Bar Nyar Thar Ya Kar - ဘာညာသာရကာ

02/09/2024

အားကစားသမားတစ်ယောက်က Work out လုပ်လို့ ကိုယ့်ကို Judge မလုပ်ပါဘူး။

Millionaire တစ်ယောက်က စီးပွားရေးလုပ်ငန်းလုပ်လို့ ကိုယ့်ကို Judge မလုပ်ပါဘူး။

ဂီတပညာရှင်တစ်ယောက်က သီချင်းဆိုဖို့ ကြိုးစားလို့ ကိုယ့်ကို Judge မလုပ်ပါဘူး။

ဘာအလုပ်အကိုင်မှ မရှိတဲ့သူတွေ၊
ဘဝမှာ မဖြစ်ထွန်းနေတဲ့သူတွေကသာ
ကိုယ့်ကို တစ်ခုမဟုတ် တစ်ခု အပြစ်ပြောပြီး
Judge လုပ်တတ်ကြတာပါ။

ဘာမဟုတ်တဲ့သူတွေရဲ့
ဝေဖန်ပြစ်တင်စကားတွေကြောင့်
ကိုယ့်ဘဝ တိုးတက်ရာ တိုးတက်ကြောင်း
နှောင့်နှေးသွားတာ၊
ပျက်စီးသွားတာမျိုး လုံးဝအဖြစ်မခံပါနဲ့။

29/08/2024

ကိုယ့်ကိုယ်ကိုယ် စကားပြောခြင်းဟာ…

၁။ ဦးနှောက်ရဲ့ လုပ်ဆောင်နိုင်စွမ်းကို
ပိုမိုကောင်းမွန်စေတယ်။🧠

အသံထွက်ပြီး ထုတ်ဖော်ပြောဆိုလိုက်ခြင်းက
ကိုယ့်ကို ပိုပြီးအာရုံစိုက်နိုင်စေတာကြောင့်
ရှုပ်ထွေးတဲ့ ပြဿနာတွေကို
လွယ်ကူစွာ ဖြေရှင်းနိုင်စေပါလိမ့်မယ်။

၂။ ကိုယ့်ကိုယ်ကိုယ် အကောင်းမြင်ပြောဆိုခြင်းက လုပ်ဆောင်နိုင်စွမ်းကို ပိုမိုကောင်းမွန်စေတယ်။💪

အားကစားသမားတွေကို
စမ်းသပ်လေ့လာကြည့်တဲ့အခါ
ကိုယ့်ကိုယ်ကိုယ် အကောင်းမြင်တဲ့စကား
ထုတ်ဖော်ပြောဆိုတတ်တဲ့သူတွေဟာ
ပုံမှန်ထက် စွမ်းဆောင်ရည်တိုးတက်လာတာကို
တွေ့ရပါတယ်တဲ့။

၃။ ကိုယ့်ကိုယ်ကိုယ် တခြားသူတစ်ယောက်လို
သဘောထားပြောဆိုခြင်းက ပြဿနာတွေရဲ့
အဖြေကို ပိုမိုသိမြင်စေနိုင်ပါတယ်။💡

ကျွန်တော်တို့အားလုံးဟာ ကိုယ့်ပြဿနာထက်
တခြားသူတွေရဲ့ အခက်အခဲတွေကို
ဖြေရှင်းတဲ့နေရာမှာ ပိုမိုတော်တတ်ကြပါတယ်။

ကိုယ့်အကြောင်းကို
တခြားသူတစ်ယောက်အကြောင်း ပြောဆိုနေသလို
ကိုယ့်ကိုယ်ကိုယ် ပြန်ပြောကြည့်တဲ့အခါ
အစတုန်းက လုံးဝမတွေးမိခဲ့တဲ့
ဖြေရှင်းနည်းတွေကို တွေ့လာပါလိမ့်မယ်။

၄။ ကိုယ့်ကိုယ်ကိုယ် ပိုပြီးထိန်းချုပ်နိုင်စေတယ်။🕹️

ဖုန်းကိုပဲ သတိလက်လွတ် ဆက်တိုက်သုံးမိနေပြီး
စိတ်ထဲက လိုလိုလားလားနဲ့ ဒီအကျင့်ကြီးကို
ရပ်တန့်ချင်တဲ့အခါ အသံကျယ်ကျယ်လောင်လောင်နဲ့ “ငါဖုန်း မသုံးတော့ဘူး” ဆိုပြီး ပြောလိုက်ပါ။

စိတ်ထဲကလည်း ပါတာတော့ သေချာပါစေ။

ဒီလိုလုပ်လိုက်ခြင်းက
ဖုန်းကို အိတ်ကပ်ထဲ ထည့်ပြီး
တခြားလုပ်စရာရှိတာတွေကို
လုပ်ကိုင်နိုင်ပါစေလိမ့်မယ်။

၅။ မှတ်ဉာဏ်တွေကို တိုးတက်စေတယ်။🧠💡

အသံကျယ်ကျယ်လောင်လောင်နဲ့
ဖတ်လိုက်ခြင်းက ကိုယ်ဖတ်နေတဲ့စာအုပ်ရဲ့
အကြောင်းအရာတွေကို အသံမထွက်ဘဲ
တိတ်တဆိတ်နဲ့ ဖတ်ရှုနေတာထက်
ပိုမှတ်မိစေပါတယ်တဲ့။

ခင်ဗျားတို့ကော…
ကိုယ့်ကိုယ်ကိုယ် စကားပြောဖြစ်ကြရဲ့လား…။

26/08/2024

မင်း ဘယ်လောက် smart ဖြစ်လဲဆိုတာကို
ဘယ်သူမှ ဂရုမစိုက်ပါဘူး။

မင်း ဘယ်လောက်ရယ်ရတယ်ဆိုတာကိုလည်း
ဘယ်သူမှ ဂရုမစိုက်ဘူး။

မင်း ဘယ်လောက်ချမ်းသာလဲဆိုတာကို
ဘယ်သူမှ ဂရုမစိုက်ပါဘူး။

မင်း ဘယ်လောက်ကြည့်ကောင်းတယ်ဆိုတာကိုလည်း ဘယ်သူမှ ဂရုမစိုက်ဘူး။

သူတို့ဂရုစိုက်တဲ့ တစ်ခုတည်းသောအရာက
သူတို့နဲ့ အတူရှိချိန်မှာ သူတို့အပေါ်ထားတဲ့
မင်းရဲ့ စိတ်ရင်းပါပဲ။

#စိတ်ရင်း

21/08/2024

Starbucks logo ရဲ့နောက်ကွယ်က
ဒီအချက်လေးတွေကို
သင်သိပြီးပြီလား။❓

20/08/2024

အဆိုးမြင်စိတ်ရှိသူက အခွင့်အရေးတွေတိုင်းမှာ

အခက်အခဲကို မြင်တတ်ကြပြီး

အကောင်းမြင်စိတ်ရှိတဲ့သူကတော့ အခက်အခဲတိုင်းမှာ

အခွင့်အရေးကို တွေ့မြင်တတ်ပါတယ်။

ဒါကြောင့်ပဲ အကောင်းမြင်စိတ်ရှိသူတွေဟာ

အဆိုးမြင်စိတ်ရှိသူတွေထက်

ပိုမိုအောင်မြင်တတ်ကြတာပေါ့။

သင်ကော ဘယ်လိုလူမျိုးလဲ။

#အကောင်းမြင်စိတ်

18/08/2024

Starbucks အနေနဲ့ ဆိုင်ခွဲတွေများလာတာနဲ့ အမျှ
တစ်ဆိုင်ချင်းစီရဲ့ ဝင်ငွေနည်းလာတဲ့ ပြဿနာကို
ဘယ်လို ပါးပါးနပ်နပ် ကိုင်တွယ်ဖြေရှင်းနိုင်ခဲ့သလဲ…။

15/08/2024

အလုပ်လုပ်ဖို့ mood ဝင်လာအောင် စောင့်မယ့်အစား အလုပ်ကို စတင်လုပ်လိုက်ပါ။ အလုပ်နဲ့ ထိပ်တိုက်ရင်ဆိုင်လိုက်ပါ။ လူတွေဟာ တစ်ခုခုကို စတင်ဖို့အတွက်ဆိုတာ စတင်နိုင်တဲ့ အကောင်းဆုံးအခြေအနေလည်းရှိဦးမှဆိုပြီး အချိန်ကို စောင့်ဆိုင်းနေတတ်ကြပါတယ်။

တကယ်ကတော့ စတင်လိုက်နိုင်တာကိုက အကောင်းဆုံးအခြေအနေပါ။

“ငါလုပ်နိုင်ပါ့မလား။ လုပ်တတ်ပါ့မလား။ ငါ့မှာ လုံလောက်တဲ့အရည်အချင်းရှိရဲ့လား” ဆိုပြီး စိုးရွံ့နေရတဲ့အလုပ်တွေ ရှိနေလား…?

