28/08/2022
2021 A/l results ඇවිල්ලනේ...
පවුලෙ නංගිලා මල්ලිලා කීප දෙනෙක්ගෙ results එක්ක ඊළඟට තියෙන plans ගැන කතා කරද්දී මේ ලියවිල්ලෙ තියෙන සමහර කරුණු ආයෙ touch කරා.
ඔයාල අඳුරන කොල්ලො කෙල්ලො වෙනුවෙනුත් මේකෙන් ගන්න දෙයක් තියෙනවානම් ඒව share කරන්න
A/l ස' ද? මෙන්න ගොඩයන්න Plan එකක්
උසස් පෙළ ප්‍රතිඵල ලැබූ නංගියේ මල්ලියේ,
ඔයා විභාගය සමත්නම්;
ඊළගට විශ්ව විද්‍යාලයට හෝ වෙනත් උසස් අධ්‍යාපන පාඨමාලාවකට හෝ වෘත්තීයකට යොමු වීම ගැන සැළැස්මක් තියෙනවානම්, ඒ මඟ ඔස්සේ ඉදිරියටම යන්න.
සුබ පැතුම්!
ඔයා විභාගය අසමත්නම්;
ඔයා සිත් තැවුලට පත්වීම සාධාරණයි. ඔයාගේ ප්‍රතිඵල එනකන් බලන් හිටිය ඔයාගෙ හිතවතුන් ඔක්කොමත් දුකෙන් ඇති. ඒ හැඟීම් එක්ක සටන් කරන්න ඕනෙ නෑ. දුකයි තමයි කියල පිළිගෙන ඒක ඇරිල යන්න පොඩි කාලෙකට ඉඩ දෙන්න. ඔයාට වයස 30 දී විතර ආපහු හැරිල බැලුවම මේ දුකින් ගෙවෙන දවස් කිහිපය නොසැලකිය හැකි තරම් සාමන්‍ය දෙයක්.
නමුත් ලබන සතියේ මෙන්න මේ ටික කල්පනා කරන්න.
Step 1:
ඔයා හිතන්න ඔයාට ජීවිතේ මොන වගේ ඉලක්කයකටද යන්න ඕනෙ කියලා.
ඔයා කරන්න ආස වෘත්තීයක්, ඉස්සරහට හොඳ ආදායම් මාර්ගයක් කරගන්න පුළුවන් ඔයාගේ විනෝදාංශයක්, ඔයා දක්ශ දෙයක්, ඔයාට ඉදිරියට යන්න පුළුවන් හැකියාව තියෙන ලෝකෙට අවශ්‍ය සේවාවක් වගේ දේවල් ඔස්සේ ඔයාට වෙන්න ඕනෙ මොනවගේ කෙනෙක්ද කියල හිතන්න.
සමහරවිට අවුරුදු 19-21 ට ඔයාට එච්චර දෙයක් නොතේරෙන්නත් පුළුවන්. එතකොට සමාජය ගැන, ඉස්සරහට එන්න පුළුවන් ට්‍රෙන්ඩ්ස්, අවස්ථා ගැන යම් දැනුමක් තේරුමක් තියෙන වැඩිහිටියෙක්ගෙන්, ගුරුවරයෙක්ගෙන් උපදෙසක් ගන්න. Internet එකෙනුත් දේවල් හොයන්න, හොයල අදහසක් ගන්න. ( මුල් බැසගත් අදහස් තියෙන හැම වැඩිහිටියෙක්ගෙන්මත්, යල් පැනගිය පටු මෝඩ අදහස් තියෙන අයගෙන්වත් අහන්න යන්න එපා, ඔයා තවත් අවුල් වෙයි. මෝඩයොත් වයසට යනවනේ )
උදාහරණයක් විදියට ඔයා මොනවහරි විදියකයට දක්ශ, මොනවහරි දේකට උනන්දු කෙනෙක්නම් ඒ සම්බන්ධයෙන් දැනුම තියෙන කෙනෙක්ගෙන් අහන්න ඔයාට ඒ සම්බන්ධයෙන් වැඩිදුර ඉගෙනගන්න පුළුවන් කොහොමද, මොනවද ඒ ෆීල්ඩ් එකේ තියෙන රස්සා වගෙ දේවල් දැනගන්න.
ඔයා ක්‍රීඩාවට දක්ශ කෙනෙක්නම් හොයල බලන්න ඔයාට ඒ ක්‍රීඩාවෙන් ඉස්සරහට ගිහින් වෘත්තීය මට්ටමේ ක්‍රීඩකයෙක් විදියට මොනවද කරන්න පුලුවන් කියලා.
