Thidanadu News

26/10/2020

ഇംഗ്ലീഷ് ഫിലോസഫറായ വില്യം ഗോഡ്വിൻ്റെ ഒരു പ്രശസ്തമായ വാക്യമുണ്ട് "നിങ്ങൾക്ക് കഴിവുണ്ടെങ്കിൽ എത്ര കാലം കഴിഞ്ഞാലും അവസരങ്ങൾ നിങ്ങളെ തേടിയെത്തിയിരിക്കും'

വർഷങ്ങൾക്കിപ്പുറം ഇങ്ങ് നമ്മുടെ മലയാളത്തിൽ റിലീസായ ബെസ്റ്റ് ആക്ടർ എന്ന സിനിമയിൽ മമ്മൂട്ടി അവതരിപ്പിക്കുന്ന കഥാപാത്രത്തിനോട് ഒരു സംവിധായകൻ പറയുന്നതും ഇങ്ങനെയാണ്.
"നിങ്ങൾക്ക് കഴിവുകളുണ്ടെങ്കിൽ ആർക്കും നിങ്ങളെ തടയുവാനാവില്ല, അവസരങ്ങൾ നിങ്ങളെ തിരഞ്ഞെത്തിയിരിക്കും''

തിടനാട് പഞ്ചായത്തിലെ വാരിയാനിക്കാട് സ്വദേശിയായ ഷെറിൻ ജോബി എന്ന വീട്ടമ്മയെ സംബന്ധിച്ചിടത്തോളം ഇത് സത്യമായിരിക്കുകയാണ്. ഫേസ്ബുക്കിൽ കോറിയിട്ട കവിതാ ശകലങ്ങളും പ്രാർത്ഥനകളും കാവ്യാത്മകതയുടെ പുതുമഴ പൊഴിയിച്ച് സംഗീത പ്രേമികളുടെ മനസുകൾ കീഴടക്കിയപ്പോൾ അവസരങ്ങളുടെ വീഥി തുറന്ന് സംഗീത ആൽബം നിർമ്മാതാക്കൾ. ദൈവാനുഗ്രഹം വഴിഞ്ഞൊഴുകുന്ന മനോഹര ഗീതങ്ങൾ കേൾക്കുമ്പോൾ ഒരു കൊച്ചുഗ്രാമത്തിൽ വസിക്കുന്ന ഒരു വീട്ടമ്മയുടെ തൂലികയിൽ പിറന്നതാണ് ഈ ഗാനങ്ങൾ എന്ന അമ്പരപ്പ്.
ആവണിപ്പുലരികളെ കുടപിടിച്ചാനയച്ച് ഷെറിൻ ജോബി രചിച്ച ഓണക്കാല കവിതകളും ശ്രോതാക്കളെ ഭക്തിയുടെ പരകോടിയിലെത്തിക്കുന്ന ഭക്തിഗാനങ്ങളും സംഗീത പ്രേമികൾ ഏറ്റെടുത്തു കഴിഞ്ഞു. അവസരങ്ങൾ ലഭിച്ചാൽ മലയാള സിനിമാ സംഗീത ലോകത്തിന് തനതായ കാവ്യാത്മകത പകരുവാൻ ഷെറിൻ ജോബിക്ക് കഴിയുമെന്നാണ് എല്ലാ പിന്തുണയും നൽകുന്ന സുഹൃത്തുക്കൾ പറയുന്നത്.

ലോക്‌ ഡൗൺ കാലത്ത് Plus Two കാലയളവിലെഴുതിയ ചില കവിതകൾ ഫേസ് ബുക്കിൽ പോസ്റ്റ് ചെയ്തതോടെ ക്രിസ്ത്യൻ ഡിവോഷണൽ രംഗത്തെ പ്രശസ്ത സംഗീത സംവിധായകർ വിളിക്കുകയായിരുന്നു.
ആദ്യം പുറത്തിറങ്ങിയ ഗാനം AIMA classic banner ൽ കുരിശിൻ ചുവട്ടിലെ സഹന പുത്രി എന്ന ആൽബത്തിലെ വി.അൽഫോൻസാമ്മയുടെ ഗാനമായിരുന്നു
പിന്നീട് റ്റിബി മാരിപ്പുറത്ത് സംവിധാനം ചെയ്ത് പ്രശസ്ത ഗായിക അന്ന ബേബി പാടിയ 'അമ്മേ മാതാവേ എന്ന ഗാനം .
ഓണപ്പുലരി എന്ന കവിതയും തിരുവോണ ദിവസം റിലീസ് ചെയ്തിരുന്നു. കവിത ആലപിച്ചത് സംഗീത അധ്യാപികയായ ബിൻസി ബിനോയി ആണ്.ഉടൻ റിലീസ് ആകാൻ പോകുന്നത് Aima classicനു വേണ്ടി ഒരു ഗാനം, Bibin heavenly music ചെയ്യുന്ന ഒരു ഗാനം എന്നിവയാണ്.
ഷോർട്ട് ഫിലിമുകൾക്ക് വേണ്ടിയും നിരവധി പേർഗാനങ്ങൾ ആവശ്യപ്പെട്ട് ഷെറിനെ സമീപിച്ചിട്ടുണ്ട്.
ഒരുപാട് കവിതകളും ഇതിനോടകം എഴുതിക്കഴിഞ്ഞു.

ഭാവിയിൽ തിടനാട് പഞ്ചായത്തിൻ്റെ മാത്രമല്ല മലയാളത്തിൻ്റെ അഭിമാനമാകുവാനും മലയാള സംഗീത ലോകത്തിന് നല്ല നല്ല ഗാനങ്ങൾ സംഭാവന നൽകുന്നതിനും ഷെറിന് കഴിയട്ടെ എന്ന് പ്രാർത്ഥിക്കുന്നു. പിണ്ണാക്കനാട് പ്ലാത്തോട്ടത്തിൽ ജോബിയാണ് ഷെറിൻ്റെ ഭർത്താവ് .ചെമ്മലമറ്റം LFHS വിദ്യാർത്ഥിയായ ഷാരോൺ മകൻ.

share

24/10/2020

പി സി ജോർജ്ജിൻ്റെ UDF പ്രവേശനത്തെ എതിർത്ത് കോൺഗ്രസ് (ഐ) പൂഞ്ഞാർ ബ്ലോക്ക് യോഗം.DCC കോട്ടയം ജില്ലാ പ്രസിഡൻ്റും MP യും പങ്കെടുത്ത യോഗത്തിലാണ് തീരുമാനം.UDF സ്ഥാനാർത്ഥികളാണെന്ന് അവകാശപ്പെട്ട് പഞ്ചായത്ത് തിരഞ്ഞെടുപ്പിൽ വോട്ട് തേടുന്ന ജനപക്ഷം സ്ഥാനാർത്ഥികൾക്കെതിരെ UDF സ്ഥാനാർത്ഥികൾ എല്ലാ വാർഡിലും മത്സരിക്കുമെന്ന് പ്രമേയവും പാസ്സാക്കി.

