කාටුන් පත්තරේ Cartoon Paththare

06/02/2024

29/10/2023

කාටුන් පත්තරේ Cartoon Paththare

15/10/2023

ගතින් දුබල වුවත් හිත් හයිය කොල්ලො ටිකක්!!
අපේ රටට අභිමානයක් අරං ඇවිල්ලා
රෝද පුටු ක්‍රිකට් ආසියානු අනුශූරතාවය ශ්‍රී ලංකාවට

Sri Lanka Cricket

15/09/2023

Asia cup champions 🏆 ?

02/09/2023

20/03/2023

රටම බලා සිටි IMF තීන්දුව ලැබෙයි! ජනපතිගෙන් විශේෂ ප්‍රකාශයක්!

ජාත්‍යන්තර මූල්‍ය අරමුදල මෙරටට ලබාදෙන විස්තීර්ණ ණය පහසුකම සඳහා එම අරමුදලේ විධායක කමිටුවේ අනුමැතිය හිමිවී ඇති බව මුදල් රාජ්‍ය අමාත්‍ය ශෙහාන් සේමසිංහ මහතා පැවසීය.

ඒ අනුව ජනාධිපති රනිල් වික්‍රමසිංහ මහතා මේ සම්බන්ධයෙන් දැනුම්දීම සඳහා හෙට දිනයේදී ජාතිය අමතා විශේෂ ප්‍රකාශයක් සිදුකිරිමට නියමිත බව ද මුදල් රාජ්‍ය අමාත්‍යවරයා පවසයි.

එමෙන්ම මේ සම්බන්ධයෙන් ජාත්‍යන්තර මූල්‍ය අරමුදල පවත්වන විශේෂ ප්‍රවෘත්ති සාකච්ඡාවක් මෙරට වේලාවෙන් හෙට උදෑසන 08.00ට පැවැත්වීමට නියමිතය.

මේ අතර ජාත්‍යන්තර මූල්‍ය අරමුදලට සහ සෙසු අන්තර් ජාතික පාර්ශ්වකරුවන්ට ජනාධිපති රනිල් වික්‍රමසිංහ මහතා සිය ස්තුතිය පළ කර තිබේ.

සියලුම මූල්‍ය ආයතන සහ ණය හිමියන් සමග පූර්ණ විනිවිද භාවයකින් යුතුව සාකච්ඡා කොට දැඩි මූල්‍ය කළමනාකරණයක් සහ ප්‍රතිසංස්කරණ හරහා ණය තිරසාර භාවය අත්පත්කර ගැනීමට කැපවී කටයුතු කරන බවද ජනාධිපති රනිල් වික්‍රමසිංහ පවසා ඇත

01/03/2023

අවසන් වසරේ ඉගෙනුම ලබන ඉංජිනේරු පීඨ සිසුවිය ඖෂධ අධිමාත්‍රාවෙන් ගෙන දිවි නසාගනියි

පේරාදෙණිය විශ්ව විද්‍යාලයේ ඉංජිනේරු පීඨයේ අවසන් වසරේ ඉගෙනුම ලැබූ සිසුවියක ඖෂධ අධිමාත්‍රාවක් ගෙන සියදිවි හානි කරගෙන ඇති බව විශ්වවිද්‍යාල පාලන අධිකාරිය පවසයි.

එම සිසුවිය ඊයේ (28) රාත්‍රී ඇය නවාතැන් ගෙන සිටි පේරාදෙණිය විශ්වවිද්‍යාලයේ මළලසේකර නේවාසිකාගාරය තුළ කිසියම් රෝගී තත්වයකින් පෙළෙන බව අනෙකුත් සිසුවියන් දැක ඇය පේරාදෙණිය ශික්ෂණ රෝහලට ඇතුළත් කිරීමෙන් පසු අද (01) පෙරවරුවේ මියගොස් තිබේ.

මියගිය ශිෂ්‍යයාව විනෝදි ද සිල්වා නැමැති කුරුණෑගල ප්‍රදේශයේ පදිංචිකාරිනියක් බවත් ඇය කලක් තිස්සේ මානසික ආතතියට ප්‍රතිකාර ලබාගත් ශිෂ්‍යාවක් බව ද පේරාදෙණිය විශ්වවිද්‍යාල පාලන අධිකාරිය පවසයි.

