Tlabung District Demand Committee

13/07/2022

*LÂWMTHU SAWINA*

Vawiin (July 13, 2022) khan, Riverine Reserved Forest chungchanga na zawka hma la theitu turte kar nan, vantlang punkhâwmna hun huaihawt a ni a, a tira punkhâwmna hmun tura ruahman Bazar Inah boruak a uap hrehawm avangin, YMA rûn lamah insawn leh zawk a ni a; YMA Rûna leng lo khawp mipui kan pungkhâwm kha lâwmawm kan tih rualin, a chhung lama hmun chang ve ta lote lakah erawh thupha kan châwi mawlh mawlh a ni.

i) Punkhâwmna hun ṭha tak min petu leh, pungkhâwm thei tura damna min petu Pathian chungah lâwmthu kan sawi mawlh mawlh a ni.

ii) Khawtlang hnuk khawih a ni tih hriaa hun hlu tak sênga a taka rawn pênchhuak, mipui khati zât in awm kha thlamuanthlak kan tiin, lâwmawm kan ti takzet a; in chungah Joint Action Committee chuan lâwmthu a sawi mawlh mawlh a ni.

iii) Hnawhsaruma ṭawngkaa kan dilna min remtihsaka YMA Rûn, a thlâwna min hmantirtu YMA : Tlabung branch chungah lâwmthu kan sawi mawlh mawlh a; khaw lum tak kara fan a vir theihna tura generator min hmantir lehzelte kha a ropui kan tiin, kan lâwm takzet a ni.

iv) Hlawhtling taka ruahman lâwk anga hun kan hman theihna tura aurinna (combo) min hmantirtu Tlabung Games and Sports Association hruaitute chungah lâwmthu kan sawi mawlh mawlh a ni.

v) Beisei leh rin aia tam kan punkhâwm avangin, ṭhutna awmsain min daih lo va, phal taka ṭhutna min hmantirtu Tlabung Taxi Owners' Association leh Pu P Lalsangliana (PL Chhuana Drug Store)te chungah lâwmthu kan sawi mawlh mawlh bawk a ni.

*ISSUED BY*
TLABUNG JOINT ACTION COMMITTEE

11/07/2022

*RIVERINE RESERVED FOREST BARH LUIH DUH LOH LANTIRNA*

Kan hriat angin, k*m 150-na hmel hmu tawh Tlabung khuaa chênna in dinna (residential area) zau zawk chu Riverine Reserved Forest huamchhungah rînluh a ni a; hei hi ram chungchanga buaina (land dispute issue) mai ni loin, mihring dikna leh chanvo khawih buaina (humanitarian issue) a tling a ni.

Tlabung khawchhunga VC leh NGO hrang hrang inzawmkhâwmna - Joint Action Committee (JAC) chuan, hemi avanga mipuite harsatna tawh mek leh, buaina kan la hmachhawn tur sutkian a nih theihna turin, hemi puanna sût (denotify)tir tumin, thuneitute a lo dâwr tawh a, tun thlenga a hlawhtlinna hmuh a la nih loh avang leh, tun aia chaka hma la theituten an bawhzui theihna tura anmahni nawr nan, he thil duh lohna lantira punkhâwmna hun huaihawt a tum ta a ni. Kan zavai atan a ni tih theihnghilh loa RRF dodâlna lantira pungkhâwm turin a huamchhunga mipui zawng zawng kan inngên a ni.

A theih hram chuan, chhung tin aiawh mi pakhat zel tal, he hun min hmanpui tur hian kan insâwmin, kan inhriattir a ni.

July 13, 2022 chawhma dar 11-ah Bazar inah punkhâwm tur a ni a, hetah hian kalkhâwmte pass tur resolution chhawpchhuah a ni bawk ang.

*Issued by -*

Tlabung Joint Action Committee

03/10/2020

Tlabung District Demand Committee (TDDC) hruaitu, an term hmang zo taten vawiin khan, Committee thil neih - tangkafai, sum vawnna bu leh minute bu bakah, TDDC file vawnṭhatna pendrive an kawllai te chu Tlabung Village Council kutah an hlân.

