UpdateNews&CeleNews

29/10/2020

https://youtu.be/znQHkis_rI0

ချစ်စွဲ မုန်းစွဲ

22/10/2020

https://youtu.be/LqzaDZ6FCXI

တစ်ဆူတည်းမှာပဲ ခေတ်ငါးခေတ်လက်ရာ ရှိနေတဲ့ ဘုရားကြီး ” ရှင်ပင်ရွှေဆပ်သွား ဘုရားကြီး “ဒီဆင်းတုတော်ကတော့ ပုဂံ....

18/09/2020

https://youtu.be/bM30FA-3Cx4

ရန်ကုန်မြို့ ၌ နာမည်ကျော်ဦးလာဘ ဆိုသည်မှာ တကယ်ရှိခဲ့ပါသည် ။သင်္ကန်းဝတ်ထားပေမယ့် ဘုန်းကြီးဟုပြောဖို့ခက်ခဲပ...

26/06/2020

ဗဟုသုတရစေမဲ့ဗုဒ္ဓvideoတွေနေတိုင်းတင်ပေးမှာမို့ကျမတို့youtube channalကိုSubscribeမလုပ်ရသေးရင်Subscribeလေးလုပ်ပေးပါအုံးရှင့်

https://youtu.be/cyB-FSH2xZo

နေ့တိုင်းဗဟုတုတရစေမဲ့video တွေတင်ပေးမှာမို့ကျမတို့ page ကို like,share လေးလုပ်ပြီး youtube channal လေးကို Subscribe လေးလုပ်ပေးကြပါအ.....

30/05/2020

တောင်သာ ပါလာပိ...
OVID-19 ရောဂါစောင့်ကြပ်ကြည့်ရှုမှုနှင့်ပတ်သက်၍ သတင်းထုတ်ပြန်ခြင်း
(၃၀-၅-၂၀၂၀) ရက်နေ့၊ နံနက် (၇:၀၀)နာရီ
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄

၁။ (၂၉-၅-၂၀၂၀) ရက်နေ့အတွက် COVID-19 ဓာတ်ခွဲစစ်ဆေးမှုများ ပြုလုပ်ရာတွင် -

အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) မှ (ဒုတိယအသုတ်) အဖြစ် ဓာတ်ခွဲနမူနာ (၄၉၈) ခု၊

ဆေးသုတေသနဦးစီးဌာနမှ ဓာတ်ခွဲနမူနာ (၁၀၁) ခု နှင့်

အမှတ် (၁) တပ်မတော် ဆေးရုံကြီး (ခုတင်-၁,၀၀၀) မှ (ဒုတိယအသုတ်) အဖြစ် ဓာတ်ခွဲနမူနာ (၅၄) ခု၊

စုစုပေါင်း (၆၅၃) ခုအား (၃၀-၅-၂၀၂၀) ရက်နေ့၊ နံနက်အစောပိုင်း၌ စစ်ဆေးပြီးစီးခဲ့ရာ -

• COVID-19 ရောဂါ ဓာတ်ခွဲအတည်ပြု လူနာသစ် (၁၇) ဦးတွေ့ရှိရပါသည်။

၂။ (၃၀-၅-၂၀၂၀) ရက်နေ့၊ နံနက် (၇:၀၀)နာရီအထိ မြန်မာနိုင်ငံတွင် COVID-19 ရောဂါ ဓာတ်ခွဲ အတည်ပြုလူနာ (၂၂၄) ဦးရှိပါသည်။

၃။ ဓာတ်ခွဲအတည်ပြု လူနာဟောင်း (old confirmed case) များ၏ ဓာတ်ခွဲနမူနာစစ်ဆေးမှုတွင် (၂) ကြိမ် ဆက်တိုက် ပိုးမတွေ့ရှိသူ စုစုပေါင်း (၁၃၀) ဦးရှိပါသည်။

၄။ ဓာတ်ခွဲအတည်ပြုလူနာများအနက် သေဆုံးသူ (၆)ဦး ရှိပါသည်။

၅။ (၂၉-၅-၂၀၂၀) ရက်နေ့အတွက် COVID-19 ဓာတ်ခွဲစစ်ဆေးမှုများ ပြုလုပ်ရာတွင် -
အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) မှ ဓာတ်ခွဲနမူနာ (၉၆၇)ခု၊
ဆေးသုတေသနဦးစီးဌာနမှ ဓာတ်ခွဲနမူနာ (၁၀၁) ခု နှင့်
အမှတ် (၁) တပ်မတော် ဆေးရုံကြီး (ခုတင်-၁,၀၀၀) မှ ဓာတ်ခွဲနမူနာ (၁၄၆) ခု၊
စုစုပေါင်း (၁,၂၁၄)ခုအား စစ်ဆေးခဲ့ပြီး (၃၀-၅-၂၀၂၀) ရက်နေ့၊ နံနက်အစောပိုင်း၌ ဓာတ်ခွဲစစ်ဆေးမှုများ ပြီးစီးခဲ့ပါသည်။

, , #ကိုရိုနာဗိုင်းရပ်စ်, #ဓာတ်ခွဲအဖြေ

29/05/2020

(၂၉.၅.၂၀၂၀)ရက်နေ့၊(၀၆:၁၃)အချိန်ခန့် ရပ်ကွက်(၁၂)၊နယ်မြ(၅)၊နယ်စည်းမထားဆရာဝန်များရုံးအရှေ့၊ပိတောက်ပင်ပေါ်တွင် အမျိုးသားတစ်ဦးကြိုးဆွဲချ သေဆုံးနေပါသဖြင့် ကူညီပေးနိုင်ပါရန် ကျောက်မဲမြို့နေ ကိုနေဖြိုးမြင့်(တာချီလိတ်နယူးအေဂျင်စီ)မှ ဆက်သွယ်အကြောင်းကြားလာပါသည်။

အခင်းဖြစ်ပွားရာနေရာသို့ ရောက်ရှိချိန်တွင် လားရှိုးမြို့နယ်မြေရဲစခန်း၊တာဝန်းမှူး-ဒုရဲအုပ်လှခင်ဦးစီးသည့်ရဲတပ်ဖွဲ့ဝင်များ၊ရပ်ကွက်(၁၂)အုပ်ချုပ်ရေးမှူး-ဦးဘလှတင်၊ရပ်ကွက်(၁၂)ရဲကင်းမှတပ်ကြပ်မောင်မောင်သောင်းနှင့်တာဝန်ရှိသူများ၊ကရုဏာရှင်လူမှုကူညီရေးအသင်းတို့နှင့် ပူးပေါင်းကာ သေဆုံးသူ-အမည်၊နေရပ်မသိရှိရသည့် အမျိုးသားတစ်ဦးအား သစ်ပင်ပေါ်မှ ခက်ခက်ခဲခဲဖြုတ်ယူကာ လားရှိုးပြည်သူ့ဆေးရုံကြီး-အရေးပေါ်ဌာနသို့၊ထိုမှတစ်ဆင့်
လားရှိုးပြည်သူ့ဆေးရုံကြီး-ရင်ခွဲရုံသို့(PR-003)ဖြင့် ကူညီပို့ဆောင်ပေးခဲ့ပါသည်။

သေဆုံးသူမှာ လက်ဖက်ရည်ဆိုင်တစ်ခုမှ လက်ဖက်ရည်အဖျော်ဆရာတစ်ဦးဟုသိရှိရပီး
အမည်၊နေရပ်လိပ်စာ မသိရှိရသေးပါ။သေဆုံးသူအား သိရှိပါက မိသားစုဝင်များထံသို့ အမြန်ဆုံးဆက်သွယ်အကြောင်းကြားပေးနိုင်ပါရန် မေတ္တာရပ်ခံအပ်ပါသည်။

28/05/2020

မိတ္ထီလာ ဝမ်းတွင်လမ်းဟောင်း ဝမ်းသာရွာအဝင်လမ်းခွဲအနီး
ရပ်ထားသော ဆီဘောက်ဇာ ကားအား...
၆ဘီးကုန်တင်ကားမှ နောက်မှ ဝင်တိုက်ရာ...
ယာဉ်မောင်းညက်နပြီး နေရာတွင်သေဆုံးသွားပါသည်။
ညက်နေသော သေဆုံးသူအား
မိတ္ထီလာမြို့ ခရိုင်မီးသတ်တပ်ဖွဲ့မှ Cutterများအသုံးပြု၍
ထုပ်ယူခဲ့ရပါသည်။
မျိုးဆက်သစ်မြတ်ပါရမီအသင်း
စိတ်ကျန်းမာစောင့်ရှောက်ရေးအသင်း
ဝမ်းတွင်းမြို့ ပရဟိတအသင်း များမှ
အားလုံးပူးပေါင်းပါဝင်ဆောင်ရွက်ပေးနိုင်ခဲ့ပါသည်။

မိတ္ထီလာမြို့
မြန်မာနိုင်ငံလူမှုကယ်ဆယ်ရေးအဖွဲ့
မျိုးဆက်သစ်မြတ်ပါရမီအသင်း
09799204106
09402684996

*K3*သွေးသစ္စာထီလာမြေ...

