Rongmei Daily News (2024)

12/10/2021

**Rongmei Daily News**
(ASSAM NEWS)

"Assam khou medical college kathan kasiam dat punithe"

Updated October 12, 2021 | 10.22 AM IST
By RDN News Service

Assam khou medical college kathan kasiam dat khang National Medical Commission(NMC) rui nulou kanthe. Assam tuang Lakhimpur town khou medical college kathan kasiam khang e tuwe.

Mi medical college kasiam pu khou Assam khou MBBS seats kasing 1,100 tang punithe.

Kuma Lakhimpur Medicla College hei Assam khou tichatmei(eight) medical college punithe.

11/10/2021

**Rongmei Daily News**
(MANIPUR NEWS)

"Kuki militants padei(4) ta India tuang security force rui kep luai kanthe"

Updated October 11, 2021 | 10.38 AM IST
By RDN News Service

Kuki National Liberation Army(KNLA) tuang militants padei(4) ta India tuang rihmei rui kep luai kanthe tuwe.

Dulanung Sunday tingmik khou Bongbal Khullen area khou operation tat kei kantuang e tuwe.

Kuma thei kanmei gaan padei tuang body recover su kanthe khatni automatic weapons recover su dat kanthe tuwe.

08/10/2021

**Rongmei Daily News**
(MANIPUR NEWS)

"Manipur khou Covid-19 situation g*i mai dat pukhou school kahou dat punithe : CM Biren"

Updated October 8, 2021 | 10.43 AM IST
By RDN News Service

Manipur khou Covid-19 situation g*i mai dat pukhou school khatni college tat kahou dat punithe tuna Manipur tuang CM Biren rui sa pat kanthe.

Atao school tat kahou khang kagan hei g*i diang mahe tuna expert nun rui kameita advise tilou e tuna Biren rui ni tithai pat kanne.

Manipur khou Covid-19 tuang meipian kahou rap khourui school hei tat kei makna bamtuang theh. Tiki online class tho tat kei bam de khatni students nun ta class promotion ni sulou bamthe.

07/10/2021

**Rongmei Daily News**
(MANIPUR NEWS)

"Manipur khou sih(dog) akhat ta thourui suluai kanmei lam khou information tithaimei khang dengka Rs. 60,000 reward ti panthe"

Updated October 7, 2021 | 01.11 PM IST
By RDN News Service

Manipur tuang Thoubal district khou neikhatnung mansei kalun thai makmei gaan kanei rui sih(dog) akhat ta suluai kanmei lam khou information tithaimei khang Manipur Dog Lovers’ le Yening Animal Foundation phuam rui sian dengka Rs. 60,000 reward ti puniye tuna sa pat kanthe tuwe.

Wangjing Lamding Cherapura area khou neikhatnung bike khou gaan kanei guangna sih akhat kajan rui Mylo ta suluai na kapum la tat kantuang e tuna club rui tithai pat re. Sih kakaipou jan rui Longjam Anandk*mar kao e tuwe.

Kuma kage nai puni mituang lam khou latjan phung guang khang govt khou ni memorandum tiku punide tuna club rui tithai pat kanne.

06/10/2021

**Rongmei Daily News**
(NAGALAND NEWS)

"Nagaland khou dengka Rs 29 crores tuang drugs le kachek(gold) nim phang kanthe; gaan chakiu(9) ta arrest su kanthe"

Updated October 6, 2021 | 11.15 AM IST
By RDN News Service

48.14 kg keimei kachek dang(gold bars) kasing 290 khatni khatni drugs kariuna dengka Rs. 29 crore tuang Nagaland Police rui nim phang kanthe tuwe. Kuma gaan chakiu(9) ta ni arrest su kanthe tuwe.
Tip-off phang na Kohima khou naimei Khuzama narcotic checkpoint khou drugs le kachek nimtou tuang e tuna Nagaland tuang ADGP Sandeep Tamgadge rui tithai pat kanne.

