نیشنل نیوز نیٹ ورک National News Network

25/11/2023

مظلوم انسانیت کے لیے ہر سٹیج پر آواز بلند کرنا اور لابی کرنا انٹرنیشنل ہیومن رائٹس موومنٹ کا ایک لائن ایجنڈا ہے
رانا بشارت علی خاں

بغیر رنگ نسل اور مذہب کے ہر دکھی انسانیت کی آواز بلند کرنا انٹرنیشنل ہیومن رائٹس موومنٹ کی اولین ترجیح ہے

انٹرنیشنل ہیومن رائٹس موومنٹ دنیا کے 67 سے زیادہ ممالک میں عملی طور پر کام کرنے والی دنیا کی سب سے بڑی اورگنائزیشوں میں شمار ہوتا ہے

یہ پاکستان کی واحد اورگنائزیشن ہے جو اتنے بڑے پیمانے پر انسانیت کی آواز عملی طور پر بلند کر رہی ہے

انٹرنیشنل ہیومن رائٹس موومنٹ۔

انٹرنیشنل ہیومن رائٹس موومنٹ کی آج سالِ نو کی پہلی آن لائن کانفرنس میں 67 ممالک کے سفیران اور ممبران موجود تھے جنہوں نے اپنے ممالک میں انسانی حقوق سے متعلق سرگرمیوں کے بارے میں مکمل طور پر آگاہ کیا اور اپنے تجربات شیئر کیے۔

صدر ، رانا بشارت علی خان نے سفیروں اور انٹرنیشنل ہیومن رائٹس موومنٹ کے ممبران کی جانب سے عالمی سطح پر اس تحریک کے بارے میں پوچھے گئے سوالات کا جواب دیا تاکہ مناسب افہام و تفہیم کو بڑھایا جاسکے۔

افہام و تفہیم کو مزید بڑھاتے ہوئے سفیران اور ممبران کو یہ بتایا گیا کہ انٹرنیشنل ہیومن رائٹس موومنٹ عالمی سطح پر پسماندہ برادریوں کی حفاظت اور ان کے حقوق کے لئے جدوجہد کرنے اور انکے شانہ بشانہ کھڑے رہنے کیلئے قائم کی گئی اور بخوبی اپنی ذمہ داری نبھا رہی ہے.

تمام سفیران اقوامِ متحدہ کی جانب سے کشمیر, یمن اور فلسطین کیلئے ہونے والے تین روزہ سیمینار میں شرکت کریں گے۔

پاکستان کے علاوہ 67 سے زائد ممالک میں کام رہی ہے ہزاروں کی تعداد میں عہدیداروں کے ساتھ.

مزید یہ کہ نوجوانوں پہ مشتمل کمیٹیز بنائیں جائیں گی جس میں قانونی, صحت, بچوں اور خواتین کے حقوق کی پاسداری شامل ہو گی.

صدر رانا بشارت علی خان نے انٹرنیشنل ہیومن رائٹس موومنٹ کے اغراض و مقاصد کو متعارف کرایا اور سفیروں کو اپنے ممالک میں ایک ورکنگ کمیٹی تشکیل دینے کا حکم دیا ، اور کہا کہ تمام افراد انفرادی حیثیت میں آرگنائزیشن سے متعلق ویڈیو کلپ بنا کر وائرل کرے تاکہ عالمی سطح پر انٹرنیشنل ہیومن رائٹس موومنٹ کو فروغ دیا جاسکے۔

سری لنکا ، کینیا ، کولمبیا ، نائیجیریا ، فلپائن ، پاکستان ، مصر ، عراق ، بنگلہ دیش ، ہندوستان ، کیمرون ، اردن ، مریم ، الجیریا ، گھانا ، ڈینن ، پیرو ، لندن ، سوڈان ، کولمبیا ، تنزانیہ ، یمن ، لبنان ، صومالیہ ، کوریا ، سیرون ، تیونس ، کشمیر سمیت اور بہت سے ممالک کے سفیران اس آن لائن کانفرنس میں شامل ہوئے.

کانفرنس سے خطاب کے دوران بانی و صدر انٹرنیشنل ہیومن رائٹس موومنٹ رانا بشارت علی خان نے آرگنائزیشن میں شامل ہونےوالے نو منتخب سفیران اور ممبران کو بتایا کہ انٹرنیشنل ہیومن رائٹس موومنٹ ایک طویل عرصے سے دنیا کے بیشتر ممالک میں عملی طور پر اپنی خدمات اور فرائض بخوبی نبھا رہی ہے اور مظلوم اور دکھی انسانیت کیلئے ہمیشہ سب سے پہلے اور سب سے آگے رہی ہے.

مظلوم فلسطینیوں کے حقوق کی پاسداری اور اسرائیل کی جانب سے جاری قتل و غارت کے خلاف لندن کی تاریخ کا سب سے بڑا احتجاجی مظاہرہ کیا جس میں چالیس ہزار سے زائد لوگوں نے رانا بشارت علی کی آواز پر لبیک کہتے ہوئے شمولیت کی اور اقوامِ عالم کو اپنا احتجاج ریکارڈ کروا کر مظلوم فلسطینیوں کی جانب دنیا کی توجہ مبذول کروائی.

فلسطین, کشمیر, یمن, عراق لبنان آذربائجان سمیت دنیا کے ہر اس خطے کے حقوق کی پاسداری اور قیامِ امن کو یقینی بنانے کیلئے خوابِ غفلت میں ڈوبی اقوامِ عالم کا ضمیر جنجھوڑنے کیلئے اقوامِ متحدہ اور او آئی سی سمیت ہر فورم پر ان ممالک کے مظلوم لوگوں کی آواز بن کر رانا بشارت علی انسانیت اور انسانی حقوق کی پاسداری کو عملی طور پر سر انجام دے رہے ہیں

