AS-Burmese

23/12/2024

State ID လုပ်မလား Driver License လုပ်မလား ?
*************************************************

✅ရောက်ခါစ ကျောင်းသား/သူတွေနဲ့ အလည် နဲ့ လာတဲ့ သူတွေ ခဏခဏ မကွဲတာ တခု ရှိတယ် အဲ့ဒါ ဘာလဲ ဆိုတော့ State-ID နဲ့ Driver license ကို မကွဲကြဘူး။

✅၂ ခုလုံးက ID အနေနဲ့ အသုံးပြုလို့ ရတဲ့ အတွက်၊ တခုရှိရင် လုံလောက်ပါတယ် ၂ ခုလုံး ရှိစရာမလိုပါဘူး၊ State ID သဘောတရားက Standard ID ဖြစ်လို့ ID အဖြစ်သာ အသုံးပြုလို့ ရနိုင်ပါတယ်။

✅Driver License ကတော့ ID အနေနဲ့ ရော Driving license အနေနဲ့ အသုံးပြုလို့ ရပါမယ်၊ သို့ပေမဲ့ Driver License လုပ်တဲ့ အခါ တခါထဲ Driver License မရပါဘူး အရင်ဆုံး Learner Permit လို့ ခေါ်တဲ့ သင်မောင်း အရင်လုပ်ရပါတယ် အဲ့ဒီ အတွက် စာမေးပွဲ ဖြေရပါမယ် အောင်ပြီဆိုရင်တော့ အနီးဆုံး DVM ရုံးမှာ သွားပြီး Learner Permit လုပ်ရပါမယ်။ ဒါပြီးမှသာ Driver License ကို Road test ဖြေပြီး ရယူရမှာ ဖြစ်ပါတယ်။

✅ဒီတော့ ဘယ်ဟာ လုပ်ထားရမလဲ မေးသူတွေ အတွက်ပြောချင်တာက ကိုယ်က လော‌လောဆယ် ကားမောင်းစရာ မလိုဘူး စာမေးပွဲမဖြေချင်‌သေးဘူးဆိုရင် State ID လုပ်ထားပါ၊ စာမေးပွဲ ဖြေမယ် ကားလဲ မြန်မြန်မောင်းချင်တယ်ဆိုသူတွေ အတွက်တော့ State ID မလုပ်ပဲ learner Permit (သင်မောင်း) လုပ်ပါ လို့ အကြုံပြုချင်ပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

21/12/2024

A တင်မလား တခြား Option ရှိသေးလား ?
******************************************

✅Asylum က လျှောက်ရင် ၁၀ နှစ်လောက်ကြာလို့ မလျှောက်ချင်ဘူး တခြား အမေရိကမှာ ရေရှည်နေလို့ ရမဲ့ Program တွေ သိချင်ပါတယ်ဆိုပြီး ခဏခဏ မေးကြတယ်။ ပထမဆုံးပြောချင်တာက ၁၀ နှစ်လောက်ကြာတယ်ဆိုတာက မိမိ အပေါ်မှာလဲ မူတည်ပါတယ်။ USCIS က အချိန်တန်ရင် ခေါ်မှာပါ ပြစ်ထားလိုက်ရင်တော့ ၁၀ နှစ်လဲ ကြာနိုင်သလို နှစ် ၂၀ လဲ ကြာနိုင်ပါတယ်။

✅ဒီနေရာမှာ ပြောချင်တာက တချို့ အခြေအနေတွေ လူတွေ အတွက် ရွေးချယ်စရာ ရှိနိုင်ပေမဲ့ တချို့ အခြေအနေတွေ လူတွေ အတွက်ကြပြန်တော့ ရွေးချယ်စရာ မရှိတဲ့ အတွက် A ကသာ ရေရှည် နေဖို့နဲ့ အလုပ်လုပ်ဖို့ နည်းလမ်းဖြစ်တယ်။
-
✅၁ - အတွက်ပြောချင်တာက Graduate (Master/PhD) လာတက်သူတွေအတွက် A အပြင် အခြား ရွေးချယ်စရာ EB1/2 ရှိပါတယ် ကျောင်းပြီးတဲ့ အခါ EB-2 NIW or EB-1A လျှောက်ထားနိုင်တယ်၊ တဖက်မှာလဲ A နဲ့ တွဲတင်ထားပြီး option 2 ခုလုံးကို parallel သွားလို့ရနိုင်တယ်။
✅၂ - College တက်မဲ့ ကျောင်းသား/သူ လူငယ်တွေ အတွက် ပြောချင်တာက တော့ လတ်တလောမှာ A ကသာ option တခုအနေနဲ့ ရွေးချယ်စရာ ရှိမယ်၊ ဘာဖြစ်လို့လဲ ? ကျောင်းပီးရင် OPT နဲ့ မရနိုင်ဘူးလား ဆိုပြီး မေးရင် ရနိုင်တာပေါ့ OPT က STEM အောက်က ဆိုရင် ၃ နှစ်တောင် ရနိုင်တယ်။
ဒါပေမယ် ကိုယ်က တကယ်လုပ်ငန်းခွင်ဝင်ဖို့ Skills တွေ အလုံအလောက်ရှိပြီးလား ? လုပ်ငန်းခွင် အတွေ့အကြုံရှိပြီးလား ဆိုပြီး မေးဖို့လိုမယ်၊ Skills လဲ ရှိမယ် လုပ်ငန်းခွင် အတွေ့အကြုံလဲ ရှိတယ်ဆိုသူတွေ အတွက်တော့ အလုပ်ရှာတဲ့ အခါ အားသာချက် ရှိလို့ အလုပ်ရနိုင်ခြေပိုရှိနိုင်ပေမဲ့. အလုပ်အတွေအကြုံ မရှိသေး, skills ကလဲ စတည်ဆောက်ခါစ လူငယ်တွေအတွက် အလုပ်ရဖို့ အလွန်ခက်ပါတယ်၊ အလုပ်မရရင် OPT က လဲ ရမှာ မဟုတ်ပါဘူး။ H1-B ကရော မရနိုင်ဘူးလားလို မေးရင် H1-B ဆိုတာ အလုပ်တိုင်းက Sponsor မပေးချင်ပါဘူး ပေးတဲ့ အလုပ်ရရင်တောင်မှ Lottery system ထဲမှာ ရွေးချယ်ခံရမှသာ H1-B ဆိုတာရမှာ ဖြစ်တယ်။ ဒါကြောင့် A တခုသာ ရွေးချယ်စရာရှိတယ်လို့ ပြောရခြင်း ဖြစ်တယ်။
✅၃ - အလည်နဲ့ လာသူတွေအတွက် ကိုယ်က အများစုကတော့ လက်တွေ ကျကျ ပြောရရင် A တခုပဲ option ရှိပါတယ်။ ဒီအထဲမှာမ (Master/PhD) ရှိတဲ့သူတွေ ဆိုရင်တော့ EB-1/2 ကြိုးစားနိုင်ခြေ ရှိတယ်။

ဒီလောက်ဆိုရင် ဘာတွေ ရွေးချယ်သင့်သလဲ ဘယ်လို Option ရှိသလိုဆိုတာ သိလောက်ပြီလို့ ထင်ပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

20/12/2024

Good Morning ပါ အခုမှ ရောက်လာကြတဲ့ / ရောက်ဖို့ ကြိုးစားနေတဲ့ အမျိုးတွေအတွက် မနှစ်ကတင်ပေးခဲ့တဲ့ ဆောင်းပါး ပြန် Share ပေးလိုက်ပါတယ်.. အားလုံးဘဲ အဆင်ပြေ အောင်မြင်ကြပါစေ..

