Ente Palode

20/07/2024

*ജവാഹർ കോളനിയെ സ്വന്തം കോളനിയായി പ്രഖ്യാപിച്ച് വാനര സേന.*

*പാലായനത്തിൻ്റെ വക്കിൽ നാട്ടുകാർ.*

പാങ്ങോട് - പെരിങ്ങമ്മല പഞ്ചായത്തുകളുടെ അതിർത്തി പ്രദേശമായ ജവാഹർകോളനിയും ഹൈ സ്കൂൾ പരിസരവും സമീപ പ്രദേശങ്ങളും ഇപ്പോൾ വാനരൻമാരുടെ നിയന്ത്രണത്തിലാണ്

നൂറുകണക്കിന് കുരങ്ങുകളാണ് പ്രദേശത്ത് ദിവസവും എത്തി തമ്പടിച്ചു ശല്യക്കാരായി മാറുന്നത്.

കാലങ്ങളായി തുടരുന്ന വാനരശല്യം മൂലം ജനജീവിതം കടുത്ത ദുരിതത്തിലാണ്. പരാതികൾ പലതവണ വനം വകുപ്പിനെ അറിയിച്ചിട്ടും കണ്ടതോ കേട്ടതോ ആയ ഭാവമില്ലെന്നും ജവാഹർക്കോളനി ഹൈസ്കൂളിലും കുരങ്ങ് ശല്യം രൂക്ഷമാണെന്നും കുട്ടികൾക്ക് വരെ കടുത്ത ഭീഷണി ഉയർത്തുന്നതായും നാട്ടുകാർ പറയുന്നു. വീടുകൾക്കുള്ളിൽ വരെ കടന്നെത്തി ആഹാര സാധനങ്ങൾ നശിപ്പിക്കുന്നു.

നാളികേരം അടക്കമുള്ള കൃഷിവിളകൾ വ്യാപകമായി നശിപ്പിക്കുന്നത് മൂലം ആരും കൃഷി ചെയ്യാൻ തയാറാകുന്നില്ല. വീടുകൾക്ക് വരുത്തുന്ന നാശനഷ്ടങ്ങളും ചെറുതല്ല. മിക്ക വീടുകളിലെയും കേബിളുകളും ബൾബുകകളും ജനാല ഗ്ലാസുകളും പൊട്ടിക്കുന്നത് പതിവ് സംഭവമായിട്ടുണ്ട്. വാട്ടർ ടാങ്കുകളിൽ ഇറങ്ങി മലിനമാക്കുന്നതും കുരങ്ങുകളുടെ വിനോദമാണ്. തുരത്താൻ ശ്രമിച്ചാൽ അക്രമകാരികളായി മാറുന്നതായും നാട്ടുകാർ പറയുന്നു. ദിവസേന കുട്ടികളടക്കം കൂട്ടമായി എത്തുന്ന കുരങ്ങുകൾ പകൽ മുഴുവൻ ശല്യക്കാരായി മാറുകയാണ്. സ്കൂളിൽ ക്ലാസ് മുറികളിൽ കയറിയും ശല്യക്കാരായി മാറുന്നു. വനം വകുപ്പ് അടിയന്തര നടപടി സ്വീകരിക്കണെമന്ന ആവശ്യം ശക്തമായിട്ടുണ്ട്.

18/07/2024

നന്ദിയോട്ട് പടക്കക്കടയിലെ പൊട്ടിത്തെറി; ഗുരതരാവസ്ഥയിൽ ചികിത്സയിലായിരുന്ന കടയുടമ മരിച്ചു.

പാലോട് നന്ദിയോട്ട് പടക്കക്കടയിലുണ്ടായ പൊട്ടിത്തെറിയിൽ കടയുടമ മരിച്ചു. നന്ദിയോട് ആലമ്പാറ ശ്രീമുരുക പടക്കക്കടയിൽ ബുധനാഴ്ച രാവിലെയായിരുന്നു അപകടം. പരിക്കേറ്റ് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന കടയുടമ ഷിബു(45)വാണ് രാത്രി 11.30-ഓടെ മരിച്ചത്.

ബുധനാഴ്ച രാവിലെ 10 മണിയോടെയായിരുന്നു സംഭവം. കടയിൽ വിൽപ്പനയ്ക്കായി സൂക്ഷിച്ചിരുന്ന പടക്കമാണ് പൊട്ടിത്തെറിച്ചത്. കടയിൽ െവച്ച് പടക്കം കെട്ടുന്നതിനിടെയാണ് സ്ഫോടനമെന്നും സംശയിക്കുന്നു. സംഭവം നടക്കുമ്പോൾ ഷിബു മാത്രമേ കടയിലുണ്ടായിരുന്നുള്ളൂ. കൈകാലുകൾക്ക് വലിയതോതിൽ പൊള്ളലേറ്റ ഷിബുവിനെ ഉടൻതന്നെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പൊട്ടിെത്തറിയിൽ കെട്ടിടം പൂർണമായും തകർന്നു. മുൻവശത്തെ ഷട്ടർ ഇളകി ദൂരേക്കു തെറിച്ചു. മേൽക്കൂര പൂർണമായും തകർന്നു. കോൺക്രീറ്റ് ചുവരുകൾ വിണ്ടുകീറി. സമീപത്തെ വീടുകൾക്കും തകരാറുകൾ സംഭവിച്ചിട്ടുണ്ട്. വിതുരയിൽനിന്ന് അഗ്നിരക്ഷാസേനാ യൂണിറ്റ് സ്ഥലത്തെത്തി ഏറെനേരമെടുത്താണ് തീ കെടുത്തിയത്.