အခုချက်ချင်းသာ စတင်လုပ်ကိုင်လိုက်ပါ။ စလိုက်ပြီဆိုတာနဲ့ မလုပ်ခင်တုန်းက တွေးကြောက်နေခဲ့ရတာတွေ၊ စိတ်ပူနေတာတွေအကုန်ပျောက်ဆုံးသွားပြီး အရာရာကို ရင်ဆိုင်လုပ်ကိုင်ရဲတဲ့သတ္တိကိုပဲ တွေ့မြင်လာရပါလိမ့်မယ်။

13/08/2024

တစ်ခါတုန်းက မြို့ငယ်လေးတစ်ခုမှာ ဘယ်ဘက်လက်မပါဘဲ မွေးလာခဲ့တဲ့ ကောင်လေးတစ်ယောက်ရှိတယ်တဲ့။ ဒီကောင်လေးကို ကိုယ့်ကိုယ်ကိုယ် ယုံကြည်မှုရှိစေဖို့ သူ့မိဘတွေက ဆရာကြီးတစ်ယောက်ဆီမှာ အပ်နှံပြီး ဂျူဒိုသင်စေခဲ့တယ်။

ကောင်လေးကလည်း တစ်နှစ်လောက်ကို ကြိုးကြိုးစားစားနဲ့ အပြင်းအထန် ဆရာကြီး သင်ကြားပေးတာကို လေ့ကျင့်ခဲ့တာပေါ့။ ဒါပေမဲ့ ဆရာကြီးက သူ့ကို သင်ကြားပေးခဲ့တာဟာ တိုက်ကွက်တစ်ကွက်ပါတဲ့။ အဲ့ဒီနောက်မှာတော့ ဆရာကြီးဟာ ကောင်လေးကို ပြိုင်ပွဲတစ်ခုမှာ ပါဝင်ယှဉ်ပြိုင်စေဖို့ စာရင်းသွင်းပေးခဲ့တယ်။

ကောင်ကလေးကတော့ သူသိတာ တိုက်ကွက်တစ်ကွက်တည်းဆိုတော့ ကြောက်ရွံ့နေခဲ့တာပေါ့။ ပထမပွဲစပြိုင်ပြိုင်ချင်းမှာပဲ ပြိုင်ပွဲလာပရိသတ်တွေအားလုံးဟာ မှင်သက်သွားကြပါတယ်။ ဘာလို့လဲဆိုတော့ ကောင်လေးဟာ တစ်ဖက်လူကို ချက်ချင်းပဲ လှန်ချလိုက်နိုင်တာကိုး။ Instant win ပေါ့။

နောက်တစ်ပွဲမှာလည်း သူထပ်နိုင်သေးတာပါပဲ။ ဒီလိုနဲ့ပဲ တစ်ပွဲပြီး တစ်ပွဲနိုင်လာလိုက်တာ ဗိုလ်လုပွဲကို တက်လာပါပြီ။ ဒီအခါမှာလည်း သူ့ထက် ကိုယ်လုံးကိုယ်ထည်ကြီးသလို ပိုပြီးလည်း သန်မာပုံရတဲ့ပြိုင်ဘက်ကို သူ အလဲသိပ်လိုက်နိုင်ပြီး ဗိုလ်စွဲခဲ့ပါတယ်။

ပြိုင်ပွဲပြီးပြီးချင်းမှာပဲ ဆရာကြီးဆီသွားပြီးတော့ “ဆရာကြီး ကျွန်တော် နားမလည်ဘူး။ ကျွန်တော်က ဘယ်လိုလုပ်ပြီး အနိုင်ရရတာလဲ။ ကျွန်တော်တတ်တာကဖြင့် တိုက်ကွက်တစ်ကွက်တည်းလေ” ဆိုပြီး မေးမြန်းခဲ့ပါတယ်။

ဆရာကြီးက “မင်းရဲ့ တိုက်ကွက်ကို တုံ့ပြန်နိုင်တဲ့ နည်းလမ်းက တစ်ခုတည်းရှိတာ။ အဲ့ဒါက ဘာလဲဆိုတော့ မင်းရဲ့ ဘယ်ဘက်လက်ကို ဖမ်းချုပ်ထားလိုက်ဖို့ပဲ” တဲ့။

12/08/2024

Starbucks က စားသုံးသူတွေများလာတဲ့အမျှ
Customer Experience ပိုမိုကောင်းမွန်လာအောင်
ဘယ်လို နည်းလမ်းတွေ သုံးခဲ့လဲ။

06/08/2024

မတော်တဆ မြွေကိုက်ခံလိုက်ရတယ်ဆိုပါတော့။

ဒီမြွေကိုက်ဒဏ်ရာကို ကုသဖို့၊ မြွေဆိပ်ဖြေဖို့မလုပ်ဘဲ ကိုက်သွားတဲ့ မြွေနောက်ကို လိုက်မယ်။ “ငါ့ကို ဘာလို့ ကိုက်တာလဲ” ၊” ဘာလို့ ငါ့ကိုမှ ရွေးကိုက်ရတာလဲ” လို့ မေးခွန်းတွေ ထုတ်မယ်။ ဘာအတွက်လဲဆိုတော့ ကိုယ်ဟာ မြွေအကိုက်ခံရဖို့ မသင့်ပါဘူးဆိုတာကို သက်သေပြဖို့သက်သက်အတွက်နဲ့ပေါ့။

ကဲ…

အဲ့ဒီလိုတွေ လုပ်လိုက်တော့ ကိုယ့်အတွက် ဘာတွေအကျိုးထူးသွားမယ်ထင်လဲ…?

ဘာမှမထူးသွားနိုင်ပါဘူး။ ကိုယ်ပဲ မြွေဆိပ်တက်ပြီး အသက်သေဆုံးတဲ့အထိ ဖြစ်သွားမှာပါ။

မြွေဆိုတာကတော့ ကိုက်မှာပဲလေ။

05/08/2024

သင်ကော Starbucks သောက်ခဲ့တုန်းက ဘယ်လိုခံစားချက်မျိုးရခဲ့လဲ။
comment မှာ ပြောပြသွားပါဦး။

01/08/2024

၁။ အတိတ်ကိုတွေးရင်း နောင်တရနေတာတွေကို ရပ်တန့်လိုက်ပါ။

အတိတ်ရဲ့ အမှားတွေကနေ သင်ခန်းစာယူနိုင်တာဟာ ကောင်းမွန်တဲ့အရာတစ်ခုပါ။ ဒါပေမဲ့ အတိတ်က အမှားကိုပဲ ထပ်တလဲလဲ ပြန်တွေးရင်း နောင်တရနေတာကတော့ တော်တော်ကို ဆိုးဝါးတဲ့အရာလို့ ဆိုရမှာပါပဲ။

၂။ ဖြစ်မလာသေးတဲ့ အနာဂတ်အကြောင်း တွေးပူနေတာကို ရပ်တန့်လိုက်ပါ။

ဘဝမှာ ကိုယ်အမြဲကြောက်ရွံ့ပြီး တွေးပူခဲ့ရတဲ့အရာတွေ ရှိမှာပါ။ အဲ့ဒီထဲက ဘယ်နှခုလောက်များ အမှန်တကယ်ဖြစ်လာခဲ့ဖူးလဲ။ အနာဂတ်အတွက် plan တွေချတာက ကောင်းပါတယ်။ ဒါပေမဲ့ ဖြစ်လာမလား၊ မဖြစ်လာဘူးလား မသိနိုင်တဲ့အရာတွေအတွက် အလွန်အကျွံတွေးပူနေတာကတော့ ကောင်းတဲ့အရာမဟုတ်ပါဘူး။

