This page for my friends and others. Want to share news for them.
Tulai boruak sia lakih Falam pawlpi thu than mi
Falam khawpi ah Pu Run Bik hohanak thawn Khawsung rinsan mi pawl le a kiangkap khawte ihsin rinsan mi a tel thei mi pawl meeting an tuah mi thu rak siar ciau uhlaw. A ca lawng men si loin meeting kaitu pawl ih zuk hrek khat khal ka run tarlang.
Tulai cu hnaṭuan thei lo ka si tikah zing le zan Gaza War (Hamas le Israel) doawk thu Aljazeera. RT, BBC tivek ka zoh deuh ringring. Ka ruah mi cu duhamnak, iksiknak, mi huatnak in an khat ti mi ka hmu fiang tuk." Zawng lakih Ngau kang" an ti mi hmuah ka mang thlathluh. Thuthang tawite fam kim BBC English ih ngan mi a hnuai ah malte Lai in ka let mi a um.
Hamas (Palestine misual group) pawlih an kaih mi Israel pawl run suak duh ah Israel pawlin vanzamleng thawn bomb an thlak, leilam ralkap, tilam ralkap khalin an kap tikah ziang sualnak tuah ciamco lo mipi tam tuk upa nauhak ti loin an thi, hriamhma an tuar. Hamas mi hrawkhrawl pawl le mipi umnak inn le sizung sung, sizung hnuai tivek ah an hriamhrei le anmah relhnak vek ah an hmang ti Israel thu thliakhlaitu pawl (Intelligent) pawlin an thei tikah Sizung khal bomb an thlak cimco tikah mithi le hriamhma tuar an tam tuk. Hamas lam ṭang sibawi pawl cun sizungah hralthuam tivek a um lo tivek in an ti ve. Zawi thu sawn lehlam dik ding.
Arab pawlin le Hamas pawl mawhthluk duh loin kahcawlh ding ti rori an buaipi. Nan kaih mi pawl suah uhla Israel in an lo kap nawn lo ding an ti duh fawn lo. Israel sual zia thu tlangzarh ding sawn lam an ruat. An mipi pawl tuar nat zia lawng an aupi ih ziang ruangah timi an ruat duh lo.
UN lam hotu pa António Manuel de Oliveira Guterre khalin le amah an ti leh ding ti phangah Hamas lam ih nan kaih mi suah ih ti hnakin Kahcawlh ding thu lawng a au ngam tikah a awl lo. Khat lamah cun UN GS pa khal hi a mawh ve lo amai nunnak a tuar thei tikah. Mark 8:36 sungah Leitlun pumpi hi nei khal sehla a nunnak a canah cun ziangah santlaihnak um ti a si tikah a mawh lo kan ti ke.
Mizan sun 10-11-2023 (Friday) tiang ih mi thi zat BBC ih ngan mi ah cun 7-11 Otober 2023 vek a si le Israel mi thi 1,400 timi hi a dik deuh lo ding, 1,200 hrawng an si ding. 1,400 sungah hin hrekkhat zo a si ti theih lo mi cu ruang cu Hamas misual pawlih ruang a si ding an ti.
Hamas ṭantu harhdam lam ṭuanvo nei ih an sim vek a si le Palestine mi thi hi 11,000 leng lolai an siih cu mi sungah nauhak 4,500 lai an tel an ti.
BBC ih ngan vek a si le Palestine mi thi hi 11,000 leng lo le Israel lam mi thi 1,200 lai an si zo.
Tulai Kawlram thu theih khalle a nuam thei lo nasa.
Pathian e, nangmah na cangvaih lo cun Kawlram vava an tum tuk pang ding. Ziang tik tiang ha maw in zoh cuahco ke? Ralkap Cozah le a dotu pawl hi remaw tir lohli aw he law. A le lawkah "HLawhthlo pa ka thi dawn" tivek an si thluh pang ding e. Nang cu thinlung hak pawl khal ti nemtir theitu na si si. Khat lam le khat lam an thinlung haknak hi run nemtir awla ti huahho in a ṭha zawng in thurelkhawm tlang tir aw.
Bawipa ka thinlung na thei ka peh duh nawn lo mei ke.
Huiha! Huiha! Kawlram thu ruat duh lo khlle Kawlram ih rak ṭhanglian dah a si aw si ruat lo hi a va theih lo ve. Buai le buai lawnglawng. A buai paih lo pawl mipi zang an fak tuk thlang na'n si khawh.
