Bajaur leaks (2025)

17/03/2025

بنوں کینٹ حملہ: چھٹا دہشت گرد افغان شہری نکلا

بنوں کینٹ پر 4 مارچ کے دہشت گرد حملے میں ملوث چھٹے حملہ آور کی شناخت ہو گئی ہے۔ تحقیقات کے مطابق، عتیق اللہ صافی ولد حبیب اللہ، افغانستان کے دارالحکومت کابل (پل چرخی) کا رہائشی تھا اور اس نے عسکری تربیت جیش فرسان محمد کے تربیت کاروں سے حاصل کی۔ حملے کے بعد 14 مارچ کو کابل میں اس کے ایصالِ ثواب کی محفل منعقد ہوئی۔

ذرائع کے مطابق، عتیق اللہ صافی کا تعلق کالعدم گل بہادر گروپ سے تھا۔ اس کے قریبی رشتہ داروں میں بھائی فرزاد صافی، عاشق صافی، شفیق صافی اور چچا حاجی سلطان و محمد عمر شامل ہیں۔ اس انکشاف کے بعد افغانستان میں سرگرم دہشت گرد گروہوں کے پاکستان میں ملوث ہونے کے خدشات مزید بڑھ گئے ہیں۔ سیکیورٹی ادارے مزید تحقیقات کر رہے ہیں۔

14/12/2023

پی ٹی آئی کے پیرا شوٹرز کا کہنا ہے کہ جب سائفر کیس میں عمران خان کو پھانسی ہوجائے تو بعد میں اگر الیکشن کیا جائے تو ہمدردی کا ووٹ مل جائیگا، اسلئے الیکشن روکوانے کے لئے تاخیری حربے استعمال کررہے ہیں؟

الیکشن کمیشن نے دو بار سپریم کورٹ اور پاکستانی کی چاروں ھائی کورٹس سے الیکشن کروانے کے لیے افسران (آر اوز اور ڈی آر اوز) مانگے۔ دونوں بار عدالتوں نے افسران دینے سے انکار کر دیا۔ جس کے بعد الیکشن کمیشن کو یہ افسران بیوروکریسی سے لینے ہوتے ہیں۔

چنانچہ الیکشن کمیشن نے بیورکریسی سے افسران لے کر دو دن پہلے انکی فہرست جاری کی۔ ساتھ ہی ان کا ٹریننگ شیڈول بھی جاری کر دیا۔

پی ٹی آئی نے بیوروکریسی سے افسران لینے کے خلاف لاہور ھائی کورٹ میں اپیل کر دی۔ حیران کن طور پر جسٹس باقر نجفی نے اپیل منظور کر کے الیکشن کمیشن کا نوٹیفیکشن معطل کر دیا۔ خیال رہے کہ بیوکریسی سے الیکشن کے لیے افسران لینا خلاف قانون یا خلاف آئین نہیں ہے۔ یہی بات عدالت نے اپنے ابتدائی فیصلے میں بھی لکھی کہ وہ فلحال الیکشن کمیشن کا نوٹیفیکشن اس لیے معطل کر رہے ہیں کیونکہ ایک بڑی سیاسی جماعت اس پر مطمئن نہیں۔

فیصلے میں آئین یا قانون کی کسی شق کا حوالہ نہیں دیا گیا۔

اس پر سوشل میڈیا پر کافی تنقید ہورہی ہے کہ عدالت الیکشن کمیشن کو نہ خود افسران دے رہی ہے اور نہ ہی بیورکریسی سے لینے دے رہی ہے تو معزز عدلیہ چاہتی کیا ہے؟

جسٹس علی باقر نجفی نے کیس پر لارجر بنچ تشکیل دینے کے لئے فائل چیف جسٹس لاہور ہائیکورٹ کو بھجوا دی ہے۔ امید ہے یہ نوٹیفیکشن جلد ہی بحال کر دیا جائیگا۔ کیونکہ اس معاملے کو ذرا بھی لٹکایا گیا تو الیکشن میں تاخیر ہوسکتی ہے۔

