16/07/2020
Chhungkuaa Nu pawimawhna.
Chhungkaw din tura pasal neih i rilruk rual rual khan nu dinhmun hi ngaihtuah tel la ka va ti em..!
1. Pasal i neih chiah khan i nulatna, i zalenna chanve aia tam chu a tawp nghal a, i lawina chhungte rawnbawl chu i hna a ni nghal a, an lawm leh lawm loh te, i pasal chhungte i en dan leh i huikhawm leh khawm loh te an teh tawh dawn a nia, duh lo teh mah la, an tehna che pawimawh ber ani dawn tho tho.
2. Raino lak nat leh nat loh ringawt ah pawh hian hmeichhia hi kan inthlau a nia, chumi hrerhiam lo chhungte i nei anih phei chuan i tawrhchhel hle angai bawk anga, hrethiamtu che pasal leh chhungte i nei a nih erawh chuan i vannei tawp ani mai.
3. Fa i nei chiah a, buai a in ṭan nghal a, nauno pawm chungin inchhung enkawl i kutah a awm a, i pasal i care a ngai a, chuti chung chuan a chhungte i care tel ala ngai bawk a.
4. Fa enkawl a hlei hlei hian nu te hi kan pawimawh, fa te mamawh ni lo, an duhzawng lei nasa ber tu chu nu te hi kan ni tlangpui, “an ni chuan an nei thei a lawm, keini chuan kan thei ve lo” tih ai chuan, "ṭhenawm nu pawn a neih chuan ka nei ve awm e mai" ti hi kan tam em a ni.
6. Pasal te thawhchhuah chiah ring ve tho si, pasalte thawhchhuah aia sang a khawsak tum, thil chhuak thar apiang neih ve duh zel, mahni chu sawiloh, fate thleng pawh a tunlai ber ber a thuam duh, pasal te hlawh zat tur kan hriat ve tho si, mahse, a incheina man zat chhut ringawt pawh a an pa glawh nen a in millo, inchhung lam belhchian dawl si lo CHHUNGKAW NU hi ka hmu ve nual ta mai.kan fa te, an tet lai aṭangin nu in a duhdan in a chei a, a bikin hmeichhe naupang te te leplerh deuh deuh in kan chei a, a hmutu ten an lo fak a, nu kan lawm em em a, hetianga hmeichhe fa leplerh deuh deuh a chei ṭhin te hi an lo lian deuh a, an thil duh zawng chu a dan a dang zar mai ang (an inthlak danglam viau anih loh chuan).
Kei chu (ka'n ti teh ang) Pathain zarah ka fate hi thil.mawi leh nalh an hriat ve hma a ṭang tun hun, an len hnu thleng hian an rhawmhnaw ka leisak dawn in an mahni ka thlantir ngai lo, ka leidawn pawn ka hruai ngai lo, an tetlai a ṭang a nu in kan tih ṭhan chuan lungawi lohah an la lo, nu in ka leisak kha a turah an ngai mai a, an lungawi em em mai ni, an fel bik em em vang a ni lo, ka tih dan ṭhan a nia, 100 dawr a mi pawh leisak i la, lawm takin an ha mai. Kan fa te nun dan, an incheina ah hian nu thunun na hi a pawimawh chiang khawp mai.
A thui dawn e mai, tawk phawt teh se.PA kan sawi lo aw. Comment na lamah pa rawn sawitei awih rih loh. Tlani