Nagaland khou reimei suna gei liangna nim phangmei kachek dang theh tuna Sandeep Tamgadge rui sa pat re.

05/10/2021

**Rongmei Daily News**
(ASSAM NEWS)

"Assam khou fake certificate sinsu na teacher taan phangmei kasing 36 ta police rui case su kanthe"

Updated October 5, 2021 | 08.57 AM IST
By RDN News Service

Assam khou Bodoland Territorial Region(BTR) khou taan bammei teacher kasing 36 fake Teacher Eligibility Test(TET) certificate rui taan phang tuang e tuna thai pat khourui Assam Police CID rui case sulou kanthe tuwe.

Mi teacher 36 rui Director of Education, Kokrajhar(BTR) khou fake TET certificate ti tuang e tumei complaint phang khourui Assam tuang CM Himanta rui case sulou o tuna CID ta sa khourui tat kei tuang e tuna police rui tithai pat re. Kuma inquiry sukhou mituang complaint kaling theh tuna thai pat tuang e tuwe.

Aniu thailou numei rui government school khou teacher taan phang khang TET certificate hei kage nai liangmei certificate theh.

05/10/2021

**Rongmei Daily News**
(MANIPUR NEWS)

"Southeast Asia khou reimei suna India tuang Manipur state khou drone rui vaccine deliver su kanthe"

Updated October 4, 2021 | 08.27 PM IST
By RDN News Service

Southeast Asia khou reimei suna India tuang Manipur state khou drone rui vaccine deliver su kanthe tuwe. Loktak lake khou naimei Karang island khou lung bammei nun khang Bishnupur district khourui drone sam pat na vaccine deliver sulou tuang e tuna ICMR rui tithai pat re. Kuma district kanei khou drone rui vaccine deliver su dat punihe tumei mituang lam khou taan bammei nun rui ni tithai lou e.

Vaccine deliver su kanmei India khou kasiamei drone tei Bishnupur district hospital khourui 31km duna naimei Karang Health Centre 15 minutes lung khou sam tang kanne tuwe.

Kuma ICMR rui initiative lalou mei “drone based vaccine delivery system” Northeast India khou kahou theh tuna Union Health Minister Mansukh Mandaviya rui twitter khou sa pat kanthe.

03/10/2021

**Rongmei Daily News**
(BREAKING NEWS)

"Shahrukh Khan rui puanmei A***n Khan ta drugs case khou Narcotics Control Board rui nim kanthe "

Updated October 3, 2021 | 11.21 PM IST
By RDN News Service

Bollywood khou kajan tatmei actor Shahrukh Khan rui puanmei A***n Khan ta drugs case khou Narcorics Control Board(NCB) rui nim kanthe tuwe.

Tingk*m 23 tangmei A***n Khan ta dulanung Mumbai coast deng khou cruise ship party khou raid suna nimtuang e tuwe. 13 gm co***ne, 21 gm charas, 22 M**A pills khatni 5 gm MD nim phang e tuna NCB rui tithai pat re.

A***n Khan ta court khou produce suthe k*ma Monday fao NCB tuang custody khou bam punithe.

03/10/2021

**Rongmei Daily News**
(ASSAM NEWS)

"Assam khou Circle Officer(ALRS) akhat ta corruption case khou nim kanthe "

Updated October 3, 2021 | 05.56 PM IST
By RDN News Service

Assam khou ALRS officer khatni Thelamara Revenue Circle tuang Circle Officer Barenya Ranjan Barthakur ta Directorate of Vigilance & Anti-Corruption Assam rui nim kanthe tuwe.

Neikhat nung 27/09/2021 tingmik bribery case khou nim kanmei Thelamara Revenue Circle, Sonitpur district khou taan bammei Gulzar Hussain ta police rui interrogate suna lat phang khourui Circle Officer ta nim tuang e tuwe.

Interrogation su khou Circle Officer Barenya Ranjan Barthakur rui Gulzar Hussain ta katiu na bribe la bamtuang e tuna police rui tithai pat re.

