BankeKhabar

BankeKhabar “हाम्रो प्रतिबद्धता, समाचारमा वास्तवता

06/10/2024

नेपाली काँग्रेस बाँकेले गरेको बडा दशै ,दिपावली एव छठ पर्वको अवसरमा पत्रकार भेटघाट शुभकामना आदान प्रदान कार्यक्रममा बोल्दै

जानकी गाउँपालिकाद्वारा पशुचौपाया सडकमा नबाँध्न र खुला स्थानमा दिसापिसाब शौच नगर्न स्थानीयबासीलाई सचेत बनाएको छ । जा...
27/09/2024

जानकी गाउँपालिकाद्वारा पशुचौपाया सडकमा नबाँध्न र खुला स्थानमा दिसापिसाब शौच नगर्न स्थानीयबासीलाई सचेत बनाएको छ ।
जानकी गाउँपालिका बाँकेले सडकमा पशुचौपाया नबाँध्न र खुला स्थानमा दिसापिसाब शौच नगर्न स्थानीयबासीलाई सचेत बनाएको छ ।
प्रमुख प्रशासकीय अधिकृत सुनिल नेपालीले शुक्रबार एक सूचना निकालेर स्थानीय सरकार सञ्चालन ऐन अन्तर्गत गाउँपालिकाको अधिकार क्षेत्रभित्र रहेको आधारभूत स्वास्थ्य सरसफाईलाई मध्यनजर गर्दै सडक लगायत सार्वजनिक स्थानहरुमा फोहोर गर्ने गाईगोरु, भैंसी, घोडा, खच्चड, भेडाबाख्रा र अन्य चौपाया नबाँध्न तथा खुला ठाउँमा दिसापिसाब नगर्न सचेत बनाएका हुन् ।
सार्वजनिक बाटोमा राखेका फोहोर तथा सामान बस्तुभाउबाट आवतजावतमा असर परेमा प्रचलित कानुन बमोजिम जरिवाना र सजाय गरिने चेतावनी दिइएको छ । बाटोघाटोमा पशुचौपाया बाँध्ने र खुला ठाउँमा दिसापिसाब गर्ने प्रबृत्तिमा कमी नआएपछि गाउँपालिकाले सार्वजनिक सूचना नै निकालेको हो ।

बाँकेको नेपालगन्जमा रहेको भेरी अस्पतालको इन्डोर भवन र एमआरआई सेवाको उद्घाटन स्वास्थ्य तथा जनसंख्या मन्त्री प्रदिप ...
09/08/2024

बाँकेको नेपालगन्जमा रहेको भेरी अस्पतालको इन्डोर भवन र एमआरआई सेवाको उद्घाटन
स्वास्थ्य तथा जनसंख्या मन्त्री प्रदिप पौडेलले बाँकेको नेपालगन्जमा रहेको भेरी अस्पतालको इन्डोर भवन र एमआरआई सेवाको उद्घाटन गरेका छन् । शुक्रबार एक कार्यक्रमका बीच मन्त्री पौडेलले इन्डोर भवन र एमआरआई सेवाको उद्घाटन गरेका हुन् । उद्घाटनपछि आयोजित कार्यक्रमलाई सम्बोधन गर्दै मन्त्री पौडेलले अस्पतालहरुमा उपचारका लागि बिरामी लाइन लाग्ने अवस्था हटाउने उपायको खोजीका लागि सरकार दत्तचित्त भएर लागेको बताए । उनले बिरामीलाई विना लाइन र भञ्झट सहजरुपमा उपचार सेवा दिने प्रबन्ध कसरी गर्न सकिन्छ भनेर सरकार लागिपरेको बताए । मन्त्री पौडेलले सरकारी अस्पतालहरुमा भएको क्षमतालाई प्रयोग गरेर प्रभावकारी बनाउनुपर्ने बताए । उपलब्ध उपकरणहरुको सही प्रयोगमा पनि ध्यान दिन आवश्यक रहेको मन्त्री पौडेलको भनाई छ ।

