Mai Wati Mashkel

09/12/2022

ماشکیل:(نصیر کبدانی/نامہ نگار) ڈپٹی کمشنر واشک عبدالقدوس اچکزئی نے لیویز تھانہ ماشکیل کا دورہ اس موقع پر اسسٹنٹ کمشنر ماشکیل زائد حسین شاہوانی سپرنٹنڈنٹ ڈی سی آفس شاہ خالد ریکی ان کے ہمراہ تھے ڈپٹی کمشنر واشک عبدالقدوس اچکزئی نے کہا کہ ماشکیل لیویز تھانہ انتہائی خستہ حالی کا شکار ہے ماشکیل لیویز تھانہ کی ریپئرنگ کے حوالے سے متعلقہ حکام کو آگاہ کرینگے اور نئے لیویز تھانہ بلڈنگ کے حوالے سے بھی بات کرینگے تاکہ لیویز تھانہ ماشکیل کے مسائل حل ہو سکیں۔

09/12/2022

ماشکیل:(نصیر کبدانی/نامہ نگار) ڈپٹی کمشنر واشک عبدالقدوس اچکزئی نے ماشکیل زلزلہ متاثرین کی امدادی رقوم کے تقسیم کے متعلق تحصیل آفس میں قائم ڈپٹیبوشن سینٹر کا دورہ کیا اس موقع پر انہوں نے زلزلہ متاثرین سے ملاقات کیا اور ان کے مسائل سنے جبکہ ڈپٹیبوشن سینٹر کے عملے سے بھی ملاقات کیا اور تقسیم کے عمل کا جائزہ لیا انہوں نے اچھے انتظامات اور بہترین طریقے سے تقسیم کے عمل پر اطمینان کا اظہار کرتے ہوئے کہا کہ یہ سلسلہ آخر تک اسی طرح جاری رکھیں تاکہ زلزلہ متاثرین کی امدادی رقوم ان تک پہنچے انہوں نے اسسٹنٹ کمشنر ماشکیل کو ہدایت کی تقسیم کے عمل کی خود نگرانی بھی کریں۔

09/12/2022

ماشکیل:ڈپٹی کمشنر واشک عبدالقدوس اچکزئی کا گورئمنٹ بوائز ہائیر سیکنڈری سکول لدگشت کا دورہ اس موقع پر سکول پرنسپل عطاء اللہ حسنی اور اسٹاف سے ملاقات کیا سکول اسٹاف نے ڈپٹی کمشنر کو سکول میں خالی آسامیاں سکول چادر دیواری اور دیگر مسائل کے حوالے سے تفصیلی بریفنگ دیا اسسٹنٹ کمشنر ماشکیل زائد حسین شاہوانی سپرنٹنڈنٹ ڈی سی آفس شاہ خالد ریکی ان کے ہمراہ تھے. تفصیلات کے لیے دیکھے ماشکیل سے نصیر کبدانی کا رپورٹ وش نیوز پر۔۔۔۔

09/12/2022

09/12/2022

ماشکیل:(نصیر کبدانی/نامہ نگار) ڈپٹی کمشنر واشک عبدالقدوس اچکزئی کا سول اہسپتال ماشکیل کا دورہ اس موقع پر اسسٹنٹ کمشنر ماشکیل زائد حسین شاہوانی سپرنٹنڈنٹ ڈی سی آفس شاہ خالد ریکی ان کے ہمراہ تھے ڈپٹی کمشنر واشک عبدالقدوس اچکزئی کو اسپتال دورے کے موقع پر ڈی ایچ او واشک ڈاکٹر عابد ریکی نے سول اہسپتال ماشکیل کے درپیش مسائل سے آگاہ کیا انچارج سول اہسپتال ماشکیل و دیگر اسٹاف موجود تھے ڈپٹی کمشنر نے اہسپتال کے مختلف شعبوں کا دورہ کیا انہوں نے سول اہسپتال ماشکیل میں میل میڈیکل آفیسر کی جلد تعیناتی و دیگر مسائل کی حل کی یقین دہانی کرائی انہوں نے کہا کہ سرحدی تحصیل کے لوگوں کو صحت کے بنیادی سہولیات کی فراہمی اولین ترجیح ہے اس ضمن میں کوئی کوتاہی برداشت نہیں کرینگے بعدازاں ڈپٹی کمشنر واشک عبدالقدوس اچکزئی نے سول اہسپتال ماشکیل کے نئے تعمیر ہونے والے بلڈنگ کا بھی دورہ کیا اور تعمیراتی کام کا جائزہ لیا انہوں نے اسسٹنٹ کمشنر ماشکیل کو ہدایت کی ہے نئے بلڈنگ کے کام کا روزانہ کی بنیاد پر جائزہ لیں۔

