面毛編集室：化妝護膚保養 (2024)

$Vol.175【THE REVIEW】⁣⁣\ Oenir Muted Blusher /因為顏值而入手嘅胭脂☺️ 霧面包裝＋刻字完全直中我心！所以即刻手頭就好多胭脂都忍唔住入咗3隻色～主打控油持久霧面質感、有柔焦毛孔效果❤️粉質細滑，上面...$

23/11/2023

Vol.175【THE REVIEW】⁣⁣\ Oenir Muted Blusher /

因為顏值而入手嘅胭脂☺️ 霧面包裝＋刻字完全直中我心！所以即刻手頭就好多胭脂都忍唔住入咗3隻色～主打控油持久霧面質感、有柔焦毛孔效果❤️

粉質細滑，上面容易blend開、唔會顯毛孔！顯色度偏低，要掃多幾次先會有明顯顏色，swatch上手係來回搽咗5～6次先影得出🙈 但好處係妝感可以融合本身皮膚，效果好自然，新手都唔易出錯👌🏻即刻掃多幾下都唔會好有粉感、好乾，而且係我面上都可以keep到大半日，推久度OK～同步都試緊Mude、Rom&nd等幾個韓牌嘅Blush，雖然佢性價比唔係最高，但使用感同包裝都不錯，大家有鐘意嘅色可以入！  5個調色都好百搭，而我就入手咗以下3隻色👀

𝟬𝟮 𝗦𝗮𝗹𝘁𝘆
暖橙色調🍊 有元氣滿滿嘅sun-kissed感覺！夏天同秋天都好適合～  𝟬𝟯 𝗪𝗶𝘀𝗵
暖調蜜桃色🍑 雖然好多brand都有類似色，但呢個係剛剛好嘅蜜桃，唔會太橙亦唔會太粉，有少女感～超級顯氣息！  𝟬𝟱 𝗣𝗶𝗮
暖調粉紫色🍆 好少有嘅唔係冷調嘅紫色！顯色度比其他低少少，會令皮膚多咗種透明感～蘋果肌有更飽滿、白裡透紅嘅冬日感！ 

𝗠𝗨𝗧𝗘𝗗 𝗕𝗟𝗨𝗦𝗛𝗘𝗥
約HK$99｜共4色｜韓國製 
以上產品均為自購
所有用後感100%由本人角度出發⁣
⁣⁣
layout and text：
 

  #오에니르 #아워글로우   #에어리핏마스카라 #뮤티드블러셔   #색조맛집 #립추천

大家會揀咩色呢？🔥

$Vol.171【THE REVIEW】⁣⁣\ Estée Lauder Double Wear /最近天氣又熱返🥵朝早未返到office已經出哂汗，呢個時候就係測試粉底嘅好時機！Estée Lauder 嘅Double Wear粉底一向都出...$

29/09/2023

Vol.171【THE REVIEW】⁣⁣\ Estée Lauder Double Wear /

最近天氣又熱返🥵朝早未返到office已經出哂汗，呢個時候就係測試粉底嘅好時機！Estée Lauder 嘅Double Wear粉底一向都出名持久控油抗汗，而今次就會連同同系列嘅底霜一齊實測💫

𝗗𝗼𝘂𝗯𝗹𝗲 𝗪𝗲𝗮𝗿 𝗦𝗲𝗰𝗼𝗻𝗱 𝗦𝗸𝗶𝗻 𝗖𝗿𝗲𝗮𝗺 𝗣𝗿𝗶𝗺𝗲𝗿 𝗦𝗣𝗙𝟮𝟬 𝗣𝗔++
HK$440/40ml｜比利時製

今年新推出嘅Double Wear底霜，主打好似second skin嘅啞緻柔霧妝效，可以提亮膚色同時淡化毛孔、細紋！乳霜質地，推開時會feel到清爽保濕感。去黃提亮效果明顯但又好自然，眼底、鼻翼、咀角暗沉都有改善 (圖4)，面頰毛孔都有修飾到30-40%👀似係皮膚上面多咗層透白色嘅filter、白裡透紅感覺，之前再上粉底會覺得底妝更細緻～

雖然係霧面妝感，上面感覺好清爽，但又唔會覺得乾，保濕度對於混合肌／香港嘅春夏秋天都OK～唯一少少缺點就係防曬度數比較低，如果可以高少少就更好了！

【總合評價👐🏻】 
修飾暗沉效果明顯，如果本身唔多瑕疵，日常單用佢再加少少遮瑕都足夠了👌🏻
❤️好：提亮膚色、可以輕微修飾毛孔
💔壞：防曬度數較低

————————— 

𝗗𝗼𝘂𝗯𝗹𝗲 𝗪𝗲𝗮𝗿 𝗦𝘁𝗮𝘆-𝗜𝗻-𝗣𝗹𝗮𝗰𝗲 𝗠𝗮𝗸𝗲𝘂𝗽 𝗦𝗣𝗙𝟭𝟬 𝗣𝗔++
HK$435/30ml｜比利時製

品牌皇牌24小時持久粉底，由1997年推出至今已經經歷咗26年！以往聽過好多關於呢支粉底嘅兩極評價，今次終於有機會親身試用～

質地帶有流動性，推開好滑身、延伸性高，建議分區點上面再盡快推開，因為過一陣好快就會變成「分子結構」狀態！採用原色持妝科技，set好後都無氧化問題。薄薄一層已經有中高遮瑕度，亦可以再build up，一般泛紅、暗沉、淺色痘印都會遮到，我個黑眼圈都遮到50%左右，只差個淚溝位置需要打亮～剛剛上面係絲絨妝感，毛孔位都平滑細緻咗好多！感覺好乾爽亦唔會好厚重，至少比GA感覺薄🙈係會有少少粉感，但個人覺得以咁高遮瑕嚟講妝感都算自然😳唯一係鼻翼位置會有少少乾紋，但可以接受的～

持久度方面真係好好！去到3-4個鐘開始泛油，感覺上出油量比平時少啲！但反而多咗少少光澤感，係奶油肌💕出汗都唔會出現土石流、汗印、白芝麻問題，只會印到極少顏色係紙巾上，去到day end毛孔會明顯返少少，但整體妝感都keep到係7成以上🫡

不過整體感覺唔會好保濕，所以單用就唔太適合乾肌。另外我自己收到嘅係廣口瓶包裝，倒出嚟用有點難控制份量，又會搞到瓶身好污糟🥺建議大家都係配返泵頭方便啲！

【總合評價👐🏻】 
無論係妝感、持久度我都好滿意～非常適合偏油肌係夏天用😎
❤️好：中高／可疊加遮瑕度、平滑毛孔、持久乾爽
💔壞：偏乾位置易顯乾紋、廣口瓶包裝

————————— 

同場加映Pure Color Lipstick上咀效果！，潤身、好滑、顯色度高，間唔中用下少女粉紅都不錯🥰其他試色＋詳細用後感下次再share～

以上產品由提供試用
所有用後感100%由本人角度出發⁣
⁣⁣
layout and text：

#持久防曬粉底

$Vol.165【THE REVIEW】⁣⁣\ media luxe foundation & powder /唔知大家有無用過media呢個日本開架品牌！讀書時期試過佢地嘅粉底感覺都好唔錯🤌🏻 根據日本INTAGE SRI+嘅市場調查（20...$

17/06/2023

Vol.165【THE REVIEW】⁣⁣\ media luxe foundation & powder /

唔知大家有無用過media呢個日本開架品牌！讀書時期試過佢地嘅粉底感覺都好唔錯🤌🏻 根據日本INTAGE SRI+嘅市場調查（2008年3月-2022年2月各年累計銷售量），media重係日本no.1 粉底品牌！不過最近經過見到呢個好iconic嘅藍色品牌出現咗少少改變，原來由上年起media已經悄悄地進化成為media luxe，新系列以純白色簡約設計，質感up😳

今次就收到 .luxe.official_hk 邀請試佢最新推出嘅粉底同蜜粉💫 2款產品都係$100以下，係學生／新手嘅入門之選！

輕透持效粉底液 𝗹𝗶𝗾𝘂𝗶𝗱 𝗳𝗼𝘂𝗻𝗱𝗮𝘁𝗶𝗼𝗻 HK$90/25ml｜日本製｜共3色  新品加入高密度精草油＋皮膜劑，主打防水抗汗、清爽唔黏笠、強效持妝配方！偏水狀流動質地，記得要搖勻先好用喔！延展性高、可以推開好薄，就咁用手都好均勻咁blend開。推開後過一陣就會set，即使唔加蜜粉本身已經清爽！

有中等遮瑕度，可均勻到整體膚色，一般泛紅、暗沈、淺色素印可以遮到5-6成，黑眼圈就大概2-3成（如果加埋corrector會更好！）妝感屬於自然光屬感，有少少修飾毛孔效果，不過如果有乾紋、脫皮位會比較明顯👀

呢排又熱又潮濕，overall全日都貼服，唔會好乾好油、有焗皮膚感覺！而且出油後妝感會更貼，有少少奶油肌效果，同時亦會有微微暗沈，但都係可接受範圍～出汗亦都無土石流情況，持妝效果有驚喜😎 不過係易出油／毛孔大位置會出現少少白芝麻，不過輕輕推開就可以補救到👌🏻  【總合評分👐🏻】 以下評分以5分為滿分！ 保濕度：3（中等保濕感，但唔乾！ 遮瑕度：3.5（日常單用佢+少少眼底提亮就OK👍🏻 持久度：4.5（出油妝更貼但會有少少白芝麻，出汗無土石流！  推薦指數：4 性價比高！妝感唔錯、持久度有驚喜💕 容易控制新手友善，係日常生活快速出門之選，比較適合中性至偏油膚質～  ❤️好：易控制、清爽抗汗、自然光澤感 💔壞：比較顯乾紋、出油毛孔會起白芝麻  —————————