Kuma report thei laina, nim kanmei Circle Officer Barenya Ranjan Barthakur hei Assam khou kajan tatmei IAS coaching institute “Borthakur IAS Academy” tuang ni Director de tuwe. Borthakur IAS Academy hei Barenya ta puanmei retired IAS Dilip Barthakur rui kasiam lou tuang e tuwe. Kuma Dilip Barthakur ta ni k*m 2018 khou Rs. 2250 crores tuang Social Welfare scam khou nim kanne.

03/10/2021

**Rongmei Daily News**

Mahatma Gandhi ta puanmei tingmik 2nd October khou kameita Burj Khalifa rui chakhuang sulou mei.

#

02/10/2021

**Rongmei Daily News**
(MANIPUR NEWS)

"Imphal airport khou fake AADHAAR card sinmei Kapumei(Myanmarese) gaan kasing 14 ta nimtou kanthe"

Updated October 2, 2021 | 10.02 AM IST
By RDN News Service
Manipur tuang capital Imphal airport khou Kapumei gaan 14 fake AADHAAR card sinmei ta nimtou kanthe tuwe. Kaniu Delhi tat khang subamtuang e tuwe.

Kuma mituang lam khou CM Biren rui kahak sa patmei, “State govt rui k*mei case ta serious suna lalou e k*ma investigation chapcha na tatkei puniye. Proper documents makna gut mei nun ta strict action la puniye khatni thouk*mei rui foreignmei nun ta illegal thiak khou tigut khang suduang meinun ta ni action la puni.”

01/10/2021

**Rongmei Daily News**

(ASSAM NEWS)

"Assam Cabinet rui dengka sian Rs. 2500 crores microfinance loan waiver le HPC paper mills khang kao pat kanthe "

Updated October 1, 2021 | 09.22 AM IST
By RDN News Service

Assam khou bammei mansei kasing 11 lakhs rui microfinance loan lalou mei ta kaniu jan khou Assam govt rui dengka Rs. 1800 crore loan repay sulou dat punithe tuna Assam cabinet rui kao pat kanthe. Kuma Hindustan Paper Mills tuang employees khang Rs. 700 crore tuang relief package ni kao ndao pat lou kanthe.

Tatkanmei election campaign khou atao Assam tuang CM suna bammei Himanta Biswa Sarma rui microfinance loans repay su lou puniye tuna election promise sulou kanne. Kuma theidou rui production sudat makna bammei Jagiroad le Panchgram khou naimei PSU HPC mills ta state govt rui la kanthe. Mi mills khou taan bammei employees nun khang ni relief package kao ndao pat lou kanthe tuwe.

30/09/2021

(ASSAM NEWS)

"Assam khou United Liberation of Bodoland tuang cadres gan 12 surrender su kanthe"

Updated September 30, 2021 | 08.48 AM IST
By RDN News Service

Dulanung Assam khou militant group United Liberation of Bodoland(ULB) tuang cadres gan 12 surrender su kanthe tuwe. India le Bhutan border deng khou naimei Udalguri district khou surrender su tuang e tuwe. Kuma dulanung surrender su khourui ULB tuang heijumei cadre surrender su ngam theh tuwe. Neikhatnung tei gan 12 ta ni arrest su kanne tuna Special Director General of Police-cum-IGP(BTAD) L R Bishnoi rui tithai pat kanthe.

Assam tuang CM Himanta rui ni dulanung surrender su kanmei ULB cadre ta welcome suna neila mei ndao kanthe.

(Picture inset – surrender u kanmei ULB cadre | twitter - gpsinghips)

29/09/2021

(SPORTS NEWS)

"Rongmei Cup 2021 football tournament khou Lakhipur APDCL team le Silchar Railway ngam kanthe"

Updated September 29, 2021 | 06.38 PM IST
By RDN News Service

Assam tuang Cachar district khou tatkei bammei All Assam Rongmei Naga Students Union(AARNSU) rui organise sumei Rongmei Cup 2021 7-a-side football tournament khou asei 29/09/2021(Matchday 5) Lakhipur APDCL team le Silchar Railway ngam kanthe. Tournament hei Binnakandi Rongmei kailuang deng khou naimei Lakhipur T.E Playground khou match tat kei bamtuang theh.