08/12/2022

ماشکیل:(نصیر کبدانی/نامہ نگار) ڈپٹی کمشنر واشک عبدالقدوس اچکزئی کا گورئمنٹ بوائز ہائیر سیکنڈری سکول لدگشت کا دورہ اس موقع پر سکول پرنسپل عطاء اللہ حسنی اور اسٹاف سے ملاقات کیا سکول اسٹاف نے ڈپٹی کمشنر کو سکول میں خالی آسامیاں سکول چادر دیواری اور دیگر مسائل کے حوالے سے تفصیلی بریفنگ دیا اسسٹنٹ کمشنر ماشکیل زائد حسین شاہوانی سپرنٹنڈنٹ ڈی سی آفس شاہ خالد ریکی ان کے ہمراہ تھے ڈپٹی کمشنر نے مختلف کلاسز کا بھی دورہ کیا جہاں طلباء سے سوالات پوچھے جبکہ سکول میں قائم لائبریری اور سائنس روم کا بھی دورہ کیا اس موقع پر ڈپٹی کمشنر واشک عبدالقدوس اچکزئی نے کہا کہ سکول میں درپیش مسائل کی حل کے لیے ہر ممکن کوشش کرینگے تعلیم پر کوئی سمجھوتہ نہیں کیا جائے گا انہوں نے کہا کہ سکول میں اساتذہ کی کمی اور خالی آسامیوں کے حوالے سے سیکرٹری تعلیم سے بات کرونگا انہوں نے کہا کہ تعلیم کے ساتھ ساتھ اسپورٹس کے ایونٹ بھی ضروری ہے اس ضمن میں آئندہ سکول سطح پر ایونٹ کا انعقاد بھی کرینگے انہوں نے اسسٹنٹ کمشنر ماشکیل اور سکول پرنسپل کو مخاطب کرتے ہوئے کہا کہ سکول کے بچوں اور ان کے والدین کو تعلیم کی اہمیت و افادیت کے حوالے سے آگاہی دیں تاکہ علاقے میں تعلیمی صورتحال بہتر ہو سکیں انہوں نے کہا کہ ماشکیل میں تعلیمی صورتحال پر کوئی کوتاہی برداشت نہیں کرینگے اور اس ضمن میں اسسٹنٹ کمشنر ماشکیل روزانہ کی بنیاد پر اسکولز کا دورہ بھی کرینگے۔

06/12/2022

ماشکیل:(نصیر کبدانی/نامہ نگار) 16 اپریل 2013 کے زلزلہ متاثرین کی امدادی رقوم کی تقسیم کے حوالے سے گورئمنٹ بوائز ہائیر سیکنڈری سکول لدگشت میں ایک پروقار تقریب منعقد ہوا تقریب کے مہمان خاص ایم پی اے و خادم واشک میر حاجی زابد علی ریکی اور ڈپٹی کمشنر واشک عبدالقدوس اچکزئی تھے اسسٹنٹ کمشنر ماشکیل زائد حسین شاہوانی ایس ایچ او ماشکیل فتح عیسی زئی و دیگر آفیسران موجود تھے ایم پی اے و خادم واشک میر حاجی زابد علی ریکی ڈپٹی کمشنر واشک عبدالقدوس اچکزئی نے زلزلہ متاثرین میں اپنے دست مبارک سے چیک تقسیم کئے پانچ ہزار کے قریب متاثرین میں امدادی رقوم تقسیم ہونگے اس موقع پر علاقائی عمائدین حاجی دولت خان ریکی حاجی کریم ریکی مولوی شکر اللہ مولوی عبدالروف شاہ خالد ریکی میر کبیر احمد ریکی ملا عبید ریکی میر محمد ہاشم ریکی حاجی اسحاق ملنگزئی حاجی نذیر احمد حسنی حاجی نظام الدین حسنی و دیگر موجود تھے مولوی شکر اللہ نے ایم پی اے واشک اور ڈپٹی کمشنر واشک کو ماشکیل کے بنیادی اور درپیش مسائل کے متعلق تفصیلی آگاہ کیا ایم پی اے و خادم واشک میر حاجی زابد علی ریکی ڈپٹی کمشنر واشک عبدالقدوس اچکزئی عبدالروف میر کبیر احمد ریکی و دیگر نے تقریب سے خطاب کیا ایم پی اے و خادم واشک میر حاجی زابد علی ریکی نے کہا ہے کہ ماشکیل زلزلہ متاثرین کی امدادی رقوم کی خاطر ہر فورم پر آواز بلند کیا اور آج مجھے خوشی ہوئی ہے کہ گزشتہ چار سالوں سے میری جہدوجد رنگ لائی اور الحمد اللہ زلزلہ متاثرین کی امدادی رقوم کی فراہمی ممکن ہوئی ہر اسمبلی اجلاس میں واشک کی پسماندگی کو بیان کیا اور ماشکیل کے زلزلہ متاثرین کی رقوم کے حوالے سے اسمبلی میں قرارداد منظور کیا انہوں نے کہا کہ سیاسی مخالفین نے جام دور میں ماشکیل زلزلہ متاثرین کی امدادی رقوم کی فراہمی میں رکاوٹ بنے ایم پی اے ہونے کی باوجود میری کسی نے نہیں سنی لیکن عزت دینے والے اللہ پاک ہے چار سال کے بعد ماشکیل کے غریب اور مظلوم عوام کی حقوق حاصل کرنے میں کامیاب ہوا الیکشن کے وقت جو وعدہ کیا تھا آج الحمداللہ وعدہ پوار کیا انہوں نے کہا کہ ماشکیل کے لوگوں کا گزر بسر بارڈر پر محیط ہے اس ضمن میں ماشکیل کے لوگوں کے لیے ایک ہزار نئے انٹری کا اعلان کرتا ہوں مزہ سر زیور پوائنٹ اور راہداری سسٹم کے حوالے سے بات کرینگے لوگوں کے لیے تجارتی سرگرمیاں ہر صورت میں بحال کرینگے تاکہ کسی کو کوئی مسئلہ درپیش نہیں ہو اس موقع پر ڈپٹی کمشنر واشک عبدالقدوس اچکزئی نے کہا کہ ماشکیل کے زلزلہ متاثرین کی امدادی رقوم کی فراہمی ایک انتہائی خوش آئند اقدام ہے جو کہ ایم پی اے و خادم واشک میر حاجی زابد علی ریکی کی کوششوں سے ممکن ہوا انہوں نے کہا کہ ماشکیل کے لوگوں کی بنیادی مسائل کی حل کے لیے ہر ممکن کوشش کرینگے مزہ سر زیرو پوائنٹ اور راہداری سسٹم کے حوالے سے متعلقہ حکام سے بات کرینگے تاکہ ماشکیل کے لوگوں کے مشکلات دور ہو سکیں انہوں نے کہا کہ ماشکیل بازار میں صفائی کی صورتحال سمیت دیگر مسائل کی حل کے لیے ہر ممکن کوشش کرینگے آخر میں مولوی شکر اللہ نے دعا کیا۔