പുലിയൂരിൽ ഷിബുവിന്റെ ഉടമസ്ഥതയിലുള്ള പടക്കനിർമാണശാലയിൽ നാലുവർഷം മുൻപ്‌ തീപിടിച്ച്‌ ഒരാൾ മരിച്ചിരുന്നു. ഇപ്പോൾ ഷിബുവിന്റെ ഭാര്യ മഞ്ജുവിന്റെ പേരിലാണ് ലൈസൻസ്. അളവിൽക്കൂടുതൽ സാധനങ്ങൾ കെട്ടിടത്തിലുണ്ടായിരുന്നതായി പോലീസ് കണ്ടെത്തി. കടയുടെ സമീപത്തെ അനിൽഭവനിൽ അനിരുദ്ധന്റെയും അജയഭവനിൽ അജയന്റെയും വീടിന്റെ ജനൽച്ചില്ലുകളും ചുവരുകളും സ്ഫോടനത്തിൽ പൊട്ടിപ്പോയി. കരിമരുന്ന് ഷെഡ്ഡിന് അകത്തുെവച്ച് ചേർത്തതാവാം തീപിടിക്കാൻ കാരണമെന്നാണ് പ്രാഥമിക നിഗമനം. പാലോട് സി.ഐ. അനീഷ് കുമാർ, എസ്.ഐ. ശ്രീനാഥ്, വിതുര അഗ്നിരക്ഷാസേനാ സ്റ്റേഷൻ ഓഫീസർ എ.കെ.രാജേന്ദ്രൻ, അസിസ്റ്റന്റ് സ്റ്റേഷൻ ഓഫീസർ കെ.എസ്.ഹരി, സീനിയർ ഫയർ ആൻഡ് െറസ്‌ക്യൂ ഓഫീസർ പ്രേംരാജ് എന്നിവരുടെ നേതൃത്വത്തിലായിരുന്നു രക്ഷാപ്രവർത്തനം.
വാർത്തകർ അറിയാൻ ഗ്രൂപ്പിൽ ജോയിൻ ചെയ്യുക

https://chat.whatsapp.com/BsndU227kWFFeqrIy0NpLf

23/08/2021

വൃദ്ധനെ സംസ്കാരിക നിലയത്തിന് മുന്നിൽ മരിച്ച നിലയിൽ കണ്ടെത്തി.

https://chat.whatsapp.com/J9zn7eBqlDHIPKDDfvugTJ

വൃദ്ധൻ സംസ്കാരിക നിലയത്തിന് മുന്നിൽ മരിച്ച നിലയിൽ കണ്ടെത്തി. വളവ് പച്ച മന്നാ ദേവര് കുന്ന് തടത്തരികത്ത് വീട്ടിൽ മൂസയാണ് (67) മരിച്ചത് . ഇന്ന് രാവിലെ 7 മണിക്കാണ് സംഭവം. കുടുംബവുമായി അകന്ന് ബന്ധുവീട്ടിൽ താമസിച്ചിരുന്ന ഹാഷിം മടത്തറയിലുള്ള സംസ്കാരാക കേന്ദ്രത്തിന്റ തിണ്ണയിൽ പതിവായി വന്നിരിക്കാറുണ്ട്. പതിവ് പോലെ വൃദ്ധൻ ഇന് രാവിലെയും ഇവിടെ വന്നിരുന്നതായി നാട്ടുകാർ പറയുന്നു. ഹൃദയാഘാതമാകാം മരണകാരണം എന്നാണ് പാലോട് പൊലിസിന്റ പ്രാഥമിക നിഗമനം

WhatsApp Group Invite

12/07/2021

പാങ്ങോട് ഗ്രാമപഞ്ചായത്ത് സെക്രട്ടറി കെ.കെ സജീവ് കുമാർ നിര്യാതനായി.ആര്യനാട് തോളൂർ സ്വദേശിയാണ്. ഹൃദയ സംബന്ധമായ രോഗത്തെ തുടർന്ന് ചികിത്സ്‌യിലായിരുന്നു.


കല്ലറ, വിതുര ഗ്രാമപഞ്ചായത്ത് മുൻ അസിസ്റ്റൻ്റ് സെക്രട്ടറിയും സേവനമനുഷ്ടിച്ചിട്ടുണ്ട്.