၃။ ကိုယ့်ပျော်ရွှင်မှုကို တခြားသူတွေဆီမှာ ရှာဖွေနေတာကို ရပ်လိုက်ပါ။

ပျော်ရွှင်မှုဆိုတာ သူများတွေဆီမှာ ရှာရတာမဟုတ်ဘဲ ကိုယ်ကိုယ်တိုင်ဆီမှာပဲ 100% ရှာဖွေရတဲ့အရာတစ်ခုပါ။ အသက်အရွယ်ကြီးရင့်နေပြီဖြစ်တဲ့သူတွေကို သူတို့ရဲ့ ဘဝမှာ နောင်တအရဆုံးကိစ္စဟာ ဘာဖြစ်မလဲလို့ မေးကြည့်တဲ့အခါ အဖြေအများစုက “ပျော်ရွှင်မှုဆိုတာ ကိုယ်တိုင်က ရွေးချယ်ရတာပါ” ဆိုတာကို မသိခဲ့တာပါပဲတဲ့။

သင်တို့ကော… ပိုမိုပျော်ရွှင်တဲ့ဘဝပိုင်ဆိုင်နိုင်ဖို့ အသင့်ဖြစ်ပြီလား…။

#ပျော်ရွှင်မှု

31/07/2024

မှန်တယ်လို့ ဝန်ခံလိုက်ဖို့ လူအများစု ဝန်လေးတတ်ကြတဲ့ အကြောင်းအရာတစ်ခုရှိပါတယ်။ ငွေများများပိုရှာနိုင်လို့လည်း ပျော်ရွှင်မှုတွေ တိုးမြင့်မလာနိုင်ဘူးလို့ လူတိုင်းက ပြောတတ်ကြပေမယ့် ဒီလေ့လာချက်ကတော့ ဒါဟာ မှားတယ်ဆိုတာကို သက်သေပြနိုင်ခဲ့ပါတယ်။ အမေရိကန်လူမျိုး ၃၃ဝဝဝ ကျော်အပေါ်မှာ လေ့လာကြည့်တဲ့အခါ တစ်နှစ်ကို ပုံမှန်လူတိုင်း ရှာဖွေနိုင်တဲ့ ငွေကြေးပမာဏ ဒေါ်လာ ၇၅ဝဝဝ ထက်ပိုရှာနိုင်တဲ့အခါ ပိုပျော်ရွှင်ရတယ်လို့ သိလာရပါတယ်။ Wellbeing ဆိုတာ အခုလက်ရှိဘဝမှာ ဘယ်လောက်ပျော်နေသလဲဆိုတာပါ။ Life satisfaction ကတော့ ကိုယ့်ဘဝနဲ့ ပတ်သက်ပြီး ကိုယ် ဘယ်လောက်ကျေနပ်အားရမှုရှိတယ်ဆိုတာပေါ့။ ဒီဇယားကို ကြည့်လိုက်ပါ။ တစ်နှစ်ကို ဒေါ်လာ ၇၅ဝဝဝ အထက်ရှာနိုင်တဲ့အခါ Wellbeing က တော်တော်တက်သွားသလို Life satisfaction ကလည်း သိသိသာသာကို မြင့်တက်လာတာပါပဲ။ ဒီလေ့လာချက်ကို လွန်ခဲ့တဲ့ သုံးနှစ်က ပြုလုပ်ခဲ့တာဖြစ်ပေမယ့် ဒီအကြောင်းကို ဘယ်သူမှ ပြောတာလည်း မကြားခဲ့ရဖူးဘူးနော်။ ဘာလို့ ဖြစ်မယ်ထင်လဲ။

29/07/2024

လူအများစုကတော့ နောက်ဆုံး (၃) ခုကို အသက် ၄၅ မရောက်ခင်အထိ မသိကြပါဘူးတဲ့။

၁။ စကားနည်းလေလေ ကိုယ့်စကားလုံးတွေက ပိုထိရောက်မှုရှိလေပါတဲ့။ ဆိုခဲစေ မြဲစေလို့တောင် ပြောတတ်ကြတယ်မဟုတ်လား။

၂။ ပြဿနာတွေပေါ်မှာ အာရုံစိုက်နေရင် ပြဿနာတွေပဲ များလာမှာဖြစ်ပြီး ဖြစ်နိုင်ခြေတွေအပေါ်မှာ အာရုံစိုက်ထားမယ်ဆိုရင်တော့ ပိုမိုများပြားတဲ့ အခွင့်အလမ်းတွေ တွေ့လာရပါလိမ့်မယ်။

၃။ အခုကြုံတွေ့နေရတဲ့ နာကျင်မှုကို နောင်တချိန်ရောက်လို့ ပြန်လှည့်ကြည့်မိတဲ့အခါ ဒီနာကျင်မှုကပဲ ကိုယ့်ကို ပိုကောင်းတဲ့ version တစ်ခုဖြစ်လာစေခဲ့တာကို သိလာမှာပါ။

၄။ လူတွေ ကိုယ့်ဘဝထဲဝင်ရောက်လာခြင်းမှာ အကြောင်းရင်းတစ်ခုရှိပြီးသားပါ။ သူတို့ကပဲ ကိုယ့်ဘဝကို ပြောင်းလဲပေးလိုက်မှာလား။ ကိုယ်ကပဲ သူတို့ကို ပြောင်းလဲပေးလိုက်နိုင်မှာလားပေါ့။

၅။ ကိုယ် ကျေးဇူးတင်မိတဲ့အရာကို အာရုံစိုက်ထားလိုက်ရင် ကိုယ့်မှာ မရှိတဲ့၊ ချွတ်ယွင်းနေတဲ့အရာကို မေ့ပျောက်သွားပါလိမ့်မယ်။

၆။ ကိုယ်ဖြစ်ချင်တဲ့နေရာမှာ ရှိမနေတဲ့ လူတစ်ယောက်ဆီက အကြံဉာဏ်ကို ဘယ်တော့မှ မယူပါနဲ့။

၇။ အငြင်းပွားရခြင်းနဲ့ ရုန်းကန်ရခြင်းတွေဟာ ဘဝရဲ့ မရှိမဖြစ်အစိတ်အပိုင်းတွေပါ။ ဒါကြောင့် ဝရုန်းသုန်းကားအခြေအနေတွေကို လျစ်လျူရှုပြီး ကိုယ့်ဘဝခရီးကို နှစ်သက်အောင်သာ သင်ယူလိုက်ပါ။ မုန်တိုင်းကျလို့ဆိုပြီး ထိုင်ငိုနေမလား။ မိုးရေထဲမှာ ကနေမလားဆိုတာ ကိုယ့်ရဲ့ ရွေးချယ်ခွင့်ပါပဲ။

25/07/2024

မိတ်ဆွေ…
လောကမှာ နေတတ်ရင် ကျေနပ်စရာပဲလို့ဆိုပေမယ့်​
ကျေနပ်အောင်နေတတ်ဖို့ထက် လဲကျမသွားအောင် မနည်းရှင်သန်နေရတဲ့အချိန်မျိုးမှာ
အကောင်းမြင်စိတ်ထားနိုင်ဖို့ဆိုတာ အင်မတန်ခက်ခဲပါတယ်။

ဒါပေမဲ့ လောကဓံကို မျက်လှည့်ပြလို့တော့မရပေမယ့် ကိုယ့်စိတ်ကိုလှည့်စားဖို့ အဆိုးတွေကို အကောင်းဖြစ်အောင် ပြောင်းနိုင်မယ်လို့ပြောရင်ကော ယုံကြမလားနော်။

ဟုတ်ပါတယ်။ ဖြစ်ပုံလေးက ဒီလိုဗျ…
ကျွန်တော်တို့ရဲ့ နေထိုင်မှုအလိုက်၊ အထူးသဖြင့် မျက်နှာအနေအထားဟာ ကိုယ့်ခံစားချက်ကို တိုက်ရိုက်ရောင်ပြန်ဟပ်နေတဲ့ အရာတစ်ခုပါ။ ဒါကြောင့် ငိုတဲ့အခါ... မျက်နှာကြီးမဲ့လာတယ်။
ပျော်တဲ့အခါ မျက်နှာလေးပြုံးလာတယ်ဆိုတာ ဒီရဲ့ဖြစ်စဉ်တွေပါပဲ။ ဒီလို ပြုံးရယ်တာ၊ ငိုတာတွေရဲ့နောက်မှာ ဦးနှောက်ရဲ့ function အလုပ်လုပ်ပုံလည်းပြောင်းသွားတယ်။