20/02/2023

https://youtu.be/9ODjV-3ZFi4

17/02/2023

පොලිස් ස්ථානාධිපතිවරයෙකු ඇතුළු 4කට මරණ දඬුවම

වෙඩිතබා පුද්ගලයෙකු ඝාතනය කිරීමේ සිද්ධියකට වැරදිකරුවන් වූ පොලිස් නිලධාරීන් සිව්දෙනෙකුට අද (15) අධිකරණය විසින් මරණ දඬුවම ලබා දී තිබේ.

2005 වර්ෂයේදී තිස්සමහාරාම ප්‍රදේශයේ වැටලීමක් අතරතුරදී වෙඩි තබා පුද්ගලයෙකු ඝාතනය කිරීමේ චෝදනාවක් සම්බන්ධයෙන් පැවති නඩු විභාගයකින් අනතුරුව එම නිලධාරීන්ට මෙලෙස මරණ දඬුවම නියම කර ඇත.

මෙලෙස මරණ දඬුවම නියම කර ඇත්තේ එකල තිස්සමහාරාම පොලීසියට අනුයුක්තව සේවය කළ අපරාධ අංශයේ ස්ථානාධිපතිවරයෙකු ඇතුළු පොලිස් නිලධාරීන් 4දෙනෙකුටය.

අදාළ නඩුව හම්බන්තොට මහාධිකරණයේ විභාගයට ගත් අවස්ථාවේදී අධිකරණය විසින් එම නිලධාරීන්ට මරණ දඬුවම නියම කර ඇත.

03/02/2023

නිදහස සමරන්න ලක්ෂ 142ක ජංගම ටොයිලට්! කොඩිවලට පමණක් ලක්ෂ 13ක්! නිදහස් උළේලේ වියදම් ලැයිස්තුව මෙන්න

ශ්‍රී ලංකාව අධිරාජ්‍යවාදීන්ගේ ග්‍රහනයෙන් මිදීම සැමරෙන අභිමානවත් 75 වැනි නිදහස් දින උළෙල සඳහා සහභාගි වන විශේෂ අමුත්තන් සහ අනෙකුත් අය වෙනුවෙන් ජංගම වැසිකිලි පහසුකම් සැපයීම සඳහා පමනක් රුපියල් රුපියල් එක්කෝටි හතළිස් දෙලක්ෂ පනස් අට දහස් අටසිය පනහක (14,258,850.00) මුදලක් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන යටතේ 2023.01.02 දිනට දරා ඇති බව වාර්තා වනවා.

අල්ලස දූෂණය නාස්තියට එරෙහි පුරවැසි බලය නැමති සංවිධානය නියෝජනය කරමින් ජාමුණි කමන්ත තුෂාර නැමැති අයෙකු විසින් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය වෙතින් 2023 නිදහස් දින සමරු උලෙළ සඳහා වන වියදම් ඇස්තමේන්තුව තමා වෙත ලබා දෙන ලෙස ඉල්ලමින් 2023.01.26 දින ඉදිරිපත් කරන ලද HA/RTl/05/11tem යන තොරතුරු ඉල්ලීමට ප්‍රතිචාර වශයෙන් අදාල අමාත්‍යංශය විසින් ලබා දුන් තොරතුරුවලයි ඉහත දත්ත සඳහන් වන්නේ.

එම තොරතුරු පත්‍රිකාව හරහා අනාවරණය කර ඇති තොරතුරුවලට අනුව අදාල අමාත්‍යංශය විසින් 2023.01.02 වැනි දිනට දරා ඇති දළ වියදම් හෙළිදරව් කර ඇති අතර ජාතික නිදහස් දින උලෙළ සඳහා රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය වෙත වෙන් කර ඇති සමස්ත මුදල රුපියල් මිලියන 55ක්

මේ අතර අදාල අමාත්‍යංශය යටතේ ඉහත සඳහන් කළ දින වන විට සිදු කොට ඇති වියදම් අතර අකුණු සන්නායක පද්ධතියක් සවි කිරීම සඳහා රුපියල් 345,000ක මුදලක් සහ ඊට අදාල උපදෙස් ලබා ගැනීම සඳහා ආතර් සී ක්ලාක් මධ්‍යස්ථානයට රුපියල් 20,000ක මුදලක්ද වියදම් කොට තිබෙනවා.

