Mandalay News

  • Home
  • Mandalay News

Mandalay News သတင်းတင်ဆက်ရေး

ရေး-သံဖြူဇရပ် လမ်းပိုင်းတွင် စစ်ကားများကို ၃ ကြိမ် တိုက်ခိုက်မှု ၈ ဦးသေဆုံး၊ တန့်ဆည်တွင်လည်း ပျူစောထီးများကို ဖောက်ခွဲတ...
20/11/2022

ရေး-သံဖြူဇရပ် လမ်းပိုင်းတွင် စစ်ကားများကို ၃ ကြိမ် တိုက်ခိုက်မှု ၈ ဦးသေဆုံး၊ တန့်ဆည်တွင်လည်း ပျူစောထီးများကို ဖောက်ခွဲတိုက်ခိုက်မှု ၈ ဦးသေဆုံး

ရန်ကုန်၊ နိုဝင်ဘာ ၂၀

မွန်ပြည်နယ်၊ ရေးမှ သံဖြူဇရပ်သို့ တက်လာသည့် စစ်ကားများကို ကာကွယ်ရေး တပ်ဖွဲ့များက ၃ ကြိမ် တိုက်ခိုက်ခဲ့ပြီး ၈ ဦးသေဆုံးကြောင်း သိရသည်။

နိုဝင်ဘာလ ၁၉ ရက်နေ့ နံနက် ၉ နာရီ ၃၈ မိနစ်တွင် ရေးမြို့မှ သံဖြူဇရပ်သို့ တက်လာသည့် စစ်ကား ၇ စီးကို ကွမ်ကြိုက်နှင့် ကနင်ကမော့ရွာ အကြားတွင် တောင်ညိုပြည်သူ့ ပြောက်ကျားအဖွဲ့မှ ပထမ အကြိမ် မိုင်းဆွဲ ပစ်ခတ် တိုက်ခိုက်ခဲ့ပြီး စစ်ကောင်စီ တပ်သား ၂ ဦးသေဆုံးခဲ့ကြောင်း သိရသည်။

နံနက် ၁၁ နာရီ ၁၇ မိနစ်တွင် သံဖြူဇရပ်မြို့မှ လမ်းကင်း အဖြစ် လာသော Double Cab ကားသေး ၁ စီးကို ဝဲခမီကျေးရွာအနီး တွင် ဒုတိယ အကြိမ် တောင်ညိုပြည်သူ့ပြောက်ကျားအဖွဲ့ တို့ ထိပ်တိုက် ပစ်ခတ် တိုက်ခိုက်ခဲ့ပြီး စစ်ကောင်စီ တပ်သား ၄ ဦးသေဆုံးကာ ၂ ဦး ထိခိုက်ဒဏ်ရာရရှိခဲ့ကြောင်း သိရသည်။

မွန်းလွဲ ၁၂ နာရီ ၅၀ မိနစ်တွင် ရေးမြို့ မှ သံဖြူဇရပ်သို့ တက်လာသော စစ်ကား ၇ စီးကို ဘေးလမိုင်းရွာ အနီး တွင် တောင်ညိုပြည်သူ့ ပြောက်ကျား အဖွဲ့မှ တတိယအကြိမ် ထပ်မံ ပစ်ခတ် တိုက်ခိုက်ခဲ့ပြီး စစ်ကောင်စီ တပ်သား ၂ ဦးသေဆုံးခဲ့ကြောင်း တောင်ညို ပြည်သူ့ ပြောက်ကျား အဖွဲ့မှ ထုတ်ပြန်ထားသည်။

အလားတူ စစ်ကိုင်းတိုင်း၊ တန့်ဆည်မြို့နယ်တွင် ပျူစောထီးအဖွဲ့ကို ကာကွယ်ရေး တပ်ဖွဲ့များက မိုင်းဆွဲတိုက်ခိုက်ခဲ့ပြီး ၈ ဦးသေဆုံးခဲ့ကြောင်း သိရသည်။

နိုဝင်ဘာလ ၁၈ ရက်နေ့တွင် တန့်ဆည်မြို့နယ်၊ ဆင်ငယ်ရွာအနီးတွင် ညသန်းခေါင်အချိန်၌ ပျူစောထီးများ အပြင်ထွက်လာစဉ် ကာကွယ်ရေးပူးပေါင်းအဖွဲ့များက တိုက်မိုင်းများဖြင့် ဖောက်ခွဲ တိုက်ခိုက်ခဲ့ပြီး ပျူစောထီး ၈ ဦး သေဆုံးခဲ့ကြောင်း သိရသည်။

အဆိုပါ တိုက်ခိုက်မှုကို Guerrilla warfare K.P.K၊ TSR ၊‌ ရွှေဘိုခရိုင် တပ်ရင်း(၁၀)၊ တပ်ရင်း(၂၆) Taze Tiger ၊ PLA နှင့် မြို့နယ်ပလဖ အဖွဲ့များမှ ပူးပေါင်း တိုက်ခိုက်ခဲ့ခြင်း ဖြစ်ကြောင်း သိရသည်။

Address

Mandalay

Website

Alerts

Be the first to know and let us send you an email when Mandalay News posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Media Company?

Share