piggy._.foodie (2024)

04/10/2024

🐷 #為食小豬上海菜篇 | #為食小豬在大角咀
🐽 值得到訪既高CP上海餐廳🍴
機緣巧合下，小編嚟到大角咀捐窿捐罅搵嘢食，就食到呢間 #上海老家，食完之後，我覺得佢值得大家入黎食一次，雖然佢嘅地理位置真係有啲唔方便，但小編下次會帶屋企人再黎食過👍🏻
難得一場黎到，小編試左唔同既菜式，當中推介幾樣大家必食既😝
1️⃣ #太白醉雞 🐔
小編平時係唔飲酒既，但用酒烹調既我都會試，之前食過一啲醉雞係好大陣酒味，小編頂唔順真係食唔到🫠
但喱度既醉雞係充滿酒香味，但入口又唔會係有陣好烈既味道，而雞肉係實淨厚身既，而且一啲都唔乾，係幾唔錯啊！😍
2️⃣ #素鵝 🪿
其實佢係香菇腐皮卷？😆 店家將腐皮炸得好好，乾身唔油膩，而且香菇餡既鹹度適中，趁食熱好味道！令到我同朋友都忍唔住一件接一件👅
3️⃣ #黑醋排骨 🍖
醬汁甜甜酸酸，開胃得黎送飯一流！而家包裹排骨既醬唔會過分厚身，岩岩好！平時鐘意食開咕嚕肉/甜酸排骨既朋友，一定要嗌，實岩食😆
4️⃣ #小籠包 🥢
喱度既小籠包皮薄多汁，而且個肉餡都比得好大方！黎得上海餐廳冇理由唔試🤩
而且店家好貼心，用左個錫紙兜仔裝住，揸筷子唔叻，或者擔心粗魯得滯整爛個皮既，都唔洗驚，可以好安全咁食到🥰
📌 溫馨提示：佢個位係喺間車房隔離，大家要搵路要睇得仔細少少，唔好好似小編咁miss左🫣
📍 #上海老家 (大角咀)
大角咀中滙街61號地舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

05/09/2024

🐷 #為食小豬法國菜篇 | #為食小豬在中環
🐽 性價比西餐之選 · 適合性侶/親友慶祝🥰
有時出開中環，大家可能唔知道食咩好，而小編都因為機緣巧合之下去咗呢一間餐廳，估唔到餐廳環境都OK，嘢食都好唔錯，價錢適中，大家都可以去試吓👍🏻😝
6 courses set - Dinner for 2 $699 🍽️
小編覺得呢一個價錢CP值相當唔錯，因為佢由頭盤，餐湯，主菜，麵食，到甜品同餐飲都有！不論男女，正常食量一定食得飽啦！😋
當中有幾款小編覺得大家一定要去試嘅！🌟
1️⃣ 頭盤： #巴馬火腿蜜瓜沙律 🥗
睇個樣都夠曬開胃，鹹香適中嘅Parma Ham配上清甜既蜜瓜，簡單既美味🤤
2️⃣ 主菜： #茴香魚高湯煮海鱸魚 🐟
魚肉厚身，喺西餐廳度食到一道帶有中菜風味嘅料理，感覺好神奇，而且佢係嗰種感覺好清，但味道又好濃郁，鍾意食魚嘅朋友一定鍾意！🙆🏻‍♀️
3️⃣ 甜品： #芒果拿破崙 🥭
拿破崙千層好鬆化，充滿酥皮香味，就連平時唔太好拿破崙嘅朋友仔都覺得好味，所以非常推薦大家試🥰
📌 溫馨提示：餐廳位置唔算多，小編當日都見到有成個family，或者小情侶，或者三五知己，食飯慶祝，所以有興趣嘅朋友，記得book枱😎
📍 #紅館 (中環)
中環干諾道中50號地下B號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

04/07/2024

🐷 #為食小港式篇 | #為食小豬在尖沙咀
🐽 香港特色美食之一 • 車仔麵🍜
除左平時大家諗起既魚蛋、燒賣，菠蘿包，、雞蛋仔⋯等等喱啲香港特色小食好味之外，其實我覺得香港既車仔麵都好有特色！😎
由麵底，配料，到湯底，全部都由自己揀，鐘意點食就點食！簡單、好味，輕鬆解決一餐！😋
而今日小編就試左一間喺公司附近既車仔麵檔，環境乾淨，野食又唔錯！而且四十幾蚊就有碗車仔麵醫肚，喺尖沙咀黎講算好平嚕！大家經過不妨試試！👍🏻
當中小編私心推介既配料有：
1️⃣陳皮咖喱魚蛋 — 好少地方仲有陳皮魚蛋食！口感彈加又帶有少少既陳皮味！
2️⃣牛腩 — 口感好淋，一啲都唔韌，仲好香牛肉味！
3️⃣白蘿蔔 — 一啲渣都冇，入口即化，仲要好清甜！必叫！
4️⃣秘製香菇炸醬 — 同平時大家食開既炸醬唔同！好香又好配麵一齊食，而且入面食冬菇粒粒，多左一個口感！
另外，佢喱度仲有好多唔同既小食都唔錯，大家有興趣都可以一試😝
📌 溫馨提示：切忌眼寬肚窄，選擇困難既小編，因為眼花繚亂，唔小心揀左好多配料同小食⋯最後好彩同朋友開心Share，食得曬，大家都唔好浪費啊🙈
📍 #亞當麵館 (尖沙咀)
尖沙咀樂道23號地下B號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

27/12/2023

🐷 #為食小豬好物推介篇
🐽聖誕禮物除左自己用，另一半一齊用都得👫🏻
小編收到喱份聖誕禮物既時候，就知道除左自己，都一定好岩男朋友🎁
佢分別有兩個size，分別係13吋同16吋，前者就男女都岩用👍🏻 後者就岩曬送比多野拎既男士😉
iPad/電腦/文件/雨遮/水樽⋯林林總總嘅嘢都裝得曬🌟
另外，我同男朋友都大推喱款”灰褐色”！實物好靚，好百搭！🤩
上官網仲有好多其他款，大家可以慢慢睇，趁12月喱個咁開心既月份，送份禮物比自己或者身邊既親朋好友，大家都開開心心🥳
揀岩之後，輸入小編既專屬優惠碼：piggyfoodie ，仲可以享有8️⃣5️⃣折啊‼️
📍
網站：https://gastonluga.com/tw/（全球免運，免費退換）