ချစ်တဲ့..

Team AS-B


#အမေရိကား

🦅လင်းယုန်အိပ်မက် အတွက် ခြေတစ်လှမ်း 🌐

🏉ခုတလော အမေးများတဲ့ မေးခွန်းလေးတွေ ပြန်ဖြေရင်းနဲ့.. သွားတွေ့မိပါတယ်.. အမေရိကားကို လာချင်ပါတယ် ဘယ်က စရမလည်း မသိပါ.. အလုပ်နဲ့ သွားချင်ပါတယ်.. ဘာလုပ်ရမလဲ? မေးခွန်းက တိုတိုလေးပါ ဖြေရမှာကတော့ အရှည်ကြီးဘဲ.. 😊

🌅အခုမှ အမေရိကန် အိပ်မက်စမက်တဲ့သူတွေအတွက် စာတွေအရင် မဖတ်ဘူးလား လို့ မဆူရက်ပြန်ဘူး.. အော် အဲ့မှာ မီးတောင် မမှန်တာ .. တချို့နေရာတွေဆို လိုင်းတွေဖြတ်ထားလို့ .. အင်တာနက်ရဖို့ မိုင်ချီဝေးတဲ့ တောင်ပေါ်က သစ်ပင်လေးနားမှာဘဲ လိုင်းရလို့ အဲ့ထိ သက်စွန့်ဆံဖျား ရောက်အောင်သွား အင်တာနက် သုံးကြရတာတဲ့.. ASB ရဲ့ အမာခံ Fan တွေထဲမှာ အဲ့လို နေရာတွေကနေ အမေရိကားရောက်လာကြတဲ့ Phoenix ငှက်တွေ အများကြီးပါဘဲ.. အခုမှ စမယ့်သူတွေ ဘာမှ အားမငယ်ပါနဲ့.. ခြေတလှမ်းသာ စလှမ်းလိုက်ပါတော့..

👉သူတို့တွေ ရုတ်တရက် စာတွေအများကြီးလည်း ဖတ်ဖို့ အချိန်မရှိဘူး သွားချင်တယ် ဘာလုပ်ရမလဲ.. ဒီမှာ အရင်တင်ခဲ့တဲ့ ပို့စ်ကို ပြန် update လုပ်ပြီး တင်ပေးလိုက်ပါတယ်..

🦅အမေရိက ကို လာချင်ပါတယ် ဘယ်လိုလုပ်ရမလဲ ခင်ဗျာ

✈️လိုတိုရှင်းဖြေရရင်တော့ လောလောဆယ် လောဂျစ်အရ အဖြစ်နိုင်ဆုံး တရားဝင်နည်း၂ခု အောက်မှာ ကြည့်ပါ..

✈️Team ASB အနေနဲ့ လုံးဝ အားမပေးချင်တဲ့ ကိစ္စ၂ခု ရှိပါတယ်.. ပတ်စပို့မပါဘဲ Jump Ship လုပ်တာနဲ့ နယ်စပ်ကနေ တရားမဝင် ဖြတ်ကျော်ဝင်ရောက်တဲ့ လမ်းကြောင်းတွေ.. အဲ့ဒါမျိုးတွေကိုတော့ ကျနော်တို့အနေနဲ့ လုပ်ဖို့ရာ လုံးဝ အားမပေးပါ.. သိလည်း မသိပါ ခင်ဗျာ.. အဲ့ကိစ္စတွေနဲ့ ပတ်သက်ပြီးတော့ လာမမေးဖို့ ကြိုတင်တောင်းပန်ပါရစေ..

🧧အရင်ဆုံး ပတ်စပို့ ရှိရမယ် / လုပ်ထားရမယ်.. ကိုယ်ဗီဇာ အင်တာဗျူးဝင်မယ့်အချိန် သွားမယ့် ခန့်မှန်းခြေ အချိန်မှာ ပတ်စပို့သက်တမ်း အနည်းဆုံး ၆လကျော် ကျန်နေရမယ်.. ခုမှ စလုပ်မယ် ပတ်စပို့ တစ်နှစ်နီးပါးလောက်ဘဲ သက်တမ်းကျန်ရင် သက်တမ်းတိုးထားလိုက် ကြိုတိုးလို့ရတယ်.

👨‍🎓English လိုလည်း နည်းနည်းပါးပါး လေ့လာထားပါ.. ကိုယ့်အားကိုယ်ကိုး စာဖတ် လေ့လာတတ်တဲ့ အကျင့်တွေ မွေးပါ.. ဗီဇာရရုံလောက်တင် မဟုတ်ဘဲ ဟိုရောက်ပြီး ၆လ လောက် အနည်းဆုံး လုပ်စရာ ရင်ဆိုင်ရမှာတွေအတွက် ရုပ်ပိုင်း စိတ်ပိုင်းဆိုင်ရာ ကြို ပြင်ဆင်လာခဲ့ပါ..

✈️၁) အလည်ဗီဇာ B1/B2
✈️၂) ကျောင်းသားဗီဇာ F1/F2 (အနည်းဆုံး ဆယ်တန်းတော့ အောင်ရမယ်.. CဒီM ကလေးတွေမို့ ဆယ်တန်းမဖြေရသေးဘူး ဆိုရင်တော့ GED အောင်အောင်ဖြေပါ)

😅DV တို့ဘာတို့ကတော့ လာမည်ကြာမည် (ပေါက်ရင်တောင် နံပါတ်ငယ်မှ.. ဆေးအောင်မှ စသဖြင့် နှစ်ချီကြာနိုင်တယ်..) အဲ့တော့ သူ့ကိုတော့ ထီထိုးသလိုဘဲ သဘောထား..

😅အလုပ်နဲ့ လာချင်ပါတယ်.. အတော်ခက်ပြီး အလွန်ကြာနိုင်ပါတယ်.. မရေရာတဲ့ လမ်းဖြစ်လို့ အားမပေးပါ..

😅ကံမကောင်းလို့ မြန်မာပြည်ကြီးမှာ ခုလို ဒုက္ခတွေ ဗရုတ်သုတ်ခ ကောင်တွေနဲ့ ကြုံနေရတာ ကိုယ့် ကံကို သိပ်ယုံမနေနဲ့ လက်တွေ့ကျတဲ့ လမ်းကို လျောက်တာ ပိုကောင်းတယ်.. အဲ့တော့ DV ကို ထိုးတော့ထိုးထား ဒီဘက်မှာ လုပ်စရာရှိတာလည်း လုပ်ပေါ့။

🏆အလည်ဗီဇာအတွက်က ဘာလိုမလဲ.. ဗီဇာ appointment ရဖို့ လိုမယ်.. DS-160 လျောက်ရမယ် DS-160 ဘယ်လိုဖြည့်ရမလဲ အရင်က ဆောင်းပါးရေးထားတယ် ဒီ လင့်မှာ ဖတ်ကြည့်ပါ

DS-160 ဘယ်လိုဖြည့်မလဲ
https://bit.ly/3rg6Hob

👨‍🎓အသက် ၂၀ကျော်လေး ဘယ်မှလည်း နိုင်ငံခြားမသွားဖူးဘူးဆိုရင်တော့ တယောက်တည်းသွားမှာဆိုရင်တော့ အလည်ဗီဇာ မလျောက်နဲ့ ကျောင်းလျောက်ဖို့ဘဲ အားပေးတယ်.. ကိုယ်က အရမ်း reason ကောင်းနေတယ် အရင်ကလည်း ဗီဇာရခဲ့ဖူးတယ်ဆိုရင်တော့ တမျိုးပေါ့.. ဒီမှာ ကျနော်တို့ ချွင်းချက်ပေးရမယ့်သူတွေထက် ယေဘုယျသမားတွေအတွက်ဘဲ ပြောပေးတာ..