Lakhipur APDCL vs AARNSU(B) match khou full time tang tie sumei jeng khourui penalty shootout khou Lakhipur APDCL ngam kanthe tuwe.

Kuma Silchar Railway le Sonai Rongmei FC tuang match khou Silchar Railway team rui 2-1 ngam kanthe tuwe.

Athuan 30/09/2021 (Matchday 6) khou 2.30 PM match khou Tilka Bagan FC le Tolengram FC tali punithe. Mathang khou 3.30 PM match khou Binnakandi(B) le Hailakandi(A) tali punithe.

(Picture inset – Sonai Rongmei FC team on matchday)

29/09/2021

(MANIPUR NEWS)

"Imphal airport khou passenger gan akhat rui kachek huai(gold paste) kabacheng(anus/rectum) khou kakam na smuggle sukhang sumei ta nimtou kanthe"

Updated September 29, 2021 | 09.22 AM IST
By RDN News Service

Manipur tuang Imphal airport khou passenger akhat kabacheng(anus/rectum) khou kachek huai(gold paste) kari louna smuggle su khang sumei ta nimtou kanthe tuwe.

Central Industrial Security Force(CISF) rui nimtou mei dengka Rs. 42 lakh tuang gold paste 900 gm rit e tuwe.

Kerala tuang Kozhikode khou lungbammei passenger Mohammad Shereef khou rui mi gold paste nim phang tuang e tuwe. Kamei hei Air India flight Imphal khourui Delhi tat khang subamtuang e tuwe.

(Picture inset – Xray sukhou gold paste kabacheng khou kat bammei photo theh)

28/09/2021

(MANIPUR NEWS)

"IAS Coaching khang dengka Rs. 2.8 crore tuang scheme Manipur CM Biren rui kao pat kanthe"

Updated September 28, 2021 | 11.02 PM IST
By RDN News Service

Manipur state tuang Chief Minister Biren rui IAS Coaching khang dengka Rs. 2.8 crore tuang scheme ‘Super IAS 500’ kao pat kanthe tuwe.

Mituang scholarship scheme khou thouk*mei IAS thapat nimei kagun naimei khatni talent naimei kapuang duang lou khang e tuna saye.

2020 UPSC Civil Service Exam khou Manipur mei mansei gan charuk(6) rui clear su kanmei ta CM Biren rui neilamei ndao pat kanne. Super IAS 500 tuang programme khou thouk*mei IAS exam tha nimei nun state kapeng tho sian tinna coaching sumei khangsuang Manipur state khou coaching sunu theh tuna ni ra than lou kanne.

Manipur govt rui sponsor suna ALS Delhi coaching centre mei nun Manipur khou State Academy of Training, Takyelpat khou IAS coaching class tatkei pane tuna Biren rui ni salou kanne.

(Picture inset – Manipur CM Biren Singh)

28/09/2021

Rongmei Daily News tuang admin account blocked su kanmei asei dihe recover sudat na password reset sudat mei.

31/03/2021

(SPORTS NEWS)

"Nagaland tuang cricketer England tuang club akhat khou join su kanthe"

Updated March 31, 2021 | 07.59 AM IST
By RDN News Service

Nagaland tuang cricket player Jonathan Rongsen Longk*mer ta England tuang cricket club Morecambe Cricket Club rui 2021 season khang sign su kanthe tuwe.

Mituang lat hei Morecambe Cricket Club tuang website khou Longk*mer hei Mitchel Van VmBuuren tuang replacement theh tuna hipat lou bamthe.

Jonathan hei Nagaland state player suna Ranji Trophy khou cricket tali bamme. Kamei hei Mokokchung district tuang Akhoya kailuang mei e tuwe. Kuma Jonathan hei all-rounder de tuwe.

