Rakko’s Days on Earth

Home
Rakko’s Days on Earth

Medical Student👨‍⚕️ Aquarist🐠 Thalassophile🌊 Nemophilist🌲 Environmentalist🌍

23/10/2024

ဟ “ရေလဲစရာမလိုတဲ့ငါးကန်”တဲ့
မိုက်လှချည်လား 🗿🗿

15/09/2024

Antilles Pinktoe Tarantula တွေဟာ အမြင့်နေအမျိုးအစား(Arboreal type)ဖြစ်ပြီးတော့ အခုမှစ မဝေး မယ့် beginnerတွေအတွက်သင့်တော်တဲ့အမျိုးအစားဖြစ်ပါတယ်။ ကျွန်တော်ဒီကောင်(Scientific name-Caribena vesicolor)ကိုရွေးခြယ်ရတဲ့အကြောင်းအရင်းကတော့ ကျွန်တော့်မှာ Terrestrial(ကုန်းနေ)အမျိုးအစားတစ်ကောင်ရှိပြီးသားဖြစ်လို့ အသစ်အဆန်းဖြစ်အောင်Arboreal typeရွေးတာရယ် နောက်ပြီးတော့သူ့ရဲ့အရောင်အသွေးစုံလင်ပြီးလှပတဲ့အသွင်အပြင်ကြောင့်ပဲဖြစ်ပါတယ်။

ငယ်တုန်းမှာ အပြာရင့်ရောင်ရှိပြီးကြီးလာတာနဲ့အမျှ သူ့မျိုးစိတ်နာမည်က”vesicolor”ဆိုတဲ့အတိုင်း အနီ၊ပန်း၊ခရမ်း၊အပြာရင့်အရောင်ပေါင်းစပ်ပြီးအရောင်ထွက်လာမှာဖြစ်လို့တော်တော်လေးလှတာကြောင့်ဖြစ်ပါတယ်။ အရင်ကသူ့ရဲ့ Genus(မျိုးစု)က “Caribena”မဟုတ်ဘဲ “Avicularia”ဖြစ်ပါတယ်။ နောက်မှ Caribenaပြောင်းလဲလိုက်တာဖြစ်ပါတယ်။

Beginnerတွေရွေးခြယ်စရာနောက်ထပ်optionတစ်ခုကတော့ “Avicularia avicularia” (Pinktoe Tarantula)ဖြစ်ပါတယ်။ သူကတော့မဲနက်တဲ့ခန္ဓာကိုယ်ရှိပြီး ခြေထောက်ဘေးတွေမှာ ပန်းရောင်လေးတွေရှိပါတယ်၊ အမှတ်တမဲ့ကြည့်လိုက်ရင် ခြေအိတ်ပန်းရောင်ဝတ်ထားတဲ့ပင့်ကူလေးပေါ့။🤣 သူလည်းသူ့အလှနဲ့သူတမျိုးလှပါတယ်။ အခုကျွန်တော် မဝေး တဲ့ကောင်တွေထက်လည်းဈေးအနည်းငယ်ပိုသက်သာပါတယ်။ ၂မျိုးလုံးကတော့ အမြင့်နေArboreal type ပါပဲ။

08/09/2024

အောက်ပါပုံနှစ်ပုံအနက် ပထမပုံမှာပါတဲ့ လင်းပိုင်လေးတွေဟာ မြန်မာနိုင်ငံမှာပဲ ရိုက်ယူထားတဲ့လင်းပိုင်ပုံလေးတွေဖြစ်ပါတယ်။ အပေါ်မှာတော့ တင်္နဿာရီကမ်းရိုးတန်းမှာ လွတ်လပ်ပျော်ရွှင်စွာရေကူးနေတဲ့ အင်ဒိုပစိဖိတ်ကျောဖို့ပါလင်းပိုင်လေးတွေကို မြင်ရမှာဖြစ်ပြီး အောက်မှာတော့ သေဆုံးပုပ်ပွနေတဲ့ ဧရာဝတီလင်းပိုင်လေးကိုမြင်ရမှာဖြစ်ပါတယ်။

မြန်မာနိုင်ငံကမ်းရိုးတန်းဒေသတွေမှာ လင်းရှူး၊ လင်းပိုင်နဲ့ ဝေလငါးမျိုးစိတ်ပေါင်းများစွာ ကျက်စားလျက်ရှိပြီး သူတို့ဟာ ရေနေနို့တိုက်သတ္တဝါတွေပဲဖြစ်ကြပါတယ်။ မြန်မာနိုင်ငံမှာ သက်မဲ့သယံဇာတတွေဖြစ်တဲ့ ရေနံနဲ့ရွှေငွေကျောက်မျက်ရတနာတွေ နေ့စဉ်နဲ့အမျှ ပြုန်းတီးနေရသလို လင်းပိုင်နဲ့ဝေလငါးတွေလိုမျိုး ရှားပါးတဲ့သက်ရှိသယံဇာတတွေလည်း ပြုန်းတီးနေရပါတယ်။ ဒီလိုအမွေအနှစ်တွေကို ထိန်းသိမ်းဖို့ရန်အတွက် ရန်ကုန်နားက မုတ္တမပင်လယ်ကွေ့မှာ ပင်လယ်နေနို့တိုက်သတ္တဝါတွေကို ထိန်းသိမ်းဖို့ အစွမ်းကုန်ကြိုးစားနေတဲ့ လူငယ်တွေရှိပါတယ်။ကိုဝင့်ထည်တို့အဖွဲ့ဟာ မုတ္တမပင်လယ်ကွေ့ဒေသတွေမှာ ပင်လယ်နေနို့တိုက်သတ္တဝါတွေအကြောင်းကို လေ့လာပြီး ဒေသအခြေပြုထိန်းသိမ်းစောင့်ရှောက်ရေးလုပ်ငန်းတွေ ထဲထဲဝင်ဝင်ဆောင်ရွက်နေကြတာပဲဖြစ်ပါတယ်။