Leitlun hi thu neih duh hlir. Thu neihnak hi nauhak thanthling zem ih zem theih si sehla ka lo zem ding nan. Suhte le Aungte ih dungthlun pawlin Kawlram mipi in va ti siatsuah em ve.
Malaysia ra tam zia ka ruat ih awl lo rori kan si. Malaysia le Mizoram feh ih feh theih le si hlah paisa tampi cem. Tluangte ih ra thleng an um laiah vasia pawl cu Police ih kaih tuar khal um bet lai.
Thuneihnak (power) hi unau theipum seu ih seu theih si sehla cu .................
K*M THAR THU CAH TAWITE
K*m cu ka hi thar ve ih ziang p**a cu ka si cuang lo. Asinan Pathian ih duhdawt zangfahnak ruangah Amai hnen feh ding mi rori dinhmun ka si nan hi tluk ih damcak ding in i tuah mi ka ruah ah ka um men thei loih a ṭulnak pohpoh ka ti thei mi a um mi cu ka kianghrawl thawn vak in ka bawm hai. Ziangtin mi ka bawm tivek cu pawrhaw vek ka si tikah ka ngan paih lo.
K*m thar ah nangmai ṭha na ti lo mi le Pathian ih ṭha a ti lo mi ti na theih mi na hlawn thei a thupi. Mi khalin in bawm ding e, mah khalin kan ti thei tawkin mi kan bawm ding hi a thupi ti thu men.
K*m thar hmang nuam ciau uh law.
Pathian sersiam mi hi Christian lawng kan si lo leitlun pumpi ih minung hmuahhmuah khal hi Amai sersiam mi an si. Kan ruah dan a bang aw lo men na. Huat ciamco ding zo khal an um lo.
1. Pathian in a lo duh ti na thei maw? Na theih le midang teh a duhdawt maw?
2. Pathian in amai sersiam mi minung hi uico pa uico nu tiih kawh a siang maw?
3. Leitlun hi zianghman lo men a si ti ih Solomon Siangpahrang leitlun ih mifim bik pa ih ti mi hi teh na zum ve maw? Pathian si fimnak petu amai fimnak men a si lo.
Ka ngan tam tuk pang ding. K*m thar ah thinlung thar, thinlung thiang nei ciau ding in ka lo duhsak tuk hai.
Santlai lo val/leng ka si tivek hnakin Pathian ih sermsiam mi Pathian ih duhmi ka si ti theitu kan si ding hi a va thupi ve.
Pathian ih duhdawt mi pa,
Alfred Paro
01151181656
Malaysia ih um pawl hrangah cun MyRC card tuah hi a va ṭha lawmam em ve cuvial.
Kan Laimi khal tulai cu Mirang le Kawl in in ciahneh tuk a si hmang. Mang ṭha ti ding khal Good Night ti mi kan let ih zan ṭha ti a si tlangpi thlang. Kannih Laimi pawl hi Israel vekin mang hi ngaina, mang uar zet kan si. Mirang cun mang hi an uar tuk lo. Cunah "Have a sweet dream" tivek an hmang lo. Kannih cu kan hmang nasa. Mang ṭha le Mang sia hi kan buaipi ve nasa. Mizan tla cu ka mang a sia ih ka nuam aw hnai loih Salai Sun Ceu ih "Mang sia ka man zan a sau e" ti hmuah ka mang thla thluh. Cunnah kei cu "Zan ṭha in ti hnakin Mang ṭha" in ti le ka lung a awi hmurhmo cuang.
Thawhhlam ti dingah Kawl ṭawng cawng pawlin Ta-zi-sa an ti hai. Hi khal hi ka rem thei lo. Kawl huat ding ka ti mi a si lo. Kanmai ṭawng um keukeu mi rori cu kan Lai ṭawng hmang sehla ti thu.
Mang ṭha le Thawhhlam ngainatu,
Alfred Paro
Thuthang tete buai thei lem lo. Harhdamnak thu vek le thuthangngai nuam tete, Ramdang thu le Kawlram thu vek. Kawlram buai thu cu si loin Kawlram thuthang tete le leitlun thuthang tivek ka ngan thlang ke maw ka ti phuarpho thlang. Kawlram buai thu cu a ngantu le youtube ih thantu an um rero zo pam cu mi ka ring men ke. Ruah dan le zum dan le a bangaw loih thuphan phan puh awk le tulai ih ṭawng lar zet ngai nuam lo zet Dalan tivek le a um si buaithlak men.
