကသိုလ်ဝင်းအပြင်ဘက် လမ်းမပေါ်ရှိ အရပ်
သားအချို့နှင့် လုံခြုံရေးဝန်ထမ်းများအား ခဲ၊ တုတ်ဖြင့် ဆက်လက်ပစ်ပေါက်ကြသဖြင့် သက်ဆိုင်ရာမှ တက္ကသိုလ်ဝင်းအတွင်း ဝင်ရောက်၍လူစုခွဲရာ ကျောင်းသားအများစုမှာ အဆောင်အသီးသီးသို့ ပြန်သွားကြပြီး အချို့မှာ တက္ကသိုလ်ဝင်း ပင်မဆောင်တွင် ကျန်ရှိနေခဲ့ကြပြီး နံနက် ၃နာရီခန့်တွင်မှ မိမိတို့အိပ်ဆောင်အသီး သီးသို့ လူစုခွဲ ဝင်ရောက်သွားကြသည်ဟု သိရှိရသည်….”

“ခိုက်ရန်ဖြစ်ပွားမှုကြောင့် ဒဏ်ရာရသူ ၁၄ဦးအနက် အရပ်သားတစ်ဦး နှင့် ကျောင်းသား ၁ဝဦးအား ရန်ကုန် ဆေးရုံကြီးသို့ တင်ပို့ကုသထားပြီး ၃ ဦးမှာ ပြင်ပလူနာအဖြစ်ကုသထားသည်။ ဆေးရုံတင်ထားသောကျောင်း သားများအနက် မောင်ဖုန်းမော် ဆိုသူကျောင်းသားတစ်ဦးမှာ သေဆုံးသွားကြောင်းသိရှိရသည်။ သေဆုံးသွား သူ နှင့် ပတ်သက်၍ မည်သို့မည်ပုံဖြစ်ပျက်သေဆုံးသည်ကို စုံစမ်းဖော်ထုတ်ကာ ပြစ်မှုကျူးလွန်သူကို ဥပဒေ
နှင့်အညီ အရေးယူဆောင်ရွက်ရန်စီစဉ်လျက်ရှိသည့်အပြင်၊ ရပ်ရွာငြိမ်းချမ်းရေးနှင့် ငြိမ်ဝပ်ပိပြားရေးကို ပျက်ပြား စေသော ကိစ္စရပ်များအတွက် ဆက်လက်စုံစမ်း ဖော်ထုတ်ဆောင်ရွက်ရန် စီစဉ်လျက်ရှိကြောင်း သိရှိရသည်…”။

(၅)

တကယ်တမ်းပြောရမည်ဆိုလျှင် အာဇာနည်ကျောင်းသား ဖုန်းမော် နှင့် စိုးနိုင်တို့ စစ်အာဏာရှင်အစိုးရ၏ လူ မဆန်သောလုပ်ရပ်ကြောင့် ကျဆုံးခဲ့ခြင်းမှတစ်ဆင့် စစ်အာဏာရှင်စနစ်အား တော်လှန်သည့် ရှစ်လေးလုံး ဒီမို
ကရေစီ အရေးတော်ပုံမီးတောက်ကြီး အရှိန်အဟုန်ကြီးစွာ တောက်လောင်ခဲ့သည်ဟု ဆိုရမည်ဖြစ်သည်။

ဖုန်းမော်ကျဆုံးခဲ့ရခြင်း အဓိကအကြောင်းရင်းကို ဝေဖန်သုံးသပ်ကြည့်ပါက ထိုစဉ်က မြန်မာနိုင်ငံပြည်သူအ များ အခြေခံလူ့အခွင့်အရေးများ မည်မျှဆုံးရှုံးနစ်နာနေသည်၊ လူ့အခွင့်အရေးများ ခံစားပိုင်ခွင့်မရှိသည့် အခြေ
အနေတွင် မည်မျှအထိရှိနေသည်ဟူသော အကြောင်းအချက်များကြောင့် ဖြစ်သည်ကို ပြက်ပြက်ထင်ထင်မြင် တွေ့ နိုင်ပေသည်။ သာဓကတစ်ခုအဖြစ်ဖော်ပြရလျှင် ငွေစက္ကူများအား တစ်ကြိမ်မက အကြိမ်ကြိမ် တရားမ ဝင် အဖြစ်ကြေညာခဲ့ခြင်းကြောင့် လက်လုပ်လက်စားပြည်သူများ၊ ကျောင်းသားမိဘများ ပြာပုံကျ အတိဒုက္ခ
ရောက်ခဲ့သည့်အဖြစ်ကို ပြရပေမည်။

ယခုပင် ဖုန်းမော်ကျဆုံးခြင်း နှစ် ၃ဝ ပြည့်မြောက်ခဲ့ပြီကော….။

ရေးသူ -- တက္ကသိုလ် မိုးဝါ

24/01/2024

မြောက်ပိုင်းအဖွဲ့ နီးစပ်တဲ့သူတယောက် ပြောတယ်၊ ဇောက်.တပ် က a pyit ရပ်စဲရေး စာချုပ်ကို မလိုက်နာတဲ့အတွက် သ်ပ်မကြာခင် ပြင်ဦးလွင်ကိုပါ သိမ်းတော့မယ်တဲ့ဗျ

AA တပ်တော်ကလဲ ဒီရက်ပိုင်းအတွင်း နောက်ထပ် မြို့ငါးမြို့ သိမ်းမယ်လို့ ကြားသိရတယ်ဗျ

ကရင်ဖက်မှာလဲ ဒီရက်ပိုင်းအတွင်း ထူးခြားမှာပါ၊

ငါတို့တွေ နိုင်ကိုနိုင်နေပြီ

11/01/2024

၁၀၂၇ စစ်ဆင်ရေး သို့မဟုတ် ကျားဖြန့်တွေဆီက ဆက်ကြေးကောက်တဲ့ မင်းအောင်လှိုင် စစ်တပ်ရဲ့ကျဆုံးခန်း

By လမ်းသစ်

"ခေတ်သစ်ကျွန်ပြုမှုနဲ့အတူ ကမ္ဘာပေါ်က လူများစွာရဲ့ သန်းပေါင်းများစွာသော ငွေကြေးတွေကို လိမ်လည်နေတဲ့ ဒီရာဇဝတ်ဂိုဏ်းတွေဟာ စစ်ရာဇဝတ်မှုတွေ အသောမသတ် ကျူးလွန်နေတဲ့ အာဏာသိမ်းစစ်တပ်ရဲ့အောက်မှာ လည်ပတ်နေတယ်ဆိုတဲ့ အချက်ဟာ တုန်လှုပ်စရာ ကောင်းလှပါတယ်"
=================

ကျားဖြန့်လို့ အများခေါ်ကြတဲ့ အွန်လိုင်းငွေလိမ်ဂိုဏ်းတွေဟာ နယ်စပ်ဖြတ်ကျော် ရာဇဝတ်မှုတွေ ဖြစ်တာကြောင့် နိုင်ငံရေးအခြေအနေတွေနဲ့ ဆက်စပ်နေသလို အာဏာသိမ်း မြန်မာစစ်ခေါင်းဆောင်တွေနဲ့လည်း ပတ်သက်ဆက်နွယ်နေပါတယ်။

မြန်မာစစ်တပ်ဟာ ရာဇဝတ်ဂိုဏ်းသာသာပဲ ဖြစ်တယ်ဆိုတာ တစ်နေ့တစ်ခြား ပိုမိုသိမြင်လာရပါတယ်။

ကိုးကန့်ဒေသမှာ တရုတ်က အလိုရှိနေတဲ့ ကျားဖြန့်ကိစ္စ ဖမ်းဝရမ်းထုတ်ခံထားရသူ ၁ဝ ယောက်ထဲမှာ စစ်ကောင်စီကို သစ္စာခံတဲ့ ကိုးကန့်ခေါင်းဆောင်ဟောင်းတွေနဲ့ ကြံ့ခိုင်ရေးအမတ်တွေ ပါနေပါတယ်။ ကျားဖြန့် လုပ်ငန်းတွေကြောင့် ဒေသတွင်းလူကုန်ကူးမှုများ စံချိန်တင် မြင့်တက်လာမှုများ အပါအဝင် တရုတ်လူမျိုးများစွာ အလိမ်ခံရတယ်၊ ကုမ္ပဏီများစွာ ပြုတ်သွားတယ်၊ မိသားစုတွေ ပြိုကွဲခဲ့ကြရပါတယ်။