輕透柔光蜜粉 𝗳𝗮𝗰𝗲 𝗽𝗼𝘄𝗱𝗲𝗿 HK$99/14g｜日本製｜共1色  添加「毛孔凹凸遮飾粉體」可以反射光線，修飾細紋同毛孔！採用有彈性嘅篩網設計超加分，無論用粉樸／掃可以均勻地取粉，亦可以就大細力去調節取粉份量💘

粉質細滑，薄薄一層就可以定妝，同時有少少提亮＋修飾毛孔效果，會減低少少光澤感，但唔會變全霧面！重點係完全無變乾，唔會令乾紋變得更明顯👍🏻 雖然唔會為底妝增加好多持久，附送嘅粉樸亦都有啲硬，但好少有開架蜜粉有篩網＋做到呢個半霧面效果🥺 推介大家可以試下，特別係偏乾皮膚～  —————————

以上產品由 .luxe.official_hk 提供試用
所有用後感100%由本人角度出發⁣
⁣⁣
layout and text：

 
#日本製 #日本美妝 #重塑美妝定義
#新品上架 #輕透持效粉底液
#輕透柔光蜜粉
#用後感 #好物分享 #化妝品分享   #清爽不黏 #明亮妝感

$Vol.163【THE REVIEW】⁣⁣\ KARACON Chicolor Monthly /無錯！今個月回歸外圈款👀💖呢款「沙漠棕」係上年年尾推出的，屬於層次比較分明、顯色少少的外圈款！外圈黑啡色配上焦糖啡色內圈，邊線分明，放大...$

11/06/2023

Vol.163【THE REVIEW】⁣⁣\ KARACON Chicolor Monthly /

無錯！今個月回歸外圈款👀💖

呢款「沙漠棕」係上年年尾推出的，屬於層次比較分明、顯色少少的外圈款！外圈黑啡色配上焦糖啡色內圈，邊線分明，放大效果明顯✨而且眼神會比較圓潤、有無辜感🥹

係穿戴感方面同之前嘅月con都差不多～如果前一晚好夜訓（4~5am 大家唔好學🥲）就會乾少少同易會出紅血絲～但基本上由朝早上妝帶到放工時間都無問題！除咗呢款有好多款都好靚的，大家有興趣可以考慮下🫶🏻  ————————— 
𝗗𝗘𝗦𝗘𝗥𝗧 𝗕𝗥𝗢𝗪𝗡 沙漠棕
含水量38%｜著色直徑13.1mm｜台灣製 
🙋🏻以上係深瞳戴上眼嘅效果，因為顏色飽和度唔高，所以淺瞳上效果會有分別喔！  —————————  💬 Karacon係邊到有得買？
其實只要直接係官網落單就可以喇，一般買滿NT$1500就會免運費，而且經常都會有優惠活動！價錢比O牌更親民～ 
以上產品由@innovisiontw 提供無酬試用
所有用後感100%由本人角度出發⁣
⁣⁣
layout and text：
  .asia

 
#隱形眼鏡
#用後感 #好物分享 #化妝品分享

$Vol.161【THE REVIEW】⁣⁣\ mude skinny curling & multi-fixer mascara /韓國新興彩妝品牌mude係由人氣blogger 創立，而Raemi本身嘅妝容就係非常注重根根分明嘅睫毛👀 ...$

28/05/2023

Vol.161【THE REVIEW】⁣⁣\ mude skinny curling & multi-fixer mascara /

韓國新興彩妝品牌mude係由人氣blogger 創立，而Raemi本身嘅妝容就係非常注重根根分明嘅睫毛👀 之前都有些過mude嘅睫毛膏，效果都唔錯！今年mude推出全新幼刷頭嘅睫毛膏，我諗好多人都會覺得興奮💕 今日就同大家分享下我嘅用後感～  💬心急嘅你可以直接睇最後嘅評分！

—————————
 
𝗦𝗞𝗜𝗡𝗡𝗬 𝗖𝗨𝗥𝗟𝗜𝗡𝗚 + 𝗠𝗨𝗟𝗧𝗜-𝗙𝗜𝗫𝗘𝗥 𝗠𝗔𝗦𝗖𝗔𝗥𝗔
HK$90｜共4色｜韓國製

無纖維配方！主打輕盈捲翹＋根根分明效果，再加上有超幼刷頭可以照顧唔同眼型～膏體比較薄身同時亦好快set，搽上眼唔易沾眼皮👍🏻 薄薄一層會有根根分明嘅纖長效果（圖4），之後疊搽效果會愈嚟愈濃（圖3係疊搽2層＋梳理效果），控制得好可以做到一束束效果。但可能我本身睫毛毛流比較亂，好多時都會搽到有顆粒感、某幾條睫毛太粗🥺望落就唔太整齊／好似曱甴腳，呢個情況係01 Black特別明顯！解決方法係上睫毛膏前先用fixer梳順毛流，效果會好少少，不過疊搽太多層都會有顆粒感！建議大家搽個陣快手少少，同埋唔好咁貪心上太多層🙈

因為刷頭夠幼細，搽下眼睫毛係屈機的💖 有心機真係可以逐條慢慢搽，build到自己鍾意嘅長度／濃度！不過！因為佢刷毛比較短，如果你嘅上睫毛係分為好多層，佢有機會會搽出唔平均嘅效果（某幾條睫毛沾唔到膏體所以特別短）所以我覺得幼身刷頭都有好有壞～至於整體持久度係好的😎 基本上全日都會keep住捲翹，係我眼上完全唔會溶，即使甩都只係整極少黑色碎碎，掃走就OK！

成個系列4支分別有1支透黑色嘅fixer，再加上3隻色嘅skinny curling！  𝟬𝟭 𝗖𝗟𝗘𝗔𝗥 𝗕𝗟𝗔𝗖𝗞 𝗙𝗜𝗫𝗘𝗥
半透明的fixer💫 除咗做睫毛打底外，重可以用嚟做眉毛fixer～效果係4支中最自然，顆粒感亦最少，個人最推薦！  𝟬𝟭 𝗕𝗟𝗔𝗖𝗞
效果最sharp嘅實黑色👀 不過唔平均／亂毛效果亦最明顯⋯  𝟬𝟮 𝗕𝗥𝗢𝗪𝗡
比黑色柔和少少，但效果都好sharp嘅啡黑色🐻 市面上好少呢種咁深啡嘅mascara！

𝟬𝟯 𝗘𝗦𝗣𝗥𝗘𝗦𝗦𝗢
帶少少紅tone嘅啡色！比brown更柔和，上眼會有溫柔嘅感覺～
 —————————  【總合評分👐🏻】 薄薄一層效果最靚！但個人麻麻地呢種有顆粒感＋少少亂嘅效果（雞蛋裡挑骨頭🙈）同樣效果有其他更容易控制嘅睫毛膏～官方效果有啲太仙，可能創辦人睫毛天生太靚🥲 睇返其他韓國／台灣blogger上眼效果會更真實！比較適合短睫人士、毛量少嘅人～  以下評分以5分為滿分！ 纖長度：4（薄薄一層就有纖長效果👍🏻 濃密度：3.5（搽多幾層有一束束效果 易用度：3（容易有顆粒感＋效果唔平均⋯  ❤️好：有纖長＋束感效果、唔drop、刷頭幼 💔壞：容易有顆粒感、有時會效果唔平均  ————————— 
以上產品由 .hk 提供無酬試用
所有用後感100%由本人角度出發⁣
⁣⁣
layout and text：

    #슼슼컬링   #睫毛膏   #眉睫打底定型膏 #極細捲翹睫毛膏
#用後感 #好物分享 #化妝品分享

$Vol.153【THE REVIEW】⁣⁣\ KARACON Chicolor Contact Lens /😷 就算病咗都堅持出post的節奏！（鼻音超重）今日介紹係情人節推出嘅新款💕 其中有人氣月con「寂靜米」嘅延伸day co...$

27/03/2023

Vol.153【THE REVIEW】⁣⁣\ KARACON Chicolor Contact Lens /

😷 就算病咗都堅持出post的節奏！（鼻音超重）

今日介紹係情人節推出嘅新款💕 其中有人氣月con「寂靜米」嘅延伸day con「寂靜米」，再加上同為外框款嘅日月con系列「冷淡灰+淡然灰」～就咁睇好似好複雜，但其實係兩款con但再細分為daily同monthly！大家根據習慣揀返相應嘅日數就可以啦👀  呢兩隻色主打自然透明感，外圈係漸變點狀花紋，比一般實色外圈更自然！配上溫柔色調偏圈，眼神更加立體～月con穿戴感同之前差不多，都可以維持到大半日舒適。不過我帶咗day con去日本，感覺比之前嘅乾少少（可能日本天氣較乾加上我真係攰🥲）  —————————  💛𝗱𝗮𝗶𝗹𝘆 : 𝗖𝗔𝗟𝗠 𝗕𝗘𝗜𝗚𝗘 恬靜米
💛𝗺𝗼𝗻𝘁𝗵𝗹𝘆 : 𝗦𝗜𝗟𝗘𝗡𝗧 𝗕𝗘𝗜𝗚𝗘 寂靜米 柔柔嘅金棕色，戴上眼層次感明顯，有少少混日系血感！雖然顏色比較淺，但又會令雙眼有神同事唔太惡，就算淡妝都可以carry到👌🏻   🖤 𝗱𝗮𝗶𝗹𝘆 : 𝗛𝗔𝗭𝗬 𝗚𝗥𝗔𝗬 淡然灰
🖤 𝗺𝗼𝗻𝘁𝗵𝗹𝘆 : 𝗗𝗜𝗠 𝗚𝗥𝗔𝗬 冷淡灰
雖然官方叫灰色，但實物睇會多少少暖調，比較似灰棕色！呢個調色比一般灰色/啡色更融入，係深瞳眼上超自然！有放大感之餘有柔和眼神+層次效果，推介比鐘意自然嘅深瞳朋友💕

