The Hawassa Post

02/12/2023

Hawassa

10/09/2023

E

03/12/2022

በአፍሪካዊቷ ማላዊ በሚደረገው የተማሪዎች ውድድር ላይ የሚሳተፈው የማውንት ኦሊቭ ተማሪ የሆነው ሮቤል አርዓያ ሽኝት ተደረገለት

አህጉራዊ የተማሪዎች ውድድር ላይ ለመሳተፍ በከተማችን ከሚገኙ ትምህርት ቤቶች የማውንት ኦሊቭ ተማሪ የሆነው ተማሪ ሮቤል አርአያ በትምህርት ቤቱ ቦርድ አመራርና መምህራን ሽኝት ተደርጎለታል።

በማዋላዊ በሚደረገው የSpelling bee ውድድር ላይ ለመሳተፍ ነው ተማሪ ሮቤል አርዓያ ሽኝት ተደረገለት።

እንደ ሀገር ከተመረጡ 6 ተማሪዎች ውስጥ አንዱ የሆነው ሮቤል አርዓያ ከተማችንን በመወከል በሚደረገው ውድድር ላይ ተሳትፎ ለማድረግ በማውንት ኦሊቭ የትምህርት ቦርድ አመራርና መምህራን ዛሬ ሽኝት ተደርጎለታል።

ትምህርት ቤቱ እና የቦርድ አመራሩ ለተማሪ ሮቤል አርዓያ መልካም ውጤት ተመኝተውለታል።
Via Hawassa city adminstration

06/05/2022

The Hawassa Post

11/02/2022

የቀድሞው የጊኒ ቢሳው ባህር አዛዥ በከሸፈው መፈንቅለ መንግስት ተጠርጥረው ታሰሩ።

ጊኒቢሳው እስካሁን ከከሸፈው መፈንቅለ መንግስት ጋር በተያያዘ ሶስተ ሶወችን አስራለች።

የቀድሞው የጊኒ ቢሳው ባህር አዛዥ በከሸፈው መፈንቅለ መንግስት ተጠርጥረው ታሰሩ፡፡

ባሳለፍነው ሳምንት በምዕራብ አፍሪካዊቷ ጊኒቢሳው መፈንቅለ መንግስት ተሞክሮ መክሸፉ ይታወሳል፡፡

መፈንቅለ መንግስቱ የተፈጸመው የ49 ዓመቱ የሀገሪቱ ፕሬዘዳንት ኡማሮ ሲሶኮ ኢምባሎ በቢሯቸው ሚኒስትሮችን ሰብስበው እየተወያዩ ባሉበት ወቅት የታጠቁ ወታደሮች ወደ ቢሮ አቅንተው ተኩስ ከፍተውባቸው ነበር፡፡

ፕሬዘዳንቱን በመግደል ስልጣን በመፈንቅለ መንግስት መቆጣጠር ዋነኛው ዓላመው የነበረው ይህ ክስተት በቁጥጥር ስር ውሎ መፈንቅለ መንግስት ሙከራውም እንደከሸፈ ፕሬዘዳንቱ በወቅቱ በሰጡት መግለጫ ተናግረው ነበር፡፡

በከሸፈው የጊኒቢሳው መፈንቅለ መንግስት 11 ሰዎች የተገደሉ ሲሆን በጉዳዩ ዙሪያ የተሳተፉ አካላትን የማደኑ ስራ መቀጠሉን ኤአፍፒ ዘግቧል፡፡

የሀገሪቱ አቃቢ ህግ ጉዳዩን በማጣራት ላይ ሲሆን እስካሁን በመፈንቅለ መንግስቱ ተሳትፈዋል የተባሉ ተጠርጣሪዎች በመያዝ ላይ ናቸው፡፡

የሀገሪቱ የቀድሞው ባህር ሀይል አዛዥ የነበሩት ጆሴ አሜሪኮ ቡቦ በዚህ መፈንቅለ መንግስት ላይ እጃቸው እንዳለበት ተጠርጥረው በቁጥጥር ስራ መዋላቸውም ተገልጿል፡፡

