26/12/2022
Pran yon ti tan pou gade bèl imaj saa nou t genyen!
Yon zanmi Facebook pataje bèl souvni saa - Nwèl 2009 - Palè Nasyonal Dayiti
- Senbòl fyète ak souverènte tout ayisyen
- Senbòl Ayiti Yè: yon limyè espwa ak libète pou nasyon ak pèp ki anba afliksyon esklavaj ak diskriminasyon
- Detwi pandan tranblemanntè 2010 la, Palè a poko rebati!
Konpatriyòt mwen yo, tout kondisyon reyini pou nou dekouraje! Peyi nou an vrèman dezekilibre!
Eske w pa wè lè a rive vre pou nou pran konsyans?
- Ann ini nou pou n chanje direksyon chemen lanmò nou ye laa ak peyi a.
- Pou nou chanje imaj lèd peyi a nan lemond
Ann bay lemond antye yon gwo sipriz!
- Ann fè yon lòt mèvèy
- Ansanm ann kolabore ak Bondye pou n mete peyi a Kanpe ankò paske nou dakò fè 4 pa nou yo nan 2 Kronik 7:14.
- Nou deja rich, se konsyans nou ki pòv. Nou deja nan wout pou nou rezoud pwoblèm konsyans lan.
- Nou pral fè bon swha dirijan nou yo …lidè-CHIC (Capable, honnête, intègre, craignant Dieu) ki pou sèvi nasyon an, jere resous nou yo avek ekselans, fè valè nou, retounen fyète nou epi kondwi nou nan dwati ak pwosperite.
Ayiti demen nou swete a pral reyalize!
- Pa pèdi espwa!
- Menm jan kondisyon peyi a jodia se rezilta move shwa ak desizyon nou yo, enben, Ayiti demen nap priye pou li a pral depann de shwa ak desizyon nou yo jodia menm!
- [ ] Ann deside jodi a pou nou chanje mantalite nou epi vire do bay koripsyon, mefyans, enterè mesken, tout pratik ki pa pote fwi pwogrè ak bon jan devlopman nan peyi a, men ki koze nou pòv pandan nou rich!
- [ ] Ann dakò pou nou chita pale youn ak lòt kòm frè ak sè Ayisyen pou nou pa mouri ansanm kòm yon bann idyo (MLK)
- [ ] Ann shwazi valorize bòn gouvènans ak enterè byennèt komen nou pou n transfòme Ayiti nan yon peyi ranpli ak opòtinite kote pitit gason ak pitit fi nou yo ap grandi nan kè kontan.
Wi, Ayiti demen posib!
Jezi se solisyon an!
Jwaye Nwèl 2022