02/12/2022

ماشکیل:(نصیر کبدانی/نامہ نگار) بلوچستان یوتھ پروگرام اسپورٹس اینڈ کلچرل کرکٹ ٹورنامنٹ کے سلسلے میں آج کا شاندار فائنل میچ عمر جان اسپورٹس اور شہید علی رضا جان ریکی کے درمیان کھیلا گیا ٹاس شہید علی رضا جان ریکی نے جیت کر آخری اورز میں 114 پر آل آؤٹ ہوئے عثمان 59 اور اخلاق نے 27 رنز بنائے جبکہ عصمت اللہ اور عتیق نے 3/3 وکٹیں حاصل کیں جواب میں عمر جان اسپورٹس نے مقررہ ہدف بارہویں اورز میں 3 وکٹوں کی نقصان پر پورا کیا ہے اور شاندار فائنل میچ 7 وکٹوں سے جیت کر ایونٹ اپنے نام کر لیا جس میں نظام سہواگ 42 عصمت 21 شعیب *19 اور نصیر کبدانی نے بھی 19 رنز بنائے جبکہ عظمت اللہ 2 وکٹیں حاصل کیں عصمت اللہ ریکی نے 21 رنز بنائے اور 3 وکٹیں حاصل کر کہ مین آف دی میچ قرار پائے شاندار فائنل میچ کے مہمان خاص 73 ونگ تفتان رائیفلز کے لیفٹیننٹ کرنل اشفاق صاحب تھے مینجر عاطف صاحب کیپٹن عبید صاحب ایس ایم ممتاز صاحب چودھری صادق بلوچ و دیگر ان کے ہمراہ تھے مہمان خاص کرنل اشفاق صاحب نے اس موقع پر کھلاڑیوں سے بات چیت کرتے ہوئے کہا کہ ماشکیل جیسے پسماندہ ترین علاقے میں جہاں پر تعلیم اور صحت کی بنیادی سہولیات کا فقدان ہے وہاں پر ایسے خوشگوار اور خوبصورت ایونٹ کا انعقاد انتہائی خوش آئند اقدام ہے نوجوان ملک اور قوم کا سرمایہ ہے ان کی حوصلہ افزائی اور سپورٹ کرینگے ماشکیل میں ٹیلینٹ کی کوئی کمی نہیں ہے ماشکیل کے نوجوان کھلاڑیوں کو سپورٹ کی ضرورت ہے اس ضمن میں اپنا بھرپور کردار ادا کرینگے انہوں نے کرکٹ اور فٹبال ٹورنامنٹ میں فائنل پہنچنے والوں ٹیموں میں نقد انعامات تقسیم کئے اور ٹورنامنٹ کمیٹی کے لیے بھی نقد انعامات تقسیم کئے انہوں نے ماشکیل کرکٹ گراونڈ کے لیے ایک پیچ گراونڈ کا چادر دیواری اسٹیج اور کمرہ بنانے کا اعلان کیا اس موقع پر ٹورنامنٹ عہدیداراں عبدالرازق ریکی عطاء اللہ ریکی نصیر کبدانی حمید پرواز وقار حسنی طارق حسن ماسٹر عبدالغنی ریکی شاہ نواز ریکی افتخار ڈیگارزئی و دیگر موجود تھے آخر میں ٹورنامنٹ کمیٹی کی جانب سے نصیر کبدانی نے مہمان خاص کرنل اشفاق صاحب کا شکریہ ادا کرتے ہوئے کہا کہ ماشکیل کرکٹ گراونڈ کے بنیادی مسائل کی حل خوش آئند اقدام ہے جس پر کرنل اشفاق صاحب کا تہہ دل سے شکریہ ادا کرتے ہیں۔