#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

26/12/2023

🐷 #為食小豬好物推介篇
🐽又到聖誕～又到聖誕～🎄
小編好開心收到喱份聖誕禮物🎁
我一直想要一個背囊去旅行血拼🛍️
喱款”灰褐色”實物好靚，超百搭！其實佢仲有好多唔同既配色，一定襯到唔同style既各位🙆🏻‍♀️
個袋既容量好大，但係佢背上身又唔重喎，而家啲背帶同背脊個位有墊，即使大血拼完買左好多戰利品，都唔會背到好痛好辛苦，喱點好加分！👍🏻
雖然聖誕節岩過過左一日，但係12月馮寵愛自己同身邊既人既好月份！大家快啲上網睇下有冇岩既袋款啦！正啊🥰
揀岩之後，輸入墊小編既專屬優惠碼：piggyfoodie ，仲可以享有8️⃣5️⃣折啊‼️
📍
網站：https://gastonluga.com/tw/（全球免運，免費退換）

#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

21/11/2023

🐷 #為食小豬日本菜篇 | #為食小豬在荃灣
🐽 高質•高CP值日式二人套餐🍣
#季節限定二人套餐 🥂
由前菜到甜品，總共有1️⃣1️⃣道料理，最後食到小編同朋友仔捧住個肚走，男仔食都唔洗驚唔夠飽🤣
小編就重點介紹特別鍾意既個幾道料理比大家😘
#味醂魚干 🐟
做開胃菜好岩，等緊其他主菜之前，小編停唔到口keep住食喱個魚乾，治口痕一流👍🏻
#日本海膽魚籽杯 🥡
喱個一上枱好震撼，超吸引呀🤩 簡單黎講，海膽又甜又滑，三文魚籽新鮮有口感，脆卜卜！如果個壽司飯可以冇咁呢黏，就prefect啦👍🏻😋
#唐揚炸雞配明太子醬 🍗
呢個大家一定要趁熱食！炸雞同喺日本食嘅日式炸雞好相似，層炸衣好薄身，啱啱好包住啲雞，好有肉汁，一啲都唔乾，夾埋啲明太子醬，食落鹹鹹香香，正🙆🏻‍♀️
#櫻花蝦蔥吞拿魚腩卷 🍙
喱個又係好驚艷，啲櫻花蝦好香口，吞拿魚蓉覺好豐富，配合壽司飯同埋新鮮嘅紫菜，口感非常之豐富！食完好滿足！即使佢有小編平時唔太好嘅蔥，都係好食嘅，所有嘢都互相配合得好好🥰
另外，小編仲對兩樣食物幾深刻， #漬物兩品入面嘅醬油漬蒜頭，平時唔食蒜頭嘅小編，都試咗一粒，好神奇，佢係冇乜蒜頭味，真係好得意，大家要試吓！而 #和風糖度蕃茄，真係幾甜，同平時食嘅蕃茄好唔同！🍅
🏆 「豬」味指數：8/10
📌 溫馨提示：當日小編同朋友坐喺吧枱，冷氣都頗大，所以美食當前，大家一定要趁熱食🤤
📍 #鮨一日本料理 (大壩街) (荃灣)
荃灣大壩街79號地舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

03/11/2023

🐷 #為食小豬西餐篇 | #為食小豬在旺角
🐽除左Pancake之外，其他野都好好食😋
其實呢一間餐廳之前小編已經食過，個次當然食咗佢嘅招牌pancake，真係好唔錯👍🏻
不過佢嘅餐牌仲有好多好吸引嘅嘢食，所以小編今次二訪試埋佢其他嘢😝
🍤
呢一個小食我哋大推，佢層炸衣真係好酥脆，而且唔油膩，加上啲蝦肉都好彈牙，同埋佢都幾大隻，絕對值得一試🤩
🍔
雖然呢個漢堡睇落平平無奇，但係佢嘅麵包體好香牛油味，而且入面塊雞扒好厚，但又唔算乾，配埋牛油果蓉同埋芝士食，都唔錯🙆🏻‍♀️

有burger又點可以冇薯條呢，我哋揀咗呢一個芝士辣肉醬?薯條，呢個配合真係冇得輸，佢嘅薯條係較粗身，入面係多薯蓉個隻，當然係深得我心啦🥰

呢度菜式嘅擺盤真係好靚，有啲似藝術品😍
但係佢呢隻炸魚就比較乾身少少，可以話係食落好脆口，不過佢又唔係平時嗰隻炸魚薯條個款炸衣，如果鍾意食香口嘅炸魚，大家都可以試一試🙌🏻
🧇
上次試咗佢嘅pancake，今次就試佢嘅窩夫，答案係小編覺得pancake好食啲🤭
因為呢隻窩夫並唔係好厚身軟熟嗰一隻，佢較為乾身，不過因為佢有口口一層吉士醬，配埋數唔清嘅士多啤梨，一啖食曬所以材料都係好滿足嘅😆
大家如果係一大班朋友去食都可以着呢款甜品試吓🍴
🍹
喱杯Lemonade幾好飲，唔會係好甜，酸酸地，可以幫小編係呢一餐飯入面唔同時間refresh個口腔😙
📌 溫馨提示：呢間分店晚餐時段都好多人，大家記得及早拎定飛，之後可以喺附近行吓等入座🤓
📍 Pantry & Chips Republic (旺角)
旺角太子道西193號MOKO新世紀廣場4樓436-438號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

01/11/2023

🐷 #為食小豬西餐篇 | #為食小豬在沙田
🐽豐富菜式+特色甜品👍🏻
🍽️
本身小編係一個唔太鍾意食青口嘅人，但係近年來唔少嘅餐廳都食到好味嘅青口，令到小編開始接受到呢樣美食，而Butlery 就係其中一間成功嘅餐廳😝
佢呢一個白酒煮青口，都好新鮮同埋彈牙， size亦都適中，配埋個汁食真係好香🥰
食曬啲青口嗰陣，拎旁邊塊烘好嘅麵包點啲汁食都好好味，不過我就唔鍾意飲咗佢，因為會有少少鹹，但係好夾個青口既😉
🥪
小編同朋友本着係想試新嘢嘅心態去叫呢樣嘢食佢一上枱我哋超級驚訝，因為佢好！大！份！😱
大家可以睇到佢側邊嘅芝士係好似瀑布一樣，包晒成個麵包🧀 不過大家可以放心，唔好俾佢出面嘅芝士嚇親，食落口係唔會過鹹🙆🏻‍♀️
佢係有好豐富嘅層次，首先係面頭嘅煎蛋，蛋汁流落個麵包度係好濕潤，同埋充滿蛋香味，之後你就會食到入面嘅煙火雞肉配埋金巴利汁(應該係有莓既成份)，所以係肉同芝士嘅鹹香味，再加酸酸甜甜嘅汁，非常開胃
總而言之，喱道菜係會令人食得好滿足😆
🍝
蟹肉海膽忌廉汁意粉配上面頭嘅海膽同埋煎帶子，呢碟意粉一上台係超級香，佢個汁係好香濃，而且份量都係好多！🙈
我建議大家呢一碟意粉一定要趁熱食，因為佢個汁始終有用忌廉整，如果攤凍咗就會有種杰撻撻嘅感覺，但係趁熱食嘅話就可以食到佢係非常之濃郁，個意粉係非常之掛汁，佢味道上面唔係太鹹，反而係淡淡的海膽味。而小編我最鍾意就係佢嘅煎帶子，煎得恰到好處😍
不過海膽就可能要碰吓運氣😂
🥞
嚟到呢一間餐廳係冇可能唔錫佢嘅pancake，縱然小編同朋友食完前面嘅嘢食之後都好full，但當呢個甜品嘅上嚟，開嘅蛋香味，撲鼻而來，真係會打開咗我哋另一個位🤤
佢嘅pancake係既鬆軟又紮實，意思即係唔會好似食咗風一樣，不過整體口感又唔會係好Heavy，真係好鬆軟，呢張係好好㗎，唔會太甜，又有茶香味，小編好推薦鍾意Earl Grey嘅大家點呢一個甜品嚟試吓♥️
🥤
呢杯嘢飲係好邪惡嘅，甜就肯定㗎啦，但係唔係甜到漏嗰隻，而且佢有啲餅碎喺度增加口感，小編好鐘意啊😋
📌 溫馨提示：大家唔好眼闊肚窄，佢啲份量真係唔少，搵多啲朋友一齊嚟食開心share 就可以試多啲嘢😎
📍 (沙田)
沙田沙田正街18號新城市廣場一期4樓479A號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