ကိုးကန့်မှာ အွန်လိုင်းလိမ်လည်မှုလုပ်နေတဲ့ ရှိတာကြာကျူ (ကိုးကန့်ရုပ်သေးမိသားစုကြီး ၄ ဖွဲ့) က ဦးဆောင်လို့ ကျားဖြန့်ကုမ္ပဏီတွေ ရာနဲ့ချီပြီး ရှိနေပါတယ်။

ဒီလုပ်ငန်းတွေကို လူအင်အား တစ်သိန်းကျော်နဲ့ လုပ်ဆောင်နေကြပြီး တစ်နှစ်ကို တရုတ်ငွေ သိန်းပေါင်း တစ်သိန်းကျော်လောက် ရနေတာပါ။ ဒီမိသားစု ၄ခုကို စစ်ကောင်စီက ပြည်သူ့စစ် ဖွဲ့စည်းခွင့်ပြုပြီး အကာအကွယ် ပေးနေပါတယ်။

ဒီငွေလိမ်ဂိုဏ်းတွေဆီကို တရုတ်လူမျိုးများစွာ ပြန်ပေးဆွဲခံရ၊ လူကုန်ကူးခံရပြီး ရောက်လာခဲ့ကြပါတယ်။ ဒီလူတွေဟာ ညှင်းပန်းနှိပ်စက်ခံရပြီး ၁ဝ၂၇ စစ်ဆင်ရေးမတိုင်ခင် ၇ရကျအလို ကိုးကန့်နယ်မြေထဲမှာ ၁ဝ၂ဝ ဝေါ့ဟူရှမ်းကျွမ်းအရေးအခင်း ဖြစ်ခဲ့ပါတယ်။

ငွေလိမ်ဂိုဏ်းကနေ ထွက်ပြေးတဲ့ တရုတ်နိုင်ငံသား ၁ဝ ယောက်ကျော်ကို ပြည်သူ့စစ်တွေက ပစ်သတ်ခဲ့တာပါ။

တရုတ်ဘက်က တွက်ချက်မှုတွေအရ ဒီရာဇဝတ်ဂိုဏ်းတွေရဲ့ ၃ဝ ရာခိုင်နှုန်း ဝင်ငွေတွေဟာ စစ်ကောင်စီထံ စီးဆင်းနေတယ်လို့ ဆိုပါတယ်။ စစ်ကောင်စီကို စိတ်ပျက်လာတဲ့ တရုတ်အစိုးရက ဒီပြဿနာကြီးကို ဖြေရှင်းဖို့အတွက် ညီနောင် ၃ဖွဲ့ရဲ့ ၁ဝ၂၇ စစ်ဆင်ရေးကို မီးစိမ်းပြလိုက်တယ်လို့ အကဲခတ်တွေက သုံးသပ်ကြပါတယ်။

ဒီစစ်ဆင်ရေးကြောင့် တိုက်ပွဲတွေဟာ ကိုးကန့်ဒေသထဲကို ဦးတည်သွားခဲ့ပါတယ်။ တိုက်ပွဲများ အပြင်အထန်ဖြစ်ပွားပြီးနောက် စစ်ကောင်စီ ကျဆုံးခန်းနဲ့အတူ အဲ့ဒီဒေသကလူတွေ အများအပြား ပြောင်းရွှေ့ကြရချိန်မှာ ကျားဖြန့်ဂိုဏ်းတွေလည်း ပါသွားခဲ့ပါတယ်။ တချိန်တည်းမှာပဲ နယ်ခြားစောင့်တပ်ဖွဲ့တွေကိုလည်း ဖယ်ရှားပြီးသား ဖြစ်သွားခဲ့ပါတယ်။

တိုက်ပွဲတွေကြောင့် ရင်းနှီးမြှုပ်နှံမှုတွေနဲ့ နယ်စပ်ကုန်သွယ်ရေး အပေါ် ထိခိုက်မှုတွေရှိခဲ့သလို မြန်မာနဲ့ဆက်သွယ်ထားတဲ့ ပိုက်လိုင်းအပေါ် စိုးရိမ်ရမှုတွေ ရှိပေမယ့် တရုတ်ရဲ့ အဓိက ရည်ရွယ်ချက်ဖြစ်တဲ့ နိုင်ငံဖြတ်ကျော်မှုခင်း နှိမ်နင်းရေးဆိုတဲ့ ကိစ္စကတော့ ကြီးကြီးမားမား အောင်မြင်ခဲ့တယ်လို့ ဆိုနိုင်ပါတယ်။

ဒါပေမယ့် ရာဇဝတ်ဂိုဏ်းတွေကို ဖြိုခွဲဖို့၊ ခေါင်းဆောင်တွေကို ဖမ်းမိဖို့ဆိုတဲ့ ကိစ္စတစ်ခုလုံးအနေနဲ့တော့ တရုတ် မျှော်မှန်းထားတဲ့ အခြေအနေကို ရောက်မလာသေးပါဘူး။

ကိုးကန့်တပ် MNDAA အနေနဲ့ ၁ဝ၂၇ စစ်ဆင်ရေးအတွင်း ကျားဖြန့်ရာဇဝတ်ဂိုဏ်းသား ထောင်နဲ့ချီပြီး တရုတ်ထံ လွှဲပြောင်းနိုင်ခဲ့ပေမယ့် အဓိက ခေါင်းဆောင်တွေ လွတ်နေတာဟာ စစ်ကောင်စီက အကာအကွယ် ပေးနေတာကြောင့် ဖြစ်တယ်လို့ MNDAA က ပြောပါတယ်။

ကိုးကန့်ခေါင်းဆောင်ဟောင်း ပယ်ဆောက်ချိန်နဲ့ ကျားဖြန့်ခေါင်းဆောင်တွေကို စစ်တပ်က လောက်ကိုင်မြို့ကနေ ရဟတ်ယာဉ်နဲ့ လာကယ်သွားတယ်လို့လည်း MNDAA စစ်ဦးစီးချုပ် ဖုန်တရွှင်က ပြောခဲ့ပါတယ်။

ငွေလိမ်ဂိုဏ်း လုပ်ကိုင်နေတဲ့ တရုတ်နိုင်ငံသားတွေကို ပြန်ပို့တဲ့အချိန်မှာ အဲ့ဒီလူတွေက မြန်မာမှတ်ပုံတင်တွေ ကိုင်ဆောင်ထားတာ တွေ့ရပါတယ်။ ဒါကလည်း စစ်ကောင်စီရဲ့ ဌာနပေါင်းစုံကနေ ပါဝင်ပတ်သက်နေမှုကို ပြသနေပါတယ်။

တရုတ်က မြန်မာပြည်တွင်းက ကျားဖြန့်လုပ်သားတွေကို ဖမ်းဆီးပေးဖို့အပြင် အဲ့ဒီလူတွေ မြန်မာဘဏ်တွေမှာ အပ်နှံထားတဲ့ ပိုက်ဆံတွေကိုလည်း ပြန်လည်လွှဲပြောင်းပေးဖို့ စစ်ကောင်စီကို တောင်းဆိုထားတယ်လို့ ဒေသတွင်းသတင်းများကဆိုပါတယ်။ ဒါ့အပြင် တရုတ်နိုင်ငံအတွင်း လူမှုကွန်ရက်တွေမှာလည်း မင်းအောင်လှိုင်ကို ကျားဖြန့်ငွေကြေးလိမ်လည်မှု လုပ်ငန်းတွေရဲ့ အဓိကခေါင်းဆောင်အဖြစ် စွပ်စွဲရေးသားမှုတွေ ရှိနေခဲ့ပါတယ်။

ထပ်မံသိရှိရတဲ့သတင်းတွေအရ ရှမ်းမြောက်တိုက်ပွဲတွေကြောင့် ထွက်ပြေးသွားတဲ့ ကျားဖြန့်လုပ်ငန်းတွေဟာ ရှမ်းပြည်အရှေ့ပိုင်း တာချီလိတ်နဲ့ တန့်ယန်းမြို့တွေမှာ ဒေသခံစစ်ဘက်နဲ့ ရဲတွေကို လိုင်းကြေးပေးပြီး ဆက်လုပ်နေတယ်လို့ ဆိုပါတယ်။

