News of Kerala (2025)

28/01/2025

📡 News of Kerala
📃✍
28.01.2025

ഓൺലൈൻ ട്രെഡിങ് തട്ടിപ്പ്, കാർത്തികപള്ളി സ്വദേശിയ്ക്ക് 6 ലക്ഷം രൂപ നഷ്ടപ്പെട്ടു.

ഹരിപ്പാട്. ഓൺലൈനായി ഷെയർ ട്രേഡിങ് നടത്തി ലാഭവിഹിതം നൽകാമെന്ന് പറഞ്ഞു 6 ലക്ഷം രൂപ തട്ടിച്ചതായി പരാതി. കാർത്തികപ്പള്ളി പുതുക്കുണ്ടം സ്വദേശി അലക്സാണ്ടർ തോമസിന്റെ 6 ലക്ഷം രൂപയാണ് നഷ്ടമായത്. കഴിഞ്ഞ നവംബർ 24ന് ഇൻസ്റ്റഗ്രാമിൽ ഓൺലൈൻ ട്രേഡിംഗിന്റെ പരസ്യം കണ്ടു ലിങ്ക് വഴി ആദ്യം അവരുടെ വാട്സ്ആപ്പ് ഗ്രൂപ്പിൽ അംഗമാവുകയായിരുന്നു. തുടർന്ന് അലക്സാണ്ടറിന് ട്രേഡിങ് വഴിപണം ലഭിക്കുകയും ചെയ്തു. കൂടുതൽ പണം ട്രേഡിങ്ങിൽ നിക്ഷേപിക്കണമെങ്കിൽ അവരുടെ അക്കൗണ്ട് വഴി ട്രേഡ് ചെയ്യണമെന്നും 300 ശതമാനം വരെ ലാഭം നൽകാമെന്നും വാഗ്ദാനം ചെയ്തു. ഇതേ തുടർന്ന് ഡിസംബർ 23 നു 17000 രൂപ നിക്ഷേപിച്ചു. പിന്നീട് ഇവരുടെ പല അക്കൗണ്ടുകളിൽ ആയി 619803 രൂപ നിക്ഷേപിച്ചു. ജനുവരി 16 ആയപ്പോൾ ലാഭം 22 ലക്ഷം രൂപ ആയി. പണം പിൻവലിക്കാൻ ശ്രമിച്ചപ്പോൾ ഇൻകം ടാക്സ് അടച്ചാൽ മാത്രമേ കഴിയൂ എന്ന് മെസ്സേജ് വന്നു. ഇതിൽ സംശയം തോന്നിയ അലക്സാണ്ടർ സെബിയുടെ ഹെൽപ് ലൈനിൽ വിളിച്ച് അന്വേഷിച്ചപ്പോൾ ആണ് തട്ടിപ്പ് ആണെന്ന് മനസ്സിലായത്. അക്കൗണ്ട് നമ്പറുകൾ അല്ലാതെ കമ്പനിയെ പറ്റി മറ്റൊന്നും അലക്സാണ്ടർ അറിയുകയില്ല . സംഭവമായി ബന്ധപ്പെട്ട ഹരിപ്പാട് പോലീസിൽ പരാതി നൽകി.

28/01/2025

📡📃✍ News of Kerala
28.01.2025

ഹരിപ്പാട്: കെ പി എസ് എം എ ആലപ്പുഴ ജില്ലാ സമ്മേളനം 30ന് മുരളി ഹോട്ടൽ കോൺഫറൻസ് ഹാളിൽ നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. രാവിലെ 8:45 ന് രജിസ്ട്രേഷൻ ആരംഭിക്കും. 9ന് നടക്കുന്ന വിദ്യാഭ്യാസ സമ്മേളനം ആലപ്പുഴ വിദ്യാഭ്യാസ ഡെപ്യൂട്ടി ഡയറക്ടർ ഇ എസ് ശ്രീലത ഉദ്ഘാടനം ചെയ്യും. ജില്ലാ വൈസ് പ്രസിഡന്റ്‌ പി ചന്ദ്രമോഹനൻ അധ്യക്ഷനാകും. ഖജാൻജി എസ് നന്ദകുമാർ സ്വാഗതവും ജോ സെക്രട്ടറി എം ടി മധു നന്ദിയും പറയും. കേരള വിദ്യാഭ്യാസ നിയമം, ഭിന്നശേഷി സംവരണം എന്ന വിഷയത്തിൽ പ്രഭാഷണം നടക്കും. 10:30 ന് ജില്ലാ സമ്മേളനം രമേശ്‌ ചെന്നിത്തല എം എൽ എ ഉദ്ഘാടനം ചെയ്യും. ജില്ലാ പ്രസിഡന്റ്‌ ആയാപറമ്പ് രാമചന്ദ്രൻ അധ്യക്ഷനാകും. ജില്ലാ സെക്രട്ടറി എസ് കെ അനിയൻ സ്വാഗതം പറയും. എച്ച് സലാം എം എൽ എ, ഹരിപ്പാട് നഗരസഭ ചെയർമാൻ കെ കെ രാമകൃഷ്ണൻ എന്നിവർ മുഖ്യപ്രഭാഷണം നടത്തും. സ്റ്റേറ്റ് ജനറൽ സെക്രട്ടറി മണി കൊല്ലം ആമുഖ പ്രഭാഷണം നടത്തും. രാജൻ മൂലേവീട്ടിൽ, ശ്രീനാരായണൻ പണ്ടാരത്തിൽ, രാജേശ്വരി പി എന്നിവർ സംസാരിക്കും. ഉച്ചയ്ക്ക് 2ന് പ്രതിനിധി സമ്മേളനം. ജില്ലാ സെക്രട്ടറി എസ് കെ അനിയൻ റിപ്പോർട്ട് അവതരിപ്പിക്കും. ജില്ലാ ഖജാൻജി എസ് നന്ദകുമാർ വരവ് ചിലവ് കണക്ക് അവതരിപ്പിക്കും. തുടർന്ന് തിരഞ്ഞെടുപ്പ് നടക്കും. സംസ്ഥാന കമ്മറ്റിയംഗം ഉല്ലാസ് രാജ് വി വി മുഖ്യ വരണാധികാരിയാകും. ജോ സെക്രട്ടറി കൃഷ്ണകുമാർ കെ.എൻ നന്ദി പറയും. വാർത്താസമ്മേളനത്തിൽ ആയാപറമ്പ് രാമചന്ദ്രൻ, എസ് കെ അനിയൻ, കൃഷ്ണകുമാർ കെ എൻ, പി ചന്ദ്രമോഹനൻ എന്നിവർ പങ്കെടുത്തു.

15/01/2025

📡 News of Kerala
📃✍
15.01.2025

കാറിടിച്ച് റിട്ട ബി എസ് എഫ് സബ് ഇസ്പെക്ടർ ഗുരുതരാവസ്ഥയിൽ, രണ്ടു മാസമായിട്ടും വാഹനം കണ്ടെത്താനാകാതെ പൊലീസ്