ግለሰቡ በአደገኛ እጽ ዝውውር ላይ ተሳታፊ ነበሩ የተባለ ሲሆን ዝውውሩን ለማስቆም እየሰራ ባለው የፕሬዘዳንት ኡማሮ ሲሶኮ ኢምባሎን መንግስት በሀይል ለማስወገድ አሲረዋል ተብሏል፡፡

ጊኒቢሳው ከላቲን አሜሪካ ወደ አፍሪካ በሚከናወነው አደገኛ ዕጽ ዝውውር ዋነኛ መስመር እንደሆነች የሚጠቀስ ሲሆን ዝውውሩ ውስብስብ እና አመራሮች ሳይቀር እንደሚሳተፉበት ይነገራል፡፡

የከሸፈው መፈንቅለ መንግስት የተቀነባበረው በቀድሞ የሀገሪቱ ወታደራዊ አመራሮች እና በአደገኛ እጽ ዝውውሩ ውስጥባሉ ዓለምአቀፍ ወንጀለኞች ጭምር እንደተሳተፉበት የጊኒቢሳው ፕሬዘዳንት ተናግረዋል፡፡
Via Al Ain news

11/02/2022

16/09/2021

ሀዋሳ ዩኒቨርሲቲ ለአርቲስት አዱኛ ዱሞ የክብር ዶክትሬት ሊሰጥ ነው።

ቅዳሜ ተማሪዎቹን የሚያስመርቀው ሀዋሳ ዩኒቨርሲቲ ፤ በሲዳምኛ ሙዚቃዎቹ ለሚታወቀው አርቲስት አዱኛ ዱሞ የክብር ዶክትሬት እንደሚሰጥ ታውቋል።

ዩኒቨርሲቲው 6 ሺህ 793 ተማሪዎችን ቅዳሜ መስከረም 08/2014 ዓ.ም ያስመርቃል።

21/08/2021

ዕውቁ ባለሀብት አቶ በሹ ቱሉ ማረፋቸው ተሰማ።

በባለሀብቱ እረፍት የተሰማንን ሀዘን እየገለጽን ለቤተሰቦቻቸው እና ዘመዶቻቸው መጽናናትን እንመኛለን።

The Hawassa Post ስለ ባለሀብቱ ሕይወት ታሪክ ዝርዝር መረጃ ይዞ ይመለሳል።
በ አብርሃም አበራ

30/07/2021

በሲዳማ ክልል በአንድ ጀምበር 15 ሚሊዮን ችግኝ የመትከል መርሐ ግብር እየተከናወነ ይገኛል።

በሲዳማ ክልል በዛሬው ዕለት "ኢትዮጵያን እናልብሳት" በሚል መርህ በሀገር ደረጃ የተጀመረው መርሐ ግብር አካል የሆነው የአንድ ጀንበር የችግኝ ተከላ በክልሉ በሁሉም አከባቢዎች 15 ሚሊዮን ችግኝ የመትከል መርሐ ግብር እየተከናወነ ይገኛል። በሀዋሳ ከተማ በሁሉም ክፍለ ከተሞች በዛሬው መርሐ ግብር 500,000 ችግኞች እንደሚተከሉም ተገልጿል።

Via Tikvah

27/07/2021

የሲዳማ ክልል የ1ሚሊዮን ብር ተበረከተለት።

የኦርቶዶክስ ቤተ ክርስቲያን የሲዳማ ሀገረ ስብከት፣ "በሲዳማ ክልል እየተመዘገቡ ያሉ ለውጦችን ለመደገፍ" ሲል የ1 ሚሊዮን ብር ድጋፍ ማድረጉን ከሀዋሳ ከተማ አስተዳደር ካንቲባ ጽ/ቤት ያገኘነው መረጃ ያመላክታል።