09/11/2023

آج کی پاکستانی نوجوان نسل کو فکر اقبال کے فلسفہ خودی سے روشناس کرانا عصر حاضر کی اہم ضرورت ہے۔ S.A.Sahbai ایس۔ اے۔ صہبائی
اسلام آباد(NNN): آج کا پاکستان قائد اقبال کا پاکستان نہیں ہے۔جاگیردارانہ نظام اور کرپٹ بیوروکریسی نے مملکت خداداد پاکستان کی جڑوں کو کھوکھلا کر ڈالا ہے۔کرپٹ مافیا نے ڈالرز کے عوض بے پناہ قربانیوں کے بعد اسلام کے نام پرحاصل کیے گئے پاکستان کی نسلوں کو تباہی و بربادی سے دوچار کر ڈالا ہے۔
ان خیالات کا اظہار معروف ادیب ،صحافی ،شاعر ،گولڈ میڈلسٹ ہیومن رائٹس ایکٹوسٹ اور جرنلسٹس ایسوسی ایشن پاکستان (رجسٹرڈ) کے بانی/چیرمین ایس۔اے۔صہبائی نے اقبال ڈے کے موقع پر اپنے خصوصی پیغام میں میڈیا کو انٹرویو دیتے ہوئے کہا ہے کہ فلسفہ اقبال کی معراج عشق الہی و حب رسولﷺ اور خودی ہے۔
اگر پاکستانی نسل کو فکر اقبال کی روشنی میں تیار کیا جاتا تو آج پاکستان سپر پاور کہلاتا اور ستاروں پر کمندیں ڈالا رہا ہوتا۔ مگر پاکستان کی کرپٹ بیوروکریسی اور سیاسی پنڈتوں کی بدولت آج کی پاکستانی نسل دین و دنیا سےنابلد ہو کر چرس ،افیون اور جہالت و گمراہی کی بدولت مایوسی و ناامیدی کے اندھیروں میں گر چکی ہے۔
جرنلسٹس ایسوسی آف پاکستان کا منشور فکر اقبال سے وابستہ ہے کیونکہ مثبت میڈیا مثالی قوم. کا آئنہ دار ہے اور پاکستان کے ذرد میڈیا کی کالی بھیڑوں کی بدولت پاکستان اور پاکستانی دنیا بھر کے سامنے بھکاری ،کرپٹ اور دہشتگرد بن کر رہ گئے ہیں جسکی جتنی مذمت کی جائے کم ہے۔

05/11/2023

Islamabad (NNN):
عالمی قوتیں فلسطین و غزہ کے نہتے مسلمانوں کو اسرائیلی بریریت سے نجات دلانے کے لیے ٹھوس اقدامات کریں ورنہ دنیا کے خاتمے کے ذمہ دار خود ہوں گے اور آنے ولی نسلیں عالمی قوتوں کے نام نہاد ٹھیکیداروں کو کبھی معاف نہیں کریں گی۔ ایس۔اے۔صہبائی
چیرمین
جرنلسٹس ایسوسی ایشن پاکستان

03/10/2023

گیارویں سلام پاکستان ایوارڈز کا کمیاب انعقاد رپورٹ (NNN) :گزشتہ دنوں راولپنڈی آرٹس کونسل میں گیارواں سالانہ سلام پاکستان ایوارڈز شو منعقد کیا گیا جس میں تین کیٹیگری میں ایوارڈز دیے گۓ لاٸف ٹاٸم ۔ اچیومنٹ۔ ایوارڈز کے ساتھ ساتھ میڈیا شوبز سوشل میڈیا سے نۓ ابھرتے ٹیلنٹ کو سرٹفیکٹس سے بھی نوازا گیا ایوارڈز حاصل کرنے والوں میں معروف شخصیات شامل تھیں مختلف شبعہ زندگی میں کارہاۓ نمایاں سرانجام دینے والی شخصیات کو ایوارڈز دیے گۓ۔ میڈیا شوبز بیوٹی انڈسٹری کی خواتین بھی شامل تھیں اس پروگرام میں سرکاری و پراٸیویٹ سیکٹر سے معزز مہمانوں نے شرکت کی اور ایونٹ آرگناٸزر سلطان رومیل کو اس کامیاب ایونٹ پر مبارک باد پیش کی ایوارڈز حاصل کرنے والوں کا کہنا تھا کہ ہمیں خوشی ہے کہ سلام پاکستان کے پلیٹ فارم سے ہمارے فن اور ہنر کو پزیراٸ ملی یہ ایسا پلیٹ فارم ہے کہ پاکستان بھر سے لوگ اس کے زریعہ اپنا ٹیلنٹ بلامعاوضہ و بنا سفارش دنیا کے سامنے لاسکتے ہیں۔ اس موقعہ پہ آرگناٸزر سلام پاکستان سلطان رومیل نے خصوصی گفتگو میں کہا کہ میں اللہ کا شکر گزار ہوں کہ میرے پروگرام سے بے شمار لوگوں کا چھپا ہوا ٹیلنٹ دنیا کے سامنے آتا ہے۔ میری یہی کوشش ہوتی ہے کہ میں ان لوگوں کو آگے لاٶں جن کے پاس وساٸل نہیں اور فن ہے فن کی خدمت میرا مشن ہے اور ہمیشہ کوشش کرتا رہوں گا کہ یہ مشن جاری رہے۔ مختلف حلقوں کی جانب سے کامیاب پروگرام کے انعقاد پر سلطان رومیل کی مبارک باد دی جارہی ہیں

06/09/2023

امن عالم کا قیام پاکستان کی سالمیت سے مشروط ہے۔ ایس۔ اے۔ صہبائی
پاکستان کے موجودہ حالات کے ذمہ دار ظالم اور جابر حکمران ہیں ۔چیرمین
جرنلسٹس ایسوسی ایشن آف پاکستان (رجسٹرڈ)
Islamabad (NNN)

یوم دفاع پاکستان کے موقع پر، جرنلسٹس ایسوسی ایشن آف پاکستان، چیئرمین صہبائی کی قیادت میں، پاکستانی مسلح افواج کے ان بہادر مردوں اور خواتین کو دلی خراج تحسین پیش کرتی ہے جنہوں نے ملکی خودمختاری کے تحفظ کے لیے اپنی زندگیاں وقف کر دیں۔

ہر سال 6 ستمبر کو یوم دفاع پاکستان ہماری مسلح افواج کی جانب سے مختلف چیلنجوں اور خطرات کا سامنا کرتے ہوئے دیے گئے غیر متزلزل عزم اور قربانیوں کی ایک پُرجوش یاد دہانی کے طور پر کام کرتا ہے۔ یہ دن 1965 کی تاریخی جنگ کی نشاندہی کرتا ہے جب پاکستانی فوج نے غیر معمولی جرات اور لچک کا مظاہرہ کیا۔

چیئرمین صہبائی نے ہمارے جوانوں اور خواتین کی لگن، بہادری اور قربانیوں کو سراہتے ہوئے اس بات پر زور دیا کہ ان کی انتھک کوششیں خطے میں امن و استحکام کو یقینی بناتی ہیں۔ انہوں نے کہا، "جرنلسٹس ایسوسی ایشن آف پاکستان ہماری پیاری قوم کی سلامتی اور سالمیت کو برقرار رکھنے میں ہماری مسلح افواج کی نمایاں خدمات کو تسلیم کرتی ہے اور ان کا احترام کرتی ہے۔ ہم اپنے فوجی جوانوں اور ان کے خاندانوں کے ساتھ یکجہتی کے ساتھ کھڑے ہیں، جنہوں نے ہماری حفاظت کے لیے ان گنت مشکلات برداشت کیں۔ وطن."