🙋🏻以上係深瞳戴上眼嘅效果，因為顏色飽和度唔高，所以淺瞳上效果會有分別喔！  —————————  💬 Karacon係邊到有得買？
其實只要直接係官網落單就可以喇，一般買滿NT$1500就會免運費，而且經常都會有優惠活動！價錢比O牌更親民～ 
以上產品由@innovisiontw 提供無酬試用
所有用後感100%由本人角度出發⁣
⁣⁣
layout and text：
  .asia

 
#隱形眼鏡
#用後感 #好物分享 #化妝品分享

$Vol.147【THE REVIEW】⁣⁣\ KARACON Chic Chic Monthly /上年大半年都戴緊外圈款隱形眼鏡，今年年頭決定試試新野！最近一口氣推出咗唔少新款，今次試用嘅「湛藍灰🐋」同「金沙棕🦮」主打透明感，顏色飽...$

14/01/2023

Vol.147【THE REVIEW】⁣⁣\ KARACON Chic Chic Monthly /

上年大半年都戴緊外圈款隱形眼鏡，今年年頭決定試試新野！最近一口氣推出咗唔少新款，今次試用嘅「湛藍灰🐋」同「金沙棕🦮」主打透明感，顏色飽和度比較低，以漸變外框營造清新空靈感覺！雖然外框唔深色，但都有明顯放大效果，同時眼神亦比較溫柔～

對上次用佢地嘅月con已經係2020年嘅原生瞳系列🙈 （個人覺得day con款更靚）今次上眼覺得舒適度又再進步了！除咗前一晚特別夜訓，基本上戴住6~8個鐘、對電子做野都好少覺得眼乾👀 大部分時間都好舒服，同O牌睇齊了🙌🏻
 —————————  🤎𝗚𝗢𝗟𝗗𝗘𝗡 𝗕𝗥𝗢𝗪𝗡 金沙棕  金棕＋橄欖綠色漸層效果！有放大效果同時唔會令眼神太惡，幾鐘意呢款迷朦嘅空靈感🥺  💙𝗔𝗭𝗨𝗥𝗘 𝗚𝗥𝗔𝗬 湛藍灰
棕啡＋灰藍色漸層效果！對於深瞳效果比想象中更低調、易carry😳 外圍有微微藍色好特別，戴上眼比金沙棕更有神～

🙋🏻以上係深瞳戴上眼嘅效果，因為顏色飽和度唔高，所以淺瞳上效果會有分別喔！  —————————  💬 Karacon係邊到有得買？
其實只要直接係官網落單就可以喇，一般買滿NT$1500就會免運費，而且經常都會有優惠活動！價錢比O牌更親民～ 
以上產品由@innovisiontw 提供無酬試用
所有用後感100%由本人角度出發⁣
⁣⁣
layout and text：
  .asia

 
#隱形眼鏡
#用後感 #好物分享 #化妝品分享

$Vol.145【THE PICK】⁣⁣\ SERENIA Advent Calendar / 遲來的記錄🙈 今年收到嘅第一份聖誕禮物！由年中開始不停地研發自家品牌，以大癲闆娘嘅衝勁，大概已經估到佢地會推出自家Advent Calen...$

07/12/2022

Vol.145【THE PICK】⁣⁣\ SERENIA Advent Calendar /
 遲來的記錄🙈 今年收到嘅第一份聖誕禮物！由年中開始不停地研發自家品牌，以大癲闆娘嘅衝勁，大概已經估到佢地會推出自家Advent Calendar，但絕對估唔到會係今年內完成😳

今次嘅Advent Calendar一共有25份禮物，當中有70%都係未推出嘅新產品！當中全部都唔係試用包，而係玻璃樽嘅旅行裝！所以成盒野都有返一定重量🤡 有齊skincare + bodycare + 香薰，一次過可以試哂佢地嘅皇牌，絕對係誠意之作！

定價係HK$1680/1盒，內容總值大概係HK$3200！為咗唔劇透，產品大概可以分為9類（或者尾2張相可以一試睇哂👀）： ① 面膜15g × 4 ② 安瓶3ml × 4 ③ 精華10ml × 3 ④ 護膚油5ml × 1
⑤ 眼霜 × 1 ⑥ 爽膚水 × 1 ⑦ 香薰/香水類 × 3 ⑧ 身體類10ml × 6 ⑨ 工具 × 2
 目前試咗幾樣產品可以快快同大家分享下🥰  ❤️WARM HUG 療癒淡香水 由店主@smilewithserena 親自調配！係甜甜嘅果香，帶有微微果仁/粟子+雲呢拿味，好有少女嘅感覺🙈  ❤️TWINKLE 童顏鑽光膠原水光針 我係試用針形貨size的～質地好滑好易吸收，連續早晚用幾日膚質感覺有變滑、飽滿！保濕度亦都唔錯，初步覺得幾好用～  ❤️DEWY 極致舒緩抗敏彈性凍膜 質地超流質嘅凍膜，好容易就可以搽勻整塊面～快吸收，敷後皮膚水份、光澤感有提升，但抗敏效果暫時未試到🙈
 更詳細嘅資料、產品介紹可以去到睇～其他產品之後都會再同大家報告✋🏻有興趣入手的話，依定做緊第2輪預購，會係12月中出貨！

以上產品由提供無酬試用
所有用後感100%由本人角度出發⁣
⁣⁣
layout and text：

#用後感 #好物分享 #化妝品分享

$Vol.144【THE REVIEW】⁣⁣\ Long Lash Mascara /對上一次評測mascara已經係1年前🙈上年試韓牌，今年就試日牌！揀咗4款開架睫毛膏，佢地好多時未必係大家嘅first choice（我估好多人都會揀Her...$

28/11/2022

Vol.144【THE REVIEW】⁣⁣\ Long Lash Mascara /

對上一次評測mascara已經係1年前🙈上年試韓牌，今年就試日牌！揀咗4款開架睫毛膏，佢地好多時未必係大家嘅first choice（我估好多人都會揀Heronie Make / MJ / Kate?）但我一直都好好奇佢地好唔好用～咁啱呢排日本開咗關，大家行藥妝店時都可以做個參考❤️

結果同我想象中有啲出入🤔因為4支都持久度都超高，平均比韓牌都難卸，係呢幾年配方有進化嘅感覺🙈 整體嚟講，佢地都可以搽出又長又濃又根根分明嘅效果，但需要嘅技巧就比上年試嘅韓牌多！心急嘅大家可以先睇以下評分，詳細內文請慢用～   【總合評分👐🏻】 纖長度：D-UP = OPERA > EXCEL > LOVE LINER 濃密度：OPERA > EXCEL > LOVE LINER > D-UP 易卸度：LOVE LINER > D-UP > OPERA > EXCEL
☁️個人較鐘意D-UP！  以上4支都可以係、
、、.hk搵到！

＼GIVEAWAY❤️／⠀⁣
根據傳統，每個睫毛膏評比post都會有giveaway🥰今次當然唔例外啦！有別於之前送出我自己最鐘意嘅品牌，今次就想大家可以揀返自己想試的，睇下大家同我嘅用後感有無分別～

⤋今次嘅禮物⤋
➣ D-UP / EXCEL / LOVE LINER / OPERA
以上品牌四選一！名額2個⠀
⠀⁣
⤋參加方法⤋⠀⁣
① Like呢個post ⁣② Follow .magazine⠀⁣
③留言Tag 2位朋友⁣
④留言講低你最想試嘅品牌🙈
⠀⁣
⤋其他條款及細則⤋⠀⁣
➣ 只限香港地區參與⠀⁣
➣ 不接受ig shop/giveaway account/fake ac參與或tag此類account⠀⁣
➣ 產品會以運費到付方式寄出⁣
⠀⁣
截止日期：2022年12月5日

➣ .hk Perfect Extension Mascara for curl
➣ Long and Coloured Lash Mascara LC01 ➣ All Lash Mask Long & Separate ➣ opera_cosmetics mylash Advanced Mascara 
以上產品及禮物均為自購
所有用後感100%由本人角度出發⁣
⁣⁣
layout and text：

  #睫毛膏
#用後感 #好物分享 #化妝品分享

$Vol.141【THE REVIEW】⁣⁣\ Curél Sheet Mask / Curél係日本超人氣開架品牌，主打「潤浸保濕 Ceramide功能成分」姐係同Ceramide有類近功效嘅成分配方（不是Ceramide本人！）促進皮膚自...$

26/10/2022

Vol.141【THE REVIEW】⁣⁣\ Curél Sheet Mask /
 Curél係日本超人氣開架品牌，主打「潤浸保濕 Ceramide功能成分」姐係同Ceramide有類近功效嘅成分配方（不是Ceramide本人！）促進皮膚自我增生Ceramide，從而改善乾燥、乾皮、粗糙等問題～

品牌係2021年9月首次推出片狀面膜，最近係donki見到有折就入手試試！ 
【官方主打10倍Ceramide？】 面膜聲稱有10倍「潤浸保濕Ceramide功能成分」，其實係同系列嘅「水凝保濕乳液」相比，而面膜嘅有效濃度本身就應該比較高，所以「10倍」係無錯，但亦唔係特別勁嘅賣點🙈   不過整體配方都好溫和（全成分共15項）無香料、色素、酒精，敏感肌都可以安心使用👍🏻  【真實用後感！】 不織布質地，相對較厚身、大塊，可以覆蓋到整個額頭，不過眼鼻剪裁偏大，需要調整先可以敷到。不過！佢係鼻心有特別剪口位，係下巴兩側亦特別整咗兩個格仔，可以選擇撕出嚟敷係cover唔到嘅位置，好貼心🤍  精華方面係水感質地，大部分都鎖係紙入面，唔會邊敷邊滴！敷完15分鐘都已經吸收得7788，再按摩就會完全吸哂（但都要過水呀～）過水後有中高保濕度，皮膚表面清爽，眼底紋理有變淺少少🥸 膚質變柔軟、平滑，但對於膚色、毛孔就無特別效果。