ഹരിപ്പാട്: കാറിടിച്ച് സ്കൂട്ടർ യാത്രക്കാരനായ റിട്ട ബി എസ് എഫ് സബ് ഇസ്പെക്ടർ ഗുരുതരാവസ്ഥയിൽ. ഇടിച്ചിട്ട് നിർത്താതെ പോയ വാഹനം കണ്ടെത്താതെ പൊലീസ് അന്വേഷണത്തിൽ അലംഭാവം കാണിക്കുന്നതായി കുടുംബാംഗങ്ങളും ബന്ധുക്കളും വാർത്താ സമ്മേളനത്തിൽ പറഞ്ഞു. മുതുകുളം പുത്തൻ കണ്ടത്തിൽ ശിവാനന്ദൻ (65) ആണ് ഗുരുതരാവസ്ഥയിൽ തിരുവനന്തപുരത്തെ ആശുപത്രിയിൽ കഴിയുന്നത്. കഴിഞ്ഞ നവംബർ 18 ന് വൈകുന്നേരം ആറരയോടെ കാർത്തികപ്പള്ളി ഡാണാപ്പടി റോഡിൽ കുരിശുംമൂട് ജംഗ്ഷന് സമീപം വച്ചാണ് അപകടം ഉണ്ടായത്. തെക്കോട്ട് സഞ്ചരിച്ചിരുന്ന കാർ അതേ ദിശയിൽ തന്നെ പോവുകയായിരുന്ന ശിവാനന്ദന്റെ ഇലക്ട്രിക് സ്കൂട്ടറിന്റെ പിന്നിൽ ഇടിക്കുകയായിരുന്നു. ഇടിച്ചശേഷം വാഹനം നിർത്താതെ പോയി. സംഭവവുമായി ബന്ധപ്പെട്ട് തൃക്കുന്നപ്പുഴ പൊലീസിൽ പരാതി നൽകിയിരുന്നു. എന്നാൽ നാളിതുവരെ വാഹനം കണ്ടെത്താനോ, അന്വേഷണം നേരായ രീതിയിൽ മുന്നോട്ട് കൊണ്ട് പോകാനോ പൊലീസ് ശ്രമിക്കുന്നില്ലെന്നാണ് ആരോപണം. ഗുരുതരമായ ആരോഗ്യ പ്രശ്നങ്ങളാണ് ശിവാനന്ദന് ഉള്ളത്. തിരുവനന്തപുരം സ്വകാര്യ ആശുപത്രിയിൽ ഇതിനോടകം തലയിൽ രണ്ടോളം ഓപ്പറേഷൻ കഴിഞ്ഞു. അബോധവസ്ഥയിൽ അതീവ ഗുരുതരാവസ്ഥയിൽ തുടരുകയാണ്. ഇപ്പോൾ ഇത്രയും ദിവസങ്ങൾ ആയതിനാൽ ഇനി സി സി ടി വി ദൃശ്യങ്ങൾ തന്നെ ലഭിക്കുമോ എന്ന് സംശയമാണ്. പൊലീസിന്റെ അലംഭാവത്തിനെതിരായി മുഖ്യമന്ത്രിക്കും ശിവാനന്ദന്റെ കുടുംബം പരാതി നൽകിയിട്ടുണ്ട്. ഇതിന്റെ അടിസ്ഥാനത്തിൽ എസ് പി ഓഫീസിലേക്ക് പരാതി കൈമാറുകയും, മാവേലിക്കര ഡി വൈ എസ് പി ഓഫീസിൽ നിന്നും ഒരു തവണ ഫോണിൽ വിളിച്ചു വിവരങ്ങൾ തിരക്കുകയും മാത്രമാണ് ഉണ്ടായത്. അപകടം നടന്ന പരിസരത്തെ പള്ളിയിൽ ഉണ്ടായിരുന്ന സി സി ടി വി ദൃശ്യങ്ങൾ 30 ദിവസത്തിനുള്ളിൽ നഷ്ടപ്പെടും എന്ന് അറിഞ്ഞ ബന്ധുക്കൾ പൊലീസിൽ വിവരം അറിയിച്ചപ്പോൾ മാത്രമാണ് ദൃശ്യങ്ങൾ ശേഖരിച്ചത്. ഇതിനായി വീട്ടുകാർ പെൻഡ്രൈവും, മൗസും ഉൾപ്പടെ വാങ്ങി നൽകേണ്ട സ്ഥിതിയും ഉണ്ടായി. ദൃശ്യങ്ങളിൽ വാഹനത്തിൽ വെട്ടം അടിച്ചതിനാൽ നമ്പർ വ്യക്തമല്ലെന്ന മറുപടിയാണ് പൊലീസിൽ നിന്നും ലഭിച്ചതെന്നും ഇവർ ആരോപിക്കുന്നു. വാർത്ത സമ്മേളനത്തിൽ ശിവാനന്ദന്റെ മകൻ ഹണി ശിവാനന്ദൻ, കോൺഗ്രസ് കാർത്തികപള്ളി ബ്ലോക്ക്‌ ഭാരവാഹി പുഷ്പൻ കണ്ണമ്പള്ളി, ബി എസ് എഫ് പി ഡബ്ലി യു എ ജില്ലാ വൈസ് പ്രസിഡന്റ് കെ സോമകുമാരൻ തുടങ്ങിയവർ പങ്കെടുത്തു.

13/01/2025

📡 News of Kerala
📃✍
13.01.2025

വ്യാജ ആരോപണങ്ങൾ ഉന്നയിച്ച് ധനകാര്യ സ്ഥാപനത്തെ തകർക്കാൻ നീക്കം

ഹരിപ്പാട്.
മഹാദേവികാട് 1857നമ്പർ സർവ്വീസ് സഹകരണ ബാങ്കിനെതിരെ സമീപത്തുള്ള ക്ഷേത്രത്തിന്റെ വസ്തു വകകൾക്ക് നാശനഷ്ടം ഉണ്ടാക്കി എന്ന വ്യാജ ആരോപണങ്ങൾ ഉന്നയിച്ചു സ്ഥാപനത്തെ തകർക്കാൻ ശ്രമം നടക്കുന്നതായി ഭരണസമിതി അംഗങ്ങൾ വാർത്താ സമ്മേളനത്തിൽ അറിയിച്ചു.
96 വർഷം പഴക്കമുള്ള
സ്ഥാപനത്തിൽ സ്വർണ്ണപണയവും നിക്ഷേപവും അടക്കം തുടർ പ്രവർത്തനവുമായി മുന്നോട്ടു പോകണമെന്നുണ്ടെങ്കിൽ സുരക്ഷാ സംവിധാനങ്ങൾ ശക്തപ്പെടുത്തിയാൽ മാത്രമെ അടുത്ത സാമ്പത്തിക വർഷം മുതൽ അനുവാദം നൽകാൻ കഴിയുകയുള്ളു എന്ന് സംഘം ആഡിറ്റിങ്ങിൽ നിഷ്കർഷിച്ചിട്ടുണ്ട്. അതിൻ്റെ ഭാഗമായി സെക്യൂരിറ്റി, സി സി ടി വി ക്യാമറകൾ, അലാം എന്നിവ സ്ഥാപിക്കുകയും തുടർന്ന് ചുറ്റുമതിൽ കെട്ടി സംരക്ഷിക്കുകയും ചെയ്യുക എന്നതാണ് ബോർഡിന്റെ തിരുമാനം.

ബാങ്കിന് പുറകുഭാഗത്തായി പുളുക്കീഴ് നട ക്ഷേത്രത്തിലേക്ക് വലിയകുളങ്ങര ക്ഷേത്രത്തിൽ നിന്നും പറക്കെഴുനള്ളത്ത് വരുമ്പോൾ ബാങ്ക് പുരയിടത്തിലൂടെയാണ് പൊയ്ക്കൊണ്ടിരിക്കുന്നത്. അതിന് യാതൊരു തടസ്സവും വരാത്ത വിധത്തിൽ സഞ്ചാരയോഗ്യമായ 1.70 മീ വസ്‌തു വഴിക്ക് വിട്ടുകൊടുത്തിട്ടാണ് ബാങ്ക് സംരക്ഷണമതിൽ നിർമ്മിക്കുന്നത്. ഇതിൽ 1മീ സ്ഥലം വഴിക്ക് മതിയെന്ന് സമ്മതിച്ചത് ഈ ക്ഷേത്രത്തിൻ്റെ ഇപ്പോഴത്തെ ചുമതലക്കാരൻ ആണ് . എന്നാൽ ഇപ്പോൾ ഈ വ്യക്തി ബാങ്കിനെതിരെ സിവിൽ കേസ് ഹരിപ്പാട് മുൻസിഫ് കോടതി യിൽ ഫയൽ ചെയ്‌തിരിക്കുകയാണ്.

ധനകാര്യസ്ഥാപനത്തെ തകർക്കുക എന്ന ലക്ഷ്യ ത്തോടെ വ്യാജ ആരോപണങ്ങളുമായി എതിർ കക്ഷികൾ വന്നിരിക്കുന്നത്. ഒരു ബോർഡ് മെമ്പറും ഇതിൽ അനാവശ്യമായി ഇടപെടുകയോ ക്ഷേത്രാചാര മര്യാദകൾക്ക് വിരുദ്ധമായി പ്രവർത്തിക്കുകയോ ചെയ്തിട്ടില്ല.

ബോർഡിനെതിരെ ഉന്നയിച്ച ആരോപണം ക്ഷേത്രത്തന്റെ ഉപദേവത പ്രതിഷ്ഠ പീഠം തകർത്തു എന്നതാണ്. എന്നാൽ കഴിഞ്ഞ ആഴ്ച്‌ച 2 അതിഥി തൊഴിലാളികളെ നിർത്തി കാടുപിടിച്ചു കിടന്ന ക്ഷേത്രപരിസരം വൃത്തിയാക്കിയത് ക്ഷേത്ര ചുമതലക്കാരന്റെ നേതൃത്വത്തിലാണ്.

ഇവരുടെ ആരോപണം സംബന്ധിച്ച് ശാസ്ത്രീയമായ പരിശോധന നടത്തി അന്വേഷണത്തിലൂടെ സത്യാവസ്ഥ പുറത്തു കൊണ്ടുവരണമെന്ന് ബാങ്ക് അവശ്യപ്പെടുന്നത് . മാത്രവുമല്ല ഈ വ്യാജ ആരോപണങ്ങൾക്കെതിരെ നിയമപരമായി നീങ്ങാനും തീരുമാനിക്കുകയാണെന്നും ഭാരവാഹികൾ അറിയിച്ചു. വാർത്താ സമ്മേളനത്തിൽ ബാങ്ക് പ്രസിഡന്റ് പി ശ്രീവല്ലഭൻ, അംഗങ്ങളായ ജി സുരേഷ്, ആർ റോഷിൻ, ശാർങ്ങധരൻ, രാജേഷ്, അഭിലാഷ് തുടങ്ങിയവർ പങ്കെടുത്തു.

06/01/2025

📃✍
06.01.2024

മുതുകുളം ഗുരുകുലം കലാ സാംസ്കാരിക വിദ്യാകേന്ദ്രം 28 മത് വാർഷികം 11 ന് സാംസ്കാരിക സയാഹ്നം പ്രൊഫ: കൽപ്പറ്റ നാരായണൻ ഉദ്ഘാടനം ചെയ്യും.