ယခုလာမယ့် ၈ရက်နေ့ (မနက်ဖြန်)တနင်္ဂနွေနေ့ ည၇နာရီခွဲမှာတော့ မြန်မာနိုင်ငံမုတ္တမပင်လယ်ကွေ့က ပင်လယ်နေနို့တိုက်သတ္တဝါတွေဖြစ်တဲ့လင်းရှူး၊ လင်းပိုင်တွေအကြောင်းနဲ့ လင်းရှူး၊ လင်းပိုင်တွေ မပျောက်ကွယ်ဖို့အရေး ရပ်ရွာအခြေပြုထိန်းသိမ်းရေးလုပ်ငန်းတွေမှာ လူငယ်တွေ၊ ဒေသခံတွေနဲ့ ဝိုင်းဝန်းဆောင်ရွက်နေမှု အကြောင်းတွေကို ဆွေးနွေးသွားမှာ ဖြစ်ပါတယ်။ ဆွေးနွေးမယ့်သူကတော့ ခုနကပြောခဲ့တဲ့ IUCN က ကိုဝင့်ထည်ပါ။

ဒီဆွေးနွေးပွဲမှာ “မည်သူမဆို” “အခမဲ့” ဝင်ရောက်နားဆင်ပြီး ဆွေးနွေးလို့ရပါတယ်။ စာရင်းပေးစရာမလိုသလို၊ မေးခွန်းတွေဖြေစရာလည်းမလိုပါဘူး။ စာရင်းပေးရတာမျိုး Register လုပ်ရတာမျိုးဆိုရင် မလုပ်လိုကြတဲ့ လူကြီးတွေအတွက်ရည်ရွယ်ပြီး သက်ကြီးသက်ငယ်မရွေး လွတ်လပ်စွာဝင်ရောက်လေ့လာရစေဖို့အတွက် Zoom linkကိုပို့စ်မှာတွဲရက်ချပေးထားပါတယ်။ အဖွဲ့ဝင်တွေနဲ့ မတွေ့ရ မပြောရတာလည်း ကြာပြီဖြစ်တာမို့ အားလုံးနဲ့အတူတူ လာမယ့် Webinarမှာ ပြန်ဆုံရဖို့ မျှော်လင့်နေပါတယ်။

Join Zoom Meeting
https://zoom.us/j/5687925004?pwd=r4M2LxCFjQE2VhHLlaxwsB0foPztBm.1&omn=97376795383

Meeting ID: 568 792 5004
Passcode: Nsci09

Native Species Conservation & Identification ကပြုလုပ်ပေးထားတဲ့ Eventဖြစ်ပါတယ်။ မည်သူမဆိုအခမဲ့ပါဝင်နိုင်ပြီး ဗဟုသုတလည်းရတာမို့ Joinကြဖို့ဖိတ်ခေါ်ပါတယ်။

Original Post Link - https://www.facebook.com/share/oZCTo6QtN7muu5qN/?mibextid=WC7FNe

28/07/2024

တရုတ်ကဈေးထဲမှာ serဖို့ရောင်းတာပါ :3

လိပ်ပါးနီ(Red-eared Sliders) - ကျူးကျော်မျိုးစိတ်
https://m.facebook.com/story.php?story_fbid=622014326603168&id=100063838191521&mibextid=qC1gEa

04/07/2024

မင်းတို့ရဲ့မင်မင် ဘဲကြည်ချက်ကတော့ ပြောစရာမလိုဘူးထင်ပါတယ်😉
-
-
-
-
-
Videoကတော့ ကျောင်းထဲကဘဲတွေ မြက်စားနေတာပါ။ နွားတွေ၊ ကျွန်တော့်ရဲ့စာဖတ်ပရိတ်သတ်တွေ၊ မမရဲ့မောင်လေးတွေလိုပါပဲ။ ဘာမှသိပ်မကွာပါဘူး။

စာမေးပွဲကာလမို့ ဖင်မကုတ်အားလို့ပျောက်နေတာပါ၊ Contentတွေပြန်တင်တော့မှာမို့ စောင့်မျှော်ပေးကြပါဦး

12/06/2024

ဝက်ဝံကပဲ ေ သ ချင်လို့ရွာထဲဝင်လာတာလား
လူတွေကပဲ နယ်မြေတွေချဲ့ထွင်ပြီး သူတို့နေစရာသစ်တောတွေ အကုန်ခုတ်ပစ်ပြီး သူတို့နေအိမ်ဖြစ်တဲ့ သစ်တောတွေဆီ နယ်ချဲ့လာတာလား?