ဒါကြောင့်... ရပ်ကွက်ထဲမှာကြည့်လိုက်။ ဘယ်လောက်ပဲ ကမ္ဘာပျက်နေပါစေ... အမြဲတမ်းခပ်ပြုံးပြုံးနေတဲ့ ဦးလေးကြီးတွေဟာ ဘာကြောင့် အမြဲလိုလို စိတ်ချမ်းသာကိုယ်ကျန်းမာနဲ့ရှိကြတာလဲ။ ဒါဟာ အပြုံးနဲ့ ဦးနှောက်အကြားလုပ်ဆောင်မှုတွေဟာ အကြိမ်များစွာဖြစ်လာတဲ့အခါ အလေ့အကျင့်ဖြစ်လာတယ်။ နောက် အသားကျလာတဲ့အခါ ဒါအမူအကျင့်ဖြစ်လာပြီး စိတ်ပျို၊ကိုယ်နုဆိုတဲ့အနေအထားတစ်ခုမှာရောက်လာကြတယ်။

ဒီ ဥပမာလေးအတိုင်းဆိုရင်... လက်တွေ့ဘဝမှာ…
ကိုယ့်မှာငိုစရာတွေရှိနေလား.... မှန်ရှေ့သွားပြီး ငိုကြည့်။ ကိုယ့်မျက်နှာကိုယ် ပြန်ကြည့်ပြီး ရယ်လာလိမ့်မယ်။
စိတ်ညစ်စရာတွေရှိနေလား... မှန်ရှေ့သွား လက်ညှိုးထိုးပြီး ကိုယ့်ကိုယ်ကိုယ် ပြန်ပြောကြည့်။ မကြာခင် ရယ်မောလာလိမ့်မယ်။
ဒါကြောင့် ကိုယ့်အနေနဲ့ စိတ်ရှုပ်စရာတစ်ခုခုရှိလား။ ကိုယ့် ဦးနှောက်က function တွေထက် ကိုယ့်ရဲ့အမူအရာက တစ်ကွက်သာနေအောင် ပြုံးနေလိုက်။ မကြာခင် ဦးနှောက် function တွေက ပြုံးတဲ့ခံစားချက်ကိုထုတ်ပေးတဲ့ hormone တွေကို သတင်းပို့ပေးလိမ့်မယ်။

ဒါကြောင့် အကောင်းအဆိုးဒွန်တွဲနေတဲ့ လောကဓံကြီးမှာ အရာရာကို အပြုံးနဲ့ရင်ဆိုင်ဖြတ်သန်းနိုင်ပါစေလို့ ဆုတောင်းလိုက်ပါတယ်။

စာဖတ်သူတို့အမြင်လေးတွေလည်း ဆွေးနွေးခဲ့ကြပါဦးနော်။

24/07/2024

တွေ့ရှိလေ့လာချက်တစ်ခုအရ Social Media မှာ ကိုယ်ကိုယ်တိုင်ရိုက်ထားတဲ့ Selfies တင်သူတွေထက် သူတစ်ပါးရိုက်ထားပေးတဲ့ပုံတင်သူတွေက ပိုအကောင်းပြောခံရပါတယ်တဲ့။

ကင်မရာကိုင်ထားတာ ဘယ်သူလဲဆိုတာက ကွာခြားချက်အကြီးကြီးကို ဖြစ်စေတာပဲနော်။ Selfies ပုံတွေ အတင်များတဲ့သူတွေဟာ ကိုယ့်ကိုယ်ကိုယ် ယုံကြည်မှုနည်းတဲ့သူတွေဖြစ်တယ်လို့ဆိုပါတယ်။ သူတို့ဟာ အထီးကျန်တယ်။ အပြင်ထွက်တာတွေ နည်းတယ်။ စွန့်စားရတာတွေ ဘာတစ်ခုမှ မလုပ်ဘူး။ သိပ်လည်း မအောင်မြင်ဘူး။ လူကြိုက်လည်းနည်းပါတယ်တဲ့။

ဒါကြောင့် ပုံတွေတင်တော့မယ်ဆိုရင် တခြားသူတစ်ယောက်က ကင်မရာကိုင်ထားတာ သေချာပါစေနော်။

24/07/2024

Starbucks ရဲ့ Intro video လေးပါ။☕️

24/07/2024

၉၀.၆ ဘီလီယံ တန်ဖိုးရှိတဲ့ ကော်ဖီလုပ်ငန်း
Starbucks Case Study
YouTube မှာ ကြည့်လို့ရပါပြီ
အားပေးကြပါဦး
ကျေးဇူးပါ

၉၀.၆ ဘီလီယံ USD တန်ဖိုးရှိတဲ့ ကော်ဖီလုပ်ငန်း။ Starbuck လို့ ပြောလိုက်တာနဲ့ Premium Coffee Experience ကို ပြေးမြင်မိကြလား။ Starbucks က နိုင်....

22/07/2024

စိတ်ပျို ကိုယ်နုစေဖို့ စိတ်ကို ဘာလေးတွေနဲ့ ပျိုးထောင်သင့်လဲ။

ဒါကို Dalai Lama ပြောခဲ့တဲ့အရာလေးတစ်ခုနဲ့စချင်တယ်။ လူ့ဘဝမှာနေပျော်ဖို့ဆိုရင် “ကိုယ်၊ စိတ်၊ အပြောအဆို" ၃ ခုစလုံး ကောင်းကောင်းမွန်မွန် awareness ဖြစ်ဖြစ်နဲ့အလုပ်လုပ်နေမှရမယ်တဲ့။

ဒီလို အမြဲ awareness ရှိဖို့မလွယ်ကူပေမယ့် အတတ်နိုင်ဆုံးကြိုးစားကြည့်မယ်ဆိုရင် ကိုယ့်ရဲ့ အခြေအနေအမှန်ကိုသုံးသပ်နိုင်မှာဖြစ်သလို
ရှင်းလင်းနေတဲ့စိတ်အနေအထားတစ်ခုကြောင့်လည်း စိတ်ညစ်တာတွေထက် ဘဝဟာပိုမိုရိုးရှင်းပြီး အဓိပ္ပာယ်ပိုရှိလာစေပါလိမ့်မယ်။

ဒါကြောင့် ကိုယ့်စိတ်ကို အမြဲနုပျိုစေချင်တယ်ဆိုရင်

ကိုယ့်စိတ်အတွက် 🧠

+ အသိ၊ သတိ ရှိရှိထားမယ်
+ စိတ်ရှင်းအောင်နေမယ်
+ အကောင်းမြင်စိတ်မွေးတတ်အောင် ကြိုးစားမယ်။

ကိုယ့် ခန္ဓာကိုယ်အတွက်💪

+ ကျန်းမာရေးအသိရှိရှိ စားမယ်
+ လေ့ကျင့်ခန်းပုံမှန်လုပ်မယ်။

ကိုယ့်အပြောအဆို၊ အပြုအမူအတွက်🗣️

+ သတိရှိရှိနဲ့ ပြုမူပြောဆိုမယ်
+ ကူညီတတ်သူဖြစ်အောင်ကြိုးစားမယ်ဆိုရင်

ကိုယ့်ရဲ့ စိတ်အေးချမ်းမှုအတွက်၊ အနည်းဆုံးတော့ ရှုပ်ထွေးနေတဲ့အချိန်ကာလအတွင်းမှာတောင် ကိုယ်လုပ်နေတဲ့အရာလေးတွေကို focus လုပ်နိုင်ဖို့အတွက် ပံ့ပိုးပေးနိုင်ပါလိမ့်မယ်။

စာဖတ်သူတို့ကော... ကိုယ့်စိတ်လေး ပျော်နေအောင် ဘယ်လိုနည်းနဲ့ ပြုစုပျိုးထောင်ဖြစ်နေကြလဲဆိုတာ မျှဝေခဲ့ပါဦးနော်။

#စိတ်နုပျိုမှု

20/07/2024

မင်္ဂလာအပေါင်းနဲ့ပြည့်စုံသော ဝါဆိုလပြည့်နေ့လေးဖြစ်ပါစေ။🌕

17/07/2024

ဒါလေးတွေကို မပြောပြခင် အရင်ဆုံး Dopamine ရဲ့အကြောင်းလေးကို နားလည်ထားဖို့တော့လိုပါမယ်။