保濕效果係幾好，加上使用感係日牌當中都算係偏好的（差不多嘅有MINON！其他好多都偏油笠👐🏻）但都唔特別出眾🥹如果以香港定價同類型選擇實在太多！除非係敏感肌要搵穩陣嘅面膜，唔係都唔需要去試了⋯ 
【總合評分👐🏻】 以下評分以5分為滿分！ 保濕度：4（中高保濕度，無日牌嘅黏笠感～ 貼面度：2.5（剪裁偏大，但特別設計加返少少分！ 效果持久度：3.5（效果大概可以keep 1～2日🧐  推薦指數：3.5 整體不過不失，有保濕度之餘唔會太潤～但效果相對單一，加上同價位太多選擇了，暫時唔會回購⋯🙈

 𝗠𝗢𝗜𝗦𝗧𝗨𝗥𝗘 𝗥𝗘𝗣𝗔𝗜𝗥 𝗦𝗛𝗘𝗘𝗧 𝗠𝗔𝗦𝗞
HK$140 / 27ml × 4｜日本製

以上產品均為自購
所有用後感100%由本人角度出發⁣
⁣⁣
layout and text：

#スキンケア #キュレル  #乾燥性敏感肌 #乾肌 #敏感肌
#用後感 #好物分享 #化妝品分享

$Vol.138【THE TIPS】⁣⁣\ Recent Base Makeup / 踏入10月，生活突然變得超充實！自從搬出嚟住之後，無論係生活、工作上好多野都需要從新適應🤧 所以前兩星期就放縱自己休息！今日就想簡單分享下最近好常化嘅超簡單...$

15/10/2022

Vol.138【THE TIPS】⁣⁣\ Recent Base Makeup /
 踏入10月，生活突然變得超充實！自從搬出嚟住之後，無論係生活、工作上好多野都需要從新適應🤧 所以前兩星期就放縱自己休息！

今日就想簡單分享下最近好常化嘅超簡單底妝，加上最近用嘅產品！只需要3個鐘步驟🙈 熟手的話5分鐘就可以完成！即使係好忙嘅日子，都可以靚靚地見人～  ① 毛孔修飾底霜
毛孔粗大人仕必備！係調色防曬後，基本上大範圍暗沈/膚色不勻都已經被修正！而底霜嘅作用主要就係修飾粗大毛孔，同時亦可以局部減少油光感～

🐚
𝗧𝗜𝗠𝗘𝗟𝗘𝗦𝗦 𝗦𝗠𝗢𝗢𝗧𝗛𝗜𝗡𝗚 𝗣𝗥𝗜𝗠𝗘
HK$345/15ml
Silicon質感底霜，只需要整少量就可以修飾毛孔、減少油光，同時唔會令皮膚變乾！（用量太多反而有機會搓泥）不過本身無特別控油效果，如果天氣濕熱+長期焗係口罩下有機會變成白芝麻，秋冬用就少啲呢個問題！鐘意佢妝感，但如果持妝度再好少少就更好～

② 遮瑕液／遮瑕膏
除非係特別日子，係口罩之下通常都只會局部遮瑕！一般會用到兩個顏色，分別是修正黑眼圈嘅蜜桃色，同埋全面用嘅提亮色。提亮色就可以用嚟修飾淚溝、鼻翼暗沈眉心等位置。

🐚
𝗦𝗘𝗖𝗥𝗘𝗧 𝗖𝗔𝗠𝗢𝗨𝗙𝗟𝗔𝗚𝗘 𝗖𝗢𝗡𝗖𝗘𝗔𝗟𝗘𝗥 𝗗𝗨𝗢 #𝟭𝗰
HK$295/1g × 2｜共12色 雙頭遮瑕筆設計，使用上極方便！一邊係修正色可以全面用，另一面係提亮色，帶有少少閃粉，可以用係眼底、當係少少highlight用。質地偏乾身、有少少kick，容易顯乾紋，需要啲時間推開，建議搽完盡快推開／使用前用好打底！修正色有中等遮瑕度，而提亮色就0遮瑕度，重有機會推走本身已經遮好嘅遮瑕膚🥺個人覺得個concept幾好，帶出街補妝都方便，但內容物就麻麻⋯

③ 蜜粉餅／定妝粉 戴口罩之後定妝變成必需嘅一步！選擇膚色蜜粉可以進一步修飾瑕疵，如果單純想要乾爽嘅底妝，用一般透明定妝粉就可以了～

🐚
𝗔𝗜𝗥𝗕𝗥𝗨𝗦𝗛 𝗙𝗟𝗔𝗪𝗟𝗘𝗦𝗦 𝗙𝗜𝗡𝗜𝗦𝗛 𝗣𝗢𝗪𝗗𝗘𝗥 #𝗳𝗮𝗶𝗿
HK$400/8g｜共2色
紅咗好耐嘅粉餅，我終於試到了🙈粉質好輕好滑，有中等修飾度。上面可以即時加強遮瑕，同時妝感唔會太厚身！修飾毛孔效果幾好，有磨皮嘅感覺。不持妝度一般，無太強嘅控油效果，比較適合中性至偏乾肌～另外有混油肌嘅朋友覺得佢嘅粉感比較重，個人覺得好視乎上妝手法，我一般會係眼底用掃/海綿按壓定妝，其餘就用大蜜粉掃～ （題外話：唔好彩抽中籤王，盒內塊鏡無痴實會一直跌🤧 另外粉餅本身都無鎖實的，所以一邊拎粉會一邊轉圈🙈可能係替裝嘅設計～）

以上產品由品牌提供無酬試用
所有用後感100%由本人角度出發⁣
⁣⁣
layout and text：

#用後感 #好物分享 #化妝品分享

$Vol.133【THE REVIEW】⁣⁣\ Toning Sunscreen /把握夏天嘅尾巴，今年嘅防曬特集出爐啦☀️  近呢將個月有好多品牌都推出咗新防曬，其中特別多嘅就係提亮形防曬底霜！今次試呢4款全部都達到日本最高防曬級別SPF5...$

21/08/2022

Vol.133【THE REVIEW】⁣⁣\ Toning Sunscreen /

把握夏天嘅尾巴，今年嘅防曬特集出爐啦☀️  近呢將個月有好多品牌都推出咗新防曬，其中特別多嘅就係提亮形防曬底霜！今次試呢4款全部都達到日本最高防曬級別SPF50+ PA++++，同樣都有粉色系提亮效果～  以往比較鐘意藍色系調色底霜，可以修正偏黃/暗沈膚色，啱哂夜訓嘅我！但今年試咗用粉色系都覺得好唔錯，除咗有自然提亮之外，重會帶有少粉紅潤感，好適合夏天！有蜜桃肌感覺🍑

4枝當中最鐘意係Ampleur同Bio Heal Boh！前者透薄舒服，有輕微修飾修果（超級自然🙈）後者再爽身啲啲，調色效果明顯啲，最緊要係平啲！詳細用後感就睇內文啦❤️  如果想要多啲修飾/遮瑕效果，可以用膚色防曬喔～推介@littlestardustc！記住就算只用有色防曬都要卸妝呀！
 【總合評分👐🏻】 保濕度：La Roche Posay > Ampleur = Bio Heal Boh > Anessa 提亮度：Bio Heal Boh > La Roche Posay > Ampleur > Anessa 舒適度：Bio Heal Boh = Ampleur > Anessa > La Roche Posay  ➣ 每日高效提亮防曬霜(粉色)
✦ 粉嫩亮膚物理防曬乳 ✦ .hk 維他命美白物理防曬霜 ➣ 全效濾光活膚UV乳液 
以上✦產品由品牌提供試用⁣，其他產品均為自購/朋友借出。⁣
所有用後感100%由本人角度出發⁣⁣⁣
⁣⁣
layout and text：

   
#用後感 #好物分享 #化妝品分享

$Vol.129【THE REVIEW】⁣⁣\ Syrene Skincare /係上個月出席咗Slowood × Syrene嘅品牌發佈活動，好開心有愈嚟愈多天然護膚品牌登陸香港，大家以後又多一個選擇！  ，以「來自大海的禮物」為理念。作為...$

