Fulstop media live

04/07/2023

അനുഭവമാണ് എഴുത്തിന്റെ കരുത്ത്. നാം അനുഭവിച്ചതോ, അനുഭവിച്ച മറ്റൊരാള്‍ പകര്‍ന്നു തന്നതോ ആയ അറിവുകള്‍ ആണ് ഓരോ പുസ്തക പിറവിക്കു പിന്നിലുമുള്ള ഗ്രന്ഥകാരന്റെ പ്രചോദനം. ഒരു പ്രത്യേ ക വിഷയത്തില്‍ വൈദഗ്ദ്യം നേടിയ ഡോക്ടര്‍ക്ക് പോലും രോഗി അനുഭ വിച്ച മാനസിക, ശാരീരിക വൈഷമ്യങ്ങള്‍ വേണ്ടവിധം മറ്റൊരാളോട് പറ ഞ്ഞു ഫലിപ്പിക്കാന്‍ കഴിയില്ല. ഇത്തരത്തിലുള്ള ഒരു പുസ്തക പിറവിക്ക് പിന്നിലുള്ള പ്രധാന കാരണം രോഗത്തിന്റെ ധ്രുതഗതിയിലുള്ള വ്യാപന മാണ്്. ഇന്ത്യയില്‍ ഏറ്റവും സാധാരണമായ രണ്ടാമത്തെ മരണ കാരണമാ ണ് സ്‌ട്രോക്ക്. ഓരോ 40 സെക്കന്‍ഡിലും ഒരു സ്‌ട്രോക്ക് എന്ന വിധം ഓരോ 4 മിനിറ്റിലും ഒരു സ്‌ട്രോക്ക് മരണവും സംഭവിക്കുന്നു. ഓരോ വര്‍ഷ വും യുണൈറ്റഡ്‌സ്റ്റേറ്റ്‌സില്‍ മാത്രം 7,95,000ത്തിലധികം ആളുകള്‍ക്ക് സ്‌ട്രോക്ക് ഉണ്ടാവുന്നു എന്നാണ് ലോകാരോഗ്യ സംഘടനയുടെ പുതിയ പഠനം.
തലച്ചോറിന്റെ ഒരു ഭാഗത്തേക്കുള്ള രക്തപ്രവാഹം ഏതെങ്കിലും തരത്തില്‍ തടസ്സപ്പെടുമ്പോഴോ, തലച്ചോറിലെ ഒരു രക്തക്കുഴല്‍ പൊട്ടിത്തെറിക്കുമ്പോഴോ ചിലപ്പോള്‍ ബ്രെയിന്‍ അറ്റാക്ക് എന്ന് വിളിക്കപ്പെടുന്ന ഒരു സ്‌ട്രോക്ക് സംഭവിക്കുന്നു. ഏത് സാഹചര്യത്തിലും, തലച്ചോറിന്റെ ഭാഗങ്ങള്‍ തകരാറിലാകുന്നു. മസ്തിഷ്‌കാഘാതം ദീര്‍ഘകാല വൈകല്യ മോ, മരണമോ സംഭവിക്കാന്‍ ഇടയാക്കുന്നു. കോവിഡിന് ശേഷം സ്‌ട്രോക്ക്, ഹൃദയാഘാതം എന്നിവ അധികരിച്ചതായി മെഡിക്കല്‍ വിദഗ്ദര്‍ തന്നെ ചൂണ്ടികാട്ടുമ്പോള്‍ ഇത്തരം രോഗാവസ്ഥകളെ കുറിച്ച് അവബോധം ഓരോരുത്തര്‍ക്കും ഉണ്ടായിരിക്കുക എന്നുള്ളത് അത്യാവശ്യമാണ്. വിശിഷ്യാ സ്‌ട്രോക്കിനെ കുറിച്ചും അതിന്റെ ലക്ഷണങ്ങളെ കുറിച്ചുമുള്ള പൊതുജനത്തിന്റെ അറിവ് രോഗാവസ്ഥക്ക് വിധേയമാകുന്ന വ്യക്തിയുടെ ജീവന്‍ രക്ഷിക്കാനും അപകട ശാരീരിക ആഘാതം കുറയ്ക്കാനും ഉപകരിക്കും. അങ്ങാടികളില്‍ ഓഫീസുകളില്‍ എന്നുവേണ്ട യാത്ര ഇടങ്ങളില്‍ വെച്ചുവരെ ഏത് പ്രായക്കാരിലും സ്‌ട്രോക് സംഭവിച്ചേക്കാം. തൊട്ടടുത്തുള്ള വ്യക്തിക്ക് ഈ രോഗലക്ഷണത്തെ കുറിച്ച് അവബോധം ഉണ്ടെങ്കില്‍ അദ്ദേഹത്തിന്റെ നേതൃത്വത്തില്‍ പെട്ടെന്ന് ഹോസ്പിറ്റലില്‍ എത്തിക്കാനും ചികിത്സ ലഭ്യമാക്കാനും രോഗിയെ രക്ഷപ്പെടുത്താനും സഹായിച്ചേക്കാം. മാത്രവുമല്ല നമ്മുടെ ശരീരം, ആരോഗ്യ സ്ഥിതി, ശീലങ്ങള്‍ എന്നിവ ഇത്ത രം രോഗ കാരണങ്ങളിലേക്ക് കൈപിടിച്ച് നടത്തിക്കുന്നവയാണോ എന്ന് മനസ്സിലാക്കി തിരുത്താന്‍ ശ്രമിക്കാനും ഇത്തരം പുസ്തകങ്ങളിലൂടെയുള്ള അറിവ് സഹായകമാവും.ആരോഗ്യ ബോധമുള്ള മലയാളിക്ക് മുന്നില്‍ അഭിമാനത്തോടെ ഈ പുസ്തകം സമര്‍പ്പിക്കുന്നു. ഉടൻ വിപണിയിൽ.. വില 180 പ്രസാധനം പേജ് ഇന്ത്യ...