Sport lam tla ngan phahphah sehla a ṭha ke maw?
Pathian thu ṭha tete, Dr. Timothy Sui Lian Mang ih ngan mi tete le midangih ngan mi tete, cun keimai hmuhtawn mi tete le Rev. David Ceute ih ngan mi tete le thudang dang tla ngan men seh la a ṭha thlang ke maw ka ti phuarpho thlang. Mirang ih ngan mi tete tla let sehla.
Ka nawp aw lai. Ca ka ngan ngaingai thlang ke maw ka ti.
Mihuak nei lo, ṭawngsia hmang duh lo ka si tikah Kawlram buainak cu ka ngan tum lem lo tu tiangah cun.
Zumtu (Christian) kan hi ti aw ve ih tulai kan hman mi kan ṭawngkam kan lungput hi Pathian in ziang ti'n in hmu ke, in ruat ke? tivek tla thinlung sirte talah pai sehla a va ṭha ding ve. Kan nuncan, kan comment ngan dan, kan lungput hi Pathian ih duh zawng teh a si ke maw ti cu mah le Pathian a si bik ko.
Kei cu mi an sual tuk khalle Aiha! A va theifiang lo em ve. A biakmi a pathian (god) maw a Pathian(God) in teh a tuah mi hi a duh ke maw ti a ruat lo a si ke ti pawl ka si.
Pathian in hahdam nun i pek hi cu Pathian thangṭhat lo thei ka si lo. Mawṭaw (Car) ih i pahtu tla ngaidam taktakin ka ngaidam ih ka va hlawk em ve. Thinlung nawmnak ka nei sawn.
Pathian ih hahdam nun neipa,
Alfred Paro.
NLD Party in Cozah Din Thei Dingin Nehnak An Co Pei Maw?
That Zin Oo (သန့်ဇင်ဦး)
(Asau zet nan siar ding mi thu a si.)
Rampi thurawn Daw Aung San Suh Kyi ih hruaimi NLD party cu 2015 ih hrilawknak ah nehnak nasa zet an coih cozah an din suak. Rampi in duh hluahhlomi party pakhat dinhmun in a ralai dingmi hrilawknak ah hin teh nehnak an co thei pei maw? Dokalhtu party pawl hin teh ziangtin an ruat pei?
“Fiangzetih langmi cu 2015 vek cun NLD hin nehnak a co ding ka zum lo. Cuitlunah pakhat a um lai mi cu mipi hin party parah ṭhumaw loin mai peng le ram hrang hna ṭha te’i ṭuan theitu ding palai thupi ah ruatin an mit an ming rero thlang. Taktakte cun mipi cun hril ding tampi kan nei lo. USDP le NLD lawng hi cozah din thei party pi an si ruangah USDP duh lo laiah NLD kha kan pe a si ko. NLD ih hnaṭuan danah mipi an lung hmui thei nawn lo, cun tuaktonak (စီမံခန့်ခွဲမှု) a feh dik nawn lo, pursumleilawnnak (စီပွားရေး) a tla niam vivo, rampi ah daihnak a hlo rero ih rampi hruainak ah ṭuanvo lak theinak a mal vivo ruangah rampi a farah zutzo ih harsatnak thawn a khataw vivo. Hivek lungkim lo nak a um tikah mipi ih hril ding um sun cu USDP lawng a um thlang. Ziangahtile cozah din thei party an si ruangah a si.
Dr. Nanda Hla Myit ih tivekin tui dinhmun ah mipi hril theimi umsun cu USDP an si ti lungkim lotu pakhat um sun cu Swepyita ih um Za Za lawng a si.