भेरीमा भएको बेडको सूचना पनि अनलाइनमै राखे अझ राम्रो हुने भन्दै उनले सोचेको भन्दा राम्रो सेवा भेरीले दिइरहेको भएपनि अझै धेरै सुधार्न आवश्यक रहेको औंल्याए । मन्त्री पौडेलले न्यूनतम जनशक्ति र उपकरणको उपलब्धतालाई उचित ब्यवस्थापन गरेर भए पनि गुणस्तरीय सेवा प्रवाह गर्न निर्देशन दिए । त्यसक्रममा मन्त्री पौडेलले अस्पतालको निरीक्षण पनि गरेका छन् । यस्तै अस्पतालले शुक्रबारदेखि अनलाइन टिकट काट्न सक्ने व्यवस्थाको समेत शुरूवात गरेको छ । मन्त्री पौडेलको उपस्थितिको अवसर पारेर स्वास्थ्य परीक्षणका लागि अब घरमै बसेर पर्चा काट्न सक्ने व्यवस्थाको शुरूवात गरिएको हो ।
स्वास्थ्य तथा जनसंख्या मन्त्रालयका सचिव डा। रोशन पोखरेलले सरकारी अस्पतालप्रति जनताको विश्वास बढेको बताए । भेरी अस्पताललाई स्तरवृद्धि र व्यवस्थित बनाउन मन्त्रालयले कुनै कसर बाँकी नराख्ने उनको भनाई छ । अस्पतालका निमित्त प्रमुख मेडिकल सुपरिटेन्डेन्ट डा। प्रकाश बहादुर थापाले अस्पतालको सेवा प्रवाह, समस्या र मन्त्रालयसंग अस्पतालका अपेक्षा लगायतका विषयमा जानकारी गराएका थिए । अस्पताल विकास समिति अध्यक्ष बिरेन्द्र बहादुर शाहको अध्यक्षतामा सम्पन्न कार्यक्रममा संघीय सांसदहरु सूर्य ढकाल, आशा विक र दीपा शर्मा, कांग्रेस बाँकेका सभापति नारायण प्रसाद गौडेल, जिल्ला समन्वय समिति प्रमुख ज्ञानेन्द्र कुमार चौधरी, नेपालगञ्ज उपमहानगरपालिकाका प्रमुख प्रशान्त विष्ट लगायतको उपस्थिति थियो ।
मन्त्री पौडेलले शुक्रबारनै कोहलपुर नगरपालिकाको नगर अस्पतालमा स्वास्थ्य बीमा कार्यक्रमको उद्घाटन गर्ने कार्यक्रम छ भने खजुरास्थित सुशील कोइराला प्रखर क्यान्सर अस्पतालको पनि उनले निरीक्षण गर्नेछन् ।

मानव बेचविखन विरुद्दको अन्तराष्ट्रिय दिवसको अवसरमा नेपालगन्जमा अन्र्तक्रिया कार्यक्रम मानव बेचविखन विरुद्दको अन्तर...
02/08/2024

मानव बेचविखन विरुद्दको अन्तराष्ट्रिय दिवसको अवसरमा नेपालगन्जमा अन्र्तक्रिया कार्यक्रम
मानव बेचविखन विरुद्दको अन्तराष्ट्रिय दिवसको अवसरमा सहयात्री नेपालले नेपालगन्जमा अन्र्तक्रिया कार्यक्रम गरेको छ ।मानव बेचविखनका घटनामा कमी ल्याउन सरोकारवाला निकायहरु बिच समन्वय हुन जरुरी रहेको सहयात्री नेपालले आयोजना गरेको अन्र्तक्रिया कार्यक्रममा सहभागीहरुले बताएका छन ।
मानव बेचविखन विरुद्दको अन्तराष्ट्रिय दिवसको अवसरमा जिल्ला प्रहरी कार्यालय बाँके र एनआरएनए वुमन फोरम नारी निकुन्ज अष्ट्रेलियाको सहयोगमा आयोजित अन्र्तक्रिया कार्यक्रममामा बाँके जिल्लामा रहेर मानवअधिकार , बेचविखन तथा उद्दारका क्षेत्रमा क्रियासिल संघसंस्था ,स्थानिय सरकार , नेपाल प्रहरी ,अधिकारकर्मी लगायतका सरोकारवारलाहरुले एक्लैले बेचविखन विरुद्द अपेक्षित उपलब्धी हासिल गर्न नसक्ने बताएका थिए ।
बाँकेका सहायक प्रमुख जिल्ला अधिकारी जोरा सिँह माझी , जिल्ला प्रहरी कार्यालय बाँकेका डि एस पि नारायन डाँगी , राष्ट्रिय मानव अधिकार आयोग नेपालगन्जकी अधिकृत सुप्रिया गुप्ता ,नेपालगन्ज उप महानगरपालिकाकी पुर्व उप मेयर उमा थापा मगर लगायतले मानव बेचविखनका घटना हुन नदिनका लागी एकअर्का विच समन्वयको जरुरी रहेको बताएका थिए ।
कार्यक्रममा नेपालगन्ज उप महानगरपालिकाका उप मेयर कमरुद्दिन राईले बेचविखन बिरुद्द स्थानिय सरकारको तर्फबाट गर्नुपर्ने सबै कामहरु गर्न आफु तत्पर रहेको भन्दै प्रतिवद्दता व्यक्त गरे।
सहयात्री नेपालका कोषाध्यक्ष मो सल्मान सल्मानीको अध्यक्षतामा भएको कायक्रम अन्जना चतुर्वेदीले सन्चालन गरेकी थिईन ।