20/05/2020

COVID-19 ရောဂါစောင့်ကြပ်ကြည့်ရှုမှုနှင့်ပတ်သက်၍ သတင်းထုတ်ပြန်ခြင်း
(၂၀-၅-၂၀၂၀) ရက်နေ့၊ ည (၈:၀၀)နာရီ
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄

၁။ (၂၀-၅-၂၀၂၀) ရက်နေ့၊ ညနေပိုင်းတွင် ဆေးသုတေသနဦးစီးဌာန (DMR) မှ ဓာတ်ခွဲနမူနာ (၁၅၉) ခုနှင့် အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) (NHL) မှ ပထမအသုတ်အဖြစ်ဓာတ်ခွဲနမူနာ (၉၄) ခု၊ စုစုပေါင်း (၂၅၃) ခုကို စစ်ဆေး ပြီးစီးခဲ့ရာ -

• COVID-19 ရောဂါ ဓာတ်ခွဲအတည်ပြု လူနာသစ် (၆) ဦးတွေ့ရှိရပါသည်။

၂။ (၂၀-၅-၂၀၂၀) ရက်နေ့၊ ည (၈:၀၀)နာရီအထိ မြန်မာနိုင်ငံတွင် COVID-19 ရောဂါဓာတ်ခွဲ အတည်ပြုလူနာ (၁၉၉) ဦးရှိပြီဖြစ်ပါသည်။

၃။ ဓာတ်ခွဲအတည်ပြု လူနာဟောင်း (old confirmed case) များ၏ ဓာတ်ခွဲနမူနာများစစ်ဆေးမှုတွင် (၂) ကြိမ် ဆက်တိုက် ပိုးမတွေ့ရှိသူ (၄) ဦး (Case- 28, 43, 87 နှင့် 125) ရှိခဲ့သဖြင့် (၂၀-၅-၂၀၂၀) ရက်နေ့အထိ ရောဂါပိုးကင်းစင်လာသူ စုစုပေါင်း (၁၀၈) ဦးရှိပါသည်။ ၎င်းတို့အနက် (၉၈) ဦးအား ဆေးရုံမှ ဆင်းခွင့်ပြုခဲ့ပြီးဖြစ်ကာ သတ်မှတ်နေရာများတွင် အသွားအလာဆက်လက်ကန့်သတ်၍ စောင့်ကြပ်ကြည့်ရှုလျက်ရှိပါသည်။

၄။ ဓာတ်ခွဲအတည်ပြုလူနာများအနက် သေဆုံးသူ (၆) ဦး ရှိပါသည်။

၅။ (၁၉-၅-၂၀၂၀) ရက်နေ့၊ နေ့လယ် (၁၂:၀၀) နာရီမှ (၂၀-၅-၂၀၂၀)ရက်နေ့၊ နေ့လယ် (၁၂:၀၀) နာရီအတွင်း တွေ့ရှိရသော စောင့်ကြည့်လူနာအသစ် (၆၆) ဦး ရှိပါသည်။

20/05/2020

နေ့စဉ်မိုးလေဝသသတင်း
==================
(၂၀၂၀ ပြည့်နှစ်၊ မေလ (၂၀)ရက်နေ့ မွန်းလွဲ (၂:၀၀)နာရီအချိန် ထုတ်ပြန်ချက်)
==============================================
ယနေ့နံနက်(၀၉:၃၀)နာရီအချိန်ထိမိုးလေဝသတိုင်းထွာချက်အကျဉ်းချုပ်။ လွန်ခဲ့သော(၂၄)နာရီအတွင်းက အနောက်တောင်မုတ်သုံလေသည် မြန်မာနိုင်ငံ တောင်ပိုင်းဒေသများ၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းသို့ ဝင်ရောက်ခဲ့ပြီး ဖြစ်ပါသည်။ ကချင် ပြည်နယ်တွင် နေရာကျဲကျဲ၊ နေပြည်တော်၊ ရှမ်းပြည်နယ်(အရှေ့ပိုင်း)နှင့် ကယားပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည် နယ်တို့တွင် နေရာအနှံ့အပြား မိုးထစ်ချုန်း ရွာခဲ့ပြီး၊ မန္တလေးတိုင်းဒေသကြီးတွင် ဒေသအလိုက်နှင့် စစ်ကိုင်းတိုင်းဒေသကြီးအောက်ပိုင်းနှင့် ရခိုင် ပြည်နယ်တို့တွင် နေရာကွက်၍ မိုးကြီးခဲ့ပါသည်။ နေ့အပူချိန် များမှာ စစ်ကိုင်းတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(အရှေ့ပိုင်း)နှင့် ရခိုင်ပြည်နယ်တို့တွင် မေလ၏ ပျမ်းမျှအပူချိန်တို့ထက် (၃)ဒီဂရီစင်တီဂရိတ်မှ (၄) ဒီဂရီစင်တီဂရိတ်အထိ၊ နေပြည်တော်၊ မန္တလေးတိုင်းဒေသကြီးနှင့် ကယားပြည်နယ်တို့တွင် မေလ၏ ပျမ်းမျှအပူချိန်တို့ထက် (၂)ဒီဂရီစင်တီဂရိတ်ပိုခဲ့ပြီး၊ ရန်ကုန် တိုင်းဒေသကြီး၊ ကရင်ပြည်နယ်နှင့် မွန်ပြည် နယ်တို့တွင် မေလ၏ ပျမ်းမျှအပူချိန်တို့အောက် (၂)ဒီဂရီစင်တီဂရိတ်လျော့နည်းခဲ့ပြီး၊ ကျန်တိုင်းဒေသကြီးနှင့် ပြည်နယ် တို့တွင် မေလ၏ ပျမ်းမျှအပူချိန်ခန့်သာရှိခဲ့ပါသည်။ ထူးခြားသည့် နေ့အပူချိန်များမှာ ကြေးမုံ(စိုက်ပျိုးရေးမိုးလေဝသ)တွင် (၄၂)ဒီဂရီစင်တီဂရိတ်နှင့် ကျောက်ဆည်မြို့၊ တံတားဦး(လေကြောင်းမိုးလေဝသ)၊ ချောက်မြို့နှင့် ပခုက္ကူမြို့တို့တွင် (၄၀)ဒီဂရီစင်တီဂရိတ်စီတို့ ဖြစ်ကြပါသည်။ မှတ်သားဖွယ်ရာ မိုးရေချိန်များမှာ မာန်အောင်မြို့ တွင် (၃.၅၈)လက်မ၊ မင်းကင်းမြို့၊ မြစ်ငယ်မြို့နှင့် အမ်းမြို့တို့တွင် (၁.၉၃)လက်မစီ၊ ရမ်ကလောင်းတွင် (၁.၈၉)လက်မ၊ စစ်ကိုင်းမြို့တွင် (၁.၈၅)လက်မ၊ အမရပူရ (စိုက်ပျိုးရေး) တွင် (၁.၇၆)လက်မ၊ ခရမ်းမြို့တွင် (၁.၆၉)လက်မ၊ မိုးကုတ်မြို့တွင် (၁.၆၆)လက်မ၊ မန္တလေးမြို့တွင် (၁.၅၀)လက်မ၊ တံတားဉီး(လေကြောင်း မိုးလေဝသ)နှင့် လောင်းလုံးမြို့တို့တွင် (၁.၄၂)လက်မစီ၊ ရှမ်းရွာသစ်မြို့တွင် (၁.၄၀)လက်မနှင့် ဖျာပုံမြို့တွင် (၁.၃၈)လက်မတို့ ဖြစ်ကြပါသည်။