(Picture inset – Jonathan Longk*mer,image source - MCC official website)

31/03/2021

(MANIPUR NEWS)

"Manipur khou Andro le Sandang Sengba Maring kailuang kanei kak khou ramrei jeng khourui latgei bammei ta Manipir CM rui kaphian kajan lou khang subamthe"

Updated March 31, 2021 | 07.31 AM IST
By RDN News Service

Manipur tuang Imphal East district khou naimei Andro le Sandang Sengba Maring kailuang kanei kak khou ramrei jeng khourui atao latgei pat bamkhou CM Biren rui kaphian kajan lou khang subamthe tuwe.

Party kanei ta kao guang na Imphal khou CM Biren rui meeting sukhou committee akhat kasiam na mituang lat bam khou “permanent solution” phung guang khang salou kanthe tuwe.

Andro khou bammei Meetei meinun rui Nongpok Ningthou” khatni Goddess “Panthoibi” tuna kalum bammei bam khou Sandang Sengba Maring kailuang mei nun rui thingbangh-taobangh doukei khourui mituang problem pat kantuang e tuwe. Tiki Sandang Sengba Maring kailuanv khou Maring naga bammei nun rui kaniu ram khou Andro meinun rui ram lei gut tuang de tuna sabamme tuwe.

Kuma asan makmei nitdak khou Sandang Sengba Maring kailuang meinun rui latgei bammei ram khou mansei gankhat ta phuplou kanmei ta Meitei tuang Rabam-ribam puijeng khourui lapat dat ro tuna Andro meinun rui protest tatkei khang su kanne tuwe.

(Picture inset – CM Biren meeting villagers of both disputed villages,Twitter@N Biren Singh)

29/03/2021

(WORLD NEWS)

"Indonesia church khou su***de bombing khuanthe tuna lumsimei attack khou mansei kasing 14 kabiu kanthe"

Updated March 29, 2021 | 11.21 AM IST
By RDN News Service

Indonesia tuang Catholic church akhat khou su***de bombing tuna lumsimei attack khou mansei kasing 14 kabiu kanthe tuwe.

Dulanung Sunday Easter Holy Week tuang reimei tingmik khou Makassar city khou bombing su kantuang e tuna Indonesia national police rui tithai pat re.

Sulawesi island khou naimei church khou tei church-goers nun mass luaijai ni khou bomb puak tuang e tuwe.

Thourui attack sutuang thai than mahe tuna police rui sapat kanne. Indonesian Council of Churches tuang kapi Gomar Gultom rui mi attack ta nuni makmei ndao kanne khatni christianmei nun Palm Sunday celebrate subammei gan khou k*mei tuang tipat lou bammei ta jengsi mei ndao kanne.

Indonesia hei kandi khou muslim mei nun geiliangmei country akhat re tiki christian mei population ni geihak na naimei kandi e.

(Picture inset – Indonesian police at explosion site of church after the attack)

29/03/2021

(MANIPUR NEWS)

" Manipur cabinet rui hill district khou ADC election tatkei khang nulou kanthe"

Updated March 29, 2021 | 10.33 AM IST
By RDN News Service

Manipur cabinet rui hill districts khou Autonomous District Counci(ADC) election tatkei khang nulou kanthe. Mi ADC election khou Kamjong, Tengnoupal, Pherzawl khatni Noney district ni kajao panthe tuwe.

Thailou numei lat rui Manipur govt rui ADC elections kagan khou tatkei lou makmei ta tribalmei phuam guai rui nuni makmei tuang protest tatkei bam kantuang e.

Tatkanmei tingk*m June buh khou ADC election tatkei nimei tuang e tiki Hill Areas Committee(HAC) tuang recommendation ta lalouna state govt rui buh charuk(6 month) postponed sulou kantuang e tuwe.