✍️അമ്മാർ കിഴുപറമ്പ് ✍️

04/06/2023

ഹാജിമാരെ ചൂഷണം ചെയ്യുന്ന ട്രാവൽ ഏ ജൻസികൾ +++++:::::::+++++

ഈ വർഷത്തെ ഹജ്ജിന് സർക്കാർ ഈടാക്കുന്നത് 3,80.000 രൂപയാണ്.. അമ്പതിനായിരം രൂപ റിയാലാക്കി കൈവശം വെക്കുകയും വേണം. അപ്പോൾ ഒരു ഹാജി 4.30.000 ഈ വർഷം യാത്രക്ക് കരുതണം.. എന്നാൽ സ്വകാര്യ സ്ഥാപനങ്ങൾ വഴി ഹജ്ജിന് പോകുന്നവരോട് 6.80.000 രൂപ വരെ വാങ്ങുന്നതായി അറിഞ്ഞിരുന്നു. ഇന്നലെ ഒരു സുഹൃത്തു യാത്ര പോകുന്നത് പറയാൻ വിളിച്ചപ്പോൾ ഏതാ ട്രാവെൽസ്, എത്ര കാശ്, ആയി എന്ന് ചോദിച്ചപ്പോൾ പറഞ്ഞു 7.30.000 എന്ന്. സർക്കാർ സംവിധാനത്തെക്കാൾ മൂന്ന് ലക്ഷം അധികം. ഒരു യാത്ര സംഘത്തിൽ 40 പേര്, അവർക്കൊരു ഗെയ്ഡ്. മാത്രമല്ല ഹറമിനടുത്തു താമസം എന്നൊക്കെയാ ണ് വാഗ്ദാനം. ഈ ചൂഷണത്തിന് ഹാജിമാർ പരാതി പറയില്ല എന്നതാണ് വലിയ അഡ്വാൻറെജ്. കാരണം ദൈവ പ്രീതിക്ക് വേണ്ടി പോകുന്നവർ അവിടെ കുറച്ചൊക്കെ വിഷമം സഹിച്ചാലും പരാതി പറയാൻ പാടില്ല. കാരണം ഹജ്ജിന്റെ പൊരുത്തം നഷ്ടപ്പെടുമെന്ന് ഹജ്ജ് ക്‌ളാസിൽ മൗലവിമാർ ആദ്യമേ ഉദ്ബോധനം നടത്തും.. ചൂഷണത്തിന് നിന്നു കൊടുക്കേണ്ടി വരികയാണ് പാവം വിശ്വാസിക്ക്.
അടുത്ത വർഷത്തേക്കുള്ള ഹജ്ജ് ബുക്കിങ് ആരംഭിച്ചു കഴിഞ്ഞു ചില ട്രാവൽസുകൾ. ഒരു ലക്ഷം രൂപ വീതം ആയിരം ആളുടെ ബുക്കിങ് ഒരു ട്രാവെൽസ് എടുത്തു കഴിഞ്ഞു. ആ കോടികൾ കൊണ്ട് എന്ത് കച്ചവടവും നടത്തി ലാഭം ഉണ്ടാക്കാം അവർക്ക്. അഥവാ അടുത്ത വർഷം സർക്കാർ വഴി ഹജ്ജ് യാത്ര കിട്ടിയാൽ ഒരു ലക്ഷം തിരികെ തരും... ചതിയിൽ തട്ടിപ്പും വെട്ടിപ്പും ഒന്നുമില്ല
ഇന്ന് സൗദി റിയാദിലേക്ക് വിമാന കൂലി 17.800 ആണ്... ഇത് പ്രകാരം പോയി തിരികെ വരാൻ 40.000 രൂപ വേണം. ഒരുമാസം സൗദിയിൽ ഹോട്ടൽ റൂം എടുത്ത് താമസിക്കാനും ഭക്ഷണത്തിനുമായി എത്ര വേണം... രണ്ട് ലക്ഷം കൂട്ടിക്കോളൂ... പിന്നെ എന്തിനാണ് ഈ ചൂഷണം... ഒരൊറ്റ മത സംഘടനയും ഈ ചൂഷണത്തിന്നെതിരെ ചെറുവിരൽ അനാക്കിയതായി കേട്ടിട്ടില്ല. അതിന്റെ കാരണം അവർക്കെല്ലാം ഹജ്ജ് ഗ്രൂപ്പ്‌ ഉണ്ട് എന്നത് തന്നെ. ഞാൻ നേരത്തെ സൂചിപ്പിച്ച എന്റെ സുഹൃത്തു അങ്ങനെ ഒരു സംഘടനയുടെ കീഴിലാണ് പോകുന്നത്. ട്രാവെൽസ് 6.80.000 വാങ്ങുമ്പോൾ സംഘടന 50.000 അവരുടെ കമ്മീഷൻ കൂടി ഉൾപ്പെടുത്തി 7.30.000 ആക്കി.. സംഘടനയുടെ ചോട്ടാ നേതാക്കന്മാർ അമീർ ആയി ഇത്തരം ഗ്രൂപ്പിൽ ഉണ്ടാവും. ദീനി സേവനത്തിന്റെ മഹിത മാതൃക. ഇങ്ങനെ സ്വകാര്യ ഗ്രൂപ്പുകളും സംഘടനകളും ഒരു ഹജ്ജ് കഴിയുമ്പോഴേക്കും തങ്ങളുടെ നില ഭദ്രമാക്കുന്നു.. എന്ത് പ്രയാസം നേരിട്ടാലും അതൊക്കെ ദൈവ മാർഗത്തിൽ ക്ഷമിച്ചു പൊറുത്തു ഹജ്ജിന്റെ പവിത്രത കാത്തു സൂക്ഷിക്കണം എന്ന് ആദ്യമേ ഉദ്ബോധിപ്പിക്കുന്നതിനാൽ നേടിയ വിശുദ്ധി നഷ്ടപ്പെടുത്തണ്ട എന്ന് കരുതി ക്ഷമി ക്കുന്നു ഹാജിമാർ.. ഇബ്രാഹിം നബിയുടെയും ഇസ്മായിൽ നബിയുടെയും മാതൃക ഹാജിമാരെ കൊണ്ട് മുറുകെ പിടിപ്പിച്ചു തടിച്ചു കൊഴുക്കുകയാണ് ട്രാവെൽസ് മുതലാളിമാർ... ആളെ കിട്ടാൻ പരസ്യം പോലും ആവശ്യമില്ല.. പ്രാദേശിക മൗലവിമാരും, ഇമാമുമാരുമാണ് ഏജന്റുമാർ. ആരാധന കർമ്മത്തിന്റെ പേരിൽ പോലും ചൂഷണം ചെയ്ത് കാശുണ്ടാക്കുന്ന അവസ്ഥ ലജ്ജാകരം.. അടുത്ത വർഷത്തെ ഹജ്ജ് ബുക്കിങ് കാശ് കൊണ്ട് റിയൽ എസ്റ്റേറ്റ് ബിസിനെസ്സ് നടത്തി യും തടിച്ചു കൊഴുക്കുന്നു ഇവർ.. ഇത്രയും തുക ബാങ്കിൽ നിക്ഷേപിച്ചാൽ കിട്ടുന്ന പലിശ തന്നെ എത്രയുണ്ടാവും..ഹജ്ജ് ഗ്രൂപ്പ്‌ നടത്തുന്നവർ മുസ്ലീങ്ങൾ, ഹജ്ജിന്ന് പോകുന്നവർ മുസ്ലീങ്ങൾ അതുകൊണ്ട് തന്നെ ഈ ചൂഷണത്തിന്ന് അറുതി വരുത്താൻ ആരാണ് മുൻകൈ എടുക്കേണ്ടത്. കേന്ദ്രം സ്വകാര്യ ഏജൻസിക്ക് ഹജ്ജ് കോട്ട അനുവദിക്കുന്നതിലൂടെ ചിലരുടെ പോക്കറ്റിൽ എത്തുന്നത് കോടികൾ ആണ്. സംസ്ഥാനങ്ങൾക്ക് അനുവദിച്ച കൊട്ടയിൽ ആളില്ലാതെ വരുമ്പോൾ ആ കോട്ട ഇതര സംസ്ഥാന സ്വകാര്യ ട്രാവെൽ ഏ ജൻസിക്കാണ് വീതിച്ചു നൽകുന്നത്.. ഇത്തരം സീറ്റിന് ഒന്നിന് ഒരുലക്ഷം വരെ ചിലർ വാങ്ങുന്നുണ്ടെന്നാണ് സംസാരം. വിശ്വാസത്തെ ചൂഷണം ചെയ്ത് ജീവിക്കുന്നവർക്ക് പണ്ഡിതരും പിന്തുണ.. ചിറി നനക്കാൻ അവർക്കും കിട്ടും ചിലത്...
✍️ അമ്മാർ കിഴുപറമ്പ്....✍️.

05/05/2023

https://m.facebook.com/story.php?story_fbid=622397969907507&id=100064119271528&mibextid=Nif5oz

''അവസാനമവർ നിങ്ങളെയും തേടിയെത്തും... ''

എന്ന ഗുസ്താവ് എമിൽ മാർട്ടിൻ നിമോളർ എന്ന ജർമൻ കവിയുടെ വിശ്രുതമായ വരികളാണ് മണിപ്പൂരിലെ ഭീകര രാത്രികൾ കണ്ടപ്പോൾ ഓർമ വന്നത്. ഏതാനും മണിക്കൂറുകൾ. കത്തിയെരിഞ്ഞത് നൂറു കണക്കിന് പേരുടെ സ്വത്ത്‌ വകകളും ജീവനും ആരാധനാലയങ്ങളും. കേരളത്തേക്കാൾ സങ്കീർണമായ മത ജനസംഖ്യാ ശാസ്ത്രമുള്ള മണിപ്പൂർ അതായത് 42 ശതമാനം ഹിന്ദുക്കൾ 41 ശതമാനം ക്രിസ്ത്യൻസ്, 9 ശതമാനം മുസ്ലിംസ്. എന്നിങ്ങനെയുള്ള സ്റ്റേറ്റ്.

കേരളത്തിന്റെ പോലൊരു കണക്കു വെച്ച് നോക്കുവാണേൽ 200 കൊല്ലം കഴിഞ്ഞ് പോലും ബിജെപി ജയിക്കാനോ ഭരിക്കാനോ സാധ്യതയില്ലാതിരുന്ന സ്റ്റേറ്റിലിരുന്ന് ഒരുത്തനെയും പുല്ല് വില വെക്കാതെ ഒറ്റയ്ക്ക് അതി ഭീമൻ ഭൂരിപക്ഷം നേടി ബിജെപി ഇപ്പോൾ ചിരിക്കുന്ന കൊല ചിരിയാണ് ചിരി.. കാര്യത്തിലേയ്ക്ക് വരാം മണിപ്പൂർ കഴിഞ്ഞ 48 മണിക്കൂറായി കത്തിയെരിയുകയാണ്. ലോക പ്രശസ്ത താരം മേരി കോം ജീവ ഭയത്തോടെ രാജ്യത്തോട് അഭ്യർത്ഥിച്ചു. എന്റെ നാട് കത്തി തീരുന്നു.. ദയവായി രക്ഷിക്കൂ..

മണിപ്പൂർ ഇങ്ങിനെ എങ്ങിനെ ആയി എന്നറിയണ്ടേ..!!

2017 വരെ കോൺഗ്രസ് ഭരിക്കുന്നു.. പതിവ് പോലെ ഗ്രൂപ്പ്‌ യുദ്ധം, തമ്മിലടി, ജരാനര ബാധിച്ച കണ്ട് മടുത്ത നേതൃത്വം... കേന്ദ്ര ഭരണത്തിന് കീഴിൽ ഒരു പാട് നിബന്ധനകളും സൈനിക നിയമവുമൊക്കെയുള്ള സംസ്ഥാനമായത് കൊണ്ട് സ്വന്തം നിലയ്ക്ക്‌ വലിയ വികസന പ്രവർത്തനങ്ങൾ നടത്താനുള്ള സ്റ്റേറ്റ് സർക്കാരിന്റെ ഗതികേട്,, അത് തന്ത്ര പരമായ കുരുക്ക് ആക്കി മാറ്റി വരും കാലത്തേക്കുള്ള ഇന്ധനമാക്കിയ അമിത് ഷാ എന്ന കുതന്ത്രത്തിന് പേര് കേട്ട നേതാവ് ഇപ്പുറത്ത്...
മെയ്തി എന്ന ഹിന്ദുക്കൾ ഭൂരിപക്ഷമുള്ള പാരമ്പരാഗത സമൂഹമൊഴികെ ക്രിസ്ത്യൻസ് വിവിധ ട്രൈബലുകളായി ചിതറി നിൽക്കുന്നു..
കോൺഗ്രസിന്റെ കയ്യിലുള്ളൊരു സ്റ്റേറ്റ് ഹിന്ദുത്വ എന്ന,, ഉത്തരേന്ത്യൻ പൊട്ടന്മാരെ കയ്യിലെടുക്കുന്ന തന്ത്രം ഒറ്റയ്ക്ക് പയറ്റിയാൽ മണിപ്പൂരിൽ മതിയാവില്ലെന്ന് ആർഎസ്എസ്സിന് വ്യക്തമായ ബോധ്യം പതിറ്റാണ്ടിന് മുൻപ് തന്നെയുണ്ട്.