ဘင်္ဂလားပင်လယ်အော်အ‌ခြေအနေ။ ယနေ့မြန်မာစံတော်ချိန် (၁၂:၃၀)နာရီအချိန် တိုင်းထွာချက်များအရ ဘင်္ဂလားပင်လယ်အော်အနောက်အလယ်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အနောက်မြောက်ပိုင်းတို့တွင် ဖြစ်ပေါ်နေသော အလွန့် အလွန် အားကောင်းသော ဆိုင်ကလုန်းမုန်တိုင်း (Extremely Severe Cyclonic Storm) အမ်ဖန်(AMPHAN)သည် မြောက်-အရှေ့မြောက်ဘက်သို့ ရွေ့လျားခဲ့ပြီး၊ ဘင်္ဂလားပင်လယ်အော်အနောက်မြောက်ပိုင်းသို့ ရောက်ရှိခဲ့ကာ၊ အိန္ဒိယနိုင်ငံ၊ ပါရာဒစ်ပ်မြို့(Paradip) (ဩရိဿ-Odisha)၏ အရှေ့ဘက် ရေမိုင် (၇၀)မိုင်ခန့်၊ ဒီဂါမြို့ (Digha)၏ တောင်-အရှေ့တောင်ဘက် ရေမိုင် (၇၀)မိုင်ခန့်၊ ဘင်္ဂလားဒေ့ရှ်နိုင်ငံ၊ ကမ်ပူပါရာ မြို့(Khepupara)၏ အနောက်တောင်ဘက် ရေမိုင် (၁၆၀)မိုင်ခန့်၊ မြန်မာနိုင်ငံ၊ မောင်တောမြို့ (Maungdaw) ၏ အနောက်ဘက် ရေမိုင် (၂၆၀)မိုင်ခန့်နှင့် စစ်တွေမြို့(Sittwe)၏ အနောက်ဘက် ရေမိုင် (၂၈၅)မိုင်ခန့်အကွာ ပင်လယ်ပြင်ကို ဗဟိုပြုနေပါသည်။ ကပ္ပလီ ပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတို့တွင် မုတ်သုံလေ အားအသင့်အတင့်မှ အားကောင်းနေပြီး၊ ဘင်္ဂလားပင်လယ်အော်မြောက်ပိုင်းနှင့် အနောက်အလယ်ပိုင်းတို့တွင် တိမ်ထူထပ်နေကာ၊ ကျန်ဘင်္ဂလားပင်လယ်အော်တွင် တိမ်အသင့်အတင့်မှ တိမ်ထူထပ်နေပါသည်။
မနက်ဖြန်နံနက်အထိခန့်မှန်းချက်။ ရှမ်းပြည်နယ်နှင့် ကယားပြည်နယ်တို့တွင် နေရာကျဲကျဲ၊ နေပြည်တော်တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ် တို့တွင် နေရာအနှံ့အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊ ချင်းပြည်နယ်နှင့် ရခိုင်ပြည်နယ်တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်း(၈၀) ဖြစ်ပါသည်။

မြန်မာ့ပင်လယ်ပြင်။ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးရာမှ လှိုင်းအလွန်ကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် (၄၅)မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၁၀)ပေမှ (၁၆)ပေ ခန့်ရှိနိုင်ပါသည်။ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင် လေသည် တစ်နာရီလျှင် (၃၅)မိုင်မှ မိုင်(၄၀)အထိ တိုက်ခတ်နိုင်ပါသည်။ လှိုင်းအမြင့်မှာ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် (၈)ပေမှ (၁၀)ပေခန့်ရှိနိင်ပါသည်။

နောက်(၂)ရက်အတွက်ခန့်မှန်းချက်။ စစ်ကိုင်းတိုင်းဒေသကြီးနှင့် ကချင်ပြည်နယ်တို့တွင် နေရာကွက်၍ မိုးကြီးနိုင်ပါသည်။

နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။

ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။
မိုးအသင့်အတင့် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။

မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။

20/05/2020

မန္တလေးမိုးမားနိင်ပါတယ်

နေ့စဉ်မိုးလေဝသသတင်း
=================
(၂၀၂၀ ပြည့်နှစ်၊ မေလ (၂၀)ရက်နေ့ နံနက်(၇:၀၀)နာရီအချိန် ထုတ်ပြန်ချက်)
==============================================

ဘင်္ဂလားပင်လယ်အော်အ‌ခြေအနေ။ ယနေ့မြန်မာစံတော်ချိန် (၀၅:၃၀)နာရီအချိန် တိုင်းထွာချက်များအရ ဘင်္ဂလားပင်လယ်အော်အနောက်အလယ်ပိုင်းနှင့် ယင်းနှင့် ဆက်စပ်လျက်ရှိသော ဘင်္ဂလားပင်လယ်အော်အနောက်မြောက်ပိုင်းတို့တွင် ဖြစ်ပေါ်နေသော အလွန့်အလွန် အားကောင်းသော ဆိုင်ကလုန်းမုန်တိုင်း(Extremely Severe Cyclonic Storm) အမ်ဖန်(AMPHAN)သည် မြောက်ဘက်သို့ရွေ့လျားခဲ့ပြီး၊ အိန္ဒိယနိုင်ငံ၊ ပါရာဒစ်ပ်မြို့ (Paradip) (ဩရိဿ- Odisha) ၏ တောင်-အရှေ့တောင်ဘက် ရေမိုင် (၁၂၀)မိုင်ခန့်၊ ဒီဂါမြို့ (Digha)၏ တောင်ဘက် ရေမိုင် (၁၉၅)မိုင်ခန့်၊ ဘင်္ဂလားဒေ့ရှ်နိုင်ငံ၊ ကမ်ပူပါရာမြို့(Khepupara)၏ အနောက်တောင်ဘက် ရေမိုင် (၂၈၀)မိုင်ခန့်၊ မြန်မာနိုင်ငံ၊ မောင်တောမြို့(Maungdaw)၏ အနောက်- အနောက်တောင်ဘက် ရေမိုင် (၃၃၀)မိုင်ခန့်နှင့် စစ်တွေမြို့(Sittwe) ၏ အနောက်-အနောက်တောင်ဘက် ရေမိုင် (၃၄၅)မိုင်ခန့်အကွာ ပင်လယ်ပြင်ကို ဗဟိုပြုနေပါသည်။ ဘင်္ဂလားပင်လယ်အော်မြောက်ပိုင်းနှင့် အနောက်အလယ်ပိုင်းတို့တွင် တိမ်ထူထပ်နေပြီး၊ ကပ္ပလီပင်လယ်ပြင်နှင့် ကျန် ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။

ယနေ့ညနေအထိခန့်မှန်းချက်။ ရှမ်းပြည်နယ်(အရှေ့ပိုင်း)နှင့် ကယားပြည်နယ်တို့တွင် နေရာကျဲကျဲ၊ မကွေးတိုင်းဒေသကြီးနှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ချင်းပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်း(၈၀) ဖြစ်ပါသည်။

မြန်မာ့ပင်လယ်ပြင်။ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးရာမှ လှိုင်းအလွန်ကြီးမည်။ မိုးသက်လေပြင်းကျစဉ် ရေပြင်/ မြေပြင်လေသည် တစ်နာရီလျှင် (၄၅)မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၁၀)ပေမှ (၁၆)ပေ ခန့်ရှိနိုင်ပါသည်။ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် (၃၅)မိုင်မှ မိုင်(၄၀)အထိ တိုက်ခတ်နိုင်ပါသည်။ လှိုင်းအမြင့်မှာ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၈)ပေမှ (၁၀)ပေခန့်ရှိနိင်ပါသည်။

နောက်(၂)ရက်အတွက်ခန့်မှန်းချက်။ စစ်ကိုင်းတိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင် နေရာကွက်၍ မိုးကြီးနိုင်ပါသည်။

နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာ မည်။ ရွာရန်ရာနှုန်း(၈၀) ဖြစ်ပါသည်။

ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးအသင့်အတင့် ထစ်ချုန်းရွာမည်။ ရွာရန်ရာနှုန်ပြည့် ဖြစ်ပါသည်။

မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာ မည်။ ရွာရန်ရာနှုန်း(၈၀) ဖြစ်ပါသည်။

19/05/2020

မုန်တိုင်း အမ်ဖန် AMPHAN အပြင်းထန်ဆုံးသော စူပါဆိုင်ကလုန်းမုန်တိုင်း အဖြစ် ရောက်ရှိပြီး လေတိုက်နှုန်း ၁ နာရီ ၁၃၅ မိုင်နှုန်းရှိ

ရန်ကုန်၊ မေ ၁၈

ဘင်္ဂလားပင်လယ်အော်တွင်ဖြစ်ပေါ်လျက်ရှိသော ဆိုင်ကလုန်း မုန်တိုင်း အမ်ဖန် AMPHAN သည် ယနေ့ ညနေ ၃ နာရီ ၃၀ မိနစ် တိုင်းထွာချက်များအရ စူပါဆိုင်ကလုန်းမုန်တိုင်းကြီးအဖြစ် ရောက်ရှိသွားပြီဖြစ်ပြီး တစ်နာရီ အမြင့်ဆုံးလေတိုက်နှုန်း ၁၃၅ မိုင်ရှိနိုင်ကြောင်း မိုးလေ၀သနှင့်ဇလဗေဒညွှန်ကြားမှုဦးစီးဌာနက ထုတ်ပြန်ကြေညာသည်။