20/10/2023

🐷 #為食小豬港式篇 | #為食小豬在佐敦
之前途經呢一間餐廳，出面睇落佢嘅燒味非常吸引，所以今日特登去食😝
另外，我好想讚呢間餐廳，餐廳內部非常光猛同整潔💡除咗食燒味之外，仲會有港式茶餐廳嘅水吧同食物！今日我就先試佢嘅燒味，但係我見到其他食客叫佢嘅菠蘿包，同埋炒粉麵飯多啲好吸引，下次一定要試‼️😍
#乳豬拼燒鵝配檬粉 & #燒鵝拼燒肉配白飯
睇個餐廳名就知要試佢嘅燒鵝，的確係皮薄，同埋有啲鵝油既香味😋
但係我覺得佢幾乳豬係更加好食！原因係因為佢嘅外皮燒到非常之香脆，肥瘦比例適中，而且充滿住鹹香既肉味！正呀🤤
另外，佢嘅燒肉都唔錯嘅，鍾意食燒肉嘅朋友都可以一試😝
同埋，我想講佢檬粉既湯底一啲都唔Hea，湯底似係一啲高湯嘅湯底，唔係平時嗰啲無味湯，所以我覺得食落好舒服同好味😙
📌 溫馨提示：埋單嗰陣時老闆同我傾咗幾句計，佢大力推薦大家除咗食佢嘅燒味之外，可以食下啲茶記嘢，大家都可以多多捧場🥳
📍 #江記燒鵝冰室 (尖沙咀)
尖沙咀彌敦道182號地舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

19/05/2023

🐷 #為食小豬大排檔篇 | #為食小豬在西環
🐽 終於食到呢一間好出名嘅大排檔🤩
其實小編聽過呢一間大排檔個名好耐，但係一直都冇機會去食，最後終於同男朋友仔兩個人少少都要去朝聖👫🏻
但係因為始終得兩個人食，所以都係叫咗三個餸咋，如果大家有食過其他菜式係好推薦嘅，歡迎話俾小編聽，下次再去食🥰
#豆漿杞子鮮腐竹浸時蔬 🍲
喱個菜我覺得好特別，上湯浸時蔬我食過，但豆腐底真係未！🫢 一上枱嘅時候，我覺得佢有淡淡的豆香味，上面有勁多嘅腐竹，小編係好鍾意食嘅，所以超開心！😝 而且我想講佢呢一個豆漿底係可以飲嘅，唔會好鹹，飲落好舒服！食完呢道菜係有種refresh既感覺！🥰 平時大排檔點都會嗌一碟菜嚟講，我真係好推薦大家點佢👍🏻
#香爆黑椒牛仔骨煲 🥩
一個牛仔骨煲就好有鑊氣，黑椒味道偏重，味道我相信大家可以遇上到，不過佢牛仔骨嘅肉質都處理得唔錯，唔會韌，惹味🐮
#菠蘿拔絲咕嚕肉 🍍
小編好期待食呢道菜，因為我真係好鍾意食咕嚕肉，佢一上枱嘅份量都嚇親我🙈 另外，佢嘅伴碟有一圈拔絲，可以俾大家陪住咕嚕肉嚟食，不過本身唔食得太甜嘅就是少少好喇😉 佢本身個咕嚕肉已經好出色，無論趁熱食定係攤凍咗少少食，咕嚕汁都係完完全全咁包裹住啲肉，個炸皮仲會有少少微脆，肉質非常之鬆軟多汁，口感同味道都非常之好！💯 真係會食一嚿接一嚿🤤
#楚撚豬油撈飯 🍚
係小編第一次食豬油撈飯啊！原來真係好香㗎🤩 其實本身仲可以配埋蔥同埋芫荽食嘅，不過小編就不了😅 但係就咁加豉油同埋豬油落去食已經係香而不膩，大家都真係要試吓！即使淨係嗌一碗share都好，應該都會好難忘🌟
📌 溫馨提示：大排檔真係越多人一齊食越開心，非常建議大家約埋三五知己一齊去食，就可以叫多啲唔同類型嘅小菜開心share😋
📍 #楚撚記大排檔 (日富里百好大廈) (西環)
地址：西環石塘咀皇后大道西554-560號日富里百好大廈地下1號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

29/12/2022

🐷 #為食小豬西餐篇 | #為食小豬在長沙灣
🐽 靚靚波希米亞風Cafe 📸🌾
小編之前去咗一間靚靚Cafe，希望可以打卡之餘，同時希望可以食到精緻嘅Cafe美食，最後嚟咗長沙灣呢一間Boholic，覺得可以推薦比大家✅
#蝦籽海味珍珠帶子魚湯意大利飯 🍲
小編見到呢度煮食嘅時候，有啲想像唔到佢嘅外表係點樣，點知上到枱之後發現佢色香味俱全🤤
精緻嘅擺盤令到人哋食慾大增，佢哋選擇咗用海味製造魚湯去煮意大利飯，我覺得好特別！海味嘅鹹香同鮮味，正正可以透過魚湯融入咗喺個意大利飯入面！而且佢嘅配料非常之多，入口嘅時候仲可以一樣海味配一啖飯😝 飯嘅口感就同一般既risotto唔太相似，比較有趙口，我覺得更加好味👍🏻
#七味香烤魚柳伴雞油雜菌配日式珍珠米 🐟🍚
其實小編係一個好鍾意食魚嘅人，見到呢一種香烤魚柳更加係冇辦法無視，一定要食佢😂 香烤魚柳一樣可以敲到魚皮非常之香脆，不過唯獨有不足嘅地方係，我覺得魚身都相對烤得比較乾身，不過配合埋面頭嘅雞油雜菌同埋同汁一齊進食嘅話，就完全可以彌補到呢個問題👌🏻 淨係可以一次過食到咁大舊魚，真係好滿足🥰
#蘋果金寶火炙焦糖蛋卷配雲呢拿雪糕 🍎🥧🍨
小編覺得呢一個甜品係打卡able得來又好好味，無論雪糕香滑既口感，定係蛋糕鬆軟既口感，再加埋蘋果金寶脆脆既口感，都令人非常滿足，一定要試😍
📌 溫馨提示：呢間靚靚Cafe仲有好多打卡位，大家喺食嘢嘅同時記得留啲時間去打卡啊，不過就唔好影太耐，都要比其他食客影㗎😘
📍 (長沙灣)
長沙灣福華街561號君凱豪庭地舖及1樓
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