18/07/2022

Vol.129【THE REVIEW】⁣⁣\ Syrene Skincare /

係上個月出席咗Slowood × Syrene嘅品牌發佈活動，好開心有愈嚟愈多天然護膚品牌登陸香港，大家以後又多一個選擇！  ，以「來自大海的禮物」為理念。作為一個海洋有善嘅品牌，Syrene利用咗食品業棄置嘅吞拿魚皮提煉出海洋膠原蛋白，有保濕、抗衰老、提亮功效💫 同時亦可以減少廚餘浪費！而包裝方面就重同@oceanwasteplastic 合作 ，用回收嘅海洋塑膠垃圾製成，成個品牌都同環保有關～  
全系列都不經動物測試，不含防腐劑、SLS，通過皮膚科測試，100%純天然香料，無論係敏感肌/孕媽媽都可以安心使用。今次我就試用咗佢地2大皇牌產品🤍  🌊 Aqua Hydrating Overnight Masque HK$628/100ml｜紐西蘭製｜全成份共20個 以海洋膠原蛋白、黑木蕨萃取物、海藻提萃物同麥蘆卡蜂蜜作為主打成份，聲稱有保濕、緊緻、提亮效果。 
質地係水感凝膠狀，非常容易推開，搽上面時會有涼感！係爽膚水＋精華之後搽薄薄一層就可以完成晚間護膚，好適合懶人🥸 大概等10-15分鐘就會吸收咗一半半，表面會成膜，會會有少少痴痴地，但都可以接受！訓醒過水時都會feel到重有產品係面上（要記得洗乾淨！），過完水之後皮膚有清爽水潤感，有自然透亮效果✨ 保濕度唔算好高，但都可以整晚鎖住水份，起身唔會出哂油咁！不過對於毛孔、細紋、緊緻方面就無太大感覺～比較適合中性至偏油膚質～  除咗睡眠面膜之外，官方話重可以厚敷30-40分鐘當係快速急救，有效即時降紅同保濕！圖入面就係短時間厚敷嘅果，個人覺得提亮效果更加明顯💫 膚色有種好通透嘅感覺！  —————————  🌊 Aqualight Moisture Gel Lotion HK$520/100ml｜紐西蘭製｜全成份共25個 同樣以海洋膠原蛋白、海藻萃取物為主打成份，再配合木糖醇，主要造到保濕、提亮效果！  質地界乎於Gel同Lotion之間，非常水感易推！推開超快吸收，有即時保水、少少柔膚效果，皮膚表面會有自然光澤感。雖然有少少膜感，表面係清爽唔黏笠，唔會加重皮膚負擔，非常適合夏天妝前用～另外都試過用嚟做晚霜都可以keep到全晚👍🏻 不過就唔太feel到有其他特別效果，係一個質地舒服、清爽嘅保濕面霜！所以價錢方面就有啲貴、CP值不太高🙈   包裝方面，泵頭係好方便的！但個人覺得泵一次嘅份量有啲多，可以搽埋落頸等等～  —————————  整個系列有兩點要留意！首先係兩個產品都有比較濃嘅香味，雖然品牌聲稱係100%天然香料，但如果可以淡啲就更好喇～另外可能想配合返品牌形象，配方中有添加色素令產品變成粉藍色🥺 雖然無造成我皮膚敏感，但都係啲不必要嘅成份，對色素在意嘅朋友就要留意返！
 ＼優惠情報／ 由即日起至8月15日，係 .hk 官網用優惠碼「MIMO10」買Syrene系列即享9折！有興趣就去link in bio睇下喇⚡️ 
以上產品由 .hk 提供試用
所有用後感100%由本人角度出發⁣
⁣⁣
layout and text：

   
#用後感 #好物分享 #化妝品分享

$Vol.121 【THE PICK】⁣⁣\ HAAN Daily Essential /記得1年幾前有朋友送過一個好靚嘅消毒噴噴比我，但好可惜用咗幾次就唔見咗🥲連咩牌子都唔記得！大概1年後認識到天然有機專賣店 .organics 就比我搵返...$

06/04/2022

Vol.121 【THE PICK】⁣⁣\ HAAN Daily Essential /

記得1年幾前有朋友送過一個好靚嘅消毒噴噴比我，但好可惜用咗幾次就唔見咗🥲連咩牌子都唔記得！大概1年後認識到天然有機專賣店 .organics 就比我搵返～   係一個非常重視環保嘅西班牙天然純素品牌，更加會將20%利潤捐比發展中國家用作興建水井，希望佢地可以享用到乾淨嘅水源！產品主要有潤手霜、身體乳、牙膏等等⋯ 當中選用咗96%以試嘅天然成份、可回收嘅包裝製造。我最鍾意嘅一點係，佢地嘅包裝非常有質感，而且大部分嘅產品都可以refill～唔洗不停回購浪費包裝！

🤙🏻 𝙃𝘼𝙉𝘿 𝙎𝘼𝙉𝙄𝙏𝙄𝙕𝙀𝙍 HK$62/30ml｜共10款香味｜西班牙製 經德國實驗室認證有效消滅 99.99% 細菌病毒。成份中含有99.5%天然成份，除咗酒精以外，重加入咗天然蘆薈汁，係消毒同時唔會令隻手變乾！重會有淡淡嘅香味！重點係包裝好靚，令消毒呢件事開心咗！推介比乾手/容易甩皮嘅朋友～

🤙🏻 𝙃𝘼𝙉𝘿 𝘾𝙍𝙀𝘼𝙈 𝙘𝙤𝙘𝙤 𝙘𝙤𝙤𝙡𝙚𝙧 HK$98/50ml｜共3款香味｜西班牙製
搽用咗96%天然成分製成，質地厚薄適中，容易推開，吸收後有一定潤感同時唔會太黏笠。Coco Cooler係甜甜地嘅椰奶味，唔會太濃，容易接受嘅香味～

🤙🏻 𝙏𝙊𝙊𝙏𝙃𝙋𝘼𝙎𝙏𝙀 𝙡𝙞𝙛𝙚’𝙨 𝙖 𝙗𝙚𝙖𝙘𝙝 HK$68/55ml｜共3款香味｜西班牙製
採用96%天然原材料製造，配方用咗木醣醇同礦物羥基磷灰石氟化物修補琺瑯質，有效預防蛀牙同敏感牙齒，同時亦有美白作用～質地係比較流質、有少少拉絲。擦嘅時候唔會有太多泡，擦完唔會有好啜嘅感覺，啲牙會係滑滑的～致於美白效果就要試耐啲先知，遲啲再同大家報告！

同場加映 .organics 希慎新店開張🎉 係佢地第4間分店！今次嘅裝修以恐龍洞穴做主題，加上粉色系有種童趣感～最鐘意佢地嘅粉藍色恐龍蛋展示檯，同埋私人度好高嘅化妝專區🦕  另外都要多謝佢地邀請我去新店！當中發生咗一個小插曲，差啲就要係商場暈倒，非常感謝佢地嘅貼心照顧❤️  
以上產品均為 .organics 提供試用
所有用後感100%由本人角度出發⁣
⁣⁣
layout and text：

#用後感 #好物分享 #化妝品分享

$Vol.113 【THE REVIEW】⁣⁣\ Lip Tintsss / 經過呢兩年，相信好多人都已經放棄咗唇膏🥲 但係品牌們仍然未放棄！導致市面上出現咗好多為口罩而設嘅原脫色唇軸，令大家係平淡嘅日子都可以有少少樂趣。呢幾個月就試咗以下幾...$

26/01/2022

Vol.113 【THE REVIEW】⁣⁣
\ Lip Tintsss /
 經過呢兩年，相信好多人都已經放棄咗唇膏🥲 但係品牌們仍然未放棄！導致市面上出現咗好多為口罩而設嘅原脫色唇軸，令大家係平淡嘅日子都可以有少少樂趣。呢幾個月就試咗以下幾支，你地最鐘意邊款？留言同我講喇～ 
💥 𝙁𝙄𝙓𝙄𝙉𝙂 𝙏𝙄𝙉𝙂 𝙢𝙞𝙙𝙣𝙞𝙜𝙝𝙩 𝙢𝙖𝙪𝙫𝙚
HK$120/4g｜全8色｜韓國製
質地厚薄適中，無乜黏笠感，上咀感覺舒服！顏色好平均，初時上咀會有少少光澤感，過2分鐘後會慢慢變霧面。無特別修飾唇紋效果，Set好之後嘅質感都唔會好乾，整體都係貼服。只會因為磨擦而輕微印落口罩，但食野飲水都會有甩色情況，即使有留印都唔會好難卸走。整體效果都幾好，配方係持久度、上咀效果、質地上有一個幾好嘅平衡！不過揸太厚會有起粒、變黏咀，其實薄揸已經好顯色喇～

💥 𝘿𝙀𝙒 𝙏𝙄𝙉𝙏 𝙖𝙘𝙝𝙞𝙢 𝙛𝙞𝙜
HK$99/4g｜全12色｜韓國製
輕身油膜質地，有輕微黏笠感。上咀會有少少潤感，光澤感好強同時飽和度亦好高！薄薄一層已經可以收修到唇紋，厚搽有玻璃咀效果。持久度都幾好，口罩下都會keep到顏色，食野飲水只會印走表面光澤感。會留印但唔會好難卸走，建議上咀時盡快blend開，唔係顏色會容易唔勻均。不過底色有少少螢光感，上咀唔覺，但揀顏色方面要小心！整體都好鐘意，想再入手多幾支！

💥 𝙄𝙉𝙆 𝙈𝙊𝙊𝘿 𝙈𝘼𝙏𝙏𝙀 𝙏𝙄𝙉𝙏. 𝙥𝙚𝙖𝙘𝙝 𝙥𝙪𝙧𝙚𝙚
HK$65/4g｜全8色｜韓國製 厚身膏狀質地，一上咀已經係霧面，有輕微油潤感，唔會黏咀。同樣飽和度好高，blend開嘅漸層感好靚！無修飾唇紋效果，不過效果都好貼服。顏色會隨會磨擦慢慢變淡，但唇紋之間嘅顏色更深，遠睇還好但近睇會突顯唇紋！另外刷頭方面有彎位設計，原意應該係貼住唇嘅輪廓，雖然係貼到但係嘅令膏體拎得唔平均，上咀亦都要就位。整體一般般，可以skip！

💥 𝙄𝙉𝙆 𝙈𝙊𝙊𝘿 𝘿𝙍𝙊𝙋 𝙏𝙄𝙉𝙏 𝙩𝙖𝙣𝙣𝙚𝙙 𝙧𝙚𝙙
HK$65/4g｜全10色｜韓國製
輕薄水感質地，上咀有少少潤感但無黏笠感。薄薄一層已經好飽和顏色好容易blend in，即時唔特登去blend都唔會有強烈邊界感，光澤感比Amuse自然！初初上咀有修飾唇紋效果，但隨著潤感慢慢消失會變成顯唇紋。持久度同Amuse相似，同樣都係無咗光澤感，顏色先慢慢變淡，不過留印效果比較強。整體都唔錯，價錢較平，05呢隻色好靚！

以上產品均為自購
所有用後感100%由本人角度出發⁣

 

#用後感 #好物分享 #化妝品分享

$Vol.113 【THE REVIEW】⁣⁣\ Lip Tintsss / 經過呢兩年，相信好多人都已經放棄咗唇膏🥲 但係品牌們仍然未放棄！導致市面上出現咗好多為口罩而設嘅原脫色唇軸，令大家係平淡嘅日子都可以有少少樂趣。呢幾個月就試咗以下幾...$

