TH 4M

03/07/2023

Na Dual ding hiam, Na tai ding hiam, Na di'ng ding hiam?
by Sia Suamkim

23/06/2023

Titanic Submarine tembaw tangthu: 22 Asau na,Pound 23,000 hi-in Oxygen pen ni 4 kikhom ding a kibawl hi.

2009 in Oceangate kipan khia aa

2020 ciang in NASA tawh kipawl in bawl khop ding cih geel uh hi.

2021 March in OceanGate leh NASA leh Dr.Scott Parazynski in zong kong kihel ding ci hi.

July 2021 amasa pen tuisung lut lawhcing ci in apai teng Rush,Scott leh PH Nargeolet in gen khia hi.

November 2021 ciang in OceanGate te in ticket zuak kipan aa ticket khat ciang dollar $250,000 ci uh hi.

August 2022 ciang in OceanGate te in tuisung a titanic tembaw en pai na video khah khia uh hi.

January 2023 OceanGate in mimal 60 leh research bawl mi 15-20 kikal pai sak zo ci uh hi.

May 26, 2023 OceanGate in tweeter ah maan kizaih na mimal 24 atu zumkhan ah caption in tukal pen alawp huai mahmah Mission 2 crew ci uh hi.

June 1, 2023 Tweet leuleu in North Atlantic laizang ah ka om ta uh hi,internet connection zong ka nei uh aa Titanic dive zong success ahih man in te tung ah lungdam ung ci hi.

June 15,2023 Tweet leuleu in atung abang mah in gen uh hi.

June 17,2023 Hamish Harding,Chairman in next day planned ci in Fb ah post in gen khia hi

June 18, 2023 zingsang nai 8:00 AM in tuisung ah tuak suk uh aa tuitaw atun d**g uh pen nai 2 leh lang asawt ding hi-in,9:45 AM in mothership tawh kizop na ngah lo uh aa minutes 90 tuisung alut zawh uh hi. Nitak nai 3 ciang in a tunto hun ta uh aa bangmah hong suaktoh loh ciang Coast Guard te kiang report pah uh hi.
Tua ni pan azon uh kizom toto in-

June 22, 2023 in lam et ngamloh zah in atuahsiat na uh kimu khia hi,amu masa ahih leh Canada te bawl (Victor 6000) robot camera kithuah tuisung lutsak uh a kithei khia hi,a mite ahih leh lak theih ding omlo ci uh hi,ahang in tembaw puakkham ahih man in asung ateng zong zanmang khin ding ci uh hi.

Hih Company te pen abei sa in zong safety lam gina lo ci in lawsuits kibawl zelzel ci uh hi.

Atuang mimal:
1- Hamish Harding (58) British Businessman
2-Shahzada Dawood (48) Pakistani Investor
3-Suleman Dawood (19) Atapa
4-Paul Henri Nargeolet (77) French Diver
5-OceanGate CEO Stockton Rush (61)

16/06/2023

Israel abeisa, Tulaitak leh mai lam
✍️: J***y Hum

Leitung teng ii laizang ah om a, gam neuno khat( Tennessee gamke cia pha) hi napi sumbawlna, pilna, gal kapsiamna, leh technology lam ah a sangpen gam, a kikihta minam ahi hi. Hi pen Pasian in a teltuam ngiat ahihna hang ahi hi. Isrel minamte tungah thupiang khempeuh PS in encik a hi hi. Leitungah bang thu hong piang ding cih I theih nop leh Isrel pen kawm naipi ( Time clock)bang aa et ding hi, ci in LST siamten gen hi.