သတ္တဝါတိုင်းမှာဦးနှောက်ရှိပေမယ့် လူနဲ့တိရစ္ဆာန်ဘာကွာသွားလဲဆိုတော့ “အသိဉာဏ်”ကွာသွားတယ်။ ထမင်းစားတိုင်းလည်းလူမဖြစ်နိုင်ဘူး။

ဝင်လာတယ်ပဲထားဦး၊ သ-တ်ပ-စ်စရာမလိုဘဲမောင်းထုတ်လိုက်ရုံနဲ့ရပါတယ်။ အခုကသူများ(တောရိုင်းတိရစ္ဆာန်တွေ)ရဲ့အိမ်(သစ်တောတွေ)ပေါ်တက်နေပြီး “သူခိုးကလူပြန်ဟစ်”သလိုဖြစ်နေပြီ။ သောက်ကျိုးတွေတော့နည်းကုန်ပြီဟ။

Rakko’s Days on Earth

03/06/2024

သူ့ဟာနဲ့သူတော့ဟုတ်နေတာပဲ၊ ပျော်စရာကြီး

ဂရုလင့် - https://www.facebook.com/share/F7FWaBCEw31sPAQP/?mibextid=K35XfP

စေတနာပါရင် Reportလေးထုသွားပါဦး

30/05/2024

Animal abuse at it’s finest
တိရစ္ဆာန်ညှင်းပန်းမှုဆိုတာ မြန်မာနိုင်ငံမှာပဲရှိတာမဟုတ်ဘူး၊ တခြားနိုင်ငံ(တစ်ကမ္ဘာလုံး)မှာလည်း တစ်ပုံကြီး။

လောကကြီးရဲ့သဘာဝ “ကိုယ်သာရင်ကိုယ်စား”ဆိုတဲ့အတိုင်း အားကြီး၊အသိဉာဏ်ရှိတဲ့လူတွေက တိရစ္ဆာန်တွေကိုအသုံးချပြီး စီးပွါးရှာကြတာပေါ့။ Survival of the fittest ဆိုတာလည်း ဒီလိုနိယာမတစ်ခုပဲပေါ့၊ အသန်မာဆုံး၊အကြမ်းဆုံး၊အကောင်းဆုံးတွေပဲနောက်ဆုံးကျန်ခဲ့တာပဲ။

တိရစ္ဆာန်ဖြစ်နေသ၍တော့ ဒီလောဘကြီးတဲ့လူသားတွေရဲ့ အနိုင်ကျင့်မှုကိုခံရဦးမှာပဲ။

“သူ့သူစီးပွါးလုပ်တာဘာဖြစ်လို့လဲ”ဆိုရင် “ဟုတ်တယ်လေ၊ဘာမှမဖြစ်ဘူးလေ”

တိရစ္ဆာန်တွေ အ စား သက်မဲ့ပစ္စည်းတွေ၊ အသုံးအဆောင်ပစ္စည်းတွေနဲ့ ကစားခိုင်းလည်းအဆင်ပြေတာပဲမဟုတ်လား

ဒါနဲ့ မင်းကဘာဆိုင်လို့စာအရှည်ကြီးရေးနေတာလည်းဆိုရင်…….

လောဘကြီး၊အတ္တကြီးပြီး ောက်ကျင့်မကောင်းတဲ့ လူတွေအကြောင်း ောက်တင်းတုပ်နေတာလေ

ပုံက တYoteမှာရိုက်ထားတာပါ။

25/05/2024

အခုမြင်တွေ့နေရတာဟာ ငါးကန်မဟုတ်ပါဘူး၊ “တိုက်ပိတ်၊အကျဉ်းကျနေတဲ့ငါး၂ကောင်”သာဖြစ်ပါတယ်။

ဖိုက်တာငါး(Betta fish)တွေနဲ့ပတ်သက်ပြီး ငါး/ပစ္စည်းရောင်းသူတွေ ခေတ်အဆက်ဆက် ထည့်လာတဲ့ဂျင်းက “ဒီငါးတွေကနေရာသေးသေးလေးနဲ့လည်းနေနိုင်တယ်၊အလုပ်မရှုပ်ဘူး၊လှလည်းလှတယ်” ဆိုတာပဲ။

အခုမှငါးစမွေးတဲ့သူ ဒါမှမဟုတ် ငါးမွေးချင်တဲ့ကလေးတွေကို ငါးyaungရ၊ငါးကန်ပစ္စည်းyaungရ ပြီးပြီးရောရောင်းပြီး ကန်လိုအပ်ချက်၊နေထိုင်မှုပုံစံသေချာမရှင်းပြဘဲ စီးပွါးတွက်တွက်ပြီးရောင်းတဲ့အုပ်စုက သက်သက်ကိုရှိတာပါ။

ထပ်ပြောပါမယ်၊ဒီလိုကန်သေးသေးလေးတွေ၊ရေသန့်ဘူးဖြတ်ပိုင်းတွေ၊ပုလင်းဖြတ်ပိုင်းတွေဟာ ဒီBetta fishတွေအတွက် နေစရာအိမ်မဟုတ်ပါဘူး။ “အကျဉ်းထောင်”သက်သက်သာဖြစ်ပါတယ်။ Betta fishတွေလည်း တခြားငါးတွေနည်းတူ လွတ်လွတ်လပ်လပ်ရေကူးဖို့ကန်ကျယ်ကျယ်လိုပါတယ်။ အခုလိုပိတ်လှောင်ခံထားရတဲ့အခါ ကြာရင်စိတ်ဖိစီးပြီး၊မှိုစွဲ၊ရောဂါဖြစ်ပြီး အသက်ဆုံးရှုံးနိုင်ပါတယ်။

