21/08/2021
အားလုံးပဲ မင်္ဂလာပါ။ ဒီနေ့မှာကျွန်တော်က အားလုံးအတွက် အကျိုးရှိစေမယ့် နည်းပြရွေးချယ်နည်း(တစ်နည်း Proကျကျ ကစားကွက်ရွေးချယ်နည်း)ကို ပြောပြပေးသွားမှာဖြစ်ပါတယ်။
ရွှေညီအကိုတို့ ပြိုင်ပွဲTournamentတွေ ၀င်ပြိုင်တဲ့အခါ Online(Matchday)တွေကန်တဲ့ အခါမှာ Ratingတွေ တက်မလာတာ ဆုတွေမရတာ စသဖြင့် ကြုံတွေ့ရတာက အခုကျွန်တော်ပြောပြပေးသွားမယ့် အကြောင်းအရာတွေကို မလေ့လာထားမိလို့လဲ ဖြစ်ကောင်းဖြစ်နိုင်ပါတယ်။
ကျွန်တော်က ဒီနေ့မှာ မြန်မာပြည်မှာရှိတဲ့ PES Mobileကစားသူတွေအတွက် အကျိုးရှိပြီး skillတက်လာစေမယ့် အဓိက သော့ချက်တခုကို ရှင်းပြပေးသွားမှာဖြစ်ပါတယ်။
Containment Area ဆိုတာဘာလဲ? Compactnessဆိုတာဘာလဲ?
ဟုတ်ပီ အဓိပ္ပာယ်တွေကို သိထားပြီပဲ ထားဦးတော့ ဒါတွေကို ဘယ်လိုတွက်ချက်ရမလဲ ဆိုတာကို ကျနော်က အဓိကပြောပြပေးသွားမှာပါ။
Pesမှာညီအကိုတို့ နည်းပြတွေရွေးတဲ့အခါ အများစုက အပေါ်ယံအချက်အလက်တွေဖြစ်တဲ့
Attacking Style( Possession/CounterAttack)
Build up (Short/Long pass)
Attacking Area (wide/center)
Positioning (maintain formation/flexible)
Defensive style (All out def/ Frontline pressure)
စတဲ့အချက်အလက်တွေကိုသာကြည့်ပြီးရွေးချယ်တတ်ကြပါတယ်။ မှားသလားလို့မေးရင်မမှားပါဘူး ခဗျာ။
ဒါပေမယ့် အမှန်တကယ် ကြည့်သင့်တဲ့
Containment Area( wide/ center)
Defensive line(high/medium/low)
Compactness (high/medium/low)
Support Range (High/Medium/Low) စတဲ့
အချက်အလက်တွေကိုတော့ လျစ်လျူရှုထားကြတာများပါတယ်။
ဒီအချက်အလက်တွေကို တွက်ချက်ပြီးနည်းပြကိုရွေးချယ်ကြည့်တဲ့အခါ ပုံမှန်အတိုင်းရွေးချယ်ဖြစ်တဲ့ နည်းပြတွေထက် ပိုမိုကောင်းမွန်တဲ့ နည်းပြ/ကစားကွက်တွေကို ကိုယ်တိုင် ရွေးချယ်နိုင်လာမှာပါ။ ဒါဆိုရင် ဟိုနည်းပြကောင်းတယ်/ဒီနည်းပြမကောင်းဘူးဆိုတဲ့ သူများစကားတွေကို နားမထောင်ဖြစ်တော့ဘဲ မိမိကစားပုံနဲ့ အံ၀င်မယ့်နည်းပြကို ကိုယ်တိုင်က ရွေးချယ်လာနိုင်မှာပါ။ ကျွန်တော်ကလဲ ညီအကိုတို့ကို အဲ့လိုရွေးချယ်တတ်သွားတဲ့အထိ ရှင်းပြပေးသွားမှာဖြစ်ပါတယ်။
ကဲဒါဆိုရင် ကျနော်တို့စလိုက်ကြရအောင်
ပထမဆုံးအနေနဲ့ Containment Areaအကြောင်းကိုပြောချင်ပါတယ်
Containment areaမှာထုံးစံအတိုင်းပဲ (၂မျိူး)ရှိပါတယ်။
Centerနဲ့ Wideပါ။
✅Containment Area Center အားသာချက်များ