جرنلسٹس ایسوسی ایشن آف پاکستان تمام شہریوں کی حوصلہ افزائی کرتی ہے کہ وہ یوم دفاع پاکستان کو عقیدت و احترام کے ساتھ منائیں، ملک کی آزادی اور خودمختاری کے تحفظ میں مسلح افواج کے اہم کردار کو تسلیم کریں۔
صہبائی نے جرنلسٹس ایسوسی ایشن آف پاکستان ریگ (1998-2002) کے بارے میں اظہار خیال کیا۔
جرنلسٹس ایسوسی ایشن آف پاکستان ایک سرکردہ تنظیم ہے جو پاکستان بھر میں صحافت کی آزادی، صحافتی سالمیت اور صحافیوں کی فلاح و بہبود کے لیے وقف ہے۔ صحافت کے اعلیٰ ترین معیارات کو برقرار رکھنے کے عزم کے ساتھ قائم کی گئی، ایسوسی ایشن صحافیوں کو اپنے تحفظات اور ان کے حقوق کی وکالت کرنے کے لیے ایک پلیٹ فارم فراہم کرنے کی کوشش کرتی ہے۔

16/08/2023

16/08/2023

راولپنڈی ڈسٹرکٹ سپورٹس کلب کی جانب سے چشن آزادی ہاکی میچ کھیلا گیا او 50پاونڈ وزنی کیک کاٹا گیا
NNN)
)l
راولپنڈی ڈسٹرکٹ جشن ازادی ہاکی ٹورنامنٹ انڈر 16 بوائز،جمناسٹکس ڈیموسیشن اور پنتھالون :ڈیمونسٹریشن کا مظاہرہ کیا گیا اس ایونٹ کے ساتھ ڈسٹرکٹ سپورٹس ڈیپارٹمنٹ راولپنڈی نے جشن ازادی کے موقع پر پاکستانی جھنڈے والا 50 پاؤنڈ کیک کاٹا اور شہدائے پاکستان کے لیے دعا بھی کی،اس تقریب کے مہمان خصوصی چوہدری انعام ظفر امیدوار ایم پی اے پی پی 11-17 راولپنڈی،اسسٹنٹ کمشنر صدر راولپنڈی الماس صادق،ڈسٹرکٹ سپورٹس افیسر شمس توحید عباسی،راجہ یاسین جنرل سیکرٹری ڈسٹرکٹ ہاکی ایسوسییشن راولپنڈی، سردار نزیر احمد کشمیری مرکزی جنرل سیکرٹری انجمن تاجران لیاقت روڈ راولپنڈی،راجہ مقصود حسین سابقہ چیئرمین یو سی 8 راولپنڈی،سردار محمد عرفان،محمّد صدام عباسی سابقہ جنرل سیکرٹری انجمن تاجران سر سید چوک ممبر کاریانہ ایسوسییشن راولپنڈی،شفقت اللہ خان نیازی،محمد عثمان شریف تحصیل سپورٹس افیسر،مدثر بشیر سی ای او مدثر کنگفو ہنگار اینڈ جمناسٹکس اکیڈمی،کھلاڑیوں نے اور عوام کی بڑی تعداد نے شرکت کی اور اس ایونٹ کو خوب سراہا ایونٹ کے ارگنائز سیکرٹری ملک محمد ساجد اعوان تھے جنہوں نے مہمان خصوصی اور کھلاڑی اور تمام انے والوں کا شکریہ ادا کیا،

02/05/2023

Islamabad (NNN):
Chairman Journalists Association of Pakistan S.a.Sahbai said .

It is my pleasure to be here with you today on this momentous occasion of World Press Freedom Day. Today, we celebrate the fundamental human right of freedom of expression, a right that is critical to the functioning of any democratic society.

As we reflect on the importance of this right, we must also acknowledge the challenges and obstacles that journalists and media workers face every day in their pursuit of truth and accuracy. In Pakistan, we have seen how journalists have been targeted, threatened, and even killed for doing their job, and this is unacceptable.

Today, I stand here as a writer, journalist, thinker, poet, and motivational speaker, to remind us all that freedom of expression is not a privilege, but a right. It is a right that must be protected, defended, and upheld at all times, no matter the cost.

We must ensure that the media is free to report the truth, without fear of reprisal or censorship. We must support the journalists and media workers who are on the frontlines, risking their lives to bring us the news and information we need to make informed decisions.

As we celebrate World Press Freedom Day, let us renew our commitment to defending and protecting the freedom of expression, not just in Pakistan, but around the world. Let us honor the legacy of those who have paid the ultimate price for this right, and let us work tirelessly to ensure that this right is never taken away from us.

08/11/2022

آج کا پاکستانی نوجوان فکر اقبال کی روح سے نا آشنا ہے۔ایس۔اے۔صہبائی
اقبال کے شاہین کی بربادی کے ذمہ دار سیاسی مداری و جاگیردار ہیں ۔چیرمین ،جرنلسٹس ایسوسی ایشن آف پاکستان (رجسٹرڈ)
اسلام آباد (NNN): کلمہ حق کی بنیاد پر معرض وجود آنے والی مملکت پاکستان کے مصور ڈاکٹر علامہ محمد اقبال کے شاہینوں کی بربادی کے ذمہ دار سیاسی مداری و ظالم جاگیردار ہیں ۔آج کا پاکستانی نوجوان فکر اقبال کی روح سے نا آشنا ہے۔ان خیالات کا اظہار معروف ادیب ،صحافی ،شاعر ،ہیومن رائٹس ایکٹوسٹ اور جرنلسٹس ایسوسی ایشن پاکستان کے چیرمین ایس۔اے۔صہبائی نے یوم اقبال کے موقع پر اپنے میڈیا پیغام میں کیا۔
ایس۔اے۔صہبائی نے ملک و قوم کی تعمیروترقی کے لیے فلسفہ اقبال کو پاکستان کی سالمیت سے مشروط کرتے ہوئے کہا ہے کہ اگر آج کا نوجوان اقبال کے فلسفہ خودی اور افکارونظریات سے آشنا ہوجائے تو تمام جہانوں کو مسخر کر سکتا ہے اور بحیثیت مسلمان اور پاکستانی دنیا میں اپنے کھوئے ہوئے تشخص کو بحال کر سکتا ہے۔
پاکستان اور پاکستانی نوجوانوں کی بربادی کا ذمہ دار کرپٹ مافیا ہے۔کرپشن فری پاکستان کا نعرہ لگانے والوں نے پاکستانی قوم کو انسان بنانے کے بجائے حیوان بنا ڈالا ہے اور آئندہ نسلوں کو بھی مقروض بنا ڈالا ہے جسکی جتنی مذمت بھی کی جائے کم ہے

03/11/2022

کنٹینر پر فائرنگ، میرا ہدف صرف عمران خان تھا: مبینہ ملزم کا بیان

وزیر آباد: (NNN) پاکستان تحریک انصاف کے لانگ مارچ میں کنٹینر پر فائرنگ کرنے والے مبینہ ملزم کا رد عمل سامنے آ گیا۔

خیال رہے کہ پاکستان تحریک انصاف کے لانگ مارچ کی آج منزل وزیر آباد تھی جہاں پر شہر میں پاور شو کا مظاہرہ کیا جانا تھا، تاہم اس سے قبل ہی سابق وزیراعظم عمران خان کے کنٹینر پر فائرنگ کر دی گئی جس کے باعث پی ٹی آئی چیئر مین ، سینیٹر فیصل جاوید، احمد ناصر چٹمہ سمیت متعدد کارکن زخمی ہوئے۔