21/07/2021

የ8ኛ ክፍል ክልላዊ ፈተና
የሲዳማ ክልል ት/ቢሮ የ8ኛ ክፍል ክልል አቀፍ ፈተና ከሐምሌ 21-23 እንደሚሰጥ አስታውቋል።

ት/ቢሮው የፈተናው ቀኑ እስኪደርስ ተፈተኝ ተማሪዎች በቂ ዝግጅት እያደረጉ እንዲቆዩና ት/ቤቶችም በቂ ዝግጅት እንዲያደርጉ አሳስቧል ሲል ሪፖርተራችን አብርሃም አበራ ዘግቧል።

14/07/2021

የሲዳማ ክልል ልዩ ኃይል ወደ ሰሜን ያቀናል።

የሲዳማ ክልል የክልሉ ልዩ ኃይሎች በ "ሰሜኑ ጦርነት ላይ አንሳተፍም በማለት የሃዋሳ ካምፓቸውን ለቀው ወጡ" በሚል የማህበራዊ ሚዲያ የሚሰራጨውን መረጃ ሀሰት ነው ሲል አስተባበል።

የክልሉ ፕሬዝዳንት አቶ ደስታ ሌዳሞ ፥ "በማህበራዊ ሚዲያ ላይ የተሰራጨው መረጃ ሀሰት ነው ፤ ዛሬ ምሽት የሲዳማ ክልል ልዩ ሀይል አባላት ይሸኛሉ ፤ ሚድያዎችም ተገኝተው ይህንን ሽኝት ይዘግቡታል" ሲሉ ለኢትዮጵያ ቼክ ድረገፅ ቃላቸውን ሰጥተዋል።

11/07/2021

የብሄራዊ ምርጫ ውጤት
Via Ethiopian insider

05/07/2021

የተወካዮች ም/ቤት 6ኛ የሥራ ዘመን 4ኛ ልዩ ስብሰባ

04/07/2021

በነገው ዕለት ጠ/ሚኒስትር ዐቢይ በተገኙበት የሕዝብ ተወካዮች ም/ቤት ልዩ ስብሰባ ይካሄዳል።
********

የኢትዮጵያ ፌዴራላዊ ዲሞክራሲያዊ ሪፐብሊክ 5ኛው የሕዝብ ተወካዮች ም/ቤት በ6ኛ ዓመት የስራ ዘመኑ 4ኛ ልዩ ስብሰባውን ነገ ሰኔ 28 ቀን 2013 ዓ.ም ከጠዋቱ 3:00 ጀምሮ ያካሂዳል፡፡

ምክር ቤቱ ልዩ ስብሰባውን የኢፌዴሪ ጠቅላይ ሚኒስትር ዶ/ር አብይ አህመድ በተገኙበት የሚያካሂድ ሲሆን፤ የፌዴራል መንግስትን የ2014 በጀት ዓመት ረቂቅ በጀት ላይ ተወያይቶ እንደሚያፀድቀው ይጠበቃል፡፡

በጠቅላይ ሚኒስትር ፅ/ቤት መሰብሰቢያ አዳራሽ በሚካሄደው በዚህ ስብሰባ ላይ በአዲስ አበባ የሚገኙ የተለያዩ አገራት አምባሳደሮች፣ የአለም አቀፍ ተቋማት ተጠሪዎች፣ የሃይማኖት አባቶችና ጥሪ የተደረገላቸው እንግዶች ይገኛሉ ተብሏል።

የጉባኤው ሂደትም የምልክት ቋንቋን ጨምሮ በቀጥታ ስርጭት ለሕዝብ እንደሚተላለፍ ምክር ቤቱ አስታውቋል።
Via HPRE

04/07/2021

የሲዳማ ክልል ምስረታ 1ኛ ዓመት በዓል በሀዋሳ ከተማ እየተከበረ ነው
------------------------
የሲዳማ ብሄራዊ ክልላዊ መንግስት መዲና በሆነችው በሐዋሳ ከተማ በዛሬው እለት በክልል ደረጃ እየተከበረ ለሚገኘው 1ኛ ዓመት የክልሉ ምስረታ በዓል የተለያዩ የቅድመ ዝግጅት ተግባራት ሲከናወኑ ቆይተዋል።