06/11/2022

🐷 #為食小豬日本菜篇 | #為食小豬在大角咀
🐽 大角咀隱世居酒屋 🏮
今次小編同朋友唔揀喺油尖旺區食嘢，反而去咗旺角隔離嘅大角咀搵好嘢食😋
#帶子三文魚子黑松露忌廉汁扁意粉 🍝
呢個意粉只係因為驚唔夠飽而最後叫嘅一個嘢食，但係我覺得佢真係超級好食！🤩 一上枱係非常香，而且佢真係好Creamy，有濃郁嘅黑松露忌廉汁味！加埋三文魚子嘅鹹香味，真係好出色！不過真係會有少少膩，大家一定係要同朋友仔開心share😋
#韃靼生牛肉 🥩 配多士 🍞
我覺得呢個生牛肉多士好特別，因為有面頭嘅蛋黃撈埋一齊食，入口係非常之滑，而調味上面就係偏鹹鹹辣辣，的確幾惹味同開胃😛 配埋多士食，就有多重嘅口感👍🏻
#墨西哥包和牛漢堡 🍔
小編同朋友仔非常鍾意食墨西哥包！😍 所以一見到呢一個漢堡就忍唔住叫，估唔到呢一個組合有幾得意喎，鹹鹹甜甜咁，幾好味！同埋呢度嘅和牛漢堡好厚啊🙊
📌 溫馨提示：呢間餐廳有兩個鋪面，大家可以先喺有reception嗰間度登記咗先，之後再等待安排入座😎
📍 #小時候 (大角咀)
大角咀富貴街10號地舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

22/10/2022

🐷 #為食小豬上海菜篇 | #為食小豬在西營盤
🐽 用心小店，超有水準嘅上海菜 👍🏻😋
小編雖然身為一個屯門友，但因為工作嘅關係，都不時拜訪十八區唔同嘅地方，最近去咗西營盤兩次，其中一晚就去咗呢間小店度食晚餐，非常難忘！如果之後有需要再去西營盤，我覺得我係會再次拜訪嘅😚
#蟹粉小籠包 🦀
食上海菜，必須要食小籠包！呢度嘅小籠包，真係好睇得出師傅嘅心思，每一粒都超飽滿！🤩
而且師傅仲特登提我，一定要趁熱食，因為擺耐咗，塊皮就會吸收咗部分既湯，變相冇咁好味🤭
相信大家睇相都睇得出呢個小籠包係幾咁多汁！食嘅時候真係要超小心，而且佢嘅蟹粉味道濃郁，唔會有腥味，反而係陣陣嘅鮮味🤤
#去骨樟茶鴨 🦆
呢一度菜係小編睇唔成份Menu第一樣最想食嘅嘢！👀
因為樟茶鴨真係唔係好多地方有，而且小店用心嘅中環，令到我對佢有信心！果然冇令我失望👍🏻👍🏻
去骨既樟茶鴨食用超方便，只係需要點少少嘅淮鹽或者其他醬汁，然後擺落面皮入面一齊食，真係超好味😋 佢嘅肉質做到乾身但係唔會鞋口同埋過分柴，我覺得好出色！😍
#大排擔擔麵 🍜
排骨鎖到肉汁而且有口感，好味！不過我覺得個重點落咗係擔擔麵嘅湯底，有超濃郁嘅花生醬味，食落勁香，但又唔會覺得好膩，每一條麵麵掛到擔擔麵嘅湯底，食落好滿足🥰
#酸辣湯水餃 🥟
最後係酸辣湯水餃，佢啲水餃大大粒，而且餡料非常鮮甜！鍾意食水餃嘅大家一定要試！而酸辣湯味道適中，唔會話過分酸，係可以一啖接一啖嘅程度，同時都可以做到解油膩嘅效果😉
📌 溫馨提示：店家嘅門口係一個自動門，不過佢個掣就比較細小，較難搵，但係大家千祈唔好強行拉開道門，小心留意門口嘅左手邊有個掣😉
📍 #誠記小籠包拉麵 (西環)
西環巴丙頓道2-4號海明苑地下2號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

15/10/2022

🐷 #為食小豬台灣菜篇 | #為食小豬在北角
🐽令人掛念的味道 · 台灣爆膏胡椒蝦 🦐
其實小編讀緊大學既時候，有一個學期係去左台灣exchange 🇹🇼 當時緊係喺咁去搵好野食啦！而我都食過一次胡椒蝦！本身唔係好記得佢既味道係點，但今次黎到 #一品活蝦，我搵返份回憶啦！另外，小編覺得呢度嘅環境好舒服！🥰
#胡椒蝦 (小份) 🍤
因為今次小編同朋友兩個人黎食，又想試多少少野，所以就叫左小份😙
不過佢都有成7隻大頭蝦！而且上枱個陣胡椒香真係不得了，搞到小編流曬口水🤤
職員好貼心喺進食前提醒我胡椒蝦既調味較濃烈，唔建議直接啜蝦殼，小編當然乖乖聽話啦😝
雖然蝦身既肉唔算好大舊，但沾返少少胡椒食，超惹味！口感又彈牙！好新鮮👍🏻
而且小編覺得個重點係蝦頭既膏！嘩！爆膏呀！又甜又香濃，真係好好味！大家一定唔可以浪費😍
#麻油雞 (小份) 🍲
小編喺台灣都成日飲麻油雞，因為湯底充滿住麻油香，飲完又暖胃🥰 而且店家都好大方，小份既湯入面都有成6-7舊雞件，食落仲要係滑同彈既，正🐣
#高麗菜 🥬
喱個菜雖然味道簡單，但就係有種喺台灣食，樸實既感覺，簡單直接，好味😋
#蘋果西打 & #燒仙草爽 🧃
喱度仲有幾款台灣出產既飲品，點可以唔飲呀🙆🏻‍♀️
📌 溫馨提示：呢間餐廳係利用QR code落單點野食，不過飲品就係自行喺雪櫃度拎，最後再計數嫁，記得留意啊👀
📍 #一品活蝦 (北角)
北角京華道9-27號富利來商場地下2-4號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