ഹരിപ്പാട്: മുതുകുളം ഗുരുകുലം കലാ സാംസ്കാരിക വിദ്യാകേന്ദ്രം
28-മത് വാർഷികം 11 ന് ആർട്ടിസ്റ്റ് കെ കെ കേശവപിള്ള നഗറിൽ വച്ച് 10 മണിക്ക് നടത്തുന്നു കുട്ടികളുടെ കലാ വിരുന്നുകൾ, വിദ്യാഭ്യാസ അനുമോദന സമ്മേളനം, ആദരവ് 2025, മിണ്ടാട്ടം, പുനർജനി - സഹായനിധി വിതരണം കോന്തല പുസ്തക പരിചയം എന്നിവയോടൊപ്പം 3.30 ന് സാംസ്കാരിക സയാഹ്നം പ്രൊഫ: കൽപ്പറ്റ നാരായണൻ ഉദ്ഘാടനം ചെയ്യും. ആദരവ് മുതുകുളം പഞ്ചായത്ത് പ്രസിഡൻ്റ കെ വി ജ്യോതി പ്രഭ സമർപ്പിക്കും, വിശിഷ്ടാതിഥി ഒ എസ്. ഉണ്ണികൃഷ്ണൻ ചെയർമാൻ, കേരള ഫോക് ലോർ അക്കാദമി, ചൂരൽമല വെള്ളാർമല സ്ക്കൂളിലെ അദ്ധ്യാപകൻ വി ഉണ്ണികൃഷ്ണൻ വയനാട് അനുഭവങ്ങൾ പങ്കുവയ്ക്കും 8 ന് ഉണർവ്വ് നാടൻ കലാ പഠനകേന്ദ്രം, കൽപ്പറ്റ, വയനാട് അവതരിപ്പിക്കന്ന പണിയനൃത്തം ഗുരുകുലം കലാ സാംസ്കാരിക വിദ്യാകേന്ദ്രം എന്ന സംഘടന 28 വർഷമായി വ്യത്യസ്തമായ പ്രവർത്തനങ്ങളും കലാപരിപാടികളും അവതരിപ്പിച്ച് നാടിൻ്റെ അനുമോദനങ്ങൾ നേടിയതായി സംഘാടകർ ആയ ജി പ്രസന്നൻ
പ്രസിഡൻ്റ, ജി കഷ്ണകുമാർ സെക്രട്ടറി, എസ് അർക്കരാജ് വെസ് പ്രസിഡൻ്റ, പത്തിയൂർ വിശ്വൻ, എന്നിവർ വാർത്താ സമ്മേളനത്തിൽ അറിയിച്ചു.

29/12/2024

29.12.2024
ആർ. സുരേഷ് അനുസ്മരണം

ഹരിപ്പാട് : സിപിഐഎം ചെറുതന ലോക്കൽ കമ്മിറ്റി സെക്രട്ടറിയായിരുന്ന ആർ സുരേഷിന്റെ അനുസ്മരണ സമ്മേളനം സംഘടിപ്പിച്ചു. ഗാന്ധിഭവൻ സ്നേഹവീട്ടിൽ നടന്ന അനുസ്മരണ സംഗമം ഫിഷറീസ് സർവകലാശാല സിൻഡിക്കേറ്റ് അംഗം ശ്രീകുമാർ ഉണ്ണിത്താൻ ഉദ്ഘാടനം ചെയ്തു. സിപിഐ എം ഹരിപ്പാട് ഏരിയ സെക്രട്ടറി സി പ്രസാദ്, ചെറുതന ലോക്കൽ കമ്മിറ്റി സെക്രട്ടറി പി ജി ശശി, പ്രിയ സുരേഷ്, വിനു സുരേഷ്, ജി രവീന്ദ്രൻ പിള്ള, മുഹമ്മദ് ഷമീർ എന്നിവർ സംസാരിച്ചു

28/12/2024

27.12.2024
കുട്ടികളുടെ കാർണിവൽ സംഘടിപ്പിച്ചു.

ഹരിപ്പാട് : ബാലസംഘം ആറാട്ടുപുഴ വടക്ക് മേഖല കമ്മറ്റിയുടെ നേതൃത്വത്തിൽ കുട്ടികളുടെ കർണിവൽ സങ്കടിപ്പിച്ചു. മംഗലം കുറിച്ചിക്കൽ യൂത്ത് സെന്ററിൽ നടന്ന കാർണിവൽ ബാലസംഘം സംസ്ഥാന കമ്മറ്റി അംഗം ശ്രീലേഖ ഉൽഘാടനം ചെയ്തു. മേഖല പ്രസിഡന്റ് മാധവ് ലിജു അദ്ധ്യക്ഷനായ യോഗത്തിൽ മേഖല സെക്രട്ടറി മുഹമ്മദ്‌ നൗറാസ് ബാലസംഘം മേഖല രക്ഷാധികാരി സ്മിത രാജേഷ്, മേഖല കൺവീനർ എം. സന്തോഷ്‌കുമാർ, വിമൽറോയി സീ ആർ അനീഷ്കുമാർ എന്നിവർ സംസാരിച്ചു. തുടർന്ന് കുട്ടികളുടെ വിവിധ കാലാ, കായിക പരിപാടികൾ നടന്നു.

28/12/2024

📃✍
28.12.2024

ജീവനക്കാരില്ല ആറാട്ടുപുഴ വില്ലേജാഫീസിൻ്റെ പ്രവർത്തനം താളം തെറ്റുന്നു. ജനങ്ങൾ ബുദ്ധിമുട്ടിൽ. അടിയന്തിരമായി ജീവനക്കാരെ നിയമിക്കണം സി പി ഐ എം ആറാട്ടുപുഴ നോർത്ത് എൽ സി.

ഹരിപ്പാട്: ആറാട്ടുപുഴ വില്ലേജ് ആഫീസിൽ ആണ് ജീവനക്കാരില്ലാത്തിനെ തുടർന്ന് ഓഫീസ് പ്രവർത്തനം തകരാറിലായിരിക്കുന്നത്. വില്ലേജ് ഓഫീസർ, 2 സെപെഷ്യൽ വില്ലേജ് ഓഫീസർ, 1 വില്ലേജ് അസിസ്റ്റൻ്റ്, 2 വില്ലേജ് ഫീൽഡ് അസിസ്റ്റൻ്റ്, 1 പീ റ്റി സീ എം അടക്കം 7 ജീവനക്കാർ വേണ്ട ഓഫീസിൽ ഒരു വില്ലേജ് അസിസ്റ്റൻ്റും താൽക്കാലിക ജീവനക്കാരിയായ ഒരു പീ റ്റീ സി എം മാത്രമാണ് നിലവിൽ ഉള്ളത്. വില്ലേജ് ഓഫീസർ സ്ഥലം മാറി പോയിട്ട് മാസങ്ങളായി വില്ലേജ് ഫീൽഡ് അസിസ്റ്റ്ൻ്റ് മാരായ 2 പേരിൽ ഒരാൾ അപകടത്തെ തുടർന്ന് നീണ്ട അവധിയിൽ ആണ് ഒരാൾ പ്രസവാവധിയിൽ പ്രവേശിച്ചു 2 എസ് വീ ഒ മാരുടെ തസ്തിക ഒഴിഞ്ഞു കിടക്കുന്നു. നിലവിൽ ഓഫീസിൽ ഒരാളുടെ സാന്നിധ്യം മാത്രമാണ് ഉള്ളത്. മൽഝ്യതൊഴിലാളികളും കയർ തൊഴിലാളികളും തിങ്ങി പാർക്കുന്ന കായംകുളം കായലിൻ്റെ ഇരു കരകളിലുമായി വിസ്ത്യതമായി കിടക്കുന്ന വില്ലേജ് ആണ് ആറാട്ടുപുഴ. കടലിൻ്റെയു കായലിൻ്റെയും തീരത്തായി 18 വാർഡുകളിലായി 13 കി മി നീളത്തിൽ കിടക്കുന്ന ഏറ്റവും കൂടുതൽ ജന സംഖ്യയുള്ള കാർത്തികപ്പള്ളി താലുക്കിലെ ഒന്നാമത്തെ വില്ലേജ് ആണ് ആറാട്ടുപുഴ. നൂറ് കണക്കിന് ആളുകൾ ഓൺ ലൈൻ വഴിയും നേരിട്ടും വില്ലേജ് ഓഫീസിനെ സമീപിക്കുന്നത്. ആറാട്ടുപുഴ കിഴക്കേകരയിലെ 4 വാർഡുകളിലെ പിള്ളക്കടവ്, ചൂളത്തെരുവ്, കനകക്കുന്ന് തുടങ്ങിയ സ്ഥലങ്ങളിൽ നിന്നം നിരവധി ബസ്സുകൾ കയറി ഓഫീസിൽ എത്തുന്നവർ കാര്യങ്ങൾ നടക്കാതെ തിരികെ പോകുകയാണ്. സമയ ബന്ധിതമായി സർട്ടിഫിക്കറ്റുകൾ നൽകുന്നതിനോ വസ്തുവിൻ്റെ പോക്ക് വരവ്, മറ്റ് സേവനങ്ങൾ എന്നിവ നൽകാനോ കഴിയുന്നില്ല. അടിയന്തിരമായി ജീവനക്കാരെ നിയമിച്ച് ജനങ്ങളുടെ ബുദ്ധിമുട്ടിന് പരിഹാരം കണ്ടെത്തണമെന്ന് സി പി ഐ എം ആറാട്ടുപുഴ നോർത്ത് ലോക്കൽ കമ്മിറ്റി സെക്രട്ടറി സ്മീതരാജേഷ് പ്രസ്താവനയിൽ ആവശ്യപ്പെട്ടു.

27/12/2024

📃✍
27.12.2024

സി.പി.ഐ(എം) ആലപ്പുഴ ജില്ലാ സമ്മേളനം 2025 ജനുവരി 10, 11, 12 തീയതികളിൽ ഹരിപ്പാട്ട്, അനുബന്ധ പരിപാടികൾക്ക് തുടക്കമായി.