1. Pasian in Abraham a innkuan, a minam leh a gam pan in samkhia a, minampi suak dinga, a panpihte leh thupha piate PS in thupha piakik dinga, a hamsiat te hamsiat ding a, Abraham tungtawn in mi namkhempeuh thupha piak ding kam ciam hi. (Pain 12:1-3). Hih kamciamna Abraham nuntakna leh asuanlekhak te nuntakna ah tangtung hi.
2. Jacob pan in Isrel ci-in amin khelsak a, leitungah k*mpi hoih pen te pia hi. Isrel in kuamah tawh kibanglo tangthu, biakna, leitang leh mun le gam nei hi. Anuntakna khempeuh PS in vaihawm hi.
3. Hunkhat ciangin a gam pan in ki paikhiat pih a, leitung mun citing ah ki theh thang hi. Ahi zongin Abrham tungah a piaksa leitang leh gam ah kong kaikhawm kik ding ci in gen hi.
4. A gam leh leitang uh mi namdangte khut sungah tung zelzel in, munlegam nei lo in k*m tampi om hi. Ahi zongin 1948 k*m ciangin UN in Isrel gam dingin Palestine gam ciapteh sak hi. Hi pen Abraham tungah a kamciamsa a tangtung ahi hi. Tuni-tuhun in leitung munkhempeuh pan agam uh ah kiciah kik ziahziah ta uh hi. Tua ahih man in a ciahsa te leh a ciah lai dingta ding mun kisam ahih man in a k*mpi in leitang a gelsak loh pha mawh hi. Tua banga leitang a gelsak ciangin a phual a omsa Paletine mite tenna zong a lak kul ta hi. Tua ahih man in tuni d**gin leitang kituh in buai den uh hi.
5. Jerusalem khuapi pen a tawntung isrel khuapi kici a, tua dingin US k*mpi Donald Trump in kipsakna nei in, US te palaizum zong Jerusalem ah tuah khin hi.
6. Isrel in gam a ngah ni 1948 k*m in, a kiim a om gam 6te kipawl in kap uh hi. Ahi zongin Isrel ten zo uh hi. 1967 ciangin a gamveng te gam 4 kipawl in kap leuleu a, ni guk sung kido in Isrel ten zo leuleu hi. hih hun ciangin mun thupi mahmah mun- gaza, golan mual dung, leh west bank (Jodan te gam) leh sainai gamteng zong ngah hi. Izipt galkapte sehtak lak ah tampi tui leh an ngahlo in si zihziah hi. Izipt k*mpi pa amai zumlua in a k*mpi pan khawl sawm hi. 1973 k*m in Isrel ten Yom Kippur biakna pawi khamin a kiginloh laitak Izipte kap a, ahi zong zo veve hi.
7. Isrel in gal hau mahmah ahih manin mailam ading nakpi tak ki ging hi. Numei, pasal k*m 20 a phaknak leh galkap sinsak in, k*m nih galkap sungah sem sak hi.
8. Gam kician khat aa a dinkhit uh ciangin, kihuutna ding leh thukansimna lamah zat dingin budget tampi zangh hi. Thukansimna budget pen US te zat sang tam zaw kici hi.
9. Galpi nihna lai a, a bawlsia N**i te a omomna ah delh in man a, thukhenna pia uh hi. Tuate lak ah Jews te tampi a that, Hitla mimuan mahmah Eichmann Argentina pan in man a, a gam ah puasim in thukhen in khau khai lum uh hi.
10. Germany gam Munich khuapi ah Olympic kibawl lai in, Palestine galkapten Isrel kimawl dinga paite ambush hi. Tua bang a pian nading a vaihawm mite a omomna gamah zui in that uh hi.
11. Isrel thukansim te khat in Syria k*mpi thuvaihawm te lakah zalian mahmah in om a, tuapa in galte sawmsimna khempeuh theikhia in Isrel gamah puak kik hi. Tuapa hangin Isrelten a galzawhna tampi om hi. Tua pa a tawpna ah kithei a, Syria ten sihdan pia hi.
12. Palestine Hamas te thauvui-thautang a piapia mihau khat Israel thukansim Mosad te in a zintunna hotel that hi.

13. Leitung Thukan siampente
Isrel thukan simte leitungah thukan (songthauh) siampen in ki ngaihsun hi. Hizahtak a siamna uh pen tanglai pek pan a ngah ahi hi. Kanan gam a zuat lai un, Joshau in thukan mi 2 sawl a, thuteng a kankhit ciangin cidamtak in ciahkik hi. Mordecai pen Babylon k*mpi pa khuatnuai ah asep lai in, k*mpipa that nuam minih te thei khia in, tua pan in min ngah hi. Hi bang siamna pen a gamleh minamte a hutt na ding a Pasian piak hi ding ki thei hi.

14. Gal Ki Gin Nakpi tak nei uh
A kiim a gamtuamtuam te, a diakin Iran te in Isrel pen leitung gamlim pan beisak ding ci den uh hi. A simnuam galte a sim ma in theikhia pahpah a, amau kap maa in kap masa den uh hi. Iran ten a kap a, leitung dangten a panpih kei le zong lau kilkello ci in om khin uh hi. Iran ten Lebanon leh Syria ah vuileteng nawnnawn uh a, tuate a omna munmun ah kapkhap sak pahpah hi. Tulai tak in Iran ten Nuclear bomb ngahdek ding cih theihna om ahih man in tua mun a kapkhap theih na ding ki gingging ta uh uh hi.

15. Leitungah galvan hoih pen leh galkap hoih pen nei uh hi. Nuclear galvan zong nei ahih man in kikihta hi. Technology pen khangto mahmah a, Security camera mun citing ah koih hi. US bangah zong gamgi etna camera te Isrel company te aa ahihi.

16. Leitung khempeuh et theih nading amau Seattleite progam zong nei hi. Vanleng galkap siam pen nei hi.

17. Palestine Hamas ten Gaza pan in Isrel gam sungah thaupi (rocket) kap zel ahih man tua dal nading Iron Doom (thautang a mau kiang a tunma a van ah kapkhap theihna) nei uh a, tua tawh kidal uh hi.

18. Gamveng tawh gamgi khempeuh ah galkap leh galvan a kimtak in koih khin hi. Nisim in vanlengin a khuapi leh a gam cing hi. Seattlelite tawh agam cing uh hi.