ဘင်္ဂလားပင်လယ်အော်အနောက်အလယ် ပိုင်းတို့တွင် ဖြစ်ပေါ်နေသော အလွန့်အလွန်အားကောင်းသော ဆိုင်ကလုန်းမုန်တိုင်း (Extremely Severe Cyclonic Storm) အမ်ဖန် (AMPHAN) သည် မြောက်ဘက်သို့ ရွေ့ လျားခဲ့ပြီး၊ ပိုမိုအားကောင်းလာကာ စူပါဆိုင်ကလုန်းမုန်တိုင်း( Super Cyclonic Storm) အမ်ဖန် (AMPHAN)အဖြစ်သို့ ရောက်ရှိခဲ့ပါသည်။ အဆိုပါ စူပါဆိုင်ကလုန်းမုန်တိုင်း (Super Cyclonic Storm) အမ်ဖန် (AMPHAN)သည် အိန္ဒိယနိုင်ငံ၊ ပါရာဒစ်ပ်မြို့ (Paradip) (ဩရိဿ-Odisha)၏ တောင်ဘက် ရေမိုင် (၄၁၀)မိုင်ခန့်၊ ဒီဂါမြို့(Digha)၏ တောင်-အနောက်တောင်ဘက် ရေမိုင် (၄၉၀)မိုင်ခန့်၊ ဘင်္ဂလားဒေ့ရ်ှနိုင်ငံ၊ ကမ်ပူပါရာ မြို့ (Khepupara) ၏ တောင်-အနောက်တောင်ဘက် ရေမိုင် (၅၅၅)မိုင်ခန့်၊ မြန်မာ နိုင်ငံ၊ ကိုကိုးကျွန်းမြို့ (Coco Island)၏ အနောက်ဘက် ရေမိုင် (၄၁၅)မိုင်ခန့်နှင့် ပုသိမ် မြို့ (Pathein)၏ အနောက်တောင်ဘက် ရေမိုင် (၅၂၅)မိုင်ခန့်အကွာ ပင်လယ်ပြင်ကို ဗဟိုပြုနေကြောင်း ဖော်ပြထားသည်။

စူပါဆိုင်ကလုန်းမုန်တိုင်း(Super Cyclonic Storm) အမ်ဖန် (AMPHAN)၏ လက်ရှိအခြေ အနေမှာ မြန်မာနိုင်ငံဘက်သို့ ဦးတည်ရွေ့လျားမည့် အခြေအနေမရှိသေးသဖြင့် အဝါ ရောင်အဆင့်ဟု သတ်မှတ်ကြောင်း၊စူပါဆိုင်ကလုန်းမုန်တိုင်းကြီး၏ အမြင့်ဆုံးလေတိုက်နှုန်းမှာ တစ်နာရီလျှင် (၁၃၅)မိုင်နှုန်း ဖြစ်ကြောင်း၊ အဆိုပါ စူပါဆိုင်ကလုန်းမုန်တိုင်း (Super Cyclonic Storm) အမ်ဖန် (AMPHAN)သည် မြောက်- အရှေ့မြောက်ဘက်သို့ကွေ့ကာ၊ အိန္ဒိယနိုင်ငံ၊ အနောက်ဘင်္ဂလားပြည်နယ်နှင့် ဘင်္ဂလားဒေ့ရ်ှနိုင်ငံကမ်းခြေ ဒေသများကို ဖြတ်ကျော်ဝင်ရောက်နိုင်သည်ဟု ခန့်မှန်းရကြောင်း သတင်းထုတ်ပြန်ထားသည်။

စူပါဆိုင်ကလုန်းမုန်တိုင်း (Super Cyclonic Storm) အမ်ဖန် (AMPHAN) ၏ အရှိန် ကြောင့် (၁၈.၅.၂၀၂၀)မှ (၂၁.၅.၂၀၂၀)ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊ မန္တလေး တိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်း ရွာနိုင်ကြောင်း အသိပေးထုတ်ပြန်ထားသည်။

စူပါဆိုင်ကလုန်းမုန်တိုင်းကြောင့် မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင် မြေပြင်လေသည် တစ်နာရီလျှင် မိုင်(၄၀)အထိ တိုက်ခတ်နိုင်ကြောင်း၊ လှိုင်းအမြင့်မှာ မြစ်ဝကျွန်းပေါ်၊ ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ၈ ပေ မှ ၁၂ ပေခန့်ရှိနိုင်ကြောင်း၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်း များကျရောက်ပြီး လှိုင်းအသင့်အတင့်မှ လှိုင်းကြီးမည်ဖြစ်ကြောင်း၊ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် (၃၅)မိုင်မှ မိုင်(၄၀)အထိ တိုက်ခတ်နိုင်ကြောင်း၊ လှိုင်းအမြင့်မှာ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၈ ပေ မှ ၁၀ ပေခန့်ရှိနိင်ကြောင်း သိရှိရသည်။

အသိပေးနှိုးဆော်ချက်အနေဖြင့် အဆိုပါ စူပါဆိုင်ကလုန်းမုန်တိုင်း (Super Cyclonic Storm) အမ်ဖန် (AMPHAN) ၏ အရှိန် ကြောင့် ဖြစ်ပေါ်လာနိုင်သည့် မိုးသက်လေပြင်းများ ကျရောက်ပြီး၊ လှိုင်းကြီးမည့် အခြေအနေများကို မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေး သွားလာနေကြ သော ငါးဖမ်းရေယာဉ်များ၊ သင်္ဘောများအနေဖြင့်လည်းကောင်း၊ ဆိုးရွားသည့် မိုးလေဝသအခြေအနေ များကို လေကြောင်းပျံသန်းရေးအနေဖြင့်လည်းကောင်း ကြိုတင်သတိပြုနိုင်ပါရန် အသိပေး ကြေညာထားသည်။

19/05/2020

မလေးရှားပြန် ၃ ဦးထံမှ ကိုဗစ်ရောဂါ ဆက်တိုက်တွေ့ရှိရ၊ ကိုဗစ်လူနာ စုစုပေါင်း ၁၉၁ ဦးရှိလာ

ရန်ကုန်၊ မေ ၁၉

ကျန်းမာရေးနှင့်အားကစား၀န်ကြီးဌာန၏ ယနေ့ နံနက် ၇ နာရီ ထုတ်ပြန်ချက်အရ မလေးရှားပြန် ၃ ဦးထံမှ ကိုဗစ်ရောဂါ စစ်ဆေးတွေ့ရှိရပြီး ကိုဗစ်လူနာ စုစုပေါင်း ၁၉၁ ဦးရှိလာကြောင်း သိရှိရသည်။

မကွေးတိုင်း၊ တောင်တွင်းကြီးမြို့နယ်မှ အသက် ၅၀ နှစ်အရွယ် အမျိုးသား၊ ရခိုင်ပြည်နယ် တောင်ကုတ်မြို့နယ်မှ အသက် ၂၅ နှစ်အရွယ် အမျိုးသား၊ ဧရာ၀တီတိုင်း ပန်းတနော်မြို့နယ်မှ အသက် ၂၀ နှစ်အရွယ် အမျိုးသားတို့တွင် ကိုဗစ်ရောဂါ တွေ့ရှိရခြင်းဖြစ်ပြီး ၎င်းတို့အားလုံးသည် အသွားအလာကန့်သတ်ထားသူဖြစ်ကြောင်း၊ မလေးရှားမှ ပြန်လာကြသူများဖြစ်ကြောင်း သိရှိရသည်။

ယခုအခါ မြန်မာနိ်ုင်ငံတွင် ကိုဗစ်ရောဂါ အတည်ပြုလူနာ ၁၉၁ ဦးရှိပြီး ယင်းတို့ထဲတွင် မလေးရှားပြန် ၆ ဦးပါ၀င်သည်။

14/05/2020

အလုံမှ ကိုဗစ်လူနာအမျိုးသမီးသည် ပရဟိတသမားနှင့် နိုင်ငံရေးပါတီတစ်ခု၏ မြို့နယ် တွဲဖက်အတွင်းရေးမှူးဖြစ်ပြီး လူအနာအမှတ် ၁၇၉ ၏ အမေများနေ့ အင်တာဗျူး ဖြေဆိုခဲ့ရင်း ရောဂါကူးစက်ခံရ၊ လူနာအမှတ်စဉ် ၁၇၉ သည် သတင်းထောက်ဟုတ်၊ မဟုတ် အတည်မပြုနိုင်သေးသော်လည်း ခဝဲခြံ ၂ လမ်းမှ မိသားစုဝင်ဖြစ်

ရန်ကုန်၊ မေ ၁၄

အလုံမြို့နယ်မှ လူနာအမှတ်စဉ် ၁၈၁ အသက် ၅၂ နှစ်အရွယ် ကိုဗစ်လူနာအမျိုးသမီးသည် ပရဟိတသမားဖြစ်ပြီး လူနာအမှတ် ၁၇၉ က အမေများနေ့ လာရောက်မေးမြန်းသော အင်တာဗျူးကို ဖြေဆိုစဉ် ရောဂါကူးစက်ခံလိုက်ရခြင်းဖြစ်ကြောင်း အလုံမြို့နယ်မှ ရန်ကုန်တိုင်းဒေသကြီး လွှတ်တော်အမတ် ဒေါ်နွယ်နွယ်ဝင်းက ရန်ကုန်ခေတ်သစ်သတင်းဌာနသို့ ပြောဆိုသည်။