കാരണം വെറും 42 ശതമാനം മാത്രമേ ഹിന്ദു സമൂഹമുള്ളൂ. 9% മുസ്ലിം. എന്നാൽ സിംഹ ഭാഗം ക്രിസ്ത്യൻസ്.
അപ്പൊഴെന്ത് ചെയ്യണം? ഇപ്പോൾ കേരളത്തിൽ ചെയ്യുന്നത് പോലെ പണി നേരത്തെ തുടങ്ങണം.അതൊരു ദീർഘ കാല പദ്ധതിയുടെ ഭാഗമാണ്.
അതിന് വേണ്ടി എന്ത് ചെയ്യണം..?
കേരളത്തിൽ മറു നാടനെ പോലെയുള്ള പോർട്ടലുകൾ തുടങ്ങി നൈസ് ആയി ഒരു ആകർഷണം ഉണ്ടാക്കുന്നത് പോലെ അവിടെയും ചെറുകിട പോർട്ടലുകളും മറ്റും തുടങ്ങി വെച്ചു. ഇപ്പോഴല്ല വർഷങ്ങൾക്ക് മുൻപ്. അത് പ്രധാനമായും നഗര വാസികളായ മിഡിൽ ക്ലാസ് എന്ന് പറയപ്പെടാവുന്ന ക്രിസ്ത്യൻ വിഭാഗത്തെ ലക്ഷ്യം വെച്ച് തന്നെ.

ഇവിടുത്തെ കാസ പോലെയുള്ള ക്രിസ്ത്യൻസിൽ തന്നെ വേരോട്ടം ഉണ്ടാക്കാൻ പാകത്തിൽ ആഭ്യന്തര സംഘങ്ങളെയും പണമൊഴുക്കി തന്നെ സജീവമാക്കി തുടങ്ങി.വർഷങ്ങൾ കഴിഞ്ഞു.
വെറും 9 ശതമാനം വരുന്ന മുസ്ലിങ്ങളെ കാണിച്ച് ഭയപ്പെടുത്തുക മെയിൻ ഐറ്റം.
മ്യാന്മാരിൽ നിന്നുള്ള കുടിയേറ്റം, ബംഗാളി മുസ്ലിം കുടിയേറ്റം തുടങ്ങി നിരവധി തന്ത്രങ്ങൾ ക്രിസ്ത്യൻ വിഭാഗത്തിനിടയിൽ പയറ്റി.. പേടിപ്പിച്ചു..
രണ്ടാമത് കേന്ദ്ര സർക്കാർ മറ്റിടങ്ങളിൽ പണിയുന്ന ദേശീയ പാതകളും മറ്റും കാണിച്ചു ഇവിടേം ഞങ്ങൾ അത് പോലെ ആക്കി തരാം എന്ന ഒരു ആകർഷണീയത. പ്രചരിപ്പിക്കാൻ ഇഷ്ടം പോലെ ഓൺലൈൻ പോർട്ടലുകൾ.

''ബിജെപിക്കാർ നിങ്ങൾ പറയുന്ന പോലെ കടിച് കീറുന്ന ഭീകര രാക്ഷസൻ ഒന്നുമല്ലല്ലോ '' എന്ന് നഗരങ്ങളിൽ താമസിക്കുന്ന, അത്യാവശ്യം സോഷ്യൽ മീഡിയയൊക്കെ ഉപയോഗിക്കുന്ന ക്രിസ്ത്യൻസും മധ്യ വർഗവും ട്രൈബൽ മേഖലയിലെ 0ചെറുപ്പക്കാരും ചോദിക്കാൻ തുടങ്ങി. മണിപ്പൂരിന്റെ നിലം ഏകദേശം പാകപെട്ട് തുടങ്ങിയെന്ന് കേന്ദ്രത്തിൽ വ്യക്തമായ സിഗ്നൽ കിട്ടുന്നു. 2017 ൽ ഇലക്ഷൻ പ്രഖ്യാപിക്കുന്നു.. ഇലക്ഷൻ നടക്കുന്നു.. ഹിന്ദുകളിലും ക്രിസ്ത്യൻസിലും ഒരു പോലെ മുന്നേറ്റമുണ്ടാക്കിയ ബിജെപി 22 സീറ്റ് വരെയെത്തി. കോൺഗ്രസ് അതുക്കും മുകളിൽ 28 സീറ്റ് പിടിക്കുന്നു.
പക്ഷേ ബിജെപിക്ക് അതു മതി. ആയിരക്കണക്കിന് കോടികൾ ഒഴുക്കി പ്രതിപക്ഷത്ത് നിന്നും ചിലരെ വിലക്ക് വാങ്ങുന്നു, ഗവണ്മെന്റ് രൂപീകരിക്കുന്നു.

നോർത്ത് ഈസ്റ്റ് പിടിക്കുക എന്നത് ആർഎസ്എസിന്റെ എക്കാലത്തെയും സ്വപ്നമാണ്.. അതിന് കാരണങ്ങൾ പലതുമുണ്ട്.. ഹിന്ദു അല്ലാത്ത ഒരു മത വിഭാഗം ഏറ്റവും വേഗത്തിൽ സ്‌പ്രെഡ്‌ ചെയ്യുന്ന മേഖലയാണ് നോർത്ത് ഈസ്റ്റ്..എന്നത് അതിലെ പ്രധാനപ്പെട്ട പോയിന്റ് ആണ്. ഭരണം കൈക്കലാക്കിയെ ഉടനെ തന്നെ സെൻട്രേൽ ഗവർമെന്റ് പണമൊഴുക്കും തുടങ്ങി.ചെറിയ ചെറിയ മാറ്റങ്ങൾ വികസനങ്ങൾ സംഭവിച്ചു കേന്ദ്ര സർക്കാർ നേരിട്ട് ഓപ്പറേറ്റ് ചെയ്യുന്നു, രണ്ടിടത്തും ബിജെപി സർക്കാർ.
അത്യന്തികപരമായ അജണ്ടയെന്ത്..? ഭാവിയിൽ എന്ത് വരും..?? എന്നിവയൊക്കെ ചിന്തിക്കാൻ അവിടത്തെ സമൂഹം മലയാളികൾ അല്ല. ആ അഞ്ച് വർഷം കൊണ്ട് ബാക്കിയുള്ള അത് വരെ ശങ്കിച്ചു നിന്നിരുന്ന കുറെ വിഭാഗം ക്രിസ്ത്യൻസും കൂടി ഇങ് പോന്നു. എല്ലാം മറിഞ്ഞു എന്നപ്പോഴും അർത്ഥമില്ല.

വീണ്ടും 2022 ൽ ഇലക്ഷൻ നടക്കുന്നു.. ആകെ 60 സീറ്റിൽ 33 ഉം നേടി ബിജെപി ചരിത്ര പരമായ വിജയം കുറിക്കുന്നു. ഹിന്ദുക്കൾ മാത്രമുള്ള മറ്റ് ചെറിയ കക്ഷികൾ 16 സീറ്റ് വരെ പിടിച്ചപ്പോൾ ക്രിസ്ത്യൻസിനെ കൂടെ കൂട്ടി ഒറ്റയ്ക്ക് 33 സീറ്റ് നേടി. അപ്പോഴും ഹിന്ദുവിന്റെ വോട്ട് പകുതിക്കിപ്പുറം മറിഞ്ഞിട്ടില്ല. സഖ്യ കക്ഷികളെ ഒറ്റയൊന്നിനെ പുല്ല് വക വെക്കാതെ ബിജെപി ഒറ്റയ്ക്ക് ഭരിക്കുന്നു.
സംഗതി സേഫ് ആയിരിക്കുന്നു. ഇനി യഥാർത്ഥ അജണ്ട ഏറെക്കുറെ പുറത്തെടുക്കാൻ പറ്റിയ സമയം.
ഇനി വേണ്ടത് 42 ശതമാനം വരുന്ന ഹിന്ദുക്കളെ പൂർണമായും കയ്യിലെത്തിക്കുക എന്നതാണ്. ഭരണത്തിൽ ക്രിസ്ത്യാനികളുടെ റോൾ അവസാനിപ്പിക്കാൻ സമയമായി.
അപ്പോൾ എന്ത് ചെയ്യണം...?
ക്രിസ്ത്യൻ വിഭാഗത്തെ ഉൾക്കൊള്ളുന്ന കുക്കി അടക്കമുള ട്രൈബൽ വിഭാഗങ്ങളുടെ മിക്കയിടത്തെയും താമസം അനധികൃതമാണെന്നും ഭൂരിഭാഗവും ബർമയിൽ നിന്ന് കുടിയേറി വന്നവരാണെന്നും പറഞ്ഞു വ്യാപക പ്രചാരണം ആദ്യം തുടങ്ങി.പിന്നാലെ ഗവർമെന്റ് ആക്ഷനും എടുത്തു തുടങ്ങി.

മൊയ്തി വിഭാഗമായ നിങ്ങളാണ് മണിപ്പൂരിന്റെ 'ഡോമിനന്റ് കാസ്റ്റ് എന്നും നിങ്ങളുടെ അവകാശങ്ങളും ഭൂമിയും സംസ്കാരവും പതിയെ പതിയെ മറ്റവർ കയ്യേറി നിങ്ങൾ ഇല്ലാതാവുമെന്നും പറഞ്ഞു പിരി കയറ്റുന്നു. ഇത് മുസ്ലിങ്ങളെ കാണിച്ചു കേരളത്തിലും മണിപ്പൂരിലും ക്രിസ്ത്യാനികളെ പിരി കയറ്റിയ അതേ തന്ത്രം ഹിന്ദുക്കളുടെ അടുത്ത് ക്രിസ്ത്യാനികൾക്കെതിരെ എടുത്തു. അടുത്ത ഇലക്ഷനിൽ ക്രിസ്ത്യാനികൾ പോയാൽ പുല്ല്. ഈ 42 കിട്ടിയാൽ മാത്രം സേഫ് ആണ്. ബാക്കിയുള്ളത് വിഘടിച്ചു പൊക്കോളും. മാത്രവുമല്ല.
കലാപം നടന്നാൽ കുറെയെണ്ണം ഓടും. ബാക്കിയുള്ളത് കുടിയേറ്റം, കയ്യേറ്റം എന്ന് പറഞ്ഞു നമ്മൾ ഓടിച്ചു വിടും.. ഗുജറാത്ത്‌ മോഡൽ പതിപ്പ് തന്നെ.