ဒါ့အပြင် ကရင်ပြည်နယ် မြဝတီဘက်ကို ပြောင်းရွှေ့လုပ်ကိုင်နေတဲ့ ရာဇဝတ်ဂိုဏ်းတွေ ရှိနေပါတယ်။ ဒါကြောင့်လည်း ထိုင်း-မြန်မာ နယ်စပ်အနီးက ဒီငွေလိမ်လုပ်ငန်းတွေကို ရှင်းလင်းပေးဖို့ ထိုင်းဘက်ကလည်း စစ်ကောင်စီကို တောင်းဆိုထားပါတယ်။

ရှမ်းမြောက်တိုက်ပွဲတွေကြောင့် အခြေပျက်သွားတဲ့ ကျားဖြန့်ဂိုဏ်းတွေဟာ နေရာရွှေ့ပြောင်းလာမှုနဲ့အတူ ပုံစံပြောင်းပြီး၊ တရုတ်နိုင်ငံသားတွေထက် တခြားနိုင်ငံသားတွေကို ပစ်မှတ်ထားလာဖွယ်ရာ ရှိနေပါတယ်။

၁ဝ၂၇ စစ်ဆင်ရေးကြောင့် တရုတ်နယ်စပ်ဘက်မှာ ဝင်ငွေလျော့နည်းသွားတဲ့ စစ်ကောင်စီဟာ ထိုင်းနယ်စပ်က ငွေလိမ်ဂိုဏ်းတွေနဲ့ နယ်ခြားစောင့်တပ်တွေကို ပိုပြီး ထောက်ပံ့ကာကွယ်ပေးမှုတွေ လုပ်လာနိုင်ပါတယ်။

မြောက်ပိုင်းညီနောင် မဟာမိတ် ၃ဖွဲ့ကတော့ ဝ ကိုယ်ပိုင်အုပ်ချုပ်ခွင့်ရဒေသ ခေါင်းဆောင်များအပါအဝင် ဒေသတွင်းခေါင်းဆောင်များနဲ့ ပူးပေါင်းပြီး ကျားဖြန့်လုပ်ကိုင်သူတွေနဲ့ မူးယစ်ဆေးရောင်းဝယ်သူတွေကို လိုက်လံပြီး နယ်မြေရှင်းလင်းရေးတွေ လုပ်ဆောင်သွားမယ်လို့ ကြေညာထားပါတယ်။

အချုပ်အားဖြင့် မြောက်ပိုင်းမဟာမိတ်အဖွဲ့တွေရဲ့ ကျားဖြန့်နိုမ်နင်းရေး စစ်ဆင်ရေးဟာ စစ်အာဏာရှင်ဖြုတ်ချရေး ခေါင်းစဥ်တဖြစ်လဲအနေနဲ့ အချိန်ကိုက် ပေါ်ထွက်လာခြင်းဖြစ်ပြီး၊ ဒါဟာ နယ်စပ်ဖြတ်ကျော် ဒုစရိုက်လုပ်ငန်း နှိမ်နင်းရေးလုပ်ငန်းစဥ် ဖြစ်တာကြောင့် တရုတ်နိုင်ငံသာမက ကမ္ဘာ့နိုင်ငံများကပါ လက်သင့်ခံတဲ့ စစ်ဆင်ရေးလို့ ပြောမယ်ဆိုလည်း မများပါဘူး။

စစ်အာဏာရှင် ဖြုတ်ချရေး လမ်းကြောင်းပေါ်မှာ လျှောက်လှမ်းနေတဲ့ တခြားအဖွဲ့အစည်းတွေအနေနဲ့လည်း နိုင်ငံတကာကပါ လက်သင့်ခံတဲ့ ဒီလိုငွေလိမ်ဒုစရိုက်ဂိုဏ်း ရှင်းလင်းရေးကိစ္စမျိုးကို စစ်အာဏာရှင်ဖြုတ်ချရေး မိမိတို့ရဲ့ ပင်မရည်မှန်းချက်နဲ့အတူ ဂရုတစိုက် တွန်းတွန်းတိုက်တိုက် ပူးပေါင်းလုပ်ဆောင်သင့်တယ်လို့ အကြံပြုမှုတွေ ရှိနေပါတယ်။

တကယ်လည်း ခေတ်သစ်ကျွန်ပြုမှုနဲ့အတူ ကမ္ဘာပေါ်က လူများစွာရဲ့ သန်းပေါင်းများစွာသော ငွေကြေးတွေကို လိမ်လည်နေတဲ့ ဒီရာဇဝတ်ဂိုဏ်းတွေဟာ စစ်ရာဇဝတ်မှုတွေ အသောမသတ် ကျူးလွန်နေတဲ့ အာဏာသိမ်းစစ်တပ်ရဲ့အောက်မှာ လည်ပတ်နေတယ်ဆိုတဲ့ အချက်ဟာ တုန်လှုပ်စရာ ကောင်းလှပါတယ်။

ကျားဖြန့်ဂိုဏ်းတွေရော၊ အာဏာသိမ်းစစ်တပ်ရော လူ့အသိုက်အဝန်းအတွက် အဆိပ်အတောက်ဖြစ်တာမို့ မရှိအပ်တဲ့ အဖွဲ့အစည်းတွေပဲ ဖြစ်ပါတယ်။

06/01/2024

ကွက်ကြား " မိုး " မဟုတ်ပါ။
=====================
မနန်းမိုးမိုး
သူက ကရင်အမျိုးသမီးလေး
သူ့ အမျိုးသားက နိုင်ငံခြားသား။
နေတာက သူ့အမျိုးသား နိုင်ငံမှာ။
အံ့ဩစရာကောင်းတာက
နိုင်ငံခြားသားကိုယူထားပြီး
နိုင်ငံခြားသားရဲ့နိုင်ငံမှာ နိုင်ငံခြား
သားရဲ့ အမျိုးတွေကြားထဲမှာ
ကရင်မလေး တစ်ယောက်ထဲ ....

ချီးမွမ်းစရာကောင်းတာက
လင့်မျက်နှာ တစ်ရွာလုပ်လို့
လင့်နိုင်ငံမှာ လင်ရဲ့ အမျိုးတွေကြား
ထဲမှာ တစ်ယောက်ထဲ နေရပေမဲ့၊
အမိမြေမှာ အရေးအကြောင်း ကြုံလာရတဲ့ အချိန်မှာတော့....
သူ့အမျိုးသားနိုင်ငံရဲ့ ယဉ်ကျေးမှု
ဓလေ့ထုံးတမ်းတွေကို အကုန်လုံး
ရပ်ဆိုင်းပြီး အမိမြေအတွက်
နေရော ညပါ မနားတမ်း အား အပြည့်နဲ့
ကြိုးစားလုပ်လိုက်ပါတော့တယ်။
သူ့အမျိုးသားကလည်း နားလည်မှု
အပြည့်ပေးပါတယ်။

သူကြိုးစားမှုက ရိုးရှင်းတယ်၊
ရိုးသားတယ်။ ပုဂ္ဂိုလ်စွဲ နယ်မြေစွဲ
လူမျိုးစွဲ မရှိ၊
တော်လှန်ရေးမျက်နှာစာ တစ်ခုလုံး
အတွက်....
ဒီနေရာပဲ ပို့မယ် ဟိုနေရာတော့
မပို့ဘူး။ငါက ကရင်မို့လို့ ကရင်ပြည်နယ်
အတွက်ပဲ လုပ်ပေးမယ် ဆိုတဲ့ စိတ်
သူမမှာ လုံးဝ ကင်းစင်တယ်။

ခုလည်းပဲ ကြည့်
ကရင်နီပြည်အတွက် ထိုင်းငွေ
ဘတ် တစ်သန်း၊မပြည့်မချင်း
သူ့မ ခမျာ ရင်တမမ နဲ့ ။
ခုတော့ ပေးပို့လိုက်ပါပြီ။
လိုအပ်ချက်တွေအရ မများပေမဲ့လို့
သူ့မရဲ့ ကြိုးစားပေးမှုကိုတော့ အသိအမှတ်
ပြုရမှာ ဖြစ်ပါတယ် ။
အားလုံး ခြုံပြီးပြောရရင်တော့
သူမရဲ့ ထောက်ပံ့မှုတွေဟာ
သဘာဝ မိုး လို ကွက်ကြား မိုး မဟုတ်
ပါဘူး ဆိုတာပါပဲ ။