जानकीले दुई साता ढिला गरी ल्यायो बजेट, ६८ करोड २७ लाखको बजेट पारित ...
11/07/2024

जानकीले दुई साता ढिला गरी ल्यायो बजेट, ६८ करोड २७ लाखको बजेट पारित
बाँकेको जानकी गाउँपालिकाले बुधवार ६८ करोड २७ लाखको बजेट ल्याएको छ । आगामी आर्थिक बर्ष २०८१/८२ का लागि उपाध्यक्ष रामप्यारी यादवले प्रस्तुत गरेको ६८ करोड २७ लाख ६ हजार ३२ रुपैयाँको आयब्यय गाउँसभाको १६औं अधिवेशनबाट बहुमतले पारित भएको छ ।
अध्यक्ष छब्बन खाँले बजेट पुस्तिका रहेको ब्रिफकेस हस्तान्तरण गरेपछि उपाध्यक्ष यादवले बजेट वाचन गरकी थिइन् । त्यसअघि अध्यक्ष खाँको अनुमतिमा प्रबक्ता टिकानाथ यादवले नीति तथा कार्यक्रम सभासमक्ष प्रस्तुत गरेका थिए ।
जानकीले आगामी आर्थिक बर्षका लागि सशर्त अनुदानतर्फ संघीय सरकारबाट १९ करोड ७७ लाख र प्रदेश सरकारबाट ९० लाख रुपैयाँ प्राप्त गरेको छ । समानीकरणतर्फ संघीय सरकारको ११ करोड ९९ लाख र प्रदेश सरकारको ८२ लाख ३९ हजार बजेट छ । जानकी गाउँपालिकाले आन्तरिक आम्दानीतर्फ १ करोड २५ लाख राजश्व संकलन गर्ने लक्ष्य लिएको छ । सबैभन्दा बढी वडा स्तरीय योजना (पूर्वाधार तथा चालु) तर्फ ५ करोड ४८ लाख, गाउँपालिका स्तरीय योजनामा ३ करोड ४० लाख, शिक्षामा २ करोड ७५ लाख बजेट विनियोजन गरिएको छ ।
गाउँसभाको १६औं अधिवेशनमा जिल्ला समन्वय समितिका संयोजक ज्ञानेन्द्र कुमार चौधरीले शुभकामना मन्तब्य ब्यक्त गरेका थिए । नीति कार्यक्रममाथिको छलफलमा प्रमुख प्रशासकिय अधिकृत दिल वहादुर पाैडेल ,वडा नम्वर१ का वडा अध्यक्ष माे रजा राई ,२ का चन्दि्रका प्रसाद गुप्ता ,३ का राज कुमार कुर्मी ,४का रमेश कुमार बर्मा वडा ,प्रबक्ता एवम् वडा नम्बर ५ का अध्यक्ष यादव, वडा नम्बर ६ का अध्यक्ष जगदिश प्रसाद हरिजन, कार्यपालिका सदस्य राजेन्द्र सिंह ,राम अाचल धाेवी,वडा सदस्यहरुले भाग लिएका थिए । सभाको सञ्चालन कर्मचारी राजेन्द्र बाजपेयीले गरेका थिए । असार १० गते ल्याउनुपर्ने बजेट आन्तरिक विवादका कारण जानकीले दुई साता ढिला गरी ल्याएको हो ।

मानब बेचविखन विरुद्धको १ दिने अभिमुखीकरण कार्यक्रम आईतबार जानकीमा सम्पन्न ...
07/07/2024