"Case 179 က အမေများနေ့မှာ သူ့ကို လာပြီးတော့ အင်တာဗျူးလုပ်တာ။ အဲဒီကနေပြီးတော့မှ ဆက်စပ်ဖြစ်သွားတာ။ အခုတော့ သူနဲ့ ထိတွေ့သူများတယ်။ ပရဟိတသမားဖြစ်တော့လေ။ အခုတော့ ထိတွေ့သူကိုလိုက်နေပါတယ်"ဟု ဒေါ်နွယ်နွယ်ဝင်းက ရှင်းလင်းပြောဆိုသည်။

လူနာ Case 181 သည် အလုံမြို့နယ် ဌာနရပ်ကွက် ၊ဧရာဝတီလမ်းနေ ထိုင်သူဖြစ်ပြီး လက်ရှိတွင် ၎င်းနေထိုင်ရာနေရာကို Lock down ချပြီးဖြစ်ကြောင်း ၊ လူနာအမှတ်စဉ် ၁၈၁ သည် နိုင်ငံရေးပါတီတစ်ခု၏ အလုံမြို့နယ် တွဲဖက် အတွင်းရေးမှူး လည်းဖြစ်ကြောင်း စုံစမ်းသိရှိရသည်။

လူနာအမှတ်စဉ် ၁၇၉ သည် အသက် ၂၁ နှစ်အရွယ် အမျိုးသားဖြစ်ပြီး အင်းစိန်မြို့နယ်မှ ဖြစ်ကြောင်း သိရှိရသည်။

လူနာအမှတ်စဉ် ၁၇၉ (Case 179 ) သည် သတင်းထောက်ဟုတ်၊ မဟုတ် အတည်မပြုနိုင်သော်လည်း အင်းစိန်မြို့နယျ ခဝဲခြံ ၂ လမ်းမှ ကိုဗစ်ရောဂါကူးစက်ခံရသူ မိသားစုဝင်တစ်ဦး ဖြစ်ကြောင်း အင်းစိန်မြို့နယ်မှ ရန်ကုန်တိုင်းဒေသကြီး လွှတ်တော်အမတ် ဦးဝေဖြိုးဟန်က ပြောဆိုသည်။

"မနက်ကလည်း Case 179 က သတင်းထောက်လားဆိုပြီး မေးတယ်။ ကျနော်ပြောနိုင်တာက သူက အင်းစိန်၊ ခဝဲခြံ ၂ လမ်းက ကိုဗစ်အကူးခံရတဲ့ မိသားစုဝင် တစ်ဦးဖြစ်ပါတယ်။ သူ ဘာအလုပ်လုပ်လဲဆိုတာကို ကျနော်သေချာမသိပါဘူး" ဟု ဦးဝေဖြိုးဟန်က ပြောဆိုသည်။

မြန်မာနိုင်ငံတွင် ကိုဗစ်လူနာစုစုပေါင်း ၁၈၁ ဦးရှိလာပြီဖြစ်ပြီး သေဆုံး ၆ ဦးရှိကြောင်း အစိုးရက တရားဝင်သတင်းထုတ်ပြန်ထားသည်။

ဓာတ်ပုံ- ယမန်နေ့ ညပိုင်းက အလုံမြို့နယ် ဧရာဝတီလမ်းကို သက်ဆိုင်ရာက လာရောက် Lock Down ချရန် ပြင်ဆင်စဉ်။ Photo Credit- Nay Myo Paing Facebook

13/05/2020

စောင့်ကြည့်လူနာတဦးသေဆုံး13/5/2020 (ထီလာ)
#ရောဂါလက္ခဏာ မသိရှိရသေး။

11/05/2020

မူဆယ် မောင်းတန် ည 8: 25 အေးရှားဝေါ မိုင်းကွဲ

11/05/2020

ဒီနေ့...မနက် ၇နာရီခွဲတုန်းက ရွေပြည်သာ...မာ ဖစ်သွားတဲ့
ကားတိုက်မှူ....
#မိဘတယောက်ဆုံးရှုံး လိုက်ရလို့
ဘယ်သားသမီးမဆိုတော့....
ပြောမပြတတ်လောက်အောင် သူ့ခမျာ ဖစ်နေရှာမာဘဲ....
ကိုယ်ချင်းစာမိတယ်......😥Vro
တော်ရုံ တနိရုံ လူ သာဆို အဲနေရာ သွေးပျက်ပီး ရူးသွားပီ
ဒီVroမာတော့ အမေဆိုတော့ အတွေးနဲ့ သူမာသေချာကြည့်ပီး ငိုနေတာဗျ....လူငယ်ချင်း ကိုယ်ချင်းစာ မိပါတယ်
ပိုဆိုးတာက.....အမေ နဲ့ သား....... ဖစ်နေတာပေါ့
သား ယောက်က်ျားလေးတွေရဲ့. အနှိုင်းမဲ့က အမေ တွေဘဲ
#စိတ်မကောင်းဘူး ခုလို မြင်ကွင်းမ်ျုးတွေ မြင်ရတော့

crd

11/05/2020

မလှိုင်မြို့နယ်အတွင်းရှိ ရပ်ကွက်/ကျေးရွာများရှိမိဘပြည်သူများခင်ဗျာ မိုးရွာ၍ လေပြင်းများတိုက်ခတ်နိုင်ပါသဖြင့် နောက်ဆက်တွဲ ဘေးအန္တရာယ်များ ဖြစ်ပွားခြင်းနှင့် အခြားဘေးအန္တရာယ်အမျိူးအမျိူးဖြစ်ပွားလာပါက မြို့နယ်မီးသတ်ဦးစီးဌာနမှ ရှာဖွေကယ်ဆယ်ရေးတပ်ဖွဲ့ဝင်များအသင့်စုဖွဲ့ထားရှိပြီးဖြစ်ပါသည်။
သို့ဖြစ်ပါ၍ ဘေးအန္တရာယ်တစ်စုံတစ်ရာကျရောက်လာပါက လျင်မြန်စွာတုန်ပြန့်နိုင်ရန်နှင့်မိဘပြည်သူများအားအကူအညီပေးနိုင်ရန် အသင့်ရှိပါသည်။
ဆက်သွယ်ရန်ဖုန်းနံပတ်များမှာ -
မလှိုင်မြို့နယ်မီးသတ်ဦးစီးဌာန-၀၆၄၂၀၆၀၂၅၃(သို့)191 (mpt,telenor, ooredoo)ဖုန်းများဖြင့်အရေးပေါ်ဆက်သွယ်နိုင်ပြီး၊
ပန်းအိုင်နယ်မြေမီးသတ်စခန်း - ၀၉၇၉၀၈၀၉၇၆၀
မြို့နယ်မီးသတ်ဦးစီးမှူး- ၀၉-၂၅၉၇၅၆၀၀၇
မြို့နယ်မီးသတ်စခန်း - ၀၉၉၆၉၈၇၁၇၂၂တို့ကိုဆက်သွယ်နိုင်ပါသည်။

11/05/2020

ကမ္ဘာတစ်ဝန်းတွင် COVID-19 ဖြစ်ပွားမှုနှင့် သေဆုံးမှု အခြေအနေ
နေပြည်တော်၊ (၂၀၂၀) ပြည့်နှစ်၊ မေလ (၁၁) ရက်နေ့

ကမ္ဘာ့ကျန်းမာရေးအဖွဲ့မှ (၁၁-၅-၂၀၂၀) ရက်နေ့တွင် ထုတ်ပြန်ချက်များအရ ကမ္ဘာတစ်ဝန်းတွင် COVID-19 ဖြစ်ပွားသူ (၃,၉၇၆,၀၄၃) ဦးရှိပြီး သေဆုံးသူ (၂၇၇,၇၀၈) ဦးရှိပါသည်။

11/05/2020

မိတ္ထီလာ၌ လေပြင်းတိုက်ပြီးမိုးသည်းထန်စွာရွာသွန်းမှုကြောင့် ပြိုလဲကျသည့်ကြော်ငြာဆိုင်းဘုတ်နဲ့ သက်တမ်းရင့်သစ်ပင်ကြီးတချို့ကိုဖယ်ရှားရှင်းလင်း
မိတ်ထီလာ-မေ ၁၁

11/05/2020

ကိုဗစ်ဖျက်ဆီးခံရသော ဘ၀နွမ်းတချို့.......