01/12/2022

ماشکیل:(نصیر کبدانی/نامہ نگار)بلوچستان یوتھ پروگرام اسپورٹس اینڈ کلچرل فٹبال ٹورنامنٹ کے سلسلے میں آج کا شاندار فائنل میچ شہید منیر جان فٹبال کلب اور شہید رحیم جان فٹبال کلب کے درمیان کھیلا گیا شہید منیر جان کلب نے 4:1 سے شہید رحیم جان کلب کو شکست دے کر ایونٹ اپنے نام کر لیا شاندار فائنل میچ کے مہمان خاص بابو خدا داد تھے اس موقع پر محمد اکرم سیاہ پاد عبدالحمید حسنی عبدالغنی ریکی و دیگر ان کے ہمراہ تھے مہمان خاص نے کھلاڑیوں سے بات چیت کرتے ہوئے کہا کہ ماشکیل جیسے پسماندہ علاقے میں ایسے ایونٹ کا انعقاد انتہائی خوش آئند اقدام ہے نوجوانوں کو دیگر منفی سرگرمیوں سے دور رکھنے اور اسپورٹس کی طرف راغب کرنا ایک مثبت عمل ہے جس کی بھرپور حوصلہ افزائی اور سپورٹ کرینگے انہوں نے ٹورنامنٹ کمیٹی کے لیے نقد دس ہزار روپے اور دونوں ٹیموں کے لیے ٹی پارٹی کا بھی اعلان کیا اس موقع پر ٹورنامنٹ عہدیداراں نصیر کبدانی رحم اللہ بلوچ ثناء بلوچ ایاز بلوچ عبید عثمان و دیگر موجود تھے۔

01/12/2022

بلوچستان عوامی پارٹی ضلع واشک سے اتحاد ختم اور لاتعلقی کا اعلان کرتے ہیں۔ میر احسان الہی ریکی

پارٹی کے وفاقی وزیر اور سابقہ صوبائی وزیر ماشکیل بارڈر کاروبار کے حوالے سے مکمل خاموش ہیں۔ بیان

بیک مزدہ گاڈیوں کی بندش و دیگر مسائل پہ خاموشی کو جرم سمجھتے ہیں۔ بیان

عوام کو حکومتی مراحات دینے کے بجائے انکے روزگار کا دفاع نہیں کیا جارہا۔ بیان

ماشکیل:(نامہ نگار) نوجوان سیاسی شخصیت میر احسان الہی ریکی نے کہا ہے کہ مشاورت کے بعد باقاعدہ بلوچستان عوامی پارٹی سے اتحاد ختم اور لاتعلقی کا اعلان کرتے ہیں چونکہ ہم گزشتہ سالوں سے مذکورہ پارٹی کے اتحادی رہے ہیں مگر علاقے کے ہر ایشو پہ مذکورہ پارٹی کے موجودہ وفاقی وزیر اور سابقہ صوبائی وزیر کی خاموشی اور عدم دلچسپی کو نوٹ بھی کرتے رہے ہیں، انھوں نے کہا کہ بلوچستان عوامی پارٹی کے اتحادی کی صورت میں ہم نے انکے خلاف بات نہیں کی اور اس کے برخلاف صوبائی اسمبلی کے نمائندے اور اسکے پارٹی کی کارکردگی پہ تنقید کرتے رہے مگر اب چونکہ مسلہ ماشکیل کے بنیادی روزگار تک پہنچ گیا ہے، بیک مزدہ گاڈیوں کی بندش سے اہلیان ماشکیل کو بے پناہ نقصان ہوگا جسکا سردست نقصان یہ ہے کہ ہمارے نوجوان پھر سے موت کے منہ میں سفر کرنے لگ جائینگے، ہم سب کو معلوم ہے گزشتہ سالوں میں جب بیک مزدہ گاڈیاں ماشکیل نہیں آتی تھیں تو کتنے ہی نوجوان دالبندین و نوشکی کی جانب اپنے لوڈ زامیاد گاڈیوں کے ساتھ سفر کرتے ہوئے جھلس کر موت کے منہ میں چلے گئے، اب جب سے بیک مزدہ گاڈیاں ماشکیل آرہی ہیں تو کم یا زیادہ فائدے پہ کم از کم ماشکیل کی زیادہ تر گاڈیاں ماشکیل منڈیوں میں ہی تیل خالی کرتی ہیں اور اسکے علاوہ علاقے کے بےشمار نوجوان تیل منڈیوں پہ برسر روزگار ہیں، غرص کہ ماشکیل کے ہزاروں لوگ اپنے ہی گھر ماشکیل میں کم یا زیادہ فائدے پہ برسر روزگار تو ہیں مگر افسوس کی بات ہے کہ ہمسایہ اضلاع نوشکی وغیرہ پھر سے ماشکیل کے خلاف سازشوں میں مصروف ہیں اور اسکے مقابلے میں ہمارے اتحادی پارٹی کے سربراہان مکمل طور پہ خاموش ہیں، حالانکہ نوشکی و چاغی کے پاس اپنا ایک بارڈر پوائنٹ بلکہ چاربان پوائنٹ وغیرہ کو حساب کیا جائے تو ایک سے زائد کاروباری پوائنٹس موجود ہیں انھیں چائیے کہ اپنے بارڈر پوائنٹ سے آمدہ تیل کو بیک مزدہ گاڈیوں کو نہ دیں مگر ان دونوں اضلاع کا ماشکیل کے بارڈر پوائنٹ سے کسی قسم کا کوئی تعلق نہیں ہے، ہمارے اتحادی پارٹی کے سربراہوں کو چائیے تھا کہ وہ اہم مسلہ پہ عملی کردار ادا کرتے مگر یہ لوگ مکمل طور پہ خاموش ہیں، انھوں نے کہا کہ اب انصاف کی بات ہے کہ مختلف وجوہات کی بنیاد پہ ہم (جمعیت علماء اسلام ضلع واشک یا دیگر پارٹیز) کو تو ہدف تنقید بنا سکتے ہیں مگر جن کے اتحادی ہیں ان کی ایسے اہم روزگار کے مسلہ پہ مجرمانہ خاموشی کے خلاف بات نہیں کرسکتے اسی بنیاد پہ ہم باقائدہ بلوچستان عوامی پارٹی سے اتحاد ختم کرنے کا اعلان کرتے ہیں تاکہ کھل کر عوام کو انکے حقیقت سے آگاہ کرسکیں اور ہمارے روابط کے بنیاد پہ جتنے بھی لوگوں اور ذمہداروں نے بلوچستان عوامی پارٹی کو سپورٹ کیا تھا اس میں شمولیت اختیار کی تھی ان کو قائل کرینگے کہ جو پارٹی ماشکیل کے بنیادی روزگار پہ چار باتیں نہیں کرسکتی اور کوئی عملی کردار ادا نہیں کرسکتی تو ایسے پارٹی میں رہنا یا اسے سپورٹ کرنا گناہ کے ذمرے میں آئیگا کیونکہ ہمارے پاس کچھ کرنے کے اختیارات اگرچہ نہیں مگر صیحح کو صیحح اور غلط کو غلط کہنے کا مکمل اختیار ہے، انھوں نے کہا کہ تمام پارٹیز میں موجود علاقے کے خیرخواہ اور علاقے کے ہر ذمہدار پہ یہ فرض ہے کہ وہ کم از کم علاقے کے بڑے مفاد میں پارٹی پرستی شخصیت پرستی سے بالاتر ہوکر سوچھیں اور علاقے کے اجتماعی مفاد میں کردار ادا کریں۔