मानब बेचविखन विरुद्धको १ दिने अभिमुखीकरण कार्यक्रम आईतबार जानकीमा सम्पन्न
पालिका स्तरिय मानव बेचविखन विरुद्धको समितिलाई मानब बेचविखन विरुद्धको १ दिने अभिमुखीकरण कार्यक्रम आईतबार जानकीमा सम्पन्न गरिएको छ । आइ एन एफ नेपाल बाँकेको आयोजना र जानकी गाँउपालिकाको समन्वयमा मानव बेचविखन विरुद्धको समितिलाई मानब बेचविखन विरुद्धको १ दिने अभिमुखीकरण कार्यक्रम आयोजना गरिएको थियो ।
कार्यक्रममा जानकी गाँउपालिकाका अध्यक्ष तथा समितीका संयोजक छब्बन खाँले मानब बेचविखन जस्तो कानूनी, सामाजिक र मानव अधिकार विरुद्धको जघन्य अपराध विरुद्ध पालिका सँधै लागि परेको बताए । यस्ता घटना हुन नदिनको लागि स्थानियलाई सजग बनाउन आइ एन एफ नेपाल बाँकेद्वारा संचालित ‘मानव बेचविखन तथा लैङ्गिक हिंसा अन्त्यका लागि समुदायमा हाम्रो प्रयास ले प्रभावकारी भुमिका खेलेको उनले बताए । साथै सबै निकाय मिलेर मात्र यस्तो जघन्य अपराधलाई केहि हद सम्म न्युनिकरण गर्न सकिने पालिका अध्यक्ष खाँले आफनो धारण व्यक्त गरे ।
कार्यक्रममा सम्पुर्ण जानकी गाँउपालिका को पालिका स्तरिय मानब बेचविखन विरुद्धको समिति र नेपालगन्ज उप–महानगर पालिका वडा नं ६, ९ र १३ का वडा स्तरिय मानब बेचविखन विरुद्धको समितिका सदस्यहरुको समेत सहभागिता रहेको थियो ।
अभिमुखीकरणका लागि अधिवक्ता विश्वजित तिवारीले सहजीकरण गरेका थिए । सत्रमा अन्तर्राष्ट्रिय कानून तथा दस्तावेजमा उल्लेख भएका परिभाषा, मानब बेचविखन अपराध हुनका लागि आवश्यक तत्वहरु ९कार्य, माध्यम र उद्देश्य, मानब बेचविखन तथा ओसारपसार नियन्त्रण ऐनमा उल्लिखित परिभाषा, आधारभूत मानव अधिकारको सन्दर्भ, अन्तर्राष्ट्रिय कानूनको पालना राज्यको दायित्व र मानव बेचविखन गम्भिर मानव अधिकारको हनन् रहेको विषयमा छलफल गरिएको थियो ।
समापन कार्यक्रममा बोल्दै कार्यपालिका सदस्य तथा सामाजिक विकास संयोजक राम अचल धोवीले समाज विकासका लागि नागरिक सचेत हुन आवश्यक रहेको र यस्ता परियोजनाले काम गरिरहँदा स्थानीय नागरिकको चेतना स्तर बढ्ने उनले विश्वास व्यक्त गरेका थिए भने आइ एन एफ नेपाल बाँकेकी सावी विश्वकर्माले कार्यक्रम सन्चालन गरेकी थिईन ।

जानकीमा गाउँपालिका मानपुर बाँकेमा १ सय ५० जना जेष्ठ नागरिकहरुलाई सम्मान जानकी गाउँपालिका बाँकेमा जेष्ठ नागरिकहरुलाई स...
23/06/2024

जानकीमा गाउँपालिका मानपुर बाँकेमा १ सय ५० जना जेष्ठ नागरिकहरुलाई सम्मान
जानकी गाउँपालिका बाँकेमा जेष्ठ नागरिकहरुलाई सम्मान गरिएको छ । महिला बालबालिका तथा जेष्ठ नागरिक शाखा जानकीमा गाउँपालिका मानपुर बाँकेको आयोजना मा १ सय ५० जना जेष्ठ नागरिकहरुलाई गर्मीयाममा घामपानीबाट बच्न र विजुली नभएको खन्डमा रातीको समयमा सहज हवस भन्ने उद्देश्यले टर्चलाईट सहित खादा लगाई सम्मान गरिएको हो ।
जानकी गाउँपालिका बाँकेद्वारा एक कार्यक्रममाका बिच गाउँपालिकाले आफुहरुलाई छाता ,टर्चलाईट र खाता लगाई सम्मान गरेकोमा वडा नम्वर २ भैयापुर जानकी गाउँपालिका बाँकेका जेष्ठ नागरिक जितराम सुनार र वडा नम्वर ४ जानकी गाउँपालिका बाँकेकी हरिदेवी सुनारले खुशी व्यक्त गरेका छन ।

घामपानीबाट बचाउनका लागी र अध्याँरोमा हिडन सहज हवस भनेर टर्चलाईट दिई जेष्ठ नागरिकहरुलाई सम्मान गरिएको गाउँपालिका अध्यक्ष छब्बन खाँले बताए। अध्यक्ष खाँले जेष्ठ नागरिकलाई सम्मान गर्दै आगामी दिनमा पनि थप कार्यक्रम र वजेटको व्यवस्था गरिने प्रतिबद्धता व्यक्त गरे ।
सामाजिक विकास समितीका संयोजक राम आचल धोवीको अध्यक्षतामा भएको कार्यक्रममा गाउँपालिका अध्यक्ष छब्बन खाँको प्रमुख आतिथ्यमा महिला बालबालिका तथा जेष्ठ नागरिक शाखाकी प्रमुख कल्पना गाहाले कार्यक्रम सन्चालन गरेकी थिईन । कार्यक्रममा २ देखि ६ नम्वर वडाका जेष्ठ नागरिकहरुलाई सम्मान गरिएको थियो ।

Address


Website

Alerts

Be the first to know and let us send you an email when BankeKhabar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BankeKhabar:

Shortcuts

  • Address
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share