(Representational Image)

29/03/2021

(INDIA NEWS)

" India khou Holi ng*i ta states gansek rui meigeimei guang kaduai na ng*i mak khang tuna kao pat kanthe"

Updated March 29, 2021 | 10.12 AM IST
By RDN News Service

India khou Hindumei nun tuang Holi ng*i ta states gansek rui meigeimei guang kaduai na ng*i mak khang tuna kao pat kanthe tuwe. Mi states guai pang khou kajaomei Maharashtra, Delhi, Madhya Pradesh khatni Uttar Pradesh ni kajao e tuwe.

Covid case India khou gei kahou dat khourui mi states nun rui k*mei tuang decision latuang e tuwe. Heik*m salou sini Uttar Pradesh le Rajasthan khou mansei guang kaduai na Holi ng*i bamde tuna report guang bamde tuwe.

Election tatkei bammei West Bengal le Assam khou ni election candidates nun Holi tali bam geide tuna sabamme.

(Representational Image – Holi celebration)

26/03/2021

(MANIPUR NEWS)

"Manipur University tuang Chancellor kathan Prof Tirupati Rao ta appoint sulou kanthe"

Updated March 26, 2021 | 11.56 AM IST
By RDN News Service

Manipur University tuang Chancellor kathan Prof Tirupati Rao the appoint sulou kanthe. Ministry of Education, Department of Higher Education rui appoint sulou tuang e tuwe.

Prof Tirupati Rao hei rei khou Osmania University tuang Vice-Chancellor ni sulou e tuwe. 2008 khourui kahouna 2011 fao Osmania University tuang Vice-Chancellor sulou e tuwe. Kuma 2011 khourui 2013 fao Osmania University tuang Faculty of Social science tuang Dean ni sulou e tuwe.

Prof Tirupati Rao hei Manipur University tuang Chancellor tingk*m 5 fao su puni tuwe.

(Picture inset – Prof Tirupati Rao)

26/03/2021

(ASSAM NEWS)

"Assam election khou athuan March 27 khourui Phase 1 voting kahou punithe"

Updated March 26, 2021 | 10.59 AM IST
By RDN News Service

Asaam election 2021 khou athuan khourui Phase 1 polling kahou punithe. Phase 1 khou constituency kasing 47 kajao e khatni 81,09,815 voters rui candidate kasing 264 tuang future tithai punithe.

Mi phase 1 polling khou atao Assam tuang CM Sarbananda Sonowal ni kajao theh. Kuma kajan tatmei politician nun Akhil Gogoi, Atul Bora khatni Ripun Bora ni kajao theh.

Candidate pang khou tunapui candidate kasing 23 e khatni independent khou dingmei candidate kasing 78 e.

Phase 1 polling khou Dhemaji district khou naimei JOnai constituency khou theh voter gei liangmei khatni Sivasagr district khou naimei Thowra constituency khou theh voter kasing rao liangmei.

(Representational Image)

25/03/2021

(MANIPUR NEWS)

"Bollywood tuang football film ‘Maidaan’ khou pat khang Rongmeina akhat Ronan Panmei ta select su kanthe"

Updated March 25, 2021 | 08.35 AM IST
By RDN News Service

Asan makna release sunimei Bollywood tuang football film “Maidaan” khou role pat khang Rongmeina Ronan Panmei ta select su kanthe. Ronan Panmei Aztec FC club tuang football player akhat re.

“Maidaan” film khou Bollywood actor Ajay Devgan lead role suna pat puniye. Kuma 15 October 2021 khou mi film release su puni theh tuwe.

(Picture inset – Maidaan film poster alongwith Ronan Panmei, Image source – Aztecs Sports-Ourdoor page)

Rongmei Daily News

12/10/2021

11/10/2021

08/10/2021

07/10/2021

06/10/2021

05/10/2021

05/10/2021

03/10/2021

03/10/2021

03/10/2021

02/10/2021

01/10/2021

30/09/2021

29/09/2021

29/09/2021

28/09/2021

28/09/2021

31/03/2021

31/03/2021

29/03/2021

29/03/2021

29/03/2021

26/03/2021

26/03/2021

25/03/2021

Address

Website

Alerts

Shortcuts

Share