San Fernando Bulletin

05/01/2024

LOOK: Mga poste nga igo sa Road Widening nga sakop sa Barangay South Poblacion aduna nay schedule sa pagpamalhin.

Enero 7 ngadto sa 14, alas 8 sa buntag hangtod alas 4 sa hapon trabahoon.

Announced by Mita San Fernando

04/01/2024

LOOK: San Fernando Police Station, Cebu PPO, PRO7 nagpatigayon ug "Beach Clean Up" ug "Mangroves Planting" sa coastal area sa Barangay San Isidro.

Matud pa sa kapulisan, kalihokan kini nga nagpreserba sa kaanyag sa maong dapit.

03/01/2024

LOOK: Anonsyo sa Visayan Electric Co. nga kabahin atong lungsod nga apektado sa maong Scheduled Power Interruption.

January 9, 2024 (Tuesday)
Time: 9:00 AM to 3:00 PM (6hrs)
Purpose: To increase the capacity of the distribution system serving Brgy. Poblacion North & Poblacion South by facilitating upgrading of distribution transformer.
Areas Affected:
Portion of San Fernando (Poblacion North & Poblacion South) along Yangyang St. including San Fernando Annex Bldg. Ext., NFE Bldg., North Central School, and San Isidro Parish Centrum.

⚠️Your safety is important to us. Visayan Electric would like to remind the public to always take extra precautions when passing by areas where line repairs and maintenance are being done.
Please stay away from the barricaded area especially since our personnel are using heavy equipment and are dealing with live wire.

01/01/2024

LOOK: Sunog sa lugot sa Barangay Tanañas abtik nga girespondehan sa BFP R7 San Fernando Fire Station kaganihang udto.

Pahimangno ngadto sa katawhan nga mag-amping sa mga butang nga pwedeng gikanan sa kayo sama sa pagdaob, paglabay ug nagbaga nga sigarilyo, ug mga pabuto kay tungod uga kaayu ang laya nga mga dahon gumikan sa ka-init sa panahon, dali ra kaayu mokatay ang kayo.

Walay angol ug walay panimalay nga naapil sa maong insidente ug gidudahan nga ang kainit lamang ang sinugdanan.

01/01/2024

hinaot daghan ang gasa para sa tanan karong 2024!!!🎇

31/12/2023

LOOK: Hawan gihapon ang bahin sa Pacifico hangtod sa unang semana sa 2024.

Sa pagsulod sa bag-ong tuig, masinati nato ang maayu nga panahon. Amihan nga huyop sa hangin, init sa adlaw, ug gamayng posibilidad sa mga pag-ulan.

30/12/2023

LOOK: Katawhan nagpasalamat sa atong mga Santa Cops!

Ang San Fernando Police Station, Cebu PPO, PRO7 nagpatigayon sa pagpanghatag ug regalo sa lain-laing lugar sa atong lungsod.

Matud pa sa ahensya, dili lang kini usa ka tradisyon nga angay natong dumdumon, nagtabang pod kini sa katawhan ug kapulisan sa maayo nga nila ug nato nga relasyon.

29/12/2023

LOOK: Trapik sa San Fernando kaganiha pang udto. Gipaningkamotan sa mga otoridad nga magpuli-puli ang paglusot sa mga sakyanan sa lain-lain nga bahin sa highway sa atong lungsod.

Gawas sa dunay gipang-ayo pa nga parte sa kadalanan, daghan pod ang nagbyahe ug ngadto maghuot sa lugar nga 2 lanes lang ang magamit apan didto gikan sa 4 lanes.

Matug pa sa enforcement team, gisiguro lang nila nga makalusot ra ang mga sakyanan, ug makontrolar lang ang counter flow kay mao ang rason nga mapundo ang naa sa kasugat nga mga sakyanan sa mao nga mga dalan.

28/12/2023

LOOK: Nagpuno nasad ug 2 ka bag-ong mga sakyanan pangpubliko ang atong Municipyo.

Usa niini ang para pagtransportar sa mga karne, ug usa ka bus para sa mga eskwelahan sa atong lungsod nga magamit sa atong mga estudyante ug mga maestra nga adunay katuyo-an sa lain nga dapit.

Photos by Dianne Jess Alfeche

27/12/2023

LOOK: Gitoohan nga King Cobra ug Sawa nakit-an sa mga residente sa Barangay Magsico.