05/01/2024

မအလတပ်တွေက ရုပ်ရှင်ထဲမယ် စစ်သားမယား သားသမီးတွေကတောင် ခံ တိုက်ကြသတဲ့။ စိုးမြတ်သူဇာလား ဘယ်သူလဲ မသိ " ငါ သေး ရင် ငါ့လင် နင်ယူလိုက် ကောင်မ" ဆိုပြီး စစ်သားမယား တွေ က ရင်ကို မြေကတုတ် လုပ်ပြီး ခံချသတဲ့

လက်တွေ့မှာတော့ လူဦးရေ ၃၇၀၀ ကျော်ရှိတဲ့ တပ်မိသားစုတွေရှိတဲ့ လောက်ကိုင် ဒကစဟာ ကျည်တချက်မှ မဖောက်ရပဲ လက်နက်ချသွားတာ ဒကစ ထဲက ဗိုလ်မှူးချုပ် ၈ ယောက်ဟာ ရှက်တတ်ရင် ဂျပန် စစ်ဗိုလ်တွေလို ကိုယ့်ကိုကိုယ် အဆုံးစီရင်သင့်တယ်။ ရှက်တတ်မှာလည်း မဟုတ်ပါ။ စစ်ထဲဝင်ထဲက ခိုးဖို့ လုယက်ဖို့ ဝင်လာတဲ့ အောက်တန်းစားတွေ ဖြစ်နေလို့ပဲ

ဒီဖြစ်ရပ်ကို မြင်တော့ ၁၈၈၅ မှာ အင်းဝမှာ လက်နက်ချသွားတဲ့ မြန်မာ့တပ်မတော်ကြီးကို မြင်ယောင်မိတယ်။ တကယ်တော့ မြန်မာ့တပ်မတော်ဆိုတာ ပြည်သူအပေါ်သာ ဗိုလ်ကျ အနိုင်ကျင့်တာ။ ဓားဓား ချင်း လှံလှံ ချင်း နင်လားဟဲ့ ငါလားဟဲ့ တိုက်ရပြီဆိုပြီး ချေးစိမ်းပန်းပြီး ခဝေးပြေး ဝက်ပြေးပြေးတာပဲ။

တရုပ် အိန္ဒိယ ဘင်္ဂလား လူဦးရေရော လက်နက်ရော သာလွန်နေတဲ့ နိုင်ငံတွေအကြား ရှိတဲ့ ဒီနိုင်ငံမှာ ဒီလို သူခိုး ဒမြ လူယုတ်မာ လူညံ့ လူဖျင်း သောက်ဖျင်း စစ်တပ်မျိုး မရှိသင့်ဘူး။ တရုပ် အိန္ဒိယ ဘင်္ဂလား သာ ကျူးကျော်ရင် ပါတော်မူကြဦးမှာပဲ။ ခုလည်း တရုပ်က ကျောက်ဖြူကို အချောင်အုပ်သွားပြီ။ ၂၀၁၁ တုန်းကလည်း ဒေဝူး လုပ်ကွက်မှာ ဘင်္ဂလားဒေ့ရှ် ရေတပ်က ဝင်ရောက် ပြီး ဖယ်ခိုင်းလို့ မြန်မာ့ရေတပ်ဟာ ခဝေးပြေး ဝက်ပြေး ပြေးခဲ့ရ၊ နိုင်ငံတကာတရားရုံးမှာ အရှုံးပေးခဲ့ရတယ်။

ဒီလိုစစ်တပ်မျိုးဟာ ပြည်ပရန်ကို မကာကွယ်နိုင်ဘူး။ ဒီလိုစစ်တပ်မျိုးအစား တကယ့် ပြည်သူ့ ရဲဘော် ရဲခေါင်တွေနဲ့ ဖွဲ့စည်းထားတဲ့ ဖက်ဒရယ်တပ်မတော်တခု အမြန်ဆုံး တည်ထောင်ဖို့ လိုတယ်။ ဒါဟာ မျိုးချစ် ပြည်ချစ် စစ်စစ်တိုင်းရဲ့ တာဝန်ပဲ။

စစ်အာဏာရှင် စနစ် အမြစ်ဖြတ်ရေး ဖက်ဒရယ်ပြည်ထောင်စု တည်ဆောက်ရေး အပြင် နွေဦးတော်လှန်ရေး ရဲဘော်တိုင်းဟာ ဖက်ဒရယ် တပ်မတော်ရဲ့ ရှေ့ပြေး ဖြစ်တယ်၊ ပြည်ပ ရန်ကာကွယ်မယ့် အနာဂတ်တပ်မတော် ဖြစ်တယ်ဆိုတဲ့ အထိ မြင့်မား တဲ့ ရည်ရွယ်ချက်ကို ပြည်သူလူထု တွေ သိရှိကြဖို့ လိုပါတယ်။

03/01/2024

ပလက်၀ ဆိုးအောက်လို့ ပို့စ်တင်ချင်တာ၊ အေအေ တပ်တော်က ကျွန်တော့် သူငယ်ချင်း ဆရာ၀န်က ဆိုးအောက်လို့ မတင်ပါနဲ့အုံးတဲ့၊ ရက်ပိုင်းအတွင်း ဆိုးအောက်တော့မယ်လို့ဘဲ တင်လိုက်ပါတဲ့၊

အေအေ တပ်တော်က ဗျူဟာအရ လုပ်စရာလေးတွေ ရှိနေသေးလိုပါတဲ့

29/12/2023

တရုတ်နိုင်ငံက APEC တွင် အရေးပါ၍ ဘက်စုံအခန်းကဏ္ဍတွင် ပါဝင်လျက်ရှိကြောင်း ထိုင်းပညာရှင်ပြောကြား

ဘန်ကောက်၊ ဒီဇင်ဘာ ၂၇ ရက် (ဆင်ဟွာ)

ကမ္ဘာ့ဒုတိယအကြီးဆုံး စီးပွားရေးနိုင်ငံနှင့် အကြီးဆုံး ဖွံ့ဖြိုးဆဲနိုင်ငံဖြစ်သည့်အားလျော်စွာ တရုတ်နိုင်ငံသည် အာရှ-ပစိဖိတ် စီးပွားရေးပူးပေါင်းဆောင်ရွက်မှု (APEC) နှင့် ပိုမိုကျယ်ပြန့်သော စီးပွားရေးပေါင်းစည်းမှုတွင် အရေးပါ၍ ဘက်စုံအခန်းကဏ္ဍမှ ပါဝင်လျက်ရှိကြောင်း ထိုင်းစက်မှုလုပ်ငန်းများအဖွဲ့ချုပ် (FTI) ဒုတိယဥက္ကဋ္ဌ Montri Mahaplerkpong က ပြောကြားခဲ့သည်။

“APEC အဖွဲ့ဝင်နိုင်ငံ ၂၁ နိုင်ငံလုံးက မတူကွဲပြားမှုတွေကို ဖယ်ရှားလျက် ဘုံအခြေအနေကို ကြိုးစားရှာဖွေရင်း လက်ချင်းချိတ်ဆက်ကာ ပူးပေါင်းဆောင်ရွက်နိုင်မယ်လို့ ယုံကြည်တယ်” ဟု ထိုင်းနိုင်ငံ APEC စီးပွားရေးအကြံပေးကောင်စီ (ABAC) ၏ ကိုယ်စားလှယ်အဖွဲ့ဝင်လည်းဖြစ်သူ Montri က ဆင်ဟွာနှင့် မကြာသေးမီကပြုလုပ်ခဲ့သော တွေ့ဆုံမေးမြန်းမှုတွင် ပြောကြားခဲ့သည်။