“Party pakhat lawng hril theinak timi hi a cang thei lo. Midang tampi rel a ṭul lo cuvek ruahnak neitu na si hmanah, nangmah vek mi dang tam pi an um ko ding tin ka zum. An party pakhat lawng hril a theih timi cu thil cang thei a si lo. Kei Daw Aung San Suh Kyi ih tuah dan pawl khi ka lungkim zet. Tuilai Covid boruak hrangih a ruahmanmipawl hi an ṭha lawlaw. Curuangah kan ram hi a tuar mal pawl ramah kan tel hi. Cuitlunah, cozah zung kan feh tikah khal hlanlai vek si loin Daw Aung San Suh Kyi k*t sungah cun an mi biak dang pawl nasa tuk in a tan aw. Curuangah kei cu a k*t sungah hin kan rampi hi nasa tukin a thlengaw ko tin ka rel thei a si”.
NLD party hrilawknak lai ih an tiamkam mi pawl dikzetih thuṭhen lairel ding, ramsungah daihnak umter ding leh 2008 dan hramp**awl hin thil a buai thlakter thei zet.
2015 hrilawk laiah cun mipi in democracy ih thlengawknak tep ngah dingin duhnak nasa tuk an neih ruangah theitawp suah in tha kan pe rero ko nan nehnak an co ih cozah an din hnu cun hrilawk laiih an thiamkam mi an tuah suak thei lo titu hi Rakhine ram party ih U Myo Kyaw a si.
“2015 ahcun annih cu dokalhtu party an si. Cuitlunah, kan ram pumpi in democracy kan beisei tukih kan lung sung in luah khat tuk. Cui tlunah rampi thlengawknak pakhat ah a cang. Cuimi cun ram pumpi, tlangpar ram miphun zate khal in aw neih zat suah in vote an kan pe ciau hai. Asinan cozah an vun din suak tikah cozah an din thei hlan, hrilawk laiih an tiamkammipawl tuah suak mi le tuah thei dan ding lamzin a um thei ta lo. Ṭhimnakah, dan hrampi rem ding thu pawl hmualnei tak le langcu takih tuahmi an nei thei der lo. Rampi huap zatlang nun ṭhansoh ding an tiamkam vek a si thei lo. Curuangah vote an ngah dingmi a tla niam dutdi ding tin ka hmu”.
NLD party in hrilawk laiah, nehnak kan co ih cozah kan din thei asile Mitsung (မြစ်စုံစီမံကိန်း) mipi felfai zetin kan lo hmuh ding, cozah kan kaih sung rori ah 2008 dan hrampi kan rem ding, palai (MP) pawl ih neihmi kan lo hmuh ding, remdaihnak kan tuah ding timi pawl, acozah kan kaih laiah kan tuah suak ding an timipawl a takih tuah suak theimi an nei ta lo.
Asinan, NLD party cun hmaisa hrilawk laiih vote an ngah mi tan hleihnih lai ngah thotho dingin an zumaw zet lai thotho ko.
“2015 lai vek rori in lang cu takin nehnak kan co thotho ding tin kan zum. Ziangahtile, mipi ih hril dingmi party hi NLD party lawng a um. Duh khalah duh lo khalah a cang tengteng ding mi a si. Cun a pahnihnak ah hi COVID-19 kan tawn rero laiah mipi eiin tlasam loih bawmtu NLD cozah a si si. NLD party lawng a sisi um ti hi hmuh theih mi a si. Himi ruangah rampi ih rinsanmi party kan si. Cu lawng si lo leitlun huap ramkhel kan zoh a si le Daw Aung San Suh Kyi in ICJ ah kan rampi dinpi in rampi a humhim fawn. Himi thupawl zoh rero hnik uhla mipi hrang rinsan ding um sun cu NLD kan si si. Simduhmi cu 2020 hrilawknakah kan cah ding ti men lawng si lo zawhrawt rorin kan rawt ding tin kan sim duh”
Hrilawknak ih tiamkammi sawh cu dingfeltakih thu ṭhennak khal a mawi tawk kan tuah thei ko, rampi remdaihnak khal hriamhrei kaipawl tampi thawn lungkimnak sawmnga lenglo kan ngan lawng si loin 2008 dan hrampi khal kan tiamkam vekin Hluttaw ah kan rero ko tin Monywa Aung Sin in a sim.
A tuidin hmunah miphun pakhat le pakhat remawk ding le rampi remdaihnak lamzin khal duhhnakin a feh tluang lo vekin dan hrampi rem thuhla khalah mipi tam sawn ih rem duhmi Daw Aung San Suu Kyi president ṭuan thei lo dingih an tuah mi dan ဖွဲ့စည်းပုံဥပဒေပုဒ်မ ၅၉ (စ), palai 75% hnakih tam lungkim lawngah rem theih timi ပုဒ်မ ၄၃၆ tvp hi rem a theih lo lawlaw mi a si.