Tlabung VC aiawhin president Pi Lalhmingthangi'n TDDC hruaitute hi lo dawngsawngin, tangkafai leh thil dang an hlan te hi a lo dawng a ni.

TDDC dintu Tlabung VC kuta hruaitu an nih hun chhung hmang tlingtlaten an hlan tâk tangkafai hi a vaiin Rs. 24,720 a ni a; heti hian TDDC kal zel dan tur chu Tlabung VC-te kutah a awm dawn ta a ni.

K*m 2018-a hruaitu thlan tharte hian, tangkafai eng zat mah kawl lo leh, file rochun zui tur nei loin bul an ṭan a; an term an hman ṭantirh lai, Committee-in sum hman tur a neih hma phei chuan, hruaituten an remchan zat thawhin, chu chu a ṭûlna apiangah an hmang mai ṭhin.

Theihtawp chhuahin, Tlabung bakah, khaw dangah fehchhuahin hma an la ve a; k*m 2019 k*m tâwp lama Aizawla an zin phei chuan cheng sing khat chuang awrh ken tur an nei nghe nghe. Hapta khat chhung deuhthaw an châm chhung hian sum an indaih loh avang leh, Committee-in a bak a neih tawh si loh avangin, mahni pawisa hmangin Aizawla an châm hun chhung tur an hmang tlingtla hram.

TDDC hmalâkna puanzàr tur awm ang ang, ṭha taka thehdarhsaktu DDK, ZONET, LPS leh chanchinbu liana thawktute chungah lâwmthu an sawi a; eng tik lai pawha support tlattu Tlabunga VC, NGO hrang hrang hruaitute leh, mipuite chungah lâwmthu an sawi mawlh mawlh bawk.

TDDC hian facebook lamah official page siamin, tunah hian an hmalakna ngaihventu follower 705 lai an nei tawh a; an zingah hian Zoram huap pawha mi chhuanawm leh langsâr tak tak, mithiam pui pui leh Mizoram University-a thawkte pawh an tel.

A tâwp berah chuan, beidawnnain a hual vel karah pawh, kal hram hram tura chakna, damna leh hriselna petu Pathian chungah TDDC hruaitu kalchhuak taten lâwmthu an sawi mawlh mawlh a ni.

17/09/2020

16/09/2020

Mizorama khaw lian pangngai tak zingah Tlabung chu TrueNat laboratory din lohna awmchhun a ni tih, vawiina ṭhukhâwm Tlabung District Demand Committee (TDDC) chuan an sawi a, hei hian Tlabungin district hran an mamawhzia a nemnghet nawna an ngaih thu an puang.

Tlabunga VC, NGO, political party leh zirlai pawl hruaituten an din - TDDC hruaitute chu vawiin khan mawhphurhna an chelh chhunga a hnuhnung ber ni turin an ṭhukhâwm a; Mizorama district khawpui tinah Truenat laboratory bun vek a ni chu thil lawmawm tak nia an hriat thu leh, Tlabung pawh kawng hrang hranga thlira he khawl mamawh pawl an nih thu sawiin, hei hian district hran an mamawhzia a nemnghet nawn leha an ngaih thu an tarlang a ni.

TDDC hruaitute chuan, tun dinhmunah Lunglei chu Covid-19 vei leh vei loh enchianna kháwl, bio safety level 2 Molbio TrueNat laboratory bunna khua an pan theih hnai ber a ni tih an sawi a, Tlabung chu ramri depa awm a nih avangin an khua leh a chhehvela miten a hranpain an mamawh ve hle tih an sawi. Covid-19 kaihhnawih chauh ni lo, thil dangah pawh district headquarters an nih loh avanga an neih loh thil tam tak a awm nia sawiin, chung chuan mipui tawrhna a thlen fo niin an sawi.