Dopamine ဆိုတာ brain ရဲ့ reward centre နဲ့ဆက်စပ်နေပြီး စိတ်ပျော်ရွှင်စေတဲ့ ဟော်မုန်းတစ်ခုပါ။။ ဒီလို Dopamine တွေကို လေ့ကျင့်ခန်းလုပ်လို့ဖြစ်စေ၊ တရားထိုင်လို့ဖြစ်စေ၊ ကျန်းမာတဲ့အစားအသောက်စားလို့ဖြစ်စေ ခန္ဓာကိုယ်က balance မျှနေတဲ့အခါ ထုတ်ပေးနိုင်သလိုမျိုး P**n ကြည့်ပြီးဖြစ်စေ၊ s*x ကိစ္စတွေလုပ်ပြီးဖြစ်စေ Dopamine ထုတ်လို့ရပါတယ်။ ဒါဟာ တစ်နည်းအားဖြင့်ပြောရရင် လွယ်လွယ်ရတဲ့အနေအထားမျိုးဖြစ်တဲ့အခါ နောက်ပိုင်း လူတွေအနေနဲ့ s*x ကိစ္စကို စွဲလမ်းတာ၊ ma******te လုပ်ရတာကို ကြိုက်တာတွေကနေ Dopamine ထုတ်ပေးတဲ့ တဒင်္ဂအခိုက်အတန့်လေးကို စွဲလန်းသွားတတ်ပါတယ်။

ဒါကြောင့် သဘာဝအလျောက် Dopamine ထုတ်နိုင်ဖို့ဆိုရင်…

၁။ ကိုယ့်စိတ်ကို mindfulness ဖြစ်ဖြစ်ထားပါ။😌

လူဟာ chemical ဓာတ်ပေါင်းဖိုကြီးလိုပဲ။ ကိုယ့်အနေနဲ့ စိတ်တို၊ စိတ်ဆိုးနေတဲ့အခါ မကောင်းတဲ့ energy တွေထွက်လာတတ်သလို စိတ်ကောင်းဝင်နေတဲ့အခါ Dopamine လို energy မျိုး သဘာဝအလျောက်ထုတ်ပေးတယ်။ ဒါကြောင့် ကိုယ့်စိတ်ကို အသိနဲ့သတိကပ်ပြီး mindful ဖြစ်နေတဲ့အခါ ကိုယ့်ဆီမှာဖြစ်လာတဲ့အရာတွေကို အကောင်းဆုံးနားလည်နိုင်သလို ပြဿနာတွေကိုလည်းရင်ဆိုင်နိုင်စွမ်းတိုးစေမှာပါ။

၂။ ဝါသနာတစ်ခုဖန်တီးပါ။🎨

ငါ ဒီစာအုပ်လေးပြီးအောင်ဖတ်မယ်။ ငါ ပုံလေးတွေဆွဲကြည့်မယ်။ ငါ ဂစ်တာတီးကျင့်ကြည့်မယ် စသဖြင့် ကိုယ်သဘောကျတဲ့အရာလေးတွေလုပ်တာ၊ ကိုယ်တစ်ခါမှမလုပ်ဖူးတဲ့အရာလေးတွေ စမ်းလုပ်ကြည့်တာဟာ စိတ်ကို excitement တစ်မျိုးဖန်တီးစေသလို အဲ့အရာကိုလုပ်ပြီးသွားတဲ့အချိန်မှာလည်း achievement ပုံစံမျိုး ခံစားရစေပါတယ်။ ဒါဟာ ကိုယ့်စိတ်အတွက် အင်မတန်အထောက်အကူပြုစေပါတယ်။

၃။ ကိုယ့်ဖုန်းတွေကို အဝေးပို့ထားပါ။🚫📱

ကိုယ်က p**n ကြည့်ပြီးမှာပဲ Dopamine ထုတ်တတ်တယ်ဆိုရင် p**n မကြည့်ဖြစ်အောင် ဖုန်းတွေကို အဝေးပို့ထားပါ။

ဒီနည်းလေးတွေက p**n ကြည့်ပြီးမှ နေသာထိုင်သာရှိသွားတယ် ဆိုတဲ့သူတွေအတွက် အရမ်းကြီး အစွဲအလမ်းမဖြစ်စေဖို့ အစားထိုးနိုင်မယ့်နည်းလမ်းလေးတွေဖြစ်ပါတယ်။

စာဖတ်သူတွေအနေနဲ့ကော... ကိုယ့်ရဲ့အမြင်လေးတွေမျှဝေခဲ့ပါဦးနော်။

16/07/2024

တရားထိုင်ခြင်းဟာ စိတ်ကို ငြိမ်းချမ်းစေတယ်ဆိုပေမယ့်…

စိတ်ကို ငြိမ်းချမ်းအောင်လုပ်နိုင်တာဟာ တရားထိုင်ခြင်းတစ်မျိုးတည်းနဲ့မဟုတ်ပါဘူး။

၁။ Mindful Eating🥗

သတိနဲ့စား ဆိုသလိုပဲ အစာစားတဲ့အခါ စားနေတဲ့ အစာကိုအာရုံပြုပြီးစားပါ။ ကိုယ်ဘာလေးကိုစားနေတာလဲ။ အရသာလေး ချဉ်သွားလား စသဖြင့် အစားအစာအပေါ် အာရုံခံပြီးစားခြင်းအားဖြင့် စိတ်ကို စုစည်းစေတဲ့ ပုံစံမျိုးဖြစ်ပါတယ်။

၂။ Mindful Breathing😮‍💨

တရားထိုင်သလိုမျိုး ပုံစံကျကျထိုင်ပြီးလေ့ကျင့်တယ်ဆိုတာထက် အလုပ်လုပ်ရင်းဖြစ်စေ၊ ထိုင်နေရင်းဖြစ်စေ ကိုယ့်ရဲ့ ရှူသွင်း၊ ရှူထုတ်လေ လေးကိုအာရုံပြုပြီး စိတ်အာရုံကို စုစည်းစေတဲ့ ပုံစံမျိုးပါ။

၃။ Body Scan🧘‍♂️

ကိုယ့်ခန္ဓာကိုယ်တလျှောက် သတိလေးထားပြီး ဘယ်နေရာလေးတွေမှာ နာနေလဲ။ ဘယ်နေရာလေးတွေမှာ တောင့်တင်းနေလဲ စသဖြင့် အာရုံပြုပြီး ကိုယ့်စိတ်ကလေးကို စုစည်းစေတဲ့ ပုံစံမျိုးပါ။

၄။ Mindful Listening😌

အရမ်းတွေဒေါသထွက်နေတဲ့အခါ၊ အင်မတန် ထိန်းချုပ်ရခက်တဲ့စိတ်အနေအထားမျိုးဖြစ်နေတဲ့အခါ စိတ်အာရုံကို အင်မတန်စုစည်းနိုင်ဖို့ခက်ပါတယ််။ ဒေါသနောက်လိုက်ပြီး အမှားလုပ်တာမျိုးတွေမဖြစ်စေဖို့ နားကြပ်နဲ့ဖြစ်ဖြစ် သီချင်းနားထောင်ကြည့်ပါ။ သီချင်းမှာပါတဲ့ tune တွေက ကိုယ့်စိတ်အာရုံနဲ့ brain wave ကိုပြောင်းလဲနိုင်စွမ်းရှိလို့ အဲ့လိုအချိန်မျိုးမှာ တီးလုံးလေးတွေဖြစ်စေ၊ ငြိမ့်ညောင်းတဲ့အသံလေးတွေဖြစ်စေ၊ သဘာဝငှက်သံလေးတွေဖြစ်စေ ဖွင့်ပြီး နားထောင်ကြည့်ပါ။

၅။ Journaling📝

ကိုယ့်စိတ်ထဲက အတွေးတွေဟာ မထိန်းချုပ်နိုင်ဘူးဆိုရင် looping ပတ်နေတယ်ဆိုသလိုမျိုးပဲ၊ ဒီရှုပ်ထွေးနေတဲ့အတွေးတွေကို ရှင်းသွားအောင် Journaling လုပ်ကြည့်ပါ။ ဒါဟာ အတွေးတွေဆိုတာ perspective တစ်ခုပဲ။ တခြားဖြေရှင်းလို့ရနိုင်မယ့် နည်းလမ်းတွေရှိတယ်ဆိုတာမျိုးကို အဖြေပေးသွားပါလိမ့်မယ်။