በበዓሉ ላይ የሲዳማ ክልል ርዕሰ መስተዳድር አቶ ደስታ ሌዳሞ፣የክልሉ ምክር ቤት ዋና አፈ ጉባዔ አቶ ሰለሞን ላሌ እና የክልሉ ብልፅግና ፓርቲ ጽ/ቤት ኃላፊ አቶ አብርሀም ማርሻሎን ጨምሮ የሲዳማ የሀገር ሽማግሌዎች፣ የብሄሩ ተወላጆችና ሌሎች የህብረተሰብ ክፍሎች በመሳተፍ ላይ ይገኛሉ።
Via Walta TV

04/07/2021

ዜና እረፍት !
ክብርት ዶ/ር አበበች ጎበና ከዚህ አለም በሞት ተለዩ፡፡

እናታችን ክብርት ዶ/ር አበበች ጎበና በቅርቡ በኮቪድ-19 ተይዘው በጳውሎስ ሆሰፒታል በጽኑ ህሙማን ክፍል ውስጥ ገብተው እንደነበር መግለፁ ይታወሳል።

ዛሬ ጠዋት በተወለዱ በ85 ዓመታቸው ከዚህ አለም በሞት ተለይተዋል፡፡

ምንጭ፦ አበበች ጎበና የህፃናት ክብካቤ እና ልማት ማህበር

03/07/2021

አሜሪካ በትግራይ ክልል መቐለ ከተማ የሚገኙ ዜጎቿን ለማስወጣት ጥረት እያደረገች ነው።

የአሜሪካ ውጭ ጉዳይ መስሪያ ቤት በትዊተር ገጹ ባሰራጨው *የጥንቃቄ መልዕክት* መቐለ የሚገኙ የአሜሪካ ዜግነት ያላቸውን ዜጎች ለማስወጣት ጥረት እየተደረገ መሆኑን አሳውቋል።

በመቐለ የሚኖሩ አሜሪካዊ ዜግነት ያላቸው ሰዎች ለደኅንነታቸው ተጠልለው እንዲቆዩ መስሪያ ቤቱ መክሯል።

በክልሉ ያሉ አሜሪካዊ ዜግነት ያላቸው ወይም በመቐለ የሚኖር #አሜሪካዊ ቤተሰብ ያላቸው ሰዎች ከመስሪያ ቤቱ ጋር ግንኙነት እንዲያደርጉ ተጠይቋል።
Via USEmbassyAA

03/07/2021

የደቡብ ክልል "1.4ቢሊዮን ብር ተመዝብሬያለሁ!።" አለ።

በደቡብ ክልል ተመዝብሯል የተባለውን 1 ነጥብ 4 ቢሊየን ብር የማስመልስ ተግባር በማከናወን ላይ እንደሚገኝ የክልሉ መንግስት አስታወቀ ።

የክልሉ መንግስት ይህን ያስታወቀው ዛሬ ጠዋት በሀዋሳ ከተማ በተጀመረው የክልሉ ምክር ቤት 5ኛ ዙር 12ኛ መደበኛ ጉባኤ ላይ የክልሉ ምክትል ርዕሰ መስተዳድሩ የመንግስታቸውን ዓመታዊ የስራ አፈጻጸም ሪፖርት ለምክር ቤቱ ባቀረቡበት ወቅት ነው።

ምክትል ርዕሰ መስተዳደሩ አቶ ርእስቱ ይርዳው በሪፖርታቸው ያቀረቡት ሰነድ በክልሉ በበጀት ዓመቱ በሙስና ፣ በታክስ ማጭበርበር እና በውል አስተዳደር 1, 439, 635, 699 ብር ተመዝብሯል ብሏል።

የተመዘበረውን የህዝብ ሀብት በክልሉ ጠቅላይ ዐቃቢ ህግ አማካኝነት የማስመለስ ስራዎችን በማከናወን ላይ ይገኛል ያለው የምክትል ርዕሰ መስተዳደሩ ሪፖርት > በማለት አብራርቷል ።