ကျောင်းသမားတွေ ကျောင်းဘယ်လိုလျောက်ရမလဲ မြန်မာလို ရေးထားတဲ့ page တွေ ဝန်ဆောင်မှုလုပ်ပေးတဲ့ လူတွေ အဖွဲ့တွေ အများကြီးပါ စုံစမ်းကြည့်ပါ.. တချို့လည်း ကိုယ်တိုင်လျောက်ကြတယ်.. ဘယ်လိုဘဲလုပ်လုပ် အဆင်ပြေဖို့အရေးကြီးတယ်

🌅သံရုံးအင်တာဗျူး ဖြေဖို့ ဒီလင့်မှာ အရင်ဆောင်းပါးတွေ ဖတ်ကြည့်ပါ..

U.S အမေရိကန် ဗီဇာ အင်တာဗျူး အတွေ့အကြုံ အပိုင်း -၁
https://bit.ly/44PV2u0
U.S အမေရိကန် ဗီဇာ အင်တာဗျူး အတွေ့အကြုံ အပိုင်း -၂
https://tinyurl.com/5c47wxkx

✈️ အင်တာဗျူးအောင်သွားပြီ ဗီဇာပေးလိုက်ရင် ဗီဇာ ၃လအတွင်း (အလည်သမားတွေ) ထွက်ရပါတယ်.. Stay ဘယ်လောက်ရမလဲ သိချင်ရင် ဒီလင့်မှာ ဖတ်ကြည့်ပါ

American Visa နဲ့ Permission to Stay ဘာကွာပါသလဲ
https://bit.ly/3ZhgTcA
ကျောင်းသားတွေအတွက် ဗဟုသုတ ဒီမှာ ဖတ်ကြည့်ပါ
----------------------------------------------------------
အမေရိကားကျောင်းတက်မည့်သူတွေအတွက် ဗဟုသုတ
----------------------------------------------------------
Instate Tuition Fees
https://bit.ly/3ReN4rr
Free Education for children
https://bit.ly/3sHxR7R

🙏 အလည်သမားတွေ မိသားစုသမားတွေ ဘယ်လောက်ကုန်မလဲဆိုရင် အောက်က ဆောင်းပါး ဖတ်ကြည့်ပါ..

အမေရိကားရောက်ပြီး ယာယီ နေထိုင်စရိတ် ခန့်မှန်း ကုန်ကျငွေ
https://bit.ly/3LlMuV7
အမေရိကကို လာရင် ဒေါ်လာဘယ်လောက် သယ်လာလို့ ရလဲ
https://bit.ly/3sQA9BK

အမေရိကရောက်ရောက်ချင်း ဘာတွေလုပ်သင့်သလဲ ဒီမှာ ခြေလှမ်းသွက်သွက်ဆောင်းပါးတွေ ဖတ်ကြည့်ပါ..
------------------------------------------------------
အမေရိကားရောက်ပြီဆိုဘာတွေစပြီးလုပ်သင့်သလဲ
------------------------------------------------------
Bank Account ဘယ်လိုဖွင့်မလဲ
https://bit.ly/3EySKow
i-94 ဘယ်လိုထုတ်မလဲ
https://bit.ly/3LkYHcv
Driving License/ Learner Permit
https://bit.ly/48fkUTk
Learner Permit ဘယ်လိုဖြေမလဲ
https://bit.ly/3RdFBsA
Road Test for Driving license
https://bit.ly/44Qcw9Q

🧑‍🚀မိုင်တစ်သောင်းဝေးတဲ့ ခရီးလည်း ခြေတစ်လှမ်းနဲ့ အရင်စရတာပါဘဲ.. အမေရိကားနဲ့ မြန်မာက မိုင်၈ထောင်ကျော်ဘဲ ဝေးတာပါ.. ခင်ဗျားတို့အတွက် အမေရိကားဆိုတာ လကမ္ဘာ မဟုတ်ပါ.. ဒီကမ္ဘာပေါ်မှာဘဲ ရှိနေတဲ့ နေရာတစ်ခုပါဘဲ.. ဘာလို့ မရောက်ရမှာလဲ..

🦅ယုံကြည်ချက်ရှိရှိနဲ့ ချသာချပါ.. လဲကျရင် ပြန်ထပါ.. တစ်ချိန်မှာ ပြန်ဆုံကြမယ်..
အားလုံးဘဲ အဆင်ပြေ အောင်မြင်ကြပါစေဗျာ

Disclaimer: We are not lawyers, and this is just for knowledge-sharing purposes. It is not our intention to encourage anyone to seek asylum.


#အမေရိကား

19/12/2024

Don't Be Panic
****************

✅Deportation သတင်းတွေ ဟိုက ရေး ဒီကရေးဆိုတော့ ခဏခဏ ဖြေရလွန်းလို့ အဖြေတွေလဲ ထပ်နေပီ, ထပ်ပြောရရင် အစိုးရိမ် မလွန်ပါနဲ။
✅Deportation လုပ်မဲ့ ကိစ္စက လုပ်မှာတော့ မှန်ပေမဲ့ Legally Visa ယူပြီး လေဆိပ် Immigration က တရားဝင် ဝင်လာသူတွေ အနေနဲ့ အရမ်းကာရော စိုးရိမ်နေဖို့ မလိုပါဘူး ပထမဆုံး ဖြေရှင်းရမှာက detention center က သူတွေပါ ပြီးရင် တရားမဝင် ဝင်လာသူတွေကို လိုက်လံဖမ်းဆီးတာတွေ ပြန်ပို့တာတွေ လုပ်ရပါအုံးမယ်။

✅ဒီလို တရားမဝင် ဝင်လာသူ အရေအတွက်ဟာ တရားဝင် ဝင်လာသူ အရေအတွက်ထက် ၃-၄ ဆ များပြားပါတယ်၊ ဒီလူတွေ ကို ပြန်ပို့ဖို့ Resources အလုံအလောက် လတ်တလောမှာမရှိပါဘူး, အလုပ်ခေါ်ရပါမယ် Training ပေးရပါမယ် ပြီးမှ ဖမ်းတာ ဆီးတာ, ပြန်ပို့တာတွေ လုပ်ဆောင်နိုင်မှာပါ. ဒီကိစ္စနဲ့ တင် လပေါင်း နှစ်ပေါင်း ဘယ်လေက်ကြာမယ် မသိနိုင်သေးဘူး။
✅တခု သိထားရမှာက Trump လုပ်ချင်တာ လုပ်ဖို့ ဆိုတာ Congress ကလဲ သဘောတူအုံးမှ ဖြစ်ပါမယ်၊ သူပါတီမှာတောင် Trump နဲ့ အားလုံး တသံထဲ ထွက်တာ မဟုတ်ပါဘူး၊ ထပ်ပြီး ပြောရရင် Trump လုပ်စရာတွေ အများကြီးဖြစ်လို့ Immigration ကိစ္စက အများစိုးရိမ်နေသလို မြန်မြန်ဆန်ဆန် လုပ်လို့ ရတာ မဟုတ်ပါဘူး။ ဒါကြောင့် မစိုးရိမ်ဖို့ ပြောချင်တယ်။
✅စိုးရိမ်နေတာထက် အရေးကြီးတာက တော်လှန်ရေးမှာ ဆက်လက် ပါဝင်နေပါ၊ ဒါက စိုးရိမ်နေတာထက် ပိုပြီး ထိရောက်ပြီး ကိုယ်ကိုယ်တိုင်လဲ ပါဝင်နေတယ်ဆိုတာ သက်သေပြပြီး ဖြစ်ပါမယ်။ ဒါကိုပဲ Focus ထားဖို့ အကြံပြုချင်ပါတယ်။