APEC သည် လွန်ခဲ့သောနှစ်ပေါင်း ၃၀ ကျော်က စတင်ထူထောင်စဉ်မှစ၍ အာရှ-ပစိဖိတ်ဒေသအတွင်း အရေးပါသောပလက်ဖောင်းတစ်ခု ဖြစ်လာခဲ့ကြောင်း Montri က မှတ်ချက်ပြုခဲ့သည်။
“APEC ကို အတူတကွမောင်းနှင်မည်ဟူသော ရည်ရွယ်ချက်ကို လိုက်နာလျက် နိုင်ငံအရွယ်အစား ကြီးသည်ဖြစ်စေ၊ ငယ်သည်ဖြစ်စေ စီးပွားရေးအတူရှေ့ဆက်တိုးတက်ဖို့ ဒီကမ္ဘာကြီးမှာ နေရာတွေအများကြီးရှိပါတယ်။ ကျွန်တော်တို့မှာ ပိုမိုကောင်းမွန်အောင်ဆောင်ရွက်ဖို့ ဆန္ဒသဘောထားရှိကြတယ်” ဟု Montri က ဆိုသည်။
တရုတ်နိုင်ငံအနေဖြင့် APEC အစီအစဉ်မှာ တက်ကြွစွာပါဝင်လျက်ရှိကြောင်း၊ တရုတ်နိုင်ငံ၏ ဖွံ့ဖြိုးတိုးတက်မှု အခွင့်အလမ်းများကို ဒေသတွင်းနိုင်ငံအားလုံးနဲ့ မျှဝေလျက်ရှိကြောင်း ၎င်းက ဖြည့်စွက်ပြောခဲ့သည်။
ရပ်ဝန်းနှင့် ပိုးလမ်းမ (BRI) အဆိုပြုချက်မှတစ်ဆင့် တရုတ်နိုင်ငံသည် အာရှ-ပစိဖိတ်နိုင်ငံများ၏ ဘုံဖွံ့ဖြိုးတိုးတက်မှုအတွက် အားအင်များစုစည်းခဲ့သည်။

တရုတ်-ထိုင်းရထားလမ်းသည် တည်ဆောက်မှုပြီးစီးချိန်တွင် ထိုင်းနိုင်ငံ၏ စီးပွားရေးနှင့် သယ်ယူပို့ဆောင်ရေး ဖွံ့ဖြိုးတိုးတက်မှုအား တွန်းအားသစ်များ ဖြည့်တင်းပေးမည်ဟု ၎င်းက မှတ်ချက်ပြုပြောကြားခဲ့သည်။ (Xinhua)

18/12/2023

စစ်လော်ဘီတွေ ပြောသလို "တမင်တကာ ဆုတ်ပေးလိုက်တာ " ဆိုရင်

ဒီလန အပုံလိုက်က "တမင်တကာ အလှူပေးတာ" လား

ရည်ရွယ်ချက်ရှိတဲ့ စနစ်တကျ ဆုတ်ခွါပုံနဲ့

စစ်ရှုံးလို့ ခွေးပြေးဝက်ပြေး ပြေးတာ မတူဘူး

02/12/2023

ဒီအရေအတွက်က အာဏာမသိမ်းခင်2018လောက်ကပါ ။နောက်ပိုင်းနှစ်တွေမာ ထက်ဖြည့်ထားပါသေးတယ်။
ဆိုတော့ကာ ရန်သူကို လျော့မတွက်ပါနှင့်။ ဂရုထဲမာ ပေါချောင်ကောင်း ပိုစ်တွေတင်တာကြည့်ပြီး ပျော်မနေသင့်ပါ
သတင်းနှိုက်ပါ။ နေထိုင်ရာ အနီးအနားက အုပ်ကြီး ကြ့ံဖွတ် စစ်ခွေးလှုပ်ရှားမှု့တွေကို မျက်ခြေမပျက်စောင့်ကြည့်ပြီး တင်ပါ
ခါတ်သစ်က တင်တာ မီဒီယာတွေတင်တာ ပြန်မတင်ပါနဲ့ လူတိုင်းသိပါတယ်။

လေယဥ်ရှိလဲ USA ဗီယက်နမ်ကို ရှုံးတာပဲ မပြောပါနှင့် USA အစိုးရက စောက်ရှက်ရှိတယ် ပြည်သုမပါရင် ဆန့်ကျင်ရင် စစ်ပွဲကို ရပ်တယ်။ ဒီက စောက်ခေါမလင်နဲ့ စစ်ဗိုလ်တစ်စုက စောက်ရှက် ကုန်နေပြီမို့
ရှုံးရင် အရပ်သားကိုမဲပါတယ်။
ပြေးမှာမဟုတ်ပါဘူး။သေမှ ရပ်မာပါ။
ထို့ကြောင့် လေယဥ်တွေ လေထဲတက်မရအောင် လုပ်ဖို့က အဓိကပါ ။
ဒီ မစ်ရှင်ကို မလုပ်နိုင်သေးသမျှ
စစ်ပွဲ မပြီးဘူးမှတ်ပါ။
NUG ကာဝန် ဒီစာ မြင်ပါစေ။
ကျေးဇူးပါ။

Crd

25/11/2023

စစ်အာဏာရှင် တပ်က မြို့လည်ခေါင်ကို လက်နက်ကြိးနဲ့ ပစ်လို့ ပုဏ္ဏားကျွန်းမြို့ စျေးမီးလောင်သွားတယ်။ စျေးကို ပစ်မှတ်ထားရင် မြို့သူမြို့သား ပိုဒုက္ခရောက်မှာသိလို့ တမင်ရိက္ခာဖြတ်တဲ့သဘောပါပဲ။

22/11/2023

မြန်မာနိုင်ငံ မြောက်ပိုင်း သက်ဆိုင်ရာဒေသရှိ တရားဥပဒေစိုးမိုးရေးဌာနများမှ တရုတ်နိုင်ငံသို့ လွှဲပြောင်းပေးသော ဆက်သွယ်ရေးအွန်လိုင်း လိမ်ညာမှု ကျူးလွန်သည့် သံသယ တရားခံ ၃၁,၀၀၀ ဦး ရှိပြီဖြစ်
公安部：缅北相关地方执法部门共向我方移交电信网络诈骗犯罪嫌疑人3.1万名
လက်ရှိ မြန်မာနိုင်ငံ မြောက်ပိုင်း၌ တရုတ်နိုင်ငံနှင့်သက်ဆိုင်သည့် ဆက်သွယ်ရေး အွန်လိုင်း လိမ်ညာမှု ကျူးလွန်သည့်အခြေအနေ ဆိုးဝါးနေသည့်အပေါ် တရုတ်ပြည်သူ့လုံခြုံရေးဝန်ကြီးဌာနက ယူနန် စသည့် ဒေသပြည်သူ့လုံခြုံရေးဌာနများအား နယ်စပ်ရဲဘက်ဆိုင်ရာ တရားဥပဒေစိုးမိုးရေး ပူးပေါင်းဆောင်ရွက်မှုများကို စဉ်ဆက်မပြတ် စီမံဆောင်ရွက်လျက်ရှိသည်။

လက်ရှိအချိန်အထိ မြန်မာနိုင်ငံ မြောက်ပိုင်း သက်ဆိုင်ရာဒေသ တရားဥပဒေ စိုးမိုးရေးဌာနများမှ တရုတ်နိုင်ငံသို့ လွှဲပြောင်းပေးသော ဆက်သွယ်ရေး အွန်လိုင်း လိမ်ညာမှု ကျူးလွန်သည့် သံသယ တရားခံ ၃၁,၀၀၀ ရှိပြီ ဖြစ်သည်။ ၎င်းတို့အနက် နောက်ကွယ်မှ “ရင်းနှီးမြှုပ်နှံသူ”၊ အဖွဲ့ခေါင်းဆောင်၊ အမာခံအဖွဲ့ဝင် ၆၃ ဦး နှင့် အွန်လိုင်း တရားခံပြေး ၁,၅၃၁ ဦး ပါဝင်ခဲ့ရာ ပြစ်မှုတိုက်ဖျက်ရေးရလဒ် သိသာထင်ရှားသည့် အောင်မြင်မှု ရရှိခဲ့သည်။

ယခုနှစ် စက်တင်ဘာလမှစ၍ တရုတ်ပြည်သူ့လုံခြုံရေးဝန်ကြီးဌာနနှင့် ယူနန်ပြည်နယ် ပြည်သူ့လုံခြုံရေးဌာန၏ လမ်းညွှန်မှုအောက်တွင် ရှစ်ဆောင်ပဏ္ဏား၊ ဖူအော်၊ လျင်ချန်း စသည့်ဒေသများရှိ ပြည်သူ့လုံခြုံရေးဌာနများသည် မြန်မာနိုင်ငံ သက်ဆိုင်ရာဒေသ တရားဥပဒေစိုးမိုးရေးဌာနများနှင့်အတူ ပူးပေါင်း၍ ပြစ်မှုတိုက်ဖျက်ရေးလှုပ်ရှားမှု လုပ်ဆောင်ခဲ့ရာတွင် ဆက်သွယ်ရေး အွန်လိုင်းလိမ်ညာမှု ကျူးလွန်သည့် သံသယတရားခံများကို တရုတ်နိုင်ငံသို့ ဆက်တိုက်လွှဲပြောင်းပေးခဲ့သည်။