Tlabung District Demand Committee chairman Pu C Vanlalhruaia kaihhruaia ṭhukhawmte chuan, Tlabung chu nak*m maia k*m 150 tling tur, Mizorama khaw upa ber pawl a ni tih sawiin, heti chunga mamawh leh tlakchham an ngah lutuk chuan kawng hrang hrangin mipuite tan harsatna a siam nasa hle niin an sawi a, hemi sutkian nan, k*m 20 chuang an lo nawr tawh Tlabung district siam ngei an phût thu, an puang nawn a ni.

Vawiina Tlabung District Demand Committee ṭhutkhawmnaah hian, k*m hnih chhunga hma an lakna hrang hrang an thlirlet a, Tlabung district a pian ngei theih nan inlungrual leh inpumkhat chunga hma lam pan zel ṭha an tih thu an sawi a ni.

K*min August ni 17 khan, tuna Tlabung District Demand Committee hruaitu ni mekte mawhphurhna chelh theih hunchhung a tâwp tak avangin, Committee dintu Tlabung Village Council kutah, tangkafai Rs. 20,000 chuang leh file pawimawh an kawl mekte an hlân dawn a ni.

15/09/2020

Village Council inthlan a zo ta a, kan area-ah pawh VC member thar duhawm tak tak kan nei ta.

Tlabung District Demand Committee chuan, VC body kaihruai tura mipuiin an thlan tlin zawng zawngte duhsakna a hlân a; TDDC hmalâkna min tawiawma theihtawp min chhuahpui turin a ngênin a sáwm takmeuh a ni.

Hripui léng vangin, thâwm lian tak siama hmalâk theih a ni rih lo va; Aizawl leh khaw lian zuala media lama mi langsârte ko pheia Tlabungah ngei Press Conference neih kan tum pawh eng tikah nge a hlawhtlin dawn sawi mai theih a ni rih lo.

Hemi atan hian hun rei tak chhung sum leh pai tuakin hmalak a ni a, mipuiin an remchan ang zât an thawh ve theih nan tanpuina báwm pawh hûn a ni nghe nghe.

TDDC hi tute pawhin hruai sela, anmahni tawiawma thlawp hram hram turin, mipuite kan ngên thar leh a; tuna hruaitute term a tâwp avanga hruaitu tharin he Committee hi an kaihruai a nih pawhin, anmahni finchhuaha an hnunga zui tlat turin Tlabung district a pian duhtute zawng zawngte kan sáwm thar leh a ni.

Issued by
Information and Public Awareness sub-committee
For
Tlabung District Demand Committee

28/07/2020

MP election aṭanga Zoram mipuiin an hriat chian lehzual, mi tam tak ngaihsânrawn Pu TBC Lalvenchhunga'n Tlabungin district a ngiat chungchangah a ngaihdan tlang leh huai takin min sawisak leh ta. A chungah lâwmthu kan sawi mawlh mawlh e.

27/07/2020

Zofate zinga mi chhuanawm tling phâ, Pu Krista Roluahpuia'n Tlabungin district a ngiat chungchangah a ngaihdan huai leh tlang takin min sawisak a, a chungah kan va lâwm êm!

22/07/2020

Kan va lâwm em. 'Kan lâwm e' tih bak chu sawi tur kan hre lo. Sum leh pai hi mamawh tho mah ila, hemi tluk zeta kan mamawh chu mipuite thlawpna a ni. Min support-na tilanga mahni remchan ang thawhtute hian, phûrna min va pêk belhchhah nasa em.

Tlabung District Demand Committee (TDDC)-in hma a lâk lehzelna turah sum leh pai kan mamawh avangin, báwm kan hûng ve ngawt mai a, mipuite thilphalna leh inpêkna rinchhan chungin.

Thâwm a reh em em laiin, Pi Evelyn Maengi, tuna Lungleia awm mek hian TDDC ṭanpui nan ₹ 2000 ngawt mai a rawn thawh a, a chungah kan va lâwm em. Lâwmthu kan sawi mawlh mawlh e.