✅အရင်က ကျောင်းမတက်ပဲ A မလျှောက်ထားပဲ TPS လောက်ပဲ ရှိတဲ့ သူတွေ အနေနဲ့ A ကိုလဲ Cover ဖြစ်အောင်တင်ထားပါ TPS က ထပ်မတိုးဖို့ ရာခိုင်းနှုန်း များတဲ့အတွက်ကြိုပြင်ဆင်ထားကြဖို့ ပြောချင်တယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

17/12/2024

ဆေးရုံ ကုန်ကျစရိတ် နှင့် အကူအညီ
***********************************

✅စရောက်ခါစ ကျောင်းသားတွေ, အလည်နဲ့ လာတဲ့ မိသားစုတွေ အကြောင်းအမျိုးမျိုးကြောင့် ဆေးရုံသွားရတဲ့ အခါ Insurance တွေ အကုန် Cover မဖြစ်တာတွေ မရသေးတာတွေ နဲ့ ဆေးရုံတက်ခ အများအပြားကျလို့ စိတ်ညစ်တာတွေ ခဏခဏ ကြုံတွေရလို့ Medical နဲ့ ပတ်သက်လို့ ဘယ်လို အကူအညီ တောင်းလို့ ရနိုင်သလဲဆိုတာ တင်ပြပါမယ်။

✅အမေရိကမှာ ရှိတဲ့ ဆေးရုံ အများစုဟာ အစိုးရရဲ့ ထောက်ပံ့မှု့နဲ့ ရပ်တည်ရပါတယ်၊ တဖက်မှာ Charity တွေကနေ လက်ခံရရှိကြပါတယ်။ ကိုယ်က အခြေနေ တခုခုကြောင့် ဆေးရုံတက်ရတဲ့ အခါ Insurance က Cover မဖြစ်ဘူး သို့မဟုတ် Insurance မရှိခဲ့ဘူးဆိုရင်၊ ဆေးရုံမှာ Financial Assistance ရှိသလားလို့ တခါထဲ ပွင့်ပွင့်လင်းလင်း မေးရပါမယ်။

✅Financial Assistance ရှိတယ်ဆိုရင် တခါထဲလျှောက်ပြီး Medical Bill ကို အကူအညီ တောင်းရပါမယ်, Financial Assistance မရှိဘူးဆိုရင် ဆေးရုံမှာ Charity Care Program တွေ ရှိသလား မေးပါ၊ ဆေးရုံ အများစုဟာ Charity Care Program တွေနဲ့ ချိတ်ဆက်ထားတာ ဖြစ်လို့ တခါထဲ အကူညီရနိုင်ပါမယ်။

✅ဆေးရုံမှာလဲ Financial Assistance လဲ မရှိဘူး Charity Care Program တွေနဲ့ လဲ အချိတ်အဆက်မရှိဘူးဆိုရင် စိတ်မပူပါနဲ့အုံး၊ ဆေးရုံကို ငါ့မှာ Financial hardship ဖြစ်နေလို့ ခေတ္တစောင့်ပါ ငါအကူညီရှာနေပါတယ်ပြောထားပါ၊ ပြီးရင် အပြင်မှာ Charity Care Program တွေ အများကြီး ရှိပါတယ် အဲ့ဒီကနေ တဆင့်လျှောက်ပြီး ဆေးရုံ Bill ကို လျှောက်ထားနိုင်ပါတယ်။

✅ချွင်းချက် တခုအနေနဲ့ အကူညီတောင်းသူက ဝင်ငွေ နည်းပါးသူ သို့မဟုတ် ဝင်ငွေ မရှိသူ ဖြစ်ပါမယ်၊ အကူညီတောင်းသူက သတ်မှတ်ဝင်ငွေ အထက်ရှိတယ်ဆိုရင် ပြောခဲ့တဲ့ အကူညီတွေ ရဖို့ အလွန်ခက်ပါမယ်။ ဒါကြောင့် စရောက်ခါစ မြန်မာတွေ ကျမ္မာရေး တခုခု ဖြစ်တယ်ဆိုရင် ကုန်ကျစရိတ်ကို စိတ်မပူပဲ ဆေးရုံအရင်တက်ပြီး ကျမ္မာရေး ဖြေရှင်းကြဖို့ တိုက်တွန်းချင်ပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

15/12/2024

ကျောင်းသားတွေ ကျောင်းတက်ဖို့ လာကြတဲ့ အချိန်ဆိုတော့ မေးခွန်းတွေ ထပ်နေလို့ ရောက်ပြီဆိုတာနဲ့ လုပ်ရမဲ့ အရာတွေ ဒီမှာ ဖတ်ကြဖို့ အကြံပြုလိုပါတယ်။

------------------------------------------------------
ℹ️အမေရိကားရောက်ပြီဆိုဘာတွေစပြီးလုပ်သင့်သလဲ
------------------------------------------------------
👉Bank Account ဘယ်လိုဖွင့်မလဲ
https://bit.ly/3EySKow
👉i-94 ဘယ်လိုထုတ်မလဲ
https://bit.ly/3LkYHcv
👉i-94 ထုတ်မရတဲ့ ခါ ဖြေရှင်းနည်း
https://tinyurl.com/2pnwvrm5
👉I-94 နောက်ဆက်တွဲ ပြဿနာ
https://tinyurl.com/3r2wypnf
👉Driving License/ Learner Permit
https://bit.ly/48fkUTk
👉Learner Permit ဘယ်လိုဖြေမလဲ
https://bit.ly/3RdFBsA
👉Road Test for Driving license
https://bit.ly/44Qcw9Q
👉ပြည်တွင်းခရီးသွားဖို့ ဘာလိုအပ်သလဲ ?
https://tinyurl.com/mpmczp2s

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

14/12/2024

ကျောင်းသားတွေ ရောက်တာနဲ့ လုပ်ဆောင်စရာ
**********************************************

✅December ထဲရောက်ပြီဆိုတော့ Spring တွက် ကျောင်းသား အများစုလဲ ရောက်နေကြပြီ၊ အဲ့ဒီတော့ ပထမဆုံး အမေရိကထဲကို ရောက်ပြီးဆိုတာနဲ့ A လျှောက်သူရော မလျှောက်သူတွေရော လုပ်ထားဖို့ လိုအပ်တာလေးတွေ မှာချင်ပါတယ်။