07/10/2022

🐷 #為食小豬西餐篇 | #為食小豬在旺角
🐽 旺角鬧市高CP值西餐廳🍴
小編同朋友嚟到呢間餐廳睇Menu嗰陣發覺，有唔少融合咗港式味道嘅菜式，不過今日小編行穩陣路線，都係食返平時會叫嘅西餐，餐廳影啲相實在太吸引啦📸
🍕
呢個Pizza真係不得不叫，先係因為俾佢黑色餅皮嘅外型吸引咗之外，佢嘅味道係非常之好食！👍🏻 大家記得要趁熱食，因為當中嘅水牛芝士可以做到拉絲嘅效果～🧀 配合埋菠菜做嗰Pizza嘅醬汁係非常之夾，而且面頭嘅煙三文魚份量都比得好慷慨，啖啖都食到滿滿嘅餡料，非常滿足😋
#牛三味 🐮(牛舌、牛肩肉、牛肋條)
呢碟肉嘅份量都唔少，每個種類都係一大塊肉上嘅🥩😍 而小編就覺得佢嘅牛肩肉同埋牛肋條比較出色，口感上雖然唔係話非常軟淋，但餐廳運用基本嘅調味，帶出牛肉本身既香味～
牛舌方面，就唔係平時喺日式餐廳食到嘅牛舌，反而似係中式或者港式口感嘅牛舌，小編個人就冇咁喜歡啦🙈
#黑松露肉醬千層麵 🍝
嘩嘩嘩，呢個意大利麵不得了，唔好以為佢份量唔大，佢嘅邪惡程度同埋芝心程度不容忽視👀 而且入面夾雜着淡淡的黑松露香氣，食落比起一般嘅千層麵唔同，都幾特別😁
🍹& 🍸
最後就係小編同朋友都大推嘅飲品🙌🏻 小編當日試咗個杯無酒精飲品，主要都係藍莓益力多嘅味道，係容易令人忍唔住一啖接一啖咁飲嘅😂
朋友嗰杯就係Mocktail，佢話酒味唔強，好易入口！而且佢簡單一句形容左佢嘅美味，「下一次黎呢間餐廳食飯，佢會再叫返同一杯飲品🙆🏻‍♀️」
📌 溫馨提示：喱度好適合大家Chill返晚🥂
所以想有枱嘅話記得訂位啦，如果唔係嘅話,我諗Walk-in隨時要等一段時間😌
📍 (旺角)
旺角染布房街7-8D地下
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

06/10/2022

🐷 #為食小豬川菜篇 | #為食小豬在旺角
🐽 麻辣香鍋 · 「麻」「香」「辣」🌶🤤
小編今次好開心搵到同樣鍾意食辣嘅朋友一齊去試呢一間麻辣香鍋，內心既期待又緊張😝
#招牌麻辣香鍋 — 香辣，小辣🌶
香鍋一上碟就吸引晒我哋嘅眼球👀，原因當然係因為佢滿滿嘅辣椒乾啦🤭
而呢度既香鍋提供咗3款口味，分別係香辣、麻辣、醬香😋
雖然小編鍾意食辣，不過我覺得對比麻辣，香辣嗰種唔會令人有食得好辛苦嘅感覺，其實更加好味同享受，推薦👍🏻
配料方面小編同朋友就揀咗小酥肉🥩、沙白、鴨血、蓮藕、花菜🥦
小編特別推薦大家食沙白，因為佢非常鮮甜，飽滿嘅沙白肉，配搭埋香辣口味，食落好惹味，同時提升左海鮮嘅鮮味😎
另外，當然唔少得蓮藕同花菜呢類型蔬菜，吸味之餘又爽口，係食香鍋嘅必選配料🙌🏻
#夫妻肺片 🥗 & #黃金蝦球 🍤
從咗香鍋，小編仲嗌咗一個頭盤涼拌小菜，同埋一個鑊氣小炒😝
今次係小編第一次食夫妻肺片，原來係由不同嘅牛嘅內臟，配埋蘿蔔絲同青瓜絲整成嘅兩半小食，食落爽口，而且因為冇特別家樂做調味，所以當食食下香鍋想refresh口腔嘅時候，食佢就啱晒啦🤣
另外，黃金蝦球，一個字，掂！💯
大家睇到張相就知啲蝦肉幾咁大嚿，而且非常新鮮，口感結實，比滿滿嘅蛋黃包裹住，既邪惡又好味！😍
#紅糖糍粑 ♥️
其實去到最後，小編同朋友都覺得好飽，不過見到隔籬枱食紅糖糍粑，真係覺得好吸引！🤩而且呢一道係我食川菜，最鍾意嘅甜品！而佢果然冇令我失望，口感外酥內軟，配合埋出面嘅黑糖漿一齊食，又唔會太甜，味道啱啱好，作為今餐絕對係一個好好嘅結尾🙆🏻‍♀️
📌 溫馨提示：口味真係因人而異，大家記得就住嚟嗌，小編平時食開譚仔三小辣，今次覺得食少辣啱啱好，都可以試吓中，一定過到癮😆
📍 #麻辣香鍋 (旺角)
旺角砵蘭街198號地舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

01/10/2022

🐷 #為食小豬串燒篇 | #為食小豬在尖沙咀
🐽 高CP值串燒小店·平靚正 🤩
最近小編去咗唔同嘅地方食串燒店，都想同大家分享，今次嚟到位於尖沙咀厚福街其中一條小巷嘅串燒店🍢 其實小編平時好少行呢條內街，仲有咁多嘢食，而且比我發現咗呢間隱世嘅串燒店！非常推薦大家試一試🤤👍🏻
小編今次同我都叫咗好多嘢食，等我為大家重點推介啦‼️
1️⃣ 優惠套餐💯
喱度大部份嘅套餐都會有一條台灣腸，然後大家就可以睇吓自己想搭配邊一種串燒一齊食而揀返相應嘅套餐，今次小編就試咗D餐同E餐，分別係$68/$58，就已經包咗三至四串串燒（其中一個包左燒扇貝），仲包埋主食薄餅/飯一齊食，另外當然唔少得嘢飲，一個人食一個餐都已經好滿足！而且串燒既質素好唔錯！抵食呀😍
2️⃣ 燒蒙古羊架 🥩
小編同同行嘅朋友，都推介大家嚟到一定要叫最少一份！因為喱間舖頭既獨特調味真係好好味，遮蓋左羊羶味既缺點，但係少少甜甜辣辣既味道好惹味，又唔會嗆口，肉質又軟淋，正😋
3️⃣ 燒五花腩肉串 🐽
一口一啖既size，食落好方便！師傅仲要燒到好香口，邊邊既皮係脆既，而肥膏部分都因為燒左而保留左最精粹，入口即融但唔膩，小編覺得配埋辣粉食，再加分😝
4️⃣ 燒雞中翼 🐔
燒雞翼～我鐘意食～～🥰
雖然係普通既串燒選項，但喱既雞中翼燒得岩岩好，皮脆肉嫩，又保留到肉汁唔會乾！食材簡單，但燒烤技巧唔簡單，好味道♥️
5️⃣ 燒饅頭 🍞
最後介紹一樣特別野，小編啖出面真係冇見過🙈
蒜蓉燒饅頭，師傅喺對切左一半嘅饅頭面檢
搽左一層薄薄既蒜蓉醬，小編平時最多都係食過炸饅頭配煉奶，係甜食既饅頭，真係未試過配蒜蓉醬，估唔到幾夾😳 鐘意食饅頭既大家，可以一試啊😉
📌 溫馨提示：店面比較細，只可以招呼4-5枱客，大家想食就記得預早時間拎位，或者外賣都得，小編食個陣都見到好多熟客買外賣返屋企食😙
📍 #串點燒烤美食 (尖沙咀)
尖沙咀厚福街7A號地下E號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