شائد پی ٹی آئی چاہتی بھی یہی ہے۔ آپ نوٹ کیجیے کہ الیکشن کمیشن نے بیورکریسی سے افسران لینے کا فیصلہ کافی دن پہلے کر لیا تھا۔ لیکن پی ٹی آئی نے تب کوئی اعتراض نہیں کیا اور الیکشن کمیشن کے نوٹیفیکشن جاری کرنے کا انتظار کیا۔ جوں ہی نوٹیفیکشن آیا تو پی ٹی آئی نے اس پر سٹے لے لیا۔

یہ الیکشن رکوانے اور تاخیری حربوں کے سوا کچھ نہیں۔ پی ٹی آئی کو خوف ہے کہ الیکشن کے نتائج وہ نہیں ہونگے جن کی انکو توقع تھی۔ نہ ہی عمران خان اس الیکشن میں حصہ لے سکیں گے۔ لہذا وہ ہر ممکن طریقے سے الیکشن رکوانے کی کوششیں کر رہے ہیں۔

لیکن امید نہیں ہے کہ پی ٹی آئی کی دال یہاں گل سکتی ہے۔ عدالتیں اور جج پی ٹی آئی سوشل میڈیا کے دباؤ سے نکل چکے ہیں۔ الیکشن کمیشن، عدلیہ اور عوام کے موڈ سے لگتا ہے کہ الیکشن اپنے وقت پر ہی ہونگے۔

تحریر شاہد خان

13/02/2023

ملک دشمن عناصر کا سہولتکار عادل راجہ جو لندن میں بیٹھ کر ایجنسیوں سے پیسے لے کر پاکستان میں جھوٹ پھیلاتا ہے اس کا مقصد عوام اور اداروں میں نفرت پیدا کرنا ہے۔

12/10/2022

سوات میں بدامنی

کل سوات میں بہت بڑا احتجاج ہوا جس کو نہ صرف پی ٹی ایم نے لیڈ کیا بلکہ وہ نعرے بھی لگائے گئے جو وزیرستان میں پی ٹی ایم لگاتی رہی ہے۔ اس مظاہرے کے علاوہ سوشل میڈیا پر بھی کافی عرصے سے یہ تاثر دیا جارہا ہے گویا سوات پر دوبارہ 'مسنگ پرسنز' کا قبضہ ہوگیا ہے۔

آپریشن ضرب عضب کے بعد 'مسنگ پرسنز' کے قبضوں سے تمام علاقے چھڑا لیے گئے تھے۔ کچھ مارے گئے، زیادہ تر افغانستان بھاگ گئے لیکن کچھ عام لوگوں میں بھی گھل مل گئے تھے۔ جو گرفتار ہوئے ان کی بڑی تعداد کو عدالتوں نے چھوڑ دیا۔ ان کے مقامی سہولت کار اور ہمدرد بھی موجود رہے ہیں۔ اگر صرف وزیرستان کی بات کی جائے خود مقامی تسلیم کرتے ہیں کہ وہاں کی ایک تہائی آبادی یا براہ راست ان تنظمیوں کا حصہ تھی یا ان کی ہمدرد ضرور تھی۔ یہ وجہ ہے کہ ضرب عضب کے بعد بھی سیکیورٹی فورسز پر وہاں مسلسل حملے ہورہے ہیں اور پاک فوج کی شہادتوں کا سلسلہ جاری ہے۔

یہ 'مسنگ پرسنز' نہ وردیاں پہنتے ہیں نا انکی کوئی خاص شناخت ہے۔ اگر ہتھیاروں کے بغیر پھریں تو کوئی ان کو نہیں پہچان سکتا اور یہ مختلف علاقوں نقل و حرکت کرسکتے ہیں۔ حتی کہ عام لوگوں کے بھیس میں افغانستان سے بھی آسکتےہیں۔ لیکن اس کے باؤجود سوات، تیراہ حتی کہ وزیرستان میں بھی کہیں ان کے کوئی جتھے نظر نہیں آئے ہیں نہ کوئی ایسا علاقہ موجود ہے جس کے بارے میں کہا جاسکے کہ وہ 'مسنگ پرسنز' کے قبضے میں ہے۔ انکے اکا دکا لوگ ہی نظر آتے ہیں ورنہ غآئب رہتے ہیں۔ لیکن ان کے نام کی دہشت موجود ہے۔