ဒီလိုရေခွက်သာသာ ရေသန့်ဘူးဖြတ်ပိုင်း၊ပုလင်းတွေဆိုတာအလှပြရုံ ဒါမှမဟုတ် အလှမွေးငါးအရောင်းဆိုင်တွေမှာခဏတာ Displayပြရုံသက်သက်သာသုံးရန်သင့်တော်ပါတယ်။ မွေးဖို့မသင့်တော်ပါ။

“မွေးလို့ရတယ်၊ငါမွေးတာဘယ်လောက်ကြာပြီ၊ဘာမှမဖြစ်ဘူး”ဆိုပြီးလာမန့်မယ့်ကောင်တွေ ၄ပေပတ်လည်အခန်းမှာကိုယ်တိုင်၂ပတ်လောက်နေကြည့်ပြီးမှပြန်လာမန့်ပါ။

ပုံကနာမည်ကြီး လျှပ်စစ်ပစ္စည်းအရောင်းဆိုင်တစ်ခုက Mi Product ကြော်ငြာထားတာတွေ့တာပါ။

🚨အခုမှအလှမွေးငါးစမွေးမယ့်သူတွေ၊ ဘာမှမသိသေးတဲ့သူတွေကိုသိအောင် ယခုပိုစ့်ကိုမျှဝေပေးပြီး နောင်တချိန်အကျဉ်းကျမယ့်ငါးတစ်ကောင်ရဲ့အသက်တစ်ချောင်းကိုကယ်တင်လိုက်ပါ။

တိရစ္ဆာန်မွေးခြင်းကျင့်ဝတ် ဒီမှာဖတ်ပါ။
https://www.facebook.com/100063838191521/posts/784272087044057/?mibextid=hubsqH

တိုက်ငါး(ဖိုက်တာငါး)မွေးနည်း အခြေခံ
https://www.facebook.com/100063838191521/posts/732812608856672/?mibextid=hubsqH

Rakko’s Days on Earth

24/05/2024

နတ်သမီးထောင်ချောက်အပင်ရဲ့ပန်းပွင့်တွေဟာတစ်နှစ်မှာတစ်ကြိမ်ပဲပွင့်ပါတယ်။ကျွန်တော်ကိုယ်တိုင်လည်းပထမဆုံးအကြိမ်မြင်ဖူးခြင်းပါ။

နွေဦးရာသီဖြစ်တဲ့ ဧပြီလကနေ ဇွန်လကုန်အတွင်းမှာပွင့်တတ်ကြပါတယ်။ နတ်သမီးထောင်ချောက်အပင်တွေဟာ Rhizomeလို့ခေါ်တဲ့အမြစ်ကနေ လိင်မဲ့-ပင်ပိုင်းမျိုးပွါးကြသလို၊ အခုလိုအပွင့်တွေကနေလည်း ဝတ်မှုန်ကူးခြင်းအားဖြင့် လိင်ရှိမျိုးပွါးတာမျိုးလည်းရှိပါတယ်။

✨နောက်ထပ်သတင်းကောင်းတစ်ခုကတော့ ကျွန်တော့်ဆီမှာအပင်လိုချင်ပါတယ်ပြောထားတဲ့သူတွေအတွက်ပါ။ နတ်သမီးထောင်ချောက်အပင်ကို အပင်လိုက်ပဲရောင်းကြတာများပြီး မျိုးစေ့နဲ့ရောင်းတာတခါမှမတွေ့ဖူးသေးပါဘူး။ အပင်လိုက်မြန်မာပြည်ပို့ပြန်တော့လည်း လမ်းခရီး၊ကြာချိန်၂ပတ်ကျော်နဲ့တင်လမ်းမှာ ချဉ်ဖက်ဖြစ်သွားနိုင်ချေများပါတယ်။ အဲ့တော့ ဒီပန်းပွင့်ကနေ ကျွန်တော်ကိုယ်တိုင် မျိုးစေ့ထုတ်ဖို့ ကြိုးပမ်းပြီး မျိုးစေ့ကိုမြန်မာပြည်အရောက်လေယာဉ်နဲ့ပို့ပေးပါမယ်။ ကိုယ်တိုင်ပျိုးချင်ရင်လည်းရသလို၊ ကျွန်တော့်အိမ်မှာပျိုးပေးပြီးမှပြန်ယူချင်လည်းရပါတယ်။ (ဒါတွေကတော့ မျိုးစေ့ထုတ်တဲ့အဆင့်အောင်မြင်မှပေါ့နော်)

အခုလောလောဆယ်တော့ တစ်လလောက်စာမေးပွဲတွေနဲ့နပန်းလုံးလိုက်ပါဦးမယ်၊ မျိုးစေ့ထုတ်ယူခြင်း အောင်မြင်ပါစေလို့လည်းဆုတောင်းပေးကြပါဦး🥲

23/05/2024

အစက ဆင်ပစ်မြွေ(Blind snake)ထင်လို့😂ညဘက်ကြီးပလက်ဖောင်းဘေးပြောင်ချောချော၊တရွေ့ရွေ့နဲ့ဆိုတော့