24/09/2022

🐷 #為食小豬串燒篇 | #為食小豬在旺角
🐽 鬧市中既一間串燒小店 🍖
話出小編同朋友係溝通上有啲誤會，所以明明間餐廳我哋係book咗19:30 ，不過小編18:45左右就到左，店員不但只冇叫我等，反而係即刻安排我入座，話唔緊要，服務態度👍🏻
我相信呢一間位於旺角嘅串燒店，為人熟悉，小編以前喺旺角區返工，夜晚嘅時候，尤其係喺週末見到超多人排隊等開餐🤣 今次終於你試試佢😝
小編當日同朋友食咗好唔少嘢食，肉類/蔬菜類/甜品/飲品等等⋯我就唔會逐一介紹啦，不過就特別列出幾款俾大家參考啦🙆🏻‍♀️
#腐竹雞蛋糖水沙冰 🧉
第一次見用中式糖水整成嘅沙冰，味道真係好似飲緊一碗腐竹雞蛋糖水，唔會太甜得來！整成沙冰真係好消暑！🥰
小編仲見到少少雞蛋碎喺杯嘢飲入面，感覺好神奇！大家一定要試試佢🤩
#燒法式羊架 🐑
小編覺得呢度嘅羊架調味適中，唔會有令人難以接受嘅羶味，食落口肉質軟滑，配埋旁邊嘅肥膏一齊食，幾邪惡又滋味🤭 不過大家記得趁熱食，攤凍咗陣羶味應該會比較明顯🙈
#蒜蓉燒扇貝 🧄
呢度嘅燒扇貝，蒜蓉同辣椒粒落得好重手，超惹味！雖然扇貝比較細粒，不過我覺得重點嘅粉絲，吸晒啲蒜蓉同辣椒味，超好食😋
#溏心波蛋脆脆煙肉碎三重芝士撈丁 🍝
呢度有好多款特色撈丁，小編覺得可以迎合到唔同口味嘅大家，而呢一款撈丁佢有煙肉碎我覺得幾加分，不過佢所選用嘅芝士就會有啲顆粒感，撈完都偏乾身少少，所以睇吓大家鍾唔鍾意啦😆
#日式煉奶燒麻糬 🍚
呢度個麻糬應該係用米磨成粉造成嘅，燒完之後充滿米香味☺️ 本身就咁單食當然冇任何特別味道，但加埋煉奶，食落好香，做甜品一流♥️
#燒甜美菠蘿 🍍
最後呢一樣，小編同朋友都極力推薦大家一定要去食！💯 燒菠蘿係小編每一次去串燒店都會叫嘅嘢食，而呢度嘅燒菠蘿，不單止大大件，仲要一咬落去係做到噴汁嘅效果，菠蘿味道超香甜，只係帶有少少酸味，非常開胃！🙌🏻 係食完咁多串燒之後食佢，亦都可以消除到口腔入面嘅油膩感覺！正😍
📌 溫馨提示：串燒都係熱辣辣食最好，所以我建議大家每一輪都係嗌適當嘅份量，食完之後先再加單，保持到嘢食嘅溫度，就最好味啦😉
📍 #安安燒 (染布房街) (旺角)
旺角染布房街6號地舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

22/03/2022

🐷 #為食小豬日本菜篇 | #為食小豬在尖沙咀
🐽 清新和食 • 健康豐盛🍴
大家要快啲把握機會，係今個月底前到試吓佢哋嘅限定2️⃣人前套餐，真係好抵食㗎😋
另外，佢整體感覺真係好清新，相信佢嘅調味唔係好重，可以俾你食到食材本身嘅味道，食完感覺都冇咁罪疚🤣
#限定二人前套餐
呢個套餐係包咗兩個湯，一個咖喱飯，一個日本米飯加兩個一品料理，仲有兩杯餐飲🙌🏻
#北海道產甜粟雞肉豆乳濃湯 🌽
嘩嘩嘩，呢個湯真係不得了！佢係超濃郁，你可以話好似食緊粟米羹一樣，有清甜嘅粟米配上雞肉粒，個湯飲落好香滑！👍🏻
其實細食嘅女仔隨時飲完呢碗湯已經好飽！🙊
#意大利產蕃茄蔬菜濃湯 🍅
小編朋友就話呢一個蕃茄濃湯好好飲，蕃茄味道濃郁，但係唔會話有好重嘅胡椒粉味，反而仲會有蔬菜嘅清甜味！仲有嘅係佢入面配咗一隻溫泉蛋超吸引😍
#油揚豆腐黑豚薑汁燒 🐷
雖然小編覺得佢嘅外貌平平無奇，但係佢俾一般嘅豚肉燒更加吸引我，超好送飯！佢嘅柔釀豆腐仲吸晒啲汁，超惹味🤤
#五彩野菜濃豆腐伴 🥬
嗱嗱嗱，呢個一品料理真係好健康，唔好以為佢唔好食，反而小編覺得呢一道小菜係最有驚喜‼️因為佢用日本芝麻汁，伴有唔同嘅蔬菜同埋豆腐仲有蒟蒻，食落口，令口腔重新refresh，超級開胃！🥰
#濃香牛肉野菌咖喱飯 🍛
大家可以放心呢個咖喱絕對唔辣，係日式咖喱嘅味道，而佢嘅牛肉係類似牛腩嘅口感，入面最好味嘅我都覺得係咖喱必須要有嘅薯仔，大家一定要試吓🥔
#田牧越光米 🍚
日本米飯一定好好味，都唔需要我多講啦😎
📌 溫馨提示：雖然睇落以為份量唔算好多，但係呢個二人餐對於兩個女仔黎講，其實非常豐富🙈 所以等之後食肆放寬咗，建議大家可以約埋三五知己叫多幾款開心share🥳
📍 #一汁一菜 (尖沙咀)
尖沙咀河內道18號K11購物藝術館B2層B227A號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