دوسری طرف مبینہ ملزم فیصل بٹ نے اپنے ایک بیان میں کہا ہے کہ وزیر آباد میں لانگ مارچ کے دوران کنٹینر پر فائرنگ کرتے ہوئے صرف عمران خان کو مارنے کی کوشش کی تھی، میں نے عمران خان کو گولی مارنے کی کوشش کی، میں نے عمران خان کو مارنے اچانک کا فیصلہ کیا۔ کیونکہ عمران خان لوگوں کو گمراہ کر رہے ہیں، میرے پیچھے کوئی نہیں اور نہ ہی کوئی اس کے ساتھ ہے اس نے اکیلے ہی یہ کام کیا ہے۔

03/11/2022

وزیرآباد، اسلام آباد،(NNN) پاکستان تحریک انصاف (پی ٹی آئی) کے لانگ مارچ کے دوران سابق وزیراعظم کے کنٹینر پر فائرنگ ہوئی جس کی زد میں آ کر ایک شخص جاں بحق ہو گیا، اس واقعہ میں عمران خان اور فیصل جاوید سمیت 10 افراد زخمی ہوئے ہیں۔

تفصیلات کے مطابق پی ٹی آئی کا لانگ مارچ اس وقت وزیرآباد کی جانب رواں دواں ہے اور اس کی اگلی منزل شہر میں جلسہ کرنے کی ہے، اس دوران عمران خان کے کنٹینر کے قریب نامعلوم افراد کی جانب سے فائرنگ کی گئی۔

فائرنگ کے باعث ایک شخص جاں بحق ہو گیا ہے جبکہ 10 افراد زخمی ہوگئے جنہیں فوری ہسپتال میں علاج کے لئے منتقل کر دیا گیا ہے، زخمی ہونے والوں میں عمران خان، سینیٹر فیصل جاوید، پی ٹی آئی رہنما احمد چٹھہ بھی شامل ہیں۔

عینی شاہدین کا کہنا ہے کہ دو میں سے ایک حملہ آور کو گرفتار کرلیا گیا ہے جبکہ دوسرا فرار ہونے میں کامیاب ہوگیا، عمران خان کو پنڈلی پر گولی لگی ہے۔

01/11/2022

ایس ایس پی آپریشنز وسیم ریاض خان کی پولیس لائنز ہیڈکوارٹرز میں سیکورٹی بریفننگ
میٹنگ میں ایس ایس پی سیکورٹی فیصل سلیم اور بینک منیجرز کی شرکت
سٹیٹ بینک آف پاکستان کی ایس او پیز پالیسی پر سختی سے عملدرآمد کیا جائے ۔ی
راولپنڈی ( NNN): ایس ایس پی آپریشنز وسیم ریاض خان کی پولیس لائنز ہیڈکوارٹرز میں بینکوں اور کیش وینز کی سیکورٹی کے حوالے سے میٹنگ ہوئی ۔میٹنگ میں ایس پی سیکورٹی فیصل سلیم اوربینک مینجرزکی شرکت،سٹیٹ بینک کی طرف سے جاری کردہ ایس او پیز پر سختی سے عملدرآمد کیا جائے،بینک کے سیکورٹی الارم اور سی سی ٹی وی کیمرے ٹھیک حالت میں کام کرنے کے ساتھ ساتھ اپنی اصل پوزیشن میں ہونے چاہیے، تربیت یافتہ سیکورٹی گارڈز ضروری ہیں،کیش وینز کی نقل وحرکت کے حوالے سے دی گئی ہدایات پر من وعن عمل کیاجائے،کسی قسم کی کوتاہی برداشت نہیں کی جائے گی،سیکورٹی ایس او پیز پرعمل کرکے نقدی کے ساتھ ساتھ قیمتی جانوں کے ضیاع کوبھی روکا جاسکتا ہے،ایس ایس پی آپریشنزوسیم ریاض خان۔تفصیلات کے مطابق ایس ایس پی آپریشنز وسیم ریاض خان نے پولیس لائنز ہیڈکوارٹرز میں بینکوں اور کیش وینز کی سیکورٹی کے حوالے سے میٹنگ کاانعقاد کیا،میٹنگ میں ایس پی سیکورٹی فیصل سلیم اوربینک مینجرزنے شرکت کی،سٹیٹ بینک کی طرف سے جاری کردہ ایس او پیز پر سختی سے عملدرآمد کیا جائے،بینک کے سیکورٹی الارم اور سی سی ٹی وی کیمرے ٹھیک حالت میں کام کرنے کے ساتھ ساتھ اپنی اصل پوزیشن میں ہونے چاہیے، تربیت یافتہ سیکورٹی گارڈز ضروری ہیں،ایس ایس پی آپریشنز وسیم ریاض خان کا کہناتھاکہ کیش وینز کی نقل وحرکت کے حوالے سے دی گئی ہدایات پر من وعن عمل کیاجائے،کسی قسم کی کوتاہی برداشت نہیں کی جائے گی،،سیکورٹی ایس او پیز پرعمل کرکے نقدی کے ساتھ ساتھ قیمتی جانوں کے ضیاع کوبھی روکا جاسکتا ہے،راولپنڈی پولیس شہریوں کے جان ومال کے تحفظ کے لیے ہمہ وقت مصروف عمل ہے۔

01/11/2022

درودوسلام کا خصوصی اہتمام مومنین کے ایمان کا خخاصہ ہے۔علامہ حافظ محمد حنیف انجم قریشی
ملک خضر حسین کے والد اور ملک ذیشان ارشد کے نانا کی وفات پر چیرمین J*Pایس۔اے۔صہبائی کا اظہار تعزیت
حاجی مقصود حسین مرحوم کے رسم قل میں معززین علاقہ کی خصوصی شرکت
پنڈی گھیب (NNN): درودوسلام کاخصوصی اہتمام بندہ مومن کے لیے ایمان کا نور ہے۔مومنین اور نیک اولاد کی جانب سے مرحوم کے ایصال ثواب کے لیے پڑھے جانے والے اورادووظائف ،تلاوت قراان پاک اور درودوسلام کا اہتمام صدقہ جاریہ ہے۔ان خیالات کا اظہار معروف عالم دین حضرت مولانا حافظ محمد حنیف انجم قریشی نے بڈھا خان مرحوم کے فرزند ملک مقبول حسین ، ڈاکٹر بنارس خان کے بھائی اور ملک فدا حسین مرحوم کے بہنوئی ملک مقصود حسین (ملک الیکٹرک سٹور)کی رسم قل کی تقریب میں خطاب کرتے ہوئے کیا۔ ملک مقصود حسین مرحوم ملک آفتاب منیر ،ملک وقار حسین ،ملک شمس الاسلام ،ملک صحبان عارف ،حکیم نسیم احمد،ملک نیاز حسین ،ملک ندیم حسین کے ماموں زاد ملک ارشد حسین زرگر ،ملک امجد حسین کے پھوپھا ،ملک ذیشان حسین کے نانا ،پیر ارشد مقبول ،ندیم مقبول ،عمران مقبول اور ملک آصف حسین کے تایا تھے۔
رسم قل کی تقریب کا آغاز حافظ متولی خانصاحب کی تلاوت کلام پاک سے ہوا جبکہ نعت رسولﷺ کی سعادت معروف نعت خواں محمد سلیم میروی کے حصے میں آئی۔رسم قل کی تقریب میں مرحوم کے عزیزواقرباء اور معززین علاقہ نے خصوصی شرکت کی۔