(Advantages)
ကိုယ်က ခံစစ်ပိုလုံချင်တယ် ပေးဂိုးမများချင်ဘူးဆိုရင် Containment Area Centerပါတဲ့ နည်းပြက ပိုပြီးသင့်တော်ပါတယ်။ Containment Area Centerနည်းပြတွေက သူ့ရဲ့နောက်တန်းကစားသမားတွေကို ကွင်းရဲ့ အလယ်ကိုစုစည်းစေပြီး နောက်တန်းကို ကျစ်လျစ်မှုရှိစေပါတယ်။ ဒီလိုဆိုရင် ပြိုင်ဘက်က One Two(Pass and move)အကွက်နဲ့ ဂိုးသွင်းမယ့်အန္တရာယ်ကို မာမာထန်ထန်တဲ့တားဆီးပေးနိုင်ပါလိမ့်မယ်။
❌Disadvantages(အားနည်းချက်များ)
အားနည်းချက်ကတော့ ပြိုင်ဘက်က တောင်ပံမှာ နေရာလွတ်တွေပိုရသွားနိုင်ပြီး ဖြတ်တင်ဘောတွေပေးဖို့ အခွင့်အရေးပိုရသွားနိုင်ပါတယ်။ ဒါဆိုရင် ပြိုင်ဘက်က Wing play(တောင်ပံအားသန်)ကောင်းတဲ့ နည်းပြနဲ့ဆိုရင် Containment Area Centerနည်းပြတွေက သတိထားရပါမယ်။
✅Containment Area wide အားသာချက်များ
(Advantages)
Containment Area wideပါတဲ့ နည်းပြ
တွေကတော့ ကိုယ့်ရဲ့ နောက်တန်းကို နေရာယူ ကျဲစေပြီး ပြိုင်ဘက်က Wing play(တောင်ပံအားသန်) နည်းပြအသုံးပြုလာတဲ့အခါမှာ တောင်ပံမှာနေရာလွတ်တွေ မပေးရဘဲ ကိုယ့်ကစားသမားတွေကို ဖြန့်ကျက်ထားပေးနိုင်ပါတယ်။
❌(Disadvantages)အားနည်းချက်များ
Containment Area Wideဖြစ်တဲ့အတွက် နောက်တန်းမှာ နေရာယူကျဲသွားလို့ နေရာလွတ်တွေအကျယ်ကြီးပေးရနိုင်ပါတယ်။ ပြိုင်ဘက်က Skill moveတွေသုံးတာတို့ Pass and moveတွေနဲ့ ကျော်ဖြတ်တာတို့မှာ ကောင်းရင် ကိုယ့်နောက်တန်းက နေရာယူတာ ကျဲတဲ့အတွက် ထိန်းနိုင်ဖို့ ခက်ခဲနိုင်ပါတယ်။ ပြိုင်ဘက်ကစားကွက်က 4312လို တောင်ပံမပါပဲ ကစားလာတဲ့အခါမှာ အခက်အခဲအကြီးကြီး တွေ့သွားနိုင်ပါတယ်။ ဒါကြောင့် 4312အသုံးများတဲ့ ပြိုင်ပွဲ Tournamentတွေ Onlineပွဲတွေမှာ ဆိုရင် Containment Area Centerသာ ပိုပြီးသုံးသင့်ပါတယ်။
🔴Containment Areaအကြောင်းနဲ့ဆက်စပ်နေတာကတော့ Compactness(ကျစ်လျစ်မှု)ပါ။
Compactnessမှာ High / medium / lowဆိုပြီး သုံးမျိုးရှိပါတယ်
Compactness high( 7,8,9,10)
Compactness သည် Containment Areaကို ကြည့်ပြီး ဆုံးဖြတ်ရတာမျိုးပါ။ Compactnessက ကျစ်လျစ်မှုဆိုတဲ့အတိုင်းပဲ ခံစစ်ရဲ့ မာကျောမှုကို အဓိက ကိုယ်စားပြုပါတယ်။
Compactnessမြင့်လေလေ ခံစစ်က ပိုပြီးမာကျောလေလေပါ။ ဒါပေမယ့် Compactnessဟာ တခုတည်း ကြည့်လို့မရဘဲ Containment Areaနဲ့တွဲကြည့်မှသာ ကိုယ်က နည်းပြတွေရဲ့ ခံစစ်ကျစ်လျစ်မှုကို ပိုပြီးတွက်ချက်နိုင်မှာဖြစ်ပါတယ်။