ငယ်ငယ်ထဲကမြို့လည်ကောင်မှာကြီးလာလို့လားမသိဘူး၊ ဒီလောက်ကြီးတဲ့တီကောင်တစ်ခါမှမမြင်ဖူးဘူး။ ဒီထက်နည်းနည်းသေးတဲ့တီကောင်တွေတော့ အရင်ကမြောင်းထဲကGachuaဖမ်းဖို့တူးတုန်းကတွေ့ဖူးသေးတယ်၊ ဒီလောက်ကြီးတာတော့အခုမှမြင်ဖူးတာ။ 😂

ဘေးက တီကောင်အ ေ သကို စ ားနေတဲ့ကောင်တွေကတော့ isopodsတွေဖြစ်ပါတယ်။ မြေကြီးပေါ်ဒါမှမဟုတ်မြေကြီးထဲ ရှိသမျှသက်ရှိ၊သက်မဲ့၊သစ်ရွက်အကြွင်းအကျန်တွေအားလုံးကိုစားသုံးပေးပါတယ်။ ကမ္ဘာမြေရဲ့သန့်ရှင်းရေးသမားတွေဖြစ်ပါတယ်။ အခုလိုအရွယ်အစားကြီးတာမျိုးရှိသလို၊ မီလီမီတာလောက်သာရှိတဲ့အသေးလေးတွေလည်းရှိပါတယ်။

စာကြွင်း - ဆင်ပစ်မြွေကိုက်ရင် မ ေ သနိုင်ပါ
https://m.facebook.com/story.php?story_fbid=648514747286459&id=100063838191521&mibextid=qC1gEa

19/05/2024

စ ား ကြပါဦး 😜 စတာ 😁

Tarantula, Jumping Spiderနဲ့ Channaအတွက် အစာရှင် Mealwormအကောင် ၅၀၀ပါ။

17/05/2024

2024နောက်ဆုံးပေါ် iPad Air(M2)နဲ့Apple Pencil Proပါကင်ဖောက်ခြင်းနဲ့ Reviewပိစိ

ကျွန်တော်ကိုယ်တိုင် Apple Environment ကိုပြောင်းသုံးတာ နှစ်ပိုင်းပဲရှိသေးတာမို့ Reviewအများကြီးတော့မရေးတော့ပါဘူး။ ပိုကျွမ်းကျင်တဲ့သူတွေဆီကနားထောင်ပေါ့။

ကျွန်တော့်ရဲ့ Personalအမြင်ကတော့ ထုံးစံအတိုင်း Appleကသူ့ဆောင်ပုဒ်နဲ့အညီ Simplicityကိုပေးတယ်။ Android နဲ့ Windowsကတော့ ကိုယ်တိုင် Modificationတွေ လုပ်ခွင့်ပေးထားတယ်၊ ပိုပြီးလွတ်လပ်တယ်လို့ခံစားရတယ်။

ဖုန်းအနေနဲ့ဆိုရင်တော့ Android ကနေ iOS ကိုပြောင်းလိုက်တာ ပိုပြီးတော့ရိုးရှင်းသလို၊လွယ်ကူသလိုခံစားရပြီးရွေးရတာတန်တယ်လို့ခံစားရတယ်။
Computerဘက်မှာတော့ Windows Laptopနဲ့Macbookနဲ့ရွေးပါဆိုရင် အခုချိန်ထိတော့ ကျွန်တော်ကWindows ကိုပဲရွေးမိဦးမှာပဲ။

Apple Pencil Proအကြောင်းပြောပါဆိုရင်တော့ အရင်ကတည်းက Drawing Tablet Penသုံးနေတဲ့ကျွန်တော့်အတွက်တော့ Drawing tablet penကိုပဲပိုပြီးpreferဖြစ်သလိုပဲ။ Apple Pencilက physical buttonမပါလို့လားပဲ၊ တစ်ခုခုလိုနေသလိုမျိုးဖြစ်နေတာ။ Shortcut ပိုင်းမှာပို convenient ဖြစ်ပေမယ့် Overallကြည့်ရင် ပေးရတဲ့ဈေးနဲ့ရတဲ့ features တွေကမတန်သလိုပဲ။ ၅သိန်းဝန်းကျင်ပေးရပြီး တစ်မျိုးတည်းသုံးမရတဲ့အပြင် နောက်ထပ် သိန်းဆယ်ချီ iPad ပါလိုက်ပွဲလိုက်ရမယ့်အစား ၅သိန်းမပြည့်တဲ့ဈေးတန်းမှာ တကယ်ကောင်းတဲ့ Drawing tabletတွေပဲဝယ်လိုက်တာက ပိုပြီးတော့တောင်တန်ဦးမယ်။ ဈေးနှုန်းကိုအပြစ်ပြောတာတော့မဟုတ်ပါဘူး၊ AppleကAppleဆိုတော့လည်း…..နားလည်ပါတယ်။

Artistတွေအနေနဲ့ iPad ရှိပြီးသား၊ Pencil upgradeချင်တယ်ရင်ဝယ်လိုက်။ ပုံဆွဲချင်တာ၊ အခုမှiPad ကော Pencilကောဝယ်မှာဆိုရင်တော့ အခြား Drawing tablet optionတွေထဲကရွေးပြီး အများကြီးခြွေတာလို့ရတယ်ဆိုတာလေးတော့အကြံပေးချင်