സി.പി.ഐ(എം) ആലപ്പുഴ ജില്ലാ സമ്മേളനം 2025 ജനുവരി 10, 11, 12 തീയതികളിൽ ഹരിപ്പാട് വെച്ച് നടക്കും. ഹരിപ്പാട് ശബരീസ് കൺവൻഷൻ സെൻ്ററിൽ തയ്യാറാകുന്ന കോടിയേരി ബാലകൃഷ്‌ണൻ നഗറിൽ വെച്ചാണ് പ്രതിനിധി സമ്മേളനം നടക്കുന്നത്. ഹരിപ്പാട് മാധവ ജംഗഷനിലുള്ള മണ്ണാറശ്ശാല ഗ്രൗണ്ടിൽ തയ്യാറാക്കുന്ന സീതാറാം യച്ചൂരി നഗറിലാണ് ജനുവരി 12 ന് പൊതുസമ്മേളനം നടക്കുന്നത്. റെഡ് വോളൻറിയർ മാർച്ചും ബഹുജന റാലിയും സീതാറാം യച്ചൂരി നഗറിലാണ് സമാപിക്കുന്നത്. പ്രതിനിധി സമ്മേളനവും പൊതുസമ്മേളനവും മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സമ്മേളനത്തിൽ പാർട്ടി സംസ്ഥാന സെക്രട്ടറി എം വി ഗോവിന്ദൻ മാഷ്, ഇ പി ജയരാജൻ, ഡോ ടി എം തോമസ് ഐസക്, കെ കെ ശൈലജ ടീച്ചർ, എ കെ ബാലൻ, കെ രാധാകൃഷ്‌ണൻ, പി രാജീവ്, സി എസ് സുജാത, കെ കെ ജയചന്ദ്രൻ, ആനാവൂർ നാഗപ്പൻ, സജി ചെറിയാൻ, എം സ്വരാജ്, പി കെ ബിജു, പുത്തലത്ത് ദിനേശൻ എന്നിവർ പങ്കെടുക്കും.

സമ്മേളനത്തോട് അനുബന്ധിച്ച് ജനുവരി 01 ന് പതാകദിനം ആചരിക്കും. അതേദിവസം ബ്രാഞ്ചുകളിലെ പ്രധാന കേന്ദ്രങ്ങളിലും മുഴുവൻ പാർട്ടി അംഗങ്ങളുടെ വീടുകളിലും രക്തപതാക ഉയരും പ്രതിനിധി സമ്മേളന നഗറിൽ ഉയർത്തുവാനുള്ള പതാക വെൺമണി ചാത്തൻ രക്തസാക്ഷി മണ്ഡപത്തിൽ നിന്നും കേന്ദ്രകമ്മിറ്റി അംഗം സി എസ് സുജാത, ജാഥാ ക്യാപ്റ്റൻ ജി ഹരിശങ്കറിനെ ഏൽപ്പിക്കും. പൊതുസമ്മേളന നഗറിൽ ഉയർത്തുവാനുള്ള പതാക വയലാർ രക്തസാക്ഷി മണ്ഡപത്തിൽ നിന്നും ജില്ലാസെക്രട്ടറി ആർ നാസർ, ജാഥാ ക്യാപ്റ്റൻ കെ പ്രസാദിനെ ഏൽപ്പിക്കും പൊതുസമ്മേളന നഗറിലേക്കുള്ള കൊടിമരം കള്ളിക്കാട് രക്തസാക്ഷി മണ്ഡപത്തിൽ നിന്നും സംസ്ഥാന കമ്മിറ്റിഅംഗം സി ബി ചന്ദ്രബാബു, ജാഥാക്യാപ്റ്റൻ കെ എച്ച് ബാബുജാനെ ഏൽപ്പിക്കും പതാക കൊടിമര ജാഥകൾ ജില്ലയിലെ വിവിധ രക്തസാക്ഷി മണ്ഡപങ്ങളിലും സ്മൃതി കുടീരങ്ങളിലും പുഷ്‌പാർച്ചന നടത്തി ഇരുചക്രവാഹനങ്ങളുടെ അകമ്പടിയോടെ ജനുവരി 09 ന് വൈകിട്ട് 6 മണിയ്ക്ക് പൊതുസമ്മേളന നഗറിൽ എത്തിച്ചേരും. പൊതുസമ്മേളന നഗറിൽ സ്വാഗതസംഘം ചെയർമാൻ ടി കെ ദേവകുമാർ പതാക ഉയർത്തും

സമ്മേളനത്തോട നുബന്ധിച്ച് വിവിധ അനുബന്ധ പരിപാടികൾ ഡിസംബർ 28 ന് ആരംഭിക്കും. അന്നേദിവസം വൈകിട്ട് 3 മണിയ്ക്കു ഹരിപ്പാട് എസ് & എസ് ആഡിറ്റോറിയത്തിൽ വെച്ച് ആധുനിക സമൂഹവും സ്ത്രീ പ്രശ്‌നങ്ങളും എന്ന വിഷയത്തെ അധികരിച്ച് നടക്കുന്ന സെമിനാർ മുൻ ആരോഗ്യമന്ത്രിയും കേന്ദ്രകമ്മിറ്റി അംഗവുമായ കെ കെ ശൈലജ ടീച്ചർ ഉദ്ഘാടനം ചെയ്യും. കേന്ദ്രകമ്മിറ്റി അംഗം സി എസ് സുജാത സെമിനാറിൽ അദ്ധ്യക്ഷത വഹിക്കും. സിനിമ സാംസ്ക്‌കാരിക പ്രവർത്തക ഗായത്രി വർഷ മുഖ്യപ്രഭാഷണം നടത്തും. വിപ്ലവ ഗായിക പി കെ മേദിനി മുഖ്യാതിഥി ആയിരിക്കും

ഡിസംബർ 29 ന് വൈകിട്ട് 6 മണി മുതൽ കുമാരപുരം ഗ്രാമപഞ്ചായത്ത് ഗ്രൗണ്ടിൽ വെച്ച് വോളിബോൾ ടൂർണ്ണമെൻ്റ് നടക്കും. ഒളിമ്പ്യൻ അനിൽകുമാർ ടൂർണ്ണമെന്റ് ഉദ്ഘാടനം ചെയ്യും. ജനുവരി 9 ന് നടക്കുന്ന ടൂർണ്ണമെന്റിന്റെ സമാപന സമ്മേളനത്തിൽവെച്ച് വിജയികൾക്ക് മന്ത്രി സജി ചെറിയാൻ സമ്മാനങ്ങൾ വിതരണം ചെയ്യും. ഡിസംബർ 30 ന് വൈകിട്ട് 4 മണിയ്ക്ക് മുട്ടം ശ്രീരാമകൃഷ്ണ
ആശ്രമം ആഡിറ്റോറിയത്തിൽ വെച്ച് നവോത്ഥാന മുന്നേറ്റങ്ങളും വർത്തമാനകാല വെല്ലുവിളികളും എന്ന വിഷയത്തിൽ നടക്കുന്ന സെമിനാർ ശ്രീനാരായണ പഠനഗവേഷണ കേന്ദ്രം ഡയറക്‌ടർ ഡോ എം എ സിദ്ധിക്ക് ഉദ്ഘാടനം ചെയ്യും ഡോ ടി എസ്. ശ്യാംകുമാർ മുഖ്യപ്രഭാഷണം നടത്തും.

2024 ഡിസംബർ 30 ന് വൈകിട്ട് 6 മണിമുതൽ നാരകത്തറ മംഗല്യ ആഡിറ്റോറിയത്തിൽ വെച്ച് അശ്വമേധം ഫെയിം ഡോ ജി എസ് പ്രദീപും സംഘവും നയിക്കുന്ന ബ്രെയിൻ ബാറ്റിൽ എന്ന തത്സമയ മെഗാ ക്വിസ് അഡി എ എം ആരിഫ്
ഉദ്ഘാടനം ചെയ്യും. വിജയികൾക്ക് എച്ച് സലാം എം എൽ എ സമ്മാനദാനം നിർവ്വഹിക്കും.

2024 ഡിസംബർ 31 ന് വൈകിട്ട് 5 മണി മുതൽ കരുവാറ്റ വഴിയമ്പലം എസ് ബി ആഡിറ്റോറിയത്തിൽ വച്ച് നടക്കുന്ന സാസംകാരിക സായാഹ്നം ആലങ്കോട് ലീലാകൃഷ്ണ‌ൻ ഉദ്ഘാടനം ചെയ്യും

2025 ജനുവരി 2 ന് വൈകിട്ട് 4 മണി മുതൽ ആറാട്ടുപുഴ പെരുമ്പള്ളിയിൽ വെച്ച് യൂത്ത് അഫയേഴ്സ‌സ് എന്ന പേരിൽ യുവജന സെമിനാർ എ എ റഹിം എം പി ഉദ്ഘാടനം ചെയ്യും. അഡ്വ മനു സി പുളിക്കൽ അദ്ധ്യക്ഷത വഹിക്കും. സെമിനാറിൽ യുവജനക്ഷേമ ബോർഡ് അംഗം ടി ടി ജിസ്മോൻ മുഖ്യപ്രഭാഷണം നടത്തും

2025 ജനുവരി 5 ന് വൈകിട്ട് 5 മണിയ്ക്ക് തൃക്കുന്നപ്പുഴ മതുക്കൽ ജംഗ്ഷനിൽ വെച്ച് നടക്കുന്ന കേരളത്തിൻ്റെ തീരദേശ മേഖല പാരിസ്ഥിതിക, സാമ്പത്തിക പ്രശ്‌നങ്ങൾ എന്ന സെമിനാർ ഫിഷറീസ് വകുപ്പ് മന്ത്രി സജി ചെറിയാൻ ഉദ്ഘാടനം ചെയ്യും. പി പി ചിത്തരഞ്ജൻ എം എൽ എ മുഖ്യപ്രഭാഷണം നടത്തുന്ന സെമിനാറിൽ കേരള ഫിഷറീസ് സർവ്വകലാശാല ഓഷ്യനോഗ്രാഫി തലവൻ ഡോ ഫിറോസ്ഷാ വിഷയം അവതരിപ്പിച്ച് സംസാരിക്കും.