Nakatukob-patay og sawa ang natigbasan nga Cobra sa usa ka residente nga hinganlan ug Gabino Generalao. Nabuhat niya kini sa mananap tungod sa kahadlok dihang nakit-an kini nga may gitukob nga sawa.

Dili lang kini ang una nga pagkaplag sa maong mananap dinhi sa atong lungsod, ug dunay pagduda ang katawhan nga nidaghan na kini nga klase sa bitin dinhi sa atoa.

Busa gi-awhag ang katawhan nga magbantay sa mga kalihokan sa kabukiran labi na sa mga mo-agi sa kalibunan.

Photos by: LE KI

26/12/2023

LOOK: Schedule sa Misa sugat sa bag-ong tuig sa Simbahan sa atong lungsod - San Isidro Labrador Parish Church, ipatigayon karong umaabot nga adlawng Dominggo, Decembre 31, 2023, magsugod sa alas 9 nga takna sa kagabhi-on.

25/12/2023

LOOK: Kahimtang sa Sitio Palao Barangay Tinubdan, kilid sa dalan, kinahanglan nga dili kakumpyansahan.

Samtang gihatagan pa ug aksyon sa Task Force ang maong sitwasyon, gi-awhag ang tanan nga mag-amping sa pag-agi dinhing dapita.

Photos by: Konsehal Lolit Omamalin

25/12/2023

LOOK: Multicab nahulog sa Nag-arco Tabionan(Ka Llanto) kaganihang buntag, panawagan sa mga residente hinaot matarong na daw ang dalan, tungod dangog agi-an kung mag-ulan.

Ang mga sakay sa maong multicab wala ra nagrabehe apan gidala sa tambalanan para macheck up.

Photo by: Honey Lynne Alimpolos Cortes

24/12/2023

MAAYUNG PASKO mga kaigsoonan sa San Fernando, Cebu!💫🎄

24/12/2023

Pahimangno, ani-a ang mga contact numbers nga pwedeng matawagan inkaso adunay emergency og katuyo-an.

Mag-amping kita kanunay sa pagselebrar sa atong pasko.

Malipayong Pasko San Fernando.

23/12/2023

Nakadawat na ba ug regalo ang tanan?😁

23/12/2023

LOOK: Maayu nga panahon ang atong masinati sa pasko ngadto sa bag-ong tuig tungod hawan ang bahin sa Pacifico diin makita ang umaabot nga kahimtang sa panahon nga musolod sa atong nasod.

Sa mga umaabot nga mga adlaw mabati nato ang huyop sa hangin nga Amihan, init sa adlaw, ug gamayng posibilidad sa mga pag-ulan.

22/12/2023

Hello Ninong ug Ninang, duha ka adlaw na lang.😁

22/12/2023

LOOK: Kahimtang sa trapiko sa San Fernando. Mohinay ang dagan sa mga sakyanan dinhi dapit atubangan sa Rizal Plaza hangtod sa Sitio Luknay gumikan sa wala pa mahuman nga pag widening ug pag-ayu sa maong dalan.

Apan usa lamang kini sa mga katamtaman nga kondisyon sa trapiko kung ikumpara sa uban nga mga dapit padulong sa Syudad sa Sugbo, hilabi na karong panahona nga sing-abot na ang adlaw sa pasko.

Pahimangno lang daan sa mga adunay plano mobyahe nga maglantaw daan sa kondisyon sa trapiko paingon sa destinasyon, para mabana-bana ang oras sa byahe labi na sa mga maghatod ug pasyente ug uban pang lakaw nga importante.

21/12/2023

P**i Tag si Ninong ug Ninang kay basin busy.😁

20/12/2023

LOOK: Bag-ong Kapitan sa Barangay South Poblacion, Rudy “As-as” Taping Jr. nihorar na sa ni-aging Lunes, petsa 18 sa Decembre, 2023 ngadto ni Mayor Mytha Canoy.

Sa pagpanaw ni kanhi Kapitan Olaw Esbra, si Kap As-as ang nipuli, tungod siya ang nakakuha ug pinakataas nga boto sa pagkakonsehal sa ni-aging Barangay Election sa South Poblacion.

19/12/2023

LOOK: Si Mariel Minglanilla nga nagrepresenta sa Barangay North Poblacion mao ang nakadaog sa San Fernando Idol 2023!