ဒီလောက်ပါပဲ။

15/05/2024

မေဒိကားတို့ ယူကေတို့မသွားဘဲ အာရှနိုင်ငံမှာပဲနေတော့ Appleကပစ္စည်းအသစ်ထုတ်တိုင်း သူတို့နဲ့ယှဉ်ရင် နေ့တစ်ဝက်လောက် အရင်စောကိုင်ရတာပေါ့။😜😜

May 15မှဆိုင်တွေအကုန်တင်မယ်၊ Preorderတင်ရင် အဲ့နေ့အိမ်အရောက်ရမယ်ဆိုတာ 15ရက်နေ့ မနက်၉နာရီဆိုတာနဲ့ အိမ်အရောက်ရောက်နေတာမျိုး၊ Delivery တိကျချက်ကတော့ မလေးစားဘဲမနေနိုင်ဘူး။🤣 အိပ်ရာမထခင် Messageကဝင်နေပြီ။ သွားရှုပ်လို့တော့မရဘူး။

11/05/2024

ကျောက်ချဉ်(Alum)ကို သလင်းကျောက်(Clear quartz crystal)ကနေ ရတယ်လို့ ဘယ်ကောင် စပြောလိုက်လဲတော့မသိဘူး။

ကျောက်ချဉ်(Alum)ဆိုတာ Potassium aluminum sulfateဆိုတဲ့ဆားတစ်မျိုး။ မင်းတို့ပြောနေတဲ့ သလင်းကျောက်(Clear quartz crystal)ဆိုတဲ့ကျောက်နဲ့ ဘာမှကိုမဆိုင်ဘူး။ အဖြစ်နိုင်ဆုံးကတော့ မတတ်တခေါက် Googleခေါက်တတ်တဲ့ တတ်ယောင်ကား ဘာသာပြန်ကောင်က သလင်းကျောက်ကို Crystalလို့ခေါ်တော့ ကျောက်ချဉ်လုပ်တဲ့နည်းတွေထဲကတစ်ခုဖြစ်တဲ့ Crystallization (ပုံဆောင်ခဲဖြစ်တည်ခြင်း)နည်းနဲ့ ဆားတွေကနေပုံဆောင်ခဲထုတ်တဲ့နည်းကိုဖတ်ပြီး ကျောက်ချဉ်ကိုသလင်းကျောက်ကနေလုပ်ပါတယ်ဆိုပြီး ဆရာတက်လုပ်တာဖြစ်ပါလိမ့်မယ်။ အဲ့တော့ကျန်တဲ့ ဗဟုသုတမကြွယ်တဲ့လူကြီးအရွယ်တွေကအကုန်ဝိုင်းရှဲ၊ community ထဲမှာ knowledge အမှား အသိအမှားကြီးပြန့်ပြီး အကုန်အမှတ်မှားကုန်ရော။

အဆိပ်အတောက်စာပေဆိုတာဒါပဲ။

ဒီpageကမတင်ခင်အရင်ပိုစ့်တစ်ခုတွေ့လိုက်ပါသေးတယ်၊ Follower ၃သိန်းကျော်နဲ့ ဘိုးတော်တင်ထားတာ၊ ဘယ်ကနေကူးလာလဲတော့မသိ အောက်မှာတော့ Crd လုပ်ထားတာပဲ။ ဝင်ရေးမလို့၊ အလုပ်ရှုပ်နေတာနဲ့မရေးလိုက်မိတာ။

10/05/2024

"မင်း ..ဘာလို့ အာသာဖြေတာလဲ .."

ဒေါသထွက်နေတဲ့
မျက်လုံးရဲရဲတောက်နဲ့ စိုက်ကြည့်ပြီး
မေးနေတဲ့ဆရာမရဲ့မေးခွန်းကို
ကျွန်တော်ဘယ်လို ဖြေရမှာလဲ ။

အတန်းဆင်းသွားလို့
ဆရာမရဲ့ ကျူရှင်ခန်းလေးထဲမှာ
ကျွန်တော်တို့နှစ်ယောက်သာ
ရှိတော့သည်။

ဆရာမဆိုသည်မှာလည်း
အသက်ကြီးကြီးမဟုတ်
ကျွန်တော့်ထက်အလွန်ဆုံးကြီးမှ
ငါးနှစ်ခန့်သာဖြစ်မည်။
ဆရာမက...
တော်တော်ငယ်ပါသေးတယ်..
ပြီးတော့ ချောလည်းချောတယ်..

အညာသူပီပီ အသားညိုစိမ့်စိမ့်နှင့်
အတော်ကြည့်ကောင်းသည်။
အရပ်အတန့်အသင့်ရှည်၍
တောင့်သည်။
အသက်ငယ်သော်လည်း..
စကားပြောပြတ်သည်။

အခုလည်း...
ကျွန်တော်အာသာဖြေတာကို
သိသွာသောကြောင့် အလွန်အမင်း
ဒေါသထွက်နေလေသည်။

"မင်းကိုအေးပြီး..စာတော်တဲ့
ကလေးလို့ ထင်ထားတာ..
အခုလုပ်ပုံကိုကြည့်ဦး ..
အာသာဖြေတာ
မှန်လား..မှားလား.. ပြောစမ်း"

ဆရာမအသံမှာ တော်တော်ပင်
မာကျောနေသည်။

ဒေါသထွက်သောစိတ်ကြောင့်
ဖြစ်မည်ထင်သည်။
ခန္ဓာကိုယ်ကလေးမှာလည်း
တဆတ်ဆတ်တုန်နေလေသည်

"မှား ..မှားပါတယ်ဆရာမ"

"ကဲပြောစမ်းပါဦး
ဘာလို့အာသာ ဖြေရတာလဲ"

ကျွန်တော်မဖြေနိုင်ပါ ။
ဘာဖြေရမလဲမသိပါ ။

ဆရာမကျွန်တော့်ကိုကြည့်ပြီး
သက်ပြင်းချလိုက်သည်..။

အမူအရာမှာ စောစောကလောက်
မခက်ထန်တော့ပဲ
ပြေလျော့သွားဟန်တူသည်..။

ကျွန်တော့်ကိုစိုက်ကြည့်ပြီး...