10/03/2022

🐷 #為食小豬甜品篇 | #為食小豬在尖沙咀
🐽 苦中一點甜，日常小確幸 🍰
最近因為疫情既關係，相信大家都少咗外出用膳，主要都係屋企煮飯仔，或者買外賣，明白呢個時間大家要共渡難關，但記得間唔中食返啲甜嘢，可以令到個人開心啲🥰
小編今日就嚟到呢間相信冇人唔識嘅蛋糕店，試咗當中2️⃣款小編從未試過嘅戚風蛋糕🧁 ➕ 1️⃣款曲奇🍪
#日本柚子
呢款口味嘅戚風蛋糕，主要係有陣淡淡的柚子香味，係自然同埋清新，絕對唔係一啲化學合成味道！而且個蛋糕唔會好甜，佢既味道係好平易嘅人嘅，所以大家下一次都可以試吓😝
#大甲香芋黑糖麻糬
小編見到呢一個味道真係忍唔住啦，因為小編係一個 #香芋控同埋 #麻薯控 🙈 而呢個蛋糕嘅芋頭味係好豐富既，因為佢面頭同埋夾心都有大量嘅芋頭泥或芋頭cream！配合埋佢嘅黑糖麻糬，即使唔係一大舊，超煙韌嗰款，但至少每一啖都會食到，而且整體味道都幾夾！👍🏻
#培茶杏仁酥脆曲奇
呢個曲奇真係不得不說佢嘅培茶味好濃🍵，食落口係有種回甘嘅茶香味，下午茶食兩塊配杯茶，好寫意啊😍
📌 溫馨提示：最近尖沙咀分店進行緊內部裝修，所以暫時未有飲品可以提供🙅🏻‍♀️ 但係大家仲可以買各款蛋糕返去食㗎😚
📍 Famille (尖沙咀)
尖沙咀廣東道3-27號海港城海洋中心2樓Kiosk 5
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

12/02/2022

🐷 Dine篇 | #為食小豬在尖沙咀
🐽 意想不到的味蕾盛宴 👅
🍸 Cobo House X 中僑參茸 🍴
小編今次係人生第二次食Fine dinning，仲要係第一次食中西Fusion既Fine dinning!!! 所以小編係超級期待☺️ 而今次Total係有6個courses，由頭盤同甜品，小編都覺得係視覺同味覺既享受👀👅
餐廳一開始提供既餐前麵包，成功俘虜小編個胃，牛油香味撲鼻，而且口感鬆軟，雖然底部少少偏油，但小編係覺得好好食👍🏻
1️⃣ Bird’s nest / Dried scallop egg custard/ Oscietra caviar/ Shiro Ebi
第一道菜色，就已經令人賞心悅目，用上名貴嘅食材燕窩配上干貝蒸蛋，鮮蝦蓉，再加埋面頭嘅魚子醬，真係每一啖都好幸福！🥰魚子醬嘅鹹同埋鮮味，提升左整個食材嘅味道層次，而且入口順滑，配上伴碟嘅薄脆食，又會有另一種不同嘅口感😝
2️⃣ Cuttlefish/ Burnt paste/ Saffron fennel
第二道菜式，有小編好鍾意食嘅魷魚🦑，佢用上兩種嘅烹調方法，分別係燒，同埋魷魚乾嘅形式出現！前者嘅碳燒味好香，而且仲可以保留魷魚嘅彈牙，小編好鍾意♥️ 而魷魚乾都非常之香口，又唔會過鹹或者好難咀嚼👍🏻
3️⃣ Dried oyster/ Fat Chou tuile/ Japanese Murotsu oyster/ Herring roe/ Trout roe/ Rose beurre blanc
呢道係小編最鍾意嘅菜式 • 發財好事‼️原因係小編未食過咁濕潤嘅蠔豉🦪！主廚巧妙咁運用咗蠔豉配合日本生蠔，一乾一生嘅配合竟然係相得益彰，食落口有蠔豉濃郁嘅味道，亦有生蠔嘅鮮味，配埋佢哋自家調製嘅醬汁真係非常開胃！講真一粒唔夠喉呀🙊
4️⃣ Kanto sea cucumber/ Japanese geoduck/ Oolong tea semini/ Jicama
第四道菜式，用上海參同象拔蚌，配合米形嘅意粉，感覺真係好得意！最重要係廚師處理海參同象拔蚌嘅技術非常之好，煮得好軟淋，唔會韌！而佢哋嘅醬汁基底有好濃郁嘅茶味，入口回甘，佢為鍾意飲茶嘅小編但係你一個好深刻嘅印象🍵😆
5️⃣ Slow cooked 12 hours abalone/ Dried shrimp/ Local beef chuck/ Grilled aubergine
嘩嘩嘩，第五度菜式就係重頭戲啦！有慢煮12小時嘅鮑魚，配上本地新鮮牛肩胛肉🐮，再加上一件茄子釀入蝦米嘅小食！鮑魚同牛扒，睇相就知好味啦😋 不過唔講你唔知，嗰一件茄子非常驚喜，佢釀入蝦米同其他食材配上秘製醬汁，鹹香嫩滑，極得小編歡心！我相信你哋都會一試愛上😌
6️⃣ American ginseng/ Honey cake/ Dried fig frozen yoghurt
最後嚟到甜品喇，加入咗無花果，同埋人蔘，呢啲你可能難以想像會喺甜品出現既食材，但最後配合又非常融洽，味道唔會過甜，唔會令你食完覺得有負擔之餘，仲有不同嘅口感添，食完感覺好幸福😘
今餐每一道都好似一件藝術品！由碟嘅選擇，同擺盤，都令人賞心悅目🥰
📌 溫馨提示：Fine dinning不能急，小編個日既用餐時間用左兩個鐘，記得預好足夠時間啊⏱🤓
📍 HOUSE (尖沙咀)
尖沙咀梳士巴利道18號Victoria Dockside K11 Musea6樓602號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

06/02/2022

🐷 | #為食小豬在尖沙咀
🐽 冬天就想黎一杯溫暖既熱朱古力🍫☕️

其實小編唔飲咖啡，因為個胃受唔到精品咖啡，一飲即痾⋯🥴 所以平時同朋友去Cafe/Coffee Shop，我就會叫Mocha Latte/Hojicha Latte/Hot chocolate🙊
而喱杯熱朱古力不得了！外形真係好靚，絕對係打卡able，一見到佢，小編既少女心即刻出現啦😳
而且佢睇得又飲得，小編平時都鍾意黑朱古力多過牛奶朱古力，所以佢呢一度用上純可可➕自家特調嘅朱古力Syrup，仲有面頭既碎朱古力，飲落口味道啱啱好，唔會太甜但又可以品嚐到香濃嘅可可味，而且仲好順滑！飲晒成杯都唔會覺得好膩要飲水，大家一定要試🥰🙌🏻
🏆 「豬」味指數：9/10
📌 溫馨提示：飲既時候要小心面頭既可可粉同碎朱古力，唔好變成污糟貓啊🤣
📍 (海港城)
地址：尖沙咀廣東道3-27號海港城港威商場4樓4201K號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