Information and Public Awareness Sub-Committee

Tlabung District Demand Committee

19/07/2020

Thank you Lunglei Times

19/07/2020

Tam lua leh tlem lua awm loin aw. 🙏🙏🙏

18/07/2020

Tlabung district a pian theihna tura hruaitu hmasaten, k*m 20 chhung vel zet theihtawp chhuaha hma an lo lâk tawhna chu chhawm nuna chhunzawm zel a ni a; Tlabungin district a mamawhzia au chhuahpuia hma lam pan zel a tum a ni.

Tlabung district a pian hi Tlabung leh a chhehvel mipui mai ni lo, Mizoram hmun hrang hranga mipui tam zawkin âwm min tihpui a ni tih hriatin thla a muang a, hei hian theihtawp chhuah chhunzawm zel turin chakna leh phûrna min pe a ni.

Hetih lai hian, hmalakna tur sum leh pai duhkhawp neih loh avangin, TDDC chuan beisei angin hma a la chak thei lo va. Hemi sutkianna a nih beisei avang leh, he hmalaknaah hian mipuite kan tel ve a ni tih lantir nan, mi inphalten an remchan zat an thawh theih nan, January 31 khan, Tlabung khaw chhung hmun hrang hrangah báwm hûn a ni a; inkharkhipin a zui nghal avangin mumal taka báwm hûn theih ni lo mah se, ₹ 5100 lai a tlingkhâwm a ni.

He bâwma sum leh pái tlingkhâwm thawhtu zawng zawngte chungah TDDC chuan lâwmthu a sawi mawlh mawlh a; nimahsela chak zawka hma la turin, sum leh pai mamawh belh a la nih avangin, social media lamah báwm hûn chhunzawm a ni ta a ni.

I phal leh remchân zat i thawh kha TDDC chuan lâwm taka lo dawngin, ṭangkai takin a hmang dawn a ni.

Issued by

Information & Public Awareness sub-committee
Tlabung District Demand Committee

02/05/2020

Vawiin chhuak Vanglaini

02/05/2020

DDK-ah TDDC press release

01/05/2020

PRESS RELEASE
1st May, 2020

Ṭhangkhat lian zet kan dîl hnu pawha Tlabungin district kan la hmu lo hian hrilh a tihai takzet tawh a, hun khirhkhan leh chhiat rupna thleng thei dinhmun kan hmachhawn hian district kan mamawh a ni tih leh kan mamawhna a tichiang zual hlein kan hria.

Lunglei District hi a len em avangin, Sorkar hotu leh a vilvengtu tan pawh tlawhpawh leh fan zung zung a harsa hle ṭhin niin a lang a. Tuilian kan tawrh laia kan mal tuar tlawk tlawk ṭhin te, Covid-19 hrileng kan hmachhawn mek laia min awptu Lunglei bawrhsap hmel kan la hmu miah lote hian hei hi a tifiah hle niin kan ngai a, district kan mamawhzia a nemnghet lehzualin kan hria a ni. Hripui léng avanga ram pum huapa harsatna lian tak kan tawh mek lai hian, helai kan area hi a him takmeuh em tih ngaihtuah tham fe a awm ta.

Ṭhenawm ram Bangladesh hi tui kawngah Tlabung aṭanga hla lo te, ni khata an ram laili ber thlen theih khawpa hnai a ni a, he ram khawpui ber Dhaka leh khawpui dangah hian COVID-19 hripui avangin damlo 7000 chuang an awm mek a, a enkawltu doctor leh nurse zingah pawh he hri vei hi mi 600 chuang zet an awm tawh a. Sumdâwnna leh sakhuana thilah Bangladesh ram mipuite hi an inkalpawh nasa hle tih hriat a ni.

Kan hriat angin, Tlabung hi Indo-Bangla border-a awm a ni a, hmun pawimawh tak a ni. District fuke kimin Tlabungah hian district inrelbawlna puitling nei tawh se chuan awlsam zawk leh chak zawka venhim hna kalpui mai theih a ni ang. Mahse, Sub-Division-ah pawh hmun ngaihthah ber pawl a nih tlat avangin a luhai thlak takzet zet a, sorkar tan ngaihtuahna thar sen hun tak niin Tlabung District Demand Committee chuan kan hria a, chuti ang ti tur chuan sorkar pawh kan phût nawn leh a ni.