අදාල උත්සවය සඳහා අවශ්‍ය රූපවාහිනී යන්ත්‍ර, විදුලි පංකා, කාර්මික පංකා ඇතුළු සිසිලන යන්ත්‍ර සැපයීම සඳහා රුපියල් 519,225ක් ද විද්‍යුත් තිර සඳහා රුපියල් විසිහත් ලක්ෂ අනූතුන් දහස් හත්සිය පනහක (2,793,750.00) මුදලක්ද ශබ්ද විකාශන පද්ධතිය සඳහා රුපියල් තිස් දෙලක්ෂ හත් දහස් අටසියයක (3,207,800.00) මුදලක් ද අදාල අමාත්‍යංශය යටතේ වෙන් කොට තිබෙනවා.

මේ අතර ආරාධිතයින් සඳහා පුටු මිලදී ගැනීමට රුපියල් 955,650ක් ද පුපෝපහාර දැක්වීම වෙනුවෙන් මල් බඳුන් ලබා ගැනීම සඳහා රුපියල් 40,000ක් ද අදාල අමාත්‍යංශය විසින් ඉහත සඳහන් කළ දිනය වන විට වියදම් කර ඇති බවයි වාර්තා වන්නේ.

එසේම නිදහස් උලෙළට අදාල ආරාධනා පත්‍ර තැපැල් කිරීම හා අදාළ අනෙකුත් රාජකාරි කටයුතු වෙනුවෙන් රුපියල් 100,000ක මුදලක් දරා ඇති රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය එහි ලිපි ද්‍රව්‍ය ඇතුළු කාර්‍යාලීය උපකරණ මිල දී ගැනීම සඳහා රුපියල් 600,000ක මුදලක් වැය කොට තිබෙනවා.

එපමණක් නොව අදාල උත්සවයේ කොඩි මිල දී ගැනීම සඳහා රුපියල් දහතුන් ලක්ෂ අසූ දහසක් (1,380,000.00) වෙන් කොට ඇති එම අමාත්‍යංශය සියලු ම ආරාධිතයින් සංවිධාන කටයුතු ඇතුළු සහාය කාර්ය මණ්ඩලයේ සංග්‍රහ කටයුතු වෙනුවෙන් රුපියල් දහ අට ලක්ෂ හතලිස් නව දහස් දෙසිය පනහක් (1,849,250.00) වැය කොට තිබෙන බවයි අදාල අමාත්‍යංශය අනාවරණය කරන තොරතුරුවල දැක්වෙන්නේ.

නිදහස් දින සැමරුම් සංස්කෘතික ප්‍රසංගය වෙනුවෙන් නිදහස් චතුරස්‍රය ප්‍රතිසංකරණය කටයුතු සඳහා නාවික හමුදාව වෙත රුපියල් 330,000ක් ද නිදහස් දින සමරු උලෙළේ රාජකාරි කටයුතු පැවැත්වෙන සියලු ම කාල සීමාවට අදාල ප්‍රවාහන ගාස්තු ලෙස රුපියල් මිලියනයක මුදලක් වෙන් කර තිබෙන බව රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය අදාල තොරතුරු පත්‍රිකාවේ සඳහන් කරනවා.

මේ සා වියදමක් දරමින්, දැඩි ආර්ථික අර්බුදයකින් මිරිකී සිටින ශ්‍රී ලංකාවේ 75 වැනි නිදහස් සමරුව වෙනුවෙන් උළෙලක් පවත්වනවා ද නැද්ද යන්න සම්බන්ධයෙන් දැඩි කතාබහක් මතුව ඇති පසුබිමක රජය විසින් ඒ සඳහා රාජ්‍ය ආයතන හා අමාත්‍යංශ 6ක් අතරේ රුපියල් කෝටි විස්සකට (රු.මිලියන 162.8) ආසන්න මුදලක් වෙන් කිරීම සම්බන්ධයෙන් මහජනතාව තුළ පවතින්නේ සුබවාදී අදහසක් නම් නොවේ.