08/12/2021

🐷 #為食小豬推介篇
小編好朋友既IG小店推出左唔知會唔會係最後一次既聖誕禮盒 🎁 請大家多多支持🥳🎄
📣內容如下：
選中做禮盒嘅甜品有:
👉🏻Canelé 可麗露、Dacquoies 達克瓦茲、S’more cookies
👉🏻同聖誕限量版:
朱古力麻糬曲奇+爆漿士多啤梨餡
🤜🏻選用新鮮士多啤梨調味絕無藥水怪味嘅士多啤梨餡

🤘🏻凡購買聖誕禮盒，可獲贈精美聖誕卡一張 (數量有限，送完即止)

🌟詳情請細閱google form
https://forms.gle/Dtv3u1im94KM1zmv6
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

31/10/2021

🐷 #為食小豬試食篇 | #為食小豬在荃灣
🐽 打邊爐d野食淥一淥就食得，打邊爐book位去6️⃣1️⃣6️⃣一樣得 🍲
今次小編好開心可以收到616既試食邀請♥️ 其實小編久唔久就會心癢癢想食打邊爐，唔知身為香港人既大家會唔會同我一樣呢😜
而616最近推出左 #午市獨樂樂小火鍋套餐，一人一鍋衛生得黎又可以揀自己最鍾意既湯底！正呀🤤
湯底方面小編同朋友仔分別就揀咗 #青花椒辣湯🌶 同埋 #熔岩沙嗲湯底🥘，前者既味道其實都幾強烈，佢個隻辣唔係麻辣個種辣，而係陰d陰d咁嗎你口腔度散發啲辣味，想挑戰嘅朋友都不妨一試！🤣 不過小編更加推薦佢嘅沙嗲湯底，濃郁得來又唔會太辣，可能有啲朋友食完會覺得有啲膩，但係佢嘅味道係會令你忍唔住食完一啖再接一啖😏
肉類方面小編就試咗套餐入面嘅 #俄羅斯封門柳同 #牛駝峰之外，封門柳嘅肉就比較瘦同冇乜脂肪，但係牛味就相對濃郁，係小編比較鍾意食嘅其中一款牛肉！🐮 而牛駝峰嘅口感亦都好嫩滑，第一次食，有令我下一次都想叫佢嘅感覺😆
除此之外，小編仲試咗 #蘇格蘭雪花胸肋 — 呢款牛牛喺蘇格蘭被飼養既過程非常好，所以佢嘅肉質肉質紋理細緻，牛肉味更濃郁。小編好鐘意☺️
而 #英國安格斯牛前胸肋 — 係一款擁有70%以上血統來自純安格斯牛，血統較純正！牛牛仲係食天然草飼，肉味清新，油份好豐富！岩曬鐘意食油花味既朋友仔🙌🏻
小編同朋友仲試咗 #616自家製飲品🥤，分別係 #菊花桂圓露同 #洛神玫瑰茶，可以下火之餘又去除油膩感👍🏻 比起一般嘅飲品，大家一定要試616自家出品啊😚
收銀枱面仲有一堆薄荷糖可以俾大家去除口氣，重新refresh個口腔，抵讚💯
最後最後要同大家分享一下 *616限定優惠:*
1️⃣ 午市(1200-1700)正價火鍋食品8折🥳
2️⃣ 616禮劵 — 只要到616消費，即可獲得價值超過$800嘅616禮劵，除了616牛肉火鍋專門店禮券外，還有有616燒肉酒場，616客香邨及谷古禮券可以使用😎
📌 溫馨提示：大家要注意爐火嘅大細，唔好俾啲湯底滾瀉出嚟啊🙈
📍 #616牛肉火鍋專門 (荃灣店)
地址：荃灣三陂坊14-18號安安樓地下C號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

24/10/2021

🐷 #為食小豬泰國菜篇 | #為食小豬在尖沙咀
🐽 一間好既餐廳，味道固然重要之外，出色既服務態度都超加分！💯
點解小編會咁大力表揚喱間餐廳職員既服務態度呢❔係因為個日小編比左個大麻煩人地⋯就係小編唔小心倒灑左杯沙冰落自己度，搞到半邊外套同大髀都遭殃⋯仲搞到餐廳地下濕左一大撻⋯😟🥺
不過個度既職員真係好好，先係幫我地調位，然後仲毫無怨言咁仔細清楚枱面同地下，仲不斷提供濕紙巾&乾紙巾比我抹乾淨，又問我有冇事♥️ 最重點係佢地既經理竟然仲好細心咁幫我處理件整濕左既外套‼️真係超好人👍🏻😍
講返佢地既野食，其實都好唔錯！😋
#和牛咖喱金麵🍜
小編第一次食金麵，佢有d似我地平時去粉麵店食既雲吞撈粗既個款粗麵，佢仲要拎左一部分去炸，增加左多一種口感！而且佢既咖喱味好香濃，又唔係好辣個種！配埋嫩滑既和牛粒！令人忍唔住一啖接一啖😳
#泰式海鮮沙律🥗
喱個沙律面頭有好多海鮮，包括帶子，虎蝦，魷魚同埋三文魚，配上新鮮既蔬菜，淋上開胃既泰式酸辣醬汁，小編真係好鐘意！🥰
但係佢既辣味唔小啊，大家要留意🙈🙈
#啖啖蟹肉黃咖喱虎蝦 + #印度薄餅
小編既意外發生喺喱碟虎蝦上菜之前，所以之後唔記得左同佢影返張相😅
小編強烈建議大家要趁熱食！因為熱辣辣既印度薄餅點咖喱食，係一件錦上添花既事🌸
雖然喱個咖喱比我想像中少蟹肉🙊 但彈牙既虎蝦彌補到小編既小失落～同埋帶少少甜辣味道既咖喱，令小編個晚餐飯，多左另一種風味🤗
🏆 「豬」味指數：9/10 (個次既用餐體驗令小編加左分🙈)
📌 溫馨提示：食飯個陣真係要小心冼手/撞到任何野，如果唔係，意外就會發生⋯整到自己又麻煩到人地😖🙏🏻
📍 Café (海港城)
尖沙咀廣東道3-27號海港城海運大廈地下G01號舖
#為食小豬出動 | | | | | | #香港有咩食 | | | #食咩好 | #今日食咩好 | | | #相機食先 | #香港美食 | |

piggy._.foodie