09/01/2020
अ.भा.पत्रकार संघातर्फे पत्रकार दिनानिमित्त राष्ट्रीय सेवा गौरव पुरस्कारांचे वितरण
**************************************************************************************************
पत्रकार हा समाजाचा आरसा - पोलिस आयुक्त विश्वास नांगरे पाटील
अ.भा. पत्रकार संघातर्फे आयोजित पत्रकार दिन कार्यक्रमाचे दिप प्रज्वलन करतांना नाशिकचे पोलिस आयुक्त विश्वास नांगरे-पाटील,
एबीपी माझाचे प्रसन्न जोशी, प्रदेशाध्यक्ष महेंद्र देशपांडे, सच्चिदानंद यादव, बलवंतसिंह बघेल, त्रिवेणीकुमार शर्मा व लता गुठे.
****************************************************************************************************
महेंद्र देशपांडे यांना बाळशास्त्री जांभेकर दर्पण पुरस्कार प्रदान
****************************************************************************************************
नाशिक - पत्रकार हा समाजाचा आरसा असून समाजाचे प्रतिबिंब यातून जनतेसमोर येत असते असे प्रतिपा
दन नाशिकचे पोलिस आयुक्त विश्वास नांगरे-पाटील यांनी अखिल भारतीय पत्रकार संघाच्या पत्रकार दिनानिमित्त आयोजित कार्यक्रमात व्यक्त केले.
6 जानेवारी या पत्रकार दिनानिमित्ताने अखिल भारतीय पत्रकार संघाने पत्रकार दिन सोहळ्याचे नाशिकमध्ये आयोजन केले होते. या कार्यक्रमास एबीपी माझाचे निर्माता प्रसन्न जोशी, अखिल भारतीय पत्रकार संघाचे प्रदेशाध्यक्ष महेंद्र देशपांडे, संपादिका लता गुठे, पत्रकार संघाचे राष्ट्रीय अध्यक्ष सच्चिदानंद यादव, राष्ट्रीय उपाध्यक्ष बलवंतसिंह बघेल, राष्ट्रीय सचिव त्रिवेणीकुमार शर्मा, दंतरोग तज्ञ सचिन दुगड, अभिनेत्री शिल्पी अवस्थी आदी मान्यवर उपस्थित होते.
कार्यक्रमाचे प्रास्ताविक करतांना प्रदेशाध्यक्ष महेंद्र देशपांडे यांनी सांगितले की, आद्य पत्रकार बाळशास्त्री जांभेकर यांची आजच्या पिढीला ओळख व्हावी यासाठी 6 जानेवारी या दिवशी पत्रकार दिन साजरा केला जातो. 6 जानेवारी 1832 रोजी दर्पण हे पहिले वृत्तपत्र बाळशास्त्री जांभेकरांनी प्रकाशित केले होते. त्यांच्या स्मृतीला आदरांजली वाहण्यासाठी हा दिवस पत्रकार दिन म्हणून साजरा केला जातो. आजच्या या कार्यक्रमात पत्रकारिता क्षेत्रात तसेच समाजाच्या विविध क्षेत्रात उत्कृष्ट कार्य करणार्या संपूर्ण महाराष्ट्रातील गुणीजनांना राष्ट्रीय सेवा गौरव पुरस्काराने सन्मानित करण्यात येत आहे.
याप्रसंगी पत्रकार कल्याण निधीतर्फे पत्रिकारितेतील सर्वोत्कृष्ट बाळशास्त्री जांभेकर दर्पण पुरस्कार प्रदेशाध्यक्ष महेंद्र देशपांडे यांना नाशिकचे पोलिस आयुक्त विश्वास नांगरे-पाटील व एपीबी माझाचे प्रसन्न जोशी यांच्या हस्ते प्रदान करण्यात आला. तसेच विविध क्षेत्रातील मान्यवरांना राष्ट्रीय सेवा गौरव पुरस्काराने सन्माननीत करण्यात आले. याप्रसंगी संपादिका लता गुठे, माजी आमदार जयप्रकाश छाजेड, दंतरोग तज्ञ सचिन दुगड,राष्ट्रीय अध्यक्ष सच्चिदानंद यादव यांनी आपले मनोगत व्यक्त केले.
कार्यक्रमाचे सूत्रसंचालन भावना कुलकर्णी यांनी केले तर आभार प्रदर्शन माधुरी देशपांडे यांनी केले. या कार्यक्रमास पत्रकार व नागरिक मोठ्या संख्येने उपस्थित होते.