Mizoram hmáwra awm, ramri dái dotu khua kan nih angin Tlabung area tana hmasawnna hrang hrang - inrêlbawlna kawng te leh thil dang tam tak siam a nih chuan Mizoram pumpui develop-na a ni a, hripui avanga harsatna thlen vang chauh pawh ni loin, Sorkar hian Mizoram tan thil ṭha a duh tak tak a nih chuan, Tlabung tan district puitling a pek ngei kan phût tlat a ni. District kan neih theihna atan hmalam pen zel turin kan inbuatsaih tawh bawk a ni, tih min hriatsak turin Sorkar kan ngên bawk a ni.

Chutih rualin, Zoramin hun thim kan paltlang mek hi remchánga lâk tum vanga District kan mamawhzia hi au chhuahpui kan ni lo a; Lunglei District a len em avanga harsatna kan lo hmachhawn tawh ṭhin te tun boruakah hian a lanchian lehzual avangin, kan boruak tawn mek min hriatthiampui turin Zoram mipuite kan ngênin kan chah mawlh mawlh che u a ni.

ISSUED BY TLABUNG DISTRICT DEMAND COMMITTEE, TLABUNG

19/03/2020

Tlabung District Demand Committee-in, hma a lak lehzelna tura a ṭulna apianga hman atan, Tlabung Village Council-in ₹ 20,000 (Cheng sing hnih) an rawn hlàn a; an chungah lâwmthu kan sawi mawlh mawlh a ni. Hma lam pana kal zel tura min beiseina hian, keini a hminga hruaitu ni mekte pawh chakna thar min pe mawlh rawh se.
`
Tlabung VC hian a hmain, Demand Committee pualin ₹ 5000 an rawn hlàn tawh a; neitu chan changa an inpêkna hian rah ṭha a chhuah mawlh ang, tih kan beisei tlat a ni.
`
Tlabung VCP Pu Thangkhuma, Vice President Pu V Zorinpuia, Treasurer Pi Lalhmingthangi leh member dang - Pu Tc Lalnunmawia, Pu Lalramnghaka Lianhna, Pu Lalromawia Pautu leh Pi Lalzamliani Punte-te chungah lâwmthu kan sawi mawlh mawlh e.
`
TLABUNG DISTRICT DEMAND COMMITTEE

23/02/2020

TDDC-in lâwmthu a sawi mawlh mawlh e.

14/02/2020

14/02/2020

Anmahni hian an beisei loin, an duh hauh lo ang. Mahse, an chunga kan lâwmna hi kan lan chhuahtir lo thei lo. Kan lâwm takzet e.

12/02/2020

Ṭanpuina bâwma kan remchan ang zat thlâk turin, a la tlâi lo ve... 🙏🏻🙏🏻

04/02/2020

Vanglaini editorial. Leading newspaper editorial meuha thâilan kan hlawh hi a lâwmawm hle mai. Chutih rualin, district hi tun hnai maia nawr kan ni lo a, k*m tam tak liam ta aṭang khan kan lo nawr tawh a ni, tih erawh Zoram mipuiten min hriatsak mawlh teh se.

02/02/2020

Tanpuina báwm hêl mai loa mahni remchan ang zat min thlaksaktute chungah lâwmthu kan sawi mawlh mawlh a. Tangka ringawt ni lovin, district kan hmuh theihna tura hmalâkna in thlawpzia in lantirna hi a hlu kan ti takzet a ni.

31/01/2020

Tlabung District Demand Committee has made an arrangement for those who want to lend their support with participation by contributing a monetary donation. Hence, donation box have been installed in three different places - Bungkâwn, Zodin kâwn and Chawnpui kâwn.
`
TDDS is having in mind to augment the hype of its long-standing demand and holding a press meet is one of the activities being proposed in the pipeline.
`
For this proposed-to-be-held press conference, well known media practitioners across Aizawl and other biggies would be invited to make appearance.