27/04/2020
***ချိုပင်စိုက်ကြသူများ***
(အပိုင်း- ၂)
အားလုံးဝိုင်းရယ်ကြတယ်။ ပြောတဲ့သူကစီစီလွင်၊ အပြောခံရတဲ့သူကေ မာင်မောင်ဖြူ။ နှစ်ယောက်စလုံးကအတန်းထဲမှာအဆင့်(၁)နေရာကိုတစ်လှည့်စီလုနေတဲ့သူတွေ။ အပြောင်အနောက်ကလည်းသန်တယ်။ စိတ်မဆိုးတမ်း၊ မျက်နှာမပျက်တမ်းပဲ။ မောင်မောင်ဖြူက အသည်းမဲတော့ "ဖြူမယောင်မောင်မည်း" (မောင်မဲ)တဲ့။ စကားများတဲ့ စီစီလွင်ကိုတော့"တစိစီလွင်တဲ့။ မောင်မောင်ဖြူကပခုံးတွန့်ပြတယ်။ အလှည့်စောင့်မယ်ဆိုတဲ့သဘောပေါ့။
ဒီလိုနဲ့ "ညက်လှပြာစင်"ဆိုတဲ့နေရာကိုရောက်သွားတယ်။ ရှေးကမိန်းမလှတွေဖွဲ့တွေအကြောင်း ရှင်းပြတာပေါ့။ အပြစ်ခြောက်ပါးတို့၊ ကောင်းခြင်း ငါး ဖြာလဏ္ခာ တို့ကိုပြောပြရတယ်။ ဒါနဲ့ပက်သက်ပြီးကလေးတချို့ထပြီးဆွေးနွေးကြပါတယ်။
"ခုခေတ်ကတော့ဆံပင်ရှည်ရှားပါတယ်ဆရာမ။ တရားစခန်းဝင်တဲ့အဘွားတွေတောင် ဆံပင်ကရှည်လို့ဆိုပြီး အတိုညှပ်ပစ်ကြတာ။" "အသားအရေဆိုလည်း"လိုးရှင်း"တွေလိမ်း"စကင်းကဲ"တွေနဲ့ပြုပြင်ထိန်းသိမ်းကြတာ။"
"နှတ်ခမ်းစွန်းတို့မေးဖျားတို့မှာ မှဲ့ရှိရင်လည်းစတားပဲ။"
"အသက်ကြီးတဲ့အမျိုးသမီးခပ်များများပဲ နုပျိုအောင်၊ အရွယ်တင်အောင်ကြိုးစားကြတာ။"
ဒီလိုတစ်ယောက်တစ်ချက်ဆွေးနွေးသုံးသပ်ပြီးတဲ့နောက်မှာ မောင်မောင်ဖြူဖြူကနောက်ဆုံးကောက်ချက်ချပေးလိုက်ပါသတယ်။
"အခုခေတ်မျာတော့ မိန်းကလေးတွေရဲ့ အလှတွေကို ဒီစံတွေမတိုင်းတာကြတော့တဲ့အတွက် 'တစီစီလွင်'တို့ကကံကောင်းသွားပြန်ရော။"
သူတို့တသောသောရယ်ကြပြန်တယ်။ ကျွန်မကပြုံးပြပြီး သင်ခန်းစာလမ်းကြောင်းကိုပြန်တည့်ပေးရတာပေါ့။ ထွက်ပေါက်ရတော့မြန်မာစာကျန်းမာရေးကောင်းနေတာပေါ့။သူတို့မြန်မာစာချိန်မှာပျော်တယ်၊ မြန်မာစာကိုချစ်တယ်။ မြန်မာစာ ဆရာမကိုတွယ်တာတယ်။ ဆုးမတာကိုပိုပြီးနားထောင်လိုက်နာလာကြတယ်။ ပုဂ္ဂိုလ်ခင်တော့တရားမင်တာပါပဲ။
ဒုတိယမြောက်နှစ့်မှာပိုပြီးအဆင်ပြေပါတယ်။ ဆယ်တန်းစီရဲ့အတန်းပိုင်လုပ်ရပါတယ်။ ယောကျာ်းကလေး(၂၀)နဲ့ မိန်းကလေး(၂၃) စုစုပေါင်း(၄၃)ယောက်ပါ။ တော်တော်လည်းကြိုးစားပြီး၊ တော်တော်လည်းညီညီညွတ်ညွတ်ရှိပါတယ်။ ဒီကျောင်းမှာ အေ ဘီ စီ ဒီ အတန်းခွဲတာကအတော်အညံလိုက်ခွဲတာမဟုတ်တဲ့အတွက် တော်သင့်ညံအားလုံးပါတာပဲ။ ကျွန်မအတန်းက တော်တဲ့အုပ်စုကများတော့ သင့်တာလေးတွေလဲတော်လာတယ်။ ညံ့တာလေးတွေလဲကြိုးစားလာကြတယ်။ စာစီစာကုံးပြိုင်ပွဲဝင်ဖို့ စနစ်တကျလေ့ကျင့်ပေးရတယ်။ ကျောင်းအုပ်ဆရာကြီးကလည်းအားပေး၊ မိဘတွေကလည်းစိတ်ပါဝင်စား၊ ကျွန်မကလည်းလေ့ကျင့်ပေးတော့သား"ကောင်းထက်မြက်" က နိုင်ငံတကာစာတတ် မြောက်ရေးအထိမ်းအမှတ် စာစီစာကုံးပြိုင်ပွဲမှာ ပထမဆုရခဲ့တယ်။ သမီးဆုပြည့်ခင်ဆိုရင်လည်း ကမ္ဘာ့ဆရာများနေ့အထိမ်းအမှတ်စာစီစာကုံးပြိုင်ပွဲမှာ တိုင်းအဆင့်ရောဗဟိုအဆင့်ရော ပထမဆုရခဲ့တယ်။ မြို့နယ်အဆင့်မူးယစ်ဆေးဝါးတိုက်ဖျက်ရေး စာစီစာကုံးပြိုင်ပွဲမှာတော့ ဆယ်တန်းအေက ကျွန်မတပည့်သား"မျိုးကျော်သူ"ပထမ၊ တစ်ခြားကျောင်းတွေကဒုတိယနဲ့ တတိယဆုတွေရကြဆယ်။ အောက်တိုဘာနှစ်ဝက်ဆုံးစစ်ဆေးတော့ ဆယ်တန်းအားလုံးအဆင့်(၁)ကနေ(၁၀)အထိဆင်တဲ့အခါကျွန်မအတန်းက (၁) (၃) (၇) (၁၀)လေးယောက်ပါခဲ့တယ်။ ဒီတော့ဆရာမလုပ်ဖော်ကိုင်ဖက်တွေကကျွန်မကအတန်းကို"မဟာစီ"လို့ကောင်းချီးပေး ကြတယ်။
#ထီလာဝင်းယုမာ #
Photo;credit