جو مقامی سوات کے حالات پر گہری نظر رکھے ہوئے ہیں ان کےمطابق درحقیقت سوات میں اغواء برائے تاؤان کی وارداتیں بڑھی ہیں۔ اغواء کار مقامی جرائم پیشہ لوگ ہیں لیکن وہ نام 'مسنگ پرسنز' کا استعمال کرتے ہیں کیونکہ انکی دہشت زیادہ ہے اور ان کا نام لینے کے بعد کوئی شخص پولیس کے پاس جانے کی جرات نہیں کرتا۔

جیسا کہ اوپر عرض کیا آپریشن سے بچ جانے والے یا عدالتوں سے رہائیاں پانے والے 'مسنگ پرسنز' بھی کہیں نہ کہیں اپنی اکا دکا کاراوئیاں جاری رکھتے ہیں جیسے امن کمیٹی کے سربراہ ادریس کو انہوں نے سوات میں نشانہ بنایا۔ اس طرح کچھ ہفتے پہلے تین غیر مسلح اہلکاروں کا اغواء کیا جن میں ایک پولیس اور دوسرا آرمی آفیسر تھا۔ اس کی وجہ سے سوشل میڈیا پر افواہوں نے مزید زور پکڑا کہ یہ لوگ واپس آگئے ہیں اور سوات میں سب یہی کر رہے ہیں۔

سیکیورٹی فورسز نے سوات اور ملحقہ علاقوں میں ان کی تلاش کی۔ دو دہشتگردوں کو ہلاک بھی کیا۔ جس پر دوبارہ مقامی سرخوں نے احتجاج کیا کہ 'ہمارے بےگناہ لوگ فورسز نے مار دیے ہیں اور ایسے آپریشنز نامنظور'۔ حالانکہ ہلاک ہونے والے شرپسندوں کے اپنے بیٹے کی اعترافی ویڈیو بھی آگئی ہے اور ان کے بارے میں پکی انٹلی جنس رپورٹ بھی تھی۔

تازہ ترین واقعہ میں ذاتی دشمنی کی بنا پر سکول بچوں کی وین چلانے والے ڈرائیور کو نشانہ بنایا گیا۔ اس کے ساتھ فرنٹ سیٹ پر بیٹھے ایک بچے کو بھی گولی لگی۔ لیکن اس کو بھی 'مسنگ پرسنز' کا حملہ بنا کر پیش کیا گیا کہ جی بچوں پر حملہ تھا۔ بچوں پر حملہ ہوتا تو پوری وین نشانہ بنتی اور خدانخواستہ بہت سے بچے نشانہ بن جاتے۔ وزیرستان کی طرح یہاں بھی وین ڈرائیور کی لاش سڑک پر رکھ کر سڑک بند کی گئی جس کے بعد ہزاروں کی تعداد میں سوات کے لوگ نکل آئے۔ ایک بہت بڑا مظاہرہ ہوا جس کی قیادت پی ٹی ایم نے کی۔

پی ٹی آئی کی فوج مخالف مہم کے بعد مراد سعید نے بھی کئی دنوں سے جلتی پر تیل ڈال رہے ہیں۔ اس نے عوام کو افواج کے خلاف خوب اکسایا اور یہ تاثر دیا گویا سوات میں ان 'مسنگ پرسنز' کو فوج ہی لائی ہے۔ (اگروہ موجود ہیں تو) اس موصوف سے کوئی پوچھے کہ یہ منتخب ہونے کے بعد کتنی بار سوات گئے ہیں؟ سوات سول انتظامیہ کے پاس ہے اور کے پی کے میں ایک عشرے سے پی ٹی آئی کی حکومت ہے۔ فوج نے اپنی جانیں دے کر یہ علاقہ 'مسنگ پرسنز' سے چھڑا کر ان کے حوالے کیا تھا۔ انہوں نے امن برقرار رکھنے کے لیے وہاں کیا کیا؟ کل جو مظاہرہ ہوا اس میں لوگوں سے بات کرنے کے لیے کے پی کے حکومت کے کتنے نمائندے آئے؟