അതോടൊപ്പം സംഘ പരിവാർ ഏജന്റ് കോടതിയിൽ മെയ്തി വിഭാഗത്തിനും റിസേർവേഷൻ വേണം എന്ന് പറഞ്ഞു കേസ് ഫയൽ ചെയ്യുന്നു. അത് പരിശോധിക്കാൻ കോടതി നിർദേശം നൽകുന്നു. ട്രൈബൽ മേഖലയിൽ അധഃസ്തിതരായി കഴിയുന്ന തങ്ങളുടെ അനുകൂല്യങ്ങൾ പൊതുവെ നഗരങ്ങളിൽ അത്യാവശ്യം നല്ല നിലയിൽ കഴിയുന്ന മെയ്തികൾ തട്ടിയെടുക്കുന്നു എന്ന സംശയത്താൽ ക്രിസ്ത്യൻ വിഭാഗം തെരുവിലിറങ്ങുന്നു.. സംഘ പരിവാർ ആഗ്രഹിച്ചത് പോലെ കാര്യങ്ങൾ നീങ്ങുന്നു.. ഏതാനും മണിക്കൂറുകൾ കൊണ്ട് അതൊരു ഉഗ്ര കലാപത്തിലേയ്ക്ക് എത്തുന്നു.
പിന്നീട് കാര്യങ്ങൾ ഏറ്റെടുത്തത് പതിനായിരക്കണക്കിന് വരുന്നു ആർഎസ്എസ് കേഡർമാർ. പണ്ട് മുസ്ലിങ്ങളെ വിശേഷിപ്പിച്ച പോലെ മ്യാന്മാർ ചാരന്മാർ, കുടിയേറ്റക്കാർ എന്നൊക്കെയാണ് ആർഎസ്എസ് പ്രാദേശിക കേന്ദ്രങ്ങൾ ഇപ്പോൾ ക്രിസ്ത്യാനികളെ വിശേഷിപ്പിക്കുന്നത്. വീട്ടിലേക്ക് വോട്ട് ചോദിച്ചു വന്ന അതേ RSSകാർ.

ഒരർത്ഥത്തിൽ ഇത് മണിപ്പൂരിലെ ക്രിസ്ത്യൻ സമൂഹം വരുത്തി വെച്ചത് തന്നെയാണ്.
കർണാടക സ്വദേശിയും ക്രിസ്ത്യൻ ആക്റ്റീവിസ്റ്റ്മായ പാട്രിക് സോൺസ് ഇന്നലെ എഴുതിയത് ''ഇത് കേരളത്തിലെയും കർണാടകയിലെയും ക്രിസ്ത്യൻസ് കാണുന്നുണ്ടല്ലോ അല്ലെയെന്നാണ്..''
പ്രസ്തുത സ്ഥലത്തുണ്ടായിരുന്ന അമേരിക്കൻ മാധ്യമ പ്രവർത്തക പങ്ക് വെക്കുന്നത് 4 മണിക്കൂറുകൾക്കുള്ളിൽ പതിനഞ്ചോളം ചർച്ചുകൾ അഗ്നിക്കിരയായി എന്നാണ്.. ദൗർ ഭാഗ്യകരമായ മറ്റൊരു കാര്യം മുസ്ലിങ്ങൾ ആക്രമിക്കപ്പെടുമ്പോൾ പോലും കിട്ടുന്ന മീഡിയ കവറേജിന്റെ പകുതി പോലും ശ്രദ്ധ മണിപ്പൂരിലെ ഈ ഭീകര കലാപത്തിന് കിട്ടുന്നില്ല എന്നതാണ്.

ലോഹിതദാസ്സിന്റെ പ്രസക്തമായ ഒരു ഡയലോഗുണ്ട്..
ചോക്ക് മലയിലിരിക്കുന്നവൻ ഒരു കഷണം ചോക്ക് തേടി നടക്കുന്ന കഥ...
കേരളത്തിലിരുന്ന് ''ഇതെന്ത് കേരളം'' എന്ന് പറഞ്ഞു സ്വയം പരിഹസിക്കുമ്പോഴും,, കൊണ്ട് വരുന്ന പ്രൊപഗാണ്ടയ്ക്ക് തല വെയ്ക്കുമ്പോഴും അവൻ അറിയുന്നില്ല അവന്റെ വിലയും അവനിപ്പോൾ നിൽക്കുന്ന ചോക്ക് മലയുടെ മഹത്വവും..
ഇനി ഇവിടത്തെ ക്രിസ്ത്യൻ വിഭാഗം പൂർണമായും സംഘ പരിവാർ അജണ്ടയ്ക്ക് കൂടെയായി എന്ന് വിശ്വസിച്ചു കമന്റ് ചെയ്യുന്ന ചിലരോടാണ്.. ഇത് നിങ്ങളുടെ സ്‌പേസ് അല്ല. കാരണം ഇപ്പോഴും വെറും നാലോ അഞ്ചോ ശതമാനം പേരെ ബ്രെയിൻ വാഷ് ചെയ്ത് എടുക്കാനല്ലാതെ അവർക്കൊന്നും ഈ വിഭാഗത്തിൽ ചെയ്യാൻ കഴിഞ്ഞിട്ടില്ല.. ഏത് പുരോഹിതന്മാർ വന്ന് പറഞ്ഞാലും അവരെ പെട്ടെന്ന് ഇളക്കിയെടുക്കാനും കഴിയില്ല..
നിങ്ങൾ കാണുന്ന കാസയോ മറുനാടനോ പാതിരിമാരോ അല്ല ക്രിസ്ത്യൻ വിഭാഗത്തിന്റെ പ്രതിനിധികൾ..
അതേ..ഇത് കേരളം തന്നെയാണ്.. നമ്മൾ ഒറ്റക്കെട്ടുമാണ്..

✍️ അജി ഗോപാൽ

01/04/2023

https://m.facebook.com/story.php?story_fbid=602217385258899&id=100064119271528&mibextid=Nif5oz

28/01/2023

ചിന്തയാണ് ജെറോം... യുവാക്കളെ ക്ഷേമം നോക്കുന്ന വകുപ്പാണ്... ഇത്രേം വിവരം ഒള്ള ഒരാളെ അവിടെ ഒന്നും ഇരുത്തിയാൽ പോരാ.. ശമ്പളം മുൻകാല പ്രാബല്യത്തിൽ ഇനിയും കൂട്ടണം.. വാഴക്കുല ബിരുദം

30/12/2022

പ്രകൃതിയിലേക്കുള്ള പാസ്സ്‌വേർഡുകളാണ് മരങ്ങൾ......