29/10/2022

عالمی قوتیں بالخصوص امریکہ تصفیہ کشمیر کے منصفانہ حل کے لیے ٹھوس اقدامات کریں ۔کونصل جنرل طارق کریم
یوم سیاہ کشمیر کے حوالے سے قونصل جنرل آف پاکستان شکاگو میں سیمینار کا انعقاد
پاکستانی کمیونٹی شکاگو کا بھارت کی جانب سے کشمیر میں ظالمانہ جبر اور انسانی حقوق کی پامالی پر زبردست تشویش کا اظہار

شکاگو (این۔این۔این):کونسلیٹ جنرل آف پاکستان شکاگو میں یوم سیاہ کشمیر کے حوالے سے ایک سیمینار منعقد ہوا جس میں پاکستانی کمیونٹی اور مقامی لوگوں کی ایک بڑی تعداد نے شرکت کی صدر پاکستان وزیراعظم اور وزیر خارجہ کے بیانات پڑھ کر سنائے گئے سیمینار کے مقررین میں قونصل جنرل طارق کریم ممتاز امریکی انسانی حقوق کے کارکن اینڈی تھائر مسلم نیٹ ورک ٹی وی کے پروڈیوسر عبدالمالک مجاہد کشمیر یکجہتی کونسل کے صدر جاوید راٹھور ایسٹ ویسٹ یونیورسٹی کے چانسلر ڈاکٹر وصی اللہ خان شامل تھے ۔ مقررین نے جمّوں و کشمیر میں بھارت کے مسلسل جبر اور غیر قانونی قبضے کے تحت بگڑتی ہوئی انسانی حقوق کی پامالی پر شدید تشویش کا اظہار کیا اور عالمی برادری اور امریکہ پر بھی زور دیا کہ کشمیر تنازعہ کے حل میں اپنا کردار ادا کریں کونسل جنرل طارق کریم نے کہا کہ پاکستانی عوام کشمیری عوام کی اخلاقی سیاسی اور سفارتی حمایت جاری رکھیں گے

24/10/2022

سینئر صحافی ارشد شریف کی شہادت قتل یا حادثہ ،میڈیا اور حکمرانوں کے لیے سوالیہ نشان؟
ایس۔اے۔صہبائی چیرمین J*P
جرنلسٹس ایسوسی ایشن آف پاکستان کے تمام عہدیداران و ممبران کی جانب سے ارشد شریف کے قتل کی پرزور مذمت
اسلام آباد (NNN): پاکستان کے معروف سینئر صحافی لوکل چینل کے اینکر ارشد شریف کے کینیا میں پولیس گردی کی پرزور مذمت کرتے ہیں ۔ارشد شریف گزشتہ پانچ سالوں کے دوران نجی ٹی وی چینل کی تبدیلی سرکار پالیسی کی ترجمانی کرتے کرتے دیار غیر میں پولیس گردی کی بھینٹ چڑھ گئے۔
آرشد شریف کا قتل تمام صحافتی برادری کے لیے سوالیہ نشان بن گیا ہے۔اب حق سچ کے علمبردار صحافی نہ تو پاکستان میں محفوظ ہیں اور ناں ہی دیار غیر میں ۔
عالمی ادارے شہید صحافت ارشد شریف کے قتل کے پیچھے خفیہ محرکات کا جلد از جلد پتہ لگائے۔ان خیالات کا اظہار جرنلسٹس ایسوسی ایشن آف پاکستان کے چیرمین اور ہیومن رائٹس ایکٹوسٹ ایس۔اے۔صہبائی نے شہید صحافت ارشد شریف کو سرخ سلام پیش کرتے ہوئے کیا۔
جرنلسٹس ایسوسی ایشن آف پاکستان (رجسٹرڈ) کے تمام عہدیداران و ممبران نے ارشد شریف کے قتل کی پرزور مذمت کرتے ہوئے عالمی اداروں اور پاکستان کی اعلی قیادت سے پرزور اپیل کرتے ہوئے شہید صحافت کے اصل قاتلوں کو جلد از جلد گرفتار کرنے کا مطالبہ کیا ہے

13/10/2022

الحاج سیٹھ نثار احمد ،سیٹھ افتخار احمد،سیٹھ وقاراحمد ،سیٹھ مختیار احمد (مرحوم) ،سیٹھ اشفاق احمد کی والدہ ماجدہ کے انتقال پر پاکستان کی معروف شخصیات کی جانب سے دلی تعزیت و اظہار افسوس
شیخ المشائخ حضرت علامہ ڈاکٹر طاہر القادری کی جانب سے سیٹھ افتخار احمد کو تعزیتی پیغام
جنازہ میں جرنلسٹس ایسوسی ایشن آف پاکستان کے چیرمین ایس۔اے۔صہبائی ، ممبران قومی و صوبائی اسمبلی و عمائدین علاقہ نے کثیر تعداد میں شرکت کی

پنڈی گھیب (NNN ) : صرافہ اینڈ جیولرز ایسوسی ایشن اٹک کے چیئر مین سیٹھ نثار احمد کی والدہ محترمہ انتقال کر گئیں نمازہ جنازہ مرحومہ کے صاحبزادے سیٹھ نثار احمد نے پڑھائی
مرحومہ کو پنڈی گھیب کے آبائی قبرستان میں سپرد خاک کر دیا گیا۔پیر طریقت فقیر معین شہزاد چشتی نظامی الازہری نے مرحومہ کے بلندی درجات کے لیے خصوصی دعا کرائی ۔ الحاج سیٹھ احمد خان موحوم کی بیوہ سیٹھ افتخار احمد سیٹھ مختیار احمد مرحوم، سیٹھ نثار احمد سیٹھ وقار احمد ،سیٹھ اشفاق احمد کی والدہ محترمہ سیٹھ نور محمد سیٹھ محمد اقبال سیٹھ ظفر اقبال سیٹھ عامر مشتاق سیٹھ ارشد فاروق کی خوشدامن، قضائے الہی سے وفات پا گئیں ہیں نمازہ جنازہ مرحومہ کے صاحبزادے سیٹھ نثار احمد نے پڑھائی جس میں جرنلسٹس ایسوسی ایشن آف پاکستان کے چیرمین ایس۔اے۔صہبائی ،(ن) لیگ کے ممبر قومی اسمبلی ملک سہیل خان کمڑیال پی ٹی آئی کے سابق امیدوار قومی اسمبلی ملک خرم علی خان، رئیس اعظم پنڈی گھیب ملک اولیاء خان سابق تحصیل ناظم ملک لیاقت علی خان سابق ممبر صوبائی اسمبلی (ر) میجر اعظم خان گھیبہ ملک عمر علی خان،ملک سعید ، ملک شہباز خان ،ملک عبید اللہ ،الحاج طلحہ زبیر ،شیخ آفتاب حیدری ملک محمد اشرف کھوڑ ،الحاج جمیل یوسفی ،الحاج سیٹھ ارشد حسین ملک ،ملک آصف حسین ، ملک مشتاق آعوان علاقے کی سیاسی سماجی مذہبی کاروباری شخصیات صرافہ برادری وکلاء برادری صحافی برادری سمیت عمائدین علاقہ نے کثیر تعداد میں شرکت کی بعد ازاں مرحومہ کو سینکڑوں سوگواران کی موجودگی میں پنڈی گھیب کے آبائی قبرستان میں سپردخاک کر دیا گیا