28/11/2022

ماشکیل: بلوچستان کے علاقے ماشکیل اکیسویں صدی میں دیگر بنیادی سہولیات کے ساتھ ساتھ بینک سے بھی محروم ہے بڑے آبادی پر مشتمل سرحدی تحصیل میں بینک نہ ہونے کی باعث لوگوں کو مشکلات کا سامنا ہے علاقے کے سرکاری ملازمین اپنی تنخواہ کیش کرنے کے لیے دالبندین خاران یا کوئٹہ جانے پر مجبور ہے, تفصیلات کے لیے دیکھے ماشکیل سے نصیر کبدانی کا رپورٹ وش نیوز پر۔۔۔

28/11/2022

ماشکیل:(نصیر کبدانی/نامہ نگار) ماشکیل کے سیاسی و قبائلی شخصیات حاجی دولت خان ریکی، سابقہ ڈسٹرکٹ ممبر حاجی عبدالسلام ریکی، میر امام بخش ریکی حاجی رسول بخش سنجرزئی، مولانا حق نواز ریکی، حاجی عبدالواحد ریکی، حاجی قاضی عبدالقیوم ناروئی، حاجی غوث بخش ریکی، محمد ابراہیم ریکی حاجی ظریف ریکی حاجی محمد ریکی و دیگر نے مشترکہ بیان میں کہا ہے کہ ریکوڈک پروجیکٹ کے لئے ماشکیل کے ایریا میں بڑی تعداد میں بورنگ لگا کر پروجیکٹ کے لئے بڑے پیمانے پر پانی سپلائی کا منصوبہ بنایا گیا ہے جو کہ حیران کن ہے، انھوں نے کہا کہ ماشکیل پورے صوبے میں پسماندہ ترین علاقہ ہے ماشکیل میں نہ کوئی فیکٹریاں ہیں اور نہ ہی پروجیکٹس اور نہ عوام کو صحت تعلیم سمیت کوئی اور بنیادی سہولیات میسر ہیں، انھوں نے کہا کہ ترقیاتی پروجیکٹس کو سراہتے ہیں مگر اپنے علاقے کے مفاد کے مدمقابل کسی بھی پروجیکٹ کو مسترد کرتے ہیں، ہم سمیت تمام برادری قبائل ماشکیل کے سیاسی سماجی شخصیات اور عوام ریکوڈک پروجیکٹ کو ماشکیل کا پانی نہیں دینگے، ہمارے لوگوں کا ذریعہ معاش کجھوروں کے درختوں اور زمینداری سے وابستہ ہے علاقے میں سینکڑوں زرعی ٹیوب ویلز زمینداری کے لگے ہوئے ہیں مگر اب ریکوڈک منصوبے کے لیے پانی فراہمی کے لیے ماشکیل کے ایریا علاقوں میں بڑے پیمانے پر بور لگانے کا منصوبہ بناکر ماشکیل کے پانی کو نکال کر ماشکیل کو ویران کردینا سمجھ سے بالاتر ہے، انھوں نے آخر میں حکام بالا ڈپٹی کمشنر واشک کمشنر رخشان سے سے مطالبہ کرتے ہیں کہ فوری طور پہ جاری شدہ این او سی کینسل کیا جائے اور علاقے کے اجتماعی مفاد میں فیصلے کئے جائیں۔