කෙසේ නමුත් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය විසින් අනාවරණය කර ඇති මෙම වියදම් 2023.01.02 වැනි දින දක්වා ඒවා වන අතර අභිමානවත් 75 වැනි නිදහස් සමරුව පැවැත්වෙන්නේ ඊට දින32කට පසුවයි

උපුටා ගැනීමකි.

03/02/2023

ජනතාවට බදු පිට බදු! මහින්ද, ගෝඨා, හේමා ප්‍රේමදාස ඇතුළු හිටපු ජනපතිවරුන් හා ජනපති ආර්යාවන් නඩත්තුවට වියදම් වන මුදල මෙන්න!

12/01/2023

රැකියාවක් නොමැතිව පසුතැවුණු තරුණයෙක් ගත් හදිසි තීරණය

හොඳ ඉගෙනීමක්, ඉගෙනීමෙන් පසුව රැකියාවක්, නිවසක් තනාගැනීමට මෙන්ම දෙමව්පියන්ට, සහෝදර සහෝදරියන්ට සැලකීමට නොහැකිවීමෙන් පසුතැවීමෙන් සිටි තරුණයෙකු සියදිවි හානි කරගෙන තිබේ.

ඔහු අකුරැස්ස පරදුව ප්‍රදේශයේ පදිංචිව සිටි 29 හැවිරිදි කසුන් අංජන ය.

ඔහුගේ මව වන තලහිටිගල ලියනගේ රානී මහත්මිය අප සමග මෙසේ පැවසුවාය.

"පුතා බලාපොරොත්තු වුණේ කොරියාවේ රැකියාවකට යන්න. ඒත් එයා විභාගයට පෙනී සිටියත් ලකුණු පහක් අඩුවෙලා පේල් වුණා."

"ඒකෙ වේදනාවත් එයාට තදින්ම තිබුණා. එයා පෙරේදා මට කිව්වා මහණ වෙන්නත් එක වෙලාවකට හිතෙනවා.. අම්මේ කියලා."

"එයා රස්සාවල් කිහිපයකට ගියා. ඒත් ඒවා එයාට හිතට හරියන විදියට ඉදිරියට කරගෙන යන්න බැරි වුණා. මම හඳහනත් බැලුවා. ඒවායේ කිසිම අගුණයක් කියලා දෙයක් සටහන් වෙලා තිබුණෙ නැහැ. එයාට ලොකු දුකක් තිබුණා පවුලේ වැඩිමලා හින්දා හොඳ රස්සාවක් කරලා පවුල ගොඩගන්න පුළුවන් කමක් නෑ කියලා."

"නිතරම එයා ඒ ගැන හිත හිතා හිටියේ. අපි ගැන එයා පසුතැවුණා. කවදාවත් අපිත් එක්ක රණ්ඩු වෙලා නැහැ. නිතර මෙයා මගේ ඔළුව අතගානවා. අයියලා මල්ලි තුන්දෙනාම එක වගේ කිසිම වෙනසක් නැහැ. මම නං හිතුවෙ නෑ මගේ පුතා මේ වගේ මාව දාල යාවි කියල."

දිනපතා කුළී වැඩට යන මව සහ පියා නිවසින් පිටව ගොස් තිබූ අතර පාසල් ගොස් පැමිණ සිටි කසුන්ගේ බාල සොහොයුරා දහවල් ආහාරය සඳහා බනිස් ගෙඩියකින් සප්පායම්වී නැවත උපකාරක පංතියක් සඳහා සහභාගිවීමට පිටව ගොස් තිබේ.

සවස් කාලයේ අසල්වැසියෙකුගෙන් ලත් තොරතුරක් අනුව කසුන්ගේ මව නිවසට පැමිණ කළ පරීක්ෂාවේදී ඇයට දකින්නට ලැබුණේ සිය පුතු ගෙල වැළලාගෙන කාමරය තුළ සිටින අයුරුය.