15/01/2022

Vol.113 【THE REVIEW】⁣⁣
\ Lip Tintsss /
 經過呢兩年，相信好多人都已經放棄咗唇膏🥲 但係品牌們仍然未放棄！導致市面上出現咗好多為口罩而設嘅原脫色唇軸，令大家係平淡嘅日子都可以有少少樂趣。呢幾個月就試咗以下幾支，你地最鐘意邊款？留言同我講喇～ 
💥 𝘿𝙀𝙒 𝙏𝙄𝙉𝙏 𝙖𝙘𝙝𝙞𝙢 𝙛𝙞𝙜
HK$99/4g｜全12色｜韓國製
輕身油膜質地，有輕微黏笠感。上咀會有少少潤感，光澤感好強同時飽和度亦好高！薄薄一層已經可以收修到唇紋，厚搽有玻璃咀效果。持久度都幾好，口罩下都會keep到顏色，食野飲水只會印走表面光澤感。會留印但唔會好難卸走，建議上咀時盡快blend開，唔係顏色會容易唔勻均。不過底色有少少螢光感，上咀唔覺，但揀顏色方面要小心！整體都好鐘意，想再入手多幾支！

💥 𝙁𝙄𝙓𝙄𝙉𝙂 𝙏𝙄𝙉𝙂 𝙢𝙞𝙙𝙣𝙞𝙜𝙝𝙩 𝙢𝙖𝙪𝙫𝙚
HK$120/4g｜全8色｜韓國製
質地厚薄適中，無乜黏笠感，上咀感覺舒服！顏色好平均，初時上咀會有少少光澤感，過2分鐘後會慢慢變霧面。無特別修飾唇紋效果，Set好之後嘅質感都唔會好乾，整體都係貼服。只會因為磨擦而輕微印落口罩，但食野飲水都會有甩色情況，即使有留印都唔會好難卸走。整體效果都幾好，配方係持久度、上咀效果、質地上有一個幾好嘅平衡！不過揸太厚會有起粒、變黏咀，其實薄揸已經好顯色喇～
 💥 𝙄𝙉𝙆 𝙈𝙊𝙊𝘿 𝘿𝙍𝙊𝙋 𝙏𝙄𝙉𝙏 𝙩𝙖𝙣𝙣𝙚𝙙 𝙧𝙚𝙙
HK$65/4g｜全10色｜韓國製
輕薄水感質地，上咀有少少潤感但無黏笠感。薄薄一層已經好飽和顏色好容易blend in，即時唔特登去blend都唔會有強烈邊界感，光澤感比Amuse自然！初初上咀有修飾唇紋效果，但隨著潤感慢慢消失會變成顯唇紋。持久度同Amuse相似，同樣都係無咗光澤感，顏色先慢慢變淡，不過留印效果比較強。整體都唔錯，價錢較平，05呢隻色好靚！ 
💥 𝙄𝙉𝙆 𝙈𝙊𝙊𝘿 𝙈𝘼𝙏𝙏𝙀 𝙏𝙄𝙉𝙏. 𝙥𝙚𝙖𝙘𝙝 𝙥𝙪𝙧𝙚𝙚
HK$65/4g｜全8色｜韓國製 厚身膏狀質地，一上咀已經係霧面，有輕微油潤感，唔會黏咀。同樣飽和度好高，blend開嘅漸層感好靚！無修飾唇紋效果，不過效果都好貼服。顏色會隨會磨擦慢慢變淡，但唇紋之間嘅顏色更深，遠睇還好但近睇會突顯唇紋！另外刷頭方面有彎位設計，原意應該係貼住唇嘅輪廓，雖然係貼到但係嘅令膏體拎得唔平均，上咀亦都要就位。整體一般般，可以skip！

以上產品均為自購
所有用後感100%由本人角度出發⁣

 

#用後感 #好物分享 #化妝品分享

$Vol.112【THE REVIEW】⁣⁣\ Intensive Mask Treatment /自從大學時期爛面之後，用面膜嘅頻率變少咗好多。正正因為咁，我學識咗與其每個月敷兩盒面膜，不如用兩盒面膜啲嘅價錢變成兩片真正幫到皮膚嘅面膜！所以...$

09/01/2022

Vol.112【THE REVIEW】⁣⁣
\ Intensive Mask Treatment /

自從大學時期爛面之後，用面膜嘅頻率變少咗好多。正正因為咁，我學識咗與其每個月敷兩盒面膜，不如用兩盒面膜啲嘅價錢變成兩片真正幫到皮膚嘅面膜！所以呢幾年都比較少買開架面膜，反而轉向一啲比較貴嘅醫學品牌，重質不重量～

其實面膜只係一個營養補充品，係皮膚出現問題、缺水情況下做救急。而其餘時間都應該只日常護膚為主。如果日常啲護膚情序唔足以維持皮膚健康，要留意嘅應該係生活習慣/改變護膚情序，而唔係用面膜去補充喔！

最近年尾年頭都有唔少Party，加上長期捱夜，皮膚自然都會變差🥲要對乎缺水皮膚，自然就會諗起面膜！所以呢兩個星期就測試咗4款單價比較高嘅面膜，睇下貴啲係咪真係好啲。今次嘅資料比較詳細，大家請慢用～

✦ Bio Enzymes Hydrating Mask ✦ Hydra-filler Mask
✦ Biocellulose Brightening Mask
➣ Facial Treatment Mask

⤋保濕度⤋⠀⁣
Phyto Lab > Filorga = SKII > Talika

⤋提亮度⤋⠀⁣
SKII > Phyto Lab > Talika > Filorga

⤋貼面度⤋⠀⁣
Filorga > Phyto Lab > Talike > SKII

以上✦產品由品牌提供⁣，其他產品均為自購。⁣
所有用後感100%由本人角度出發⁣⁣⁣

#用後感 #好物分享 #化妝品分享
#保濕面膜 #保濕

$Vol.111【THE EVENT】⁣⁣\ Ask for the Moon /早前就同大家介紹咗CHANEL N°5嘅Holiday Collection，今次就將N°5化身成一個太空船，帶大家登上月球探索N°5嘅傳奇故事💫N°5係...$

26/12/2021

Vol.111【THE EVENT】⁣⁣
\ Ask for the Moon /

早前就同大家介紹咗CHANEL N°5嘅Holiday Collection，
今次就將N°5化身成一個太空船，帶大家登上月球探索N°5嘅傳奇故事💫

N°5係CHANEL推出嘅第一支香水，而「5」就係Coco Chanel嘅幸運數字，亦都係佢選中嘅第5個香氣樣本，集合咗超過80種香調，充滿著神秘感同魅力。經過咗100年，N°5已經演變成為5個版本，代表著現代女性唔同嘅面貌👀

✨N°5 Parfum ─ 香精版本
以乙醛花香作為基調，配合五月玫瑰同茉莉花香，持香最持久

✨N°5 Eau de toilette ─ 淡香水版本
以原本嘅花香搭配檀香木調

✨N°5 Eau de parfum ─ 由新調香師演繹嘅版本
香味比原版稍微淡

✨N°5 Eau premiere ─ 低調奢華版
集合玫瑰、茉莉、依蘭同柑橘

✨N°5 L’eau ─ 清新晨露版
以柑橘作為主調，伴隨著清新花香，香氣相對清新自然

今次嘅活動係K11 MUSEA舉辦，以「ASK FOR THE MOON」作為主題，除咗太空船主體之外，重有好多同N°5有關嘅裝飾，成個設計都非常精緻！同時間係附近嘅半島酒店重有N°5主題嘅聖誕燈飾，鐘意CHANEL嘅你一定唔可以錯過🤍

The One & Only CHANEL Gift Expedition
日期：直至2022年1月5日
地點：G/F, Opera Theatre, K11 MUSEA

layout and text：

#用後感 #好物分享 #化妝品分享

$Vol.107【THE TOPIC】⁣⁣\ About Perfume /記得係幾個月前同大家分享過我第一次愛上嘅香水🤍 雖然今年全年都需要與口罩共存，但反而係我用得最多香水/香味嘅一年！所以今次就整合咗少少關於香水嘅小知識分享比大家～① ...$

08/12/2021

Vol.107【THE TOPIC】⁣⁣
\ About Perfume /

記得係幾個月前同大家分享過我第一次愛上嘅香水🤍 雖然今年全年都需要與口罩共存，但反而係我用得最多香水/香味嘅一年！所以今次就整合咗少少關於香水嘅小知識分享比大家～

① 種類與持香時間
香水嘅持香時間取決於香精嘅濃度，而唔同濃度嘅香水分別都有唔同嘅名！

香精 Parfum ⟶ 持香6小時以上 香水 Eau de Parfum ⟶ 持香4-5小時 淡香水 Eau de Toilette ⟶ 持香3-4小時 古龍水 Eau de Cologne ⟶ 持香1-2小時 清香水 Eau Fraiche ⟶ 持香1小時
 ② 最佳噴灑位置
將香水噴在手腕內側、內手睜、耳背、頸側等身體容易發熱、唔易出汗嘅位置，可以幫助香水散發更好！個人最鐘意噴係耳後、頭髮，係行路/有風吹過嘅時候都會聞到自己嘅香味～