✍️ സിന്ധു കോറാട്ട് ✍️............................ 🍀..................................
ചുറ്റിനും ഇടതൂർന്നു വളർന്നു നിൽക്കുന്ന സമർ മരങ്ങൾക്കിടയിലൂടെയാണ് ഞങ്ങൾ അവിടെ എത്തിയത് ഡിസംബർ 17- 2022 ന് പുലർകാലത്ത്. ഒരു രാജ്യം മരങ്ങളെ എത്ര വാത്സല്യത്തോടെയാണ് ഇവിടെ ചേർത്തു പിടിച്ചിരിക്കുന്നത് എന്നോർത്തു പോയി. എമിരേറ്റ്സ് എൻവയോൺമെറ്റൽ ഗ്രൂപ്പിന്റെ വലിയൊരു പ്രൊജക്റ്റിന്റെ ഭാഗമായിട്ടുള്ള "For our Emirate We plant"എന്ന പരിപാടിയുടെ ഭാഗമായിട്ടായിരുന്നു ഞങ്ങൾ അവിടെ എത്തിയത്.മിനിമം
750കിലോ പേപ്പർ ശേഖരിച്ചു കൊടുത്താൽ നമ്മൾ ജോലി ചെയ്യുന്ന സ്ഥാപനത്തിന്റെ പേരിലോ സ്വന്തം പേരിലോ( വ്യക്തികൾക്ക് തൂക്കത്തിൽ ഇളവുണ്ട് )ഒരു മരം നടാം.
ശേഖരിച്ചു കൊടുക്കുന്ന വസ്തുക്കളുടെ തൂക്കം കൂടുന്നതിനനുസരിച്ചു കൂടുതൽ മരങ്ങൾ നടാനുള്ള അനുമതി ലഭിക്കും.കടലാസുകൾ മാത്രമല്ല. പ്രകൃതിയെ നശിപ്പിക്കുന്ന പ്ലാസ്റ്റിക്കും ആധുനിക കാലത്തിന്റെ നിർമ്മിതികൾ ആയ മൊബൈൽ ഫോൺ, ഇലക്ട്രോണിക് ഉപകരണങ്ങൾ മുതലായ ഇ- വേസ്റ്റുകളും, ഗ്ലാസ്‌ ബോട്ടിൽസ് അലൂമിനിയം കാനുകൾ മുതലായവയും ശേഖരിച്ചു നൽകാവുന്നതാണ്.ഒഴിവു ദിനമായിട്ടും ഒരു മടിയും കൂടാതെ വിദ്യാർത്ഥികളും പി ഇ മാഷ് മുജീബും ഞാനും കൂടി അതിരാവിലെ തന്നെ സ്കൂളിൽ നിന്ന് ഒരു ബസ്സിൽ യാത്ര പുറപ്പെട്ടു. റാസൽ ഖൈമയിലെ അൽ മുന എന്ന സ്ഥലത്ത് ആയിരുന്നു പരിപാടി.ഒന്നര മണിക്കൂർ നീണ്ട യാത്രക്ക് ശേഷം ഞങ്ങൾ അവിടെ എത്തിപ്പെട്ടു.ചുറ്റിനും മലനിരകൾ മാത്രമുള്ള മൊബൈൽ ഫോണിന് റേഞ്ച് പോലും ലഭിക്കാത്ത സ്ഥലമായിരുന്നു അത്.
കുട്ടികളും അധ്യാപകരും രക്ഷിതാക്കളുമായി വലിയൊരു ജനക്കൂട്ടം അതിരാവിലെ തന്നെ അവിടെ ഈ മഹത്തായ ലക്ഷ്യം പൂർത്തീകരിക്കാൻ അണിനിരന്നിരുന്നു.
എമിരേറ്റ്സ് എൻവയോൺമെന്റൽ ഗ്രൂപ്പിന്റെ സാരഥി അവരുടെ മഹത്തായ പ്രൊജക്ടിനെ കുറിച്ചു വിവരിച്ചു.റാസൽ ഖൈമ ഗവണ്മെന്റ് എക്സിക്യൂട്ടീവ് കൗൺസിൽ അംഗവും സിവിൽ അവിയേഷൻ ഡിപ്പാർട്ട്മെന്റ് ചെയർമാനുമായ HE- ഷെയ്ഖ് സാലം ബിൻ സുൽത്താൻ ബിൻ സക്കർ അൽ ഖാസിമിയുടെ
സാന്നിധ്യത്തിൽ ആയിരുന്നു ചടങ്ങുകൾ.
ഞങ്ങൾ മരങ്ങൾ നടാനായി കൂട്ടംകൂട്ടമായി മലകളുടെ താഴ്‌വാരങ്ങളിലേക്ക് നടന്നു.
ഞങ്ങളുടെയൊക്കെ കൈയിൽ ഞങ്ങൾ ജോലിചെയ്യുന്ന സ്ഥാപനങ്ങളുടെ പേരുകൾ എഴുതിയ പ്ലക്ക് കാർഡുകൾ ഉണ്ടായിരുന്നു.അവിടെ ഞങ്ങൾ നടേണ്ട സമർ ചെടികൾ ഞങ്ങളെ കാത്തിരിക്കുകയായിരുന്നു.സമർ മരങ്ങൾ ഭൂമിയിൽ നിന്ന് അപ്രത്യക്ഷമായിക്കൊണ്ടിരിക്കുന്ന തേനീച്ചകൾക്ക്(endangered species) കൂടുകൾ ഉണ്ടാക്കാൻ വളരെ അത്യാവശ്യമായ ഒന്നാണ്.മരുഭൂമിയിലെ അത്യുഗ്രൻ ചൂടിനെ അതിജീവിച്ചു പച്ചയായി നിൽക്കാൻ കഴിവുള്ള. സഹനത്തിന്റെ പ്രതീകങ്ങൾ ആണ് സമർ മരങ്ങൾ.അവിടെ മരങ്ങൾ നട്ടുപിടിപ്പിക്കുന്നതിലൂടെ ആ ജീവികൾക്ക് അവരുടെ വാസസ്ഥലം ഉറപ്പിക്കുകയാണ് ചെയ്യുന്നത്. അതിലൂടെ അവയുടെ വംശനാശത്തിൽ നിന്ന് അവയെ രക്ഷിക്കുകയും ഭൂമിയിലെ ജൈവവൈവിധ്യം സംരക്ഷിക്കുന്നതിന്റെ ഭാഗമാകുകയുമാണ് ചെയ്യുന്നത്.
ആരോ കൃത്യമായ അളവിൽ കുളിക്കാൻ തൊട്ടിയിൽ ശേഖരിച്ച ജലം പോലെ തണുപ്പും ചൂടും ഇടകലർന്ന സുഖകരമായ ഒരു കാലാവസ്ഥയായിരുന്നു അന്ന്.
ഞങ്ങൾ നടേണ്ട ചെടികൾ ശേഖരിച്ചു. മുൻകൂട്ടി അവർ തയ്യാറാക്കി വെച്ച കുഴികളിൽ
സ്പോഞ്ച് പോലുള്ള നാച്ചുറൽ ഫർട്ടിലൈസർ നിറച്ചു ഞങ്ങൾക്ക് കിട്ടിയ ചെടികൾ ഞങ്ങളുടെ സ്കൂളിന്റെ പേരിൽ നട്ടു. ഫോട്ടോകൾ എടുത്തു.
നന്നായി വളരട്ടെ! എന്ന് കുട്ടികൾ ചെടികളെ നോക്കി ആശംസിച്ചു.
ക്രെസെന്റ് ഇംഗ്ലീഷ് ഹൈസ്കൂൾ
എന്ന ബോർഡ്‌ മരത്തിന്റെ അരികിൽ സ്ഥാപിച്ചു. വീണ്ടും വരാമെന്ന് അതിനോട് റ്റാറ്റ പറഞ്ഞു.ഞങ്ങൾ എല്ലാവരും കൂടി നട്ട 1750 സമർ ചെടികൾ ആ മലകളുടെ താഴ്‌വാരങ്ങളിൽ കാറ്റിൽ ആടിയുലഞ്ഞു
ഞങ്ങളെ അവിടെ നിന്ന് സന്തോഷത്തോടെ യാത്രയാക്കി.
ഒരു മരം എങ്ങിനെ കാടാവുന്നു ജീവജാലങ്ങൾക്ക് കൂടാവുന്നു എന്ന പ്രകൃതിപാഠം പുസ്തകങ്ങൾ ഇല്ലാതെ നീണ്ട പ്രഭാഷണങ്ങൾ ഇല്ലാതെ ഞങ്ങളുടെ ഓരോരുത്തരുടെയും ഉള്ളിലും നട്ടുപിടിപ്പിക്കുകയായിരുന്നു അവർ.അത് ക്‌ളാസുമുറികളിൽ നിന്ന് മണ്ണിലേക്കുള്ള ഒരു മടക്കം കൂടിയായിരുന്നു ഞങ്ങൾ ഓരോരുത്തർക്കും.ക്രെസെന്റ് ഇംഗ്ലീഷ് സ്കൂൾ പ്രിൻസിപ്പൽ Dr. ഷറഫുദീൻ താനിക്കാട്ടിന്റെ സജീവമായ ഇടപെടലുകളും പ്രോത്സാഹനവും ഈ പ്രോജക്ടിനെ വിജയത്തിലേക്ക് നയിക്കാൻ ഞങ്ങളെ ഏറെ സഹായിച്ചു എന്നത് ഈ അവസരത്തിൽ ഞാൻ നന്ദിയോടെ സ്മരിക്കുന്നു.

18/12/2022

വയനാട് വിജയ ഹയർ സെക്കന്ററി സ്കൂളിലെ അദ്ധ്യാപകന്റെ പോസ്റ്റ്........ . ...... .........//..........................

വിദ്യാർത്ഥികളുടെ അടിപിടി തടയുന്നതിനിടയിൽ ചൂരൽ പ്രയോഗിച്ചതിന്റെ ഭാഗമായി രണ്ട് ദിനങ്ങൾ പോലീസ് സ്റ്റേഷൻ വരാന്തയിലും, പിന്നീട് 15000 രൂപ നഷ്ടപരിഹാരവും നൽകേണ്ടി വന്ന വയനാട് വിജയ ഹയർ സെക്കന്ററി സ്കൂളിലെ അദ്ധ്യാപകന്റെ പോസ്റ്റ്*

തിരിച്ചറിവുകളുടെ രണ്ട് ദിനങ്ങൾ.....
ഇത്രയും വർഷങ്ങൾ കൊണ്ട് നേടാനാവാത്ത തിരിച്ചറിവുകൾ രണ്ട് ദിവസങ്ങൾ കൊണ്ട് സമ്മാനിച്ച വിദ്യാർഥിസമൂഹത്തിനും, രക്ഷിതാക്കൾക്കും, രാഷ്ട്രീയ നേതാക്കൾക്കും നന്ദി... അധികാരങ്ങളും അവകാശങ്ങളും ഇല്ലാത്ത, ഉത്തരവാദിത്തങ്ങൾ മാത്രം പേറേണ്ട കോമാളിവേഷമാണ് അധ്യാപകന്റേത് എന്ന തിരിച്ചറിവ് നൽകിയ രണ്ട്‌ ദിനങ്ങൾ... കുട്ടികൾ തമ്മിൽതല്ലുന്നതു കണ്ടാലും, വഴി തെറ്റി പോകുന്നത് കണ്ടാലും, പഠിച്ചാലും പഠിച്ചില്ലെങ്കിലും, കോപ്പിയടിച്ചാലും, സ്കൂൾ തല്ലിപ്പൊളിച്ചാലും, കഞ്ചാവ് വലിച്ചാലും, കരണംകുത്തി മറിഞ്ഞാലും...,കണ്ണും കാതും അടച്ച് ഒരു ഗൂഢസ്മിതത്തോടെ ശമ്പളം എണ്ണിനോക്കി വീട്ടിൽ പോയാൽ മതി പുതിയ യുഗത്തിലെ അധ്യാപകൻ എന്ന പുതിയ പാഠം പകർന്നു കിട്ടിയ രണ്ട്‌ ദിനങ്ങൾ....
എടുക്കുമ്പോൾ ഒന്നും, തൊടുക്കുമ്പോൾ പത്തും, കൊള്ളുമ്പോൾ നൂറുമാകുന്ന അർജുനന്റെ അസ്ത്രം പോലെ, കുട്ടികൾക്ക് നൽകിയ ശിക്ഷയുടെ എണ്ണവും തീവ്രതയും ഓരോ മണിക്കൂറിലും പെരുകിപ്പെരുകി വരുന്ന സുന്ദരമായ കാഴ്ച്ചയും കണ്ടു.ഉത്തരവാദിത്തങ്ങളുടെ സമ്മർദ്ദവും പ്രതിബദ്ധതയും ഇല്ലാതെ, പുസ്തകം ഛർദിച്ചു വീട്ടിൽ പോകുന്നതിന്റെ സുഖം അനുഭവിക്കാൻ കുറെ വർഷങ്ങളുടെ അധ്യാപന ജീവിതം കൂടി ബാക്കിയുള്ളത് ആശ്വാസം നൽകുന്നു.
ആയതിനാൽ, ഈ ആട് ഇനി ഒരു ഭീകരജീവിയല്ല എന്ന് ചോര കുടിക്കാൻ കാത്തിരിക്കുന്ന സമൂഹത്തോടും എന്റെ പ്രിയപ്പെട്ട വിദ്യാർഥികളോടും ഉറക്കെ ഉറക്കെ പ്രഖ്യാപിക്കുമ്പോൾ ഒരു റിലാക്സേഷൻ ഒക്കെയുണ്ട്..... ശുഭം....