ဒီအလေ့အကျင့် ၅ ခုဟာ တရားထိုင်ဖို့ အဆင်မပြေတဲ့အချိန်မျိုးမှာဖြစ်စေ၊ ရုတ်တရက်စိတ်ထိခိုက်စရာတွေကြုံတဲ့အခါမျိုးမှာဖြစ်စေ ကိုယ့်ရဲ့စိတ်ကို ငြိမ်းအေးစေမယ့် level တစ်ခုထိရောက်အောင် လုပ်ပေးနိုင်ပါတယ်။

ပရိသတ်ကြီးတွေအနေနဲ့ကော... ဘယ်လိုမျိုး နည်းလမ်းလေးတွေနဲ့ ကိုယ့်ရဲ့စိတ်ကို တည်ငြိမ်အောင်လုပ်ဖြစ်နေကြလဲ ဆိုတာမျှဝေပေးသွားခဲ့ကြပါဦး။

#စိတ်ငြိမ်းချမ်းမှု

15/07/2024

အရင်နေ့က လုပ်ဖော်ကိုင်ဖက် တစ်ယောက်နဲ့တွေ့ဖြစ်တယ်။

မတွေ့ရတာကြာတော့ စကားတွေပြောနေရာကနေ နောက်ဆုံးအလုပ်အကိုင်ဘက် ရောက်သွားတယ်။

"သားကြီး မင်းအလုပ်မှာ အဆင်ပြေလား" မေးတော့ သူကဖြေတယ်။

"အေးကွာ လုပ်ငန်းက အဆင်ပြေတယ်။ ဒါပေမဲ့ လူတွေက အဆင်မပြေနေတာကွ။"

"ဟ ဆိုစမ်းပါဦးကွ"

ဒီလိုကွာ... ဆိုပြီးရှင်းပြလိုက်တာ
နောက်ဆုံး သူငယ်ချင်းဖြစ်နေတဲ့ ပြဿနာက
အလုပ်မှာ ဒီနေ့မနက်ကမှ စက်ပြင်ဆရာလာပြီး စက်ပြင်သွားတယ်။ ညနေကျ စက်ပျက်သွားတယ်။ အဲ့ဒါကို စက်ပြင်ဆရာကို တာဝန်ယူခိုင်းရမယ့်အစား "စက်ပဲ ပျက်တတ်တာ မဆန်းပါဘူး" ဆိုပြီး အသစ်လဲ။ မကုန်သင့်တာပိုကုန်။

ဖောက်သည်တွေဆီက ငွေကောက်တယ်။ ဒါပေမဲ့ အချိန်မီအောင် မပေးနိုင်ဘူး။ "အေးကွာ လူပဲလေ။ ခေတ်ကာလအနေအထားအရ ကျပ်တည်းနေတော့ အချိန်မီမပေးနိုင်ဘူး" ဆိုပြီးထား။ နောက်ပြီး ရှေ့က စာရင်းဖိုးတောင်မရသေးဘူး။ နောက်ထပ် ထပ်ပေး။ ဒီလိုနဲ့ ငွေတွေမပေါ်။

ဒါပေမဲ့ကွာ အနည်းဆုံးတော့ စီးပွားဖြစ်နေသေးတယ်လေကွာတဲ့။

သူငယ်ချင်းရဲ့ပြောစကားကို ကြားပြီးပြီးချင်း ပြောလိုက်တဲ့စကားတစ်ခွန်းက

"ဟိတ်ကောင် မင်းအကောင်းမြင်စိတ်ထားတာက အကောင်းမြင်စိတ်မဟုတ်တော့ဘူး။ အသုံးချခံနေရတာကွ။"

"ဟ အဲလိုကြီးတော့ မပြောနဲ့သူငယ်ချင်းရာ"

"ပြောရမယ်။ မင်းအကောင်းမြင်စိတ်ထားတာ၊ စာနာနားလည်ပေးတာ ကောင်းပါတယ်။ ဒါပေမဲ့ မင်းဟာက အကောင်းမြင်စိတ်ဆိုတဲ့ခေါင်းစဉ်အောက်မှာ လူတွေကို သူ့တာဝန်သူ ကျေအောင် မလုပ်ခိုင်းတော့ဘူး။ ဒီအချိန်မှာ အပါးခိုတာတွေဖြစ်လာတယ်။ ကုန်ကျစရိတ်တွေတိုးလာမယ်။ ဒါပေမဲ့ မင်းကိုယ်မင်း အားမလိုအားမရဖြစ်ပြီး ဒေါသတွေထွက်ရနဲ့။ အကောင်းမြင်စိတ်ဆိုတိုင်း အကောင်းတွေချည်းမြင်နေရမှာမဟုတ်ဘူး။ ဆိုးတဲ့အပိုင်းကော၊ ကောင်းတဲ့အပိုင်းကိုမြင်မှ မ,အမှာပေါ့ ငါ့ကောင်ရ"

ဒီလိုပါပဲ။ ကိုယ့်အနေနဲ့လည်း တစ်ခါတလေ အကောင်းမြင်စိတ်ထားလိုက်ပေမယ့် ဒီအကောင်းမြင်စိတ်နောက်ကွယ်က လူတွေကို တာဝန်ယူစိတ်မဲ့စေတယ်ဆိုတာမမေ့ပါနဲ့နော်။

စာဖတ်သူတို့ရဲ့ အမြင်လေးတွေလည်း မန့်ခဲ့ကြပါဦး။

#အကောင်းမြင်စိတ်

13/07/2024

$280 billion တန် Netflix,
DVD အခွေငှားဆိုင် ဘဝက
စခဲ့တယ်ဆိုတာကို ပြောရင်ယုံ မလား ?

DVD အခွေငှားဆိုင်ဘဝမှ $280 billion တန် Streaming Giant ဖြစ်လာတဲ့ Netflix။2024 မှာ Netflix တန်ကြေး 280 billion ရှိပြီး နိုင်ငံပေါင်း 190 မှာ လစဉ်ကြေးပေး....

12/07/2024

Positivism... အကောင်းမြင်ခြင်းဆိုတာ
ကိုယ့်ရဲ့လုပ်ရပ်၊ အတွေးအခေါ်နဲ့ ပြုမူနေထိုင်ပုံတွေမှာ အကောင်းမြင်စိတ်ထားတတ်အောင် ကြိုးစားခြင်းပါ။

ဒါပေမဲ့ အကောင်းမြင်စိတ်ထားတိုင်းလည်း အဆိုးတွေကိုမျက်ကွယ်ပြုဖို့မဟုတ်ပါဘူး။

မနက်နဲ့ည

အပေါ်နဲ့အောက်

ရှင်သန်ခြင်း နဲ့ သေဆုံးခြင်း

စတဲ့ လောကမှာရှိတဲ့ အရာရာဟာနှစ်ဖက် ဒွန်တွဲနေသလိုမျိုး ကိုယ့်ဘဝမှာကြုံလာတဲ့ အရာတိုင်းကို အကောင်း၊ အဆိုးခွဲကြည့်တတ်ဖို့လိုပါတယ်။

တချို့တွေကရှိတယ်။ အကောင်းမြင်စိတ်ထားဆိုတဲ့အတွက်ကြောင့် အရာရာကို ဘယ်လောက်ပဲ ဆိုးဝါးနေပါစေ မျက်ကွယ်ပြုပြီး အကောင်းမြင်စိတ်ကိုပဲ အာရုံပြုတတ်ကြတယ်။ ဒါကို toxic positivity လို့ခေါ်ပြီး အဆိုးတွေကို မရင်ဆိုင်ရဲခြင်းဆိုပြီး ခေါင်းစဉ်တပ်မယ်ဆိုရင်လည်း မမှားပါဘူး။

ဒါကြောင့် ကိုယ့်မှာကိစ္စတစ်ခုခုဖြစ်လာတဲ့အခါ၊ ကြုံလာတဲ့အခါ အရင်ဆုံး အဲ့အရာက ကိုယ့်အတွက် ကောင်းတဲ့အရာလား၊ ဆိုးတဲ့အရာလား ခွဲခြားပါ။ ဆိုးတဲ့အရာဆိုရင်လည်း ဆိုးတဲ့အလျောက် အကောင်းဆုံးတုံ့ပြန်လို့ရမယ့်နည်းလမ်းနဲ့ တုံ့ပြန်ပါ။ နောက် အကောင်းမြင််စိတ်လေးနဲ့ ကြည့်တတ်ဖို့ ကြိုးစားပါ။