✅ပထမဆုံး အနေနဲ့ Bank အကောင့် ဖွင့်ထားပါ, Credit card ကို Secure credit card ပဲ ရရ လုပ်ထားပါ Credit history စတည်ဆောက်သွားပါလိမ့်မယ်။
✅ဒုတိယက State ID or Driver License လုပ်ထားဖို့ အကြံပြုချင်တယ်, နီးစပ်ရာ DMV ရုံးမှာ သွားပြီး လုပ်ဖို့ လိုပါမယ်။

✅ပြောခဲ့တဲ့ ၂ ခုလုံးဟာ ကျောင်းတက်သူရော မတက်သူပါ လိုအပ်သလို ၊ A တင်သူရော မတင်သူပါလိုအပ်တာဖြစ်လို့ ရောက်တာနဲ့ မြန်မြန်ဆန်ဆန် လုပ်ထားကြဖို့ တိုက်တွန်းလိုတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

13/12/2024

ကျောင်းသားများ နဲ့ အခက်ခဲများ
*******************************

✅ကျောင်းသား တချို့ဆီက ကြားနေရတယ် အမေရိက မလာခင်မှာ ကျောင်းလခ ကြိုသွင်းရမယ်တို့ ဘာတို့ မေးကြလို့ ပြောချင်ပါတယ်။

✅အမေရိကမှာ ရှိတဲ့ ကျောင်းတွေက ဒီလို တောင်းတာမျိုး လုပ်လေ့ မရှိပါဘူး၊ Agency တွေက တောင်းတာ ဖြစ်ဘို့ များပါတယ်၊ Agreement ဘယ်လို ရှိထားလဲဆိုတာ သေချာ လေ့လာပါ၊ ကျောင်းကို တိုက်ရိုက်ဆက်သွယ်မေးမြန်ပါ။

✅နောက်တချက်က မပေးရင် Visa တွေ ထိခိုက်နိုင်သလား ဆိုရင် ကျောင်းက တောင်းတာ တိကျတဲ့ reason နဲ့ ဆိုရင်တော့ ပေးရပါတယ် ကျောင်းနဲ့ တိုက်ရိုက် ညှိနှိုင်းပါ, Agency တွေကရော ရထားတဲ့ ကျောင်းသား Visa ကို Cancel လုပ်နိုင်သလား ဆိုရင် No ပါ, ကျောင်းသား ရဲ့ 1-20 ကို ထုတ်ပေးတဲ့ ကျောင်းကပဲ Terminate လုပ်ခွင့်ရှိပါတယ်၊ ဒါတောင်မှ တိကျတဲ့ Reason ပေးပြီးမှ Terminate လုပ်ရတာ ဖြစ်တယ်။ Agency က Terminate လုပ်လို့ မရနိုင်ပါဘူး၊ ဒါကြောင့် ကျောင်းနဲ့ တိုက်ရိုက် ဆက်သွယ်မေးမြန်ဖို့ မကြောက်ပါနဲ့ မေးမြန်းပါ အကူညီတောင်းပါ။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

11/12/2024

လုပ်စရာရှိတာ လုပ်ပါ
*********************

✅Trump လက်ထက် ဖြစ်တော့မှာမို့လို့ အများစုက A တင်ဖို့ ကြောက်ကြတယ်ဆိုပြီး မတင်ဖြစ်တာတို့ နှောက်နှေးတာတို့ စသဖြင့် ဖြစ်နေကြတယ်။
✅A ရဲ့ အခြေခံ အခွင့်အရေးအရ အန္တရယ် ရှိတဲ့ အတွက် ခိုလှုံခွင့်တောင်းခံတာ ဆိုတော့ မြန်မာပြည်မှာ သာယာနေတာမှ မဟုတ်တာ ဘာကို စိုးရိမ်နေကြသလဲ မပြောတတ်ဘူး၊ လက်ရှိ အခြေအနေ အရ မြန်မာပြည်ထက် ဆိုးဝါးနေတဲ့ တိုင်းပြည်ဟာ လက်ချိုးရေလို့ ရတယ်။ ဒီတော့ A တင်ဖို့ အတွက် ဘာမှ စိုးရိမ်စရာ မရှိဘူးလို့ ပြောချင်တယ်။

✅နောက်တချက်က Trump လက်ထက်မှာ အရင်ထက်စာရင် ကြပ်တာတွေ ဖြစ်လာနိုင်တယ်ဆိုပေမဲ့ A တင်သူရဲ့ အပေါ်မှာ အများကြီး မူတည်ပါတယ်၊ တင်သူကိုယ်တိုင် ဖြစ်စေ ရှေ့နေ ဖြစ်စေ တင်ပေးသူ ဖြစ်စေ Case ကို presentation ကောင်းကောင်း ပြည့်ပြည်စုံစုံ တင်ပေးနိုင်တယ်ဆိုရင် အခြေခံ မူအရ A ပေးမှာဖြစ်တယ်၊ trump ရဲ့ ပထမ လက်ထက်မှာလဲ ဒီလိုပဲ အောက်ရုံးမှာ ရခဲ့ကြတဲ့ မြန်မာတွေ အများကြီးရှိခဲ့တယ်။ ဒါတောင် NLD အစိုးရ လက်ထက်မှာ ရခဲ့ကြတာ ဖြစ်တယ်။

✅ဒီတော့ ဘာတေ လုပ်သင့်သလဲ ဆိုရင် Case တွေကို ဖြစ်သလို ပြီးပြီးရော မတင်ကြဖို့၊ ပြည့်ပြည့်စုံစုံ နဲ့ သေသေချာချာ တင်ကြဖို့ တိုက်တွန်းချင်တယ်။ ဒါမှသာ မြန်မာပြည် အခြေအနေ ကိုယ်အခြေအနေတွေနဲ့ တိုင်းဆပြီး အန္တရယ် ရှိတဲ့ အခြေအနေ ပေါ်လွင်လို့ A အဖြစ်နဲ့ ခွင့်ပြုမှာ ဖြစ်တယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

10/12/2024

EB-3 ဘယ်လောက်ကြာလဲ
*************************

👉EB-3 ဘယ်လောက်ကြာလဲ မေးကြလို အကြမ်းဖြင်း တင်ပြပါပါမယ်.

✅EB-3 ဟာ တနှစ်ကို 40000 ဝန်းကျင်ပဲ ခေါ်ပါတယ်၊ EB-3 ရဲ့ အောက်မှာ အကြမ်းဖြင်း အားဖြင့် Skill နဲ့ unskilled ဆိုပြီး Category ခွဲထားပါတယ်၊ ဒီအထဲမှာမှ မြန်မာ အများစုက unskilled category အောက်က လုပ်ကြလေ့ ရှိပါတယ်။

✅Unskilled category ဟာ တနှစ်ကို 10000 ဝန်းကျင်ခန့်ပဲ ပေးပါတယ်၊ ဒီအထဲမှာက အများစုက မိသားစု တွေ ဖြစ်လေ့ ရှိတော့ တဝက်လောက်က ကုန်သွားပါတယ်။
ပထမဆုံး LC ရဖို့ အတွက် အကြမ်းဖြင်းအားဖြင့် ၁၂-၁၈ လ ကြား ကြာနိုင်ပြီး, I-140 အတွက် Premium နဲ့ လုပ်မယ်ဆို ၃ လ ကြာပါမယ်၊ ရိုးရိုး နဲ လုပ်မယ်ဆိုရင်တော့ ၈-လ ကနေ တနှစ် ကြာနိုင်ပါတယ်။