"ဒီတစ်ကြိမ်တော့...
ခွင့်လွှတ်လိုက်မယ် "

ဟူး :::အခုမှရင်ထဲက
အလုံးကြီးကျသွားတော့သည် ။

"ကျေးဇူးတင်ပါတယ်ဆရာမ..
နောက်တစ်ခါဒီလိုအမှားမျိုး
ထပ်မလုပ်တော့ပါဘူးဆရာမ"

ဆရာမက မျက်လုံးရွန်းကြီးများနှင့်
ကျွန်တော့်ကို စိုက်ကြည့်နေသည်..

ထို့နောက်ကျွန်တော့်ပုခုံးကိုကိုင်ပြီး

"ကဲပါ ..မင်းက ကလေးဆိုတော့
တစ်ခါတစ်လေတော့ မှားမှာပေါ့ .."

"ဒါပေမယ့်သေချာတော့မှတ်ထားနော်..
ဝါတာလူးစစ်ပွဲမှာ..စစ်ရှုံးသွားတာ
ဘယ်သူလဲလို့မေးရင်..
နပိုလီယန်လို့ ဖြေရမှာနော် ..
အာသာလို့ ဖြေရမှာမဟုတ်ဘူး"

ဤသည်မှာ...
ကျွန်တော့်သမိုင်းဆရာမလေးမှ
အာသာဘုရင်ကြီးနှင့် နပိုလီယန်ကို
မှားဖြေသောကြောင့် ...
ကျွန်တော့်ကိုဆုံးမနေခြင်း
ဖြစ်ပေသတည်း ... 🙂 🙂 🙂

ရီရလို့ခိုးလာတာ

09/05/2024

စာရေးတာအပြင် လူသိပ်မသိတဲ့ကျွန်တော့်ရဲ့နောက်ဝါသနာတစ်ခုကတော့ ပုံဆွဲတာပါပဲ။

ငါးတွေ၊အပင်တွေ၊သဘာဝအကြောင်းတွေပဲပြောလို့ ခေတ်မမှီတဲ့လူရိုး၊လူအ ကြီးလို့ထင်နေရင်တော့အမှားကြီးမှားသွားမယ်နော်။🙄

အရင်ထဲကကျွန်တော့်ကိုသိတဲ့သူတွေဆိုရင်တော့သိပါလိမ့်မယ်။ ကျွန်တော် အခြားPageတစ်ခုမှာGame streamခဲ့ဖူးတယ်ဆိုတာ။ ဒါပေမယ့်ဆော့တဲ့ဂိမ်းတွေကသာမန်လူတွေဉာဏ်မမှီတဲ့ Apex Legends တို့ CS:GOတို့ PUBG (Mobileမဟုတ်၊Emulatorမဟုတ်တဲ့ Steam PC version)ဆိုတော့ ထုံးစံအတိုင်း လက်၂ချောင်းဂိမ်းတွေလောက်တော့ Viewerမရှိဘူးပေါ့။ ဒါပေမယ့်လည်း ကျွန်တော့်ဝါသနာအရအပျော်Streamတာဖြစ်တဲ့အတွက် ဂရုလည်းမစိုက်ပါဘူး၊ ရှိတဲ့လူနည်းစု community နဲ့ပဲ Party ထောင်ဆော့လိုက်၊ Duoဆော့လိုက်၊ Trioဆော့လိုက်နဲ့ပဲဆော့ဖြစ်ခဲ့တာ။
ကျွန်တော်စstreamတုန်းကဆို အခုလို ပေါက်လို့ပဲစားstreamerတွေ၊ ခေတ်ပျက်နေတဲ့ကြား ကိုယ်ပိုက်ဆံရပြီးရော လောင်းကစားဂိမ်းကြော်ငြာတဲ့ကောင်တွေ ဘယ်ချောင်ရောက်နေလဲမသိ၊ လုံးဝသန့်သန့်ပြန့်ပြန့်communityတစ်ခုပဲ။ အခုများတော့ တခြားစီ။

အဓိကပြောချင်တာကတော့ Techနဲ့လည်းအလှမ်းမဝေးခဲ့ဘူးဆိုတာပါပဲ။ အခုတော့ တနေ့ကထွက်တဲ့ iPad Air နဲ့ Apple Pencil Pro အော်ဒါတင်လိုက်ပြီ။ အဓိကစိိတ်ဝင်စားတာကတော့ Apple Pencil Proပဲ။ ဈေးကွက်ထဲကDrawing tabletsတွေဘက်မှာ Pen Pressure sensitivity/Tilt featureတွေဆိုတာ လွန်ခဲ့တဲ့၅နှစ်လောက်ထဲက နာမည်ကြီးခဲ့တာ၊ အဲ့တာကို ကိုပန်းသီးက အခုမှတရေးထနိုးနေတယ်ဆိုတော့ နဂိုသုံးနေကြ Tablet Penတွေနဲ့ဘာများကွာလို့လဲ။ နောက်ပြီးတော့ iPad နဲ့ပုံဆွဲရတာကော ဘယ်လောက်ကောင်းလို့လဲပေါ့၊ စမ်းကြည့်လိုက်ဦးမယ်။ ပစ္စည်းရောက်တာနဲ့ Short review or unboxing videoလေးတော့တင်ပေးပါမယ်။