2018 ലെ പ്രളയ സമയത്ത് പത്തനംതിട്ട കോയിപ്ര പഞ്ചായത്തിൽ സജി നടത്തിയ രക്ഷാപ്രവർത്തനങ്ങൾ പ്രശംസിക്കപ്പെട്ടിരുന്നതായും ആ സമയം താനുൾപ്പെടുന്ന നാട്ടുകാർ സജിക്കൊപ്പം ഉണ്ടായിരുന്നതായും ആരോഗ്യവകുപ്പ് മന്ത്രി വീണ ജോർജ് അനുശോചനക്കുറുപ്പിൽ അറിയിച്ചു.

മരണാനന്തര ചടങ്ങുകൾ ഇന്ന്രാവിലെ 9 മണിക്ക് ആര്യനാട് തോളൂർ ഉള്ള വീട്ടിൽ വച്ച് നടക്കുമെന്ന് അറിയിപ്പ് ലഭിച്ചിട്ടുണ്ട്.

19/06/2021

ഒരു മാസമായി പൊന്നാന്‍ചുണ്ട്, ശാസ്താംകാവ് ഭാഗങ്ങളില്‍ നിർഭയംവിലസി കാട്ടുപോത്ത്.വിരട്ടിയാൽ കേസേടുക്കാൻ വനപാലകർ.തരം കിട്ടിയാൽ ജീവനെടുക്കാൻ കാട്ടുപോത്തും.

https://chat.whatsapp.com/EeDqMTYvCtLL5Bi51VsJdK

ഒരു മാസമായി പൊന്നാന്‍ചുണ്ട്, ശാസ്താംകാവ് ഭാഗങ്ങളില്‍ നിർഭയംവിലസി കാട്ടുപോത്ത്ജനങ്ങളുടെ സമാധാന ജീവിതത്തിന് ഭംഗം വരുത്തുകയാണെന്ന പരാതിയുമായി നാട്ടുകാര്‍.

വന്യ ജീവി സംരക്ഷണ നിയമങ്ങളെ ഭയന്ന് നാട്ടുകാര്‍ക്ക് അതിനെ ഓടിച്ചു വിടാന്‍ ഭയപ്പെടുകയാണ്.

രണ്ട് ആഴ്ചകള്‍ക്ക് മുന്‍പ് വനപാലകര്‍ സ്ഥലം സന്ദര്‍ശിക്കുകയും, കാട്ടിലേക്ക് കയറ്റി വിടാന്‍ ചെറിയ ശ്രമം നടത്തിയ ശേഷം മടങ്ങുകയും ചെയ്തിരുന്നു.

കാട്ടുപോത്ത് വനത്തില്‍ കയറിക്കോളും എന്ന് നാട്ടുകാരെ അശ്വസിപ്പിച്ചാണ് ഇവര്‍ മടങ്ങിയത്.
എന്നാല്‍ കാട്ടുപോത്ത് ഇപ്പോഴും നാട്ടില്‍ കറങ്ങി നടക്കുകയാണ്.

പുലര്‍ച്ചെ ടാപ്പിംഗിനും മറ്റു അത്യാവശ്യങ്ങള്‍ക്കും പുറത്തിറങ്ങാന്‍ ജനങ്ങള്‍ ഭയക്കുകയാണ്. പകല്‍ പോലും വളരെ ഭയത്തോടും ശ്രദ്ധയോടെയുമാണ് നടക്കുന്നത്.
നട്ടു വളര്‍ത്തിയ കാര്‍ഷിക വിഭവങ്ങള്‍ പോലും നശിപ്പിക്കപ്പെടുന്നത് കണ്ടു നില്‍ക്കാനെ സാധിക്കുന്നുള്ളു.

അധികൃതര്‍ വേണ്ട പരിഗണന നല്‍കി ജനങ്ങളുടെ ജീവനും സ്വത്തുകളും സംരക്ഷിക്കണമെന്നാണ് നാട്ടുകാരുടെ അപേക്ഷ.

19/06/2021

ലിഫ്‌റ്റ് ചോദിച്ച്‌ കയറിയ ബൈക്ക് നേരെപോയത്. വനത്തിലേക്ക്. പരാതിയുമായിവീട്ടമ്മ പോലീസ് സ്റ്റേഷനിൽ. .

ലിഫ്റ്റ് ചോദിച്ചു ബൈക്കില്‍ കയറിയ വീട്ടമ്മയെ തട്ടികൊണ്ടു പോകാന്‍ ശ്രമിച്ചെന്ന് പരാതിയിൽ കേസെടുത്ത ചിതറ പോലീസ്.ഇന്നലെ വൈകുന്നേരം മടത്തറ അരിപ്പ യുപി സ്കൂളിന് സമീപമാണ് സംഭവം.

ബൈക്കില്‍നിന്ന് ചാടിയിറങ്ങിയ ചോഴിയക്കോട് സ്വദേശിനിയായ യുവതിക്ക് തലയിടിച്ച്‌ വീണ് പരുക്കേറ്റു.