✅I-140 Approve ဖြစ်ပြီးတဲ့ အချိန်မှာ။ Consular processing / AOS လုပ်ဖို့အတွက် Priority Date (PD) စောင့်ရတာ လက်ရှိ Visa bulletin အရဆိုရင် ၁၈-၂၄ လ ကြားရှိနိုင်မယ်၊ တင်ပြီးသွားရင် Processing ကာလက 8-12 လ ကြား ကြာနိုင်ပါတယ်။
ဒါကြောင့် အကြမ်းဖြင်း ကာာလ ဟာ ၄ နှစ်ကျော်လောက်ကြာနိုင်ပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

08/12/2024

DACA အောက်ကသူတွေ စိုးရိမ်စရာ မလို
****************************************

✅NBC နဲ့ Trump အင်တာဗျူးမှာ ပြောသွားတဲ့ အချက်တွေ အရ ကြည့်ရင် Criminal record ရှိတဲ့သူတွေ အရင်ဆုံး ပြန်လွှတ်မယ် ပီးတော့မှ တခြားသူတွေ စဥ်းစားမယ်လို့ ဆိုတယ်၊ တခြားသူတွေဆိုတဲ နေရာမှာ အကုန်လုံးကို မဆိုလိုဘူးလို့ ပြောသွားတာ တွေ့ရတယ်.

✅နောက်တချက်က DACA လျှောက်ထားသူတွေ ပြန်လွှတ်မှာ မဟုတ်ဘူး သူတို့ဟာက ငယ်ငယ်ကထဲ အမေရိက ရောက်လာတယ် ဒီနိုင်ငံမှာပဲ ကြီးပြင်းခဲ့ကြတယ် သူတို့ မိခင်နိုင်ငံ စကားတောင် မပြောတတ်ကြတော့ဘူး ဒီသူတွေ အတွက် Democrat တွေနဲ့ ပူး‌ပေါင်းပြီး ရေရှည်နေနိုင်ဖို့ လုပ်ဆောင်သွားမယ်လို့ပြောသွားတာလဲ တွေ့ရတယ်။

✅ရွေးကောက်ပွဲလဲ ပြီးပြီး သမ္မတ တာဝန်လဲ မကြာခင် ထမ်းဆောင်တော့မယ်ဆိုတော့ Immigration နဲ့ ပတ်သက်လို့ အရင်လို အုံးအုံးကြက်ကြက် မလုပ်တော့တာ မြင်လိမ့်မယ်၊ ကျော်ကြီးတို့ အမြဲ ပြောပါတယ် တရားဝင် ဝင်လာတဲ့ A လျှောက်ထားတဲ့ မြန်မာတွေ အတွက် စိုးရိမ်စရာမလိုဘူးဆိုတာ၊ သိုပေမဲ့ A အင်တာဗျူးတွေ ကြာသွားတာတို့ သို့မဟုတ် A အင်တာဗျူးမှာ ပေးမဲ့ Criteria တွေ ပိုတင်းကြပ်တာတို့ တော့ ဖြစ်လာနိုင်ပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

08/12/2024

တောင်ကြီးရေ မင်းဆီကို ငါအရောက်လာခဲ့မယ်..
မိုဟာမက်
#အမေရိကား

08/12/2024

EB-2 NIW နဲ့ U.S Equivalency ပညာရေး
****************************************

✅EB-2 NIW နဲ့ ပတ်သက်ပြီး ရထားတဲ့ ဘွဲ့တွေ Evaluate လုပ်ကြဖို့ ပြောတဲ့ အချိန်မှာ U.S Equivalence ဆိုတာ ပြောခဲ့ပါတယ်။
U.S ရဲ့ ပညာရေး အရ Bachelor degree ဟာ ၄ နှစ် သတ်မှတ်ပါတယ်၊ ၃ နှစ် ဆိုရင် Bachelor Degree အဖြစ် မသတ်မှတ်ပါဘူး၊ ဒါကြောင့် မြန်မာပြည် ၃ နှစ် Bachelor ဘွဲ့တွေ အတွက် အခက်ခဲ တခု ရှိနိုင်ပါတယ်.

✅အနောက်တခုက UK top-up Degree အများစုက ၃ နှစ် ဖြစ်တဲ့ အတွက် U.S ပညာရေး နဲ့ ဆိုရင် bachelor degree နဲ့ မညီတဲ့ အတွက် ပြဿနာ ဖြစ်နိုင်လို့ EB-2 NIW လုပ်ဖို့ စဥ်းစားရင် အရင်ဆုံး ကိုယ့်ရဲ့ ဘွဲ့တွေကို Evaluate လုပ်ထားဖို့ အကြံပြုချင်ပါတယ်။

✅Evaluate လုပ်တဲ့ အခါမှာလဲ U.S ပညာရေးကို ပဲ Evaluate လုပ်ဖို့ လိုပါတယ်၊ ဥပမာ WES မှာ Canada အတွက် Evaluate လုပ်ထားတဲ့ ဟာက U.S မှာ သုံးလို့ မရပါဘူး Canada က ၃ နှစ်ကိုလဲ Bachelor လို သတ်မှတ်ပါတယ်၊ ဒါကြောင့် WES လို Third party တွေ မှာ Evaluate လုပ်တဲ့အခါမှာလဲ U.S ကို သေချာရွေးဖို့ လိုပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

07/12/2024

Clear up! Clear up! Clear up!
*******************************

ကျောင်းနဲ့ လာတဲ့သူတွေကို အကြံပေးချင်တာလေး တခု ရှိတယ်

✅အမေရိက လာခါနီး A ကိစ္စ Immigration‌ ကိစ္စ တွေ ပြောထားတာ ရှိရင် ကြိုဖျက်ထားဖို့ အကြံပေးချင်တယ်၊ ဘာကြောင်လဲ ဆိုတော့ တခါ တရံ လေဆိပ်မှာ စစ်တဲ့ အခါ ကြောက်ကြောက်လန့်လန့် နဲ့ ဖုန်းထိုးပေးလိုက်မိပြီး တွေ့သွားရင် ပြဿနာရှိနိုင်ပါတယ်။

✅လူတိုင်းကို စစ်တာတော့ မဟုတ်ပေမဲ့ ကိုယ်အလှည့်မှာ အစစ်ခံရတဲ့ အခါ တွေ့သွားရင် ပြဿနာ တက်နိုင်တဲ့ အတွက် မဝင်ခင်မှာ Email ထဲမှာ သိမ်းပြီး ကြိုတင် ဖျက်ထားဖို့ အကြံပေးချင်ပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

06/12/2024

EB2-NIW ဆိုတာ ဘာလဲ ?
**************************

👉ဟိုရက်က EB2 နဲ့ EB-2 NIW ကွာခြားချက် ပြောခဲ့ ‌တော့ ဒီ post မှာ EB-2 Eligibility နဲ့ ပတ်သက်တာ ပြောချင်တယ်။

✅အကြမ်းဖြင်း အားဖြင့် EB2 ဟာ Advanced Degree or Exceptional Ability ရှိသူတွေ အတွက် US မှာ permanent resident (Green Card) ဖြစ်နိုင်ဖို့ Pathway တခုဖြစ်တယ်ဆိုတော့ အကြမ်းဖြင်းအားဖြင့် Advanced Degree (Master/PhD) သို့ မဟုတ် Exceptional Ability ရှိသူတွေ လျှောက်လို့ ရနိုင်ပါမယ်။

