12/07/2023
လာအိုနိုင်ငံက ကမ္ဘာ့အကြီးဆုံး ပင့်ကူကြီးများ
=================
ကမ္ဘာ့အကြီးဆုံး ပင့်ကူမျိုးစိတ်ဟု လူသိများသော ပင့်ကူကြီးများကို လာအိုနိုင်ငံတွင် မြင်တွေ့နိုင်မည်ဖြစ်သည်။
အဆိုပါပင့်ကူကြီးများကို Giant Huntsman Spider ဟု အမည်ပေးထားသည်။
Giant Huntsman Spider ပင့်ကူကြီးများတွင် အရွယ်ရောက်ပြီး အကောင်သည် ၁၂ လက်မအထိပင် ကြီးထွားနိုင်ပြီး၊ အရွယ်မလိုက်အောင် လျင်မြန်ကာ တစ်စက္ကန့်တွင် ၃ ပေအထိကို သွားလာနိုင်ကြောင်း သိရသည်။ထို့အပြင် အဆိပ်လည်းရှိသည့်အတွက် အန္တရာယ်ကြီးသော ပင့်ကူများဖြစ်သည်။
၎င်းပင့်ကူများသည် အင်းဆက်များ၊ အခြားပင့်ကူမျိုးစိတ်များအပြင် ကြွက်ငယ်နှင့် ငှက်ငယ်များကိုလည်း ဖမ်းယူစားသုံးလေ့ရှိကာ၊ အခြားပင့်ကူမျိုးစိတ်များကဲ့သို့ပင် အမကောင်သည် မိတ်လိုက်ပြီးချိန်တွင် အထီးကောင်ကို သတ်ဖြတ်စားသောက်လေ့လည်းရှိသည်။
အခြားပင့်ကူမျိုးစိတ်များကဲ့သို့ Giant Huntsman Spider များသည် သားကောင်အတွက် ပင့်ကူမျှင်များကို အသုံးမပြုဘဲ သားကောင်များကို ကိုယ်တိုင်အမဲလိုက်လေ့ရှိသည်မှာ ထူးခြားမှုလည်းဖြစ်သည်။