Chin World Media

05/06/2021

: Hakha, Khuathar ah tu zaanlei sml. 4:25 hrawng ah Bomb voi 2 a puak. Zei bantuk bomh dah a puak timi fiang in theih a si rih lo.

The Chin Journal
June 5, Hakha

02/05/2021

Farrawn khuami Nungak Biak Ṭha Hlawn lawmhpi cio hna usih!
___________________
Kan naunu Biak Ṭha Hlawn hi USA University ah Top 10 aa telmi Stanford University ah a kaimi a si. Kan naunu Biak Ṭha Hlawn cu>>>>>>>>>>>>>>>>>
https://www.thechinlandnews.com/farrawn-khuami-nungak-biak-%e1%b9%adha-hlawn-lawmhpi-cio-hna-usih/

CCBC Mino le Fimnak Khual Lam-1. Tutan ka vantialmi hi, mah le mah i cuai si loin, miphun caah zohchunhtlak kan fanu te kong asi. Ahram thawk lawng asi ko nain Lai mino nih cawn cio awk a phu taktak mi asi. Amin: Biak Tha Hlawn Nu le Pa: Pu Lian Kulh Cung(Farawn) le Pi...

21/04/2021

Ralkap le palek nih Hakha khua ah mino pahnih an tlaih hna
==============================
April 21, Hakha
Thatlang lei in Hakha luhnak hauka, university chak gate ah ralkap le palek nih Hakha mino pahnih an tlaih hna tiah kan theih.
An tlaih hna caan hi zaanlei suimilaam 4:30 hrawng ah a si i, tlaih a tong mi hna cu Auto sang um Andrew Za Chin Lian le Khuahlun sang um Tha Cung Mang an si tiah kan theih. Source: The Hakha Post

21/04/2021

By Zasang Cinzah |Hmuhning| Keimah hi Political experts ka si lo. Politics kong ka chim tikah keimah pumpak hmuhning te kha a si. Tutan ka ttial dingmi hi 100 ah 100 ka palh kho. Asinain, ka hmuhning kan share ve hna. Nizan ah khan "Mandate" le "recognition" ka tial. Tutan cu Legal or validate tiah ka von peh tthan lai.

CRHP nih 2008 phunghrampi an hrawh ko ttung ahcun, ziah ASSK hi President ah an thim ko hnga lo? an ti. 2008 phunghrampi kan hrawh an ti nain NUG cu 2008 phunghrampi ning deng in an kal fawn tung tiah a timi zong an um. Mah issue hi ruah awk ngaite a si. Asinain "Legal“ or "Validated" timi biafang hmang in, zeitindah NUG hi dotla cozah a si khawh lai i, UNO/international communities zong nih dotla Cozah ah an pawm khawh lai? timi view in zoh tthiam a herh.

Zeibantuk pangpar paoh a kung loin an par kho lo. Cucaah, 2008 phunghrampi cu a chiat tuk ko bu ah dotla phunghrampi ah cohlang cangmi a si caah, 2008 phunghrampi ning in NLD nih a tei i, ralkap nih 2008 phunghrampi buar in uknak an lak timi nunter a herh i, CRPH in NUG zong hi 2008 phunghrampi ningin, teinak a hmuhmi, People Mindate a ngeimi an sinak kha pehtlaih ter in, validated thate in a ngeimi Cozah an sinak kha itlaih thiam a biapi tuk lio caan a si.

Ralkap, SAC pawl hi illegal/ Terrorist ah chiah khawhnak ding ahcun, validated a ngeimi 2008 phunghrampi a buarmi, phunghrampi leng i amah duhsalam in a cawlcangmi, hram/ root a ngei lomi pangpar/tapung bantuk an sinak kha langhter khawh a herh.

cucaah, CRPH nih 2008 phunghrampi cu kan thah an ti tikah, a thi colh tinak siloin, phunghrampi thar an ttial hlan chung, phunghrampi thar ttialmi kha validated/ referendum an tuah khawh hlan chung paoh cu, 2008 phunghrampi hi an hmang lo zong ah legal/dotla cozah an sinak langhternak caahcun 2008 phunghrampi hrihram hi thlah/chah thlu awk a ttha lo. Dotla ah cohlang cangmi 2008 phunghrampi ning in, NUG hi mipi thimmi cozah, a dikmi Cozah kan si, ti kha fekte in itlaih thiam a biapi tuk lio a si.

Cucaah, November election ah mipi nih thimmi Cozah cu, NUG hi an si i, NUG hi legal cozah cu an si timi fekte in itlaih thiam in, ralkap tu hi 2008 phunghrampi leng ah chuah khawh a biapi tuk lio a si. Cutin an tuah khawh ahcun, NUG nih an term chung ah Federal Democracy phunghrampi thar an ttial lai i, referedum an lak khawh hnu ah a dikmi election cu NUG nih an tuah tthan hnga. Mahhi tulio kan politics nih a kal ningding a lam cu a si tiah ka hmuh. 🙂

21/04/2021

"April 24 Indonesia khuapi Jakarta ah ngeih dingmi ASEAN summit meeting ah Senr. Gen Min Aung Hlaing meeting a kai lai" Bohmuchuk Zaw Min Htun.

Source-Nikkeiasia