صفحة إعلامية حيادية صاحبتها مواطنة لبنانية عادية، تعر?
19/10/2021
الشهادة من أجل وطن هي اني موت بمعركة من أجل خيي مدافعا عنو بقوة السلاح شو ما كان دينو..
الشهادة من أجل دين هوي اني عيشو و بشر فيه لحد ما أقتل في سبيلو و انا في سلام مع الجميع.. إعلان الحق لا يحتاج سلاح الا سلاح الكلمة!
19/10/2021
بلد محكوم من كلّ شي الا القانون 😏
لا دولة و لا مدافع عن مواطن أعزل. مجبور هوي يدافع عن حالو بوطن مصنوع من معدن رجال رفضو يبيعو و يفلو.. رغم الترهيب و الوعيد عندن بعد إيمان فيه.. و بعدين؟
اللّه الحامي!
25/07/2021
للأسف البلد من سنين لهلّأ مش أكتر من جبهة بساحة حرب و مدفع بس ضدّ مين؟ بدل ما يكون أعداء الوطن هنّي المستهدفين بهل حرب صار الشّعب هوّي المستهدف و المستعمل كورقة ضغط، أسير خيارات خاطئة و قرارات فوضى نتيجة سلطة غير قادرة و مرهونة و بعدين..؟
فساد مستشري متل المرض العضال بدون تغيير رديكالي بالنّظام و تغيير الطّاقم السّياسي و تسليم البلد للسّلطة القضائية لفترة تسهر على احلال القانون و حمايتو لا دولة في لبنان و لا شعب و لا وطن!
23/01/2020
٢٢ كانون الثّاني ٢٠٢٠ مساءً اشتبك متظاهرين من مناطق مختلفة و بأخصّ من الشّمال و البقاع مع القوى الأمنية ببيروت بهدف الدّخول إلى المجلس النّيابي، لا يُخفى عن بيئة الشّباب من هل مناطق الحاضنة للطّائفية بفترة من الفترات و لوضعا الإقتصادي الغايب عن ادراك الدّولة بخطورتو و عملها الجدّي لتفادي تفاقم الفقر و الحرمان فيا.. هل يصبح هؤولاء 'بدورهم' الطّبقة المحرومة المستندة عأجندة خارجية لابسة قناع الوطنيّة لتبرير وجودا؟
وعي و ادراك و فهم و دقّة أكتر هوّي أكتر من ضروري بهل فترة!
14/01/2020
في فشل بشرّف نتيجة محاولات خاسرة و لكن بتبقى محاولات .. و في فشل ببهدل و بيخزي نتيجة أداء معيب.. 🤦♀️ لعبة بيت بيوت 😏 و استيهان بعقول النّاس
12/01/2020
مفهوم الدّولة شو صار بعيد عن معناه ليستفيد منو كل مين بيستغبي شعب فعلا جاهل أو ساكت عن أبسط حقوقو
12/01/2020
للأسف صار الشباب المتعلّم بلبنان كل طموحن يهاجروا ليقدروا يلاقو فرصة عمل تحمي كرامتن.. هيدا استنزاف للوطن و الحلّ الوحيد بإيجاد قيادة واعية مدركة بتعرف شو يعني دولة و تتصرف عأساسا!
12/01/2020
80% من الثّوار اللي نزلو ببداية الثّورة هني ناس عاطلين عن العمل قسم منن أغلقت شركات ومصالح بيشتغلو لصالحا أو صغرت إحتوائها للموظفين لتراجع المردود.. و قسم متخرج جديد و مش ملاقي وظيفة و قسم آخر أساساً المعاش مش مكفي ليسدّد فواتير و ضرايب للدّولة لأن كتير شركات و مصالح بطبيعة الحال من أواسط ال 2018 بلّشت بسياسات إقتصادية تقشّفية و رغم هل شي ما أُسعفت عن أن يُغلق معظمها في ال2019.
الشعب ما عاد في شي يخسرو هوي شعب فعلا بخوّف، لوين رايحين!!
سياسة إقتصادية إسعافية هي أكتر من ضرورة بهل فترة الجدّا حسّاسة و بلا حكي عالفاضي صار وقت الشغل، صار الوقت لبناء دولة
18/10/2019
إذا الشّعبُ يَوْمَاً أرَادَ الْحَيَـاةَ فــلا بــدّ أن يســتجيب القــدرْ
ولا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر
وَمَنْ لَمْ يُعَانِقْهُ شَوْقُ الْحَيَـاةِ تَبَخَّـرَ في جَوِّهَـا وَانْدَثَـر
فَوَيْلٌ لِمَنْ لَمْ تَشُقْـهُ الْحَيَاةُ مِنْ صَفْعَـةِ العَـدَم المُنْتَصِر..
~ أبو القاسم الشابي
Be the first to know and let us send you an email when Nancy El Khal posts news and promotions. Your email address will not be used for any other purpose, and you can unsubscribe at any time.