နိုဝင်ဘာလမှစ၍ ပြစ်မှုတိုက်ဖျက်ရေးလှုပ်ရှားမှုများကို တွန်းအားပေးဆောင်ရွက်ရန်အတွက် တရုတ်ပြည်သူ့လုံခြုံရေးဌာနသည် တရုတ်-မြန်မာ ရဲဘက်ဆိုင်ရာ တရားဥပဒေစိုးမိုးရေး ပူးပေါင်းဆောင်ရွက်မှုများကို တစ်ဆင့်တိုးဆောင်ရွက်ခဲ့ရာ၌ မြန်မာနိုင်ငံ မြောက်ပိုင်း ဆက်သွယ်ရေး အွန်လိုင်းလိမ်ညာမှု တိုက်ဖျက်ရေးကို အရှိန်အဟုန်မြှင့်ဆောင်ရွက်ခဲ့ရာတွင် ရလဒ်ကောင်းများ ရရှိခဲ့သည်။
တရုတ်ပြည်သူ့လုံခြုံရေးဌာနမှ ဖမ်းဝရမ်းထုတ်ထားသော မြန်မာနိုင်ငံ မြောက်ပိုင်း ကိုးကန့် ဆက်သွယ်ရေး အွန်လိုင်းလိမ်ညာမှု အဖွဲ့၏ အဓိကခေါင်းဆောင်များ ဖြစ်ကြသည့် မြီကော်ဖျင်း (Ming Guoping) ၊ မြီကျွီလန် (Ming Julan) နှင့် မြီကျိန်းကျိန်း (Ming Zhenzhen) တို့ကို ဖမ်းဆီးထိန်းသိမ်းနိုင်ခဲ့ပြီး ခေါင်းဆောင် မြီရှောက်ချန်း (Ming Xuechang)က ပြစ်ဒဏ်ကို ကြောက်လန့်၍ မိမိကိုယ်ကို အဆုံးစီရင်ခဲ့ကြောင်း၊ တရုတ်နိုင်ငံပြင်ပ၌ အခြေတည်နေသည့် လိမ်ညာမှုကျူးလွန်သည့်စခန်း အများအပြားကို ရှင်းလင်းနိုင်ခဲ့ကြောင်း သိရသည်။

နိုဝင်ဘာ ၁၈ ရက်တွင် တက်ဟုန်းပြည်သူ့လုံခြုံရေးဌာန နယ်စပ်ဒေသ ရဲဘက်ဆိုင်ရာ တရားဥပဒေစိုးရေး ပူးပေါင်းဆောင်ရွက်မှုများသည် အရေးကြီးတိုးတက်မှုများ ရရှိခဲ့ရာ မြန်မာနိုင်ငံ မြောက်ပိုင်း မူဆယ်ဒေသ တရားဥပဒေစိုးမိုးရေးဌာနမှ တရုတ်နိုင်ငံသို့ ဆက်သွယ်ရေး အွန်လိုင်းလိမ်ညာမှုကျူးလွန်သည့် သံသယတရားခံ ၅၇၁ ဦး လွှဲပြောင်းပေးခဲ့သည်။

မြန်မာနိုင်ငံ ဘက်ပေါင်းစုံ၏ပူးပေါင်းဆောင်ရွက်မှုအောက်တွင် လက်ရှိအချိန်အထိ တရုတ်နိုင်ငံသို့ လွှဲပြောင်းပေးခဲ့သော ဆက်သွယ်ရေး အွန်လိုင်းလိမ်ညာမှုကျူးလွန်သည့် သံသယတရားခံ စုစုပေါင်း ၃၁,၀၀၀ ဦး ရှိပြီဖြစ်ရာ ပြစ်မှုဆိုင်ရာ ဒေသပြည်သူ့လုံခြုံရေးဌာနများက ထိန်းသိမ်းခေါ်ဆောင်သွားပြီ ဖြစ်ကြောင်းနှင့် ပြစ်မှုများကို စစ်ဆေး၍ ဥပဒေနှင့်အညီ ပြင်းထန်သည့် ပြစ်ဒဏ်များပေးသွားမည် ဖြစ်ကြောင်း သိရသည်။ (Xinhua)

15/11/2023

စ_စ်ကောင်စီခန့် ကိုးကန့်ဥက္ကဌ
ဦးပယ်စောက်ချိန် (ပန်ဆော့ချိန်) ရဲ့သားဖြစ်သူ
လောက်ကိုင်ပြည်သူ့စ_စ်ခေါင်းဆောင်ကို
တရု_တ်က ဖမ်းဝရမ်းထုတ်လိုက်ပြီ။

လောက်ကိုင်ကို
တရုတ်ဓါတ်အားပေးမှုလည်း
ဖြတ်လိုက်ပြီ။

လောက်ကိုင်ကို ... မကြာခင်
MNDAA ဝင်သိမ်းတော့မည်။

15/11/2023

❝ပြည်သူ့ရည်မှန်းချက်ကို ရောက်ရမည်မှာ မလွဲပါ❞

◼️ရွယ်မိုး

သည်ဆောင်းပါးဟာ ဘီဘီစီ သတင်းဌာနက ကေအိုင်စီ ဒုတိယဥက္ကဋ္ဌဖြစ်တဲ့ ဒုတိယဗိုလ်ချုပ်ကြီး ဆွန်လွတ်ဂွမ်မော်ကို အင်တာဗျူးမေးမြန်းချက်ကနေ ကောက်နုတ်ထားတာဖြစ်ပါတယ်။ ကောက်နုတ်ချက်တွေအပေါ် အခြေခံပြီး ၂၀၀၈ ဖွဲ့စည်းပုံနဲ့ စစ်ကောင်စီက ပြုလုပ်ခဲ့တဲ့ ၈ နှစ်မြောက် NCA အပေါ် KIO/KIA ရဲ့ အမြင်သဘောထား၊ ပြည်သူ့ကာကွယ်ရေးတပ်မတော် (PDF)ရဲ့ ရှေ့အနာဂါတ်ကို ဆဝါးကြည့်ခြင်းနဲ့ နိုင်ငံရေးဘောင်ထက် စစ်ဘောင်က ပိုချဲ့လာနေသလို ဖြစ်နေလား၊ ဒါ့အပြင် ငြိမ်းချမ်းရေးဆွေးနွေးပွဲနဲ့ ပေါင်းစည်းရေးရှုထောင့်ဆိုင်ရာ အချက်တွေကို တွေးဆဖွယ်ရာ ကောက်ကြောင်းများ ရေးခြစ်ကြည့်မှာ ဖြစ်ပါတယ်။ သည်ဆောင်းပါးမှာ အင်တာဗျူး အမေးအဖြေများကို ပြန်လည်ရေးပြနေတော့မှာမဟုတ်ဘဲ အရပ်သားလူငယ်တယောက်ရဲ့ နိုင်ငံရေး စစ်ရေး လေ့လာမှု ပုဂ္ဂလအတွေးအယူအရ လိုရင်းကိုပဲ တိတိပပ ညွှန်းဆိုသွားမှာဖြစ်ပါတယ်။