2025 ജനുവരി 5 ന് വൈകിട്ട് 4 ന് മുതുകുളം കെ വി സംസ്‌കൃത ഹയർസെക്കന്ററി സ്‌കൂളിൽ വെച്ച് നടക്കുന്ന ആഗോളീകരണത്തിൻ്റെ സാമൂഹ്യ സാമ്പത്തിക പ്രത്യാഘാതങ്ങൾ എന്ന സെമിനാർ മുൻ പൊതുമരാമത്ത് സഹകരണ വകുപ്പ് മന്ത്രി ജി സുധാകരൻ ഉദ്ഘാടനം ചെയ്യും. മുൻ വിദ്യാഭ്യാസ മന്ത്രി പ്രൊഫ സി രവീന്ദ്രനാഥ് മുഖ്യപ്രഭാഷണം നടത്തുന്ന സെമിനാറിൽ കെ എച്ച് ബാബുജാൻ അദ്ധ്യക്ഷത വഹിക്കും

2025 ജനുവരി 6 ന് വൈകിട്ട് 4 മണിമുതൽ കാർത്തികപ്പള്ളി കാവിൽപടിക്കൽ ശ്രീഭദ്രാ ആഡിറ്റോറിയം ഗ്രൗണ്ടിൽ നടക്കുന്ന പുതിയ കാലത്തെ മാധ്യമ പ്രവണതകൾ എന്ന സെമിനാർ പ്രമുഖ മാധ്യമ പ്രവർത്തകൻ എം വി നികേഷ്‌കുമാർ ഉദ്ഘാടനം ചെയ്യും. സി ബി ചന്ദ്രബാബു അദ്ധ്യക്ഷത വഹിക്കുന്ന സെമിനാറിൽ മുൻവിവരാവകാശ കമ്മീഷണർ കെ വി സുധാകരൻ വിഷയം അവതരിപ്പിച്ച് സംസാരിക്കും.

2025 ജനുവരി 7 ന് വൈകിട്ട് 4 മണി മുതൽ വീയപുരം ഡി ഡി ആഡിറ്റോറിയത്തിൽ വെച്ച് ഇന്ത്യയിലെ കാർഷിക പ്രതിസന്ധിയും കർഷക പോരാട്ടങ്ങളും' എന്ന സെമിനാർ സി പി ഐ (എം) കേന്ദ്ര സെക്രട്ടറിയേറ്റംഗം കർഷകസമര നായകനുമായ ഡോ വിജുകൃഷ്‌ണൻ ഉദ്ഘാടനം ചെയ്യും. കൃഷിമന്ത്രി പി പ്രസാദ് മുഖ്യപ്രഭാഷണം നടത്തും. ചടങ്ങിൽ സി എസ് ഉണ്ണിത്താൻ അദ്ധ്യക്ഷത വഹിക്കും.

2025 ജനുവരി 10 ന് ഇൻഡ്യൻ ജനാധിപത്യം ഇന്നലെ ഇന്ന് നാളെ എന്ന വിഷയം സി പി ഐ എം സംസ്ഥാന സെക്രട്ടറി എം വി ഗോവിന്ദൻ മാസ്റ്റർ ഉൽഘാടനം ചെയ്യും. സി പി ഐ സംസ്ഥാന സെക്രട്ടറി ബിനോയ് വിശ്വം, മുൻ ആഭ്യന്തര മന്ത്രി രമേശ് ചെന്നിത്തല എന്നിവർ പങ്കെടുക്കും.

2025 ജനുവരി 3, 4 തീയതികളിൽ കരുവാറ്റ ക്രൗൺ സ്പോർട്‌സ് ഹബ്ബിൽവെച്ച് നൈറ്റ് കൗണ്ടി ക്രിക്കറ്റ് ടൂർണമെൻ്റ് സംഘടിപ്പിക്കും. കൂടാതെ സെവൻസ് ഫുട്ബോൾ ബാഡ്‌മിന്റൺ ടൂർണ്ണമെൻ്റ്, ഫുട്ബോൾ ടൂർണമെൻ്റ് എന്നിവയും സമ്മേളനത്തോട് അനുബന്ധിച്ച് സംഘടിപ്പിക്കുന്നുണ്ട്. വർത്താ സമ്മേളനത്തിൽ സ്വാഗത സംഘം ചെയർമാൻ റ്റി കെ ദേവകുമാർ, ജനറൽ കൺവിനർ എം സത്യപാലൻ, ട്രഷറർ സി ശ്രീകുമാർ ഉണ്ണിത്താൻ, ഹരിപ്പാട് എരിയാ സെക്രട്ടറി സി പ്രസാദ്, എം എം അനസ് അലി, എസ് സുരേഷ് കുമാർ, അരുൺ ചന്ദ്രൻ റ്റീ ആർ എന്നിവർ പങ്കെടുത്തു.

24/12/2024

24.12.2024
ദ്യുതി 2024 എൻ എസ് എസ് സപ്തദിന ക്യാമ്പിൽ ഹരിതകർമ സേന അംഗങ്ങളെ ആദരിച്ചു.

ഹരിപ്പാട് : ഗവ. മോഡൽ ബോയ്സ് ഹയർ സെക്കൻഡറി സ്കൂളിലെ എൻ എസ് എസ് യൂണിറ്റിൻ്റെ സപ്തദിന സഹവാസ ക്യാമ്പ് ദ്യുതി 2024 ൽ പള്ളിപ്പാട് ഗ്രാമ പഞ്ചായത്ത് ഹരിത കർമ സേനാംഗങ്ങൾക്ക് സ്റ്റോഹദരവ് നൽകി. പള്ളിപ്പാട് ഗ്രാമ പഞ്ചായത്തിലെ 25 ഹരിതകർമ സേനാ അംഗങ്ങൾ ആദരവിൽ പങ്കെടുത്തു. മാലിന്യ സംസ്കരണത്തെ സംബന്ധിച്ചം പൊതു സമുഹത്തിൽ നിന്നും അംഗങ്ങൾ അഭിമുഖികരിയ്ക്കുന്ന ബുദ്ധിമുട്ടുകളെ സംബന്ധിച്ചും ക്യാമ്പ് അംഗങ്ങളുമായി ഹരിത കർമ സേന സംവദിച്ചു. ശാസ്ത്രീയ മാലിന്യ സംസ്കരണ രീതികളെ സംബന്ധിച്ചു, ആവശ്യകത സംബന്‌ധിച്ചും റിസോഴ്സ് പേഴ്സൺ മാരായ കെ സിനുനാഥ്, വിപിന ചന്ദ്രൻ കെ ആർ എന്നിവർ ക്ലാസ്സ് എടുത്തു. ക്യാമ്പ് അംഗങ്ങളുടെ സ്നേഹാദരവ് ഹരിത കർമസേന കൺസോർഷ്യം സെക്രട്ടറി സുമിത്രക്ക് ക്യാമ്പ് ലീഡർ കൈമാറി. നടുവട്ടം വൊക്കേഷണൽ ഹയർ സെക്കൻഡറി സ്കൂളിൽ നടന്നുകൊണ്ടിരിക്കുന്ന ക്യാമ്പിൽ സ്നേഹാദരവ് യോഗം പള്ളിപ്പാട് ഗ്രാമ പഞ്ചായത്ത് പ്രസിഡൻ്റ് രഞ്ജിനി ആർ ഉദ്ഘാടനം ചെയ്തു. ഹരിപ്പാട് ഗവ. മോഡൽ ബോയ്സ് ഹയർ സെക്കൻഡറി സ്കൂൾ പി റ്റി എ പ്രസിഡൻ്റ് ബി കൃഷ്ണകുമാർ അധ്യക്ഷത വഹിച്ച യോഗത്തിൽ ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ബിന്ദു കാർത്തികേയൻ വോളൻ്റിയർ ലീഡർ അശ്വിനി ആർ, എൻ എസ് എസ് പ്രോഗ്രാം ഓഫീസർ ജസീന്ത സി തുടങ്ങിയവർ സംസാരിച്ചു. 27ന് ക്യാമ്പ് സമാപിക്കാം.