By ကိုထွေး

ရန်ကုန်မြို့ရဲ့ ပူပြင်းတဲ့နေရောင်အောက် ၊ ကတ္ကရာလမ်းမပေါ်မှာ အပူငွေ့တွေက အခိုးတွေ ထနေသလို တံလျှပ်ထနေတယ်။ ပါရမီလမ်းမကြီးရဲ့ ဘေးသစ်ပင်အရိပ်တွေ အောက်မှာ အမျိုးသမီးငယ် ၁၀ ဦးထက်မနည်း ၊ ၃ ဦး တစ်ဖွဲ့စီ သစ်ပင် အရိပ်တွေခိုနေကြပြီး သူတို့မျက်လုံးတွေက ဖြတ်သန်းသွားတဲ့ ကားတွေဆီကို တစ်စီးပြီး တစ်စီး ကြည့်ကာ မျက်လုံးကစားနေကြပါတယ်။

သိပ်မကြာခင်မှာ ငွေရောင် Toyota Belta ကားလေးတစ်စီး အချက်ပြ ဆိုက်ကပ်လာပြီး အမျိုးသမီးတစ်ဦးက ကားပြတင်းပေါက်ကနေ ကားမောင်းသူနဲ့ ၃ မိနစ်လောက် စကားပြောဆိုနေကြတယ်။ သိပ်မကြာခင်မှာပဲ အမျိုးသမီးငယ် ၁ ဦး ကားပေါ်တက်သွားပြီး ကားကလည်း အမျိုးသမီးငယ်ကို တင်ဆောင် ထွက်ခွာသွားပါတယ်။

"ဒီအလုပ်ကို လုပ်တာ တကယ့်ကို ရက်ပိုင်းပဲရှိပါသေးတယ်။ အိမ်ထောင်ကျခဲ့တယ်။ အမျိုးသားက ဆုံးသွားပါပြီ။ သမီးလေး ရှိပါတယ်။ ရွှေပြည်သာစက်မှုဇုန် စက်ရုံတစ်ခုမှာ လုပ်နေတာ သင်္ကြန်မတိုင်မီက စက်ရုံက နားသွားပါတယ်။ အဓိက ကိုဗစ်ကပ်ရောဂါကြောင့် ရပ်သွားတာ။ ဘယ်တော့ ပြန်ဖွင့်မယ်ဆိုတာလည်း သေသေချာချာ မသိဘူး။ အိမ်ငှားစရိတ်၊ ကလေးစရိတ်၊ ကိုယ့်ကို မှီခိုနေတဲ့ အမေ ရှိတော့ ၀င်ငွေမရှိရင် ဘယ်လိုမှ မရပ်တည်နိုင်ပါဘူး။ ဒါနဲ့ ဒီအလုပ်ကို အချိတ်အဆက်ရပြီး လုပ်ဖြစ်တာ။ ကိုယ်နဲ့အတူ ဘ၀တူ ၇ ဦးလောက်ပါတယ်" လို့ ရှင်းပြနေသူက ပါရမီလမ်းမဘေး အရိပ်ခိုနေတဲ့ အမျိုးသမီးတွေထဲက တစ်ဦးပါ။

သူ့အသက် ၂၇ နှစ်လောက်ရှိပြီး စကားပြောနေတဲ့ အချိန်မှာ အနည်းငယ်လည်း ကြောက်ရွံ့နေပုံပါပဲ။ မေးမြန်းသူကို ရဲမဟုတ်ပါဘူးနော် လို့ မကြာခဏလည်း မေးမြန်းပါသေးတယ်။ သူက ရွှေပြည်သာမြို့နယ်က လာတာပါ။ စက်ရုံ၊ အလုပ်ရုံတွေ နားသွားတဲ့အချိန် အလုပ်ပြုတ်သွားရာက ရွေးချယ်စရာမရှိလို့ ဒီပြည့်တန်ဆာလုပ်ငန်းခွင်ထဲ ရောက်ရှိလာပုံကို သေချာရှင်းပြနေတာပါ။ သူနဲ့ ဘ၀တူ အမျိုးသမီးတွေလည်း ရှိနေတယ်ဆိုတာ သူက အခိုင်အမာပြောဆိုနေတာပါ။

"အချိတ်အဆက်ဆိုတာက အရင်ကတည်းက ဒီအလုပ်ကို လုပ်နေတဲ့သူပါ။ နှစ်မျိုးပေါ့။ ဒီရက်ပိုင်းမှာ အလုပ်၀င်သူနဲ့ အရင်ကတည်းက လုပ်နေတဲ့သူ တွေပေါ့။ စက်ရုံတွေဘက်မှာ အလုပ်မရှိလို့ ရက်ပိုင်းအတွင်း ဒီအလုပ်လာ၀င်တဲ့သူတွေက သိသလောက်ပေါ့နော် ကျမတို့အတူတူထဲမှာဆိုရင် အိမ်ထောင်သည်တွေ ပါသလို၊ တစ်ခုလပ် ၊ မုဆိုးမ အဲလိုမျိုးတွေက များပါတယ်။ ငယ်ငယ်ရွယ်ရွယ် အပျိုမျိုးကတော့ သိပ်မပါဘူး။ ရွေးချယ်စရာမရှိတော့ ဒါပဲ လုပ်ရမယ့် အခြေအနေမျိုးရောက်လာတာပါ။ စား၀တ်နေရေးပါ။ ဒီကာလမှာ စား၀တ်နေရေးပဲ"လို့ သူက ဆက်ပြောပါတယ်။

ပါရမီလမ်းမပေါ်မှာ ယခင်ကတည်းက ပြည့်တန်ဆာလုပ်ငန်း လုပ်ကိုင်နေတဲ့ ခေါင်းတွေ ရှိနေပြီး သူတို့ကတော့ ခေါင်းတွေနဲ့ မချိတ်ဆက်ဘဲ ကိုယ့်ဟာကိုယ် အစုအဖွဲ့နဲ့ ဧည့်သည်ရှာတာမို့ ရဲဖမ်းခံရမှာကို စိုးရိမ်တယ်လို့ ဆိုပါတယ်။

ပုံမှန် အလုပ်လုပ်ကိုင်နေတဲ့ ပြည့်တန်ဆာ ခေါင်းတွေကတော့ ပြည့်တန်ဆာ အမျိုးသမီးတွေအတွက် တက္ကစီတစ်စီးဘေးမှာရပ်ထားလို့ အချိန်မရွေး အဖမ်းအဆီး ၀င်လာရင် ပြေးနိုင်အောင် စီမံထားပေးနိုင်ကြပေမယ့် သူတို့မှာတော့ အဲဒီလို မစီမံနိုင်ဘူးလို့ ဆိုပါတယ်။

"ညဆိုရင်လည်း ကာဖျူးက ရှိနေတယ်။ ၁၀ နာရီကနေ နံနက် ၄ နာရီ ညမထွက်ရရှိတာရယ်၊ ည ၇ နာရီကျော်ရင် ကားမရှိတော့ဘူး။ အဲဒီတော့ မနက် ၁၁ လောက်ဆိုရင် ဒီကို ရောက်တယ်။ ညနေ ၆ နာရီလောက်ဆိုရင် ပြန်တယ်။ ဒီလိုအချိန်က ကားအသွားအလာ နည်းနည်းကျဲတော့ ဒီလို အုပ်စုလိုက်ကြီး နေ့ဘက်ကြီးမြင်ရတာ တစ်မျိုးတော့ ဖြစ်တယ်။ ဒါပေမယ့်လည်း ညဘက်က ဘယ်လိုမှ အဆင်မပြေဘူး" လို့ သူမက ဆက်ပြောပါတယ်။

ဧည့်သည်ရောက်လာတဲ့အခါ ပုံမှန်စျေး ၁ ကြိမ် လိင်ဆက်ဆံမှုပြုပြင်ရင် ၂ သောင်း၊ ၁ နာရီ (တစ်ဆက်ရှင်) ၃ သောင်း သတ်မှတ်ထားပေမယ့် ကိုဗစ်ကာလမှာ ဧည့်သည်ပါးလွန်းတာမို့ လာချိတ်ဆက်တဲ့ ဧည့်သည် မလွတ်အောင် ညှိနှိုင်းစျေးနဲ့ အလုပ်ဖြစ်အောင် အဓိက လုပ်တယ်လို့ ဆိုပါတယ်။

တနင်္ဂနွေတစ်ရက်ကို နားပြီး တနင်္လာကနေ စနေအထိ ၆ ရက်လုံးလုံး အလုပ်လုပ်ပေမယ့်လည်း ရတဲ့၀င်ငွေကလည်း ပုံမှန်မရှိဘူးလို့ ဆိုပါတယ်။