တွက်ချက်နည်း📝
✅Containment Area Centerနည်းပြတွေမှာ Compactness level high ( 7,8,9,10 )ရှိသင့်ပါတယ်။ ကျစ်လျစ်မှုများလို့ အလယ်မှာစုပြီး low blockပိတ် ကာမယ့် နည်းပြနဲ့ ပိုပြီး ပနံသင့်ပါတယ်။
✅Containment Area wideနည်းပြတွေက တကွင်းလုံးနီးပါး လူတွေဖြန့်ကျက်ထားမှာဖြစ်လို့ Compactness medium(4,5,6)နဲ့ အသင့်တော်ဆုံးပါ။ အရမ်းကြီးကျစ်လျစ် နေစရာမလိုတဲ့အတွက် compactnessများရင် ခံစစ်က စနစ်တကျမရှိနိုင်ပါဘူး။ ဒါကြောင့် Containment Area wideဆိုရင် Medium Compactnessနဲ့သာ ပိုပနံသင့်ပါတယ်။
❌(Compactness low (1,2,3)သာ ရှိတဲ့ နည်းပြတွေ
ကတော့ လုံး၀ မသုံးသင့်ဘူးလို့သာ ပြောချင်ပါတယ်။
🔴Defensive Line (High,Medium,Low)
Defensive line High(7,8,9,10) နည်းပြတွေကတော့ တဖက်က ကန်တင်ပြေးနဲ့ဆိုရင် ဂိုးတွေအလှူပေးရနိုင်တဲ့နည်းပြမျိုးတွေပါ။
တိုက်စစ်ကို ပိုကူညီနိုင်ပေမယ့် ခံစစ်မှာအားနည်းသွားနိုင်ပါတယ်။
🔴Defensive Line Medium(4,5,6) နည်းပြတွေကတော့ ခံစစ်တိုက်စစ်မျှတတယ်လို့ ယေဘုယျ ဆိုနိုင်ပါတယ်။
🔴Defensive Line low(1,2,3) နည်းပြတွေကတော့ ခံစစ်ကိုပိုလုံစေပါတယ်။ တိုက်စစ်မှာတော့ အတန်ငယ်အားနည်းသွားနိုင်ပါတယ်။
Support Range (high/medium/low) ကစားသမားနေရာယူမှု
✅Support Rangeသည် Containment Area, Buildup(short/long pass) အပေါ်ကြည့်ပြီး ဆုံးဖြတ်ရတာပါ။
Support Range high(7,8,9,10) နည်းပြတွေကတော့ containment Area wide/ Build up(long pass)တွေနဲ့ပိုသင့်တော်ပါတယ်။
Support Rangeမြင့်လေလေ နေရာယူကျဲလေလေပါ။
✅Support Range medium(4,5,6)နည်းပြတွေကတော့ Containment Area (Center/wide), Buildup (short/long pass) နှစ်မျိုးလုံးနဲ့ လိုက်ပါတယ်။
✅Support Range low(1,2,3)နည်းပြတွေကတော့ Support Rangeနည်းလေလေ နေရာယူ စိပ်လေလေဖြစ်တဲ့အတွက် One twoရိုက်လို့ပိုကောင်းပြီး Containment Area Center, Buildup(short pass)နဲ့သာ သင့်တော်ပါတယ်။
အားလုံးကိုခြုံပြီးပြောရရင်တော့ ဒီအချက်အလက်တွေအကုန်လုံးကို ကြည့်ပြီးမှ နည်းပြတယောက်ကောင်းမကောင်းကို ဆုံးဖြတ်ပေးနိုင်ပါတယ်။
ရွှေညီအကိုတို့အနေနဲ့ Onlineမှာ Ratingတွေ ပိုတက်လာပြီး Tournamentပြိုင်ပွဲတွေမှာ ဆုတွေပိုရပါစေလို့ ပြောရင်း..