19. Naupang khat nangawn aman thanleh amuh d**gin kanzo hi.

20. Leitungah Noble Prize a kipia mi 900 bang om khin a, tuate lak a 20% pen Jewte hi.

21. Anciinna lam ah ahoih pen
Sehnel gam tumang lak pen an pian theih nading in bawl thei uh hi. Hih pen Pasian in a gen kholh sa ahi hi. Negev sehnel gam teng pen lonona, anciin na suak sak uh hi. Galilee gamsung tengah an namkim piang hi. Leitungah lenggah hoih pen leh lingmaw lim pen Isrel pan piang hi. An ciin zia pen amawk ciin ziau aa piang hilo in, research tampi abawl khit cianga a ciin a hihi. Leitung gam tuamtuam te in Isrel gamah pai in anciin daan leh thukan zia leh Hebia laite sin uh hi.
K*msim in tourist tampi pai ahih man in a sumlutna uh ahoih mahmah ahi hi.

16.Atui nekte uh pen inn ah a zatsa te mah a khaihkikkik uh kici hi. Dawl thum bangin a khaih ciangin tui siang mahmah ngah uh hi. Tuipi tui-al khaih in lolai ah anciin na ding bawl hi.

17.A zenzen in galpi piang hi leh k*m tampi a nek theih ding uh an kholsa in nei hi. Ezek 38 ah Isrel sim dingin saklam gam (Russia leh a pawlte) kuan dinga, Megido kuam tengah nasaitak kisimna om ding a, ahi zong PS in amite lamah pang ding ahih man in, a galte vatmai ding hi. Tua ding ciang d**g ki ging khin ta hi.

18. K*m 2030 ciangin Isrel mi Pasian sehsa zah in agam ah ciah kim ta ding hi. Tua ciangin gal kidona om ding hi. a zenzen in US in a panpih kei le, amau bek in zong ka kiging ta uh cih a k*mpipa in gen hi.

Nongsim sak man ka lung dam. Na share sawn sak in.

25/03/2023

Kachin state ah Political Party kalsuan suak ding kisam hiam?
------------------------------------------------------
25 March 2023/ Zota' Tongdam

Political party kisam mahmah hi. Bang hang hiam cih leh NLD/NUG pen Myanmar Galkap te tawh kibangin Burma Ukcipna aanaasin (ဗမာဗဟိုပြုအာဏာရှင်) ahihi.

Ki ukna policy akilamdan kei leh Revolution kici theilo hi. Ukcipna kituhna hilel hi. Kawl te ukna ngahna ding leh Kawl te thuneihna akipna dingin Kachin gam kangtum ding phal kei ni.

1. 2021 buaina ah NLD in uhpadi palsat uh hi. K*mpi kilamna uhpadi palsatna hangin 2008 Thukhunpi tawh Galkap ten ukna hong la hi. Ahi ding mah hi, khialhna omlo hi.

2. Myanmar Galkap ten ukna honglak laitakin NLD in akhialhna uh selin, mipi te lungphona tawh sosak uh a, ukna angah kikna ding ngen uhhi. Galkap te in NLD khialhna te Uhpadi siksan in agen laitakin NLD in 2008 Thukhunpi phiat ding vai genkhia uhhi. 2008 Thukhunpi kiphiat khinta ci in Federal Union kilam ding State teng hong zol uhhi. Ahihhang Interim Constitution (ကြားကာလ ဖွဲ့စည်းပုံ) bawl ding pen NLD/NUG in nial uha, Daw Aung San Suu Kyi phalna omlo in Federal kilamzia bawllo ding ci in pulakna nei uhhi. NLD/NUG te deih pen Myanmar Galkap te bawl U Ni Win i Kawl ukna kipna ding State leh Region (14) policy 2008 Constitution (Thukhunpi) mah ahihi.

3. 2008 Thukhunpi apom/asang KIO/KIA in, NLD/NUG tawh hong kipawl uhciang thumanlo kipawlna te tawh kipawl hi in, KIO/KIA te in Thukhunpi palsatna athukimpih tawh hong kibang lai mawk hi. Hih thute hangin KIO/KIA i Revolution minsiat mindai na hi in Kachin State tawh kisai Politcs ah vangkiam sak hi.

4. Ciampel NLD/NUG in Kachin Politcs pen mailam nawt zo nawnlo a, NUCC ah NLD in state bangmah control zolo in, Revolution aminpua huhna d**g ciang bek kipawlna ahi NUG i mailam kalsuanna ding pen sawt kimanglo ding hi.

5. NLD/ NUG tawh bek Politics kikupna nei ding, khut kilen ding ci in statement bawlna pen KIO/KIA te i khialna lian pen ahihi. Politcs i cih pen ei hamphatna ding metna ding ahih nak leh kuakua tawh kikup theih sepkhop theih ahihi. NLD/NUG tawh bek khut kilenin kalsuan khawm ding agen KIO/KIA in tu in NLD/NUG tawh kilen in bang phattuam pih hiam? Policy kikhelna omlo in Kachin leitang pen gal kidona leitang (galphual) in bawlnopna bek pen ngongtat vai lua hi. Makai hoih i cih pen anungzui mipi te haksatna thuak ding vaihawmlo uhhi. Chin State Thantlang kangtum a, Kawl ten haksatna tuaklo in Thantlang myo a om tebek in athuakna te pilna in la ni. Kawl le Kawl ukna kituhna ah Kachin te gal an in om huailo hi. Tangtawng pek pan Akhangkhangin Kawl te in Kachin ading' hamphatna hong pianuamlo ahihna NUG in tetti hong lak hi.

Tua ahihmanin Bang Constitution nuai ah i om zongin Kachin state leh Kachin mipi te phattuam na dingin Kachin Party a om ding kisam hi. Kachin Party a om kei leh Kawl Party ten Kachin gam ah munla ding uhhi. USDP leh NLD tepen Policy khat nuai ah Kawl minam liatna ding Kawl party te ahihi. Kawl party te in Kachin minam ading' tangmi (ကိုယ်စားပြု) hitheilo hi.

State ah hong kidem party te in Kachin state a om Kachin mipi te vaipuak latheilo hi. Minam party bek in a state vaipuak lathei bek hi. NLD party in NLD khutnuai ah bek om ding ci in 2020 kitelpi manciang NLD in pulakkhia hi. Tuabang thute hangin Kachin mipi te i pilvang semsem ding leh Kachin Party tawh politics ah i kihel ding akisapzia i mu hi. Tuabanah Kachin Party te in hong makaih kei aleh Galkap te kipawlpih party te in Kachin gam hong makaih dinghi. Galkap ukna deihlo akitom Kachin mipi te pen Galkap ukna ding mun apia tawh hong kibang ding hi.

Gal kidona kilaihna leh Politcs kimawlna ah KIO/KIA in lampi khat bek tungah i kingakna pen Kachin state politics adingin ''thang" hong kitahna hikha ding hi.

KIO/KIA in American te huhna kimtakin angah ma in China te pressure nial ngam ding ahihiam? Kachin gam ah Gal kidona zaksakna nei ngam takpi ding maw? Gal kido ding hileh Kachin state dinmun pen gualzawhna percentage bangtan hiding? Kawl Galkap akipan Kachin State sunga adang thautawi te ukzo ding maw? China in Galkap te panpih ding maw? KIA te panpih zaw ding? Tehkak khit ciang sepding hipan hi.

Kachin mipi te in ei Kachin party te makaihna nuai ah kipumkhat ding akisap mah bangin bang party te in ei Kachin state phattuamna dingin hongdingkhia uhhiam? kantel ding kisam hi.

Kachin mipi te phattuamna ding leh Kachin gam kepna nuai ah hong makaihlo party te tha ipiakloh ding kisam hi. Kawl party nuai pan Kachin state Politcs semding party te tha i piakloh ding ahihi.

Politcs cih pen mipi te' teel ding hi a, i teelkhialh aleh ei tektekin thuak kha ding i hihi.

Kachin state pen Kachin minam te khut sungah bek om huai hi.

Kachin State ah Kachin party te bek in makaih huai hi.

Kachin State Goverment pen Kachin state leh Kachin mipi te ading adingzo Kachin party bek hih huai hi.

Kawl khutnuai politics party hih leh hih leh kantelcian ding kisam hi.

(Kachin Minam Party - KSPP te Party Register khinta uha, kidemna ah kihel ding uhhi.)

Kachin Youth Political Movement

Nisim in Thuthak tampi theihtuam nading, Zomi te lai lam ah khantoh nading leh Zomi te kipum khat nading deihna bulpi pen hi. "Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi." Mate 5:6

25/03/2023

Demoso (ဒီးမော့ဆို) Ki dona ah buluh galkap 90 val si
---------------------------------------------------
March 25, 2023, Zota' Tongdam
Kayan gamkek, Demoso khuapi huam ah March 20 pan 23 kikal kidona ah buluh galkap 90 val si in galvan tampi tak kangah uh hi ci in KNDF in pulak khia uh hi.
March 8 ni a kipan in Kayani gamkek Bawlakhe pan Demoso khuapi huam Dawngenkhu khua lam ah panlakna thum tawh buluh galkap te 330 kim hong kuan uha Kayani te in na do uh a nisim in kikapna na sia mahmah hi.
Dawtama khua a buluh galkapte phualsatna March 20 ni pan 23 kikal KA, KNDF/B(10), KNDF/B(15), KNDF/B(16), KNDF/ETD, Nypidaw PDF te kipawl in vado uh a, buluh galkapte abute a kipan 90 val si in 50 sang atawm zaw lo liam a, vantampi tak ngah uh hi,
A vanngahte uh, MA-1 (10), MA-2 (10), MA-4 79kizom 1, 60mama tang 2, Mine zonna 1, kihona, mine, bomb, computer le vanzat tuamtuam te ngah uh hi.
Kayani belpawl lampan in KNDF salpha 2, KA salpha 2, Nypidaw PDF salpha 1 in mual hong liamsan uh hi.
Buluh galkapte in nisim in thaupi leh vanlam pan in a do ban vuah a inn hal na hang un inn 100 kang a, tampi tak galtai uh hi.
Kayani gamkek sungah gal mai khauh tak a, nawt zawhna ding in galvan tampi behlap zawhna ding gamsung gampua pan in hong huh un ci in KNDF te’ thumna nei uh hi.
Crd. Kht Thit Media

25/03/2023

DEIHSAK THUSUN
Thang Biak Mung

Sih ding ngakin a om laitakin Alexander the Great in a galkapmangte samkhawm a, a sih ciang ading lunggulh thu thum gen hi:
1. A siavuante in a hankuang pua ding uh hi
2. A nuntak sungin a kaihkhop hauhna (sum, kham, suangmanpha) khempeuh a lupna panin a hankhuk d**g kiphahto zihziah ding hi
3. Mi khempeuh muh theih dingin a hankuang panin a khutte kivalkhiasak ding hi

Bang hangin Alexander in hih lunggulhnate na pulak hiding hiam?
1. Bang zahta-in a siam uh hangin siavuante kuamah in cidamna ahi a, nuntakna ahi zongin a khut sungah tawi lo uh hi
2. Bang zahta-in i khol hangin leitung na khempeuh a kinusia ding vive ahi hi
3. Hih leitungah khut guakin kisuak a, khut guak mahin kinusia ding hi

Pasian in leitungah sum meetbawl ding (investing money), min leh za lam ding (achieving fame and honors), leitung nate sungah nopsakna zong ding (seeking worldly pleasures), leh leitung kikhualna ciangbek a thupisim dingin hong bawl hi lo hi.
Tua ahih manin i leitung hun a bei ciangin-
• I sum neih zah hi loin huhna i piakkhiat zah
• Pilna leh thutheihna i kholkhop zah hi loin i zatkhiat zah
• I paukhiat/genkhiat zah hi loin i sepkhiat zah
• I phattuam pihte hi loin hong kiphattuampihna zahte
• I meelhoihna hi loin i cihtakna
• I kamsiamna hi loin i itna
• I veina hi loin i kalsuankhiatna
… hihte a manphazaw hong suak ding hi. Tua hi a-
• Pasian nasep ding i kin zahin amah it ding i kin ding ahi hi
• I minam i veina zahin i mipihte i it ding ahi hi
• Inn pualamah maitai-in i thusiam zahin inn sungah i tuacih zawk ding ahi hi
• Sum i hauhnop zahin huhna ah mihausa ihih ding ahi hi

Mi vanglian mahmah Alexander in a sih ding kuan ciangin a nuntakna enkik a, Solomon mah bangin na khempeuh a mawknapi ahihna thu phawkkhia hi. A mawknapi a cihte uh mah buaipih nilohin i omtoh lai leh hilh pil zawhloh pawlte lakah a kihelkha i hisding hi.
A khualzinna khua ah kuamah kikhual lo uh hi. Nutsiat ding leltakin leitung nate tawh kibuaisak ding hun hi nawn lo hi. Tawntung nate thupisakin vantung inn ding mitsuan kawmin leitungah i nuntak ding Pasian deihna ahi hi. I leitung hun a bei ding ciangin “a kisam lo nate na nak buaipih lua kha ing,” ci-a kisikna om loin, “Pasian in sem dingin hong sawl khempeuh a kimin ka semkhin hi,” ci-a i khualzinna i khit ding a thupipen ahi hi. Pasian bekmah i cihtheih ciangin Pasian bekmah a kisam ihih lamtak i phawk thei ding hi.

24/03/2023

CNF TE ZONG ASI ALIAM OM
===================================

Zani 23.3.2023,ZRA EC leh CNF Ngongtatte kikapna ah CNF lamte zong khat si-in, Mi 6 bangin liamna ngah uh hi ci-in thutut kingah hi.

ZRA-EC te Zogam, Zomi humbit in apailai in, tam veipitak Zomi langpang, Spring Revolution paulap a anei CNF/CNA leh apawlte' attack leh nawkna kituak a, Pasian ompihna tawh tutan kidingkip hi.

Lam-et lohpi in zanni in Sanggampa khat in Hong nusia hi, Pasian deihna om hiding hi .

Zomi te thahna diing leh, Zogam suksiatna ding a azat uh thau (Sniper) hih tegel kimatsak hi...

Mailam ah Zomi Galkap te T**a in Hong ompih in Hong nusia lo diing hi.

Zomite, T**a'n ong nusia ngeilo hi.

Credit : Keuhthang Zomi.

24/03/2023

ZOGAM SALPHA
==============================
Biak Pasian in na sisan mawk suah sak kei ta hen la. Zogam ah namdang hong neng niam nuam te’ tat loh na ding kulh khaici hong hisak tahen.

Gam keek nuam aa Zogam ah honglut namdang te a leh do salpha zahtaak na hong pia ung.

Na maban na lawmna gual te leh na mipih na u na nau te'n zo tosuak ding hi ung.

Khang sawnsawn te'n Zogam humbit nading in nuntaak na piak tand**g aa mapang galhang ci'n na min hong lolo ta ding hi.

I kimuh kik mateng mangpha maw Zogam Salpha

23/03/2023

Zogam Galkap ZRA EC te a ding in Thungenni, Tuzingsang in CNF te in Hongkap uh ahihman in.

Tuni zong kikapna omthei lai ding bang hi . Kuamah akhoih masa ngeilo Zomi te Hong kikhoih teh aki khoihkik hilel hi.
Crd...

05/02/2023

Minam Galkap leh NUG Galkap kibatlohna
-------------------------------------------------
5 February 2023/ Zo Limtui

Myanmar gam sung ah Galkap nam (3) om hi. Tua te in,

1. Myanmar Galkap (SAC)
2. Minam Galkap (Ethnics Armed Group)
3. NUG Galkap (PDF)

1. Myanmar Galkap SAC tepen Myanmar gam i Galkap hi in, K*mpi pan budget ngah uh a, official in galvan adeih deih uh lei thei uh hi. Myanmar Gambup mipi te ahubit ding kiciamna nei uhhi.

2. Minam Galkap Ethnics Arm Group tepen A Minam te a hubit ding akem ding ahihi. Budget pen amau operating/control area sungah Siah (tax) la thei a, a minam te tungah huhna angen uhhi. Minam Galkap ahihmanin a minam ten apanpih kula, akisam bangbangin aminam te tungah funds zong ding uhhi. Galvan pen asimthamin lei in Policy kician ahihmanin galvan zuak ten muang uhhi.

3. NUG Galkap PDF pen gambuaina hangin hong kipan hi a, NLD makaihna tawh CRPH, NUG form zo in tua tawh Galkap PDF hong ding khia uhhi. Tua ahihmanin NUG te makaihna PDF te galdo uhhi. NUG Galkap PDF te galdodan pen Minam Galkap te paizia tawh hong kibanglo hi.

Akibatloh mah bangin Minam Galkap teleh NUG Galkap ten gal dokhawm theilo uhhi. Karen ten amau khutnuai ah NUG Galkap PDF te hong koih uhciang gal dokhawm thei bek hi a, NUG makaihzia tawh Minam Galkap leh NUG Galkap PDF te galdokhawm lo uhhi. Kipawllo a, kigal bawllo uhhi.

Zomi sung ah minam Galkap pen ZRA ahihi. Hoih isa a hoih i sa kei zongin i minam Galkap ahihi. ZRA i policy pen a minam Zomi te phattuamna ding bitna ding zong ahihi. Tua ahihmanin Zomi ten tha ipiak ding i huh ding ahihi.

Zomi PDF, CDM Siyin, PDF Zoland, CDF Tonzang te pen minam Galkap kici theilo hi. Gambuaina hangin hong piangkhia thautawi kipawlna hi a, NUG Galkap ahihi. Amau zong NUG tawh kizom ahihna uh post ngei uha, NUG in zong huh ngei uhhi. NUG in budget hau hi, $300 millions val nei ci hi. Tua ahihmanin NUG kiangah budget alak ding uh ahihi.

Hibang i genciang kilang bawlna, suktuahna hilo a, athupaizia i telna ding kizasak ihihi. Zomi PDF pen Kalay Region (western command) Kalay PDF Battalion (8) te hi uha, NUG Galkap ahihi. PDF Zoland te zong NUG Galkap hi uh a, minam Galkap hilo hi. I gensa mah bangin hoih isa a, hoih isa keizongin Zomi Galkap pen ZRA ahihi. Hoih isaklohna te igensiat aleh i minam agensia i hihi. I galbawl aleh i minam a galbawl ahihi.

Tun, Chin Galkap te gimna te kipanpan ta hi. CJDC nuai a om te hitaleh NUG te nuai a te hitaleh gam ading na mapanna te uh Zomi ten kong angtanpih uhhi. Na Zomipihte supna dingleh na minam Galkap ZRA te na langbawl lohna dingun thu hong khinkhai siam un. Chin Galkap ten Zomi Area ah thu hong kineihsak pen lungkimhuai hetlo hi, Federal paizia zong hilo hi. Politcs ah lawm omdenlo, gal omdenlo hi. Zomi Galkap ZRA tawh kizom siam un. Na mipih Zomi te lungdam angtangin Zomi te khantohna om dinghi. Thautawi khempeuh in Zomi Area sungah Zomi mipite lungmuang khamuang sak ni.

Thautawi kipawlna tuamtuam leh Revolution kipawlna tuamtuam ah akihel Zomi khangnote pen Politcs paizia tel semsem ta uha, minam Galkap thupitna zong theita uhhi. Kuakua in a zo zongin minam Galkap thahat kul hi. Minam Galkap hong thahat aleh Myanmar Politcs ah a minam pih ten phattuamna ngah ding uhhi. Minam te hong kisimmawh hong kisuksiat lohna dingin minam Galkap ZRA thapia tek ni.

Zomi te khut kilen in semkhawm leng kuan hong suzo ding ahihiam? Hong su ngam ding hiam? Khua tuamtuam ah ZRA/ZNV te leh khuamite mapawngkhawm ta hi. Thautawi kipawlna tuamtuam ah om Zomi khangnote aw ZRA ah Mapangkhawm un. Takkheh Zomi!

VISIT: www.zolimtui.com

Crd- Zo Limtui

Nisim in Thuthak tampi theihtuam nading, Zomi te lai lam ah khantoh nading leh Zomi te kipum khat nading deihna bulpi pen hi. "Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi." Mate 5:6

27/01/2023

Pasian khut sungah ki ap in na tangthu hong khel ding hi.

1. A tekpa tawh a lum khawm Tamar
2. Numei kizuak Rahab
3. Namdangmi, milim bia Ruth
4. Mipasal tawh a lumkhawm Bathsheba
te pen T**a Zeisu pianna pi te suak uh hi.

Note. A nuntakna uh a kikhel khin uh teh mawh kikkik lo uh hi.

25/01/2023

Welcome Corps tawh kisai dotna leh dawnna English leh Myanmar

05/03/2022

RUSSIA LEH UKRAINE KIDONA AZOM (II)

March 4/2022

1. Russia te in US ii Galkap munpi Pentagon in surveillance drones zangin Ukrainian navy te huh in panpih hi ci in genkhia uh aa, ahi zongin Pentagon press secretary John Kirby in tua bang ka huh kei uh hi ci in nial hi.

2. Pope Francis in Ukrainian President Volodymyr Zelensky tawh phone tungah kiho in a dahna thu, apatauhna thu genkhia aa, Ukraine gam mi te aading thu ka ngetsak hi ci hi. Ukraine gam ah 10% kiim pen Catholic Biakna ahi hi.

3. Facebook (Meta) company in Russia gam in Ukraine gam abuluhna hangin Russia K*mpi tawh kisai pages leh account khempeuh ii advertisements khempeuh khak tan hi ci in taangko khia uh hi.

4. Ukraine in Russia leh Belarus gami (borders) khempeuh kikhak ta hi ci in Ukrainian Prime Minister Denys Shmyhal in taangko khia hi. Ukraine tawh gamgi Belarus gam in zong Russia te panpih in Ukraine do pih ahih manin Leitung gambup in Belarus gam tung kilungkim lo hi.

5. Russia ten Ukraine abuluh na pen a upmawh zah uh sang haksa zaw aa, Ukraine nakpi tak in do kik, nang kik ahih manin tud**g ciang agam uh la zo nailo uh hi. US aa kipan NATO gam ten huh uh ahih manin Russia ii tupna tangtung zo pak nai lo ding dan ahi hi.

6. Leitung gam tuamtuam banks te kipawlna khat ahi The Society for Worldwide Interbank Financial Telecommunication (SWIFT) pan Russia Banks te lak khiat dingin avaihawm lam uh US, Canada, UK leh EU gam teng in tuni taangko khia uh hi. Hih SWIFT pan Russia Banks teng pai khia leh Russia ii economics zong susia zo ding hi ci uh hi.

7. Ukraine in Russia te Cyber internet tungah do kik theih nading in “IT Army” kiphuan khia hi ci in Ukraine Minister of Digital Transformation Mykhailo Fedorov in taangko khia hi. Tua IT Army in Russian energy firms, financial firms leh Russia Military tawh kisai teng Cyber-attacks kibawl ding hi ci uh hi.

8. Ukraine galkap (Ukraine Military) leh Russia galkap te pen agolna uh leh sum zat khiat na pen David leh Goliath mah bangin kikhai mahmah hi ci in CNN in genkhia hi. Ukraine Military in k*mkhat azat sum pen 4.7 billion hi aa, Russia Military in azat sum pen k*m khat $45.8 billion pha hi ci hi. Russia in acive galkap 900,000 nei aa, Ukraine in active galkap 196,000 bek nei hi. Ahi zongin Ukraine te alungsim uh khauh mahmah uh aa, agam uh mikhut sung atun loh ding a President pa aa dal in do kik uh hi.

9. Leitung gam tuamtuam ah Russia buluh te deihlohna leh Ukraine gam panpihna lungphona kinei ziah ziah aa, Putin a ngongtatna leh atat siatna te amanlangin akhawl nading ngetna nei uh hi. US gam sung mun tuamtuam ah zong Ukraine te panpihna in lungphona nei uh hi.

10. Leitung ah Mihau pen ahi Elon Musk in Ukraine gam ahuhna in Starlink Satellite Internet honsak in Ukraine gam mipi te panpih hi. Russia te in Ukraine abuluh uh ciang Internet teng zong suksiat sak uh ahih manin mun khempueh ah internet kingah nawnlo ahi hi. Ukraine k*mpi in Elon Musk tung huhna angetna tawh kizui in Musk in huh ahih manin Ukraine gam ah internet line kingah kik ta ci uh hi..
Nuampi pa

Times

17/12/2021

Credit- ZPCC

17/12/2021

ZPCC Media pan a laisuah uh

Zogam Thupiang Theihsakna:

CNA Commander khat makai in CNA galkapte leh anungzui, thautawi gamnuaimi pawlthum akigawm mimal (50) valin, December 15 ni in, Zogam Haimual khuathak lut uh a, khua leh tui susia in, numei naupang lauthawng sakin, mihing lungsim pailo zahd**g in tatsia uhhi. Haimual khua sung pan Zomi cih himhim a panpih kua teng om, khuasung a makai kua ci in kan uhhi. Zomi Party leh Zogam Galkapte apanpih dingin a upmawh uh, EBC Pastor leh a innkuanpih teng man in, gamlak ah paipih uh a, thu sitin, bawlsia in, satnim dikdek uhhi. Pastor-te innkuan gamtang zo nawnlo ahih manin, a inn ah khakik uh a, a nitak ciangin mankik in, tu in atun abanna kitheilo hi. Khuasung a Naupang ommuang khat man in, galmai thang-antah dingin zangin, Ngawsing khua lam ah December 16 ni in zankuan uhhi.

December 17 ni ziangtung khuavakma in, Ngawsing khua ah atawlnga, ZRA(EC) Pawlpi pan Zogam Galkapte, a giahna inn ah buluh sawm uh a, asak akhang panin thauvui thautang tawh kaphuan uhhi. Innteekte nih thautang in kha in, liam hi. Zogam Galkapte in thakhat thu in dokikpah zo ahih manin, tawl khat sung a kikapkhit uh ciangin, migilo galte tawkik uhhi. Zogam Galkapte Pasian Vantungmite in ompih ahih manin, migilote aliam abaisa in nungkik uhhi.

Hih thupiangte tawh kisai in, Zogam sung ah Spring Revolution leh NUG K*mpi paulap in, ngongtatna, thumanlohna, khua leh tui suksiatna, numei naupang lauthawng sakna (terrorist acts), mawhna neilo mite mat leh hen thuah in bawlsiatna (kidnapping) cihte hong khang semsem a, NUG K*mpi in akhun PDF Galkapte zuih ding Galvai Thukhunte tawh kilehbulh in gamtatna ahih manin, NUG K*mpi in nakpi takin mawhsakna bawlin, akhaktanna dingin thu kipuak hi. Hibang tatsiatnate UN Human Rights Council leh ASEAN makaite tung ahzong kipuak ding hi.

NUG K*mpi in D-Day taangkona sung ah a vaikhakna leh Mualtungmi Thautawi tuamtuamte tung ah kimuhna sung pan a ngetna zui in, Mualtungmi Thautawite in amau mun leh mual teng vaanin, gambitna ding (Security) mawhpuak lak ding cih thu siksan in Zogam Galkapte in Zogam sung avaan hi a, hici bang a, NUG K*mpi thupiakna leh ngetna tawh a kilehbulh in, alehtat, Mualtungmi Thautawite do ding ciangbek in a kithawi gamnuaimi thautawi migilote pen, ukna buluh Kawl galkapte sangin suksia zawta ahih manin, Zogam sung panin nawtkhiat ding ahi hi.

Ukna buluh Kawl galkapte do ding cih paulap in, galkap thauvui thautang kaikhawm a, minam khat leh khat kigalbawlna ding, minam khat sung ah tualgal apianna ding, party khat pawl khat mimal khatpeuh in gamsung ah thu aneihna ding, taangpi taangta tung ah ukna angahna ding ciangbek angim, gamnuaimi thautawi migilo peuhmah Zogam sung ah a om nawnlohna dingin, Zomi khempeuh in, Zomi leh Zogam itna tawh ma pangkhawm in, kipumkhat a, anaipen a om galte dokhiat kul ding hi.

Haimual leh Ngawsing khua a thupiangte tawh kisai in, CNA Commander-pa thu nial ngamlo a, anungzui PDF minpua pawl nihte’ Makaite in ZRA(EC) Pawlpi Makaite, December 17 ni nitak lam in Phone tawh hopih uhhi. Hih thupiang pen, ka naupangte un, CNA Commander thu namangkha in, ko a Party makaipite in ka thupiak uh ahi, ZRA(EC) in avaanna Tedim Gam sung peuhmah ah lutlo ding, Haimual khuathak alutkhak uhzong kazak uhteh, manlang takin nungkik ding cih thute ka piak uh hi napi, ko theihbanloh in, Field ah CNA mite tawh khut akhialkha uh hong suakmawk ahih manin, ZRA(EC) tung ah hih tatkhialhna tawh kisai in ka khialhna uh hong pulak in, ka hong thum uhhi ci in, ZRA(EC) Makaite tung ah thumna nei uhhi. ZRA(EC) Makaite in hici bangin nong thum uhleh, Zogam sung pan na kihepkhiatna dingun lampi hong honsak nung, tu ni mahmah in kihemkhia un ci in thu pia hi. Tuaban ah hih thumna pen Media ah lai tawh na suahsak ding uh kisam hi ci in vaikhak uhhi. Hih tatkhialhna tungtang ah a kihel pawl tengzong kician takin hong pulak hi. (Hih thute phuahtawm hilo a, a Makaite thusimna in amin apuam a kipulaklobek ahi hi.)

Hibang thupiang hangin, sak leh khang, sim leh mal, tuipi galkhat a om Zomi khempeuh in, minam itna takpi tawh, kipumkhat in, anai agamla ih galte khentelsiam a, dokhop theihna dingin ma pankhop dingin hong kizawn hi. Ukna buluh Kawl galkapte azung panin akilotkhiat theihna dingin Kawl gambup in ma apanna ah Zogam Galkapte in Zogam sung tawh kisai ciang mawhpuak la in kivaan ding a, tua mahbang in, Zomi hong nengniam in, Zogam khantohna ding ahong khaktanden, Zogam in Federal Gamkee khat hihna tawh thuneihna ngah theihna dingin hanciamna ahong haza, ih kiim ih paam a galte zong, anai pen galte hitawntung ahih manin, pilvang takin dalin ih dokhiatna dingin ma pangkhawm ni.

Credit - ZPCC/Media
17 December 2021.
Camp: Mt. Elijah