28/11/2022

ماشکیل:(نامہ نگار)بلوچستان کے دیگر علاقوں کی طرح سرحدی تحصیل ماشکیل میں بھی پاکستان آرمی کے حق میں ایک ریلی نکالی گئی ریلی میں علاقائی معتبرین سمیت عوام الناس نے کثیر تعداد میں شرکت کی ریلی کی قیادت میر جیند خان ریکی اور تیل کمیٹی سربراہ میر سیف اللہ ریکی اور میر اشفاق احمد ریکی نے کی ریلی کے شرکاء سے میر جیند خان ریکی اور ماسٹر نظر ملنگزئی نے خطاب کرتے ہوئے کہا کہ پاک فوج کی وجہ سے ہمارا ملک محفوظ ہے انہوں نے سابقہ آرمی چیف جنرل قمر باجوہ صاحب کی خدمات کو سراہتے ہوئے کہا کہ انہوں نے اپنی مدت ملازمت احسن طریقے سے انجام دیا انہوں نے نئے آرمی چیف جنرل عاصم منیر صاحب کو خوش آمدید کہتے ہوئے کہا کہ ہم امید کرتے ہیں کہ وہ بھی اسی طرح اپنی مدت ملازمت گزاریں گے آخر میں انہوں نے ضلعی انتظامیہ اور حکومت سے اپیل کی کے ماشکیل میں روزگار کے لئے نئے پوائنٹ کھولے جائیں اور تیل والے گاڑیوں کے لئے انٹری کے آرڈر جاری کیے جائیں۔

28/11/2022

ماشکیل کا بنیاد زمینداری اور کھجور کے نخلات ہیں، پانی کے بغیر پورا تحصیل ویران ہوجائیگا۔ میر احسان الہی ریکی

مشاورت کے بغیر ملٹی نیشنل منصوبے کےلئے ماشکیل کو ویران کرنا قابل قبول نہیں۔ رہنماء

اس حوالے سے چیف آف رخشان سردار عبدالرشید ریکی کے موقف کو سراہتے ہیں اور قبائل انکے شانہ بشانہ ہیں۔ بیان

ماشکیل: ممتاز نوجوان شخصیت میر احسان الہی ریکی نے جاری کردہ بیان میں کہا ہے کہ گزشتہ دنوں چیف آف رخشان سردار عبدالرشید ریکی نے ایک اہم مسلہ کو ہائی لائیٹ کرکے سب کو بتا دیا ہے کہ علاقہ لاوارث نہیں ہے بلکہ یہاں آباد ریکی قبیلہ اور دیگر قبائل علاقے کے اجتماعی مفاد پہ نظر رکھے ہوئے ہیں، انھوں نے کہا کہ کوئی بھی بڑا پروجیکٹ علاقے کےلئے فائدہ مند ہوتا ہے اور ریکوڈک جیسا بڑا منصوبہ یقینی طور پہ صوبے سمیت مملکت خداداد کےلئے فائدہ مند ہے اور خصوصی طور پہ چاغی کی طرح ماشکیل کے عوام کو اس بڑے منصوبے سے فائدہ ہونا چائیے مگر شنید کے مطابق اس بڑے پروجیکٹ کےلئے تحصیل ماشکیل کے زیر زمین پانی کو لے جانے کی بات کی جارہی جسکے سبب بہت جلد ہی ماشکیل کے لوگوں کا بنیادی ذریعہ معاش زمینداری تباہ اور کجھور کے باغات مکمل طور پہ ختم ہو جائینگے، انھوں نے کہا کہ یہ معاملہ ہمارے علاقے اور یہاں کے مستقبل کےلئے موت و حیات کا مسلہ ہے، یہاں کے اراضیات ریکی قبائل کی ملکیت ہے اور علاقے کے مفاد اور کسی بھی پروجیکٹ کے حوالے سے بات چیت کرنے کی اتھارٹی چیف آف رخشان سردار عبدالرشید ریکی کے پاس ہے، ان کے علاوہ کسی بھی سیاسی صوبائی و قومی اسمبلی کے نمائندہ کے پاس کسی قسم کی اتھارٹی نہیں ہے، انھوں نے مزید کہا کہ چیف آف رخشان سردار عبدالرشید ریکی نے جرات کے ساتھ علاقے کے اجتماعی مفاد کےلئے آواز اٹھائی ہے اور ہم سب انکے شانہ بشانہ ہیں، انھوں نے کہا کہ حکام بالا خصوصی طور پہ چیف سیکریٹری بلوچستان مذکورہ معاملہ پہ نوٹس لے کر چیف آف رخشان سردار عبدالرشید ریکی کے مشاورت سے ایک مناسب کمیٹی تشکیل دیں جو سردست ماشکیل سے پانی لے جانے کے معاملے کا جائزہ لیں اور اسکے بڑے پیمانے پہ متوقع نقصات کو دیکھیں اور ساتھ ہی ماشکیل جیسے بڑی تحصیل جو کہ ریکوڈک جیسے بڑے منصوبے سے متصل ہے اس پروجیکٹ میں ماشکیل کے عوام اور لوگوں فائدہ پہنچانے کےلئے فریم ورک بنائیں، انھوں نے آخر میں خصوصی طور پہ کور کمانڈر بارہ کور جناب لیفٹیننٹ جنرل آصف غفور صاحب جو صوبے کے نہایت نیک جزبات رکھتے ہیں ان سے گزارش و التجاء کی ہے کہ وہ بھی پسماندہ ترین تحصیل ماشکیل کے عوام و قبائل کے خدشات کو مدنظر رکھتے ہوئے معاملے کا نوٹس لیں۔