මෙම ගෙලවැළලා ගැනීමට හේතුව සොයද්දී හමුවූ එකම සාක්ෂිය වන්නේ කසුන්ගේ අතින් ලියැවුණු ලිපියකි. එහි සඳහන්ව ඇත්තේ දෙමාපියන් රැකබලා ගැනීමට හරි හමන් රස්සාවක් නොමැති බැවින් ගෙල වැළලාගෙන මිය යන බවය.

රට තුළ පවතින දරුණු ආර්ථික අර්බුදය තුළ නැගී සිටීමට වෙර දැරීමට ගොස් පිළිතුරු සොයමින් අසරණ වූ කසුන් අංජනලා තවත් කොයිතරම් ඇත්ද?

අකුරැස්ස, පරදුව ප්‍රදේශය කම්පා කරවමින් රැකියාවක් නොමැති නිසා දිවි තොර කරගත් කසුන් අංජන ගැන බොහෝ දෙනකු කතා කරන බැවින් ඔහු පිළිබඳව තොරතුරු සොයා අප එහි ගියෙමු.

පුතුගේ වියෝව පිළිබඳව අදහස් දැක්වූ කසුන්ගේ පියා වන සුමතිපාල ජයසිංහ මහතා,

"එදා මමත් වැඩ අම්මත් වැඩ. අපි දෙන්නම එකම තැන වැඩ කරන්න

10/01/2023

පාර්ලිමේන්තු මන්ත්‍රීන්ගේ අධ්‍යාපන සුදුසුකම් ලැයිස්තුව මෙන්න! අධ්‍යාපන සුදුසුකම් හෙළි නොකළ ප්‍රබලයන් 21ක්!

පාර්ලිමේන්තුව නියෝජනය කරන්නට තේරී පත්වන නියෝජිතයින්ගේ අධ්‍යාපනික සහ වෘත්තීය සුදුසුකම් මහජනතාවට දැනගැනීමට ඇති අයිතිය මත අදාළ තොරතුරු ප්‍රකාශයට පත් කරන ලෙස තොරතුරු කොමිෂන් සභාව පාර්ලිමේන්තු මහලේකම්වරයාට නියෝග කිරීමේ ප්‍රතිඵලයක් ලෙස පාර්ලිමේන්තු වෙබ් අඩවිය මගින් ඒ ඒ අය පාර්ලිමේන්තුවට ඇතුළත්වීමේදී ලබාදී ඇති සුදුසුකම් ප්‍රසිද්ධ කර තිබේ.
මේ අය අතරින් දෙන්නෙකු පමණක් ද්වීතියික අධ්‍යාපනය හා 9 ශ්‍රේණිය සමත් වන අතර සාමාන්‍ය පෙළ පමණක් සමත් බව දක්වා ඇත්තේ 6 දෙනෙකි. ඇතැමුන් උසස් පෙළ දක්වා ඉගෙන ගෙන ඇතැයි දක්වා ඇතිනිසා උසස් පෙළ සමත්ද නැත්ද යන්න පැහැදිලි නැත. කෙසේ වෙතත් විශ්ව විද්‍යාල නොවන විවිධ ඩිප්ලෝමා සුදුසුකම් ලෙස පෙන්වා ඇති අය 96 ක් සිටී.

විශ්ව විද්‍යාල හෝ ඉහළ සුදුසුකම් සහිත අය 106 කි. කෙසේ වෙතත් ඇතැමුන් හිතාමතාම හෝ අමතකවීමෙන් සුදුසුකම් ඉදිරිපත් කිරීම පැහැර හැර ඇති අතර ඒ ගණන 21 කි.

විමල් වීරවංශ, ජොන්ස්ටන් ප්‍රනාන්දු, මහින්දානන්ද අලුත්ගමගේ, රෝහිත අබේගුණවර්ධන, ගෙවිඳු කුමාරතුංග, එස් වියාලේන්ද්‍රන්, පිල්ලෙයාන්, මහින්ද රාජපක්ෂ, කුමාර වෙල්ගම, පියල් නිශාන්ත යන මන්ත්‍රීවරුන් තම අධ්‍යාපනය හා සුදුසුකම් හෙළි නොකළ මන්ත්‍රීවරු අතර වෙති.

එම ලැයිස්තුව පහතින්.