مراد سعید 'مسنگ پرسنز' کے ساتھ مزاکرات پر بھی تنقید کر رہا ہے اور بار بار مطالبہ کر رہا ہے کہ فوج اپنی پالیسی واضح کرے۔

عرض ہے کہ آپریشن کا سب سے بڑا مخالف اور مزاکرات کا حامی تو خود عمران خان ہے۔ کے پی میں عمران خان کی حکومت ہے۔ پالیسی وہ بنائیگی یا فوج؟ فوج کی پالیسی یہ ہے کہ دہشتگردی کا خاتمہ کیا جائے جیسے بھی ممکن ہو۔

کے پی میں موجود پی ٹی آئی حکومت کی کیا پالیسی ہے؟ وہ یہ خاتمہ کیسے چاہتی ہے؟ بات چیت کے ذریعے یا آپریشن کے ذریعے؟ کھل کر اعلان کرے نا؟ وہ جیسا چاہے گی فوج یا ریاست ویسا ہی کرے گی۔ پی ٹی آئی حکومت آپریشن کا مطالبہ کرے تو آپریشن ہوگا اگر وہ بات چیت کے ذریعے یہ معاملات حل کرنا چاہتی ہے تو بات چیت ہوگی۔ لیکن اگر مقامی سطح پر جرائم پیشہ افراد اغواء برائے تاوان کر ررہے ہیں یا مقامی لوگ ایک دوسرے سے دشمنی کر رہے ہیں ان معاملات سے نمٹنا ان کا کام ہے۔ ویسے بھی 'مسنگ پرسنز' کے ساتھ مزاکرات کو لیڈ کرنے والا عمران خان اور کے پی حکومت کا معاؤن خصوصی بیرسٹر سیف ہے۔ کیا مراد سعید یہ بات نہیں جانتا؟

سوات میں سرخوں نے مظاہرے کو ھائی جیک کیا جس کے بعد وہاں بھی وزیرستان جیسے نعرے اور مطالبے سامنے آرہے ہیں۔ یعنی ہم نہ آپریشن چاہتے ہیں، نہ تلاشی، نہ دوبارہ فوج کشی چاہتے ہیں، نہ کسی کو مارا جائے، لیکن ہمیں امن چاہئے۔ وزیرستان میں پی ٹی ایم کے یہ والے مطالبے سن کر ڈی سی نے سوال کیا تھا کہ پھر آپ بتائیں کہ ہم آپ کو امن کیسے دیں اگر ان میں سے کچھ بھی نہیں کرنا؟ جس پر پی ٹی ایم کا جواب تھا کہ 'ہمیں نہیں پتہ'

درحقیقت سوال انتظامیہ اور پی ٹی آئی کی صوبائی حکومت کی نااہلی کو پی ٹی ایم اور خود پی ٹی آئی بھی فوج کے سر ڈال کر نہایت ڈھٹائی سے کیش کر رہی ہیں۔ وزیراعلی پی ٹی آئی کو ان علاقوں کا دورہ کرنا چاہئے اور پولیس سمیت دیگر سول فورسز کو متحرک کرنا چاہئے۔ نیز جھوٹ اور افواہیں پھیلانے سے اجتناب کرنا چاہئے۔

11/10/2022

The exclusive report on recent killings of terrorists Ali Syed and Anees Killed in an intelligence based operation in Swat 👇