③ 千萬唔好磨擦！ 重要嘅野講3次都厭少！因為會直接破壞香味分子，影響持久度及層次。自從知道呢點之後，我就用輕印方式取代磨擦，感覺香味會無咁快變淡。  ④ 香水保存方法
一般香水含有70％以上酒精、精油，本身已有抗菌效果，唔容易出現發霉。不過酒精會隨存放時間而慢慢揮發，從而影響濃度比例導致變質，出現質地變厚、顏色變深、出現沈澱物等反應。如果想保存得好啲，就要放係陰涼、乾爽、唔會被陽光直接照射嘅地方！
 最後想同大家分享近幾個月最鐘意嘅香水！ 
🪄 cannabis
呢個香味真係非常特別，第一次係鋪頭試聞已經比佢深深吸引住！Cannabis嘅意思係指大麻，但佢同真正嘅CBD產品有啲唔同。香味帶有木調嘅花香，中間夾雜住少少煙草味，感覺型格、有個性，呢個味會令成個人都好有魅力！強烈建議大家去聞下！  前調：佛手柑、黑胡椒、香橙
中調：大麻氣息、鈴蘭、小玉蘭
後調：雪松、廣藿香、檀香木  由4月到依家有7/8成日子都會用佢，已經用咗2/3🤧 除咗香水之外，同一個香味重有香氛油、蠟燭，鐘意到想全包了！（窮人只能幻想⋯）  💬大家又會點噴香水呢？留言同我講喇～

以上產品為男朋友贈送🤍⠀
⠀
layout and text：

#用後感 #好物分享 #化妝品分享
#香水 #大麻香水

$Vol.103【THE HOLIDAY COLLECTION】⁣⁣\ CHANEL N°5 Collection /一直以來CHANEL N°5係香水界都佔咗一個好重要嘅位置。除咗因為係男女都適用嘅香味，N°5重代表咗一種好獨特魅力。即使係...$

09/11/2021

Vol.103【THE HOLIDAY COLLECTION】⁣⁣
\ CHANEL N°5 Collection /

一直以來CHANEL N°5係香水界都佔咗一個好重要嘅位置。除咗因為係男女都適用嘅香味，N°5重代表咗一種好獨特魅力。即使係平時唔太打扮嘅媽媽，都擁有一支！（但係唔捨得用，已經變成收藏品）

不經不覺，N°5 已經走過100週年！所以今年 .beauty 首次用N°5作為主題推出一系列Holiday Collection💫 配色以N°5嘅經曲代表色黑、白、紅、金組成，可以創造出簡單、搶眼、個性等等多個可能👀

LES 4 OMBRES N°5 HK$515 / 2g × 4｜意大利製 有分於CHANEL以往低調沈穩嘅作風，今季推出嘅眼影以閃亮個性為主軸，用咗三重唔同嘅閃度，配搭個人嘅黑色。呢個配搭雖然唔算日常，但每隻色都有佢獨特嘅地方！

✨絲緞光琥珀金（左上）─ 呼應N°5香水色調
四色當中最閃嘅一格，閃粉比較大粒鬆，建議用手指印上眼！唔算好顯色但閃得好靚，少量集中搽係眼窩中間/眼底已經有點精嘅效果，大範圍就會係金光閃閃👀 之前係story嘅閃閃眼妝就係大範圍咗用咗呢格，非常亮眼同是又唔會太誇張！

✨珍珠金白（左下） ─ 靈感源N°5 L'EAU淡香水
粉質相對比較細密，粉壓得比較緊。顏色係相對低調嘅香檳金色，包括白、金色嘅閃粉，日常用都十分OK！用手指壓上眼閃粉會更加密～

✨珠光白（右上）─ 呼應 N°5 經典包裝
粉質同左下金白色類似，顏色偏銀白色！

✨深沉霧黑（右下）─ 致敬N°5 極簡設計
表面睇係霧面黑色，但近睇就會見到少量嘅閃。顯色度唔算係非常黑實，可以用嚟用眼線、加深輪廓層次。粉質壓得好緊，亦好易blend開，只係日常好少會用到黑色～

總括嚟講，如果本身好鐘意N°5，呢盤好值得收藏！又外包裝紙盒到壓花都好有質感（如果有埋N°5嘅香味會再加分）另外如果本身好鐘意閃，呢盤嘅閃係唔太飛粉、實用嘅閃🤍

ROUGE ALLURE N°5
HK$315 / 3.5g｜法國製｜共5色
對CHANEL嘅唇膏一直都有好感，一嚟係係尊櫃中價錢唔算貴，二嚟包裝有種經典嘅低調奢華感好得我歡心！今次N°5嘅限量版就用咗「5」除代原有嘅Logo頂蓋花紋，加上按壓式開關真係好有質感。而膏體就帶有CHANEL經典嘅香味，唔會太濃但在意香味嘅朋友要留意！Rouge Allure系列質地順滑、有微微光澤感。顯色度好高，上咀唔會乾但亦唔會特別收飾到唇紋。N°5系列嘅5隻色都係紅色調～

❤️99 ─ 偏藍調
❤️176 ─ 帶橙調
❤️191 ─ 粿粉調
❤️147 ─ 經典正紅色
❤️157 ─ 土調深紅色

N°5 Collection除咗有以上兩款產品，係Event當日重試咗液態眼影，效果比眼影更加顯色同閃！大家有興趣都可以去睇下呀～

所有用後感100%由本人角度出發⁣⁣⁣
⁣⁣
layout and text：

.beauty

$Vol.93【THE REVIEW】⁣\ Starrytale Sunscreen /⁣⁣係今年夏天，小星塵旗下自家品牌推出咗防曬！全系列一共有4款，包括透明、粉/藍色修正同有色遮瑕款，同樣都係標磅美國生產，配方無多餘成份，除咗物理防曬...$

21/08/2021

Vol.93【THE REVIEW】⁣
\ Starrytale Sunscreen /⁣
⁣
係今年夏天，小星塵旗下自家品牌推出咗防曬！全系列一共有4款，包括透明、粉/藍色修正同有色遮瑕款，同樣都係標磅美國生產，配方無多餘成份，除咗物理防曬成份之外，重加入咗保濕抗炎等成份，係防曬同時養膚！雖然防曬只會停留係皮膚淺層，唔會直接改善膚質，但就可以係使用時令皮膚質感更好、用落更舒服～⁣
⁣
今次係佢地7月時嘅優惠入手，其中最驚喜嘅係有色遮瑕款！係試上手時覺得有輕微黏笠感，但上面就剛剛好，即使係最近超熱嘅天氣帶口罩做運動都唔會覺得超焗，使用感受好舒服～同時修飾效果亦都好唔錯，非常值得入手～整個系列主要都係清爽保濕度，適合大部分膚質。⁣
⁣
不過係防曬度方面，全系列都係SPF30 PA＋＋＋略厭有少少唔夠，只敢係唔太曬嘅日子做，有少少可惜⋯ 因為質地太舒服，想日日都用呀～～～但係包裝方面，我係比95分！有5分係扣咗係紙盒包裝有啲難開，扣位好容易整爛🙈 其他部分都好精緻～⁣
⁣
清爽度 Watery Shield > Blue Lagoon > Perfect Glow 收飾度 Perfect Glow > Blue Lagoon > Watery Shield⁣
⁣
⁣
➣ Sunnie-Mate COVERAGE Wonder Perfect Glow⁣
➣ Sunnie-Mate Wonder Watery Shield⁣
➣ Sunnie-Mate 1837 Blue Lagoon⁣
⁣
以上產品均為自購⠀ ⁣
⁣⁣
layout and text：

$Vol.91【THE TOPIC】⁣\ Product Selection Tips /⁣⁣一直都收到好多人問「你係點揀product架？」「點解好少中伏咁嘅」自從大學時期爛面之後，我就開始好小心咁揀產品，so far中伏嘅次數都少咗好多！...$

11/08/2021

Vol.91【THE TOPIC】⁣
\ Product Selection Tips /⁣
⁣
一直都收到好多人問「你係點揀product架？」「點解好少中伏咁嘅」自從大學時期爛面之後，我就開始好小心咁揀產品，so far中伏嘅次數都少咗好多！雖然講唔出啲咩大道理，但都可以同大家分享下我揀product時嘅3大原則～⁣
⁣
① 了解皮膚真正的需要⁣
習慣觀察皮膚每一日嘅變化，搵出用得最舒服、合適、自己感覺良好嘅產品。同時亦都要問自己，到底想點樣改善皮膚。以最基本嘅「保濕」為例，市場上有千萬重質地，而且乾肌嘅「極致保濕」同油肌嘅「清爽保濕」已經會有好大分別！係呢一點，已經可以幫你排除一部分唔適合嘅產品～⁣
⁣
②看清產品真正用途及功效⁣
大部分產品嘅包裝都會印上唔少廣告行銷嘅字眼，呢啲其實唔直表代表產品嘅功效！多數只係廣告公司為咗吸引到Target嘅寫嘅Copywriting，呢類字眼可以出現係產品名、產品描述。當睇到呢類字眼就要醒覺，可能直接睇成份表、將產品直接試上手會更加實際！⁣
⁣
③不肯定的話就先試用⁣
尤其係售價比較貴嘅產品，除咗肯定唔伏，多數我都會先買試用裝/輕量裝，以免買咗唔啱用嘅情況！最近都轉咗品牌推出Deluxe Size嘅試用裝，等大家試真啲先買～

除咗以上3大原則，重要留意...⁣
⁣
Ⓧ 不要過份依賴排名⁣
排行榜只可以代表大部分嘅意見，但並不代表所有人！排名嘅可信性都要視乎出處、投票人數、評審專業程度而定。（更何況市面上有部分排名係生產商用錢買的...)⁣
⁣
Ⓧ 沒必要追求新商品⁣
可能會人有覺得「愈新愈好」，的確科研會進步，但舊嘅配方都唔代表唔好。有啲產品推出新版本都係為咗加入更強嘅防腐劑，加長產品壽命！所以凡事都係成份表最誠實～⁣
⁣
Ⓧ 不要過份相信包裝上的實測及數據⁣
前後對比圖、數據等其實都係生產商嘅行銷手段，當然會比最好嘅效果吸引你買呀！數據上要睇真佢嘅來源、調查背景，再判斷佢嘅可信程度～⁣
⁣
👷🏻以上都只係我個人嘅少少意見⁣
💬大家挑選產品又有咩原則呢？留言同我分享喇～⁣
⁣
所有內容100%由本人角度出發⁣⁣
⁣⁣
layout and text：⁣