ဒါမှသာ ဘယ်လောက်ပဲဆိုးရွားတဲ့အရာတွေလာပါစေဦး…

ကိုယ့်အနေနဲ့ အမှန်နဲ့ အမှားကို ခွဲခြားသိနိုင်ပြီး ဘဝကို ပေါ့ပေါ့ပါးပါးပျော်ပျော်ရွှင်ရွှင်နဲ့ဖြတ်သန်းနိုင်မှာဖြစ်ပါတယ်။

ခင်ဗျားတို့ရဲ့ အမြင်လေးတွေလည်း မန့်ခဲ့ကြပါဦး။

10/07/2024

အခုအချိန်လိုမျိုး မသေချာ၊ မရေရာမှုတွေအများကြီးရှိတဲ့ကာလအတွင်းမှာ အကောင်းမြင်စိတ်ထားနိုင်ဖို့ဆိုတာ အင်မတန်လွယ်ကူတဲ့ အရာတစ်ခုမဟုတ်ပါဘူး။

ဒါပေမဲ့ တစ်ဖက်မှာလည်း ဒီလို အဆိုးတွေကို အကောင်းဆုံးရင်ဆိုင်နိုင်ဖို့၊ အဖြေရှာတွေ့နိုင်ဖို့ဆို စိတ်ကိုအေးချမ်းနေအောင်လုပ်နိုင်ဖို့ဆိုရင်လည်း အကောင်းမြင်စိတ်ဟာ မရှိမဖြစ်လိုအပ်ပါတယ်။

ဆိုတော့... အကောင်းမြင်စိတ်ဆိုတာဘာလဲ။

အကောင်းမြင်စိတ်ဆိုတာ... သူ့နာမည်လေးအတိုင်းပဲ ကိုယ့်ရဲ့အမူအကျင့်တွေကအစ အတွေးအခေါ်တွေအဆုံး အကောင်းမြင်စိတ်လေးနဲ့ကြည့်တတ်တာကို ဆိုလိုတာပါ။

ဒါပေမဲ့ အရာရာဟာ အကောင်းအဆိုးဒွန်တွဲနေသလိုမျိုးပဲ အဖြစ်အပျက်တစ်ခုကိုကြည့်တဲ့အခါ ဆိုးတာ၊ ကောင်းတာကို လက်ခံရမယ်။ ဒီအထဲကမှ အကောင်းမြင်စိတ်ကို ရွေးချယ်ဖို့ကြိုးစားခြင်းဖြစ်ပါတယ်။ အဖြစ်မှန်ကို ရင်မဆိုင်ချင်လို့ ဖုံးကွယ်တာမျိုးမဟုတ်ပါဘူးနော်။

လေ့လာတွေ့ရှိချက်တွေအရ အကောင်းမြင်စိတ်
ထားတတ်ခြင်းက ကိုယ့်ရဲ့ စိတ်ကိုသာမက

+ ကိုယ့်အလုပ်ခွင်မှာဆိုရင် challenge တွေကိုရင်ဆိုင်နိုင်ပြီး stress တွေကိုလျော့ကျစေတယ်။

+ မိသားစုအကြား နွေးထွေးမှုနဲ့ နားလည်မှုတွေ ပိုရှိ
စေတယ်။

+ ကိုယ့်ကိုယ်ကိုယ်မြင်တဲ့အမြင်နဲ့ ဘဝအပေါ်
အဓိပ္ပာယ်ဖွင့်ဆိုချက်တွေဟာလည်း ပိုကောင်းလာ
တယ်လို့ ဆိုပါတယ်။

ဒါ့အပြင် အကောင်းမြင်စိတ်ထားနိုင်အောင် ကြိုးစားခြင်းက အသက်ပိုရှည်စေသလို ဘဝကို ပိုလွတ်လပ်ပေါ့ပါးပြီး ပျော်ရွှင်စေတယ်လို့လည်း ပြောပါတယ်။

ဆိုတော့... ကိုယ့်အနေနဲ့ စစ်မှန်တဲ့ ပျော်ရွှင်ငြိမ်းချမ်းမှုတစ်ခုကို ရချင်တယ်ဆိုရင်၊ အနည်းဆုံး ရှိနေတဲ့အခက်အခဲတွေကို အကောင်းဆုံးရင်ဆိုင်နိုင်ဖို့ဆိုရင် အကောင်းမြင်စိတ်လေးနဲ့ နေ့ရက်တိုင်းကိုရှေ့ဆက်ဖို့ကြိုးစားပါလို့ တိုက်တွန်းချင်ပါတယ်။

ခင်ဗျားတို့ကော... ready ပဲလား။


#အကောင်းမြင်စိတ်

08/07/2024

ပတ်ဝန်းကျင်မှာဖြစ်နေတဲ့အရာတွေက ထိန်းချုပ်ဖို့
ခက်သလို

ကိုယ်ထိန်းချုပ်လို့မရတဲ့အရာတွေကပဲ ကိုယ့်ကို
ထိန်းချုပ်နေတဲ့အခါ...

အထူးသဖြင့် ဘဝရဲ့တက်လမ်းတွေ၊ အောင်မြင်မှု၊
အလုပ်အကိုင် စတဲ့အရာတွေကို ထိခိုက်လာတဲ့အခါ

စိတ်ကြည်နေအောင်ထားဖို့ထက် ပူနေတဲ့စိတ်ကို အသိစိတ်ကပ်အောင် လုပ်ယူရတာ အင်မတန်ခက်ခဲပါတယ်။

ဒါပေမဲ့ ဒီလိုစိတ်ပူပင်မှုတွေကြားကပဲ ခဏတာ ဖြစ်စေ ဖြစ်စေ…

ဒီ post လေးကို ဖတ်နေစဉ်အတွင်းမှာပဲ ဖြစ်စေ
ကိုယ့်စိတ်ကို ငြိမ်းချမ်းသွားမယ်ဆိုရင် တန်ပါတယ်။

၁။ တွေးပူနေတဲ့အတွေးတွေက လုံခြုံစေချင်တာပါ။

ဆိုပါစို့။ ထမင်းချက်ဖို့ မီးမွှေးမယ်။ အဲ့ဒီအချိန် ငါ့လက်ကို မီးလောင်သွားမှဖြင့်ဆိုတဲ့အတွေးက ကိုယ့်ကို မီးကိုင်တဲ့အခါ သတိရှိဖို့ဖြစ်ပြီး ဒီထက်မက "ငါထမင်းတည်နေတုန်း မီးအပူရှိန်တက်လာရင်ဘယ်လိုလုပ်ပါ့။ ဟာအိမ်ပါမီးလောင်သွားရင်ကော။" စတဲ့အတွေးတွေက ကိုယ့်ကို ပူပင်စေပါတယ်။ ဒါကြောင့် ပုံမှန်လေးစိတ်ပူတာက ကိုယ့်ကို လုံခြုံစေချင်တာဖြစ်ပြီး ပုံမှန်ထက်ပိုပြီးစိုးရိမ်နေတယ်ဆိုရင်တော့ ကိုယ့်ကိုခြောက်ခြားစေတတ်ပါတယ်။

၂။ အတွေးတွေကို ထိန်းချုပ်ဖို့ထက် နားထောင်တတ်အောင်ကြိုးစားပါ။

ဒီလို အတွေးတွေဟာ စိတ်လုံခြုံစေချင်တာဖြစ်လို့ ကိုယ့်ကိုယ်ကိုယ်ဘာပြောချင်တာလဲ။ ဘာကြောင့် ဒီလို အတွေးတွေပေါ်လာတာလဲဆိုတာ နားထောင်တတ်အောင်ကြိုးစားပါ။

၃။ အတွေးတွေကနေ အဖြေထုတ်ပါ။

ဟုတ်ပြီ။ သူတို့က ငါ့ကိုလုံခြုံစေချင်လို့ ဒီလိုမျိုးလာပြောတယ်။ လက်ခံတယ်။ ဒါပေမဲ့ ဒါတွေက တကယ့်လက်တွေ့မဟုတ်သေးဘူး။ လက်တွေ့မှာရင်ဆိုင်ဖြေရှင်းဖို့ဆိုရင် ဘာတွေလိုအပ်မလဲ။ ဘာတွေပြင်ဆင်ထားသင့်လဲဆိုတာကို ခေါင်းအေးအေးထားပြီး စဉ်းစားပေးပါ။

ဒီအချက်လေးတွေဟာ အခုလို အချိန်ကာလအတွင်းမှာ အသုံးတည့်မယ်လို့ထင်ပါတယ်နော်။

ခင်ဗျားတို့မှာကော... ကိုယ့်မှာ အတွေးတွေ၊ စိုးရိမ်ပူပန်စိတ်တွေများလာတဲ့အခါ ဖြေရှင်းတဲ့နည်းလမ်းကောင်းလေးတွေရှိရင် မျှဝေခဲ့ပါဦး။

#စိတ်ပူပန်မှု

05/07/2024

၂၀၂၂ အမေရိကန်မှာလုပ်တဲ့ စစ်တမ်းတစ်ခုအရ "လူဦးရေရဲ့ ၄၅% လောက်က ၂ နှစ်အတွင်းပျော်တယ်ဆိုတဲ့ moment လေးတစ်ခုတောင် မရှိပါဘူး" လို့ ဖြေကြပြီး ၂၅% ကတော့ "ပျော်တယ်ဆိုတဲ့ ခံစားချက်ကို မေ့တောင်မေ့နေပြီ" လို့ ဖြေကြပါတယ်။"

ဆိုတော့...