Hmansehla, Rakhine thlanglam ram ih cangmi ruangah ICJ ih hekawk ṭumah rampi thurawn roriin hruai in rampi a va dinpinakah rampi lungkimpinak le dinpinak a ngah lawng si lo Tatmadaw lam khalin acozahih kaihhruainak vekin kan thlun ding an timi khal thil ṭha zet a si.
Culaiah le Rakhine saklam le Chin ram Paletwa ah Tatmadaw le AA kapawknak ruangih khawsung minung thi mi leh ral ṭih ih umnak tlansan ralrelhpawl thuhlaah NLD acozah in ziangte hman a tuah khaw suak thei lomi hmuh ding a um. Daw Aung San Suh Kyi ih hruaimi cozah rori in AA kha အကြမ်းဖက် pawlkom tin a nemhngetih Tatmadaw thawn ṭangrual in an din tlang ruangah ram pumpi remdaihnak lamzin a hla deuhdeuh zia ruat/reltu an um ruri lala fawn.
Acoazah a din sungah ramkhelnak, pursumnak, remdaihnak, le mipi kilhimnakpawl telin kil tampi ah a ṭumsuklam a si rero fawn tin U Kyaw Thu, miphun kawmkhawm ih hotu in a rel si.
“Kan cozah dinhmun cu mi hmuahhmuah ih kan thei vekin k*m li sungah ramkhel thu, pursum thu, remdaihnak thu cui tlunah rammi kilhimnak thupawlah a tlak niam deuhdeuh ruangah anmah hriltu mipi pawl cun vote pek khal an ning hluahhlo ih anmah votetu tan sawmtel an tlak niam zo tin ka hmu. Hmanseh, party democracy a si ruang hmuntam hrek khatah nehnak mal lai an co cu ka zum. Kan dung k*m hrilawk lai vek cun ram hui cun an hui thei zik lo”.
Coronavirus ih cozah an si ruangah party dang hnakin an cah sawn thei zumtu khal an um ve thotho.
“Tui dinhmunah, COVID-19 kan tuar rero can a si vekin kan nih cu cangvaihnak kan nei thei loih cangvaihnak kan neih thei sun khal a mal zet. Cuvek dinhmunah nehnak cotu party dinhmun cun cozah an si vekin cangvaihnak tampi an nei thei. An nih cu dan vekin cangvaihnak an neiih langpang ih kan rel ahcun hrilawknak hrangah an man ṭhepṭhep zo ti theih a si. Hmanseh, kan party nehnak kan co le co lo ding thu sim cia a har zet, neh thei neh lo thei kan si. Annih cu ziangmaw ti zatah an cak thotho ko ding tin ka zum”.
88 tlawngtapawl ih tel khawmnak mipi party (ပြည်သူ့ပါတီ) cu hrilawknak ah mip**awl ih lungput a langfiang ding hi thupi zetah kan ruat tin rel kan duh.
Hrilawknak ih result cu mipi ih lungput/duhnak pholangnak a si vekin hipawl cu kan rel cia duh lem lo. Asinan, a thupi bikmi cu hi hrilawknak ṭheh in mipi ih lungput/duhnak a lang tengteng dingin nasa zetin ṭan kan la ding tin kan rel duh”.
2015 rampi hrilawknakah vote thlaknak hmun zate hrangah ramkhel party 91 ihsin palai 5728 le bulpak palai 310, zate kawm 6038 an tel ih cumi lakah NLD party 886 palai in a tambik nehnak an coih a sangtu ah USDP ihsin 117 in a pahnihnak leh Rakhine miphun party (ANP) 45 in a pathumnak tin nehnak an co fingfing hai.
Rampumhuap Hrilawknak tuahtu (UEC) in hrilawknak neih theinak ding hmun pawl cu June 29 ah a than zo. UEC cun ral kapawk rero lai nak hmun Rakhine saklam ram khawpi pawl le Shan ram saklam khawpi pawl khalah hrilawknak tuah a si dingih cu tawkih ummi ralṭih ih himnak hawl pawl khal a tlangpi thu in cazin an lak fel zo thu an phuang. Cui tlunah hrilawknak ding ni khal November 8 a si ding thu July thla thawkah an tar lang zo.