Nagsunod kaniya si Danna Marie Papas sa Barangay Bugho nga mao ang 1st runner up, gisundan pod ni Jasmaine Tapuyao sa Barangay Tonggo nga mao pod ang 2nd runner up.

Kagabii, petsa 18 sa Decembre, nahuman ang maong kalihokan nga didto gipadagan sa San Fernando Sports Complex tungod sa kahimtang sa panahon ug tuod man ang maong kalingawan nagmalamposon.

18/12/2023

LOOK: anaa na sa ubos nga bahin sa nasod, nagkahinay samtang niagi ug padayun na nga mogawas palayo sa Pilipinas sa adlawng Meyerkules, petsa 20 sa Decembre, 2023.

Possible gihapon ang mga pag-ulan ugmang adlawa, busa gi-awhag lang gihapon nato ang tanan nga magbantay sa mga pagbaha ug possibleng pagdahili sa yuta gumikan sa kondisyon sa atong panahon.

17/12/2023

LOOK: mu-agi sa Visayas ug Mindanao. Pahimangno nato sa mga kaigsoonan nga mag-andam sa mga pag-ulan, kusog nga hangin, ug dagkong balud sa kadagatan.

Kanunay nga mag update sa kahimtang sa panahon para mahibalo sa angay nga andamon.

16/12/2023

LOOK: Gikan sa 21 ka representante sa isig ka barangay, 12 na lang ang nahabilin nga pili-anan para mahimong San Fernando Idol 2023!

Atangan nato ugma, petsa 17 sa Decembre ang BATTLE ROUNDS para sa TOP 12 diin ang tema kay ORIGINAL PINOY MUSIC.

Ug sa petsa 18 sa Decembre mao ang GRAND FINALS nga ang TOP 6 dapat mo-arang sa tema nga MUSIKANG BINISAYA, diin maoy basehan nga maka patong sa TOP 3 nga mopasundayag sa ilahang mga WINNING PIECES!

Na hala, ipagawas na inyong pinakakusog nga supporta!

15/12/2023

LOOK: Gipatigayon kaganiha ang eleksyon sa Association of Barangay Captains sa San Fernando, ug si Kap Dodoy Flores Guanzon - Kapitan sa Barangay Liburon mao gihapon ang ABC President sa ikaduhang higayon.

14/12/2023

REST IN PEACE Barangay South Poblacion Captain Dioscoro “Kap Olaw” Esbra.

Gikonpirma sa iyahang pamilya nga nipanaw ang maong Kapitan kaganihang ala-una sa kadlawon, aldawng Hwebes, Decembre 14, 2023 sa edad nga 68.

Si Kap Olaw gidala sa tambalanan tungod gi-atake kini sa ni-aging Dominggo, apan human sa 4 ka adlaw nga pagsulay sa kinabuhi, nipahulay na gayud sa dayun si Kapitan.

13/12/2023

LOOK: San Fernando Public Market giplano na nga bag-ohon gumikan sa pagdaghan sa mamalenkehay, manindahay, ug mga sakyanan nga kasamtangang lisod ang parkinganan.

Kanus-a kaha kini sugdan? Pangutana sa katawhan.

12/12/2023

PAHIMANGNO: Mag-amping kanunay sa mga kadalanan labi na ang mga motorsiklo tungod pipila na pod ang natalà nga disgrasya sa motor sa atong lungsod.

Base sa mga milabay nga mga tuig taas ang kwentada sa disgrasya sa mga motorista labi na nga sing-abot na pod ang kasa-ulogan sa pagtapos sa tu-ig ug daghan ang mga imbitasyon sa panagtapok ug panag-inom.

Pahinumdon lang sa kadaghanan nga dili momaneho ug bisan unsa nga sakyanan kung naka-inom na, para disgrasya malikayan ta.

11/12/2023

San Fernando Christmas Lighting karong Byernes 12/15/23! Andam na ba ang tanan?

09/12/2023

LOOK: Anonsyo sa Visayan Electric Co. ang Scheduled Power Interruption nga mo-apekto sa Barangay Greenhills:

December 12, 2023 (Tuesday)
Time: 9:00 AM to 5:00 PM (8hrs)
Purpose: To increase the capacity of the distribution system serving Brgy. Greenhills by facilitating upgrading of distribution transformer
Areas Affected:
Portion of San Fernando (Greenhills) including Colegio del Sto. Nino.