✅Advanced Degree (Master/PhD) ဆိုတဲ့နေရာမှာ US Institution/University တွေက ရထားတာ မဟုတ်ဘူးဆိုရင် US ပညာရေး နဲ့ Equivalence ဖြစ်ဖို့ လိုပါတယ်။ ဒီအတွက် တခြားနိုင်ငံမှာ ရခဲ့တဲ့ ဘွဲ့တွေကို Credential Evaluation လုပ်ဖို့ လိုအပ်ပါတယ်။
✅Exceptional Ability ကတော့ ကိုယ်ရဲ့ Profile ဟာ အများထက် ထူးခြားပြီး ထူးချွန်တာမျိုး ကို ဆိုချင်ပါတယ်၊ ဒီနေရာမှာ Master/PhD မရှိသော်လည်း ကိုယ်ရဲ့ Profile ဟာ Exceptional Ability ပိုင်ဆိုင်ထားသူ တယောက်ဆိုလျှင် Advance Degree ကို waive လုပ်ပြီး bachelor နဲ့လဲ လျှောက်လို့ ရနိုင်ပါတယ်။

✅အကြမ်းဖြင်းအားဖြင့် ဒီ Profile ပိုင်ရှင်တွေကို EB2 လျှောက်နိုင်သူတွေလို့ သတ်မှတ်နိုင်ပါတယ်၊ တဖက်မှာ EB-2 လျှောက်ဖို့ အတွက် အလုပ်ရှင်ရဲ့ Sponsor လိုလာပါတယ်၊ Sponsor ကနေပြီးတော့ US အစိုးရဆီမှာ Labor Certification လိုခေါ်တဲ့ LC အရင်လျှောက်ပြီး approve ရပြီဆိုမှ EB-2 တင်ခွင့်ရမှာ ဖြစ်တယ်။

✅ဒီနေရာမှာ Advanced Degree (Master/PhD) သို့ မဟုတ် Exceptional Ability ရှိသူတွေအတွက် 1990 မှာ Labor Certification Requirement လျှော့ချပြီး Waiver ပေးဖို့အတွက် National Interest Waiver ဆိုပြီး EB-2 အောက်ကနေ Sub Category အနေနဲ့ EB-2 NIW ဆိုပြီး ထွက်လာခဲ့တာ ဖြစ်တယ်။
✅Labor Certification မလိုတော့ဘူးဆိုတော့ အလုပ်ရှင် ရှိစရာမလိုပဲ ကိုယ်ဟာကို လျှောက်လို့ ရတဲ့ သဘော ဖြစ်သွားပါတယ်၊ ဒါပေမဲ့ National Interest ဖြစ်တဲ့ Profile ဖြစ်ရမယ်လို့ ဆိုထားတော့ လျှောက်ထားသူရဲ့ Profile ဟာ ဘယ်လိုနေရာမှာ အမေရိကက အတွက် National Interest ဖြစ်နိုင်လဲဆိုတာနဲ့ တိုင်းတာမှာ ဖြစ်တယ်။

✅နောက်ထပ် အားသာချက်က EB-2 NIW လျှောက်ဖို့ အတွက် အမေရိကထဲရောက်နေစရာ မလိုပဲ အပြင်ကနေလဲ လျှောက်ပြီး Approval ရပြီဆိုမှ ဝင်လာလို့ ရနိုင်တဲ့ အားသာချက်ရှိပါတယ်။ လက်ရှိ Visa Bulletin အရ AS-Burmese မှာ လျှောက်ထားသူတွေဟာ ၂ နှစ်ဝန်းကျင်ခန့် ကြာလေ့ရှိပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

03/12/2024

မြန်မာတွေ အတွက် J1 နဲ့ M1 visa
*********************************

✅အမေရိက ကို F1 တို့ အလည်တို့နဲ့ လာတာ အပြင် ဘာနဲ့ လာလို့ ရသေးလဲ မေးမေးနေကြတဲ့ ဘော်ဒါတွေကို ကြိုးစားလို့ ရနိုင်တဲ့ option တွေ ချပြပါရစေ.

✅ပထမဆုံးက J1 ရှိပါမယ် - J1 လျှောက်လို့ option အတွေက အများကြီးရှိပါတယ် ဥပမာ ကျောင်းပီးခါစ ကျောင်းသားတွေ Intern အနေနဲ့ လျှောက်တာတို့, ကျောက်တက်နေဆဲမှာ လျှောက်တာတို့ Professor ဆိုရင်လဲ ယာယီ J1 အနေနဲ့ သက်ဆိုင်ရာ ဘာသာရပ်ကို လေ့လာတာ ပို့ချတာ စသဖြင့် ရှိသလို Secondary အရွယ်တွေ ၁၅ နှစ် အထက် ကျောင်းသားတွေ လျှောက်လို့ ရတဲ့ Program တွေ အများကြီး ရှိပါတယ်။

👉ဘယ်မှာ ရှာလို့ ရနိုင်သလဲဆိုရင် https://j1visa.state.gov/ မှာ Program တွေ ရှာနိုင်သလို https://www.ciee.org တို့လို Organization တွေမှာ ရှာနိုင်ပါတယ်၊ အခြား Website တွေ ဖြစ်တဲ့ LinkedIn တို့ Indeed တို့မှာလဲ J1 sponsor ရှာဖွေ နိုင်ပါတယ်။

✅နောက်တခုကတော့ Vocational school တွေမှာ Short course တက်ပြီး M1 Visa နဲ့ လာတာ ဖြစ်တယ်၊ ဒါကတော့ Vocational School တွေကိုမှာ ကိုယ်နဲ့ ကိုက်မဲ့ Program ကို I-20 ထုတ်ပေး မပေး ညှိနှိုင်းရမှာ ဖြစ်တယ်။
ဒီလောက်ဆိုရင် F1 မဟုတ်ပဲ တခြား Option တွေကိုလည်း သိသွားပြီ ဖြစ်လို့ ကြိုးစားကြဖို့ တိုက်တွန်းလိုပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

03/12/2024

DV လို မိသားစုတွေ တယောက် ကို A တခု လျှောက်လို့ ရလား မေးကြတဲ့ ဘော်ဒါတွေ အတွက် ဒီ post လေး ဖတ်ဖို့ တိုက်တွန်းလိုပါတယ်။

မိသားစုတွေ တယောက် ကို A Case တခု လျှောက်လို့ မရပါ
*********************************************************

✅Team|ASB ကို လာမေးကြတာ ၁ ယောက်မဟုတ် ၂ ယောက်မဟုတ် မေးလာကြတော့ ဒီကိစ္စလေး အသိပေးသင့်တယ်ထင်လို့ တင်ပြပါမယ်။ မိသားစုတွေ အမေရိက ‌ရောက်တဲ့ အခါ A လျှောက်ရင် DV လျှောက်သလို့ တယောက်ကို တစောင်စီ လျှောက်လို့ မရပါဘူး. ဦးဆောင် applicant အောက်ကနေ ကျန်တဲ့ မိသားစုဝင်တွေပါ dependent အနေနဲ့ ပါသွားမှာ ဖြစ်ပါတယ်။ ထွက်လာတဲ့အခါမှာလဲ မိသားစုဝင်တယောက်ချင်းစီဟာ ကိုယ်ပိုင် Receipt number, A # number တွေရလာမှာ ဖြစ်ပါတယ်။