ሪፖርቱ በክልሉ ተካሂዷል ያለው ምዝበራ በየትኞቹ ተቋማትና በእነማን እንደተፈመ ግን የጠቀሰው ነገር ያለም ።

አቶ ርእስቱ ከዚህ በተጨማሪ በእርሻ ፣ በጤና፣ በትምህርት ፣ በመሰረተ ልማት ግንባታዎች ፣ በሰላምና ፀጥታ ረገድ ተከናውነዋል ያሏቸውን ተግባራትና ያጋጠሙ ተግዳሮቶችን በሪፖርታቸው ዘርዝረዋል።

ዛሬ ጠዋት የተጀመረውና እስከ ነገ የሚቆየው ጉባኤ በአሁኑሰዓት በምክትል ርዕሰ መስተዳድሩ በቀረበው የስራ አፈጻጸም ሪፖርት ላይ እየተወያየ ይገኛል ።

ምክር ቤቱ በቆይታው አዳዲስ ሹመቶችንና የተጨማሪ በጀት ጥያቄዎችን መርምሮ ያጸድቃል ተብሎ እንደሚጠበቅ DW ዘግቧል።
The Hawassa post

01/07/2021

የሲዳማ ክልል ት/ቢሮ የ8ኛ ክፍል ክልል አቀፍ ፈተና ቀደም ሲል የሰጣል በተባለበት ቀን ሰኔ 28 በገጠመው ችግር ምክንያት እንደማይሰጥ አስታውቋል።

30/06/2021

የሀዋሳው ብርቱ አቶ ጀማል አደም ባደረባቸው ሕመም በሕክምና ሲረዱ ቆይተው ትናንት ሰኔ 22 2013 ከዚህ ዓለም በሞት መለየታቸው ታውቋል።

16/06/2021

ኢንጂነሮቹ በታጣቂዎቹ ተገደሉ።

በኮንስትራክሽን የስራ ላይ ተሰማርተው በሙያቸው ሀገራቸውን እና ህዝባቸውን እያገለገሉ የነበሩ ሁለት ወጣት ኢንጂነሮች በታጣቂዎች ተገደሉ።

እና የተባሉት ወጣት ኢንጂነሮች ትላንት ሰኔ 8/2013 ለሥራ ጉዳይ "አማሮ ልዩ ወረዳ" ሲጓዙ "ጀሎ" በምትባል ቀበሌ በታጣቂዎች በተከፈተባቸው ተኩስ ህይወታቸው አልፏል።

ሁለቱም ወጣት ኢንጂነሮች ባላቸው እውቀት ህዝባቸውን እና ሀገራቸውን በማገልገል ላይ እያሉ ነው በታጣቂዎች በግፍ የተገደሉት።

የወጣቶቹን ግድያ የአማሮ ልዩ ወረዳ ፖሊስ ፅ/ ቤት ለቲክቫህ ኢትዮጵያ ያረጋገጠ ሲሆን ጉዳዩን ለደቡብ ክልል ፖሊስ ኮሚሽን አሳውቀናል ብሏል።

በሌላ በኩል የደቡብ ክልል ኮንስትራክሽን ባለልስጣን ባወጣው የሀዘን መግለጫ ወጣት ሮቤል ልደቱ የባለስልጣን መስሪያ ቤቱ የመንግስት ፕሮጀክቶች ግንባታ ጥራት ክትትል እና ቁጥጥር ስራ ሂደት ባለሞያ እንደነበር ገልጾ በህልፈቱ የተሰማውን ሀዘን ገልጿል።

ባልስልጣኑ 'ድንገተኛ ህልፈተ ህይወት' ብሎ ከመግለፅ በዘለለ ዝርዝር መረጃ አልሰጠም።

የደቡብ ክልል ፖሊስ ኮሚሽን ስለግድያው ፣ ጥቃት ፈፃሚዎቹ ስለመያዛቸው እና ሌሎች ተያያዥ መረጃ እንዲሰጠን ያደረግነው ሙከራ አልተሳካም። ሲል ቲክቫህ ጽፏል።