‬: സ്കൂളിലെ കുട്ടികളെ സ്വന്തം മക്കളെപ്പോലെ കരുതി അവരെ നേർവഴിക്കു നടത്താൻ ശ്രമിച്ച ഒരു പാവം പ്രിൻസിപ്പലിനെ കുരുതി കൊടുത്ത കുട്ടികളെ, മാതാപിതാക്കളെ,
ഞങ്ങൾ അദ്ധ്യാപകർക്ക് തെറ്റുപറ്റി !! നിങ്ങളെ സ്വന്തം മക്കളായി കണ്ടത് തെറ്റ്, നിങ്ങളെ തിരുത്താൻ ശ്രമിച്ചതു് അതിലേറെ തെറ്റ്,
ആൺകുട്ടികളും പെൺകുട്ടികളും ക്ലാസ്സിലിരുന്ന് മദ്യപിച്ചതും തെറ്റായ സൗഹൃദങ്ങളിലേക്ക് പോകുന്നതും ശരിയല്ലെന്നു ബോധ്യപ്പെടുത്താനും തിരുത്താനും നടപടിയെടുത്തതു് ബാലാവകാശ മനുഷ്യാവകാശ ലംഘനമാണെന്ന് തിരിച്ചറിയാൻ ഞങ്ങൾ അദ്ധ്യാപകർക്ക് കഴിഞ്ഞില്ല. മാപ്പ്, മക്കളെ മാപ്പ്.
ഒന്നോർത്തോളൂ- ഏഴു തലമുറ രക്ഷപെടാൻ ഈശ്വരനോട് പ്രാർത്ഥിച്ചോളൂ. ഈശ്വരൻ പൊറുക്കട്ടെ


*ഈ സന്ദേശം നല്ലവരായ രക്ഷിതാക്കളിലേക്കെത്തിക്കൂ.... അവര്‍ക്കെങ്കിലും ധർമ്മ ബോധം നില നിൽകട്ടേ.. ഇത്തരം ബുദ്ധിശൂന്യമായ നിയമങ്ങളാണ് ആദ്യം ഉടച്ചു വാർക്കേണ്ടത്*
�👆മറ്റുള്ള പോസ്റ്റ് പോലെ നിസ്സാരമായി തള്ളിക്കളയരുത് വായിക്കണം, കുറച്ചു ?സമയം ഇരുന്നു ചിന്തിക്കണം... കാലത്തിന്റെ പോക്ക്...ഒരു അധ്യാപകന്റെ ഹൃദയം പൊട്ടി ഒഴുകിയ തൂലിക...
കടപ്പാട് ✍️

Media/news company

14/12/2022

മരണത്തിലും ഒരുമിച്ച് ഭാര്യയും ഭർത്താവും ................/
അഷ്‌റഫ്‌ താമരശ്ശേരി എഴുതുന്നു

മരണത്തെക്കുറിച്ചു തന്നെയാണ് ഞാൻ ഇന്നും എഴുതുന്നത്. ഇന്നത്തെയാത്ര അഞ്ച് മൃതദേഹങ്ങളോടൊപ്പമാണ്. അതിലൊന്ന് മലയാളിയും.
അത്യപൂർവ്വമായഭാര്യാഭർതൃസ്നേഹത്തിന്റെ കഥയാണിത്.

അയാള്‍ നാട്ടിലേക്ക് എന്നും വിളിക്കും. ഭാര്യയുമായി ഏറെനേരം ഫോണിൽ സംസാരിക്കും. മക്കളെ വിവാഹം കഴിപ്പിച്ചയച്ചതിനാൽ ഒറ്റപ്പെട്ടുപോയ ഭാര്യക്ക് ഒരു ആശ്വാസത്തിനായാണ് അയാൾ കൂടുതൽ സമയം സംസാരിച്ചിരിക്കാറുള്ളത്.
അകന്നിരിക്കുമ്പോഴും സ്നേഹത്തിന്റെ തീവ്രത അവർ പരസ്പ്പരം അനുഭവിച്ചിരുന്നു.

പെട്ടന്നു തന്നെയാണ് അയാൾ അസുഖബാധിതനായത്. തുടർന്ന് ആശുപത്രിയിൽ പ്രവേശിപ്പിക്കപ്പെടുകയും ചെയ്തു. പക്ഷെ, താൻ രോഗിയായെന്നും ആശുപത്രിയിൽ ആണെന്നുമുള്ള കാര്യങ്ങൾ അയാൾ തന്റെ ബീവിയിൽ നിന്നും മറച്ചുപിടിച്ചു...കാരണം, അവളിതറിഞ്ഞാൽ ഒരുപാട്‌ വിഷമിക്കും. അത് സംഭവിക്കരുത്.അയാൾക്കും അവളെ അത്രക്ക് ഇഷ്ടമായിരുന്നു... സംഭാഷണത്തിനിടയിൽ "എന്റെ ഭാര്യ... എന്റെ ഭാര്യ" എന്ന് എല്ലാവരോടും പറയുമായിരുന്നു...

ആറാംനാൾ നാട്ടിലേക്ക് വിളിച്ചപ്പോൾ സംസാരമദ്ധ്യേ അയാൾ തന്റെ രോഗവിവരങ്ങൾ തുറന്നു പറഞ്ഞു... "എനിക്ക് തീരെ സുഖമില്ല. ഇപ്പോൾ ആശുപത്രിയിൽ ആണ്." വിചാരിച്ചപോലെതന്നെ ഫോണിന്റെ മറുതലക്കൽ ഒരു നിലവിളി... "വിഷമിക്കേണ്ട... വേഗം സുഖപ്പെടും"... അയാൾ ആശ്വസിപ്പിക്കാൻ ശ്രമിച്ചുകൊണ്ടിരുന്നു... ബീവിയുടെ തേങ്ങലോടെ ഫോൺ സംസാരം മുറിഞ്ഞു...

ഏകദേശം ഒരു മണിക്കൂർ... ഒരു സുഹൃത്ത്‌ ആശുപത്രിമുറിയിൽ എത്തി. അയാൾ വല്ലാതെ വിഷമത്തിലായിരുന്നു.

എന്തുപറ്റി? ചോദ്യം അയാളെ വല്ലാതെ പരിഭ്രമത്തിലാക്കി... പറയണോ...? പറയാതിരിക്കണോ...?എന്തായാലും പറഞ്ഞല്ലേ പറ്റൂ...അയാൾ ഉച്ചഭക്ഷണം കഴിച്ചു തീരുംവരെ സുഹൃത്ത്‌ അക്ഷമനായി മുറിയിൽ

അവസാനം പറഞ്ഞു... തന്റെ വീട്ടിൽ നിന്നും എന്നെ വിളിച്ചിരുന്നു. തന്റെ ബീവിക്ക് പെട്ടെന്ന് വയ്യാതായിരിക്കുന്നു...

അയാൾ ഇത്രയേ അപ്പോൾ പറഞ്ഞുള്ളൂ...യഥാർത്ഥത്തിൽ അയാളുടെ ബീവി തന്റെ ഭർത്താവുമായി നടത്തിയ ഫോൺ സംഭാഷണത്തിനൊടുവിൽ തലകറങ്ങി വീഴുകയും ഹൃദയസ്തംഭനം സംഭവിക്കുകയുമായിരുന്നു.
അയാള്‍ വല്ലാതെ അസ്വസ്ഥനായി കിടക്കയിൽ ഇരുന്നു... നിറകണ്ണുകളോടെ പ്രാർത്ഥിച്ച് വീണ്ടും കിടന്നു.

ഒരു പത്തു മിനിട്ട് ആയിക്കാണും. നെഞ്ചിനൊരു വേദന. അയാള്‍ തന്റെ ബീവിയോടൊപ്പം പരലോകത്തേക്ക് യാത്രയായി....

പറഞ്ഞറിയിക്കാനാകാത്ത സ്നേഹനൂലിനാൽ ബന്ധിക്കപ്പെട്ട മനുഷ്യബന്ധങ്ങൾ....

"ഞാൻ മരിച്ചിട്ടേ നിങ്ങൾ മരിക്കാവൂ"... പലപ്പോഴും അവൾ അയാളോട് പറയാറുണ്ടായിരുന്നു.

ദൈവം ആ വാക്കുകൾ നിറവേറ്റിക്കൊടുത്തിരിക്കുന്നു... മരണത്തിലും അവരെ ഒന്നിപ്പിച്ചിരിക്കുന്നു.

അഷ്റഫ് താമരശ്ശേരി

05/10/2022

ഈ വീട്ടിലാണ് ഞാൻ ജനിച്ചത്, ഇവിടെ ആണ് വളർന്നത്, ഇപ്പോൾ ഇവിടെ ആണ് ജീവിക്കുന്നത്.സന്തോഷത്തോടെ പറയട്ടെ ഈ വീട്ടിൽ ഒരു IIM (Indian Institute of Management) Assistant Professor ജനിച്ചിരിക്കുന്നു.