04/10/2022

وزیراعظم پاکستان یونیورسٹی بی پی ایس فیکلٹیز کے مسائل جلد از جلد حل کریں ۔ڈاکٹر سمیع الرحمن
صددر آل پاکستان یونیورسٹیز بی پی ایس ٹیچرز ایسوسی ایشن

اسلام آباد (NNN):
آل پاکستان یونیورسٹیزبی پی ایس ٹیچرز ایسوسی ایشن (اپوبٹا) کے
صدرڈاکٹر سمیع الرحمان نے وزیراعظم پاکستان میاں محمدشہباز شریف سے مطالبہ کیا ہے کہ یونیورسٹیزمیں کام کرنے بی پی ایس فیکلٹی کے مسائل جلد از جلد حل کئے جائیںاوروہ 05 اکتوبر یوم اساتذہ کے موقع پر یونیورسٹی کی فکیلٹی کیلئے پروموشن پالیسی کی منظوری دیکر علم،تعلیم اور اساتذہ دوست ہونے کا ثبوت دیں تاکہ اساتذہ کلاسز کا بائیکاٹ کرکے سڑکوں پر احتجاج پر مجبور نہ ہوں، ہمارے جائز مطالبات نہ مانے گئے تو مجبورا" سڑکوں پر آنے پر مجبور ہونگے، انہوں نے یہ باتیں نیشنل پریس کلب اسلام آباد میں تنظیم کے جنرل سیکرٹری ڈاکٹر امتیاز احمد، ڈاکٹر امتیاز شفیق، ڈاکٹر آصف جان، ڈاکٹر حفصہ، ڈاکٹر منظور ناظر،ڈاکٹر ہدایت اللہ و دیگر کے ہمراہ پریس کانفرنس کرتے ہوئے کہیں، ڈاکٹر سمیع الرحمان کا مزید کہناتھا کہ ایچ ای سی کا قیام 2002ء میں ایک آرڈیننس کے ذریعے عمل میںآیا،جس کے دفعہ 10 کیو کے تحت ایچ ای سی نے یونیورسٹی اساتذہ کی تقرری اور ترقی کیلئے کم ازکم اہلیت کا تعین کرنا تھا، 2008ء تک ایچ ای سی نے ترقی کی کوئی ہدایات فراہم نہیں کی بلکہ اس کے بجائےایک نیا تجربہ کرتے ہوئے ایک نیا نظام متعارف کروا دیاجسے ٹنیور ٹریک سسٹم (ٹی ٹی ایس) کا نام دیا گیا،اس نظام کیلئے واضح پالیسی بنائی گئی جس کے تحت مطلوبہ اہلیت رکھنے والا فیکلٹی ممبر بغیر کسی پوسٹ کی تشہیر اور بغیر کسی ٹیسٹ انٹرویو کے اگلے گریڈ میں ترقی کرجاتا ہے، تاہم اس کے برعکس بی پی ایس فیکلٹی کیلئے نئی پوسٹ کی تخلیق ، تشہیر،اورٹیسٹ انٹرویوجیسے مراحل کے ذریعے ڈائریکٹ تقرری کے علاوہ ترقی کا کوئی راستہ نہیں رکھا گیا،نیز اس سارے عمل میں بھی یونیورسٹی کے وائس چانسلر کو صوابدیدی اختیارات حاصل ہیں کہ وہ کون سی پوسٹ کب تخلیق، مشتہراور انٹرویو کرتا ہے،جس کا یہ نقصان ہوا کہ کم تجربہ کار فیکلٹی ممبران ٹی ٹی ایس کےذریعےترقیاں کرکے اعلیٰ عہدوں پر براجمان ہو گئےجبکہ زیادہ تجربہ والے لوگوں کی ترقی کو منجمند کر دیا گیا،اس امتیازی سلوک سے تعلیمی اداروں میں بدانتظامی، غیر معیاری تعلیم و تحقیق ، تحقیقی بدعنوانی،ناساز گار ماحول، ذاتی پسند و نا پسند کے استعمال سمیت کئی مسائل نے جنم لیا،ملک بھر کی یونیورسٹیز کی 88 فیصد فیکلٹی(تقریبا" 40 ہزار ملازمین) کے کیریئر کو ترقی سے محروم رکھا گیا ہےجبکہ 12 فیصد فیکلٹی کو بھاری تنخواہ کیساترقی کے مواقع بھی فراہم کئے جارہے ہیں،اس حق تلفی اور نا انصافی پر 88 فیصد فیکلٹی شدید ذہنی کرب، احساس محرومی، اور دیگر سنگین مسائل کا شکار ہے، اسی بات کو مدنظر رکھتے ہوئے تین برس قبل ایچ ای سی سے رابطہ کیا گیااور انہیں پروموشن پالیسی کا مسودہ بنا کر پیش کیا گیا،جسے ایچ ای سی نے تمام یونیورسٹیز کے وائس چانسلرز کو بھیجا جس پر کسی نے بھی کوئی اعتراض نہیں کیا،ایچ ای سی انتظامیہ نے اپوبٹا سے کئی بار اس مسئلے کو حل کرنے کا وعدہ کیا مگر تاحال یہ وعدہ پورا نہ ہو سکا ہے،10 مارچ 2022ء کو احتجاج کے نتیجہ میں ایچ ای سی کیساتھ ایک تحریری معاہدہ طے پایا جس کے مطابق یہ معاملہ وسط مئی تک حل کرنے کی یقین دہانی کروائی گئی مگر پھر بھی معاملہ زیر التواء ہی رہا،پروموشن پالیسی کا یہ مسئلہ قومی اسمبلی اور سینٹ کی قائمہ کمیٹی برائے تعلیم میں بھی زیر بحث لایا جا چکا ہے جس میں ایچ ای سی کو واضح ہدایات دی گئی ہیں کہ اس معاملے کو فوری حل کیا جائے مگر تاحال اس پر کوئی پیش رفت نہیں ہو سکی ہے،انہوں نے مزید کہا کہ ہم پڑھے لکھے لوگ ہیں اور سڑکوں پرنہیں آنا چاہتے تاہم اگر ان کے جائز مطالبات کو تسلیم نہ کیا گیا تو وہ کلاسز اور تعلیمی سرگرمیوں کے بائیکاٹ اور سڑکوں پر آکر احتجاج پر مجبور ہونگے۔