ඔයා සින්දු කියන්න, නටන්න, ලියන්න, නිවේදනය කරන්න, Fashion design, රූපලාවන්‍ය ඔය මොනවහරි කලාත්මක දේවල්වලට ආස කෙනෙක්නම් හොයල බලන්න ඔයාට ඒ ඔස්සෙ වෘත්තීයක් ගොඩනගාගෙන් අදායමක් හොයාගන්න පුලුවන් විදි.
ඔයා Tech පැත්තට ආසයිනම්, Computer පැත්තෙන් දේවල් ඉක්මනට අල්ලගන්නවනම්, පොඩි කාලෙ ඉඳන් electronic බඩු ගලවල බලනවන්ම්, වාහන ගැන උනන්දුයිනම්, ලී වැඩ වලට දක්ශනම්,
එහෙම නැත්නම් පරිසරය, සත්තු, අභ්‍යාවකාශ වගේ තව මේ වගෙ මොනවම හරි දේකට ඇල්මක් තියෙනවන්ම් හොයල බලන්න ඒ පැත්තෙන් ඉස්සරහට ගිහින් මොනවද කරන්න පුළුවන් කියලා.
මේ ලෝකෙ කිසිම රස්සාවක් හෝ සේවයක් අනෙකාට වඩා උසස් හෝ පහත් කියල නෑ. ලෝකෙ පැවැත්මට හැම සේවයක්ම අවශ්‍යයි.
ඔයා හිතල බලන්න ඔයා දායකත්වයක් දෙන්න කැමති මොනවිදියටද (Do you love doing it), ඔයා ඒ වැඩේට දක්ෂද? (Are you skilled at it), කොයිතරම් දුරට ඒ වැඩේ ලෝකෙට අවශ්‍යයද, ඉල්ලුමක් තියෙනවද, කොච්චර රස්සා, ව්‍යාපාර අවස්තා තියෙනවද වගේ දේවල් හොයල බලන්න (Does the world need it?). ඒ වගේම හොයල බල්නන ඔයා අනාගතේ බලාපොරොත්තු වෙන ජීවිතේ ගෙවන්න ප්‍රමාණවත් තරම් මුදල් හොයන්න පුලුවන්ද කියලත් (Can you get paid for it?).
මේ step එක ලේසි නෑ. හැබැයි ඔයාගෙ වයසට මේක හරියටම දැනගන්න ඕනෙ කියලත් නෑ. ඔයා තමන් ගැන දැනට දන්න දේවලින් ආස කරන දෙයක් තෝරගන්න. පස්සෙ හරියන්නැත්නම් මාරු කරන්නත් පුළුවන්, දැන් තෝරගන්න දේ දිගටම ඒකෙම එල්ලිලා ඉන්න ඔනේ කියලත් නෑ. ඒ නිසා අහල, හොයල, හිතල, බලලා, ඔයාට ගැළපෙන පැත්තක් තොර්ගන්න.
හැමෝම හැමදේටම දක්ශ නෑ, හැමෝටම හැමදේම හරියන්නෙත් නෑ. හැබැයි ඔයාට හරියන දේ මොකක් උනත්, ඒකට හොඳට කැපවෙලා ඒ දේ හොඳටම කරලා, හොඳට සල්ලි හොයල, කරන වැඩෙත් සතුටින් කරලා, ඔයාගෙ හීන හැබෑ කරගන්න පුළුවන්.
If you love what you are doing, you won't feel you are working a job
Step 2A:
ඔයා කැමති ක්ශේත්‍රය තොරගත්තය පස්සේ ඒ ඔස්සෙ හොඳට ඉගෙන ගන්න. මොන දේ උනත් perform කරන්න කලින් හොඳට ඉගෙනගන්න ඕනේ. ඒ මූලීක අත්තිවාරම මත තමා ඔයාගෙ සාර්ථකත්වය ගොඩනැගෙන්නේ. ඉතින් ඒ වෙනුවෙන් ඔයාට A/l දැනුම හරි, ඉස්සරහට A/l pass කියන එක result එකක් විදියට හරි ඕනෙ වෙනවනම් ආයෙ සැරයක් A/l කරන එකත් මේ අධ්‍යාපනයේම කොටසක්. එ වගෙම වෙනත් පාඨමාල, වෘත්තීය පුහුණු, හෝ ඒ වගෙ ලබාගන්න විධිමත් ඉගෙනගැනීම වගේම, Youtube එකෙන් හෝ අත්දැකීම් වලින් ලැබෙන නොවිධිමත් ලෙසත් අපි ඉගෙනගන්නවා. මොන දේ කරන්න හිතුවත් මුලින් ඒ වෙනුවෙන් හොඳට ඉගෙන ගන්න.