24/12/2024

📃✍
24.12.2024
ക്രിസ്തുമസ് സംഗമം 2024

151 ഗായകർ ക്രിസ്തുമസ് ഗാനങ്ങളുമായി ഹരിപ്പാട്ട് സംഗമിക്കുന്നു

ഹരിപ്പാട് : ഹരിപ്പാട് മേഖലയിലെ കത്തോലിക്കാ, ഓർത്തഡോക്‌സ്, മാർത്തോമ്മാ, സി എസ് ഐ എന്നി സഭകളിൽ നിന്നുള്ള 151 ഗായകർ ഡിസംബർ 29 ന് ഒരു വേദിയിൽ സംഗമിക്കുന്നു. ഓകം ആൾയുഫെയ്ത്‌ത്‌ ഫുൾ, സൈലൻ്റ് നൈറ്റ് എന്നീ പ്രശസ്‌തമായ ഗാനങ്ങളും ക്രിസ്‌തുമസ് ഗാനവും ആലപിക്കും. സഭകളുടെ ഐക്യവേദിയായ യുണൈറ്റഡ് ക്രിസ്റ്റ്വൻ ഫെലോഷിപ്പിൻ്റെ ആഭിമുഖ്യത്തിൽ ഹരിപ്പാട് സെന്റ് തോമസ് ഓർത്തഡോക്‌സ് മിഷൻ സെൻ്ററിൽ നടത്തുന്ന ക്രിസ്തുമസ് സംഗമം റവ. ലാൽ ചെറിയൻ അദ്ധ്യക്ഷത വഹിക്കും. ആദിവന്ദ്യ ഡോ. ജോസഫ് മാർ ദിവന്നാസ്യേസ് മെത്രാപ്പോലീത്താ ഉദ്ഘാടനം ചെയ്യും. വ്യത്യസ്‌ത മേഖലകളിൽ മികവ് തെളിയിച്ച പ്രതിഭകളെ ചടങ്ങിൽ ആദരിക്കും. വിവിധ പള്ളികളിൽ നിന്നും മാർഗ്ഗംകളി, റമ്പാൻ പാട്ട്, കോൽക്കളി, ഒപ്പന, തിരുവാതിര, ഇൻസ്ട്രമെൻ്റൽ ഫ്യൂഷൻ, ബൈബിൾ സ്‌കിറ്റ് എന്നിവ നടത്തപ്പെടും.
151 പേരടങ്ങുന്ന ഗായകസംഘം 2.30ന് ഹരിപ്പാട് സെൻ്റ് തോമസ് മാർത്തോമ്മാ പള്ളി അങ്കണത്തിൽ നിന്നും വൈദികരുടെ നേതൃത്വത്തിൽ റാലിയായി മിഷൻ സെൻ്ററിൽ എത്തിച്ചേരും, തുടർന്ന് 3 മണിക്ക് സമ്മേളനം ആരംഭിക്കും
പത്രസമ്മേളനത്തിൽ പ്രസിഡൻ്റ് റവ. ലാൽ ചെറിയൻ, ജനറൽ കൺവീനർ ഫാ. കെ. പി. വർഗ്ഗീസ്, ജോ. കൺവീനർ ജിജി മംഗലശേരിൽ, പബ്ലിസിറ്റി കൺവീനർ ആപ്പേത്ത് മാത്യു ജേക്കബ്, പ്രോഗ്രാം കമ്മിറ്റി കൺവീനർ തോമസ് വർഗീസ് എന്നിവർ പങ്കെടുത്തു.

22/12/2024

📃✍
22.12.2024

ദ്യുതി 2024
എൻ എസ് എസ് ക്യാമ്പ് തുടങ്ങി

ഹരിപ്പാട് : ഗവ. മോഡൽ ബോയ്സ് ഹയർ സെക്കൻഡറി സ്കൂളിലെ എൻ എസ് എസ് യൂണിറ്റിൻ്റെ സപ്തദിന സഹവാസ ക്യാമ്പ് ദ്യുതി 2024 നടുവട്ടം വൊക്കേഷണൽ ഹയർ സെക്കൻഡറി സ്കൂളിൽ ആരംഭിച്ചതും. കേരള സംസ്ഥാന പിന്നോക്ക വികസന കോർപറേഷൻ ചെയർമാൻ അഡ്വ.കെ. പ്രസാദ് സഹവാസ ക്യാമ്പ് ഉദ്ഘാടനം ചെയ്തു. പള്ളിപ്പാട് ഗ്രാമ പഞ്ചായത്ത് പ്രസിഡൻ്റ് രഞ്ജിനി ആർ അധ്യക്ഷയായി. വാർഡ് മെമ്പറായ ബിജു കൃഷ്ണൻ, ഹരിപ്പാട് മോഡൽ ബോയ്സ് ഹയർ സെക്കൻഡറി സ്കൂൾ പ്രിൻസിപ്പൾ ജയശ്രീ എ, ഹെഡ്മാസ്റ്റർ ശശികുമാർ എസ്, എസ് എം സി ചെയർമാൻ ജീ അനിൽകുമാർ , സീനിയർ അദ്ധ്യാപിക ശ്രീരേഖ എസ് വി, വോളൻ്റിയർ ലീഡർ അശ്വിനി ആർ, എൻ എസ് എസ്. പ്രോഗ്രാം ഓഫീസർ ജസീന്ത സി തുടങ്ങിയവർ സംസാരിച്ചു. 27ന് ക്യാമ്പ് സമാപിക്കാം.

19/12/2024

📃✍
19.12.2024

വ്യക്തിത്വ പരിവർത്തന പരിശീലനം

ഹരിപ്പാട് : ആധുനിക കാലത്തെ മത്സരങ്ങളെ അതിജീവിക്കുന്നതി നാവശ്യമായ കഴിവുകൾ സമ്പാദിക്കുന്നതിനും സാമൂഹിക പ്രതിബദ്ധതയോടെ ക്രിയാത്മകമായി പ്രവർത്തിക്കുന്നതിനും യുവസമൂഹത്തെ പ്രാപ്തരാക്കുക എന്ന ലക്ഷ്യത്തോടെയാണ് പരിശീലനം നടത്തുന്നത്. അന്തർദേശീയ യുവജന സംഘടനയായ ജൂനിയർ ചേംബർ ഇൻ്റർ നാഷണലിന്റെ ജെ സി ഐ ചേപ്പാട് യൂണിറ്റ് ആണ് റീച്ച് ടു റീടൈൻ വ്യക്തിത്വ വികസന പരിശീലന പദ്ധതി നടപ്പിലാക്കുന്നത്. 20 നും 40 നും മദ്ധ്യേ പ്രായമുള്ള വ്യവസായ വാണിജ്യ മേഖലകളിലെ സംരംഭകർ, യുവജന സംഘടനാ നേതാക്കൾ, സർക്കാർ ഉദ്യേഗസ്ഥർ, അധ്യാപകരായി സേവന മനുഷ്ഠിക്കുന്നവർ ട്രെയ്‌നർ ആകാൻ താല്‌പര്യമുള്ളവർ, വിവിധ തൊഴിൽ സേവന മേഖലകളിൽ പ്രവർത്തിക്കുന്നവർ എന്നിവർക്കാണ് സൗജന്യ പരിശീലനം ഒരുക്കിയിരിക്കുന്നത്.

കോർപറേറ്റ് ട്രെയ്‌നറും ജൂനിയർ ചേംബർ ഇന്റർ നാഷണൽ പരിശീലകനുമായ എം സി രജിലാനും കോർപ്പറേറ്റ് ട്രെയ്‌നറും ജെ സി ഐ ഒറിയൻ്റേഷൻ പരിശീലകനുമായ ജെ സി ഐ അജയ് പണിക്കരും പരിശീലനത്തിന് നേതൃത്വം നൽകും. ഡിസംബർ 22 ന് വൈകുന്നേരം 3.30 നു റോട്ടറി ക്ലബ് മുട്ടം, മണിമലമുക്കിൽ വെച്ച് പരിശീലന പരിപാടി ആരംഭിക്കും. ജെ സി ഐ ചേപ്പാട് പ്രസിഡൻ്റ് രാജേഷ് കുമാർ ഉദ്ഘാടനം നിർവഹിക്കും പരിശീലനപരിപാടിയിൽ പങ്കെടുക്കാനായി സൗജന്യമായി രജിസ്‌റ്റർ ചെയ്യാവുന്നതാണ്. പ്രവേശനം രജിസ്ട്രേഷൻ ചെയ്‌തവർക്ക് മാത്രമായിരിക്കും.

രജിസ്ട്രേഷൻ പൂർണമായും സൗജന്യമാണ്. പരിശീലന പരിപാടിയിൽ പങ്കെടുക്കാൻ താൽപ്പര്യമുള്ളവർ താഴെപറയുന്ന നമ്പറിൽ ബന്ധപ്പെണം. രജിസ്ട്രേഷൻ ചെയ്യുന്നവർ ദയവായി കൃത്യസമയത്ത് എത്തിച്ചേരുന്നത് ഉറപ്പുവരുത്തേണ്ടതാണ് . രജിസ്ട്രേഷൻ ചെയ്യേണ്ട അവസാന തീയതി ഡിസംബർ 21 ആണ്. രജിസ്ട്രേഷന് വേണ്ടി ബന്ധപ്പെടേണ്ട വാട്‌സാപ്പ് നമ്പർ 9847052858. സെക്രട്ടറി രാജീവ്കുമാർ പി, ചാർട്ടേഡ് പ്രസിഡന്റ് അജയ് പണിയ്ക്കർ, മുൻ പ്രസിഡന്റ് അനിൽകുമാർ കെ എന്നിവർ വാർത്താ സമ്മേളനത്തിൽ അറിയിച്ചു.

19/12/2024

📃✍
19.12.2024

പ്രദേശവാസികൾക്കും പദ്ധതി ബാധിതർക്കും താൽക്കാലിക തൊഴിൽ നൽകുന്നില്ല. താപനിലയത്തിനെതിരെ പ്രതിഷേധം ഉയരുന്നു.