27/09/2022

وزیر اطلاعات مریم اورنگزیب کے ساتھ لندن میں ہونے والے واقعہ کی پرزور مذمت کرتے ہیں
سینئر اداکارہ عتیقہ اوڈھو
اداکار منیب بٹ
کراچی (این۔این۔این):پاکستان کی سینئر اداکارہ عتیقہ اوڈھو اور اداکار منیب بٹ وزیر اطلاعات مریم اورنگزیب کے ساتھ لندن میں پیش آئے واقعے کے خلاف بول پڑے۔

عتیقہ اوڈھو نے اپنے انسٹاگرام اکاؤنٹ پر مریم اورنگزیب کی ویڈیو جاری کی اور ساتھ ہی لکھا کہ آپ بھلے کسی کی سیاست سے متفق نہ ہوں لیکن اس نوعیت کی ہراسانی سب کے لیے ناقابل قبول ہے۔ اداکارہ نے کہا کہ اوورسیز پاکستانیوں کا ایسا رویہ دنیا بھر میں پاکستان کا تاثر خراب کرتا ہے، وہ مسائل کے حل کے بجائے خود مسئلے کا حصہ بن رہے ہیں، میں اپنے مداحوں اور دوستوں سے گزارش کرتی ہوں کہ ایسا بچگانہ رویہ اختیار کرنے سے آپ کو کچھ حاصل نہیں ہوگا، آپ اپنے باوقار انداز (ووٹنگ) سے اپنے جذبات کا اظہار کریں۔ دوسری جانب پاکستان تحریک انصاف کی ہمیشہ حمایت کرنے والے اداکار منیب بٹ نے بھی اس واقعے کی مذمت کی ہے۔

ٹوئٹر پر جاری بیان میں اداکار نے دو ٹوک الفاظ میں کہا 'یہ سراسر غلط حرکت ہے'۔ انہوں نے کہا کہ 'یہ کلچر پاکستانی سیاست کو کہیں نہیں لے کر جائے گا '۔

خیال رہےکہ ایک روز قبل مریم اورنگزیب کو لندن میں پاکستان تحریک انصاف (پی ٹی آئی) کے کارکنان نے ایک کیفے میں گھیر لیا تھا، مرد و خواتین کی جانب سے ان پر پاکستان کے عوام کا پیسا لندن میں لٹانے کا الزام لگایا گیا، ساتھ ہی ان کے لیے نامناسب زبان کا بھی استعمال کیا گیا۔

20/09/2022

رطانیہ کی آنجہانی ملکہ الزبتھ دوم کو ونزر محل میں سپردخاک کر دیا گیا۔

لندن(این۔این۔این ): 7 دہائیوں پرمشتمل تاریخی عہدکا جذبات اورشان وشوکت کےساتھ اختتام ہوا، شاہی گھرانے کے افراد کی موجودگی میں ملکہ کی آخری رسومات کی ادائیگی ونزر محل کے کنگ جارج ششم میموریل چیپل میں ہوئی۔

ملکہ کا تابوت سینٹ جارج چیپل کے نیچے قائم رائل والٹ میں اتاراگیا، اس سے قبل تابوت کو شاہی جلوس میں ویسٹ منسٹر پیلس سے ویسٹ منسٹر ایبی تک لایا گیا تھا۔ اس کے بعد تاریخی چرچ ویسٹ منسٹر ایبی میں دعائیہ تقریب میں دو ہزار افراد نے شرکت کی، تقریب کےبعدشاہ چارلس نےملکہ کے پرچم کو تابوت پر رکھا، لارڈ چیمبرلین نے اپنی سرکاری چھڑی توڑکرتابوت پررکھی ۔

آنجہانی ملکہ کو خراجِ عقیدت پیش کرنے کے لیے دنیا بھر سے سربراہان مملکت، اہم شخصیات، برطانیہ کے سینئر سیاست دان اور سابق وزرائے اعظم نے شرکت کی۔

پاکستان کی نمائندگی وزیراعظم شہباز شریف نے کی، تقریب کے اختتام پر دو منٹ کی خاموشی اختیار کی گئی اور برطانوی ترانہ چلایا گیا ۔

خیال رہے کہ ملکہ کی آخری رسوما ت میں برطانیہ بھر سے 10 لاکھ سے زائد افراد نے شرکت کی۔

10/09/2022

موسمیاتی تبدیلیوں سے متاثرہ سیلاب زدگان کے لیے فلڈ ریلیف فنڈز میں اضافہ کر دیا ہے
وزیر اعلی پنجاب چوھدری پرویز الہی
لاہور (NNN ): وزیراعلیٰ پنجاب چوہدری پرویز الٰہی نے سیلاب متاثرین کے لیے مالی امداد میں اضافہ کر دیا۔
وزیراعلیٰ پنجاب پرویز الہٰی سے صوبائی وزیر منیب سلطان نے ملاقات کی جس میں ملک کی موجودہ سیاسی صورتحال اور سیلاب کے بعد ریلیف کی سرگرمیوں پر تبادلہ خیال کیا گیا۔
چوہدری پرویز الٰہی کا کہنا تھا پاکستان موسمیاتی تبدیلیوں سے بہت متاثر ہوا ہے، غیر معمولی بارشوں اور سیلاب سے بڑے پیمانے پر تباہی ہوئی، موسمیاتی صورتحال سے نمٹنے کے لیے ہمیں غیر معمولی اقدامات کرنا ہوں گے۔ اس موقع پر چوہدری پرویز الٰہی کا کہنا تھا جاں بحق افراد کے لواحقین کے لیے امداد 8 لاکھ سے بڑھا کر 10 لاکھ روپے کر دی ہے، وزیراعلیٰ فلڈ ریلیف فنڈ میں جمع رقم سے متاثرین کی آبادکاری بھی کریں گے۔
دوسری جانب کمشنرڈیرہ غازی خان کا کہنا ہے کہ سیلاب کے باعث بڑے جانوں کے نقصان پر 75 ہزار روپے دیے جائیں گے اور پکے گھروں کے نقصان کے لیے امداد ایک لاکھ سے بڑھا کر4 لاکھ کر دی گئی ہے جبکہ کچے گھروں کے نقصان کے لیے امداد 40 ہزار سے بڑھاکر2 لاکھ کر دی گئی ہے۔

10/09/2022

نوابشاہ ائیر پورٹ 25,ستمبر تک بند رکھنے کا فیصلہ
نواب شاہ (NNN):نوابشاہ ائیرپورٹ پر سیلابی پانی جمع ہونے سے ائیر پورٹ کو 25 ستمبر تک بند رکھنے کا فیصلہ کیا گیا ہے۔
سول ایوی ایشن اتھارٹی (سی اے اے) کی جانب سے جاری نئے نوٹم کے مطابق نوابشاہ ائیرپورٹ سے سیلابی پانی کی نکاسی تاحال ممکن نہیں ہو سکی ہے اور پانی ائیر پورٹ پر جمع ہے۔ سی اے اے نوٹم میں مزید بتایا گیا ہے کہ نوابشاہ ائیرپورٹ رن وے پر تاحال کئی فٹ پانی موجود ہے جبکہ رن وے کی لائٹس بھی پانی کی وجہ سے خراب ہونے کا خدشہ ہے۔
یاد رہے سیلابی پانی کے باعث نوابشاہ ائیرپورٹ کو گزشتہ ماہ سے پروازوں کے لیے بند کیا گیا تھا۔.