Step 2B:
ඔයාට ඔයා කරන්න ඕනෙ දේ Sure නැත්නම්, ඔයාට තව ඒක තේරුම් කරගන්න කාලෙත් ඕනෙනම්, ඉස්සරහට ආයෙ වෙන රස්සාවක් කරන්න වගේ backup තියාගන්නත් හිතෙනවානම්, ඔයාට මේ වෙලාවෙ කරන්න පුළුවන් හොඳම දේ මහන්සිවෙලා ආයෙ A/l කරන එක.
(නිකන් හිතල බලන්න 2021 A/l විභාගය plan කරන විදියටම මේ දෙසැම්බර් මාසෙ තියනවනම් විභාගෙට තියෙන්න තව මාස 7ක් වගේ. රටේ තියෙන කෝවිඩ් තත්වෙ එක්ක තව මාස 2-3 අපිට සංචරණය සීමා කරල ගෙවල් වලටත් වෙලා ඉන්න තියෙන්න. ඉතින් එහෙම් බැලුවම ඊළඟ මාස 7 ඔයාගෙ ජීවිතේට ලොකුම Value addition එකක් කරගන්න පුළුවන් ඔය 'fail' කියන A/l result එක 'pass' කියල දාගෙන. C 3ක් වත් දාගන්න පුළුවන්නම් තවත් හොඳයි backup එකක් විදියට හරි.හැබැයි ආයෙ A/l කරනවන්ම් බාගෙට කරන්නෙ නැතුව උපරිම result එකටම වැඩ කරන්න).
ඉතින් මේ මාස 7 අලුතෙන් දෙයක් පටන් ගෙන කරගෙන යන එක පොඩ්ඩක් postpone කරලා, ඔයා දැනට ටිකක් ඉගෙනගත්තු දේවල්ම polish කරගෙන ආයෙ විභාගෙට ලෑස්ති වෙන්න. තව අවුරුදු 2-3 පහුවෙලා පස්සෙ ආයෙ හිතුනොත් අපරාදෙ ඒ වෙලාවෙ ආයෙ කරලා Results improve කරගන්න තිබ්බෙ කියල, එතකොට ආයෙ කරන්න බෑනෙ. ඒ නිසා දැන් කරන්න.
විශේෂයෙන්ම ප්‍රධාන විශයන් ශේප් එකෙ හරි පාස් වෙලා english ෆේල් වෙලා තියෙන වෙලාවකනම්, ඉංග්‍රීසි විතරක් හරි ආයෙ දාල කරන්න. මොකද ඉස්සරහට මොන දේට ගියත් ඉංග්‍රීසි දැනුම ඔයාට උදව් වෙනවා. A/l වලටත් Credit එකක් තියෙන එක සමහර රස්සා, Exam වලට මූණ දෙන්න එහෙමත් අනිවාර්ය වෙනවා, ඒ නිසා ඒක මිස් කරගන්න එපා
ප.ලි.
A/l විභාගය කියන්නෙ මනුස්සයෙක් සාර්ථකද අසාර්ථකද බලන කඩයිමක් නෙවෙයි. A/l ඇතුව හෝ නැතුව ජීවිත සාර්ථක කරගත්ත මිනිස්සු උත්සහය, කැපවීම, උනන්දුව තිබුන අය. හැබැයි ඒ මිනිස්සු උනත් කිසි වෙලාවක "ඉගෙන ගෙන වැඩක් නෑ" කියල කියන්නෙ නෑ. ඉගෙනගන්නවා කියන්නෙත් පොතෙන් ඉගෙනගන්නවා කියන එක විතරකුත් නෙවෙයි. පුහුණුවෙන්, අත්දැකීමෙන් උනත් මින්ස්සු ඉගෙනගන්නවා.
🎙️රවී
#රැල්ලට
Added later:
මේක 2020 ප්‍රථිපල ආපු වෙලාවෙ 2021 දී ලිව්වෙ. දැන් මේකෙ මේ විභාගෙට තියෙන දින වගේ ඒව අදාල අවුරුද්දට අනුව ගළපගෙන කල්පනා කරල බලන්න.