08/12/2023

LOOK: Mga Sanfernandohanon TOP sa mga Licensure Examinations! MAKA PROUD!

Congratulations Kent Arnold Java Alvarez, taga Barangay Sangat, Rank 1 sa Naval Archetecture Licensure Exam!

Congratulations Eliakim Manlosa Booc, taga Barangay Pitalo, Rank 2 sa Occupational Therapists Licensure Exam!

Sama sa gina-ingon bisan pa sa kani-adto, lahi jud ang mga taga San Fernando!

07/12/2023

LOOK: Atong mga myembro sa Sanguniang Bayan, mga konsehales sa atong lungsod mitungha sa Philippine Councilors League Year-End Assembly 2023 nga gipatigayon didto sa World Trade Center, Manila, petsa 5 hangtod petsa 7 sa Decembre 2023.

06/12/2023

LOOK: Sugyot ni Mayor Mytha Basubas Canoy atol sa iyahang State Of The Children's Address kaganiha, petsa 6 sa Decembre 2023 nga gipatigayon sa San Fernando Sports Complex.

Panaad sa mayora nga ihatag ang second trench sa financial assistance nga mototal ug 5 Million pesos gikan sa iyahang kaugalingon nga panudlanan karon nga bulan sa Decembre.

Kay ang first trench nahatag na sa milabay nga bulan sa Hulyo, P1,500 na tanan ang mahatag matag usa sa mga Senior Citizens, PWD, ug lakip na ang kabataan.

05/12/2023

Sing-abot na pod ang kapaskohan ug bagong tuig, panahon na sad nga magbantay kita sa mga pabuto. Inkaso sa mga panghitabo mahitungod sa sunog, tawag dayon sa mga hotlines nga gihatag sa BFP R7 San Fernando Fire Station:

☎️: (032) 407 0627
📱(Globe): 0915 840 2960
📱(Smart): 0962 041 7896

04/12/2023

LOOK: Best Middle Blocker sa CESAFI Season 2023 si Augustin Benedict P. Manugas, lumolupyo sa Sitio Kalubihan, North Poblacion, San Fernando, Cebu!

Si Manugas myembro sa USJ-R Baby Jaguars Boys’ Volleyball nga mao ang Champion sa CESAFI Season 2023.

Atong pasalamatan si Augustin nga usa sa mga batan-on nga naghatag ug maayung dungog sa atong lungsod! CONGRATULATIONS!!!

03/12/2023

LOOK: Mga pahimangno kung unsay angay buhaton kung adunay linog.

Amping kanunay mga kaigsoonan.

02/12/2023

LOOK: San Fernando Buffalos open for Try Out para sa Gullas Cup 2024! Andam na ba ang atong mga basketbolista?

𝑺𝑨𝑵 𝑭𝑬𝑹𝑵𝑨𝑵𝑫𝑶 𝑩𝑼𝑭𝑭𝑨𝑳𝑶𝑺 𝑻𝑹𝒀𝑶𝑼𝑻 𝑭𝑶𝑹 𝑮𝑼𝑳𝑳𝑨𝑺 𝑪𝑼𝑷 2024

Where: 𝑺𝒂𝒏 𝑭𝒆𝒓𝒏𝒂𝒏𝒅𝒐 𝑺𝒑𝒐𝒓𝒕𝒔 𝑪𝒐𝒎𝒑𝒍𝒆𝒙
When: 𝑫𝒆𝒄 2, 2023 (𝑺𝒂𝒕𝒖𝒓𝒅𝒂𝒚) @7:00𝑷𝑴

It's about time to showcase your skills in basketball. Do you have the commitment and attitude to be part of this organization? Then, you have the chance to show it!

Note: Players who will try out must have been born between 𝟐𝟎𝟎𝟑 and 𝟐𝟎𝟎𝟔. Also, you must be a 𝗿𝗲𝘀𝗶𝗱𝗲𝗻𝘁 𝗼𝗳 𝗦𝗮𝗻 𝗙𝗲𝗿𝗻𝗮𝗻𝗱𝗼. Athletes, kindly bring your 𝐣𝐞𝐫𝐬𝐞𝐲 and 𝐰𝐚𝐭𝐞𝐫. Thank you, and God bless!