സ്കൂളില്‍ നിന്ന് മകള്‍ക്കുളള പുസ്തകവും വാങ്ങി വീട്ടിലേക്ക് പോകാനായി റോഡില്‍ ഇറങ്ങിയ യുവതിക്ക് ഏറെ നേരം കാത്തു നിന്നിട്ടും വാഹനമൊന്നും ലഭിച്ചില്ല. തുടര്‍ന്ന് ബൈക്ക് യാത്രക്കാരന് കൈ കാണിച്ചു.

ബൈക്കില്‍ കയറിയ ഉടനെ ബൈക്ക് ഓടിച്ചിരുന്നയാള്‍ യുവതിയെ സമീപമുളള വനത്തിലേക്ക് കൊണ്ടുപോകാന്‍ ശ്രമിച്ചെന്നാണ് പരാതി.

ബൈക്കില്‍നിന്ന് എടുത്തുചാടിയപ്പോഴാണ് റോഡില്‍ തലയിടിച്ചു വീണ് പരുക്കേറ്റത്.

യുവതിയെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കേസെടുത്ത് അന്വേഷണം ആരംഭിച്ച ചിതറ പൊലീസ് വനത്തിനുളളില്‍ പരിശോധന നടത്തി.

05/06/2021

കള്ളനോട്ട് കേസിലെ പ്രതി പിടിയില്‍

തട്ടുപാലത്ത് വ്യാജവാറ്റുമായി ബന്ധപ്പെട്ട അന്വേഷണത്തിനിടെ കള്ളനോട്ടും വ്യാജചാരായവും കഞ്ചാവും എയര്‍ഗണ്ണും കണ്ടെത്തിയ കേസിലെ പ്രതി കൊച്ചാലുംമൂട് സ്വദേശി ഇര്‍ഷാദിനെ നെടുമങ്ങാട്ട് നിന്ന് നെടുമങ്ങാട് എക്സൈസ് സംഘം പിടികൂടി. വക്കീലിനെ കാണുന്നതിനായി ഇര്‍ഷാദ് എത്തുമെന്ന രഹസ്യവിവരം ലഭിച്ച എക്സൈസ് ഇന്‍സ്‌പെക്ടര്‍ മനുവിന്റെ നി‌ര്‍ദ്ദേശപ്രകാരം സിവില്‍ എക്സൈസ് ഓഫീസര്‍ നജിമുദ്ദീന്‍, ഷജീര്‍ എന്നിവരാണ് ഇയാളെ അറസ്റ്റുചെയ്‌തത്.

കഴിഞ്ഞ ദിവസം പാലോട് പൊലീസും വാമനപുരം എക്സൈസും നടത്തിയ റെയ്ഡില്‍ ഇയാളുടെ വീട്ടില്‍ നിന്നും വാഹനത്തില്‍ നിന്നുമായി 1.61 ലക്ഷം രൂപയുടെ വ്യാജ കറന്‍സിയും 2.6 കിലോ കഞ്ചാവും 36,500 രൂപയും എയര്‍ഗണ്ണുമാണ് പിടിച്ചെടുത്തത്. അബ്കാരി കേസില്‍ ഇയാള്‍ മുമ്ബും ജയിലിലായിട്ടുണ്ട്. പ്രതിയെ കോടതിയില്‍ ഹാജരാക്കി.

ഫോട്ടോ: പ്രതി ഇര്‍ഷാദ്

29/05/2021

1000 രൂപ മുതലുള്ള വൈദ്യുതി ബില്ലുകള്‍ ഓണ്‍ലൈനായി മാത്രമേ സ്വീകരിക്കുകെഎസ്‌ഇബി.
1000 രൂപ മുതലുള്ള വൈദ്യുതി ബില്ലുകള്‍ ഓണ്‍ലൈനായി മാത്രമേ സ്വീകരിക്കുകയുള്ളുവെന്ന് കെഎസ്‌ഇബി. 1000 രൂപക്ക് താഴെയുള്ള ബില്ലുകള്‍ ക്യാഷ് കൗണ്ടറില്‍ അടക്കാമെന്നും കെഎസ്‌ഇബി അറിയിച്ചു.
വൈദ്യുതി ബില്‍ ഓണ്‍ലൈന്‍ അടയ്ക്കാന്‍ നിരവധി മാര്‍ഗ്ഗങ്ങളുണ്ട്. വിവിധ ബാങ്കുകളുടെ ഓണ്‍ലൈന്‍ ബാങ്കിംഗ് സൗകര്യം ഉപയോഗിച്ചോ ക്രെഡിറ്റ്/ ഡെബിറ്റ് കാര്‍ഡുപയോഗിച്ചോ ഭീം, ഗൂഗിള്‍ പേ, ഫോണ്‍ പേ, ആമസോണ്‍ പേ, വിവിധ ബാങ്കുകളുടെ ബാങ്കിംഗ് ആപ്ലിക്കേഷനുകള്‍ തുടങ്ങിയ ബിബിപിഎസ് ആപ്ലിക്കേഷനുകള്‍ ഉപയോഗിച്ചോ അനായാസമായി വൈദ്യുതി ബില്‍ അടയ്ക്കാം.
2021 ജൂലൈ 31 വരെ കെഎസ്‌ഇബിയുടെ കസ്റ്റമര്‍ കെയര്‍ പോര്‍ട്ടലായ wss.kseb.in വഴിയും കെഎസ്‌ഇബി എന്ന ആന്‍ഡ്രോയ്ഡ് മൊബൈല്‍ ആപ്ലിക്കേഷന്‍ വഴിയും വൈദ്യുതി ബില്‍ അടയ്ക്കുമ്ബോള്‍ ട്രാന്‍സാക്ഷന്‍ ഫീസ് പൂര്‍ണമായി ഒഴിവാക്കിയിട്ടുണ്ടെന്നും വൈദ്യുത ബോര്‍ഡ് അറിയിച്ചു.

28/05/2021

വനം മന്ത്രിയും വനപാലകരും അറിയാൻ......

നാട്ടിൽ പണ്ട് കൃഷിയിടങ്ങളിൽ കന്നുകാലികൾ ഇറങ്ങി കൃഷിനശിപ്പിച്ചാൽ , കൃഷിക്കാരൻ ആ മൃഗത്തെ പിടിച്ച് പഞ്ചായത്ത് തൊഴുത്തിൽ കൊണ്ടുപോയി കെട്ടും.



ഇതിനായി ഓരോ പഞ്ചായത്തിലും തൊഴുത്തും എഴുത്തുകുത്തിനായി ഒരു പൗണ്ട് കീപ്പർ ഉണ്ടായിരിക്കും.

കൊണ്ടുവന്ന മൃഗത്തിന്റെ , ഇനം, പ്രായം, നിറം, കൊമ്പിന്റെ ആകൃതി, മറ്റു അടയാളങ്ങൾ എന്നിവയെല്ലാം രേഖപ്പെടുത്തി മൃഗത്തെ ഏറ്റെടുത്തതായി പൗണ്ട് കീപ്പർ പഞ്ചായത്തിന്റെ റസീറ്റ് കൃഷിക്കാരനു നൽകും.

പിന്നെ കന്നുകാലിയുടെ ഉടമസ്ഥൻ വന്ന് പഞ്ചായത്തിൽ പിഴ അടച്ചാൽ മാത്രമേ കന്നുകാലിയെ തിരികെ വിട്ടുകൊടുക്കു.

1939 ലെ അത്തരം ഒരുറസീറ്റിന്റെ (രസീതി ) ഫോട്ടോ കൂടി വിശ്വത്തിനായി ചുവടെ നൽകുന്നു.

കർഷകരുടെ ഇപ്പോഴത്തെ അവസ്ത........

കാട്ടുമൃഗങ്ങൾ കൃഷിയിടത്തിൽ ഇറങ്ങിയാൽ വേണമെങ്കിൽ കർഷകനെതിരെയും കേസ്സെടുക്കും.

മുതുവിള പരപ്പിൽ വിള തിന്നാനെത്തിയ കാട്ടുപന്നി കമ്പിവേലിക്കിടയിൽ താനെ കുരുങ്ങിയതിന് കർഷകന്എതിരെ കേസെടുത്ത കാര്യം ആ നാട്ടിലെ കർഷകർ മറന്നുകാണില്ല.

കാട്ടുപന്നികൾ, കാട്ടാനകൾ, കുരങ്ങുകൾ എന്നിവ കാരണം ലക്ഷങ്ങളുടെ നഷ്ടമമാണ് ദിനംപ്രതി കേരളത്തിലുടനീളം കർഷകർക്ക് ഉണ്ടാക്കുന്നത്.

വിളനശിപ്പിക്കുന്ന കാട്ടുമൃഗത്തെ കണ്ട് കല്ലെടുത്തു ഒന്നെറിഞ്ഞാൽ കര്ഷകനെതിരെ കേസുടുക്കാൻ വനപാലകർ ഓടിയെത്തും.

എന്നാൽ കാട്ടുമൃഗങ്ങൾ കൃഷിയിടങ്ങളിൽ ഇറങ്ങുന്നത് തടയാൻ ഒന്നും ചെയ്യുകയുമില്ല.


ഇതിനൊരു പരിഹാരം ഇനിയെങ്കിലും ഉണ്ടാകേണ്ട ..... ?

23/05/2021

വൈദ്യുത തകരാര്‍ പരിഹരിക്കുന്നതിനിടെ ഷോക്കേറ്റ് മരിച്ച പാലോട് സ്വദേശി കെ.എസ്.ഇ.ബി കരാര്‍ തൊഴിലാളിയുടെ കുടുംബത്തിന് സഹായഹസ്തവുമായി ചിറയിന്‍കീഴ് ഗ്രാമപഞ്ചായത്ത് അധികൃതര്‍.

https://chat.whatsapp.com/EeDqMTYvCtLL5Bi51VsJdK

ചിറയിന്‍കീഴ് കെ.എസ്.ഇ.ബി സെക്‌ഷന് കീഴിലെ കരാര്‍ തൊഴിലാളിയും കോണ്‍ഗ്രസ് ബൂത്ത് പ്രസിഡന്റുമായിരുന്ന പാങ്ങോട് പെരിങ്ങമല അനുപമ ഭവനില്‍ ബിജു(38) ആണ് ചിറയിന്‍കീഴ് പുളുന്തുരുത്തി കടവിന് സമീപം വൈദ്യുതി തകരാര്‍ പരിഹരിക്കുന്നതിനിടെ ഷോക്കേറ്റ് മരിച്ചത്.

ചിറയിന്‍കീഴ് ഗ്രാമപഞ്ചായത്ത് പ്രസിഡന്റ് പി. മുരളി, വൈസ് പ്രസിഡന്റ് സരിത, വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ അബ്ദുള്‍ വാഹിദ്, വാര്‍ഡ് മെമ്ബര്‍മാരായ ഷൈജ ആന്റണി, ശിവ പ്രഭ, പഞ്ചായത്ത് അഡിഷണല്‍ സെക്രട്ടറി വിനോദ്, ലോക്കല്‍ കമ്മിറ്റി സെക്രട്ടറി ജി. വ്യാസന്‍ എന്നിവര്‍ ചേര്‍ന്ന് ബിജുവിന്റെ മക്കളായ അനുപമ, ആതിര എന്നിവര്‍ക്ക് 50,000 രൂപ വീതം ബാങ്കില്‍ ഫിക്സഡ് ഡിപ്പോസിറ്റ് ചെയ്തതിന്റെ രേഖകള്‍ കൈമാറുകയും താത്കാലിക ചെലുകള്‍ക്കായി 25,000 രൂപ നല്‍കുകയും ചെയ്തു. പെരിങ്ങമ്മല ഗ്രാമപഞ്ചായത്ത് മുന്‍ പ്രസിഡന്റ് ഇബ്രാഹിം കുഞ്ഞ്, മുന്‍ ബ്രഞ്ച് സെക്രട്ടറി എസ്.എ. ജാവേദ്, എല്‍.സി അംഗം ഷെനില്‍ റഹീം, ശിവസേന നേതാവ് പെരിങ്ങമ്മല അജി തുടങ്ങിയവര്‍ പങ്കെടുത്തു.

26/04/2021

ഏകാംഗ നാടകോത്സവം നന്ദിയോട് രാകേഷ് മികച്ച നടന്‍

ഏകാംഗ നാടകോത്സവത്തില്‍ മികച്ച നടനായി നന്ദിയോട് പച്ച സ്വദേശി രാകേഷിനെ തിരഞ്ഞെടുത്തു.ലോക നാടക ദിനത്തോടനുബന്ധിച്ച്‌ നാടക് ജില്ലാ കമ്മറ്റി സംഘടിപ്പിച്ച നാടകോത്സവത്തില്‍ ആണ് രാകേഷിനെ മികച്ച നടനായി തിരഞ്ഞെടുത്തത്. അനില്‍ നെടുമങ്ങാട് സ്മരണാരവം വിനീഷ് കളത്ര രചിച്ച്‌ അമല്‍കൃഷ്ണ സംവിധാനം ചെയ്ത് ഡു തിയറ്റര്‍ അവതരിപ്പിച്ച ചുപ് രഹോ എന്ന നാടകത്തിലെ മിന്നും പ്രകടനമാണ് രാകേഷിന് തുണയായത്.

കലാകാരന്മാരുടെ കൊവിഡ് കാലപ്രതിസന്ധികളുടെ പുനരാവിഷ്കാരങ്ങളായിരുന്നു മത്സരത്തിനെത്തിയ മിക്ക നാടകങ്ങളുടെയും പ്രമേയം. കളത്തറ ഗലീലിയോ തിയറ്റര്‍ അവതരിപ്പിച്ച ഉടലാടകള്‍, യൂണിവേഴ്സ് തിയറ്റര്‍ ഹൗസ് അവതരിപ്പിച്ച വര്‍ത്തമാനം തുടങ്ങിയ നാടകങ്ങള്‍ പ്രത്യേക പുരസ്കാരം നേടി.

25/04/2021

നന്ദിയോട് പഞ്ചായത്തില്‍ 109 കൊവിഡ് കേസുകൾ. കൊച്ചുകരിക്കകം,​ ഇക്ബാല്‍ കോളേജ് വാര്‍ഡുകള്‍ കണ്ടെയ്ന്‍മെന്റ് സോണുകൾ.

...........................................................................
കൊവിഡ്: പാലോട് നിയന്ത്രണങ്ങള്‍ ശക്തമാക്കി പൊലീസ് കൊവിഡ് അതിവേഗം രോഗം പകരുമെന്ന് ആരോഗ്യ വകുപ്പ് കണ്ടെത്തിയ പ്രദേശങ്ങളുടെ നിയന്ത്രണം പൂര്‍ണമായും പൊലീസ്ഏറ്റെടുത്തു . നന്ദിയോട്,​ പെരിങ്ങമ്മല പഞ്ചായത്തുകളില്‍ നിയന്ത്രണങ്ങള്‍ കൂടുതൽ ശക്തമാക്കി. ഇവിടങ്ങളില്‍ പരിശോധയും വ്യാപകമാക്കിയിട്ടുണ്ട്. ജില്ലാ അതിര്‍ത്തിയായ അരിപ്പ, മടത്തറ, ചല്ലിമുക്ക് എന്നിവിടങ്ങളിലും പാലോട് ഫോറസ്റ്റ് റേഞ്ച് ഓഫീസിന് സമീപത്തെ താത്കാലിക ഔട്ട്ലെറ്റിലും പൊലീസ് പരിശോധന കര്‍ശനമാക്കിയിട്ടുണ്ട്. അനാവശ്യമായി പുറത്തിറങ്ങുന്നവര്‍ക്കെതിരെ നടപടി സ്വീകരിക്കുമെന്നും കടകളിലും മറ്റും കൂട്ടംകൂടാന്‍ അനുവദിക്കില്ലെന്നും പാലോട് പൊലീസ് പറഞ്ഞു. കൊവിഡ് പ്രോട്ടോക്കോള്‍ ലംഘനത്തെ തുടര്‍ന്ന് പാലോട് പൊലീസ് 72 കേസുകളും 308 പെറ്റിക്കേസുകളും ചാര്‍ജ് ചെയ്തിട്ടുണ്ട്. നന്ദിയോട് പഞ്ചായത്തില്‍ നിലവില്‍ 109 കൊവിഡ് കേസുകളാണ് റിപ്പോര്‍ട്ട് ചെയ്തത്. പെരിങ്ങമ്മല പഞ്ചായത്തിലെ കൊച്ചുകരിക്കകം,​ ഇക്ബാല്‍ കോളേജ് എന്നീ വാര്‍ഡുകള്‍ കണ്ടെയ്ന്‍മെന്റ് സോണുകളാണ്. 80 കൊവിഡ് കേസുകളാണ് ഇവിടെ നിലവിലുള്ളത്. നിയന്ത്രണങ്ങള്‍ ലംഘിക്കുന്നവര്‍ക്കെതിരെ ശക്തമായ നിയമനടപടികള്‍ സ്വീകരിക്കുമെന്നും ,രാത്രികാല കര്‍ഫ്യൂ കര്‍ശനമായിരിക്കുമെന്നും പാലോട് സി.ഐ സി.കെ. മനോജ് പറഞ്ഞു.

24/04/2021

പെരിങ്ങമലയിൽ കെ എസ് ആർ ടി സി ഡ്രൈവറെ മർദ്ദിച്ച യുവാക്കൾക്കെതിരെ കേസ്.

ബൈക്കിന് സൈഡ് കൊടുത്തില്ല എന്നാരോപിച്ച് കെ എസ് ആർ ടി സി ഡ്രൈവറെ മർദ്ദിച്ചു. പാലോട് കെ എസ് ആർ ടി സി ഡിപ്പോയിലെ ദിലീപ് കുമാറിനാണ് മർദ്ദനമേറ്റത് ഇന്നലെ വൈകുന്നേരം നാല് മണിക്ക് പെരിങ്ങമ്മല അഗ്രി ഫാമിൽ വച്ചാണ് സംഭവം. സംഭവവുമായി ബന്ധപ്പെട്ട് പെരിങ്ങമ്മല സ്വദേശികളായ ഷഹിൻഷ, ഷിബിൻ എന്നിവർക്കെതിരെ പാലോട് പൊലിസ് കേസെടുത്തു.

സംഭവത്തെക്കറിച്ച് പൊലിസ് പറയുന്നത്. ഇന്നലെ വൈകന്നേരം പാലോട് നിന്നം അഗ്രി ഫാമിലേക്ക് പോവുകയായിരുന്ന ബസിന് പിന്നാലെ ബൈക്കിൽ വരുകയായിരുന്ന യുവാക്കൾ പെരിങ്ങമ്മല ജം ഗഷനിൽ എത്തിയപ്പോൾ സൈസ് നൽകിയില്ലാ എന്ന് പറഞ്ഞ് ഡ്രൈവർ ദിലീപിനോട് തട്ടിക്കയറിയിരുന്നു.
ബസ് അഗ്രി ഫാമിൽ എത്തി തിരികെ പാ ലോടേക്ക് വരാനായി പാർക്ക് ചെയ്തിരുന്ന നേരം അവിടെയെത്തിയ യുവാക്കൾ ദിലീപ് കമാറുമായി വീണ്ടും വാക്കുതർക്കത്തിലാവുകയും ദേഹോപദ്രവം ഏൽപ്പിക്കുകയുമായിരുന്നു. യുവാക്കൾക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു.

17/04/2021

യാത്രക്കാരുടെ ജീവനെടുക്കാൻ കാട്ടുപന്നികൾ. പന്നികൾ ഭക്ഷണം നൽകാൻ ഹോട്ടൽ, അറവുശാല ഉടമകൾ. കയ്യുംകെട്ടി അധികൃതർ .

മൈലമൂട്മുതല്‍ പാണ്ഡ്യന്‍പാറ വരെയും, കുറുപുഴ മുതല്‍ വലിയ താന്നിമൂട് ജംഗ്ഷന്‍ വരെയും കാലന്‍ കാവ് മുതല്‍ നവോദയ സ്കൂള്‍, വട്ടപ്പന്‍കാട്, നാഗരവരെയും റോഡിലും ജനവാസ മേഖലകളിലും വനത്തിലും കോഴി മാലിന്യങ്ങളും അറവ്, ഹോട്ടല്‍ മാലിന്യങ്ങളും തള്ളുന്നതിനാല്‍ ജനജീവിതം ദു:സ്സഹമായി. മാലിന്യ ങ്ങൾ
ഭക്ഷിക്കാന്‍ എത്തുന്ന കാട്ടുപന്നിയുടെ ആക്രമണത്തില്‍ നിരവധി പേര്‍ക്കാണ് ഗുരുതരമായി പരിക്കേല്‍ക്കുകയും മരണപ്പെടുകയും ചെയ്തിട്ടുള്ളത്. ഭക്ഷിക്കാന്‍ എത്തുന്ന കാട്ടുപന്നിയുടെ ആക്രമണത്തില്‍ നിരവധി പേര്‍ക്കാണ് ഗുരുതരമായി പരിക്കേല്‍ക്കുകയും മരണപ്പെടുകയും ചെയ്തിട്ടുള്ളത്. . ഭക്ഷിക്കാന്‍ എത്തുന്ന കാട്ടുപന്നിയുടെ ആക്രമണത്തില്‍ നിരവധി പേര്‍ക്കാണ് ഗുരുതരമായി പരിക്കേല്‍ക്കുകയും മരണപ്പെടുകയും ചെയ്തിട്ടുള്ളത്. കുറുപുഴ മുതല്‍ വലിയ താന്നിമൂട് ജംഗ്ഷന്‍ വരെയും പാണ്ഡ്യന്‍പാറ മുതല്‍ മൈലമൂട് വരെയും, കാലന്‍ കാവ് മുതല്‍ നവോദയ സ്കൂള്‍, വട്ടപ്പന്‍കാട്, നാഗരവരെയും റോഡിലും ജനവാസ മേഖലകളിലും വനത്തിലും കോഴി മാലിന്യങ്ങളും അറവ്, ഹോട്ടല്‍ മാലിന്യങ്ങളും തള്ളുന്നതിനാല്‍ ജനജീവിതം ദു:സ്സഹമായി. മാലിന്യ സംസ്കരണ സംവിധാനമില്ലാത്ത അറവുശാലകള്‍ക്കും ഹോട്ടലുകള്‍ക്കുമെതിരെ യാതൊരു നടപടിയുമെടുക്കാതെ അധികൃതര്‍ മൗനം പാലിക്കുമ്ബോള്‍ ജനങ്ങള്‍ ദുരിതത്തിലാണ്. രാത്രികാലങ്ങളിലാണ് മാലിന്യം വാഹനങ്ങളില്‍ ശേഖരിച്ച്‌ കൊണ്ടു തള്ളുന്നത്.മാലിന്യം മറവ് ചെയ്യാന്‍ മിക്ക കടകള്‍ക്കും സംവിധാനമില്ല. ചാക്കുകളില്‍ സംഭരിക്കുന്ന മാലിനും രാത്രി 11 മണിക്ക് ശേഷം വാഹനങ്ങളില്‍ കൊണ്ടുപോയി ജനവാസ മേഖലയിലെ റോഡുകളിലും വനങ്ങളിലും തള്ളുന്നു. ഈ മാലിന്യം അഴുകി ദുര്‍ഗന്ധം വമിക്കുമ്ബോള്‍ ഭക്ഷിക്കാന്‍ എത്തുന്ന കാട്ടുപന്നിയുടെ ആക്രമണത്തില്‍ നിരവധി പേര്‍ക്കാണ് ഗുരുതരമായി പരിക്കേല്‍ക്കുകയും മരണപ്പെടുകയും ചെയ്തിട്ടുള്ളത്. പാണ്ഡിയന്‍പാറ, കാലന്‍കാവ് നവോദയ സ്കൂള്‍, നാഗര, കുറുപുഴ ,താന്നിമൂട് എന്നിവിടങ്ങളിലാണ് മാലിന്യ നിക്ഷേപം രൂക്ഷമാണ്. കഴിഞ്ഞ രണ്ടു മാസത്തിനിടെ അഞ്ചു പേര്‍ക്കാണ് മാലിന്യം ഭക്ഷിക്കാനെത്തുന്ന വന്യമൃഗങ്ങളുടെ അക്രമണങ്ങളില്‍ ഗുരുതരമായി പരിക്കേറ്റത്.