21/10/2020

തദ്ദേശസ്വയംഭരണ തെരഞ്ഞെടുപ്പ്; കോവിഡ് മാർഗ്ഗ നിർദ്ദേശങ്ങൾ പുറത്തിറക്കി

സംസ്ഥാനത്ത് കോവിഡ് 19 വ്യാപനം തുടരുന്ന സാഹചര്യത്തിൽ ഈ വർഷം നടത്തുന്ന തദ്ദേശസ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിന് സ്ഥാനാർത്ഥികളും രാഷ്ട്രീയകക്ഷികളും ഉദ്യോഗസ്ഥരും പാലിക്കേണ്ട കോവിഡ് മാർഗ്ഗ നിർദ്ദേശങ്ങൾ സംസ്ഥാന തിരഞ്ഞെടുപ്പ് കമ്മീഷൻ പുറത്തിറക്കി

തെരഞ്ഞെടുപ്പ് പ്രചാരണത്തിന്റെ ഭാഗമായി ഭവന സന്ദർശനത്തിന് ഒരു സമയം സ്ഥാനാർത്ഥികൾ ഉൾപ്പെടെ പരമാവധി 5 പേർ മാത്രം. കോവിഡ് പ്രോട്ടോകോൾ പാലിച്ച് വേണം സ്ഥാനാർത്ഥികളും മറ്റും ഭവനസന്ദർശനം നടത്തേണ്ടത്. റോഡ് ഷോ/ വാഹന റാലി എന്നിവയ്ക്ക് പരമാവധി 3 വാഹനങ്ങൾ. ജാഥ, ആൾക്കൂട്ടം,കൊട്ടിക്കലാശം എന്നിവ കോവിഡ് 19 പശ്ചാത്തലത്തിൽ ഒഴിവാക്കേണ്ടതാണ്. തിരഞ്ഞെടുപ്പ് പ്രചരണത്തിന് വേണ്ടി വിതരണം ചെയ്യുന്ന നോട്ടീസ്/ലഘുലേഖ എന്നിവ പരിമിതപ്പെടുത്തി പരമാവധി സോഷ‍്യൽ മീഡിയ പ്രയോജനപ്പെടുത്തണം.

ഒരു പോളിംഗ് സ്റ്റേഷനിൽ 4 പോളിംഗ് ഉദ്യോഗസ്ഥരും, 1 അറ്റൻററും 1 പോലീസ് ഉദ്യോഗസ്ഥനും ഉണ്ടാകും. സ്ഥാനാർത്ഥികളുടെ ബൂത്ത് ഏജന്റുമാർ 10-ൽ കൂടാൻ പാടില്ല. വോട്ടർമാർ മാസ്ക് നിർബന്ധമായും ധരിച്ചിരിക്കണം. തിരിച്ചറിയൽ വേളയിൽ മാത്രം ആവശ്യമെങ്കിൽ മാസ്ക് മാറ്റണം. വോട്ടർമാർ രജിസ്റ്ററിൽ ഒപ്പ്,വിരലടയാളം പതിക്കണം.

20/10/2020

എൻ എസ് എസ് സംസ്ഥാന തലത്തിൽ മികച്ച വോളൻ്റിയറിനുള്ള പുരസ്കാരം നേരിയ കാളകെട്ടി AMHSS ലെ കാതറിൻ ജോൺ കല്ലുമാക്കലിനെ BJP കോട്ടയം ജില്ലാ പ്രസിഡൻ്റ് അഡ്വ: നോബിൾ മാത്യു ആദരിച്ചു.കല്ലമാക്കൽ ജോണി - ജിജി ദമ്പതികളുടെ മകളായ ഈ മിടുക്കി ഇക്കഴിഞ്ഞ ഹയർ സെക്കൻഡറി പരീക്ഷയിൽ എല്ലാ വിഷയത്തിനും A+ നേടുകയുണ്ടായി.

20/10/2020

അഡ്വ: തോമസ് അഴകത്ത് കേരളാ കോൺഗ്രസ് (M) തിടനാട് മണ്ഡലം പ്രസിഡൻ്റ്.

തിടനാട് ഗ്രാമപഞ്ചായത്ത് മുൻ പ്രസിഡൻറ് AT തോമസ് അഴകത്തിനെ UDF വിഭാഗം കേരളാ കോൺഗ്രസ് (M) മണ്ഡലം പ്രസിഡൻറായി തിരഞ്ഞെടുത്തു.26 വയസുള്ളപ്പോൾ കന്നിയങ്കത്തിൽ ജോസുകുട്ടി വാരണത്തെ ചെമ്മലമറ്റം വാർഡിൽ പരാജയപ്പെടുത്തിക്കൊണ്ടാണ് തിടനാട്ടുകാർ സ്നേഹത്തോടെ കുഞ്ഞാപ്പച്ചൻ എന്ന് വിളിക്കുന്ന തോമസ് അഴകത്ത് 7 വർഷക്കാലം തിടനാട് പഞ്ചായത്ത് പ്രസിഡൻ്റായത്.

ഇന്ന് പഞ്ചായത്തോഫീസ് പ്രവർത്തിക്കുന്ന പ്രൗഡഗംഭീരമായ കെട്ടിടം പണികഴിപ്പിച്ചത് ഇദ്ദേഹത്തിൻ്റെ പ്രവർത്തന ഫലമായാണ്. തിടനാട് പഞ്ചായത്തിലെ എല്ലാ പ്രധാന ബസ് സ്റ്റോപ്പുകളിലും ആധുനിക രീതിയിൽ വെയ്റ്റിംഗ് ഷെഡുകളും നിശാവിളക്കുകളും സ്ഥാപിക്കുകയും ക്ഷേമ പ്രവർത്തനങ്ങളിലൂടെ തിടനാടിൻ്റെ മുഖച്ഛായ മാറ്റിയതും ഇദ്ദേഹത്തിൻ്റെ ഭരണകാലത്താണ്.

ഒരു വേള പൂഞ്ഞാർ അസംബ്ലി മണ്ഡലം സ്ഥാനാർത്ഥിയായി പോലും പരിഗണിക്കപ്പെട്ടിരുന്ന ഇദ്ദേഹം സാധാരണ ജനങ്ങളുടെ പ്രശ്നങ്ങൾ ഏറ്റെടുക്കുമ്പോൾ തൻ്റെ പാർട്ടിയെക്കാൾ താല്പര്യപ്പെട്ടിരുന്നത് നീതി നടപ്പിലാക്കണം എന്നായിരുന്നു.