09/09/2022

پاک افغان تعلقات سے سرخوں کو تکلیف کیوں ہے کیو نہیں چاہتے کہ یہاں دونوں بھائی خوشی کے ساتھ رہ سکے۔
پاکستان نے ہمیشہ بڑے بھائی کا کردار ادا کیا ہے مشکل کی ہر گھڑی میں پاکستان نے اپنے افغان بھائیوں کو سپورٹ کیا ہے۔

27/08/2022

27 اگست 2022 کو کیڈٹ کالج مہمند میں گیارہویں جماعت کی دوسری انٹری کی آمد کے موقع پر ایک پر وقار تقریب منعقد ہوئی۔تقریب سےخطاب کرتے ہوئے کمانڈنٹ کیڈٹ کالج مہمند بریگیڈئیر محمد ظفر اقبال نے منتخب ہونے والے کیڈٹس اور انکے والدین کو مبارکبا ددی۔انہوں نے بتایا کہ کیڈٹ کالج مہمند ایک مقدس فرض کے تکمیل کے لئے سرگرم عمل ہے جہاں کیڈٹس کو بلا امتیاز قابلیت کی بنیاد پر داخلہ دیا جاتا ہے_ گیارہویں جماعت کی دوسری انٹری کے لئے 414 امیدواروں نے تحریری امتحان دیا جس میں انٹرویوز اور میڈیکل کے بعد100 امیدوار حتمی طور پر کامیاب قرار پائے
کمانڈنٹ کیڈٹ کالج مہمند نے مزید بتایا کہ یہاں کیڈٹس کو جدید خطوط پر تعلیم و تربیت دے کر آنے والے چیلنجز کا مقابلہ کرنے کے لئے تیار کیا جاتا ہے۔ علاوہ ازیں کیڈٹس کی نصابی اور ہم نصابی سرگرمیوں کے ساتھ ساتھ ان کی شخصیت اور کردار سازی پر بھی خصوصی توجہ دی جاتی ہے۔

انشاءء اللہ مستقبل قریب میں یہاں سے فارغ التحصیل طلباء ملک و قوم کابہترین سرمایہ ثابت ہوں گے۔

27/08/2022

27 اگست 2022 کو سیکٹری ایلمنٹری اینڈ سیکنڈری ایجوکیشن ڈیپارٹمنٹ خیبر پختونخواہ متصم باللہ شاہ نے کیڈٹ کالج مہمند کا دورہ کیا .کمانڈنٹ کیڈٹ مہند بریگیڈیئر محمد ظفر اقبال ,نے اس موقع پر معزز مہمان کا استقبال کیا.دورےکاباقاعدہ آغاز جناب متصم باللہ شاہ نے پودا لگا کر کیا اس موقع پر کالج کی کامیابی کے لیے خصوصی دعا ہوئی .اس کے بعد کالج کی طرف سے انہیں بریفنگ دی گئی معزر مہمان نے کمانڈنٹ کیڈٹ کالج مہمند کے ہمراہ کلاسسز,سائنس لیباٹریز کالج لائبریری کمپیوٹر لیب,ایم آئی روم,کیڈٹس میسز کا دورہ کرنے کے بعد نشتر ہاوس کا افتتاح کیا .اس کے بعد محترم سیکٹری نے کیڈٹس اور کالج اساتذہ سے خصوصی خطاب بھی کیا.جس میں انہوں نے کیڈٹس کو پابندی وقت کی تلقین کی اورملکی ترقی میں ان کے کردار پر روشنی ڈالی.آخر میں کمانڈنٹ کیڈٹ کالج بریگیڈیئر محمد ظفر اقبال نے معزز مہمان کو کالج سوینیئر پیش کیا

19/07/2022

مولانا احمد نور صاحب خطیب باجوڑ کا ٹی ٹی پی کے ساتھ جاری مذاکرات کے حوالے سے خیالات کا اظہار

Bajaur leaks

17/03/2025

14/12/2023

13/02/2023

12/10/2022

11/10/2022

09/09/2022

27/08/2022

27/08/2022

19/07/2022

Address

Website

Alerts

Shortcuts

Share