✅ဒါကို ကိုယ်ရဲ့ အိမ်ထောင်ဖက်အောက်က နောက်တဆောင် ထပ်တင်တဲ့ အခါ မိသားစုဝင်အားလုံ အတွက် နောက်ထပ် Receipt number တွေ A # number တွေ တခါ ထပ်ကျလာပါတယ်၊ ဒါဆို မိသားစုဝင်တိုင်းက Receipt number 2 ခု,A # number ၂ ခုစီနဲ့ A case ဟာ conflict ဖြစ်သွားပါတယ်။ စတင်တဲ့ အချိန်မှာတော့ ဒီပြဿနာဟာ သိသာမှာ မဟုတ်ပေမဲ့ Asylum office က interview ဖို့အတွက် Assign လုပ်တဲ့ အခါ သေချာပေါက် ဒီမိသားစုဟာ Case conflict ဖြစ်နေတာ တွေ့ရမှာ ဖြစ်တယ်။

✅သိုပေမဲ့ ၂၁ နှစ်ကျော် တဲ့ သားသမီးတွေကတော့ သီးသန့် Case ခွဲပီး တင်ရမှာ ဖြစ်ပါတယ်။

✅ဒီလို အမျိုးသားရော အမျိုးသမီးရော ၂ ခါ တင်သလို ဖြစ်သွားတယ်ဆိုရင် Case ကို delay ဖြစ်တဲ့ ပြဿနာ ကြုံတွေ့ရနိုင်ခြေ များသွားပါတယ်။ ဒါကြောင့် A တင်တော့မယ်ဆို အထူးသဖြင့် မိမိဘာသာ တင်မယ်ဆိုရင် မတင်ခင်မှာ နားလည် တတ်ကျွမ်းသူများနှင့် တိုင်ပင် မေးမြန်းပြီး လုပ်စေချင်ပါတယ်။ မှားတင်လိုက်မိရင် ဒါဟာ အလွယ်တကူပြန်ပြင်လို့ ရတဲ့ အရာမဟုတ်တာကြောင့် အထူးသတိထားပြီး ပြင်ဆင်ကြဖို့ တိုက်တွန်းလိုပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား

01/12/2024

EB-2 နဲ့ EB-2 NIW ဆိုတာ ဘာလဲ ?
**********************************

✅EB-2 အကြောင်း မေးကြလို့ ပြန်ပြီး တင်ပြပါရစေ. အကြမ်းဖြင်း အရ EB-2 Program အောက်မှာ EB-2 နဲ့ EB-2 NIW ဆိုပြီး ၂ မျိုး ရှိတယ်။ EB-2 Program ၂ ခုလုံးက H1-B လို Work permit သီးသန့် မဟုတ်ပဲ Green Card တခါထဲ တန်းရတယ် Program ဖြစ်တဲ့ အတွက် Approval ရပြီးပြီဆိုရင် Green Card ရမှာ ဖြစ်ပါတယ်။

✅ပထမ တခု ဖြစ်တဲ့ EB-2 Program က အလုပ်ရှင်က Sponsor ပေးပြီး အလုပ်ရှင်အောက်ကနေ သွားရတာ ဖြစ်တယ်၊ နံပါတ် ၁ - sponsor ပေးမဲ့ အလုပ်ရှင် ရှိဖို့ လိုမယ်, နံပါတ် ၂ - Sponsor က လျှောက်ပေးတဲ့ Labor certificate လို့ခေါ်တဲ့ LC approval ရဖို့ လိုအပ်တယ်၊ ဒါပြီးမှ သာ EB-2 ကို လျှောက်လို့ ရမှာ ဖြစ်တယ်။
✅ဒုတိယ တခု ဖြစ်တဲ့ EB-2 NIW ကတော့ အပေါ်က EB-2 လိုမဟုတ်ပဲ EB-2 အောက်က Sub program အနေနဲ့ National Interest Waiver ပေးထားတဲ့ Program တခု ဖြစ်တယ်၊ National Interest Waiver ဆိုတော့ U.S ရဲ့ National Level Interest ဖြစ်နိုင်တဲ့ Profile မျိုး ဖြစ်ရမယ်။
✅အကြမ်းဖြင်းအရ ဘာဖြစ်လိုအပ်ချက်ရှိနိုင်မလဲ ဆိုရင် Master/PhD တခုခု ရှိထားရမယ်, ဘွဲ့နဲ့ သက်ဆိုင်တဲ့ လုပ်သက် ၅ နှစ် အနဲဆုံး ရှိရမယ်၊ သက်ဆိုင်တဲ့ အလုပ် ခေါင်းစဥ်အောက်မှာ Outstanding ဖြစ်တဲ့ Profile ဖြစ်ရမယ်၊ ဒါဆိုရင် EB-2 NIW အတွက် လျှောက်ထားလို့ ရပြီလို့ ဆိုနိုင်ပါတယ်။
📃EB-2 NIW ရဲ့ အားသာချက်က ဘာလဲဆိုရင်
1️⃣နံပါတ် ၁ - အလုပ်ရှင် Sponsor မလိုတဲ့ အတွက် ကြိုက်တဲ့ အချိန်လျှောက်လို့ ရတယ်၊
2️⃣နံပါတ် ၂ - Sponsor မလိုတဲ့ အတွက် LC approval ရှိထားစရာမလိုဘူး
3️⃣နံပါတ် ၃ - အမေရိကန် နိုင်ငံတွင်းမှာ ရှိနေစရာမလို လိုအပ်တဲ့ Requirements တွေ ပြည်စုံတယ်ဆိုရင် ကိုယ်နေထိုင်ရာ နိုင်ငံကနေ လျှောက်လို့ ရပြီး Approve ဖြစ်ပြီဆိုမှ ဝင်လာလို့ ရတယ်။
✅H1-B နဲ့ မတူတဲ့ အချက်က H1-B က အများဆုံး ၆ နှစ်ပဲ လုပ်ခွင့်ရှိတယ် ၆ နှစ်သက်တမ်းကုန်ရင် ထပ်တိုးလို့ မရတော့ဘူး၊ ပြီးတော့ H1-B က Lottery system နဲ့ သွားတဲ့အတွက် တင်လိုက်တိုင်းရမယ် မသေချာဘူး system က select ဖြစ်သွားမှ ရမှာ ဖြစ်တယ်။
✅EB-2 NIW ရဲ့ ကြာချိန် ဘယ်လောက်ရှိနိုင်သလဲ ဆိုရင် လက်ရှိ Visa Bulletin အရ ၂ နှစ်ဝန်းကျင် ခန့်ကြာနိုင်တယ်၊ Trump လက်ထက်မှာ ပညာရှင်တွေကို ဦးစားပေးလေ့ရှိတဲ့ ထုံးစံအတိုင်း EB-1A တို့လို EB-2 NIW တို့လို Program တွေက အမေရိက လာဖို့ လမ်းကြောင်းပိုကောင်းလာဖို့ ရှိတယ်လို့ မြင်မိပါတယ်။
ဒီလောက်ဆိုရင် EB-2 NIW ရဲ့ အကြောင်းကို အကြမ်းဖြင်း သိရလောက်ပြီလို့ ယူဆ မိပါတယ်။

____________________________________________
⚠️Disclaimer: This is just for knowledge-sharing purposes and should not be construed as legal advice.


#အမေရိကား