ഈ വീട് മുതൽ IIM Ranchi വരെയുള്ള എന്റെ കഥ പറയണമെന്ന് തോന്നി..... ഈ കഥ ഒരാളുടെയെങ്കിലും സ്വപ്നങ്ങൾക്ക് വളമാകുന്നെങ്കിൽ അതാണ് എന്റെ വിജയം....
ഹയർ സെക്കന്ററിക്ക് തരക്കേടില്ലാത്ത മാർക്കുണ്ടായിരുന്നു..... എന്നാലും എന്റെ ചുറ്റുപ്പാടിന്റെ സമർദ്ദം മൂലം പഠനം നിർത്താമെന്നു കരുതിയതാണ്.... എന്തോ ഭാഗ്യം കൊണ്ട് അതെ സമയം പാണത്തൂർ ടെലി‍ഫോൺ എക്സ്ചേഞ്ചിൽ രാത്രിക്കാല സെക്യൂരിറ്റി ആയി ജോലി കിട്ടി, പകൽ പഠിക്കാനുള്ള സമയവും. അടഞ്ഞെന്നു കരുതിയ വിദ്യാഭ്യാസം അവിടെ വീണ്ടും തുറക്കപ്പെട്ടു.... അത് ചെയ്യണം ഇത് ചെയ്യണം എന്നു അച്ഛനോ അമ്മയോ പറഞ്ഞു തന്നില്ല, പറഞ്ഞു തരാനും ആരുമുണ്ടായിരുന്നില്ല...... ഒഴുക്കിപ്പെട്ട അവസ്ഥ ആയിരുന്നു, പക്ഷെ നീന്തി ഞാൻ തൊട്ട കരകളൊക്കെ സുന്ദരമായിരുന്നു.... St. Pius College എന്നെ വേദികളിൽ സംസാരിക്കാൻ പഠിപ്പിച്ചു, Central University of Kerala കാസർകോടിന് പുറത്തൊരു ലോകമുണ്ടെന്നു പറഞ്ഞു തന്നു. അങ്ങനെയാണ് IIT Madras ന്റെ വല്ല്യ ലോകത്തു എത്തിയത്. പക്ഷെ അതൊരു വിചിത്ര ലോകമായിരുന്നു, ആദ്യമായിട്ട് ആൾക്കൂട്ടത്തിന് നടുക്ക് ഒറ്റയ്ക്കു ആയപോലെ തോന്നിപ്പോയി, ഇവിടെ പിടിച്ചു നിൽക്കാൻ ആകില്ലെന്നു മനസ് പലപ്പോഴും പറഞ്ഞിരുന്നു. മലയാളം മാത്രം സംസാരിച്ചു ശീലിച്ച എനിക്ക് സംസാരിക്കാൻ പോലും ഭയമായിരുന്നു..... ഇതെന്റെ വഴിയല്ല എന്നു തോന്നി PhD പാതിയിൽ ഉപേക്ഷിക്കാൻ തീരുമാനിച്ചു. പക്ഷെ എന്റെ guide (Dr. Subash) ആ തീരുമാനം തെറ്റാണു എന്നു എന്നെ ബോധ്യപെടുത്തി, തോറ്റു പിന്മാറും മുൻപ് ഒന്ന് പോരാടാൻ പറഞ്ഞു. തോറ്റു തുടങ്ങി എന്നു തോന്നിയ എനിക്ക് അന്ന് മുതൽ ജയിക്കണമെന്ന വാശി വന്നു. പാണത്തൂർ എന്ന മലയോര മേഖലയിൽ നിന്നുമാണ് എന്റെ യാത്രകളുടെ തുടക്കം.... വിത്തെറിഞ്ഞാൽ പൊന്നു വിളയുന്ന ആ മണ്ണിൽ വിദ്യ പാകിയാലും നൂറു മേനി കൊയ്യാനാകും എന്നു ഞാനും വിശ്വസിച്ചു തുടങ്ങി.
ഈ കുടിലിൽ (സ്വർഗത്തിൽ) നിന്നും IIM Ranchi യിലെ അസിസ്റ്റന്റ് പ്രൊഫസറിലേക്കുള്ള ദൂരം കഷ്ടപ്പാടിന്റെതായിരുന്നു, എന്റെ സ്വപ്നങ്ങളുടെ ആകെ തുകയായിരുന്നു, ഒരു അച്ഛന്റെയും അമ്മയുടെയും സഹനമായിരുന്നു.
എനിക്ക് നന്നായി അറിയാം ഇതുപോലെ ആയിരക്കണക്കിന് കുടിലുകളിൽ വിടരും മുൻപ് വാടി പോയ ഒരുപ്പാട് സ്വപ്നങ്ങളുടെ കഥ. ഇനി അവയ്ക്ക് പകരം സ്വപ്നസാക്ഷത്ക്കാരത്തിന്റെ കഥകൾ ഉണ്ടാകണം. ഒരുപക്ഷെ തലയ്ക്കു മുകളിൽ ഇടിഞ്ഞു വീഴാറായ ഉത്തരമുണ്ടായിരിക്കാം നാലു ചുറ്റിനും ഇടിഞ്ഞു വീഴാറായ ചുവരുകൾ ഉണ്ടായിരിക്കാം, പക്ഷെ ആകാശത്തോളം സ്വപ്നം കാണുക..... ഒരു നാൾ ആ സ്വപ്നങ്ങളുടെ ചിറകിലേറി നിങ്ങൾക്കും ആ വിജയതീരത്തെത്താം.... ✊️

Ranjith R
Panathur.

03/10/2022

ദുബായ്∙ പ്രമുഖ വ്യവസായിയും അറ്റ്ലസ് ഗ്രൂപ്പ് ചെയർമാനുമായ എം.എം. രാമചന്ദ്രൻ (അറ്റ്ലസ് രാമചന്ദ്രൻ–80) അന്തരിച്ചു. രണ്ടു ദിവസമായി ദുബായിലെ സ്വകാര്യ ആശുപത്രിയിൽ ചികിത്സയിലായിരുന്നു. തൃശൂർ മുല്ലശ്ശേരി മധുക്കര സ്വദേശിയായ അദ്ദേഹം ബാങ്ക് ജീവനക്കാരനായാണ് ഒൗദ്യോഗിക ജീവിതമാരംഭിച്ചത്. ബിസിനസിന്റെ പല മേഖലകളിലേക്ക് വിജയകരമായി പടർന്നു പന്തലിച്ച രാമചന്ദ്രൻ ഗൾഫിലെ പ്രമുഖ മലയാളികളുടെ മുൻനിരയിലേക്ക് താമസിയാതെ ഉയർന്നു. ‘ജനകോടികളുടെ വിശ്വസ്തസ്ഥാപനം ’ എന്ന പരസ്യവാക്യത്തിലൂടെ അദ്ദേഹം നാട്ടിലും പ്രശസ്തി നേടി..
വൈശാലി വസ്തുഹാര സുകൃതം തുടങ്ങിയ സിനിമകൾ നിർമിച്ചു. അറബിക്കഥ ഉൾപ്പെടെ ഏതാനും സിനിമകളിലും അഭിനയിച്ചിട്ടുണ്ട്.

മലയാളികള്‍ക്ക് മറക്കാന്‍ കഴിയാത്ത മുഖമാണ് അറ്റ്ലസ് രാമചന്ദ്രന്‍റേത്. ജനകോടികളുടെ വിശ്വസ്ത സ്ഥാപനം എന്ന പരസ്യ വാചകം കേട്ടിട്ടുള്ള ഒരാള്‍ പോലും ആ മുഖം മറക്കാന്‍ സാധ്യതയില്ല.തൊട്ടതെല്ലാം പൊന്നാക്കിയ സ്വര്‍ണാഭരണ വ്യവസായി എന്ന നിലയില്‍ സുപ്രസിദ്ധനായിരുന്നു എം എം രാമചന്ദ്രന്‍. നല്ല നിലയില്‍ ബിസിനസ് മുന്നോട്ട് പോവുന്നതിനിടയില്‍ സംഭവിച്ച കോടികളുടെ കടബാധ്യത അറ്റ്ലസ് രാമചന്ദ്രനെ വലച്ചിരുന്നു. കടബാധ്യതകളെ തുടര്‍ന്ന് അദ്ദേഹം ജയില്‍ ശിക്ഷയും നേരിടേണ്ടി വന്നിരുന്നു. വിവിധ ബാങ്കുകളില്‍ നിന്നായി എടുത്ത 55 കോടിയിലേറെ ദിര്‍ഹത്തിന്‍റെ വായ്പ തിരിച്ചടയ്ക്കുന്നതില്‍ വീഴ്ച വന്നതിനേത്തുടര്‍ന്ന് 2015 ഓഗസ്റ്റില്‍ അറസ്റ്റിലായിരുന്നു. ദുബായ് കോടതി അറ്റ്ലസ് രാമചന്ദ്രന് മൂന്ന് വര്‍ഷത്തെ തടവ് ശിക്ഷ വിധിച്ചിരുന്നു. ഇതിന് പിന്നാലെ കേന്ദ്രസര്‍ക്കാര്‍ ഉള്‍പ്പെടെ അദ്ദേഹത്തിന്‍റെ മോചനത്തിനായി പരിശ്രമിച്ചിരുന്നു.

കാനറാ ബാങ്ക് ജീവനക്കാരനായാണ് അറ്റ്ലസ് രാമചന്ദ്രന്‍ കരിയര്‍ ആരംഭിച്ചത്.1974 മാര്‍ച്ചിലാണ് അദ്ദേഹം കുവൈത്തിലേക്ക് പോവുന്നത്. കൊമേഴ്സ്യല്‍ ബാങ്ക് ഓഫ് കുവൈത്തിലെ ജോലിക്കിടയിലാണ് ജ്വല്ലറി ബിസിനസിലേക്ക് തിരിഞ്ഞത്. 1981 ഡിസംബറിലാണ് അറ്റ്ലസ് രാമചന്ദ്രന്‍ ആദ്യത്തെ ജ്വല്ലറി തുടങ്ങിയത്. മൂന്ന് പതിറ്റാണ്ടിലേറെ പാരമ്പര്യമുള്ള അറ്റ്ലസ് ജ്വല്ലറി ഗ്രൂപ്പിന് യുഎഇ, കുവൈത്ത്, സൌദി അറേബ്യ എന്നിവിടങ്ങളിലായി 48 ശാഖകള്‍ ഉണ്ടായിരുന്നു.