"ထီပေါက်လို့ပျော်လိုက်တာ"💰

"လိုချင်တဲ့ ဖိနပ်လေးလက်ဆောင်ရလို့ ပျော်လိုက်တာ" 🥾

"စာမေးပွဲအောင်လို့ ပျော်လိုက်တာ" 💯

စတဲ့ စကားတွေကို ပြောနေတဲ့ သင်ကိုယ်တိုင်ကော တကယ်ရော ပျော်နေရဲ့လားဆိုတဲ့မေးခွန်းကို ကိုယ့်ကိုယ်ကိုယ်မေးဖို့အချိန်တန်ပါပြီ။

ကျွန်တော့်အတွက် ပျော်ရွှင်ခြင်းဆိုတာ…

"ရေလှိုင်းတစ်ခုမှာ element တွေအများကြီးစုပြီးဖွဲ့စည်းမှဖြစ်လာသလိုမျိုး 🌊

ပျော်ရွှင်မှုဆိုတာ ရေလှိုင်းတစ်ခုသာဆိုရင်
စိတ်တည်ငြိမ်ခြင်း၊ အကောင်းမြင်စိတ်ထားတတ်ခြင်းနဲ့ ကိုယ့်ဘဝကို မြင်တဲ့အမြင်၊ ကျေနပ်နှစ်သက်မှု၊ ဘဝရဲ့အဓိပ္ပာယ်စတဲ့ အရာတွေအတူပေါင်းစပ်ပြီး ဖြစ်တည်လာတဲ့အရာတစ်ခုလို့မြင်ပါတယ်။"✨

ဒါကြောင့် တကယ်ပျော်ရွှင်ချင်လား။❓

စိတ်ကို အေးအေးချမ်းချမ်းထားတတ်
အောင်ကျင့်ကြံပါ။😌

စိတ်အာရုံတွေပျံ့လွင့်မနေဘဲ စုစည်းထား
နိုင်အောင် လေ့ကျင့်ပါ။😇

ဒီကတစ်ဆင့် အကောင်းမြင်စိတ်လေးထားပြီး
ဘဝရဲ့ အဓိပ္ပာယ်ကို ပုံဖော်ကြည့်နိုင်ဖို့ ကြိုးစားပါလို့ ပြောချင်ပါတယ်။❤️

စာဖတ်သူတို့အတွက်ကော...
ပျော်ရွှင်ခြင်းဆိုတာ ဘယ်လိုမျိုးလဲဆိုတာလေးလည်း
မျှဝေခဲ့ပါဦးနော်။✅

#ပျော်ရွှင်မှု

04/07/2024

ကိုယ့်ပါးစပ်က ထွက်လိုက်တဲ့စကားတိုင်း၊ ကိုယ့်ရဲ့အတွေးတိုင်းဟာ ကိုယ့်ဆီကို ပြန်ရောက်လာပါတယ်။ ဒါကို “Law of attraction” လို့ခေါ်ပါတယ်။🧲

“လူတွေက မကောင်းပါဘူး”? ဒီလိုမကောင်းတဲ့သူတွေနဲ့ပဲ တွေ့နေပါလိမ့်မယ်။

“ငါ့မှာ ဘယ်သူမှမရှိဘူး”? ဘယ်တော့မှ ရှိလာမှာ မဟုတ်ပါဘူး။

“ငါတော့ ဝိတ်ချနိုင်မှာကိုမဟုတ်ဘူး”? စိတ်ချထားလိုက်။ လုံးဝကို မကျဘူး။ အဲ့ဒီအစား “ဒီနှစ်မှာတော့ ငါ fit ဖြစ်အောင်နေမယ်”လို့ ဆုံးဖြတ်ချက်ထားလေ။

“ငါတော့ ဘယ်တော့မှ ချမ်းသာလာမှာမဟုတ်ဘူး”? ဒါပေါ့။ ချမ်းသာလာမှာမဟုတ်ဘူး။“ငါ တစ်နေ့ ချမ်းကို ချမ်းသာလာရမယ်” လို့ ယုံကြည်ချက်ထားမှပေါ့။

Law of attraction ဆိုတာ ဒီလိုပါပဲ။ ကောင်းတဲ့အရာတွေ တွေးရင် ကောင်းတာတွေဖြစ်လာပြီး မကောင်းတာတွေပဲ တွေးနေရင်တော့ မကောင်းတာတွေပဲ ရောက်လာပါလိမ့်မယ်။ ဒါကြောင့် အခုကစပြီး သတိရှိရှိနဲ့ အကောင်းလေးတွေပဲ တွေးဖို့ ကြိုးစားကြည့်ကြရအောင်နော်။✨

03/07/2024

ဟက်ဟက်ပက်ပက် ရယ်မောတတ်ပြီလား။❓

ရယ်တယ်ဆိုတာ ခက်တာမှမဟုတ်တာ။ ပါးစပ်လေးဟပြီး အသံလေးထွက်လိုက်ရုံပဲကို။

ဒါပေမဲ့ အံ့ဩဖို့ကောင်းတာက လူတော်တော်များများက အသက်ကြီးလာတာနဲ့အမျှ မရယ်တတ်ကြတော့ဘူးတဲ့။

ဘာဖြစ်လို့လဲဆိုရင်…

၁။ စိတ်ဖိစီးမှုတွေကြောင့်

၂။ စိတ်မလုံခြင်း insecurities တွေကြောင့်

၃။ အတွေးများခြင်းကြောင့် လို့ လေ့လာချက်တွေအရ တွေ့ရပါတယ်။

ဒါကြောင့်

💊 ဒီဘက်ခေတ်မှာ antidepressant ဆေးတွေသောက်လာကြတယ်။

😴 အတွေးတွေ ပျောက်သွားအောင် အိပ်ဆေးတွေသောက်ပြီး အိပ်ဖို့ကြိုးစားတယ်။

📱Real life ကို escape လုပ်ဖို့ social media တွေကို အလွန်အကျွံသုံးကြတယ်။

ဒီလိုမျိုး အတွင်းထဲက ပြဿနာကို ပြင်ပကအရာတွေနဲ့ အစားထိုးခြင်းက ခဏသာ အလုပ်ဖြစ်ပေမယ့်
ရေရှည်အတွက်ဆိုရင်တော့ ကိုယ့်ရဲ့စိတ်ကို သိနိုင်အောင် ကြိုးစားပါ မိတ်ဆွေ။

ကိုယ့်ရဲ့စိတ်ကိုသာ သိမယ်ဆိုရင်…

ကိုယ့်ရဲ့စိတ်ကိုသာ အရှိ အရှိတိုင်းထားတတ်မယ်ဆိုရင်…

ကိုယ့်ရဲ့စိတ်ကိုသာ အတွေးမများအောင် စုစည်းနိုင်မယ်ဆိုရင်…

ယုံပါ သင်ရယ်မောတတ်လာပါလိ့မ်မယ်။

တကယ်တမ်း သင့်စိတ်လေးသာ ထားတတ်မယ်ဆိုရင် နေ့သစ်တိုင်းဟာ ရယ်မောဖွယ်နေ့လေးဖြစ်လာပါလိမ့်မယ်။

ယူတို့ကော... ဘယ်လိုမြင်ကြလဲ ပြောခဲ့ကြပါဦး။

#ပျော်ရွှင်မှု