05/02/2021
ഉദ്ഘാടന മാമാങ്കത്തിന് ഒരുങ്ങി പെരിങ്ങോം
പെരിങ്ങോം ന്യൂസ് വാർത്തകൾ വാട്സ് ആപ്പിലൂടെ വേഗത്തിലറിയാൻ ഈ ലിങ്കിലൂടെ പ്രവേശിക്കുക
https://chat.whatsapp.com/I4G9Zil4CFzEvduQnNXDVk
പെരിങ്ങോം – വയക്കര ഗ്രാമപഞ്ചായത്തിൽ വരുന്ന ഒരാഴ്ചക്കിടെ നടക്കാൻ പോകുന്നത് നിരവധി പദ്ധതികളുടെ ഉദ്ഘാടനങ്ങൾ. പെരിങ്ങോം ഗവണ്മെന്റ് കോളേജ്, പെരിങ്ങോം ഗവ. ഐ ടി ഐ, പെരിങ്ങോം ഗവ. മോഡൽ റസിഡൻഷ്യൽ സ്കൂൾ, പെരിങ്ങോം ഫയർ സ്റ്റേഷൻ, മടക്കാം പൊയിൽ അംബേദ്കർ കോളനി, പോത്താംകണ്ടം ഗവ. യു പി സ്കൂൾ ഓഡിറ്റോറിയം, വയക്കര ഗവ. ഹയർ സെക്കണ്ടറി സ്കൂൾ ലാബ് തുടങ്ങീ 7 പദ്ധതികളുടെ ഉദ്ഘാടനമാണ് വരും ദിവസങ്ങളിൽ നടക്കുക. 7 പദ്ധതികളിൽ 6 ഉം പ്രവർത്തി പൂർത്തിയായി നാടിന് സമർപ്പിക്കുന്ന ചടങ്ങാണ്. ഏറെക്കാലത്തെ ആവശ്യമായിരുന്ന പെരിങ്ങോം ഫയർസ്റ്റേഷന് സ്വന്തമായി നിർമ്മിക്കുന്ന ഫയർ സ്റ്റേഷന്റെ നിർമ്മാണ പ്രവർത്തി ഉദ്ഘാടനമൊഴികെ മറ്റുള്ളതെല്ലാം പൂർത്തിയായി. കോടിക്കണക്കിന് രൂപയുടെ ഫണ്ടാണ് സംസ്ഥാന സർക്കാർ ഈ പദ്ധതികൾക്ക് വേണ്ടി ചിലവഴിച്ചിട്ടുള്ളത്. ഈ പദ്ധതികൾ യാഥാർത്ഥ്യമാക്കുന്നതിനു അഹോരാത്രം യജ്ഞിച്ച സി കൃഷ്ണൻ എം എൽ എ യുടെ പ്രവർത്തനം ഈ നാടിന്റെ മുഖം തന്നെ മാറ്റിയിട്ടുണ്ട്. ഒരു കിലോമീറ്റർ ചുറ്റളവിലാണ് പെരിങ്ങോം ഗവ. കോളേജും, ഐ ടി ഐ യും, റസിഡൻഷ്യൽ സ്കൂളും പ്രവർത്തി പൂർത്തിയായി ഉദ്ഘാടനത്തിന് തയ്യാറായി നിൽക്കുന്നത്. അതിനോട് ചേർന്നാണ് പെരിങ്ങോം ഫയർ സ്റ്റേഷനും വരുന്നത്. പെരിങ്ങോം – കരിന്തടം പ്രദേശം ഒരു എഡുക്കേഷണൽ ഹബ് ആയി ഇതോടെ മാറും. മുഖ്യമന്ത്രി ഉൾപ്പെടെ വിവിധ മന്ത്രിമാർ ഓൺ ലൈൻ ആയും അല്ലാതെയും ഈ പദ്ധതികൾ വരുന്ന ആഴ്ചയിൽ ഉദ്ഘാടനം ചെയ്യും.
⛔️⛔️⛔️⛔️⛔️⛔️⛔️⛔️⛔️⛔️⛔️⛔
*PERINGOM NEWS*
🟡🔵🟢🟣🟡🔵🟢🟣🟡🔵🟢🟣