11/11/2022

ماشکیل:(نصیر کبدانی سے)پہلا آل ماشکیل ظہور جان ریکی لوکل کرکٹ ٹورنامنٹ کا فائنل میچ شہید اقبال جان ریکی ماشکیل اور بلوچ آباد واشک کے درمیان کھیلا گیا ٹاس شہید اقبال جان ریکی نے جیت کر مقررہ 14 اورز میں نو وکٹوں کی نقصان پر 131 رنز بنائے اور 132 کا ٹارگٹ سیٹ کیا محمد اسحاق نے *40 رنز بنائے کبیر احمد نے تین وکٹیں حاصل کیں عمیر اور فراز نسیم نے دو دو وکٹیں حاصل کیں بلوچ آباد واشک نے 132 کے تعاقب میں دسویں اورز میں 71 رنز بنا کر آل آؤٹ ہوئے شہید اقبال جان ریکی نے 60 رنز سے فائنل اپنے نام کر لیا حافظ الیاس نے چار وکٹیں حاصل کیں مہرادد نے تین وکٹیں حاصل کیں اور عبدالرازق نے دو وکٹیں حاصل کیں حافظ الیاس نے بہترین بولنگ کا مظاہرہ کرکے چار وکٹیں حاصل کئے اور مین آف دی میچ قرار پائے جبکہ مہرادد نے ایونٹ میں چودہ وکٹیں لیں اور ستر رنز بنائے مین آف دی ٹورنامنٹ قرار پائے شاندار فائنل میچ کے مہمان خاص ماشکیل کے ممتاز سیاسی و سماجی شخصیت میر جیئند خان ریکی تھے ڈی سی اے سیکرٹری سعید مہر حسنی چودھری صادق بلوچ حاجی خیر محمد ریکی میر علی احمد ریکی عبدالخالق ریکی عبدالغنی ریکی و دیگر ان کے ہمراہ تھے مہمان خاص نے ٹورنامنٹ کمیٹی کے لیے نقد دس ہزار روپے اور دونوں ٹیموں کے لیے ٹی پارٹی کا اعلان کیا اس موقع پر میر جیئند خان ریکی نے خطاب کرتے ہوئے کہا کہ ماشکیل جیسے پسماندہ ترین علاقے میں ایسے ایونٹ کا انعقاد انتہائی خوش آئند اقدام ہے نوجوانوں کو کھیل کی طرف راغب کرنا ایک مثبت عمل ہے انہوں نے کہا کہ ماشکیل کے نوجوان کھلاڑیوں کے ساتھ بھرپور تعاون کرینگے انہوں نے کرنل اشفاق صاحب کی تعاون سے ایک ٹورنامنٹ دینے کا بھی اعلان کیا اس موقع پر ٹورنامنٹ سرپرست اعلی عطاء اللہ ریکی صدر عبدالرازق ریکی نائب صدر شکر اللہ ساسولی سیکرٹری نصیر کبدانی ڈپٹی سیکرٹری عصمت اللہ ریکی پریس سیکرٹری حمید پرواز ڈپٹی پریس سیکرٹری طارق حسن آرگنائزر نجیب اللہ ریکی ڈپٹی آرگنائزر عبدالعلیم ریکی و دیگر ان کے ہمراہ تھے۔

