03/08/2021
ڕێککەوتنی شێخ لاهور لەگەڵ عەشیرەتی هەرکی و برادۆستی و سەلەفیەکانی کوردستان چیان بەسەردێ
ئایا پاڤڵو قوباد دەتوانن نیوەی ئەم ڕێککەوتنانە بۆیەکێتی ئەنجام بدەن..
گرنگترینیان ئەمانەی خوارەوەن:_
۱/ رێککەوتنی یەکێتیی لەگەڵ عەشیرەتی برادۆستییەکان و بوونی کاندید بۆ هەلبژاردنی پەرلەمانی عێراق.
۲/رێککەوتنی یەکێتیی لەگەڵ عەشیرەتی هەرکییەکان و بوونی کاندید بۆ هەلبژاردنی پەرلەمانی عێراق.
۳/ رێککەوتن لەگەڵ سەلەفییەکان و بوونی کاندید بۆ هەلبژاردنی پەرلەمانی عێراق. (غریب احمد) برای عبدالطیف احمد رێبەری سەلەفییەکان کاندیدە وبرادەرێک بووە قوربانی ئەو رێککەوتنە.
٤/ رێککەوتن لەگەڵ باڵێکی شیعەکان بۆ دروستکردنی هاوپەیمانی دوای ئەنجامی هەلبژاردن لە پەرلەمانی عێراق.
٥/ کار کردن لەسەر تۆخکردنەوەی هێڵی نەتەوەیی و پشتیوانی (کەنەکە) و رۆژئاوای کوردستان و هێزە نیشتیمانییە کوردەکان لەهەر چوار پارچەی کوردستان.
٦/دریژەدان بە بەرەنگار بوونەوەی مەترسییەکانی تیرۆستانی داعش و گروپە چەکدارەکانی ناوچە کوردستانییەکانی دەرەوەی ئیدارەی هەرێم.
۷/ پەیوەندییە ئیقلیمی و نێودەوڵەتییەکانی یەکێتیی وەکو هێزی یەکەمی زۆنی سەوز و دووەمی هەرێمی کوردستان.
۸/رێککەوتننامەی گۆڕان و یەکێتیی بۆ لیستی هاوپەیمانی و بەشداری کردنی یەک لیستە بۆ هەلبژاردنی پەرلەمانی عێراق
۹/دەزگای مرۆیی مام و کارە خێرخوازییەکانی ئەو دەزگایە.(گەشە کاکە حەمە) هاوسەری شێخ لاهور سەرۆکی دەزگاکەیە.
۱٠/کەسوکاری شەهیدانی شەری ناوخۆ کە پێیان وایە شێخ لاهور باشترین نوێنەرییانە لە ناو یەکێتی کە دژی قۆرخ کارییەکانی پارتیو بنەماڵەی بارزانی وەستاوەتەوە لە رابردوودا.
۱۱/چارەنووس و ئایندەی دەزگای زانیاری و دەزگای دژە تیرۆر کە راستەوخۆ لە لایەن خودی شێخ لاهور و شێخ پۆلادی برایەوە سەرپەرشتی دەکران و لەلایەن ئەمریکییەکانەوە پشتیوانی ماددی و لۆجیستی دەکران.
ئەمانە و چەندین پرسیاری تری بێوەڵام کە خەڵکێکی زۆری کوردستان و دەرەوە (یەکێتیی و غەیرە یەکێتی) چاوەروانە و رۆژ و شەو دەژمێرێ بۆ یەکلا بوونەوەیان...هێمن حسن