14/06/2021

ቤኒያሚን ኔታንያሁ ከስልጣናቸው ተነሱ።

እስራኤልን ለ12 ዓመታት የመሩት ጠቅላይ ሚኒስትር ቤኒያሚን ኔታንያሁ በዛሬው እለት ከስልጣናቸው ተነስተዋል።

ቤኒያሚን ኔታንያሁ ከስልጣናቸው የተነሱት የሀገሪቱ ከኔስት (ፓርላማ) ጥምረት የፈጠሩ የፖለቲካ ፓርቲዎች የመሰረቱትን መንግስትን መቀበሉን ተከትሎ ነው።

የግራ ዘመሙ የያማኒያ ፓርቲው ናፍታሊ ቤንት የጠቅላይ ሚኒስትርነት ስፍራውን ተረክበዋል።

ናፍታሊ ቤንት በዛሬው ዕለት ቃለ መሃላ የፈጸሙ ሲሆን፣ እስከ 2023 ድረስ እስራኤልን የሚመሩ ይሆናል።

ከ2023 በሁዋላም ስልጣኑን ለያዴህ አቲድ ፓርቲ መሪው ያኢር ላፒድ የጠቅላይ ሚኒስትርነት ስፍራውን የሚያስረክቡ ይሆናል። ይህም ጥምር መንግስት የመሰረቱት ፓርቲዎች ስልጣን ለመጋራት በደረሱት ስምምነት መሰረት እንደሚፈጸም ተነግሯል።

ኔታንያሁ ከስልጣናቸው መነሳታቸውን ተከትሎ በርካታ እስራኤላውያን አደባባይ ወጥተው ደስታቸውን እየገለጹ ነው።

ምንጭ፦ አል ዓይን ኒውስ

09/06/2021

የሀዋሳ ታቦር ተራራ በባለሃብቶች እንዲለማ ለማድረግ እየተሰራ ነው ተባለ።

የሀዋሳ ልዩ መለያ የሆነው 'ታቦር ተራራ' ባላሀብቶች መዋዕለ ነዋያቸውን የሚያፈሱበትና የኢንቨስትመንት የስበት አካል እንዲሆን እይተሰራ መሆኑን የከተማይቱ ም/ከንቲባ ረዳት ፕሮፌሰር ፀጋዬ ቱኬ ለኢትዮጵያ ፕሬስ ድርጅት ተናግረዋል።

ምክትል ከንቲባው፥ የታቦር ተራራ ባለሃብቶች እንዲያለሙትና "ገበታ ለሀገር" ፕሮጀክትን ሚስተካከል ልማት የሚከናወንበት ስፍራ እንዲሆን እየተሰራ መሆኑን አስረድተዋል።

ሀዋሳ የመላው ኢትዮጵውያን ከተማ ከመሆን አልፋ የቱሪስቶች መዳረሻ በመሆኗ ሰፊ የኢንቨስትመንት ሥራ በማከናወን ሀገርን ተጠቃሚ ማድረግ ይገባል ሲሉ ተናግረዋል።

ምክትል ከንቲባው፥ ታቦር ተራራን ጨምሮ በሃዋሳ አቅራቢያ የሚገኙ ሃብቶችን ሥራ ላይ የማዋል ብርቱ ጥረት መጀመሩን ጠቁመው በቀጣይ ዘርፈ ብዙ ስራዎች እንደሚከናወኑ ገልፀዋል።

01/06/2021

"አስክሬኗ ሲገኝ እጇ መጠምዘዙን ዓይኗ በቦክስ የመመታት ምልክትም ነበረው"

የጠፋች ልጃቸውን በሕይወት ለማግኘት ተስፋ ያደረጉት ቤተሰቦች አስከሬኗን ተረክበዋል !