08/09/2022

عمران نیازی اپنی سیاسی پستی کے عروج پر ہے۔رانا ثنااللہ
فتنہ خان ملکی سلامتی کے لیے مسقل خطرہ ہے ۔وفاقی وزیر داخلہ

اسلام آباد (NNN): :عمران خان کی چشتیاں جلسے میں کی گئی تقریر پر ردعمل دیتے ہوئے وزیر داخلہ رانا ثنا اللہ نے کہا کہ عمران نیازی صبح ایک بیان دیتے ہیں اور شام کو اس کی تردید کر دیتے ہیں، رات کو گالی دیتے ہیں تو صبح اس پر معافی مانگتے ہیں۔

رانا ثنا اللہ نے کہا کہ فتنہ خان پاکستان کی سلامتی کے لیے مستقل خطرہ ہے، ایسے فتنے کو قوم مسترد کر چکی ہے، عمران خان پشاور کے بعد چشتیاں میں بھی رسوا ہوئے۔ گزشتہ روز عمران خان نے چشتیاں میں جلسے سے خطاب کرتے ہوئے کہا تھا کہ ان لوگوں کی کوشش ہے کہ پنجاب حکومت کو گرا دیں، مسٹر ایکس اور مسٹر وائی بھی دھمکیاں دے رہے ہیں۔

عمران خان کا مزید کہنا تھا کہ مجھے معلوم ہوا ہے کہ نیا پلان بن رہا ہے، مجھےکہہ رہے ہیں کہ سیلاب کے لیے کام کرو سیاست نہ کرو، سیلاب کے لیے جو کام میں کروں گا سب سے زیادہ کام کروں گا اور حکومت سے بھی کراؤں گا، حقیقی آزادی کی تحریک بھی چلاؤں گا، تم چوروں کامقابلہ بھی کروں گا۔

یاد رہے کہ اس سے قبل وزیر دفاع خواجہ آصف نے بھی عمران خان کو ملکی سلامتی کے لیے خطرہ قرار دیتے ہوئے کہا تھا کہ عمران نیازی فوج میں تقرری کے طریقہ کار کو متنازع بنا رہے ہیں۔

25/08/2022

وطین ٹیلی کام کے ورکروں نے کمپنی کے تھرڈ پارٹی کنٹریکٹر کے ظلم وا ناانصافی کے خلاف عدالت سے رجوع کر کے چارٹ آف ڈیمانڈ دے دیا لیبر کی منیمم اجرت 25000 ماہوار دیں تاکہ مزدور ورکر اپنی زندگی کا پینا چلا سکیں،
تھرڈ پارٹی کونٹریک سسٹم مزدور دشمن اور ورکروں کا معاشی قاتل ہے جس کا حکومت پاکستان نے کبھی نوٹس نہیں لیا

حیدرآباد (NNN):
وطین ٹیلی کام کے لئے کام کرنے والے ایچ ار ایس جی آوٹ سورس پرائیوٹ لمیٹڈ ملازمین یونین نے وطین کے تھرڈ پارٹی کنٹریکٹر ایچ ار ایس جی آوٹ سورس جنگل راج کے حلاف
یونین کے سندھ بھر کے اودیدران اور ورکروں نے اپنے جائز مطالبات اور انصاف کے لئے قانون کا دروازہ کھٹکھٹا دیا یونین کےاودیدران اور ورکروں کا کہنا تھا کہ ہمارا اور ہماری یونین کا مقصد ہمارے جائز اور پاکستان کےکورٹ آف لیبر یونین کے قانون کو مد نظر رکھتے ہوئے ہم نے اپنے جائز مطالبوں کی ڈیمانڈ کی ہے جو قانوناً ہمارا جائز مطالبات ہیں ان کو پورا کیا جائے ملک میں ایسے سسٹم کی وجہ سے ہی غریب مزدور اور ان کی فیملیاں وہ کر گزرتی ہیں جو ان کو نہیں کرنا چاہئے پرائیویٹ اداروں میں تھرڈ پارٹی سسٹم میں کام کرنے والے لوئر کلاس طبقے کے ورکروں کو بنیادی سہولتیں نہ ملنے کی وجہ سے معاشرے میں احساس كمتری وا ذہنی پریشانی کا سامنہ کرنا پڑتا ہے جو غریب ورکروں کے ساتھ بڑا ظلم اور معاشرے کے لئے ایک بڑے خطرہ کا سبب ہے، آئندہ کی لائحہ عملی کے لئے یونین رہنماؤں اور ورکروں کی آپس میں جاری بات چیت کے سلسلے کو مزید تیز کردیا گیا ہے

25/08/2022

آرمی فارمیشنز سیلاب متاثرین کی ہر ممکن مدد کو یقینی بنائے ۔آرمی چیف جنرل قمر باجوہ ۔
راولپنڈی (NNN) :
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی سربراہی میں کور کمانڈرز کانفرنس ہوئی جس میں ملک کی اندرونی و بیرونی سکیورٹی صورتحال کا جائزہ لیا گیا۔
آئی ایس پی آر کے مطابق آرمی فارمیشنز نے سیلاب زدہ علاقوں میں ریلیف کے کاموں کا جائزہ لیا اور سیلاب، بارشوں سے قیمتی جانوں کےضیاع اوراملاک کے نقصانات پردکھ کا اظہار کیا۔
آئی ایس پی آر کے مطابق فارمیشنز نے کہا کہ سیلاب متاثرین کی مدد کے لیے کوئی کسر اٹھا نہیں رکھی جائے گی۔
اس موقع پر آرمی چیف جنرل قمر جاوید باجوہ نے کہا کہ آرمی فارمیشنز سیلاب متاثرین کی ہرممکن مدد یقینی بنائیں، ہر ایک متاثرہ شخص تک پہنچا جائے۔
آرمی چیف نے ہدایت کی کہ خیبرپختونخوا اور بلوچستان میں دہشتگردی سے نمٹنے کے لیے مکمل آپریشنل تیاری رکھی جائے۔