പ്രവാസികള്‍ക്കിടയിലെ മികച്ച സാംസ്കാരിക പ്രവര്‍ത്തകന്‍ കൂടിയായിരുന്നു അദ്ദേഹം. ഗള്‍ഫ് മേഖലയിലെ നിരവധി കലാ സാംസ്കാരിക പ്രവര്‍ത്തനങ്ങള്‍ക്ക് അദ്ദേഹം മുന്‍നിരയില്‍ പ്രവര്‍ത്തിച്ചു. ഹെല്‍ത്ത് കെയര്‍ രംഗത്തും റിയല്‍ എസ്റ്റേറ്റ് രംഗത്തും അദ്ദേഹം പ്രവര്‍ത്തിച്ചു. അറ്റ്ലസ് ഹെല്‍ത്ത് കെയര്‍ ആശുപത്രി നിരവധി മലയാളികള്‍ക്ക് സഹായകരമായിരുന്നു

ഹെൽത്ത്കെയർ, റിയൽ എസ്റ്റേറ്റ്, ചലച്ചിത്ര നിർമാണ മേഖലകളിലും നിക്ഷേപം നടത്തി.വൈശാലി, വാസ്തുഹാര, ധനം,സുകൃതം, തുടങ്ങിയ ചിത്രങ്ങൾ നിർമിച്ചു. അറബിക്കഥ, മലബാർ വെഡിങ്, 2 ഹരിഹർ നഗർ തുടങ്ങി ഏതാനും സിനിമകളിൽ അഭിനയിച്ചിട്ടുമുണ്ട്. ഭാര്യ : ഇന്ദിര, മക്കൾ: ഡോ.മഞ്ജു, ശ്രീകാന്ത്.

23/10/2021

കാല്‍പ്പാടുകളില്‍ തെളിഞ്ഞ ജീവിതം...
അബു വേങ്ങമണ്ണിൽ

പ്രസാധനം : പേജ് ഇന്ത്യ പബ്ലിഷേഴ്സ്..

ഓരോ ജീവിതവും എഴുതപ്പെടാതെ പോകുന്ന പുസ്തകങ്ങളാണ്. അവയില്‍ ചിലത് രേഖപ്പെടുത്തപ്പെടുന്നതി ന്ന് നിരവധി കാരണങ്ങളുണ്ട്. ആ കാരണങ്ങളില്‍ പലതും വേറിട്ട ജീവിതങ്ങള്‍കൊണ്ട് സമ്പന്നമായിരിക്കും. അത്തരം എഴുതപ്പെട്ട ജീവിത പുസ്തകങ്ങളില്‍ പലതും പില്‍ക്കാല മനുഷ്യ സമൂഹത്തിന്ന് പലതരത്തിലുള്ള പ്രചോദനങ്ങളും നല്‍കിയിട്ടുണ്ട്. പ്രവാസം ഇനിയും വേണ്ട രീതിയില്‍ പകര്‍ത്തപ്പെടാതെ പോയ ഒന്നാണ്. ഒരോ പ്രവാസിയും അനുഭവിച്ചു തീര്‍ത്ത ജീവിതാവസ്ഥകളെ അക്ഷരങ്ങള്‍ക്ക് പകര്‍ത്താന്‍ കഴിഞ്ഞിരുന്നുവെങ്കില്‍ ആ ഉള്ളുരുക്കങ്ങളില്‍ പലതും വായനക്കാരന്റെ നോവായ് പടര്‍ന്നേനെ.
ഒരു ശരാശരി ഗ്രാമീണന്റെ ജീവ സന്ധാരണത്തിന് വേണ്ടിയുള്ള ഊര് ചുറ്റലും അതിന്നിടയിലെ ആശകളും നിരാശകളുമാണ് ഈ പുസ്തകത്തെ വായനാ പ്രിയമാക്കുന്നത്. സൗകര്യങ്ങള്‍ ഒന്നുമില്ലാത്ത കാലത്ത് ആഗ്രഹങ്ങള്‍ക്കൊപ്പം സഞ്ചരിച്ച അബു വേങ്ങമണ്ണില്‍ എന്ന സദാരണക്കാരന് കഞ്ഞി കുടിച്ച് പോകാനുള്ള സാമ്പത്തിക ചുറ്റുപാടൊക്കെ അന്നുണ്ട്. എന്നിട്ടും ഏകനായി ജീവിത്തിന്റെ നട്ടുച്ചയിലേക്ക് നടന്ന കര്‍മ്മ ധീരത അടയാളപ്പെടുത്താതെ പോയാല്‍ അതൊരു നഷ്ടമായരിക്കും. അര നൂറ്റാണ്ട് മുമ്പ് അറബ് നാട്ടിലേക്ക് പടിയിറങ്ങപ്പോയ അദ്ദേഹം തനിക്കൊപ്പം നാടും നാട്ടുകാരും വളരുന്നത് കൂടി അടയാളപ്പെടുത്തുമ്പോള്‍ ഈ പുസ്തകം പ്രാദേശിക ചരിത്രത്തിന്റെ രേഖപ്പെടുത്തല്‍ കൂടിയാവുന്നു.
1980 കളില്‍ പ്രവാസ ജീവിതം ആരംഭിക്കുകയും മുപ്പത്തഞ്ച് വര്‍ഷക്കാലം ഇറാഖ്, കുവൈറ്റ്,സൗദി അറേബ്യ, യു.എ.ഇ എന്നിവിടങ്ങളില്‍ പ്രവാസ ജീവിതം തുടരുകയും ചെയ്ത അബു വേങ്ങമണ്ണില്‍ രണ്ട് യുദ്ധങ്ങളിലാണ് അകപ്പെട്ടത്. മരണ മുഖത്ത് നിന്നും ജീവിത്തിലേക്ക് നടന്നു കയറിയ നിരവധി മുഹൂര്‍ത്തങ്ങള്‍. ജീവിത വഴികളില്‍ പിന്നിട്ട നിരവധി കാര്യങ്ങള്‍, അടുക്കും ചിട്ടയോടും കൂടി ഓര്‍ത്തെടുക്കുകയാണ് ഈ പുസ്തകത്തില്‍. സഞ്ചാര വഴികളില്‍ പതിഞ്ഞ സ്വജീവിതത്തെ, പ്രവാസ ഭൂമികയിലെ ജീവിതാവസ്ഥക ളെ, ഒപ്പം അസൗകര്യങ്ങളുടെ പൊയ്‌പോയ കാലഘട്ടത്തെ ഓര്‍ത്തെടുക്കുകയാണ് എഴുത്തുകാരനല്ല ഞാന്‍, എന്ന മുന്‍കൂര്‍ ജാമ്യത്തോടെ.
ഇത്തരത്തില്‍ മറ്റുള്ളവര്‍ക്ക് പ്രചോദനമാവുന്ന ജീവിതതാനുഭവങ്ങളാണ് കാല്‍പ്പാടുകളില്‍ തെളിഞ്ഞ ജീവിതം എന്ന പുസ്തകം പകര്‍ത്തിവെയ്ക്കുന്നത്. അഭിമാനത്തോടെ ഞങ്ങള്‍ വായനക്കാര്‍ക്ക് മുന്നില്‍ ഈ ജീവചരിത്രം സമര്‍പ്പിക്കുന്നു.

വില.120 രൂപ

പേജ് ഇന്ത്യ പബ്ലിഷേഴ്സ്.9447741931.
[email protected]

അമ്മാർ കിഴുപറമ്പ്.

07/09/2021

[ പൊളിച്ചു കളയാൻ മാത്രം പറ്റുമായിരുന്ന കോഴിക്കോട്ട് ഗുജറാത്തി സ്ട്രീറ്റിലെ നാശോന്മുഖമായ പാണ്ടികശാല ( ഗോഡൗൺ ) നന്നാക്കിയെടുത്ത് വിസ്മയപ്പിക്കുന്ന കലാ പ്രദർശന കേന്ദ്രമാക്കി മാറ്റിയിരിക്കുകയാണ് ബഷീർ ബഡേക്കണ്ടി എന്ന പ്രവാസി വ്യവസായി. ലോകത്തിന്റെ വിവിധ ഭാഗങ്ങളിൽ നിന്നുള്ള പുരാതന സാമഗ്രികൾ എത്തിച്ച് ഗോഡൗണിന് പ്രൗഢിയേകി ഗുദാം ആർട് കഫേ ആക്കി മാറ്റിയത്.

https://youtu.be/Y8AK3വുയപ്സ്ൽ

25/07/2021

: മഹേഷ്‌ നാരായണന്റെ മാലിക് എന്ന സിനിമ വിവാദമാക്കിയത് ആർ. അതിന്റെ പിന്നിലെ ലക്ഷ്യങ്ങൾ എന്തായിരുന്നു. വർഗീയതയും അസത്യങ്ങളും പച്ചയായി പറയുന്ന സിനിമകൾക്ക് നിയമനടപടികൾ ബാധകമല്ലേ? ലാഭം കൊയ്യാൻ ഇത്തരം വർഗീയത വിളമ്പുന്ന സിനിമ സംവിധായകന്റെ ആവിഷ്കാര സ്വാതന്ത്ര്യത്തിന്റെ പേരിൽ രക്ഷപെടാൻ പാടുണ്ടോ
https://youtu.be/Adq1E4jESU4

മഹേഷ്‌ നാരായണന്റെ മാലിക് എന്ന സിനിമ വിവാദമാക്കിയത് ആർ. അതിന്റെ പിന്നിലെ ലക്ഷ്യങ്ങൾ എന്തായിരുന്നു. വർഗീയതയും അ....

03/07/2021

ഒരു കിലോ പുഴുവിന്റെ വില 10 മുതൽ 30 ലക്ഷം വരെ..
ഹിമാലയൻ പാർവ്വത നിരകളിൽ നിന്നും യാർസ ഗുമ്പ പുഴുവിനെ ശേഖരിക്കുന്നത് മുതൽ അന്താരാഷ്ട്ര വിപണിയിൽ എത്തിക്കുന്നത് വരെയുള്ള കഥ.

https://youtu.be/pP2LxSe_ezM

02/07/2021

https://youtu.be/WWZEPmjmdl4
സ്വതന്ത്ര ഇന്ത്യൻ നീതിന്യായ ചരിത്രത്തിൽ തൂക്കികൊല്ലുന്ന ആദ്യത്തെ സ്ത്രീയായി ശബ്നം അലി മാറുമോ. ഉദ്ദേഗം നിറഞ്ഞ അവരുടെ കേസിന്റെ നാൾ വഴികൾ