ഹരിപ്പാട് : കായംകുളം താപനിലയത്തിലാണ് പ്രദേശവാസികൾക്കും പദ്ധതി ബാധിതർക്കും തൊഴിൽ നൽകുന്നില്ലന്ന് പരാതി ശക്തമാകുന്നത്. താപനിലയത്തിനു വേണ്ടി ഭൂമിയും വീടും നഷ്ടപ്പെട്ട പദ്ധതി ബാധിത ലിസ്റ്റിൽ 1516 ആൾക്കാരാണ് നിലവിൽ ഉള്ളത്. താപനിലയത്തിലെ താൽക്കാലിക കരാർ തൊഴിലുകളിൽ 80% ലിസ്റ്റിൽ നിന്നും നൽകണമെന്നാണ് വിവിധ സംഘടനകളുമായി ഉള്ള ചർച്ചയെ തുടർന്ന് പദ്ധതിയുടെ തുടക്കത്തിൽ തന്നെ തീരുമാനിച്ചിട്ടുള്ളത്. അതിവിദഗ്ധ തൊഴിലുകൾ ഒഴികെയുള്ള പരമാവധി തൊഴിലുകൾ പ്രദേശവാസികൾക്ക് നൽകുമെന്നുള്ളതും താപനിലയത്തിൻ്റെ നിർമ്മാണ ഘട്ടം മുതൽ അംഗീകരിക്കപ്പെട്ടിട്ടുള്ളതും തുടർന്ന് വന്നിരുന്നതും ആണ്. കഴിഞ്ഞ 5 വർഷമായി പദ്ധതി ബാധിതർക്കും പ്രദേശവാസികൾക്കും നാമമാത്രമായ തൊഴിൽ ആണ് നൽകുന്നത്.

സമീപകലത്തായി പ്ലാന്റിൽ വന്നിട്ടുള്ള ചില ഉദ്യോഗസ്ഥർ പദ്ധതി ബാധിതരോടും, പ്രദേശ വാസികളോടും തികച്ചും പുശ്ച ഭാവത്തോടെയുള്ള നിലപാടാണ് സ്വീകരിക്കുന്നത്. പദ്ധതി ബാധിതരോ പ്രദേശവാസിയോ യുണിയനിൽപ്പെട്ടവരോ ആണെങ്കിൽ പാസ്സ് നൽകുന്നില്ലന്നും ആരോപണമുണ്ട്.

കോടികളുടെ സോളാർ പദ്ധതി നടപ്പിലാക്കി അർഹതപ്പെട്ട ഒരു തൊഴിലാളിക്കും യാതൊരു പ്രയോജനമുണ്ടായില്ലന്നു, കുറച്ച് തൊഴിലാളികളെ കേസിൽ പെടുത്തിയതായും പ്രദേശവാസികൾ പറയുന്നു. ഉദ്യോഗസ്ഥരുടെ പിൻ തുണയോടെ വടക്കേ ഇൻഡ്യൻ കമ്പനികൾ കരാർ എടുക്കുകയും പുർണമായും അന്യ സംസ്ഥാന തൊഴിലാളികളെ കൊണ്ട് പണിയെടുപ്പിക്കുകയും ആണ്. ഹോൾട്ടീ കൾച്ചർ, ക്ലീനിംഗ് വിഭാഗത്തിൽ 52 തൊഴിലാളികൾ പണി എടുത്ത് കൊണ്ടിരുന്നത് 12 തൊഴിലാളികൾ ആയി ചുരുക്കി 52 തൊഴിലാളികൾ ചെയ്തു കൊണ്ടിരുന്ന പണി ഉദ്യോഗസ്ഥർ നിയമവിരുദ്ധമായി 12 തൊഴിലാളികളെ കൊണ്ട് ചെയ്യിക്കുകയാണ്. കയറ്റിറക്ക് ജോലിക്ക് പ്രത്യേകം തൊഴിലാളികളെ നിയമിച്ച് നിയമപരമായ കൂലി നൽകണമെന്ന യൂണിയനുകളും എൻ റ്റീ പീ സി യും കരാറുകാരം ജോയിൻ്റ് ലേബർ കമ്മീഷണറുമായി ഉണ്ടാക്കിയിട്ടുള്ള കരാർ ലംഘിക്കുന്നതായും, ആസിഡ് അടക്കമുള്ള അപകടകരമായ സാധനങ്ങൾ അടക്കം ഹോൾട്ടികൾച്ചർ, ക്ലീനിംഗ് തൊഴിലാളികളെ കൊണ്ടാണ് ലോഡിംഗ് അൺലോഡിംഗ് നടത്തുന്നത്. നിയമപരമായ പണം നൽകാതെയാണ് ഈ പണികൾ നടത്തിയ്ക്കുന്നത്. ചെയ്യാൻ വിസമ്മതിയ്ക്കുന്ന തൊഴിലാളികളെ ഉദ്യോഗസ്ഥർ ഭീഷണി പെടുത്തുന്നതായാം,
ഇപ്പോൾ മെഥനോൾ ഡെമോൺസ്ട്രേഷൻ ട്രയൽ റൺ ജോബിലും ജോലി ആവശ്യപ്പെട്ട് യുണിയനുകൾ കത്ത് നൽകിയെങ്കിലും യാതൊരു പരിഗണനയും നൽകുന്നില്ല എന്ന് യുണിയനുകൾ ആരോപിയ്ക്കുന്നു.

പദ്ധതി ബാധിതർക്ക് പ്ലാന്റിലെ പെറ്റി കോൺട്രാക്ടുകൾക്കും അർഹത ഉണ്ടെന്നും, അവിദഗ്ധ, അർദ്ധ വിദഗ്ധ ജോലികൾ പദ്ധതി ബാധിതർക്കായി നീക്കിവെക്കണമെന്നും, വൈദഗ്ദ്യമുള്ള ആളുകൾ ഉള്ള പക്ഷം അവർക്കു മുൻഗണന നൽകണമെന്നും താപനിലയത്തിൻ്റെ പുനരധിവാസ നയത്തിൽ അംഗീകരിക്കപ്പെട്ടിട്ടുള്ളതും ആണ്.

18/12/2024

📃✍
18.12.2024

മോഷണ ആരോപണം ഗൃഹനാഥൻ ആത്മഹത്യ ചെയ്ത സംഭവത്തിൽ അന്വേഷണം പ്രഹസനം മാത്രമാണെന്ന് ബന്ധുക്കൾ വാർത്താസമ്മേളനത്തിൽ പറഞ്ഞു.

ഹരിപ്പാട് : മോഷണാരോപണത്തെ തുടർന്ന് ഗൃഹനാഥൻ തൂങ്ങിമരിച്ച സംഭവത്തിൽ അന്വേഷണം ആവശ്യപ്പെട്ട് ഭാര്യ ജില്ല പോലിസ് സൂപ്രണ്ടിന് ഉൾപ്പടെ പരാതി നൽകിയിട്ടും അന്വേഷണം പ്രഹസനം മാത്രാണെന്ന് ബന്ധുക്കളും നാട്ടുകാരും ആരോപിച്ചു. മരണത്തിന് ഉത്തരവാദികളായവരെ പൊലിസ് സംരക്ഷിക്കുകയാണെന്നും ഇവർ പറഞ്ഞു.
തൃക്കുന്നപ്പുഴ, കിഴക്കേക്കര കറുകത്തറപ്പാട്ട് വീട്ടിൽ, ബാബുവാണ് കഴിഞ്ഞ നവംബർ 11ന് തൂങ്ങിമരിച്ചത്. സമീപവാസിയായ വീട്ടമ്മയുടെ അഞ്ച് ഗ്രാം തൂക്കം വരുന്ന വള മോഷണം പോവുകയും ബാബുവാണ് മോഷണം നടത്തിയത് എന്ന് ആരോപിച്ചുകൊണ്ട് വീട്ടമ്മ തൃക്കുന്നപ്പുഴ പൊലീസിൽ പരാതി നൽകുകയും ചെയ്തു. സ്വർണ്ണം നഷ്ടപ്പെട്ട വീട്ടുകാർ ഭർത്താവിനെ കള്ളനാക്കി ചിത്രീകരിക്കുകയും നാട്ടിലാകെ പ്രചരിപ്പിക്കുകയും ചെയ്തതായി ഭാര്യ യദുല ആലപ്പുഴ ജില്ല പോലീസ് സൂപ്രണ്ടിന് നൽകിയ പരാതിയിൽ ആരോപിക്കുന്നു. അപമാന ഭാരത്താൽ വീടിന് പുറത്തിറങ്ങാൻ കഴിയാതെ വന്നതിനെ തുടർന്ന് മനംനൊന്താണ് ഭർത്താവ് വീട്ടുവളപ്പിലെ മാവിൽ തൂങ്ങി മരിച്ചതെന്ന് പരാതിയിൽ പറയുന്നു. ആരോടും ഒരു തെറ്റും ചെയ്‌യിട്ടില്ലെന്നും, എന്തിനാണ് എന്നെ അപമാനിച്ചതെന്നും, രണ്ട് മക്കളാണെ സത്യം ഞാൻ ആരുടെയും ഒന്നും എടുത്തിട്ടില്ലെന്നും എഴുതി വെച്ചതിനുശേഷം ആണ് ബാബു ആത്മഹത്യ ചെയ്തത്. മേസ്തിരി പണി ചെയ്തു കുടുംബം പോറ്റിയിരുന്ന ഭർത്താവിനെ അപമാനിച്ച് മരണത്തിലേക്ക് തള്ളി വിട്ടവരെ നിയമത്തിന്റെ മുന്നിൽ കൊണ്ടുവരണമെന്ന് യദുല പരാതിയിൽ ആവശ്യപ്പെടുന്നു. എസ് പിക്ക് പരാതി നൽകിയിട്ടും തൃക്കുന്നപ്പുഴ പൊലീസ് അന്വേഷണം പ്രഹസനമാക്കി മാറ്റുകയാണെന്നും ബാബു എഴുതിയ ആത്മഹത്യ കുറിപ്പിലെ വിഷയങ്ങൾ സംബന്ധിച്ച് അന്വേഷണം നടത്താൻ പൊലീസ് തയ്യാറാകുന്നില്ലെന്നും ഇവർ ആരോപിക്കുന്നു. വാർത്തസമ്മേളനത്തിൽ ഭാര്യ യദുല, ബന്ധുക്കളായ സുഹദേവ്, പ്രസന്ന, കൃഷ്ണമ്മ, ബിജി എന്നിവർ പങ്കെടുത്തു.