(က) ခိုင်ခိုင်ရပ်၊ သွက်လက်စွာလျှောက်ရတော့မည့် ပီဒီအက်ဖ်

အာဏာသိမ်းမှု ဖြစ်ပွားပြီးနောက် စစ်ကောင်စီက ငြိမ်းချမ်းစွာဆန္ဒပြပွဲတွေကို အကြမ်းဖက် ဖြိုခွင်းလာတဲ့အတွက် ရပ်ရွာနဲ့ လူထုကာကွယ်ရေး ရရာလက် လုပ်တူမီးတွေ ကိုင်စွဲ စတင်ခဲ့တဲ့ တော်လှန်ရေးသမားတွေဟာ အညာမှာ အများဆုံး ပေါ်ပေါက်လာသလို တိုက်ပွဲတွေဟာလည်း အညာမှာ ကြီးမားကျယ်ပြန့်စွာ ဖြစ်ပွားလာခဲ့ပါတယ်။ ထို့နောက် (၅-၅-၂၀၂၁) မှာ ပြည်သူ့ကာကွယ်ရေးတပ်မတော် ပီဒီအက်ဖ် ဆိုတဲ့ အမည်နာမကို တနိုင်ငံလုံးက ပြည်သူ့ရင်သွေးများနဲ့ပဲ မွေးဖွားသန့်စင်လိုက်ကြပြီး တပ်မတော်တရပ် စတင် ရပ်တည်လာရတာ ဖြစ်ပါတယ်။

ကချင်လွတ်လပ်ရေးတပ်မတော် အပါအဝင် အခြား တော်လှန်ရေးတပ်မတော်များက ပြည်သူ့ကာကွယ်ရေးတပ်မတော်သားများကို စစ်ပညာသင်ကြားပေးခြင်း၊ တိုက်ပွဲအတူဝင်စေခြင်းဖြင့် စစ်ရေးအတွေ့အကြုံများ ရယူစေနိုင်ရေး ကူညီလာခဲ့တာဖြစ်ပါတယ်။ နွေဦးတော်လှန်ရေးကာလ သုံးနှစ်အတွင်း ဝင်ရောက်လာပြီးချိန်မှာတော့ ပြည်သူ့ကာကွယ်ရေးတပ်မတော်ဟာ ကိုယ့်ခြေထောက်ပေါ် ကိုယ်ရပ်နိုင်နေတဲ့အနေအထား ရှိနေပြီလို့ ရှုမြင်ခဲ့ကြပါပြီ။ ပြည်သူ့ကာကွယ်ရေးတပ်မတော်ဟာလည်း စုဖွဲ့တည်ဆောက်မှု စနစ်တကျဖြစ်ဖို့၊ အမိန့်ပေးကွင်းဆက် ခိုင်မာစွာ ဖွံ့ဖြိုးလာဖို့၊ ပြည်သူလူထုကို ကာကွယ် ပြီး စစ်အာဏာရှင်စနစ်ဟူသမျှ တိုက်ဖြတ်ကြဖို့ ဆိုတဲ့ စည်းနှောင်မှုတွေအတွက် ရင်ဘတ်ကျယ်ကျယ် နှလုံးသားကြီးကြီးနဲ့ ဆက်လက် လျှောက်လှမ်းကြရတော့မှာ ဖြစ်ပါတယ်။ ဆက်လျှောက်ရမယ့်ခရီးဟာ ရှည်လျားတယ်လို့ သဘောပေါက်ထားရမှာဖြစ်ပြီး မယိုင်မလဲ မတွန့်မဆုတ်သော ဇွဲ၊ မာန်၊ သတ္တိ၊ ဉာဏ်ပညာကို တပါတည်း ဖြည့်ဆည်းသွားကြဖို့ရာ အလေးအနက် တိုက်တွန်းလိုပါတယ်။

(ခ) နိုင်ငံရေးဘောင်ကိုချဲ့၊ စစ်ဘောင်ကို ကျဥ်းလိုသော်ငြား

ကေအိုင်အိုဟာ စစ်အစိုးရနဲ့ ၁၉၉၄ ခုနှစ်မှာ အပစ်အခတ်ရပ်စဲပြီး အစိုးရအဆက်ဆက်နဲ့ ဆက်ဆံလာတဲ့ အတွေ့အကြုံအရ NCA ကို ငြင်းပယ်ရတာဖြစ်တယ်လို့ ဆိုပါတယ်။ စစ်အစ်ိုးရ၊ ဦးသိန်းစိန်လက်ထက်နဲ့ အမျိုးသားဒီမိုကရေစီအဖွဲ့ချုပ် (NLD) လက်ထက်မှာလည်း တော်လှန်ရေးအဖွဲ့အစည်းများကို ဖက်ဒရယ်ဒီမိုကရေစီ တည်ဆောက်ရေးလုပ်ငန်းစဥ်မှာ ပါဝင်ခွင့်မပေးလိုဘဲ အပစ်အခတ်ရပ်စဲရေးကသာ NCA ရဲ့ နောက်ဆုံးပန်းတိုင်လို့ မြင်တွေ့နေရတာဖြစ်တဲ့အတွက် လက်မှတ်မထိုးခဲ့တာ ဖြစ်ပါတယ်။ ၂၀၂၁ ခုနှစ် ဖေဖော်ဝါရီလ အာဏာသိမ်းရာကနေ ပြည်ထောင်စုမှာ ခိုင်မာတဲ့အစိုးရတရပ် ပေါ်ပေါက် လာရေးကာလအထိကို ကြားကာလလို့ ကေအိုင်အိုက ရှုမြင်ထားပြီး အချိန်ကာလအားဖြင့် ငါးနှစ်ထက် ပိုမကြာသင့်ဘူးလို့လည်း အသိပေးထားပါတယ်။

ကေအိုင်အိုအနေနဲ့ ၂၀၁၈ ကတည်းက စစ်ကောင်စီခေါင်းဆောင်ကိုရော၊ နိုင်ငံတော်အတိုင်ပင်ခံပုဂ္ဂိုလ်ကိုရော နိုင်ငံရေးပြဿနာများကို ၂၀၂၅ ခုနှစ် နောက်ဆုံးထား အဖြေရှာသင့်ပြီး ဖက်ဒရယ်ဒီမိုကရေစီပြည်ထောင်စု တည်ဆောက်ရေးကို ရှေ့ကဦးဆောင်ပေးဖို့ရာ အသိပေးထားခဲ့ပါတယ်။ မင်းအောင်လှိုင် အနေနဲ့ သည်အယူအဆက်ို လက်မခံရင် အနေအထားတွေပြောင်းလဲကုန်ပြီး ဖက်ဒရယ်ဒီမိုကရေစီ တည်ဆောက်ရေးမှာ တပ်မတော်က ပါလာမလားဆိုတဲ့မေးခွန်းမျိုး ပြောင်းလဲလာမယ်လို့လည်း ဖြေကြားခဲ့တာကို သိရပါတယ်။ သို့ပေမယ့် စစ်ကောင်စီခေါင်းဆောင် မင်းအောင်လှိုင်ဟာ နိုင်ငံအာဏာအရပ်ရပ်ကို မတရားသိမ်းယူခဲ့ပြီး မဖြစ်ညစ်ကျယ်နဲ့ NCA လမ်းကြောင်းကို အနည်းအကျဥ်းချဲ့ကာ စစ်မက်ဖြစ်ပွားရေးထဲကို အသိဉာဏ်မဲ့စွာ ခုန်ချလိုက်ပါတော့တယ်။ စစ်ကောင်စီခေါင်းဆောင် မျှော်မှန်းထားတဲ့ နိုင်ငံရေးဘောင်ဟာ အပစ်အခတ် ရပ်စဲရေးလောက်သာဖြစ်မှန်း အားလုံးလည်းအသိမို့ စစ်မှန်တဲ့တော်လှန်ရေးအဖွဲ့အစည်းများက ငြင်းပယ်ခဲ့ကြပြီး စစ်ဝန်ကို မထမ်းလိုသော်လည်း မဖြစ်မနေ ဆက်လက် ထမ်းပိုးလာနေရတာဖြစ်ပါတယ်။

(ဂ) ချေမှုန်းရေးမဟုတ်၊ ချုပ်ငြိမ်းရေးနှင့် ပေါင်းစည်းရေး

လက်ရှိနိုင်ငံရေးနဲ့ စစ်မက်အကြပ်အတည်း ကို ဘယ်လိုဖြေရှင်းကြမလဲ၊ ရှင်းလင်းစွာတွေးခေါ်ပြီး ခပ်ပြတ်ပြတ်လုပ်ကြဖို့နဲ့ အဖြေရှာကြတဲ့အခါ နှစ်ဘက်မျှ စဥ်းစားဖို့လိုတဲ့အကြောင်း ကောက်နုတ်ချက်အရတော့ တဘက်နဲ့တဘက် အပြီးတိုင်ချေမှုန်းရေးဆိုတဲ့ အသုံးအနှုန်းထက် စစ်အာဏာရှင်စနစ်ဟူသမျှ ချုပ် ငြိမ်းရေး စကားလုံးကိုသာ သုံးနှုန်းသင့်ကြောင်းပါပဲ။

နိုင်ငံရေးနဲ့စစ်ရေးကို စိတ်ဝင်တစားလေ့လာကြတဲ့ လူငယ်အဝန်းအဝိုင်းမှာလည်း မကြာခဏငြင်းခုံနေကျ အကြောင်းအချက်ဖြစ်ပြီး ပြည်ထောင်စုတပ်တွေ အဖြစ်၊ ပြည်နယ်စောင့်တပ်များအဖြစ် ပေါင်းစည်းဖို့ရာမှာ စစ်ခေါင်းဆောင် မင်းအောင်လှိုင်ရဲ့ တပ်တွေအကုန်လုံးကို ချေမှုန်းပစ်ဖို့ မဖြစ်နိုင်ဘဲ ပေါင်းစည်းရေးနဲ့ လုံခြုံရေးကဏ္ ဍပြုပြင်ပြောင်းလဲရေး လုပ်ငန်းစဥ်တွေမှာ ထည့်သွင်းစဥ်းစားရလိမ့်မယ်ဆိုတာပါ။ သည်အချိန်မှာတော့ ဒါဟာ အတွေးအမြင်သက် သက်သာဖြစ်နေပြီး ဖြစ်ပေါ်ပြောင်းလဲလာတဲ့ နိုင်ငံရေး၊ စစ်ရေး အခြေအနေများအလိုက် ဆက်လက် လေ့လာသုံးသပ်နေရဦးမှာလည်း ဖြစ်ပါတယ်။

(ဃ) ငြိမ်းချမ်းရေးဆွေးနွေးဖို့ရာ အချိန်မတန်သေး

တက်နှင့်တဘက် ခွင့်မလွှတ်နိုင်တဲ့ လုပ်ရပ်၊ ကိစ္စရပ်များကို ရှောင်ကြဥ်ကြဖို့လိုပြီး လက်ရှိအခြေအနေမှာတော့ ငြိမ်းချမ်းရေးဆွေးနွေးပွဲဟာ ဖြစ်လာနိုင်စရာ မရှိသေးပေမယ့် တချိန်မှာတော့ ဖြစ်လာရလိမ့်မယ်ဆိုတဲ့ အကြောင်းအချက်ကို ထောက်ချင့်ပြီး ကေအိုင်အိုအနေနဲ့ မလွှဲမရှောင်သာ စစ်ဝန်ကို ထမ်းနေရသော်ငြား နိုင်ငံရေးလမ်းကြောင်းကိုတော့ လုံးဝ ပစ်ပယ်ထားမှုမျိုး မဟုတ်ဘဲ ခေတ္တ လျစ်လျူရှုထားရမယ်၊ စစ်ရေးအရ ဆက်လက်ဖိအားပေးနေရမယ်လို့ ရှုမြင်ထားကြောင်း ယူဆရပါတယ်။

နိုင်ငံရေးပြဿနာများကို ဖြေရှင်းရာမှာလည်း ၂၀၀၈ ခုနှစ် ဖွဲ့စည်းအုပ်ချုပ်ပုံအခြေခံဥပဒေ၊ NCA မူဘောင်တွေနဲ့ ချဥ်းကပ်လို့မရဘဲ ကျော်လွန်စဥ်းစားချက်မျိုးတွေနဲ့သာ ချဥ်းကပ် အဖြေရှာသင့်တယ်ဆိုတာမျိုး နားလည်ရပါတယ်။

(င) စစ်ကောင်စီ စဥ်းစားချိန်တန်ပြီလော

ပြည်သူ့ခုခံတော်လှန်စစ် သုံးနှစ်တာအတွင်း ဝင်ရောက်လာချိန်မှာ စစ်ကောင်စီတပ်ရင်းတပ်ဖွဲ့တွေ ပြည်သူ့ဘက် ကူးပြောင်းလာမှုများ၊ အလင်းဝင်လက်နက်ချမှုများနဲ့ ထိခိုက်ကျဆုံး အရေအတွက် ကိန်းဂဏန်းတွေဟာ သိသာထင်ရှားစွာ မြင့်တက်လာနေပါတယ်။

ဘက်ပေါင်းစုံ ပိတ်ဆို့ခံရမှု အကြပ်အတည်းများနဲ့ တပ်ရင်းတပ်ဖွဲ့များအတွင်း အခြေယိုင်နဲ့လာတာတွေ၊ ခေါင်းဆောင်မှု ချည့်နဲ့လာမှုများ၊ အမိန့်မနာခံတော့မှုများနဲ့ တစတစ ပျက်စီးလာနေတာကို ၎င်းတို့ကိုယ်တိုင် မသိမဟုတ် သိနေခဲ့ပါတယ်။

အရှိန်အဟုန်ကောင်းလာနေတဲ့ ခုခံတော်လှန်စစ်ရဲ့ ထိုးစစ်များကို ၎င်းတို့ ခုခံနိုင်စွမ်း နည်းပါးနေပြီဆိုတာကိုလည်း ရိပ်စားမိနေမှာပါ။ သည်အနေအထားတွေအပေါ်မှာ မူတည်ပြီး ၎င်းတို့အနေနဲ့ စဥ်းစားချိန် တန်နေပြီဖြစ်ကာ ဆက်လက် မိုက်တွင်းနက်နေရမယ့် နှစ်များ တိုတောင်းသင့်ပြီဖြစ်ပါတယ်။

စစ်ကောင်စီက မည်သည့်လမ်းကြောင်းကိုရွေးရွေး ဆက်လက် မိုက်တွင်းနက်နေသည်ဖြစ်စေ၊ တော်လှန်ရေးအဖွဲ့အစည်းများနဲ့ ပြည်သူ့ကာကွယ်ရေးတပ် မတော်ဟာ ပြည်သူတရပ်လုံး လိုလားတောင့်တတဲ့ ဖက်ဒရယ်ဒီမိုကရေစီ ပြည်ထောင်စုသစ်ဆီသို့ အရောက်ချီတက်မယ်ဆိုတဲ့ စိတ်ပိုင်းဖြတ်ထားမှုက ပြတ်ပြတ်ထင်ထင် ခိုင်မာနေပြီဖြစ်ပြီး ဒါဟာ စစ်ကောင်စီကို မက်ဆေ့ချ်ပေးလိုက်တဲ့ ရာဇသံလည်းဖြစ်ပါတယ်။

(စ) ပြည်သူ့ရည်မှန်းချက်ကို ရောက်ရမည်မှာ မလွဲပါ

ပြည်သူ့အောင်ပွဲဟာ မနှေးအမြန် ရောက်လာဖွယ်ရာ အခြေအနေကောင်းများ ရရှိ ဖြစ်ထွန်းနေခဲ့ပြီမို့ ဖိနှိပ်ခံရမှုများကြားမှာ ကြံ့ကြံ့ခံရပ်တည်ရင်း နွေဦးတော်လှန်ရေးကို ပံ့ပိုးထောက်ကူပေးကြဖို့ လိုပါတယ်။ ကျနော်တို့ ဆက်လက် ရုန်းကန်ရပါဦးမယ်။ တိုက်ပွဲဝင်ရပါဦးမယ်။ ပြည်သူ့နှလုံးကို သိမ်းကျုံးထားတဲ့ ပြည်သူ့အင်အားကို လေးစားတဲ့ ပြည်သူ့ကာကွယ်ရေးတပ်မတော်ဟာ တော်လှန်ရေးတပ်မတော်များနဲ့ဟန်ချက်ညီတိုက်ပွဲများ ဖော်ဆောင်ရင်း ပြည်သူ့ရည်မှန်းချက်ကို ရယူနိုင်မှာ မလွဲပါဟု သတင်းစကားပါးလိုက်ရပါတယ်။
#ရွယ်မိုး
#ဆောင်းပါး

#ခေါ်သံ

True News

06/06/2024

17/03/2024

14/03/2024

13/03/2024

13/03/2024

24/01/2024

11/01/2024

06/01/2024

05/01/2024

03/01/2024

29/12/2023

18/12/2023

02/12/2023

25/11/2023

22/11/2023

15/11/2023

15/11/2023

Address

Website

Alerts

Shortcuts

Share