23/09/2020
#منقول
⚠️⚠️⚠️⚠️ردو بالكم يا نساء القيروان! ⚠️⚠️⚠️⚠️
توا نهارين لتالي صارتلي غريبة مروحة مالمستير للقروان طلعت في اللواج من قدام ماريتش شكون معايا لتالي , صارت عركة على البلاصة الي بحذا الشباك بين زوز بنات و مرا كبيرة, هبطت وحدة منهم تعارك و تعرعر للشوفور و قتلو باش نبدل اللواج, وقتها وين انتبهتلها و قعدت نثبت فاها نقول وجهها مش غريب عليا .. العركة طولت و انا الوقت الكل نحرق في مخي باش نتفكر وين ريتها !
اليوم تدق عليا باب الدار هيا و اختها وقتها تفكرتها!
يا جماعة الطفلة هذي خدمتها التحيل عاملة روحها سورية لاجئة اسمها بغداد (تدور بورقة متاع بسبور مطبوعة) و كل مرة تجي لمما تنحيلها فلوسها و كل مرة عندها كذبة حاضرة.. مرة باش تشري دواء لبوها المعاق في كروسة , مرة دواء لولدها صغير, مرة حليب و كوش لصغيرها, مرة راجلها يخدم في قهوة طردوه..
مرة نتفكر انا حليتلها و قعدت برشا نحكي معاها سخفتني برشا و قد مانقلكم ممثلة محترفة ماتصدقونيش! عداتها عليا! تحكي ياللغة السورية من غير حتى غلطة.. تتيتم و تتمسكن و تجيبها صحري بحري!
حاسيلو يا جماعة حليتلها الباب اليوم قتلي عاوني باش نشري أدوات لولدي باش يقرا!! (كذبة جديدة) انا قلتلها مش انت "مهرية" الي ركبت معايا في اللواج (سمعت اختها تعيطلها باسمها) !دخلت بعضها و باقي تنكر و تحكي بالسوري! ماخافت كان كي قلتلها راني صورتك و باش نشكي بيك للحاكم كان مازلت تجي!
الزوز نساء هاذم طلعو يسكنو في المنصورة و يجيو حتى لطريق حفوز يتحيلو و يكذبو, زوز لابسين جلبابات كحل, وحدة منهم بصحتها.
أكيد راو برشا منكم عداوها عليهم.
تحديث: هذي تصويرة وحدة فيهم (مش مهرية) شكرا