17/12/2024

📃✍
17.12.2024

ഹരിപ്പാട് റെയിൽവേ സ്റ്റേഷൻ റോഡിലെ ഗതാഗതം തടസ്സപ്പെട്ടിട്ട് ഒരു മാസം

ഹരിപ്പാട്: ഹരിപ്പാട് റയിൽവേ സ്റ്റേഷൻ റോഡ് അറ്റകുറ്റപ്പണിക്കെന്ന പേരിൽ തടസപ്പെടുത്തി കൊണ്ട് റോഡിൻ്റെ മാദ്ധ്യത്തായി പാളം പണിതു വച്ചിട്ട് ഒരു മാസം കഴിഞ്ഞു ഡിസംബർ 1 ന് തുടങ്ങിയ പണി 15ന് തീരും എന്നറിയിച്ചിരുന്നു എന്നാൽ ഇന്നും ബ്ലോക്ക് ചെയ്തിരിക്കുന്നു. റോഡ് പണി എന്ന് എഴുതിവച്ചിരുന്നത് എടുത്തു മാറ്റിയിട്ടുണ്ട്. റോഡിന് മദ്ധ്യത്ത് റെയിൽ പാളം വെച്ചിരിക്കുന്നതിനാൽ യാത്ര തടസ്സപ്പെട്ടിരിക്കുകയാണ്.

15/12/2024

15.12.2024
ശമ്പളം കിട്ടാതായിട്ട് 75 ദിവസം, എൻ ടി പി സി യിലെ കരാർ തൊഴിലാളികൾ പ്രതിഷേധിച്ചു

കായംകുളം എൻ ടി പി സി താപനിലയത്തിലെ കരാർ തൊഴിലാളികൾ രണ്ട് മാസക്കാലത്തെ ശമ്പളം കിട്ടാത്തതിൽ ഗേറ്റിന് മുന്നിൽ പ്രതിഷേധിച്ചു. ഒക്ടോബർ, നവംബർ മാസങ്ങളിലെ ശമ്പളമാണ് ലഭിക്കാനുള്ളത്. മാൻ പവർ സപ്ലൈ കരാറിൽ ജോലി ചെയ്യുന്ന മുപ്പതോളം തൊഴിലാളികൾക്കാണ് ശമ്പളം ലഭിക്കാനുള്ളത്. ഇത് സംബന്ധിച്ച് എൻ ടി പി സി എച്ച് ആർ വിഭാഗത്തിനും ബന്ധപ്പെട്ട ഉദ്യോഗസ്ഥർക്കും നിരവധി തവണ പരാതി നൽകിയെങ്കിലും യാതൊരു നടപടികളും ഉണ്ടായിട്ടില്ല

കേന്ദ്ര പൊതുമേഖല സ്ഥാപനങ്ങളിൽ തൊട്ടടുത്ത മാസം ഏഴിന് മുൻപ് ശമ്പളം നൽകണമെന്നാണ് വ്യവസ്ഥ.കരാറുകാർ ശമ്പളം യഥാ സമയം നൽകാത്ത പക്ഷം പ്രിൻസിപ്പൽ എംപ്ലോയർ നേരിട്ട് ശമ്പളം നൽകണമെന്നും നിയമമുണ്ടെങ്കിലും ഉദ്യോഗസ്ഥർ ഇതിന് തയ്യാറാവുന്നില്ല. ചില ഉദ്യോഗസ്ഥർ കരാറുകാർക്ക് കൂട്ട് നിൽക്കുന്നു. വടക്കേ ഇന്ത്യൻ ആസ്ഥാനമായ കമ്പനികളാണ് നിലവിൽ ഭൂരിഭാഗം കരാറിലും ഉള്ളത്. കഴിഞ്ഞ കുറച്ച് മാസങ്ങളായി മിക്ക തൊഴിലാളികളുടെയും ശമ്പളം,ഇ പി എഫ് അടക്കമുള്ള ആനുകൂല്യങ്ങൾ മുടങ്ങിയിരിക്കുകയാണ്.ഇത് മൂലം തൊഴിലാളികൾ ബുദ്ധിമുട്ടിലാണ് പലരുടെയും കുട്ടികളുടെ സ്കൂൾ ഫീസ്, ലോൺ ഇ എം ഐ മുടങ്ങിയിരിക്കുകയാണ്. പല തൊഴിലാളികളും ഒഴിവു സമയങ്ങളിൽ പുറം ജോലികൾ ചെയ്താണ് വീട്ടു ചെലവുകൾ നടത്തുന്നത്. ഇനിയും തുടരുന്ന പക്ഷം വരും ദിവസങ്ങളിൽ വലിയ പ്രക്ഷോഭ പരിപാടികൾ സംഘടിപ്പിക്കുവാൻ തയ്യാറെടുക്കുകയാണെന്നും തൊഴിലാളികൾ അറിയിച്ചു. തൊഴിലാളികൾക്ക് പിന്തുണ അറിയിച്ചുകൊണ്ട് സി ഐ ടി യു, ബി എം എസ്, എ ഐ ടി യു സി, യു ടി യു സി, എ ഐ യു ടി യു സി എന്നീ തൊഴിലാളി സംഘടനകൾ രംഗത്തെത്തിയിട്ടുണ്ട്.

07/12/2024

തൊഴിലുറപ്പ് തൊഴിലാളികൾ ചിങ്ങോലി പോസ്റ്റാഫീസിലേക്ക് മാർച്ചും ധർണ്ണയും നടത്തി

തൊഴിലുറപ്പ് പദ്ധതിയെ തകർക്കാനുള്ള കേന്ദ്രസർക്കാർ നീക്കത്തിനെതിരെ എൻ ആർ ഇ ജി വർക്കേഴ്സ് യൂണിയൻ ചിങ്ങോലി പഞ്ചായത്ത് കമ്മിറ്റിയുടെ നേതൃത്വത്തിൽ ചിങ്ങോലി പോസ്റ്റാഫീസിലേക്ക് മാർച്ചും ധർണ്ണയും നടത്തി. തൊഴിൽ ദിനങ്ങൾ 200 ആയി വർദ്ധിപ്പിക്കുക, അർഹരായ മുഴുവൻ തൊഴിലാളികൾക്കും തൊഴിൽ ഉറപ്പുവരുത്തുക, പ്രതിദിന കൂലി 600 രൂപയായി വർദ്ധിപ്പിക്കുക, തൊഴിൽ സമയം രാവിലെ 9 മുതൽ വൈകിട്ട് 4 വരെയാക്കുക, കൂലി സമയബന്ധിതമായി നൽകുക, എൻ എം എസിലേ അപാകത പരിഹരിയ്ക്കുക, സംസ്ഥാനത്തിന് അർഹമായ ലേബർ ബജറ്റ് അനുവദിക്കുക, പണം അനുവദിക്കുക തുടങ്ങിയ വിവിധ ആവശ്യങ്ങൾ ഉന്നയിച്ചായിരുന്നു പ്രതിഷേധം. യൂണിയൻ എരിയാ സെക്രട്ടറി റ്റി സുരേന്ദ്രൻ ധർണ്ണ ഉദ്ഘാടനം ചെയ്തു. യൂണിയൻ ചിങ്ങോലി പഞ്ചായത്ത് കമ്മിറ്റി പ്രസിഡന്റ് എ എം നൗഷാദ് അധ്യക്ഷനയി. യൂണിയൻ ഏരിയ ട്രഷറർ ബി.കൃഷ്ണകുമാർ, എരിയാ പ്രസിഡൻറ് ബിന്ദു രാജേന്ദ്രൻ, സി പി ഐ (എം) ഏരിയ കമ്മിറ്റിയംഗം കെ ശ്രീകുമാർ, കർഷക സംഘം എരിയാ പ്രസിഡൻ്റ് ഒ എം സാലി, മേഖലാ സെക്രട്ടറി നിബു, യൂണിയൻ പഞ്ചായത്ത് സെക്രട്ടറി ബേബി സരോജം, കർഷക തൊഴിലാളി യൂണിയൻ എരിയാ കമ്മിറ്റിയംഗം ജി ശശീധരൻ, ജനാധിപത്യ മഹിളാ അസോസിയേഷൻ വില്ലേജ് സെക്രട്ടറി എസ് രാജി എന്നിവർ സംസാരിച്ചു.

News of Kerala

28/01/2025

28/01/2025

15/01/2025

13/01/2025

06/01/2025

29/12/2024

28/12/2024

28/12/2024

27/12/2024

24/12/2024

24/12/2024

22/12/2024

19/12/2024

19/12/2024

18/12/2024

17/12/2024

15/12/2024

07/12/2024

Address

Website

Alerts

Contact The Business

Videos

Shortcuts

Share