NLD party khal in 2020 hrilawknak dingah USDP le tlangpar party pawl tel in ramkhel thuah thu ngai thlak zetih rak ṭuan zo tu 88 tlawngtapawl ih hruaimi Mipi party (People Party), Ralbawi U Sui Man ih ho mi party, mino pawlkom ih dinmi party telin party zate kawm 97 party thawn an zuamaw ciamco hai dingih ruangah 2015 vek cun hui thluh a awl lo zet ding tin ramkhel zingzawitu pawl cun an ruat pan lo maw!
Nangteh ziangtin na ruat? K*m 2020 hrilawknak hrang ralrin zetin na duh mi na hril thei.
Hram: RFA
Tuisun cu ka hna-ek ka cawih sual mi clinic 4 lai ah ka piah ih a dam thei lo mi kha ka tuar nawn loih DSH hospital ah ka feh ih Vai sibawi thiam ngaingai in i hun tuam hlawm. I tuamhlawm lai ka hmai ih TV ah ka zoh phah cu ka di a riam nasa. Ka hna ruangah Rm 500 zikte ka cem a dam thei lo. Gilead ih thinghnai teh um sehla a dam ke maw ti vek tiang ka pawl laiah ka vun mang suak mi cu Vai sibawipa thiam tuk a um an ti mi a si. Saya Henry Vl Hmangaih in Dr pai card i pek mi ka vun mang suak.
Tuisun cu ka paisa neihsun hmuahhmuah thawn ka pawk ih ka va pan. Ka hna-ek le hna si a thlerh ih thlerh mi pawl ka rak ti tam tuknak ah a khak. A khakmi pawl le fungus ti mi a mawr vekih a um mi pawl i vun laksak, I laksak lai TV thawi ka zoh cu ka ṭih nan a na fawn lo. Thiam hi ka ti tuk ih 300 lole 400 i lak khalle a man thotho tiin ka um lai ah bill in pe cu Rm 195.50 lawng a si aw, Cui tlunah hnaṭuan ni 2 cawlh theinak MC i ngan sak betbet thaw cun a va mal lawmam em ve ka ti rero ka thinlung ten.
Yangon khalah thiam lem lo sibawi ka piah ih tam zet ka cem ih a thiam ngaingai pa ka piah ih malte ka cem vek thotho ka si aw.
Sibawi pa ih hmin cu Dr. Venkateswara Rao a si, Hna, hnar le dang lam thiam ziam zet a si. Malaysia ih um pawl hrangah cun pan tlak rori a si. A man le a khung lo a thiam tuk fawn.
Ka hna awn ngungngo na phah fawn siih um cu a hlo vuarvi aw. Mizan ih ka thlacamnak khalah Sibawi pa hi rak um seh law, Amah hmangin Pathian k*tcak lang seh ti rori a si. Keimah te ih ka thlacam cu umzia a nei lo ti ka theih cun Sibawi pa hmang dingin Pathian ka dil a si ko.Sibawi pa hmangin Pathian k*tcak a lang. Ka thawsuak hi cu a mak in a mak.
Coronavirus (COVID -19) ih dam lo damsal pawl hi natnak an ngah kir thei nawn lo ti mi hi zum ding a si lo. Khui tawk hmanah hmuh theih ih ti theihnak (Tetti) a um lo ti a si. Dam cia pawl khal ṭha te ih an ralrin lo le nat ngahsal thei thotho an si.
Kawl pa pakhat in COVID -19 ruangih dam lo pawl damsal cu natnak an ngah thei nawn lo tivek ih a relmi video ka hmu dah ih ka zum lo tuk rori.