$Vol.87【THE REVIEW】\ Karacon Chic!chic! 1 Day /有一段時間都無分享過隱形眼鏡喇！早前趁做緊買4送1優惠，入手咗佢地新出嘅Day Con～前幾日出過story都收到好多DM問，今日就快手同大家介...$

14/07/2021

Vol.87【THE REVIEW】
\ Karacon Chic!chic! 1 Day /

有一段時間都無分享過隱形眼鏡喇！早前趁做緊買4送1優惠，入手咗佢地新出嘅Day Con～前幾日出過story都收到好多DM問，今日就快手同大家介紹下喇🙈

今次新試嘅有2款，分別係 #寧靜灰同 #夕陽棕，兩款都係屬於自然帶少少混血嘅感覺。有適當嘅透明感，可以同瞳孔融合得好好，相信無論係深瞳或者淺瞳嘅人都可以輕鬆駕馭到！係穿戴感受方面，其實都大同小異，鏡片柔軟透氣，但帶超過6個鐘都會開始眼乾～

#寧靜灰 Tranquil Gray
外框係灰色內環帶灰啡色，邊條淡出有迷矇、無辜感，係好自然嘅日常款，就算唔化妝都唔會太奇怪。感覺有啲似同系列嘅月con雪松灰，但寧靜灰嘅漸變做得更smooth，整體顯色度再高少少！因為我本身好鐘意雪松灰，所以一次過已經入手咗2盒🙈

#夕陽棕 Sunset Brown
整體帶灰棕色，內圈帶輕鬆金棕色，邊線較為實，放大效果更明顯。呢款感覺有少少日系混血感，但上眼意外地自然，會令眼神變得溫柔，就算深瞳都唔會太奇怪～

🙋🏻大家鐘意邊款多啲？留言話我知喇！

💬 Karacon係邊到有得買？
其實只要直接係官網落單就可以喇，一般買滿NT$1500就會免運費，重周不時會有優惠活動！如果單盒買嚟試下嘅話，可以去 .hk 睇下✨

.asia
Chic!chic! 1 Day ( 1盒10片 ) ➣ Tranquil Gray 寧靜灰
➣ Sunset Brown 夕陽棕

以上產品均為自購
所有用後感100%由本人角度出發⁣⁣⁣
⁣
layout and text：

$Vol.85【THE PICK】⁣\ Look Fantastic Haul /⁣⁣好耐都無做過購物分享喇～今次收到Look Fastastic嘅store credits，所以就趁機買咗少少野🙈 加上有年中優惠活動，今日簡單同大家分享下...$

17/06/2021

Vol.85【THE PICK】⁣
\ Look Fantastic Haul /⁣
⁣
好耐都無做過購物分享喇～今次收到Look Fastastic嘅store credits，所以就趁機買咗少少野🙈 加上有年中優惠活動，今日簡單同大家分享下我揀咗啲咩嚟買喇～⁣
⁣
今次揀嘅野係我一直以來都好想試嘅～首先有嘅Travel Collection，一套四件有齊皇牌卸妝膏、洗面巾、面膜同面霜。而且容量方面都唔少，好似卸妝膏就有成50ml，已經係full size嘅一半！對於卸妝膏第一印象係非常舒服嘅香味、超順滑嘅質地。如果有興趣淺嚐Emma Hardie，呢套非常值得入手～詳細review請留意之後嘅post🙏🏻⁣⁣
⁣
另外，我一直都好想改善睡眠質素～所以今次就揀咗嘅Deep Sleep系列嚟試下。Heavenly Duo呢set就包括咗Pillow Spray同蠟蠋。香味方面係薰衣草、香根草、洋甘菊等等淡淡嘅天然花香味，非常舒服！Pillow Spray嘅香味會比蠟蠋濃啲！目前用咗一段短時間覺得確實係可以放鬆神經，即使唔係訓覺前，做野時點蠟蠋都會輕覺得鬆啲，無咁大壓力。（係我身上，覺得有減輕頭痛嘅效果！）價錢方面呢set都算抵，因為平時一支75ml嘅Pillow Spray已經要HK$211喇！除咗Deep Sleep，佢地重有出Skincare、Bodycare等好多唔同系列～⁣
⁣
如果你對以上產品有興趣，就一定唔可以錯過以下嘅優惠喇！由今日開始一連5日將會係Look Fatastic嘅Mid-Year Sale！係同Black Friday、Single’s Day相同等級嘅優惠活動，節扣高達65折！（優惠碼係「DASH」），只要買滿HK$600就會有免費追蹤送貨～ ⁣
⁣
大家又係Look Fantastic買過啲咩呢？歡迎留言同我分享！⁣
⁣
 Emma Hardie Travel Collection HK$346
➣ Moringa Cleansing Balm 50ml
➣ Dual Action Cleansing Cloth⁣
➣ Purifying Pink Clay Detox Mask 15ml⁣
➣ Moisture Boost Vit+C Cream 10ml⁣
⁣
This Works Heavenly Duo HK$328⁣
➣ Deep Sleep Pillow Spray 75ml⁣
➣ Deep Sleep Heavenly Candle 220g ⁣
⁣
*價錢以原價標示，最終價錢以Look Fantastic官網為準🙌🏻⁣
⁣
以上產品由贊助⁣
⁣⁣
layout and text：⁣
⁣

$Vol.83【THE REVIEW】⁣\ Summer Essential Sunscreen /⁣⁣  終於！今年可以趕到出防曬嘅Review喇！今次會首先介紹水油狀質地嘅防曬，有透明亦都都有調色。同時亦整合咗主要防曬成份同有機會致敏嘅成...$

27/05/2021

Vol.83【THE REVIEW】⁣
\ Summer Essential Sunscreen /⁣
⁣  終於！今年可以趕到出防曬嘅Review喇！今次會首先介紹水油狀質地嘅防曬，有透明亦都都有調色。同時亦整合咗主要防曬成份同有機會致敏嘅成份，比大家敏個參考～⁣
⁣
揀防曬方面，個人多數都會選擇物理性，主要原因都係因為對海洋有善，同事又無咁容易導致敏感（不過新型嘅化學防曬成分已經做到比較安全架喇～）而大部分嘅物理防曬質地都偏厚重。今次就試到一款質地比較輕盈嘅物理防曬！另外，最近天氣都非常曬，建議日常外出都要用返防曬度高啲～⁣
⁣
防曬下集會分享乳液狀！大家又有無試過邊款好用嘅防曬？歡迎留言同大家分享～⁣
 ➣ Barrier Me Mineral Gentle Milk⁣
➣ UV Base Control Color Blue ⁣
➣ Sunscreen on Face Light ⁣
➣ Antheios XL Ultra-Light⁣
⁣
以上產品均為自購⠀ ⁣
⁣⁣
layout and text：

$Vol.77【THE TOPIC】⁣\ Cubed CBD Drops /⁣⁣早前同大家介紹咗大麻二酚（CBD）嘅原理同功效！大家睇咗未啊？今次主要用集中講下CBD口服油嘅用法同少少用後感分享～大家又有無試過服用CBD呢？如果大家有任何...$

01/05/2021

Vol.77【THE TOPIC】⁣
\ Cubed CBD Drops /⁣
⁣
早前同大家介紹咗大麻二酚（CBD）嘅原理同功效！大家睇咗未啊？今次主要用集中講下CBD口服油嘅用法同少少用後感分享～大家又有無試過服用CBD呢？如果大家有任何用後感，歡迎留言同大家分享～⁣⁣
⁣
⁣
➣ CBD Drops 1650mg 20ml⁣
⁣
\ Giveaway /⠀⁣
未試過嘅朋友都唔緊要，依家就有機會比大家試下CBD嘅神奇功效！✨⁣
⠀⁣
⤋今次嘅禮物⤋⠀⁣⁣
Set A (總值HK$1230) ⁣
➣ CBD Drops 1000mg + BFF Serum⁣
Set B (總值HK$1010)⁣
⁣
➣ CBD Drops 1000mg + CBD Cold Brew Coffee⁣
名額各1個⠀⁣⁣
⁣
⤋參加方法⤋⠀⁣⁣
➣ Like呢個post⠀⁣⁣
➣ Follow .magazine同 ⁣
➣ 留言Tag 3位朋友，講低你想要邊set⁣
➣ 分享呢個post會多一個抽獎機會！⁣
（記得要set做公開account呀～）⁣
⠀⁣⁣
⤋其他條款及細則⤋⠀⁣⁣
➣ 只限香港地區參與⠀⁣⁣
➣ 不接受ig shop/giveaway account/fake ac參與或tag此類account⠀⁣⁣
➣ 產品將由安排寄出⠀⁣⁣
⠀⁣⁣
截止日期：2021年5月7日⠀⁣⁣
⁣
以上產品及Giveaway禮物由提供試用⁣
所有用後感100%由本人角度出發⁣
⁣
layout and text：

22/04/2021

【Birthday Special】⁣
⁣
今日正正係我嘅生日☺️ 所以就決定特別啲！簡單同大家分享下今日嘅妝容～✨⁣
⁣
有一段時間無認真畫底妝，今日就特登出動咗RMK嘅粉底！可以適當勻均膚色，唔會厚重，不過黑眼圈等就要另外再用遮瑕喇～⁣
⁣
眼妝方面就用咗，係來自嘅禮物，第一次用覺得不錯！遲啲會再做詳細review🙌🏻⁣
⁣
最近一直係到諗mimo magazine重可以帶到啲咩比大家，希望今次可以比到啲新鮮感大家喇🤍多謝大家一年幾以嚟嘅支持！⁣
⁣
photo and text：

面毛編集室：化妝護膚保養