Zawzawtun

29/03/2022

29/03/2022

https://m.facebook.com/story.php?story_fbid=288586443428677&id=143491739046507

27/03/2022

-WHITE-

ရောက်ရှိနေကြ စာတိုလေးတွေပျောက်ရှသွားရတဲ့အပေါ်
ခင်ဗျားရော ဘယ်လိုခံစားရပါသလဲ။
မနက်လင်းတိုင်း ဖုန်းဆက်နှိုးနေကြ
အသံလေးကိုတော့ဖြင့်
မေ့ပစ်လိုက်ပြီထင်ပါတယ်။
Message၁စောင်လောက်ပဲဖြစ်ဖြစ်
အမှတ်မရှိ မှားပို့ချင်သေးပေမယ့်
ကျနော့်မှာပြောစရာစကားတွေမရှိတော့ပြန်ဘူး။
(တကယ်က ပြောစရာစကားတွေသိပ်များနေတာ)
လွမ်းရပါတယ် ခင်ဗျားရေ....။
သိပ်လွမ်းရပါတယ် ...။
ဒီတခါတော့ တကယ်မေ့ပစ်လိုက်တော့မယ်လို့ပြောရင်း
ကျနော့်မှာ တကယ်ကြီးလွမ်းရပါတယ်။

စာရွက်ကြားက ကျနော်တို့အတိတ်တွေထွက်ကျလာတယ်။
Active nowလေးကို မမြင်ချင်ယောင်ဆောင်ဖို့က
ကျနော့်အတွက်တော့ အသေအလဲပါပဲ။
ဒီနေ့လည်း ကျနော်တို့မတွေ့ကြပြန်ဘူးနော်။
ခင်ဗျားအသံလေးကို မကြားရလို့
ကျနော့်မှာရေဓာတ်ခမ်းခြောက်လာပါပြီ။
ခင်ဗျားကို စိတ်ထဲကထုတ်နိုင်ပါပြီလို့ယုံကြည်ထားသမျှ
Ph ringtoneသံကြားတိုင်း ဆောက်တည်ရာမရ
ပြိုလဲသွားရပါပြီ။
ခင်ဗျားရေ...ဘယ်ထောင့်ချိုးမှာကတည်းက
ကျနော်တို့ ပျောက်ရှခဲ့ကြတာပါလိမ့်။

စကားမစပ်...
နားမလည်နိုင်တဲ့ ပြောင်းလဲမှုတွေကိုတော့
နာကြည်းနေမိမှာပဲ။
အဖြူ ရောင် အင်္ကျီလေးဝတ်ပြီး
ကျနော့်ဘဝထဲက ပြေးထွက်သွားတဲ့ခင်ဗျားကိုလည်း
အရူးအမူး ချစ်မိသွားတော့မှာပဲ။

ဝမ်းနည်းစရာပါ။
နင်းခြေခံလိုက်ရတဲ့ လီလီတွေ
ထပ်မပြုံးတတ်တော့ဘူးတဲ့။

25/03/2022

18/03/2022

18/03/2022

မမေ့သေးပါဘူး'အကြင်နာ'

တစ်ကယ်သာ ကျွန်တော့်ဘက်က
ငြိမ်သက်သွားပြီလို့ ထင်ခဲ့တာပဲ။

အဲ့အမျိုးသမီးရဲ့ဆူပုပ်နေတဲ့မျက်နှာကလေး
နောက်တစ်ကြိမ် ထပ်မတွေ့သေးသရွေ့
တည်ငြိမ်နေတဲ့ကာလပေါ့။

သြော်
တည်ငြိမ်နေတယ်ဆိုတာ ဒဏ်ရာတွေ
မတိုးတာကို ပြောတာပါ။

တစ်ကယ်တမ်းက လူတစ်ယောက်နဲ့တစ်ယောက်ထိပ်တိုက်ဆုံတွေ့ပြီဆို မလွဲဖို့လိုတယ်ဆိုတာ
ကျွန်တော့်ဘက်က သိသင့်တာ။

တွယ်ငြိပြီးလို့ မပိုင်ဆိုင်ရဘူးဆိုရင် ဒါဟာ
တစ်ကယ့်ကြေကွဲနေတဲ့စစ်မြေပြင်ပဲ။

ရှင်ကွဲလေ အချစ်ရဲ့ ရှင်ကွဲတဲ့
သိပ်​တုန်လှုပ်ဖို့ ကောင်းတယ်။

ကျွန်တော်ကြိုမတွက်စခဲ့မိတာပါ
အဲ့နေ့က သူကို ထွက်မသွားဖို့ အနူးအညွတ်တောင်းပန်ခဲ့ရင်။

သူသာ မိုးမိထားတဲ့ ကြောင်တစ်ကောင်လို
အနွေးဓါတ်တွေ လိုအပ်ခဲ့ရင်။

ကျွန်တော် သိပ်မှားတယ်'အကြင်နာ'
ခင်ဗျားဆီက ရလာတဲ့နာကျင်မှုတွေကို
ကျွန်တော်မခံနိုင်တော့တာလည်း မှားတယ်

အဲ့ကာလတွေမှာ ကျွန်တော့်ဘဝကိုမှ
ကျွန်တော် ပိုမြတ်နိုးခဲ့မိတာ။

ကျွန်တော့်အိမ်မက်တွေကို
ကျွန်တော်ချစ်ခဲ့မိတာ။

မှားသွားတာပါ 'အကြင်နာ'
အရင်အတိုင်းဆူပုပ်နေဆဲ မင်းမျက်နှာလေးရယ်

အနွေးထည်ထူထူလေးဝတ်ဖို့
သတိပေးနေကျ Messageတွေရယ်။

လူတွေကို ခွင့်လွှတ်တတ်ဖို့ ခဏခဏပြောပြတတ်တဲ့ ကြောင်မလေးတစ်ကောင်ရယ်။

မရတော့ပါဘူးလေ ပြန်ပိုင်ဆိုင်ဖို့ မသင့်တော့ဘူး။

အဲ့နေ့က ဘဝမှာ တစ်ခါပဲမှားလို့ရခဲ့တဲ့
အမှားမျိုးမှန်း ကျွန်တော်မသိခဲ့တာ။

16/03/2022

ထုတ်သာမပြမိတာ တစ်ခါတစ်ခါ
တစ်ယောက်ထဲ အားငယ်ရတဲ့
အခိုက်အတန့်တွေက ကိုယ့်မှာ အများကြီးပဲ။

အမြဲလို အထီးကျန်နေခဲ့ရတဲ့ လူသားတစ်ယောက်
ဖြစ်ခဲ့ရတာမို့ ကိုယ့်ရဲ့ခံစားချက်တွေကို
နားလည်နှစ်သိမ့်ပေးနိုင်မယ့် တစ်စုံတစ်ယောက်ကို
အမြဲလိုလို လိုချင်ခဲ့မိတာ။

" ကိုယ့်ရဲ့ဖြစ်တည်မှုတိုင်းကို ဘယ်တော့မှ
ပျင်းရိမသွားတဲ့ လူသားလေး
ကိုယ့်အပေါ်ဆိုရင်
ဘယ်တော့မှ စိတ်ပျက်မသွားဘဲ
လိုအပ်နေတဲ့အချိန်တိုင်း ရှိနေပေးတာမျိုးလေး "

အဲ့ဒီ့သူဟာ ကိုယ်ချစ်တဲ့သူတစ်ယောက်
ဟုတ်ချင်လည်း ဟုတ်မယ် ။
ကိုယ့်ရဲ့သူငယ်ချင်းလည်း ဖြစ်ချင်ဖြစ်မယ်ပေါ့။

ဘ၀မှာ ကိုယ့်ရဲ့ emotion အတက်အကျနဲ့
ပတ်သက်လာရင် ‌ ဘေးမှာ အမြဲနားလည်နှစ်သိမ့်ပေးနိုင်မဲ့ တစ်စုံတစ်ယောက်ကို လိုချင်ခဲ့မိပါတယ်။

ကိုယ့်ရဲ့ dark side တွေကို ဟားတိုက်မရယ်မောပဲ
အားနည်းချက်အဖြစ်အသုံးမချမဲ့သူ။

ကိုယ့်ရဲ့စိတ်ခံစားချက်ကို အစကနေ အဆုံးထိ
သိနေတာမို့ ရယ်ရယ်မောမော ခွင့်လွှတ်ပေးနိုင်မယ့်သူ။

ကိုယ်တစ်ကယ်ကို လိုအပ်နေပါတယ်။

#ခဲတံ

16/03/2022

ဖြတ်သန်းရတဲ့ ဘဝချင်းမတူတော့
တချို့တွေက ကိုယ်ချင်းမစာတတ်ဘူး

ဒုက္ခတွေနဲ့ မကြုံဘူးကြလို့
ပူလောင်မှုဆိုတာကိုလည်း မခံစားတတ်ကြဘူး

လောကဓံရဲ့ ရိုက်နှက်မှု မခံဖူးတော့
ခက်ခဲသူတွေရဲ့ ဘဝကို နားမလည်ကြဘူး

ငွေရှိတဲ့သူတွေက ငွေမရှိသူတွေရဲ့ ခံစားချက်ကို အရေးမစိုက်တတ်ကြဘူး

ဂုဏ်ရှိသူက ဂုဏ်မဲ့သူတွေကို အထင်အမြင်သေးကြတယ်

လူတွေတော့ လူတွေပါပဲ
ပညာ၊ ဂုဏ်၊ စည်းစိမ်တွေကြောင့် အဆင့်အတန်းခွဲခြားခံကြရတယ်

ချမ်းသာသူတွေကသာ သီလရှိတယ် ထင်ကြတယ်
စိတ်ကောင်းရှိတယ် ထင်ကြတယ်
ဒါ‌တွေဟာ ပုံပန်းသွင်ပြင်ကို အကဲဖြတ်ပြီး အဆင့်အတန်းခွဲခြားကြတာပါ

ပုံပန်းသွင်ပြင်ကို ကြည့်ပြီး လူတစ်ယောက်ရဲ့ ဖြစ်တည်မှု စိတ်နေစိတ်ထားကို လက်လွတ်စပယ်တန်ဖိုးမဖြတ်မိပါစေနဲ့

လူတစ်ယောက်စီတိုင်းဟာ ချမ်းသာသည် ဖြစ်စေ
ဆင်းရဲသည်ဖြစ်စေ တစ်ဦးနဲ့တစ်ဦး စိတ်ဓာတ်ချင်း မတူနိုင်ပါဘူး

ပြီးတော့ ဖြတ်သန်းရတဲ့ ဘဝချင်းမတူတော့
ခံစားမှုချင်းလည်း မတူနိုင်ပါဘူး

အသက်ရှိစဉ် အချိန်အတွင်းတော့
အချင်းချင်းလေးစားမှုရှိကြပါ
တစ်ဦးနဲ့တစ်ဦး ရိုသေကြပါ၊ စိတ်ကောင်းမွေးကြပါ
အထက်တန်းဆန်တဲ့ စိတ်ဓာတ်ရှိအောင် ကြိုးစားကြပါ

ᴴ ᴬ ᴺ ᴾ ᴴ ʸ ᴼ 🦋
ᴾ ᴴ ᴼ ᵀ ᴼ ᶠ ᴿ ᴼ ᴹ ᴾ ᴵ ᴺ ᵀ ᴱ ᴿ ᴱ ˢ ᵀ

18/02/2022

16/01/2022

#အချိန်နဲ့အမှန်တရား

⏰ လောကမှာ အချိန်ဆိုတာဟာ
တန်ဖိုးအရှိဆုံးပါ ။

⏰ ဘယ်လိုခက်ခဲတဲ့
ပြဿနာမျိုးကိုမဆို
နောက်ဆုံးမှာ အချိန်က
ဖြေရှင်းပေးနိုင်ပါတယ် ။

⏰ ကိုယ့်အပေါ်မှာ
ဟန်ဆောင်နေတဲ့ မျက်နှာဖုံးတွေကို
အချိန်ကဆွဲခွာပြနိုင်ပါတယ် ။

⏰ မေတ္တာ စစ်မစစ်ကို
အချိန်က စစ်မှန်တဲ့ချစ်ခြင်းကို
ပြနိုင်ပါတယ် ။

⏰ မှန်ကန်တဲ့ ချစ်ခြင်းမေတ္တာကို
အချိန်က ရှာဖွေတွေ့ရှိစေပါတယ် ။

⏰ ကိုယ့်ရဲ့ နာကျင်ခြင်းတွေကိုလည်း
အချိန်က ကုစားပေးနိုင်ပါတယ် ။

⏰ ဒါကြောင့် တန်ဖိုးရှိတဲ့အချိန်တွေကို
လူတွေက ပြန်လိုချင်လို့မရနိုင်ပေမယ့်
အချိန်တွေဟာ
တန်ဖိုးရှိနေတယ်ဆိုတာကို တော့
ကောင်းကောင်းနားလည်နိုင်ရမယ် ။

⏰ ဘယ်အရာကိုမဆို
အချိန်တန်ရင်အမှန်တရားဆိုတာ
ဆုံတွေ့ကြရမယ့် သူတွေချည့်ပါပဲ ။

🖋️မူရင်းရေးသားသူကိုလေးစားစွာဖြင့် 𝐂𝐫𝐞𝐝𝐢𝐭 ပေးပါသည်။🖋️

``မေတ္တာဖြင့်တဆင့်ပြန်လည်
မျှဝေပေးပါသည်"

📚 စာပေများ ဖတ်ရှုလိုပါက
👉 “ကျတော့်ရဲ. ( 🇦 🇨 🇨 )‌ လေး ကို”
📖 𝐀𝐝𝐝 ༒︎ 𝐟𝐨𝐥𝐥𝐨𝐰𝐞𝐝
𝐒𝐞𝐞 ✞︎ 𝐅𝐢𝐫𝐬𝐭 လေး ‌လုပ်ထားပေးပါအုံးနော်🌻

🇦 🇨 🇨 - Link ❤️👇
https://www.facebook.com/profile.php?id=100065260764760

14/01/2022

08/01/2022

03/11/2021

" If I Can Fly "

စိတ်ကူး ယဉ်ကျစတည်းကြေး ဆိုရင်
ကိုယ်လည်း ပုံပြင်ကောင်းကောင်း တစ်ပုဒ်
ပြောပြတတ်တယ် မေ။

ဥပမာ မင်းဟာ အဖြူရောင်တိမ်တိုက်ဆို
ကိုယ်ဟာ မင်းကို လှပပျော်ရွင်အောင်
ဖန်တီးပေးတဲ့ စိတ္တဇနာမ် လေပြေလေးပေါ့ ။

လက်တွေ့မဆန်းတဲ့ အိမ်မက်တွေဟာ
စိတ်ကူးသက်သက်ပါပဲ။
ဒါတွေကိုလည်း မုန်းလှပါပြီ ။

သောင်ပြိုနေတဲ့ကမ်းမှာ ဘယ်ငှက်မှ
မနားစေချင်တာ ကိုယ်၌ကလွဲလို့
ဘယ်သူသိမှာလဲ ။

မချစ်တော့လို့ ဆက်ပြီး
မတွယ်ညှိတာ မဟုတ်ခဲ့ဘူး။
မင်း တစ်ဖက်သတ်ဝဋ် ပြန် လည်မှာ
ကြောက်လို့ ဒီကြိုးကို ဆက်မချည်ခဲ့တာ ။

သုံးပွင့်ဆိုင်မှာ ဒီပန်းဟာ ခိုင်လျက်နဲ့
ကိုယ့်ဘာသာကိုယ် ချွေချခဲ့တာ။
ဒီဇာတ်လမ်းမှာ မင်းသမီးလုပ်သူ
ဇာတ်ပို့ကောင်းဖို့ ဒီကဇာတ်ကောင်
ဗီလိန်လုပ်ပြရတာ တန်ပါတယ် ။

အနည်းဆုံးတော့ လွမ်းခွင့်ရတိုင်း
အခွင့်သာမယ်ဆို တောင်ပံတစုံကိုတပ်
မင်းရှိတဲ့အရပ်ကို မျက်နာမူပြီး ပျံသန်းချင်မိတယ်။

ပြီးတော့
မင်းကို ခဏတာဖတ်ပြီး ငိုချင်သေးတယ်။
ဒါလည်း စိတ်ကူးပါပဲလေ ။

-ချိုစိမ့်-

01/11/2021

🍂 #ရင့်ကျက်သွားတဲ့အခါ .. 🍂
□ □ □
■ အရင်တုန်းက တစ်ခုခု ဒေါသထွက်ရင် ချက်ချင်း
မစဉ်းစားပဲ ပြန်ပြော၊ ပြန်လုပ်တတ်ပေမယ့် အခု
တော့ နှုတ်ဝရောက်နေတဲ့ စကားလုံးအချို့နဲ့
ပေါက်ထွက်တော့မယ့် ဒေါသတွေကိုအချိန်မီ
ပြန်မျိုချတတ်လာတယ်။

■ အရင်တုန်းက သူများဝေဖန်ရင် အိပ်ရေးပျက်တဲ့
အထိခံစားတတ်ပေမယ့် အခုတော့ တစ်ဖက်နား
ကဝင်ပြီး အခြားတစ်ဖက်က ထွက်သွားတယ်။

■ အရင်တုန်းက ရင်ဘတ်ထဲက ခံစားတာတွေကို
ဦးစားပေးခဲ့ပြီး အရူးကြီးတစ်ယောက်လိုဖြစ်ပေ
မယ့် အခုတော့ နှလုံးသားကို ခဏအနားပေးပြီး
ဦးနှောက်ကိုပဲ ပိုမျက်နှာသာပေးမိတယ်။

■ အရင်တုန်းက လူတစ်ယောက်ကို လွယ်လွယ်
ကူကူ ယုံကြည်တတ်ပေမယ့် အခုတော့အချိန်
အတိုင်းအတာ တစ်ခုအထိစောင့်ကြည့်ပြီးမှ
ယုံတတ်လာတယ်။

■ အရင်တုန်းက ချစ်ရင်ချစ်တယ်၊ မုန်းရင်မုန်းတယ်
နေလို့ရခဲ့ပေမယ့် အခုတော့မုန်းတဲ့လူကိုပြုံးပြပြိး
ချစ်တဲ့လူကို ဥပေက္ခာပြုတဲ့အလေ့အကျင့်တွေလဲ
ပိုင်ဆိုင်လာတယ်။

■ အမှန်တိုင်းပြောရရင် ငယ်စဉ်က စိတ်ထဲရှိသလို
နေရတဲ့ ဘဝလေးကိုသတိရတယ်။ ဒါပေမယ့်
"ရောမ"ရောက်ရင် "ရောမသား"တွေလိုကျင့်ကြံ
ရတယ်ဆိုတဲ့ စကားပုံအတိုင်း အသက်အရွယ်နဲ့
အတူပြောင်းလဲလာရတယ်။

■ အမှားတစ်ခုစီက သင်ခန်းစာတွေပေးခဲ့တယ်။
အချို့အမှားတွေက ပြင်းထန်လွန်းလို့ အမာရွတ်
တွေကျန်ခဲ့တယ်။ ဒါပေမယ့် အဲ့ဒိအမာရွတ်တွေ
ကို ဆုတံဆိပ်တွေလို ဂုဏ်ယူစွာ တပ်ဆင်ထား
တယ်။ ဘယ်လောက်ရွတ်ရွတ်ချွံချွံတိုက်ခိုက်ခဲ့ပြီး
ဒီအခြေအနေထိရောက်လာလဲဆိုတာကိုဖော်ပြ
နေတဲ့အမှတ်အသားတွေမို့ တန်ဖိုးထားတယ်။

■☞ အသက်ကြီးလို့လူကြီးဖြစ်တာထက်၊
အသိကြီးလို့ လူကြီးဖြစ်တာက ပိုကောင်းပါတယ်။ ☜■
★ ★ ★
✏ Credit

❤ စာဖတ်သူ မိတ်ဆွေများအားလုံး ရွှင်လန်းသုခ
ပြည့်စုံကြပါစေ

01/11/2021

20/10/2021