"အပြင်ထွက်သူ အရမ်းနည်းတယ်။ ကားသမားတွေ လာကြတာများတယ်။ ပုံမှန်တော့ ၀င်ငွေက မရှိဘူး။ တချို့ရက်တွေဆိုရင် ညနေသာ စောင်းသွားတယ်။ ဧည့်သည် မရဘူး။ တချို့ရက်တွေဆိုရင်တော့ ၃ သောင်းနဲ့ ၅ သောင်းကြားရတယ်။ ပုံမှန်မရှိဘူး။ ရတဲ့ရက်တွေက ငွေကို စုထားပြီး မရတဲ့ရက်တွေမှာ သုံးရတာ။ အပြင်ထွက်ရင်လည်း စရိတ်က အကုန်အကျများတယ်" လို့ သူမက ဆိုပါတယ်။

လာရောက် ပျော်ပါးတဲ့ ဧည့်သည်တွေဆီက ကိုဗစ်ကူးစက်မှာကို စိုးရိမ်လို့ Mask ၊ လက်ဆေးရည် တွေ ဆောင်ပြီး မကြာခဏ လက်ဆေးတယ်လို့ သူက ဆိုပါတယ်။ ဒါပေမယ့် တချို့ ဧည့်သည်တွေက Mask ကို အတင်းဖြုတ်ခိုင်းတဲ့အခါလည်း ဖြုတ်ပေးရတယ်လို့လည်း ဆိုပါတယ်။ ကိုဗစ်ကြောက်ပေမယ့် ဧည့်သည်တောင်းဆိုမှုကို ငြင်းပယ်ဖို့ ခက်တယ်လို့ ဆိုပါတယ်။

"ဧည့်သည်အများစုက Mask ဖြုတ်ခိုင်းတယ်။ ကိုယ်က မဖြုတ်ချင်ဘူး။ ဧည့်သည် ၁၀ ဦးမှာ ၈ ဦးက Mask ဖြုတ်ခိုင်းတယ်။ တချို့ကလည်း သိတဲ့အတိုင်းပဲ....သူတို့ လုပ်ခိုင်းချင်တာအတွက် Mask ဖြုတ်ထားမှ အဆင်ပြေတာဆိုတော့ ဖြုတ်ရတာပဲ" လို့ သူမက ဆိုပါတယ်။

ရွှေပြည်သာစက်မှုဇုန်က အလုပ်နားပြီးတဲ့နောက် ရက်ပိုင်းအတွင်းမှာပဲ ဒီအလုပ်ကို လုပ်ဖြစ်တာမို့ မိသားစုဘက်ကတော့ အခြားအလုပ် ပြောင်းလုပ်နေတယ်လို့ သိထားပြီး ဒီအလုပ်ကို လုပ်နေတာ အသိမပေး၊ အသိမခံဘူးလို့ သူမက ဆက်လက်ပြောပါတယ်။

ရွှေပြည်သာ စက်မှုဇုန်မှာ အလုပ်လုပ်တုန်းကတော့ အခြေခံလစာအပါ အချိန်ပိုကြေးအပါ တစ်လကို ၂ သိန်း ၄ သောင်းလောက်ရရှိတယ်လို့ ဆိုပါတယ်။ အခုအလုပ်ကတော့ ရက်ပိုင်းအတွင်း သိန်းချီ ရနိုင်ပေမယ့်လည်း ရေရှည်လုပ်ဖို့တော့ အစီအစဉ်မရှိဘူးလို့ သူက ဆိုပါတယ်။

"ကိုယ်လည်း မဖြစ်မနေမို့လို့သာ လုပ်တာပါ။ ဒီအလုပ်ကြီးကို ရေရှည်လည်းမလုပ်ပါဘူး။ ကိုဗစ်ကြီးပြီးလို့ အလုပ်ရုံ စက်ရုံတွေ အလုပ်သမားတွေ ပြန်ခေါ်ရင် အလုပ်ပြန်လျှောက်မှာပါ။ အခုက အခိုက်အတန့် သဘောမျိုးပဲ။ ကိုယ့်သမီးလေးလည်းရှိသေးတယ်။ ဒါကြီးကိုတော့ ရေရှည် မလုပ်ဘူး။ ငွေရပေမယ့် နောက်ကျောမလုံဘူး။ လမ်းမပေါ်မှာ ရပ်နေတိုင်း ဘယ်အချိန်မှာ အဖမ်းခံရမလဲ ဒါလည်း စိတ်ပူနေတယ်။ တစ်ခါတစ်လေ သူ့ဟာသူ ဖြတ်သွားတဲ့ ရဲကားမြင်ရင်တောင် ခြေတွေ လက်တွေ တုန်တယ်။ ကိုယ်အဖမ်းခံရရင် ကျန်ခဲ့မယ့် အမေနဲ့ သမီး ဘယ်လိုနေမလဲဆိုတာ တွေးပြီး အဖမ်းခံရမှာ ကြောက်တယ်" လို့ သူမက ဆိုပါတယ်။

ကိုဗစ်ကာလမှာ ရပ်နားသွားတဲ့ စက်ရုံ၊ အလုပ်ရုံတွေ မြောက်မြားစွာရှိနေပြီး အလုပ်ရပ်နားနေရတဲ့ အလုပ်သမားအရေအတွက်ဟာလည်း သောင်းချီ ရှိနေပါတယ်။

ပါရမီလမ်းမကြီးဘေး သစ်ပင်ရိပ်အောက်မှာတော့ ညနေ ၄ နာရီထိုးလာချိန်မှာတော့ တချို့ အမျိုးသမီးတွေ မရှိတော့ဘဲ တချို့ အမျိုးသမီးတွေကတော့ ဖုန်းလေးတွေ ပွတ်ရင်း၊ တချို့ အမျိုးသမီးတွေကတော့ လမ်းမပေါ်က ကားတွေကို ငေးကြည့်ရင်း ဧည့်သည်မျှော်နေကြဆဲပါ..........။

Photo Credit - ကိုထွေး

www.khitthitnews.com

10/05/2020

ရမည်းသင်းခရိုင်တွင် လေပြင်းတိုက်ခိုက်မှုကြောင့် အိမ်ခြေ ၁၀၀ ကျော်ပျက်စီးပြီး လမ်းမီးတိ်ုင်များပြိုလဲ

ရန်ကုန်၊ မေ ၁၀

မန္တလေးတိုင်းဒေသကြီး ၊ ရမည်းသင်းခရိုင်၊ ပျော်ဘွယ်မြို့နှင့်ရမည်းသင်းမြို့နယ်တွင် ယနေ့ နေ့လယ်ပိုင်းက လေပြင်းများတိုက်ခတ်မှုကြောင့် အိမ်ခြေ ၁၀၀ ကျော်ပျက်စီးပြီး လမ်းမီးတိုင်များ ပြိုလဲခဲ့ကြောင်း သိရှိရသည်။

ပျော်ဘွယ်မြို့နယ် ထရန်ကာအုပ်စု ၊သီးပင်ကျေးရွာတွင် မေလ(၁၀)ရက်နေ့ နေ့လယ် ၁ နာရီခွဲခန့်အချိန်တွင် လေပြင်းတိုက်ခတ်မှုကြောင့် အိမ်ခြေ(၁၂၅)လုံး ပျက်စီးခဲ့ကြောင်း ပျော်ဘွယ်မြို့နယ် မီးသတ်တပ်ဖွဲ့ဦးစီးမှူး ဦးအောင်သက်လှိုင်က ပြောသည်။

“လေပြင်းတိုက်လို့ ပျက်စီးသွားတဲ့ အိမ်ခြေက (၁၂၅)လုံး၊ ၁၂ လုံးက ပြိုကျတယ်၊ ကျန်တာ အမိုးလန်သွားတယ်၊မြို့နယ်က တာဝန်ရှိသူတွေကော၊ တင့်ကားတပ်ရင်းက တပ်မတော်သားတွေကော လာရောက်ကူညီပေးနေပါတယ်”ဟု ဦးအောင်သက်လှိုင်က ပြောသည်။

သီးပင်ကျေးရွာတွင် အိမ်(၁၂)လုံးမှာ လေပြင်းတိုက်ခတ်မှုကြောင့် ပြိုကျပျက်စီးခဲ့ကာ အိမ်(၁၁၃)လုံးခန့်မှာ အမိုးများလန်ကာ ပျက်စီးခဲ့သည့်အတွက် ပျော်ဘွယ်မြို့နယ် မီးသတ်တပ်ဖွဲ့ဝင်များက လာရောက်ရှင်း လင်းဆောင်ရွက်ပေးနေကြောင်း သိရသည်။

“ကျွန်တ်ာတို့အခု စာရင်းစစ်နေတုန်းပဲ၊ ကျောင်းတွေလဲ နည်းနည်းပျက်တယ်၊ ဘုရားတစ်ဆူလဲပါသွားတယ်၊ မြေကြီးပေါ် ပြားသွားတဲ့အိမ်က ၈ လုံးလောက်ပါသွားတယ်”ဟု သီးပင်ကျေးရွာမှ ဦးကျော်ဆန်းဦးကပြောသည်။