തികഞ്ഞ സ്പോർട്സ് സ്നേഹിയായിരുന്ന തോമസ് അഴകത്ത് പ്രസിഡൻറായിരുന്ന കാലത്ത് കേരളോത്സവങ്ങളിൽ യൂണിഫോം അടക്കം വാങ്ങി നൽകിയാണ് കായിക താരങ്ങളെ അനുഗമിച്ചിരുന്നത്. തിടനാട് പഞ്ചായത്തിലെ കലാകാരന്മാരെ ഉൾപ്പെടുത്തി ഗാനമേള ട്രൂപ്പ് രൂപീകരിക്കുന്നതിനും ഗ്രാമീണ ക്ലബ്ബുകൾക്ക് ദിശാബോധം പകർന്നു നൽകുന്നതിലും ശ്രദ്ധിച്ചിരുന്ന ഇദ്ദേഹം ചെമ്മലമറ്റം വാർഡിൽ നോമിനേഷൻ നൽകുമ്പോൾത്തന്നെ വിജയിച്ചതായി നാട്ടുകാർ പ്രഖ്യാപിക്കുന്നത് പതിവാണ്.

രാഷ്ടീയത്തെ ആശയപരമായും അടിസ്ഥാനപരമായും നേരിടുന്ന കാര്യത്തിൽ കണ്ണൂർ MP സുധാകരനുമായിട്ടായിരുന്നു ഇദ്ദേഹത്തിന് സാമ്യം. പൂഞ്ഞാർ MLA PC ജോർജ്ജിൻ്റെ എക്കാലത്തെയും എതിരാളിയായിരുന്ന തോമസിനെ
കൂടെ നിർത്തുവാൻ ജോർജ്ജ് പലതവണ ശ്രമിച്ചെങ്കിലും തോമസ് അഴകത്തിൻ്റെ രാഷ്ട്രീയം UDF അനുകൂലമായിരുന്നു.
മികച്ച പ്രാസംഗികനും സംഘാടകനുമായ തോമസ് അഴകത്തിനൊപ്പം KTUC തൊഴിലാളി യൂണിയനിൽപ്പെട്ട 400 ൽ അധികം ആളുകളാണ് ജോസ് വിഭാഗത്തിൽ നിന്നും രാജിവെച്ചത്.
നിലവിലെ ഈരാറ്റുപേട്ട ബ്ലോക്ക് പഞ്ചായത്ത് വൈസ് പ്രസിഡൻറ് ലിസി തോമസ് ആണ് ഭാര്യ.

വരാനിരിക്കുന്ന ത്രിതല പഞ്ചായത്ത് തിരഞ്ഞെടുപ്പിൽ ഈരാറ്റുപേട്ട ബ്ലോക്കിലേക്ക് തോമസ് അഴകത്തിനെ സ്ഥാനാർത്ഥിയാക്കണമെന്നാണ് പ്രവർത്തകരുടെ ആവശ്യം. ഈ സീറ്റിലേക്ക് ഒരു മുൻ പഞ്ചായത്ത് പ്രസിഡൻറിനെ ജോസ് വിഭാഗം സ്ഥാനാർത്ഥിയാക്കുമെന്നാണ് സൂചന. NDA സ്ഥാനാർത്ഥിയായി BJPയിലെ യുവ നേതാവിൻ്റെ പേരും പറഞ്ഞ് കേൾക്കുന്നുണ്ടെങ്കിലും അദ്ദേഹം അത് നിഷേധിച്ചിട്ടുണ്ട്. ജനപക്ഷം പ്രവർത്തകർക്കും സ്വാധീനമുള്ള പ്രദേശമാണെങ്കിലും UDF ൻ്റെ ശക്തമായ കോട്ടയിൽ അഡ്വ.തോമസ് അഴകത്തിനെ മത്സരിപ്പിച്ച് ഭൂരിപക്ഷത്തിൽ റെക്കോർഡിടുമെന്ന വാശിയിലാണ് UDF പ്രവർത്തകർ.


Report: Abin Thomas

19/10/2020

19/10/2020

കോവിഡ് 19 ഈരാറ്റുപേട്ടയിൽ സ്ഥിതി അതീവ ഗുരുതരമെന്ന് സൂചന.

17/10/2020

കാഞ്ഞിരപ്പള്ളി ടൗണിലെ ദന്താശുപത്രിയിൽ ജനറേറ്ററിലെ വിഷവാതകം ശ്വസിച്ചു ഡോക്ടറും നേഴ്സും ബോധരഹിതരായി; ഇരുവരും ആശുപത്രിയിൽ
17.10.2020
കാഞ്ഞിരപ്പള്ളി : ദീർഘനേരമായി പ്രവർത്തിച്ചുകൊണ്ടിരുന്ന ആശുപത്രിയിലെ ജനറേറ്റർ നിർത്തുവാൻ ശ്രമിക്കവേ, ജനറേറ്ററിൽ നിന്നും പുറത്തുവന്ന കാർബൺ മോണോക്‌സൈഡ് വിഷ വാതകം അമിതമായ അളവിൽ ശ്വസിച്ചതോടെ ഡോക്ടറും നേഴ്സും ബോധരഹിതരായി താഴെ വീണു. തുടർന്ന് അവരെ കാഞ്ഞിരപ്പള്ളി മേരി ക്യുൻസ് ആശുപത്രിയിൽ എത്തിച്ചു പ്രഥമ ശുശ്രൂഷ നൽകിയതിന് ശേഷം കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ‌

കാഞ്ഞിരപ്പള്ളി ടൗണിൽ മൈക്ക ജംഗ്ഷനിൽ മങ്കശ്ശേരി ടവറിൽ പ്രവർത്തിക്കുന്ന ഫാമിലി ഡെന്റൽ ക്ലിനിക്കിലെ ഡോക്ടർ റംസി റഷീദ്, നഴ്‌സായ സബീന എന്നിവർക്കാണ് അപകടം ഉണ്ടായത്. ഇരുവരും അപകടനില തരണം ചെയ്തതായി ആശുപത്രി അധികൃതർ അറിയിച്ചു.