06/11/2022

ماشکیل:(حمل کبدانی سے)پہلا آل ماشکیل ظہور جان ریکی لوکل کرکٹ ٹورنامنٹ کے سلسلے میں دوسرا کوائٹر فائنل میچ شہید اقبال جان ریکی اور شہید علی رضا جان ریکی کے درمیان کھیلا گیا شہید علی رضا جان ریکی نے ٹاس جیت کر پہلے بیٹنگ کا فیصلہ کیا 10:4 اورز میں 79 پر آل آؤٹ ہوئے 80 کا ٹارگٹ دیا شعیب نے 27 رنز بنائے ماجد نے 23 رنز بنائے جبکہ مہرادد نے 6 وکٹیں حاصل کیں عبدالرازق ریکی اور عصمت اللہ نے دو دو وکٹیں حاصل کیں جبکہ شہید اقبال جان ریکی نے 80 کا ٹارگٹ بغیر کوئی نقصان پہ 5:4 اورز میں پورا کیا حافظ الیاس بادینی نے *57 رنز بنائے اور عصمت اللہ ریکی نے *13 رنز بنائے دوسرے کوائٹر فائنل میچ کے مہمان خاص تحصیل ماشکیل فٹبال ایسوسی ایشن کے سیکرٹری عبدالغنی ریکی تھے چودھری صادق بلوچ ڈی سی اے سیکرٹری سعید مہر حسنی علی احمد ریکی شکر اللہ ساسولی در محمد ریکی و دیگر ان کے ہمراہ تھے مہراد نے بہترین بولنگ کا مظاہرہ کرتے ہوئے 6 وکٹیں حاصل کر کے مین آف دی میچ قرار پائے اور مہمان خاص عبدالغنی ریکی سے خصوصی شیلڈ وصول کیا مہمان خاص نے ٹورنامنٹ کمیٹی کے لیے نقد دس ہزار روپے اور دونوں ٹیموں کے لیے ٹی پارٹی کا اعلان کیا اس موقع پر ٹورنامنٹ سرپرست اعلی عطاء اللہ ریکی صدر عبدالرازق ریکی سیکرٹری نصیر کبدانی ڈپٹی سیکرٹری عصمت اللہ ریکی پریس سیکرٹری حمید پرواز ڈپٹی پریس سیکرٹری طارق حسن آرگنائزر نجیب اللہ ریکی ڈپٹی آرگنائزر عبدالعلیم ریکی و دیگر موجود تھے۔

04/11/2022

ماشکیل: (حمل کبدانی سے)پہلا آل ماشکیل ظہور جان ریکی لوکل کرکٹ ٹورنامنٹ کے سلسلے میں پہلا کوائٹر فائنل میچ امیر معاویہ گوالشتاپ اور عزیر جان ماشکیل کے درمیان کھیلا گیا ٹاس امیر معاویہ گوالشتاپ نے جیت کر پہلے بولنگ کا فیصلہ کیا عزیر جان مقررہ 14 اورز میں 127 پر آل آؤٹ ہوئے احسان نے 31 رنز بنائے اور نسیم نے 24 رنز بنائے جبکہ منیر احمد نے 4 وکٹیں حاصل کئے مسافر نے 3 وکٹیں اور منظور نے 2 وکٹیں حاصل کئے امیر معاویہ گوالشتاپ نے مقررہ ہدف 6 وکٹوں کی نقصان پر آخری اورز میں پورا کیا اور ٹورنامنٹ کے سیمی فائنل میں پہنچ گیا عنایت نے 29 رنز بنائے عاقل نے *26 رنز بنائے شاہ محمد اور ادریس خان نے دو دو وکٹیں حاصل کئے شاندار کوائٹر فائنل میچ کے مہمان خاص ڈسٹرکٹ کرکٹ ایسوسی ایشن واشک کے سیکرٹری سعید مہر حسنی تھے انہوں نے ٹورنامنٹ کمیٹی کے لیے نقد دس ہزار روپے کا اعلان کیا اور دونوں ٹیموں کے لیے ٹی پارٹی کا بھی اعلان کیا پہلے کوائٹر فائنل میچ میں منیر احمد نے 4 وکٹیں لیے اور مین آف دی میچ قرار پائے مہمان خاص ڈی سی اے سیکرٹری سعید مہر حسنی سے خصوصی شیلڈ وصول کیا اس موقع پر ٹورنامنٹ سرپرست اعلی عطاء اللہ ریکی صدر عبدالرازق ریکی نائب صدر شکر اللہ ساسولی سیکرٹری نصیر کبدانی ڈپٹی سیکرٹری عصمت اللہ ریکی پریس سیکرٹری حمید پرواز ڈپٹی پریس سیکرٹری طارق حسن آرگنائزر نجیب اللہ ریکی ڈپٹی آرگنائزر عبدالعلیم ریکی چودھری صادق بلوچ صوفی حمزہ محمد اسحاق دھیانی و دیگر موجود تھے۔

31/10/2022

ماشکیل:(نامہ نگار) پریس کلب ماشکیل کے بانی و صدر نصیر کبدانی نے اپنے ایک تعزیتی بیان میں بلوچستان کے سنئیر صحافی ہزار خان بلوچ کے والد محترم کے وفات پر گہرے دکھ اور افسوس کا اظہار کرتے ہوئے دعا کی ہے کہ اللہ تعالٰی مرحوم کو جنت الفردوس میں اعلی مقام عطاء فرمائے اور پسماندگان کو صبر جمیل عطاء فرمائے۔

29/10/2022

اظہار تعزیت

ماشکیل:(نصیر کبدانی سے) ممتاز سیاسی و قبائلی شخصیت سردار عبدالرشید ریکی نے اپنے ایک تعزیتی بیان میں سابقہ وفاقی وزیر / پی پی پی بلوچستان کے سینئر نائب صدر سردار عمر گورگیج سے انکے صاحبزادے کی انتقال پر دکھ و افسوس کا اظہار کرتے ہوئے دعا کی ہے کہ اللہ تعالٰی مرحوم کو جنت الفردوس میں اعلی مقام عطاء فرمائے اور پسماندگان کو صبر جمیل عطاء فرمائے۔