ပုံ/
iPadနဲ့Apple Pencil တစ်ခါမှမကိုင်ဖူးသူ 😐

Address

Website

facebook.com

Alerts

Be the first to know and let us send you an email when Rakko’s Days on Earth posts news and promotions. Your email address will not be used for any other purpose, and you can unsubscribe at any time.

Videos

Golden Knee Tarantula Unboxing

အောင်မြင်ပြီးနောက်ပိုင်း ပါကင်ပဲဖောက်တော့တယ် 😎 🌡️အပူချိန်သုညဒီဂရီကြားက ခက်ခက်ခဲခဲရောက်လာတဲ့ကောင်လေး 🕷️ ငါးလောကမှာ အကုန်ဆရာကြီးတွေပဲမို့ ငါးမမွေးတော့ပါ ဘိုင့်👋 နောက်ထပ်လည်း ပါကင်တွေအများကြီးဖောက်ဦးမှာမို့လို့ ကြည့်ချင်ရင်Followထားကြပါဦး၊ မကြည့်ချင်လည်းကြည့်၊ Followထား 😃 #rakko瑞明 #RDOE #tarantula #goldenkneetarantula

Filtration Systems in Aquarium - ငါးကန်ရေသန့်စင်စနစ်မျာ

ငါးကန်ရေသန့်စင်စနစ်(၃)မျိုးကို နားလည်ပြီဆိုတာသေချာရဲ့လား? ငါးကန်အတွက်အရမ်းအရေးပါတဲ့ အကျိုးပြုဘတ်တီးရီးယားတွေပေါက်အောင်ဘယ်လိုလုပ်ကြမလဲဆိုတဲ့မေးခွန်းရဲ့အဖြေကိုသိဖို့ ဗီဒီယိုလေးကိုဆုံးအောင်ကြည့်လိုက်ပါ၊ကိုယ်တိုင်ကြည့်ပြီးသွားရင်တော့ မသိသေးတဲ့သူတွေပါ သိသွားအောင်မျှဝေပေးလိုက်ပါ။ အခုလိုစိတ်ဝင်စားစရာအကြောင်းအရာလေးတွေကိုကြည့်ချင်တယ်ဆိုရင်တော့ကျွန်တော့်PageလေးကိုLike and Followလုပ်သွားဖို့မမေ့နဲ့နော် Rakko’s Days on Earth #rakko瑞明 #RDOE #filter #filtration #aquarium #fish #pet

ငါးမွေးမယ်ဆိုရင်မဖြစ်မနေသိထားရမယ့် နိုက်ထရိုဂျင်သံသရာစက်ဝန်း - Nitrogen Cycle in Aquarium

ငါးမွေးမယ်ဆိုရင်မဖြစ်မနေသိထားရမယ့် နိုက်ထရိုဂျင်သံသရာစက်ဝန်း - Nitrogen Cycle ငါးတကယ်မွေးတတ်တာ သေချာပြီလား? “ငါးလေးလှလို့မနေ့ကမှဝယ်လာတာ၊ဒီနေ့ ေ သွားပြီ” “အခုမှငါးစမွေးချင်လို့ဝယ်လာတာ၊ဘယ်လိုမွေးရမလဲ” “အိမ်ကသား၊သမီးလေး မွေးချင်လို့ဝယ်လာပေးတာ၊ဘယ်လိုဂရုစိုက်ပေးရမလဲ” ဒါတွေကအခုမှငါးစမွေးတဲ့သူတွေကြား အလွန်ရေပန်းစားတဲ့မေးခွန်းတွေပါပဲ။ တကယ်တော့ငါးမွေးတယ်ဆိုတာ ငါးကိုငါးကန်ထဲထည့်လိုက်ရုံနဲ့၊ရေရှိရုံနဲ့မပြီးပါဘူး။ စနစ်ကျကျသေချာမွေးတတ်ဖို့အတွက် ဒီဗီဒီယိုကိုအရင်ကြည့်လိုက်ပါ၊ဘယ်အိမ်မွေးတိရစ္ဆာန်မွေးမွေး မမွေးခင်အရင်လေ့လာပါ၊နားလည်ပြီဆိုမှ မွေးဖို့ဝယ်ပါ၊”အသက်”ဟူသမျှတန်ဖိုးထားတတ်ပါစေ။ အခုပဲ ဗီဒီယိုလေးကို Shareပေးခြင်းဖြင့် နားမလည်သူတွေလက်ထဲ နောက်ထပ်ရောက်မယ့် ငါးလေးတွေရဲ့အသက်ကိုကယ်တင်လိုက်ရအောင်။ ~~~~~~~~~~~~~~~~~~~~~~~~~~~~

How to counter CS Gas/Tear Gas?

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City: