La Créole

24/03/2024

05/01/2024

Le sénat haytien dès sa création a été un instrument de perturbation et de dysfonctionnement de l'appareil d'État (voir l'article 42 de la constitution du 27 décembre 1806).
Même Pétion qui l'institua par son entremise s'en est débarrassé à la suite des conjonctures de 1806-1811. Dans sa 2ème constitution, il réduisit les pouvoirs qui lui ont été conférés (voir le 2ème alinéa de l'article 127 de la constitution du 2 juin 1816).
L'assemblée constituante d'octobre 1986 n'a pas abordé en profondeur les problèmes administratifs historiques liés à la constitution de l'État haytien. Échaudée par la fièvre anti-duvaliériste, elle a voulu à tout prix proposer des éléments politiques nouveaux par rapport à l'ancienne administration. Elle a réhabilité le sénat pour faire remplacer l'assemblée nationale composée de 59 députés par un parlement bicaméral.
Cette mésure n'était pas des plus appopriées pour permettre à l'appareil d'État de faire face aux nombreux défis qui l'attendaient au cours de l'implémentation du processus démocratique. Comme auparavent, le sénat haytien post86 est totalement insignifiant et improductif au point que plusieurs de ses membres confondent leur rôle avec celui du pouvoir exécutif et servent de simples valets à certains Présidents. On se retrouve dans la situation à payer des gens pour vider davantage le trésor public, un gaspillage total de fonds qui pourraient servir à répondre à certains besoins fondamentaux du peuple haytien: la question de la disponibilité d'hôpitaux publics et la distribution d'eau potable sur le territoire national en exemples.
Dans le projet « Nouvelle Hayti », nous proposons un pouvoir législatif avec une chambre de représentants des communes. Les membres de cette chambre seront appelés : députés.
L'option de député-maire sera également envisageable car une même personne pourra poser sa candidature pour les fonctions de représentant de la commune au niveau du parlement (niveau national) et celle de maire (niveau local).
Cette proposition sera faite lors du projet amendement de la constitution en vigueur que nous ferons à l'assemblée nationale lors de notre premier mandat à la tête de l'appareil d'État.

Vénel Bozile pou yon lòt Ayiti

Yon lòt Ayiti posib ✊🏾

02/01/2024

« Gen espwa chanjman pou Ayiti »
Jounen 1e Janvye a vanse fini. Nou envite w regade video Adrès ak nasyon 🇭🇹 an.
Vénel Bozile pou yon lòt Ayiti
Pa bliye pataje video a !
Yon lòt Ayiti posib ✊🏿

30/12/2023

https://vm.tiktok.com/ZM6ykqqFV/
Nan okazyon fen lane 2023 a,
Vénel BOZILE swete pèp ayisyen an ak !
Yon lòt Ayiti posib ✊🏾

Regarde la vidéo de Vénel BOZILE ap pale.

23/12/2023

« Ayiti p ap janm chanje vre si nou pa chanje kalite moun n ap mete dirije leta yo »

Nan Fakilte Syanzimèn lan kote m te etidye nan nivo lisans, anpil etidyan k ap fè ak soutni memwa yo pou jwenn grad lisansye pran plèzi fè yon ansanm ki makònen ak pwoblèm ki te poze an rapò ak objè etid yo a. Se kòmkidire nan lespri enpetran yo, gen moun ki gen pouvwa desizyon nan espas pwoblèm yo poze yo k ap vin li travay yo fè a, epi bay konsiderasyon ak rekòmandasyon sa yo. Men, nou tout wè peyi a ap vin pi mal de jou an jou.

Leta ayisyen tou, bò kote pa li, aprè ministè regalyen Leta yo ak enstitisyon otonòm yo, li pa sispann kreye lòt ògàn swadizan pou travay sou rezolisyon yon ansanm pwoblèm k ap boulvèse egzistans pèp ayisyen an. Menm jan nan enstitisyon polis lan, nouvo kò yo pa sispann pran nesans pou plis ensekirite piblik.

Malgre Leta ayisyen te genyen ministè jistis, , Koudèkont ak tout tribinal pou enstwui dosye jistis yo, elatriye. lè Nasyonzini te fè yon rele dèyè dirijan yo pou kòripsyon ak blanchiman lajan sal, Leta kreye yon lòt ògàn nan lane 2001 (UCREF) li di pou ede l konbat move pratik sa yo. 3 lane aprè, li kreye yon lòt ankò nan menm objektif bare vagabondaj la (ULCC). Men nou tout kapab konstate gen plis moun k ap vòlò lajan Leta ak jui lajan sal nan peyi a de jou an jou.

Nou menm nan ki se yon Pati politik k ap travay pou vini ak yon chanjman reyèl nan peyi a, lè n ap reflechi sou pwoblèm ki genyen Ayiti yo, nou rive konprann se pa ni mwayen Leta manke pou li pote solisyon, se pa ni etid ki manke fèt sou pwoblèm yo, se pa ni mwayen enstitisyonèl, òganik ak legal leta manke pou li aji sou pwoblèm yo ak koz yo, men se pito moun ki souvan ap dirije Leta yo ki PA BON MOUN.

Yon zanmi PNA rakonte nou yon anekdòt sou ansyen prezidan René Préval ak yon minis li.
Zanmi an di nou, yon lè Préval al rann vizit ak yon minis li. Préval te konnen minis lan pa t yon moun rich anvan nominasyon li nan djòb la. Lè ansyen Prezidan an wè kalite chato kay minis la konstwui pandan li nan fonksyon an, Préval di minis la : nan peyi serye yo t ap arete w pou kay sa ou fè a wi. Kidonk, Prezidan peyi a di minis li a, si yo te nan yon peyi serye, li t ap tonbe anba sanksyon jistis pou krim finansye.
Bon mezanmi, kijan Ayiti ap fè vin yon peyi serye si moun ki chèf aparèy Leta a pa yon moun serye ? (moun serye nan sans ayisyen an).

Atik 136 Konstitisyon Repiblik la di : Prezidan an ki se chèf leta a, se li ki responsab pou fè Konstitisyon an aplike, kreye estabilite nan enstitisyon leta yo, epi fè pouvwa piblik yo byen fonksyone pou leta a kapab toujou ap ranpli misyon li.
Pi lwen nan Atik 145, Konstitisyon an di Prezidan an dwe veye pou tout desizyon jistis yo egzekite selon sa lwa yo di.

Kounye a, nou pa gentan konprann Ayiti pa t ap ka lòt jan ak mòd moun ki pase kòm chèf Leta a nan 40 dènyè lane yo ?
Ebyen, se sa k fè nou menm nan Platfòm Nouvèl Ayiti, lè nou di w nou kapab chanje Ayiti a, nou di w tou : se ou menm, sitwayen peyi a, ki pou deside chanjman sa a ak vòt ou yo pandan w ap chwazi mache ak moun ki , moun ki gen , moun ki fè prèv , moun ki konpetan, pou w konfye jesyon aparèy leta peyi a.

Platfòm Nouvèl Ayiti pwopoze w yon altènativ k ap bon pou nou tout Ayisyen ak Ayisyèn.
Vini rejwenn ekip pwojè « Nouvèl Ayiti » a pou nou chanje sosyete a ansanm !

Yon lòt Ayiti posib ✊🏾

Vénel Bozile pou yon lòt Ayiti

21/12/2023

« Sou nesesite yon chanjman Lidèchip politik nan tèt leta peyi a »

Kèlkeswa fòm estrikti aparèy leta ayisyen ta genyen an, tout tan se menm moun k ap pratike kòripsyon yo k ap dirije l, sosyete a ap toujou gen menm pwoblèm yo.

Se konsyans sou reyalite sa a ki fè Vénel BOZILE, yon jèn lidè desalinis, konpetan ak onèt, ki renmen peyi li ak pèp li, antre nan yon demach pou pwopoze yon lòt lidèchip nan tèt aparèy leta ayisyen an. Nan sosyete kote ki gen pwogrè yo, se pa nenpòt moun yo mete dirije leta. Abitan yo dwe asire yo ke moun y ap chwazi pou renmèt desten nasyon an se moun ki patriyòt, se moun ki mache ak prensip, ki nan legalite, moun ki pa vòlò, ki pa pral detounen lajan taks yo pou regle zafè pèsonèl yo.
Isit an Ayiti, nou pa gen abitid fè atansyon ak koze sa yo anvan nou chwazi moun ki pou dirije leta a. Se youn nan prensipal koz ki fè sosyete nou an vin degraba konsa, kote jodi a se gwoup sivil ak zam ki ap kontwole tèritwa peyi a pi fò kote, mete lapèn nan kè pèp la.
Nou p ap bliye mizè, chomaj, blakawout, fatra tout kote, move lavi ki lage anpil frè ak sè ayisyen parèy nou nan mande tout kote sou rezososyal yo pou lafen pa touye yo, pou yo sove egzistans yo. Pèp ayisyen vin egziste san onè. Dirijan leta yo sakrifye diyite nou.

Aprè 2019 lane depi Jean-Jacques Dessalines te fonde nasyon sa a ak objektif pou tout moun gen aksè ak byennèt paske tout moun se moun, nou pa ka kontinye ap trete moun nan eta mizerab yo ye la a. An nou chanje lidèchip, an nou chanje moun n ap sipòte yo.

Vénel BOZILE ak ekip li, se espwa yon Ayiti kote lavi ak byennèt ap posib, kote mizè ak soufrans pèp ayisyen an ap pran fen tout bon vre. Kote moun ap sispann antase tankou sadin nan veyikil transpò piblik yo paske dirijan leta yo pa bay sa regle anyen pou li.
Kote timoun ap sispann drive nan lari pou sèvi pepinyè pou bandi paske dirijan leta kounye a yo pa bay sa a regle anyen pou yo.

Se move moun ak move dirijan ki koz sosyete nou an ap deperi konsa. Se bon moun ak bon dirijan ki pou repare dega yo ak ranje li. Pou yon lòt Ayiti, fòk nou chanje moun, fòk nou chanje pratik ak yon lòt filozofi de moun. Fòk nou retounen nan filozofi desalinis lan.
Rejwenn ekip pwojè « Nouvèl Ayiti » a pou nou fè wout ansanm. Paske nou gen kapasite ak MORALITE nesesè pou nou chanje sa.
Yon lòt Ayiti posib

Vénel Bozile pou yon lòt Ayiti

19/12/2023

Èske Desalinis lan se yon ideyoloji Lagoch ?
Vénel BOZILE ap reponn
=======================
Mwen menm ki konprann sitiyasyon mizè k ap ravaje mas popilè yo isit la se koz nou vire do bay pwojè libète byennèt fondatè nasyon sa a, Jean-Jacques Dessalines, te genyen pou pèp ayisyen an, mwen di tèt mwen gen nesesite pou nou resisite pwojè sila a nan peyi a, epi enpoze l an negasyon ak sosyete ki tabli kò l an Ayiti depi 1806 ki travèse pa 2 prensip fondamantal ki se :
1- majinalizasyon mas popilè yo, ak
2) kòripsyon administratif jeneralize pou anrichisman chèf ak grandon yo nan nivo leta a.

Kòm Jean-Jacques Dessalines pa t gen tan pou li te ekri yon tewori global sou leta, pou rezon sa a mwen bay tèt mwen objektif elabore yon baz teworik pou panse desalinis lan k ap gen pou referans filozofi, ansanm konpòtman ak vizyon politik ki te lakay li depi lè li te lyetnan-jeneral jiskaske li vin Anpèrè Ayiti.

E kòm mwen nan yon demach politik ki nesesè pou reyalizasyon pwojè « Nouvèl Ayiti » mwen menm ak divès lòt kamarad ap fè pwomosyon pou li, yon pwojè ki se yon kopi-konfòm pwojè libète byennèt fondatè nasyon an, aprè analiz, nou te rann nou kont, pa gen anyen nan sa ki konsène panse politik ak vizyon mond ki konsidere satisfaksyon libète ak byennèt moun nan pi gwo dimansyon li ke nou bezwen al chache nan tè etranje. Jean-Jacques Dessalines se premye chèf leta sou latè ki revandike dwa pou tout moun egal, pou tout moun viv tankou moun nan mond lan.

Sepandan isit, depi zak sasinay sou fondatè nasyon an, yo pa edike nou pou nou fyè de tèt nou. Aprè 1806, ansyen kolon yo te reyetabli tèt yo sou tèritwa a, mas popilè yo te sanse livre ak yo menm san defansè, san kapitèn. Lèkti doktè Jean Price Mars nan tèks "Ainsi parla l'oncle", Laënnec Hurbon nan "Barbare imaginaire" ak Jean Casimir nan "Haïti et ses élites, dyalòg moun soud ki pa janm fini" ap ede nenpòt tibebe konprann kòman elit yo toujou ap konbat kont mas popilè yo ak tout kilti popilè a.
Majorite moun ki konn li ak ekri an Ayiti panse pou yo gen valè fòk yo sanble ak ansyen mèt kolon yo, fòk pale yo diferan de pale mas popilè yo. Se konsa, malgre gen tantativ lakay kèk entèlektyèl gwo kalib peyi a konnen pou konbat pèsepsyon sa a, olye li diminye, kondisyon sosyal egzistans moun nan mas popilè yo k ap degrade pi plis koz li ogmante. Santiman "moun mas popilè enferyè ak kolon yo", santiman fòk yo sanble ak ansyen kolon yo pou yo gen chans reyisi a, RANFÒSE.
Se konsa, majorite entèlektyèl ayisyen nan dènyè jenerasyon an, twouve li obligatwa pou menm chita moun ap chita an Ayiti li dwe chita selon chema panse oksidantal la. Paske se peyi oksidantal yo ki ranplase esklavajis yo nan ejemoni mond lan. Kidonk, se yo menm ki vin pran plas nouvo mèt yo, nouvo kolon yo. Nan panse oksidantal la, se tèm « peyi soudevlope » yo itilize pou denonmen peyi yo te kolonize, peyi yo kontinye ap rann pi pòv yo. Se tèm « peyi devlope » ki pran plas metwopòl. Kidonk, nouvo rapò eksplwatasyon mèt lemond yo ap fè sou mas popilè yo nan divès kwen nan mond lan pa enplike tandèm "koloni-metwopòl" ankò. Moun yo pa egare, entèlektyèl kolonize yo te ka santi yo mal alèz.
Yo chanje ansyen tandèm lan pa yon nouvo ki se « peyi soudevlope-peyi devlope ».
Kòm se nan metwopòl la pou moun ki te nan koloni yo ki te vle voye pitit yo fè gwo klas te ale lekòl, ebyen se nan peyi devlope yo tou moun peyi soudevlope ki bezwen rive lwen lekòl majoritèman al chache grad metriz ak doktora.
Ki avantaj sa bay oksidanto yo?
- Sa pèmèt yo fabrike moun pi fasilman ki pou tounen vin sèvi relè ak pwojè entèlektyèl, politik ak ekonomik yo genyen pou sosyete y ap eksplwate yo. Se youn nan kòz ki fè li fasil pou w tande yon entèlektyèl ayisyen di w se Ayiti ki chwazi vin yon peyi pòv.

Poukisa sa te enpòtan pou m te eksplike nan kad yon demach kote m ap reponn kèk konpatriyòt ki pa sispann mande m èske ideyoloji desalinis la se yon ideyoloji Lagoch ?
Repons : se paske m entèrese ak lespri keksyon sa a moun yo ap plede poze m la .

Kòm Ayiti tonbe nan kategori peyi soudevlope, kote kilti popilè a toujou ap sibi vag panse oksidantal dominant lan, kòm Desalinis lan se yon ideyoloji ki gen orijin li menm pami eksplwate yo, pou kèk moun, ideyoloji desalinis lan ap merite konsiderasyon yo si li kapab antre kò l nan chema panse tradisyonèl oksidantal ke yo reprezante relè pou li a.
M ap di moun sa yo : Detwonpe nou !

« Jean-Jacques Dessalines pi gran pase loksidan »
- Jean-Jacques Dessalines se moun nan dimansyon pafètman akonpli a. Filozofi ak vizyon mond ki te kay Jean-Jacques Dessalines lan kontni tout sa nou wè lemond ap rele dwa moun ak revandikasyon sosyal yo jounen jodi a.
Jean-Jacques Dessalines te genyen plis pase yon syèk avans sou tan li an.
Vizyon mond Jean-Jacques Dessalines lan te depase kakan panse epòk li a.
- Panse ki te dominan nan tan Dessalines lan se te yon panse esklavajis ak mèkantil. Youn nan apwòch sistèm esklavajis la se tabli siperyorite ras yo youn sou lòt ak eksplwatasyon yon kategori moun nan pwofi yon lòt kategori pouvwa politik yo te fè tounen privilejye paske yo te konsidere yo kòm grenn siperyè. Malgre an Frans te gen yon mouvman pou te ranvèse sistèm privilèj la nan zòn 1789, men anpil nan sa k te ekri yo te rete sou papye, tankou koze tout moun fèt lib ak egal ego a.
Jean-Jacques Dessalines li menm, lè li fonde leta Ayiti a nan lane 1804, li te restore diyite ak egalite tout ras yo.

Pou Dessalines « Tout moun se moun » kèlkeswa orijin ou, kèlkeswa ras ou, kèlkeswa apatenans etnik ak sosyal ou.
Dessalines pi gran pase tout sila yo yo di nou ki se « gran pansè » yo. Epi, li pa t sèlman panse ke moun dwe viv tankou moun, li pa t sèlman panse ke tout moun dwe egal ego, tout moun se moun, li te reyalize l politikman tou.

Kounye a, èske Lagoch kapab apiye li sou ideyal politik Jean-Jacques Dessalines lan ?
- Si Lagoch la konsidere tout moun se moun, se wi.
- Si Lagoch la konsidere leta yo dwe òganize sosyete yo pou reyalize kondisyon byennèt tout moun, se wi.
- Si Lagoch la konsidere leta yo dwe otonòm, leta yo dwe granmoun tèt yo, se wi.
- Si Lagoch la opoze kategorikman ak aneksyon yon leta paske li pi piti pa yon lòt ki pi gran, se wi.
- Si Lagoch la opoze ak kòripsyon ki se youn nan obstak ak jistis sosyal la, se wi.
- Si Lagoch la konsidere moun yo gen libète pou yo adopte relijyon lide yo di yo ak priye divinite yo vle, se wi.
- Si Lagoch la konsidere leta yo dwe edike moun yo selon yon doktrin nasyonal pou kapab defann enterè siperyè nasyon ak pèp yo, se wi.
- Si Lagoch la konsidere rapò sosyal yo dwe chita sou legalite kote tout moun gen menm konsiderasyon, se wi.

Men si Lagoch la p ap rapousib objektif sa yo, oswa kèk ladan yo, mwen pa sèten l ap kapab apiye li sou Ideyoloji desalinis lan.

Vénel BOZILE,
Desalinis.

Yon lòt Ayiti posib

16/12/2023

Vénel Bozile pou yon lòt Ayiti :
« Pou yon sosyete kote lavi posib an Ayiti fòk genyen dirijan ki gen moralite nan tèt aparèy leta a pou nou kapab reprann souverènte leta Ayiti a nan men "core group".
Se sèl dirijan Ayisyen ki konpetan, patriyòt, lwayal ak onèt ki gen kapasite pou deside sa k ap bon pou pèp Jean-Jacques Dessalines lan.
_____________________________
For a livable society in Hayti, there will need to be enough moral leaders at the head of the state apparatus to be able to take back state sovereignty from the core group. Because only competent, patriotic, loyal and honest Haitians are capable of deciding what is good for the people of Jean-Jacques Dessalines.
_____________________________
Pour une société vivable à Hayti il faudra des dirigeants assez moraux à la tête de l'appareil d'État pour pouvoir reprendre la souveraineté de l'État au core group.
Car seuls les Haytiens compétents, patriotes, loyaux et honnêtes sont capables de décider ce qui est bon pour le peuple de Jean-Jacques Dessalines.
Yon lòt Ayiti posib ✊🏾 »

15/08/2023

13/07/2023

Selon rechèch Kòdonatè Nasyonal nou : Vénel Bozile,
gen ase richès an Ayiti pou leta ayisyen òganize sosyete a pou tout moun kapab gen aksè ak byennèt. Se paske pwojè leta aktyèl la li an negasyon ak pwojè byennèt mas popilè yo ke Jean-Jacques Dessalines t ap pwone a, ki koz sa pa fèt.

- Gen yon nesesite politik pou n chanje modèl leta. Sa ap posib sèlman ak yon lòt kalte Dirijan. Moun ki , ki , ki , ki .
Platfòm Nouvèl Ayiti - PNA kwè li kapab pote kole nan akouche lòt modèl Dirijan sa yo.
Yon lòt Ayiti posib

24/06/2023

« Si n pa rive fè sa n dwe fè,
nou va fè sa n kapab.
Listwa chwazi ewo l. »
Yon lòt Ayiti posib ✊🏾

24/06/2023

24 Juin 2014 - 24 Juin 2023
9 ans depuis que nous avons posé le premier acte, l'objectif principal reste le même : l'engagement citoyen au profit de sa communauté. Pour ce, il faut que les citoyens aient une conscience de penser, une conscience d'agir pour le changement. Nous continuons de plaidoyer pour provoquer cette prise de conscience collective au sein de la grande communauté haïtienne.
La demande reste la même : rejoignez nous et semons des grains aujourd'hui pour un meilleur lendemain.

Faisons route ensemble !
Yon lòt Ayiti posib

22/06/2023

Demen maten, 7h 45
Vénel Bozile, Kòdonatè Nasyonal ak
Francky BRITUS, Konseye Politik
Pral pale de pwojè « Nouvèl Ayiti » a nan Jounal Premyè Okazyon sou Radyo .
Nou envite w branche !

12/02/2023

Jean-Jacques Dessalines se modèl la.

Yon lòt Ayiti posib ✊🏾

13/01/2023

ENSKRIPSYON NOUVO MANM



Direksyon PNA enfòme piblik la ak tout moun ki entèrese pote kole nan chanjman peyi a, gen enskripsyon nan pati a.
Fòmasyon pou anrejistreman nouvo PNnis yo ap fèt Samdi 21 Janvye 2023 ak Samdi 11 Fevriye 2023.
Fòmasyon an ap fèt nan nouvo lokal , Nazon limit Kafou Ayewopò.

Tout Ayisyen/Ayisyèn ki gen pou piti 19 ane laj ak yon kazye jidisyè vyèj kalifye pou vin manm òganizasyon an.

Pou patisipe nan fòmasyon an, ou kapab rele pou rezève plas ou nan youn nan telefòn sa yo :
+509 42 18 9191 /
+509 31 41 4284 /
+509 40 11 3535
Dat limit pou w rezève plas ou se Mèkredi 18 Janvye 2023.

Direksyon Platfòm Nouvèl Ayiti - PNA di tout entèrese !

Nou gen nou kapab fè pi byen pase sila ki te anvan nou yo. Valè pilye nou yo se :
- -

Yon lòt Ayiti posib

02/04/2022

Mwen kwè nou ka fè yon lòt Ayiti. Yon sosyete diferan de sa n ap viv ladan l alèkile a. Yon Ayiti kote ideyal fondatè nasyon an Jean-Jacques Dessalines pou tout Moun viv tankou Moun paske Tout Moun se Moun lan ap akonpli. Mwen genyen nou ka fè pi byen.



tout moun

Yon lòt Ayiti posib ✊🏾

09/02/2022

La France est notre plus grand ennemi, nous devons en être conscients.