የ16 ዓመቷ ተማሪ ፌቨን ዳዊት ከጠፋች ከ4 ቀናት በሗላ አስክሬኗ በሀዋሳ ሀይቅ ተገኘ።

ፌቨንና ጓደኛዋ ትዕግስት ዘወትር እንደሚያደርጉት ሀዋሳ ሀይቅ ዳርቻ እየተዝናኑ ነበር በድንገት 2 ወጣቶች ካልተቀላቀልናችሁ ብለው አብረዋቸው የሆኑት።

ጥቂት ደቂቃዎችን አብረዋቸው ከቆዩ በሗላ በጀልባ ሀይቁ ላይ እንዝናና የሚል ጥያቄን ወጣቶቹ ያነሳሉ። 2ቱ ታዳጊ ሴቶች አለመፈለጋቸውን ቢገልፁም የወጣቶቹ ጉትጎታ የሚቻል ስላልነበር እሺ ለማለት ተገደዱ።

ጏደኛዋ ትዕግስት እንደምትለው የታዳጊ ሴቶቹ ቀጣይ ፈተና የነበረው የጀልባ ጉዞው ለየብቻ ነው የሚል ትዛዝ አዘል መመሪያ ከወንዶቹ ሲመጣ ነው።

ብዙ አታስቡ ተከታትለን ስለምንሄድ የሚል የማሳመኛ ቃል ሲደጋገም እሺታን መርጠው ጉዞ ጀመሩ።

አላማቸው 2ቱን ታዳጊ ሴቶች መነጠል እንጂ መዝናናት ስላልነበር አንደኛው ወጣት ፌቨንን ይዞ ጉዞ ይጀምራል..ጥቂት እንደተጓዙ ፌቨን የነ ትዕግስትን ጀልባ መመልከት ስላልቻለች ከወዴት ናችሁ የሚል ተደጋጋሚ የስልክ ጥሪ ለጓደኛዋ ታደርጋለች።

ከቆይታ በሗላ የት ናችሁ የሚል ጥያቄ ሳይሆን ለጓደኛዋ የድረሽልኝ መማፀኛ መልዕክት መላክ ጀመረች።

አሳዛኙ እውነታ ግን ፌቨን ከሀይቁ ሰምጣለች። ወጣቶቹ ከአካባቢው ተሰውረዋል።

ከ4 አስጨናቂ ቀናት በኋላ ቤተሰብ የ16 አመት ልጃቸውን አስክሬን ተረክበዋል።

የፌቨን አስክሬን ሲገኝ እጇ መጠምዘዙን ዓይኗ በቦክስ የመመታት ምልክት እንደነበረው በቦታው ቤተሰቦቿ ይናገራሉ።

2ቱን ወጣቶች ፖሊስ በቁጥጥር ስር አውሎ ምርመራ እያደረገ ይገኛል።

ህይወትን አይታ ያልጠገበችው የ16 ዓመቷ ፌቨን ቤተሰቦች ፈጣሪ እውነቱን ያሳየን የፍትህ ያለህ ይላሉ!
Via Adane Arega

23/02/2021

03/02/2021

የኤርትራ ባለ ሥልጣናት በእምነታቸው ምክንያት የታሰሩ ሌሎች ሦስት የይሖዋ ምሥክሮችን ከእስር ለቀቁ።

የኤርትራ ባለ ሥልጣናት የካቲት 1, 2021 አንድን ወንድምና ሁለት እህቶችን ከእስር ለቅቀዋል። እነዚህ የይሖዋ ምሥክሮች በእምነታቸው ምክንያት ከአራት እስከ ዘጠኝ ዓመት ድረስ ታስረዋል። አሁን በእስር ላይ የሚገኙት 20 ይሖዋ ምሥክሮች እስር ላይ መሆናቸውን ከ www.jw.org/am ያገኘነው መረጃ ያመላክታል።
Via jw.org/am

01/02/2021

አቶ በየነ ባራሳ የሲዳማ ክልል ም/ር/መስተዳድርና የት/ቢሮ ኃላፊ ሆኖ መሾማቸውን አዲሱ መሥሪያ ቤታቸው፣ ት/ቢሮ ይፋ አድርጓል።
The Hawassa post