A dam cia zo pawl khal ralrin a ṭul tuk thotho. Natnak nei hrih lo tla cu ralrin a ṭul sinsin.
https://www.bbc.com/news/live/world-52424263
Mi' hrang thil ṭha kan tuah mi hi a thei thiam lo an um khalle a pawi lo. A theithiam thiamtu an tam sawn thotho ti kha theih a ṭha, Cun, mi hrangih thil ṭha na tuah mi cu thlawsuah dawng hmaisa biktu cu nangmah thotho na si. Paisa (money) lamin na ngah lo hmanah nangmah te na lung a awi, na hna a ngam cumi kha thlawsuah ropi a si,
Tui ṭum Malaysia lock down lai canah mi tam zet hnaṭuan nei loin kan um. Ramdang ihsin paisa kuat mi khalle suah thei hlah. Thinhar ih kan um laiah Pathian in ka tunu le hmang in mipi hrangah lamzin a run awng . Paisa kuatnak kan hawl ciamco ih cu tiin tui kan dung ih ka ngan zo mi LCF le Senthang Biakin kiangte ih Public Bank ih Western Union ah kan suah thei ruangah keimah lawng ih lungawi cu a ṭha lo midang khal lungawi ve hai seh ka tiih Hakha le Falam Media ah ka thlah ciamco ih cun tin mi tam zet keimah ruangah an lung a awi. Hakha lam mi tampi le Falam mi malte in lungawi thu in sim. Paisa cu ka ngah lo nan lungawi thu in sim mi hi ka rak lungawi zet ve. Cun lungawi thu i sim lo khal keimah ruangah an lung a awi ti ka thei thotho ih ka hna a ngam thotho.
Paisa in mi ka va bawm thei lo nan ka thu theih mi in mi ka bawm thei. Hakha le Falam media lawngah ka thlah nan kan unau Mizo, Tedim le thlanglam Laitlang pawl tiang in an thei, cun Kawlram mi hnam dang pawl tiang in an thei. Ziangah ti le mah le rualpi ciau an sim thei hai ruangah. Nangmai mi na va sim ih an rak theih kha na hrangah a sunglawi tuk thotho.
Thil ṭha kan thei mi hi mi dang hrang khalah hlawm siang uh si.
Hebrew : 13:16 " But do not forget to do good and to share, with such sacrifices God is well pleased. (NKJ)
Public Bank ih Western Union ih paisa suah zik pawl (21-4-2020)
Western Union in Paisa suahtu pawl an tam nasa.
USA, Australia hmun dangdang ihsin Malaysia ah an sungkhat le an rualpi pawl paisa an kuat mi an suah nasa. 9:30 am - 1:30pm tiang lawng a ngah. 9:30 am - 4:00 pm a si ṭheu nan an duh lo. Cu ruangah paisa na suah duh a si le zingte in feh tum aw. UN card le UN cahnah (UN Catlap) in suah theih a si.
LCF le Senthang biakin kiangte a si. Public Bank ih Western Union ah paisa suah theih a si.
Mi an tam tuk ih a suah man loih thaisun ah ra sal aw an ti mi khal an tampi.
Monday to Friday
9:30 am - 1:30 pm
Kan Vahui thuthang cu a nawp aw nasa lai. Tu cu khua le ram cuan in a zuannak ah a bang hnephnep ih Covid 19 thu teh ka ngan ke aw a ti rero lai. CNN ih ngan mi tla duhnak vial lawng lak ih Damnak si hmu zo tiivek ih ngan tu le an um celcel Kawl kerang le kan Lai media hrekhat ah. CNN ih ngan mi kim cang zet a si lo hmanah thu dik te tal mi hlawm ding an si hai nan. Sii tuahtu company hmanih hniksaknak (Trail) hun ti rero mi khal an hmu zo tivek ih au ciamco cu a ti zawng a si lem lo. Asinan Remedesivir hi cu a ṭha ding vek cu a bang nasa a dam phahpi an tam zo. WHO ih OK ding a thupi nasa,
Simthli Hran Thang a thi taktak ih, Ai Thang Vel a kawh vekih thu dik deuh a cang thei tawk ih ngan kan tum. Ti palh sual cu thil um thei a si ko. Thuthang kan laknak tal cu a mawi tawk ih ṭha ih ngan thei kan zuam ding. Lock Down ṭheh hnu ih hna ka tuan ciamco hnu cun duh vek tla in ka ngan thei lo men thei. I bawmtu tha nan um le ka lo kan peh thei ke.
Jalan Sungai Besi
57100
Be the first to know and let us send you an email when VAHUI posts news and promotions. Your email address will not be used for any other purpose, and you can unsubscribe at any time.
Send a message to VAHUI:
Want your business to be the top-listed Media Company?
“Hui e, ka ti te hui, hui, hui, hui.....Simthli Hran Thang a thi, an ti Ai Thang Vel in thi rung ral seh an ti e, hui, hui, hui....”