ရမည်းသင်းမြို့ပေါ်တွင် မေလ (၁၀)ရက် နေ့လယ် ၁ နာရီ ၃၀ မိနစ် အချိန်က လေပြင်းတိုက်ခတ်မှုကြောင့် မြို့ပေါ်ဗိုလ်ချုပ်ပန်းခြံအနီးရှိ မီးကြိုးများသွယ်တန်းထားသည့် ဓါတ်တိုင်(၁၃) တိုင် လမ်းမများပေါ်သို့ လဲပြိုခဲ့ကြောင်း ရမည်းသင်းမြို့နယ် အထွေထွေအုပ်ချုပ်ရေးဦးစီးရုံးထံမှ သိရသည်။

10/05/2020

9.5.2020 ယနေ့ မလှိုင်မြို့ဝင် ကိုစာကြီးစစ်ဆေးရေးဂိတ် တွင် အမျိုးသမီးတဦးသတိလစ်မူးလဲသဖြင့် မလိူင်မြို့ပြည်သူ့ဆေးရုံသို့ပို့ဆောင်.....တောင်ကြီးမှပြန်လာလို့သိရှိရပါတယ်။

Kyaw Than

09/05/2020

မလှိုင်

9'5'2020ရက်နေ့မလိူင်မြို့နယ် ယာကြီးကုန်းကျေးရွာတွင်အသက်၃၁နှစ်ရှိလူတစ်ဦးကြိုးဆွဲချသေဆုံး၍၎င်း D Bအားမလိူင်ပြည့်သူ့ဆေးရုံသို့(ဗလငါးတန်)လူမှူကူညီစောင့်ရှောက်ရေးအဖွဲ့မှသို့ဆောင်ကူညီ

သတင်းနှင့်ဓာတ်ပုံ
ကိုကျော်သန်း

07/05/2020

COVID-19 ရောဂါစောင့်ကြပ်ကြည့်ရှုမှုနှင့်ပတ်သက်၍ သတင်းထုတ်ပြန်ခြင်း
(၇-၅-၂၀၂၀) ရက်နေ့၊ ည (၈:၀၀)နာရီ
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄

၁။ (၇-၅-၂၀၂၀) ရက်နေ့၊ ညနေပိုင်းတွင် အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) မှ ပထမအသုတ်စစ်ဆေးပြီးစီးခဲ့သော ဓာတ်ခွဲနမူနာ (၈၃) ခု၊ ဆေးသုတေသနဦးစီးဌာနမှ စစ်ဆေးပြီးစီးခဲ့သော ဓာတ်ခွဲနမူနာ (၁၀၂) ခု၊ စုစုပေါင်း (၁၈၅) ခုတွင် -

• COVID-19 ရောဂါ ဓာတ်ခွဲအတည်ပြု လူနာသစ် (၁၄) ဦး တွေ့ရှိရပါသည်။

၂။ သို့ဖြစ်ရာ (၇-၅-၂၀၂၀) ရက်နေ့၊ ည (၈:၀၀)နာရီအထိ မြန်မာနိုင်ငံတွင် COVID-19 ရောဂါဓာတ်ခွဲ အတည်ပြုလူနာ (၁၇၆) ဦးရှိပြီဖြစ်ပါသည်။

၃။ ဓာတ်ခွဲအတည်ပြု လူနာဟောင်း (old confirmed case) များ၏ ဓာတ်ခွဲနမူနာများတွင် (၂) ကြိမ် ဆက်တိုက် ပိုးမတွေ့ရှိသူ (၁၂) ဦး (Case- 26, 46, 62, 63, 66, 69, 72, 79, 84, 118, 120, 132) ရှိသဖြင့် (၇-၅-၂၀၂၀) ရက်နေ့အထိ ပိုးကင်းစင်လာသူ စုစုပေါင်း (၆၂) ဦးရှိပါသည်။ ၎င်းတို့အနက် (၃၇) ဦးအား ဆေးရုံမှဆင်းခွင့်ပြုခဲ့ပြီးဖြစ်ကာ သတ်မှတ်နေရာများတွင် အသွားအလာ ဆက်လက် ကန့်သတ်၍ စောင့်ကြပ်ကြည့်ရှုလျက်ရှိပါသည်။

၄။ ဓာတ်ခွဲအတည်ပြုလူနာများအနက် သေဆုံးသူ (၆)ဦး ရှိပါသည်။

၅။ (၆-၅-၂၀၂၀) ရက်နေ့၊ နေ့လယ် (၁၂:၀၀) နာရီမှ (၇-၅-၂၀၂၀)ရက်နေ့၊ နေ့လယ် (၁၂:၀၀) နာရီအတွင်း တွေ့ရှိရသော စောင့်ကြည့်လူနာအသစ် (၇၀) ဦး ရှိပါသည်။

05/05/2020

စိတ်မနှံ့တဲ့အဘွားကြီးတစ်ဦးကိုမုဒိမ်းကျင့်၊အင်္ကျီနဲ့ပါးစပ်၊နှာခေါင်း၊လည်ပင်းတွေကိုပိတ်ဆို့သတ်ပစ်သူတရားခံ ၂ ဦးအားဖမ်းမိ
*************************************

စိတ်မနှံ့သောအဘွားကြီးတစ်ဦးအားမုဒိမ်းကျင့်ပြီးအင်္ကျီဖြင့်ပါးစပ်၊နှာခေါင်း၊လည်ပင်းတို့အားပိတ်ဆို့သတ်ပစ်မှုစစ်ကိုင်းတိုင်း၊စစ်ကိုင်းမြို့၊ ဒါးဝယ်စျေးရပ်ကွက်၊ ငါးထပ်ကြီး ဘုရားဝန်းအတွင်း ၌မေလ ၃ ရက်နေ့ည ၁၁ နာရီအချိန်ခန့်တွင်ဖြစ်ပွါးခဲ့ပြီး ကျူးလွန်သူတရားခံ၂ဦးအားဖမ်းမိထားကြောင်း စစ်ကိုင်းမြို့မရဲစခန်းမှသိရှိရသည်။

ကျူးလွန်သူများမှာ စစ်ကိုင်းမြို့၊ရွှေမင်းဝံရပ်ကွက်နေအ သက်(၂၄)နှစ်ရှိကိုဇင်မျိုး(ခ) ဂျက်နှင့်အသက်(၁၇)နှစ်ရှိမောင်အောင်ကျော်ထက်(ခ) စိုးပေတို့ဖြစ်‌ကြောင်းစစ်ကိုင်းမြို့မရဲစခန်းစခန်းမှူးဒုရဲမှူးကျော်ဇင်ထွေးကWeekly Head Line အားယခုကဲ့သို့ရှင်းပြသည်။

“အသတ်ခံရတဲ့အဘွားကြီးက စိတ်မနှံ့ဘဲလျောက်သွားနေတာ ၁၉နှစ်ရှိပါပြီ ဘုရားကြီးဘေးကဓမ္မာရုံအသစ်ကြီးအောက်မှာညကအိပ်တာ တ ရားခံ၂ယောက်ကရောက်လာတယ်အမှန်တော့တရားခံ ၂ ယောက်ကအဆောက်အအုံသစ်အောက်ကိုအရက်လာသောက်တာအရက်လာသောက်တဲ့အချိန်မှာစိတ်မနှံ့တဲ့အဘွားကြီးက မောင်းထုတ်တယ် ခဲတွေနဲ့ပေါက်လုပ်တော့ ဒီကောင်တွေက အဘွားကြီးကိုတွန်းလှဲပြီး အဓမ္မမှုဖြစ်တာပါအဘွားကြီး ရဲ့အင်္ကျီနဲ့ဘဲပါးစပ်တွေလည် ပင်းတွေနှာခေါင်းတွေ ကိုပိတ်လိုက်တော့သေသွားတာပါ” ဟုစစ်ကိုင်းမြို့မရဲစခန်းစခန်းမှူးဒုရဲမှူးကျော်ဇင်ထွေးမှပြော ဆိုသည်။
အသက်(၆၅)နှစ်အရွယ်ရှိစိတ်မနှံ့‌သောအမျိုးသမီးအားမုဒိမ်းကျင့် လူသတ်ခဲ့သူများအားစစ်ကိုင်းမြို့မရဲစခန်းမှ (ပ)၄၃၆/၂၀၂၀၊ ရာဇဝတ်ကြီးဥပဒေပုဒ်မ-၃၀၂ /၃၇၆ ဖြင့်ဖအမှုဖွင့်ဖမ်းဆီးအရေးယူထားကြောင်းသိရှိရသည်။

ဝေဇင်ကြည်