28/12/2021
ក្លិបអ្នកមានជាន់ថ្មី Newcastle កំពុងរៀបផែនការ តាមប្រមាញ់យកកីឡាករមិនសូវបានចូលលេងរបស់ Barca រូបនេះ
ក្លិបសារិកាព្រៃ Newcastle United ត្រូវបានគេរាយការណ៍មកថា គ្រោងដាក់សំណើ១៧លានផោន (២២លានដុល្លារ) តាមប្រមាញ់យកខ្សែការពារកណ្ដាលរបស់ក្រុមអ្នកមានបុណ្យ Barcelona កីឡាករ Samuel Umtiti
រនាំងការពារវ័យ២៨ឆ្នាំ បានស្ថិតនៅក្រៅបញ្ជីរបស់គ្រូថ្មីលោក Xavi ខណៈក្លិបក៏បានត្រៀមបញ្ចេញរូបគេចេញដែរ ដោយសារតែរូបគេ មានប្រាក់ខែខ្ពស់រហូតដល់ទៅ ២២ម៉ឺនផោន (ឬប្រមាណ២៩ម៉ឺនដុល្លារ) ក្នុង១សប្ដាហ៍។
ជាមួយគ្នានេះ ក្លិបអ្នកមានជាន់ថ្មី Newcastle ដែលមានម្ចាស់ជាមហាសេដ្ឋីអារ៉ាប់ មានដំណឹងលេចឭមកថា ជាក្លិបមួយក្នុងចំណោមក្លិបផ្សេងៗទៀត នៅអឺរ៉ុប ដែលចាំបើកទ្វារទទួលយក Umtiti។ ក៏ព្រោះតែ អ្នកចាត់ការក្រុម Newcastle លោក Eddie Howe កំពុងសម្លឹងរកមើលកីឡាករដែលមានបទពិសោធន៍ ដើម្បីមកជួយស្រោចស្រង់ក្រុម ឲ្យចៀសផុតពីតំបន់ត្រូវកាត់ចោលនៅ Premier League ។
សម្រាប់មូលហេតុដែល Newcastle ត្រូវការពង្រឹងតំបន់ការពារនោះ គឺដោយសារតែក្រុមមួយនេះ កំពុងជាប់ឈ្មោះជាក្រុមដែលរបូតគ្រាប់បាល់ច្រើនជាងគេ ក្នុងលីគ។ មិនត្រឹមតែប៉ុណ្ណោះ បើតាមកាសែត The Sun ក្លិប Newcastle ក៏សម្លឹងឃើញខ្សែការពារកំពុងឡើងជើងរបស់ក្រុម Lille កីឡាករ Sven Botman ផងដែរ៕
ក្លិបសារិកាព្រៃ...