17/10/2020

ഒരു തലമുറയെ ആവേശത്തിലാറാടിച്ച വിമല തിയേറ്റർ.പിണ്ണാക്കനാട് കോക്കാട്ട് കുടുംബത്തിൻ്റെ ഉടമസ്ഥതയിലുണ്ടായിരുന്ന ഈ തിയേറ്ററിലാണ് പൗർണ്ണമിരാവിലും മൈഡിയർ കുട്ടിച്ചാത്തനുമൊക്കെ റിലീസ് ചെയ്തത്. പട്ടണപ്രദേശങ്ങളിലൊക്കെ ഓലമേഞ്ഞ തിയറ്ററും ബഞ്ചുമൊക്കെ സിനിമാപ്രേമികളെ സ്വീകരിച്ചിരുന്ന കാലത്ത് അന്നത്തെ ഹൈടെക് സംവിധാനം ആസ്വദിക്കുവാൻ പാലായിൽ നിന്ന് പോലും സിനിമാപ്രേമികൾ ഈ ഗ്രാമത്തിലേക്ക് ബസ് കയറി വന്നത് പഴമക്കാർ മറക്കില്ല. ഓരോ ഷോ തുടങ്ങുന്നതിന് മുൻപും കോളാമ്പിയിലൂടെ മുഴങ്ങിയിരുന്ന ഗാനങ്ങൾ ഈ നാടിൻ്റെ സമയസൂചികയായിരുന്നു. മലയോര ഗ്രാമങ്ങളിൽ നിന്ന് വരാന്ത്യത്തിൽ കുടുംബവുമായി അരുവിത്തുറ പളളിയിലെത്തി പ്രാർത്ഥിച്ച് കീർത്തി അമ്മാവൻ്റെ കടയിൽ നിന്ന് ദോശയും കഴിച്ച് വിമലാ തിയേറ്ററിൽ നിന്ന് സിനിമയും കണ്ട് പുറത്തിറങ്ങിക്കഴിഞ്ഞാൽ KEK 1042 എന്ന ടാക്സി ജീപ്പ് വിളിച്ച് തിരികെ കുടുംബങ്ങളിലേക്ക് മടക്കം. ഇന്നത്തെ തിടനാട് ബാങ്ക് പ്രസിഡൻറും പഞ്ചായത്ത് മെമ്പറുമായ സെബാസ്റ്റ്യൻ വിളയാനിയായിരുന്നു ആ ടാക്സി ജീപ്പ് ഡ്രൈവർ. രാത്രി കാലങ്ങളിൽ ആപത്തുകളും അത്യാഹിതങ്ങളുമുണ്ടാകുമ്പോൾ കുതിച്ചെത്തിയിരുന്ന ആ ജീപ്പ് ഡ്രൈവറോട് ജനങ്ങൾ കാണിച്ചിരുന്ന സ്നേഹമാണ് അദ്ദേഹത്തെ എതിർ പാർട്ടിയുടെ കോട്ടകളിൽ പോലും വിജയിപ്പിച്ചിരുന്നത്.ഒരിക്കൽ പിണ്ണാക്കനാട് സ്വദേശിയായ ഒരു യുവാവ് മരത്തിൽ നിന്ന് വീണ് ചോരയിൽ പിടയുന്നു.ചോരയും നിലവിളിയും കണ്ടപ്പോൾ ടാക്സി സ്റ്റാൻ്റിലെ ഡ്രൈവർമാർ എല്ലാവരും സ്റ്റാൻ്റിൽ നിന്ന് മാറി നിന്നു. ചിലരാവട്ടെ ചോര കണ്ട് പരിഭ്രാന്തരായി.ആ സമയത്ത് കീർത്തി അമ്മാവൻ്റ ചായക്കടയിൽ നിന്ന് ചായ പാതിയാക്കി ഓടിയെത്തി അപകടത്തിൽപ്പെട്ടയാളിനെ വാരിയെടുത്ത് കോട്ടയം മെഡിക്കൽ കോളജിലെത്തുമ്പോൾ KEK 1042 എന്ന ജീപ്പിന് ഒരു വിമാനത്തിൻ്റെ വേഗമായിരുന്നു.

വാരിയാനിക്കാട് സ്വദേശിയായ ഒരു ഓട്ടോറിക്ഷാ തൊഴിലാളി അപകടത്തിൽ മരണമടഞ്ഞപ്പോൾ ആ കുടുംബ സഹായ നിധി ഫണ്ട് ശേഖരണത്തിൻ്റെ കൺവീനറായി ടാക്സി ഡ്രൈവറായിരുന്ന സെബാസ്റ്റ്യനെ തിരഞ്ഞെടുക്കുവാൻ നാട്ടുകാർക്ക് ഒട്ടും ആലോചിക്കേണ്ടി വന്നില്ല. അന്നത്തെ സഹായ നിധി ഫണ്ടിലേക്ക് സംഭാവന നൽകിയ ഓരോരുത്തരുടെയും പേരും കൊടുത്ത തുകയും കീർത്തി ഹോട്ടലിൽ എഴുതി ഒട്ടിച്ചാണ് സെബാസ്റ്റ്യൻ വിളയാനി ജനങ്ങൾക്ക് മുൻപിൽ കണക്കവതരിപ്പിച്ചത്.ദേവസ്യാച്ചൻ വിളയാനി ഡ്രൈവറായിരുന്നു എന്ന് അന്നും ഇന്നും പരിഹസിക്കുന്ന ഒരു നേതാവിനോട് അന്ന് PC ജോർജ്ജ് MLA പറഞ്ഞത് ഇത്രയും സത്യസന്ധനായ ഒരാൾ എനിക്കൊപ്പമുള്ളത് എൻ്റെ ഭാഗ്യമാണെന്നാണ്.

ഇന്നും ഒരു തലമുറയുടെ മനസ്സിൽ മധുരിക്കുന്ന ഓർമ്മകളാണ് പിണ്ണാക്കനാട്ടെ വിമല തിയേറ്ററും കീർത്തി അമ്മാവൻ്റെ ഹോട്ടലും പിന്നെ ദേവസ്യാച്ചൻ വിളയാനിയുടെ KEK 1042 ജീപ്പും.

16/10/2020

തിടനാട് കേരള കോൺഗ്രസ് ജോസ് വിഭാഗത്തിൽ നിന്നും കോൺഗ്രസിലേക്ക് പ്രവർത്തകരുടെ ഒഴുക്ക് തുടരുന്നു

തിടനാട്:
കേരള കോൺഗ്രസ് ജോസ് വിഭാഗത്തുനിന്നും കോൺഗ്രസിലേക്ക് ഉള്ള ഒഴുക്ക് തുടരുന്നു ജോസ് കെ മാണിയുടെ മുന്നണി മാറ്റവും, ജനാധിപത്യ വിശ്വാസികളായ യുഡിഎഫ് പ്രവർത്തകരെ ഇടതുപക്ഷ പാളയത്തിൽ
തളച്ചിടാനും ഉള്ള തീരുമാനത്തോട് പ്രതിഷേധിച്ച് തിടനാട് പഞ്ചായത്തിൽ നിന്നും സെബാസ്റ്റ്യൻ പനക്കക്കുഴി, എം വി തോമസ് മുത്തനാട്ട്, സജി കിണറ്റുകര, സാജു കിണറ്റുകര, മരിയറ്റ പുന്നകുഴിയിൽ എന്നിവരും മറ്റു പ്രവർത്തകരും ഇന്ത്യൻ നാഷണൽ കോൺഗ്രസ്സ് മെമ്പർഷിപ്പ് ശ്രി ആന്റോ ആൻറണി എം പി യിൽ നിന്നും സ്വീകരിച്ചു. തിടനാട് മണ്ഡലം കോൺഗ്രസ്സ് പ്രസിഡന്റ് ശ്രി സുരേഷ് കാലായിൽ അദ്ധ്യക്ഷത വഹിച്ച യോഗത്തിൽ കെ പി സി സി മെമ്പർ ശ്രീ തോമസ് കല്ലടൻ, ഡീ സി സി ജനറൽ സെക്രട്ടറി ശ്രീ ജോമോൻ ഐക്കര,ബ്ലോക്ക് കോൺഗ്രസ്സ് പ്രസിഡന്റ് ശ്രീ മുഹമ്മദ് ഇല്യായസ്, തിടനാട് പഞ്ചായത്ത് പ്രസിഡന്റും ബ്ലോക്ക് കോൺഗ്രസ്സ് ജനറൽ സെക്രട്ടറിയും ആയ ശ്രീമതി സുജ ബാബു, ബ്ലോക്ക് കോൺഗ്രസ്സ് വൈസ് പ്രസിഡന്റ് വർക്കിച്ചൻ പൊട്ടംകുളം, കർഷക കോൺഗ്രസ്സ് മണ്ഡലം പ്രസിഡന്റ്
റോയി തുരുത്തിയിൽ , കെ പി സി സി
ന്യൂനപക്ഷ സെൽ സ്റ്റേറ്റ് വൈസ് ചെയർമാൻ ജോർജ് തോമസ് ഇലഞ്ഞിമറ്റം, ചാൾസ് ആന്റണി,
അഡ്വ വി ജെ ജോസ്,ബേബി കൊല്ലിയിൽ,
ഡൊമിനിക് സാവിയോ, ജോസ് പനക്കകുഴി ,സന്തോഷ് എലിപ്പുലികാട്ട്‌, ജോസ് നമ്പുടകത്ത്, ജോസഫ് കിണറ്റുകര, മാർട്ടിൻ വയംപോത്തനാൽ, സക്കറിയസ്
ബെന്നി കൊല്ലി, സണ്ണി വെളുത്തേടത്തുകാട്ടിൽ, കുര്യച്ചൻ പൂവത്തിനാൽ, സിബിച്ചൻ പൂവത്തിനാൽ, റെനി, ആൻസി എലിപ്പുലികാട്ട്‌, സന്തോഷ് നടമാടത്ത്, ബാബു തുണ്ടത്തിൽ തുടങ്ങിയവർ യോഗത്തിൽ പങ്കെടുത്തു പ്രസംഗിച്ചു.

16/10/2020

ഇന്ന് ലോക ഭക്ഷ്യ ദിനം
ഇന്നത്തെ ദിവസം മറക്കാൻ കഴിയാത്ത മുഖം
മധു
പ്രണാമം
സഹോദരാ...

ഈ ജീവൻ കേരളം എടുത്ത അന്ന് മുതൽ കേരളത്തിന്റെ ഗതി അധോഗതി ആണ്
പഞ്ചാഗ്നി മധ്യേ തപസ്സ് ചെയ്താലും
ഈ മഹാപാപം മാറുമോ ?

16/10/2020

BJP ശിൽപ്പശാല തിടനാട് പഞ്ചായത്ത്

BJP തിടനാട് പഞ്ചായത്ത് പ്രസിഡന്റ് അഡ്വ: രാജേഷ് പാറയ്ക്കലിന്റെ അധ്യക്ഷതയിൽ നടന്ന ശിൽപ്പശാല BJP ജില്ലാ സെക്രട്ടറി വി.സി അജികുമാർ ഉദ്ഘാടനം ചെയ്തു. നിയോജക മണ്ഡലം ജനറൽ സെക്രട്ടറി കെ.വി അഭിലാഷ്, മഹിളാമോർച്ച മണ്ഢലം പ്രസിഡന്റ് കവിത ജയപ്രകാശ്, വാർഡ് മെമ്പർ അജിതാ മോഹൻദാസ്, നിയോജ മണ്ഡലം ഐ.റ്റി സെൽ കൺവീനർ ശ്രീകാന്ത് എം എസ്, ന്യൂനപക്ഷമോർച്ച മണ്ഡലം സെക്രട്ടറി സാബുജീ, മണ്ഡലം കമ്മറ്റി അംഗം ജയപ്രകാശ് തോമ്പിയിൽ, പഞ്ചായത്ത് സെക്രട്ടറി ഉണ്ണികൃഷ്ണൻ , ഇ എസ് വിജയകുമാർ ,ലായി, സുരേഷ് കുമാർ ,സോബിഷ് ,രതീഷ്, സതീശൻ തുടങ്ങിയവർ സംസാരിച്ചു...

15/10/2020

തിടനാട് ടൗൺ വാർഡിൽ തീ പാറുമോ?
വരുന്ന പഞ്ചായത്ത് തിരഞ്ഞെടുപ്പിൽ തിടനാട് ടൗൺ വാർഡിൽ തീപ്പൊരി ചിതറുന്ന മത്സരം നടക്കുന്ന രീതിയിലേക്കാണ് ലഭിക്കുന്ന വിവരങ്ങൾ വിരൽ ചൂണ്ടുന്നത്. LDF മുന്നണി സ്ഥാനാർത്ഥിയായി മാണി ഗ്രൂപ്പ് നേതാവ് വിജി ജോർജും UDF സ്ഥാനാർത്ഥിയായി ജോസഫ് ഗ്രൂപ്പിലെ സാബു പ്ലാത്തോട്ടവും മത്സരിക്കുമെന്ന പ്രചാരണം ശരിയായാൽ വോട്ടർമാർ ആർക്ക് വോട്ട് ചെയ്യുമെന്ന ആശങ്കയിലാവും. തിടനാട് ഗ്രാമപഞ്ചായത്തിലെ ഏറ്റവും ജനപ്രിയരായ ഈ രണ്ട് നേതാക്കൾക്ക് പല കാര്യങ്ങളിലും സമാനതകളുണ്ട്. രണ്ട് പേരും മുൻ പഞ്ചായത്ത് പ്രസിഡൻറുമാർ, ബ്ലോക്ക് പഞ്ചായത്ത് മെമ്പർമാർ എന്നതിലുപരി ഈ രണ്ട് പേരുടെയും ഫോൺ നമ്പർ സേവ് ചെയ്യാത്ത തിടനാട്ടുകാർ ചുരുക്കമാണ്.

നിലവിൽ തിടനാട് ഗ്രാമപഞ്ചായത്ത് വൈസ് പ്രസിഡൻ്റായ സാബു പ്ലാത്തോട്ടം പ്രസിഡൻ്റായ കാലത്ത് നിരവധി വീടുകളാണ് പാവപ്പെട്ടവർക്ക് നിർമ്മിച്ച് നൽകിയത്.തുടർന്ന് ബ്ലോക്ക് പഞ്ചായത്തംഗമായപ്പോഴും നിലവിൽ മെമ്പറായിക്കഴിഞ്ഞും നാടിൻ്റെ നാനാ മേഖലകളിലും വികസനമെത്തിച്ചിട്ടുണ്ട്. UDF ന് അനുകൂലമായി തിടനാട് പഞ്ചായത്തിലെ എല്ലാ വാർഡുകളും വോട്ടു ചെയ്ത ഇലക്ഷൻ കാലത്ത് അന്ന് ഈ വാർഡുകളിൽ നിന്ന് ബ്ലോക്ക് പഞ്ചായത്തിലേക്ക് LDF സ്ഥാനാർത്ഥിയായി മത്സരിച്ച സാബു അന്ന് മാണി ഗ്രൂപ്പ് സംസ്ഥാന സെക്രട്ടറിയായിരുന്ന അലോഷ്യസ് എബ്രാഹം പല്ലാട്ടു കുന്നേലിനെ വളരെ ദയനീയമായാണ് തോൽപ്പിച്ചത്.സാബുവിൻ്റെ ജനപ്രീതിയാണ് അന്ന് UDF കോട്ടകൾ പോലും തകർത്തെറിഞ്ഞത്.

വിജി ജോർജ്ജാവട്ടെ തിടനാടിൻ്റെ സ്പന്ദനമാണ്. വോളിവോൾ പ്രേമിയായ വിജിക്ക് തോൽവിയും ജയവുമെല്ലാം തികഞ്ഞ സ്പോർട്സ് മാൻ സ്പിരിറ്റാണ്. ഗ്രാമ പഞ്ചായത്ത് പ്രസിഡൻ്റായിരിക്കെ കരിമ്പനോലി മലനിരകളിൽ വൈദ്യുതി എത്തിച്ചു ചരിത്രം സൃഷ്ടിച്ച വിജി തിടനാടിൻ്റെ വികസനങ്ങൾക്കായി പ്രവർത്തിച്ച ജനകീയനാണ്. എതിർ കോട്ടകളിൽ മത്സരിച്ച് വിജയിക്കുകയും സ്വന്തം പാർട്ടി കോട്ടകളിൽ കാലിടറി വീഴുകയും ചെയ്തിട്ടുള്ള വിജി സ്ഥാനങ്ങളില്ലെങ്കിലും ജനങ്ങൾക്കൊപ്പം എന്നും കൂടെ നിൽക്കുന്ന പൊതുപ്രവർത്തകനാണ്. വിജിയുടെ പിതാവും മൂത്ത ജേഷ്ഠനും തിടനാട് പഞ്ചായത്ത് പ്രസിഡൻറുമാരായിരുന്നു.

അപകടമോ അത്യാഹിതമോ ആവശ്യങ്ങളോ ഉണ്ടായാൽ ഏത് പാതിരാത്രിയിലും ഓടിയെത്തുന്ന ഈ രണ്ട് നേതാക്കൾ പരസ്പരം ഏറ്റ് മുട്ടുകയാണെങ്കിൽ തിടനാടുകാർ ധർമ്മസങ്കടത്തിലാകുമെന്ന് ഉറപ്പാണ്.

14/10/2020

ടാക്സി ഡ്രൈവർ പരാമർശം: പ്രതിഷേധം
തിടനാട്: തിടനാട് ഗ്രാമപഞ്ചായത്ത് മെമ്പർ സെബാസ്റ്റ്യൻ വിളയാനി വെറും ടാക്സി ഡ്രൈവറായിരുന്നു എന്ന് ആക്ഷേപിച്ച ജനപക്ഷം മണ്ഡലം പ്രസിഡൻ്റ് തോമസ് വടകരക്കെതിരെ പ്രതിഷേധം. ടാക്സി ഡ്രൈവർ എന്ന തൊഴിൽ അന്തസുള്ളതാണെന്നും തിരഞ്ഞെടുപ്പ് ഫണ്ട് എന്ന പേരിൽ പ്രവാസികളിൽ നിന്ന് കാശ് പിരിച്ച് കണക്ക് നൽകാതെ സ്വന്തം കാര്യം നടത്തിയ വ്യക്തിയല്ല സെബാസ്റ്റ്യൻ വിളയാനി എന്നുമാണ് നാട്ടുകാർ പറയുന്നത്. ഒരു ടാക്സി ഡ്രൈവർ മുന്നോട്ടുള്ള ജീവിതത്തിൽ പിച്ചക്കാരനാകുകയാണ് വേണ്ടത് എന്നാണോ തോമസ് വടകര ഉദ്ദേശിക്കുന്നതെന്താണ് പഞ്ചായത്തിലെ ടാക്സി ഓട്ടോ തൊഴിലാളികളുടെ ചോദ്യം.90 കളുടെ കാലഘട്ടത്തിൽ ടാറിംഗ് റോഡുകൾ പോലുമില്ലാത്ത സാഹചര്യങ്ങളിലാണ് സെബാസ്റ്റ്യൻ വിളയാനിയുടെ ടാക്സി ജീപ്പ് ഏത് പാതിരാത്രിയും രോഗികളുമായി ജീവൻ രക്ഷിക്കുവാൻ പാഞ്ഞെത്തിയിരുന്നത്.വാരിയാനിക്കാട്, ചേറ്റുതോട് പ്രദേശങ്ങളിലുള്ള പഴയതലമുറയിൽ ഈ ടാക്സി ജീപ്പിനെ ആശ്രയിക്കാത്തവർ ചുരുക്കം.ചാണകക്കുളം മലമേഖലകളിൽ നിന്നും പാമ്പുകടിയേറ്റ കർഷകരുമായി കോട്ടയം മെഡിക്കൽ കോളേജിലേക്ക് കുതിച്ച് പാഞ്ഞിരുന്ന ആ ജീപ്പിനെക്കുറിച്ച് പറയുമ്പോൾ പഴമക്കാർക്ക് ഇപ്പോഴും ആവേശമാണ്.ഈ ജനകീയ പിന്തുണയാണ് പിന്നീട് ഇദ്ദേഹത്തെ രാഷ്ട്രീയത്തിലെത്തിച്ചതും 30 വർഷക്കാലം PC ജോർജ്ജ് MLA യുടെ വലംകൈ ആക്കിയതും. ടാക്സിക്കാരനിൽ നിന്നും ഇദ്ദേഹത്തിൻ്റെ വളർച്ച ബാർ മുതലാളിയിലേക്കോ ഷോപ്പിംഗ് മാൾ ഉടമയിലേക്കോ ആയിരുന്നില്ല. ഇന്നും വാര്യാനിക്കാട് ജംഗ്ഷനിൽ പലചരക്ക് കട നടത്തുകയാണ് വാര്യാനിക്കാടിൻ്റെ ഈ ശില്പി. 5 വർഷം പഞ്ചായത്ത് മെമ്പറായപ്പോൾത്തന്നെ മാളികയും വാഹനങ്ങളുമൊക്കെ സ്വന്തമാക്കുന്ന ഗ്രാമ പഞ്ചായത്തംഗങ്ങൾക്കിടയിൽ 1 രൂപാ പോലും അഴിമതി നടത്താത്തതിനാലാണ് ഇദ്ദേഹം കഴിഞ്ഞ പഞ്ചായത്ത് തിരഞ്ഞെടുപ്പിൽ മാണി ഗ്രൂപ്പ് കോട്ടയായ ചെമ്മലമറ്റത്ത് മാണി ഗ്രൂപ്പിൻ്റെ ഏറ്റവും ജനകീയനായ സ്ഥാനാർത്ഥിയെ മലർത്തിയടിച്ചത്. PC ജോർജിൻ്റെ രാഷ്ടീയ കാലുമാറ്റങ്ങളിൽ നിന്ന് വിട പറഞ്ഞതിൻ്റെ പേരിൽ തൊഴിൽ പറഞ്ഞ് ആക്ഷേപം നടത്തുന്ന തോമസ് വടകര മാപ്പ് പറയണമെന്നാണ് സോഷ്യൽ മീഡിയ ഒന്നടങ്കം ആവശ്യപ്പെടുന്നത്.

Please like and share Thidanadu News :

12/10/2020

ഈരാറ്റുപേട്ട ബ്ലോക്ക് പഞ്ചായത്ത് വൈസ് പ്രസിഡൻ്റ് ലിസി തോമസ് അടക്കം കേരളാ കോൺഗ്രസ് ജോസ് വിഭാഗം തിടനാട്ട് പാർട്ടി വിട്ടു.കൂടാതെ 20 വർഷത്തോളമായി പഞ്ചായത്ത് മെമ്പറായ സേവ്യർ കണ്ടത്തിൻ കര പഞ്ചായത്തംഗങ്ങളായ ഉഷ ശശി, മേഴ്സി തോമസ്, കൂടാതെ കേരളാ കോൺഗ്രസ് ജോസ് സംസ്ഥാനക്കമ്മിറ്റിയംഗവും മുൻ പഞ്ചായത്തംഗവുമായ അഡ്വ.തോമസ് അഴകത്ത്, മണ്ഡലം പ്രസിഡൻ്റ് ചാക്കോ പൊരിയത്ത് എന്നിവരും PJ ജോസഫ് നേതൃത്വം നൽകുന്ന കേരളാ കോൺഗ്രസ് (M) ൽ പ്രവർത്തിക്കും.ഇതോടെ കേരളാ കോൺഗ്രസ് ജോസ് വിഭാഗത്തിന് പഞ്ചായത്ത് തിരഞ്ഞെടുപ്പിൽ മത്സരിക്കുവാൻ പോലും ആളുകളില്ലാത്ത സ്ഥിതിയായി. ഈ അവസരം മുന്നിൽ കണ്ട് PC ജോർജിൻ്റെ ജന പക്ഷം പാർട്ടിയിലെ ഒരു പ്രമുഖൻ ജോസ് വിഭാഗവുമായി ചർച്ച നടത്തിയതായും റിപ്പോർട്ടുകളുണ്ട്. പഞ്ചായത്ത് പ്രസിഡൻ്റ് സ്ഥാനം LDF ഉറപ്പ് നൽകിയാൽ ഇദ്ദേഹം ജോസ് വിഭാഗം സ്ഥാനാർത്ഥിയാകുമെങ്കിലും ജോസ് വിഭാഗം പഞ്ചായത്ത് പ്രസിഡൻറായി അംഗീകരിച്ചിരിക്കുന്ന വിജി ജോർജ്ജ് അടക്കമുള്ളവർക്ക് ഇദ്ദേഹത്തോട് എതിർപ്പുണ്ട്.

12/10/2020

ആദരാഞ്ജലികൾ ദേവസ്യ ജോസഫ് (72) മൂഴയിൽ.. തണ്ണിനാൽ....

10/10/2020

ഭരണങ്ങാനത്തു നിന്നും ഈരാറ്റുപേട്ടയ്ക്ക് പോകുന്ന വഴിയിൽ വട്ടോളിക്കടവിൽ ഒമ്നി വാനോടു ചേർന്ന് തട്ടുകെട്ടി മീൻവില്പന നടത്തുന്ന ഒരു സ്ത്രീ രത്നമുണ്ട്. പേര് സെലിൻ. 'സെലിൻ' എന്ന ടർക്കിഷ് പേരിൻ്റെ അർത്ഥം തന്നെ അഭിമാനിക്കുക, ശക്തമായി ഒഴുകുന്ന വെള്ളം എന്നൊക്കെയാണ്.പേരിൻ്റെ അർത്ഥം പൂർണ്ണമായി തൻ്റെ ജീവിതത്തിൽ പ്രാവർത്തികമാക്കിക്കൊണ്ട് എല്ലാ മലയാളികൾക്കും തൻ്റെ തന്നെ മക്കൾക്കും അവൾ അഭിമാനമാണ്, ഒപ്പം ജീവിതമാതൃകയും. കുഞ്ഞുന്നാളിൽ തുടങ്ങിയ കഷ്ടപ്പാടുകളുടെ കണ്ണ് നനയിക്കുന്ന കഥകളുണ്ടെങ്കിലും എപ്പോഴും ചിരിക്കുന്ന മുഖവുമായി നില്ക്കാനാണ് നാല് മക്കളുടെ അമ്മയായ സെലിനിഷ്ടം.

മദ്യപാനിയായിരുന്ന ഭർത്താവ് പറക്കമുറ്റാത്ത 4 മക്കൾക്ക് ചിലവിന് പോലും നൽകാതെ 4 വർഷം മുൻപ് ഉപേക്ഷിച്ചു പോയപ്പോൾ അവൾക്ക് വയസ്സ് 29. ഏതൊരു യുവതിയും പകച്ചു പോകുന്ന ഈ നിമിഷങ്ങളിൽ കരഞ്ഞ് ജീവിതം തീർക്കാനോ ജീവിതത്തിന് വിരാമമിടുന്നതിനോ ശ്രമിക്കാതെ ഈ 33 കാരി തൻ്റെ മക്കളെ ചേർത്തു പിടിച്ചു. കുഞ്ഞുങ്ങളുടെ കണ്ണുകൾ നനയാതിരിക്കാൻ അവൾ അവർക്ക് സന്തോഷത്തിന്റെ ചിരി പകർന്നു നല്കി.

12 വയസ്സുകാരൻ ടോമിനെയും ഒമ്പത് വയസ്സ് പിന്നിട്ട ലിജോയെയും ഏഴ് വയസ്സുള്ള ഇരട്ട പെൺകുട്ടികളായ ടിന്റുവിനെയും ലിന്റുവിനെയും പഠിപ്പിക്കാനും പോറ്റാനും അവളേറെ കഷ്ടപ്പെട്ടു. ഒടുവിൽ താൻ പഠിച്ച് വളർന്ന ഭരണങ്ങാനത്തെ വട്ടോളിക്കടവിൽ സെലിൻ മീൻ വില്പനക്കാരിയായി.

അമ്മയ്ക്ക് സദാസമയവും കൂട്ടായി മൂത്തമക്കൾ വില്പനയിൽ സഹായിക്കുന്നു. ഇരട്ടകളായ പെൺകുഞ്ഞുങ്ങളെ സ്വന്തം അമ്മയുടെ പക്കലാക്കിയാണ് സെലിനും ആണ്മക്കളും മീൻ വിൽക്കാനിറങ്ങുന്നത്. പത്താം ക്ലാസിൽ പരീക്ഷ പോലും എഴുതാനാകാതെ നിന്നുപോയതാണ് ഇവളുടെ പഠന ജീവിതം. പക്ഷേ മക്കളെ പഠിപ്പിച്ച് വലിയ നിലയിലെത്തിക്കണമെന്ന് തന്നെയാണ് സെലിന്റെ ജീവിതാഭിലാഷം.

പെണ്ണായതുകൊണ്ട് ചില ദുരനുഭവങ്ങളും സെലിൻ നേരിട്ടിട്ടുണ്ട്. പക്ഷേ അതെല്ലാം ചിരിച്ച മുഖത്തോടെ ഈ മുപ്പത്തിമൂന്നുകാരി നേരിട്ടു.
സുരക്ഷിതമായി കഴിയാൻ പണിതു തുടങ്ങിയ വീടൊന്ന് അടച്ചുറപ്പിക്കണമെന്നാണ് സെലിന്റെ ഇപ്പോഴത്തെ ആഗ്രഹം.വീട്ടിലേയ്ക്ക് പോകാനുള്ള വഴിയും ശരിയാക്കണം.അതിന് വേണ്ടി ആത്മാഭിമാനമുള്ള എന്ത് ജോലിയും ചെയ്യാൻ ഒരുക്കമാണെന്നും സെലിൻ പറയുന്നു.

ജീവിതത്തെ ചിരിച്ച് നേരിടുന്ന അമ്മക്ക് അല്പം ആശ്വസിക്കാൻ വക നല്കി രണ്ടാമത്തെ മകൻ ലിജോ പാലും തൈരും അച്ചാറുകളും വിൽക്കുന്നുമുണ്ട്. എങ്ങനെയും ജീവിക്കാമെന്നല്ല, ഇങ്ങനെയും ജീവിക്കാമെന്ന് ചിരിതൂകി നമ്മളോട് പറയുകയാണ് സത്യവും നീതിയും ജീവിതമൂല്യങ്ങളായിക്കണ്ട് ദൈവാശ്രയ ബോധത്തിൽ അടിയുറച്ച് വിശ്വസിക്കുന്ന പാലാ ഭരണങ്ങാനം കാരക്കാട്ട് വീട്ടിലെ സെലിൻ. ജീവിതമാകുന്ന മഹാനദിയിൽ ഒഴുക്കിനു തടസ്സമായിത്തീരുന്ന വസ്തുക്കൾ പോലെ വരുന്ന പ്രതിസന്ധികളെ വകഞ്ഞുമാറ്റി ശക്തമായി ഒഴുകുന്ന ജലം കണക്കേ ഈ സഹോദരി നമ്മൾക്കരുകിൽ നമ്മിലൊരാളായി നിലകൊള്ളുന്നു.

സെലിനെ സഹായിക്കണമെങ്കിൽ

SELIN GEORGE
FEDERAL BANK
11440100132419
IFSC-FDRL0001910
BHARANANGANAM BRANCH

10/10/2020

ജനപക്ഷം തിടനാട് മണ്ഡലം കമ്മിറ്റി പ്രസിഡൻ്റും പഞ്ചായത്ത് മെമ്പറുമായ സെബാസ്റ്റ്യൻ വിളയാനിയുടെ രാജി സംസ്ഥാനമാകെ ചർച്ചയാകുന്നു. ഒരു പ്രാദേശിക നേതാവിൻ്റെ രാജി കേരള രാഷ്ട്രീയത്തിൽ ചർച്ചയാകുന്നത് ചരിത്രത്തിൽ ആദ്യമാണ്. പൂഞ്ഞാർ MLA പി.സി ജോർജ്ജിനൊപ്പം നിന്ന പല പ്രമുഖ നേതാക്കളും മുൻപ് രാജിവെച്ചിട്ടുണ്ടെങ്കിലും ആ വാർത്തകൾ പ്രാദേശിക തലത്തിൽ മാത്രമായി ഒതുങ്ങി നിന്നപ്പോഴാണ് ശ്രീ സെബാസ്റ്റ്യൻ വിളയാനിയുടെ രാജിയെക്കുറിച്ച് മാദ്ധ്യമങ്ങൾ ചർച്ച ചെയ്യുന്നത്.

10/10/2020

സംസ്ഥാനത്ത് ഇന്ന് 11755 കോവിഡ് പോസിറ്റീവ്

10/10/2020

അരുവിത്തുറ സ്റ്റേഡിയം ഹർജി കേരള ഹൈക്കോടതി തീർപ്പാക്കി.

ഈരാറ്റുപേട്ട:അരുവിത്തുറ സെൻ്റ് ജോർജ് ഹയർ സെക്കണ്ടറി സ്‌കുൾ സ്റ്റേഡിയത്തിൽ ഹൈസ്കൂൾ വിഭാഗത്തിനായി പുതിയ കെട്ടിടം നിർമ്മിക്കാനും ഹൈസ്ക്കൂൾ വിഭാഗം മാറ്റുമ്പോൾ ഒഴിവുവരുന്ന സ്ഥലത്ത് പുതിയ സ്റ്റേഡിയം പണിയുവാനുള്ള 2018 നവംമ്പർ 8 ലെ പൊതു വിദ്യാഭ്യാസ വകുപ്പിൻ്റെ ഉത്തരവ് (പൊതുവിദ്യാഭ്യാസ (M)No 4650/2018)ചോദ്യം ചെയ്തു കൊണ്ടുള്ള ഹർജി തീർപ്പാക്കി. സ്റ്റേഡിയത്തിൽ യാതൊരു നിർമ്മാണ പ്രവർത്തനവും നടത്തുകയില്ലായെന്ന് സ്കൂൾ മാനേജർ അഫിടവിറ്റ് ഹൈക്കോടതി യിൽ നൽകിയതിനെ തുടർന്നാണ് കേരള ഹൈക്കോടതി ഈ മാസം 7 ന് തീർപ്പാക്കിയത്.ജഡ്ജിമെൻറിൻ്റെ കോപ്പി താഴെ.