10/05/2022
3, 257
TATLUMPU'T ISANG MILYON at nagbibilang pa...
Sabi nila, hindi raw nagsisinungaling ang numero
Hindi nga siguro
Hindi nga marahil nagsisinungaling ang numero
Sige. Simulan natin ang pagtataya
Mula sa UMPISA
September 21, 1972
Isang araw na simula ng BANGUNGOT
1972 - 1986
14 na taon ng KADILIMAN.
3, 257 - EKSTRAHUDISYAL na PAGPATAY o PAGPASLANG (EXTRAJUDICIAL KILLINGS)
35, 000 - DOKUMENTADONG PAGPAPAHIRAP (TORTURE)
*Kabilang na ang testimonya ng mga kababaihang nakaranas ng seksuwal na pang-aabuso o panggagahasa. Ang ilan pa sa kanila ay mga survivor ng GANG R**E at nagsisilbing mga buhay na katibayan
783 - "DESAPARECIDOS" o ang mga NAGLAHONG PARANG BULA
70, 000 - PAGKAKAKULONG o PAGKAKABILANGGO
*8, 000 sa kanila ay mga senador, mga civil libertarian, mga mamamahayag, mga estudyante, at mga labor leader. Sila ay inaresto at ikinulong nang WALANG KAPARAANAN NG BATAS (DUE PROCESS OF LAW)
Parang gusto ko nang maniwala na hindi nga nagsisinungaling ang numero
November 17, 1981
Isa sa mga araw ng PAGLABAG SA KARAPATANG PANTAO
169 na manggagawa ang NALIBING NANG BUHAY sa quick-dry cement
$360 M ang UTANG NG PILIPINAS sa World Bank at International Monetary Fund (IMF) noong 1962
Lumobo sa $28.3 B ang UTANG NG PILIPINAS noong 1986
Malapit na akong maniwala na hindi nga nagsisinungaling ang numero
August 21, 1983
Isang araw nang nawalan ang Pilipinas ng sana ay KARAPAT-DAPAT na PINUNO
16 sa mga kasama ay miyembro ng MILITAR
13:00 PST (UTC 08:00) - ang oras ng PAMAMASLANG
February 22, 1986 - February 25, 1986
Tatlong araw ng PAKIKIBAKA at PAGKAKAISA
Mahigit-kumulang dalawang milyong (2M) Pilipinong sibilyan, kabilang na ang mga pulitikal at militar na grupo, at mga relihiyosong grupo ang nagtipon-tipon
Ngayon. Ano sa palagay mo?
Nagsisinungaling pa rin ba ang numero?
February 25, 1986
Isang araw na hudyat ng KATAPUSAN ng 14 na taon ng PAGDURUSA, PAGHIHIRAP, at PAGTITIIS.
P328 B kayamanan ang kinuha sa pamamagitan ng hindi tapat o masamang paraan
$717 M na salapi, $124 M na deposit slips
15 Mga Mink Coat
*Noong tugatog nito noong umpisa ng 1980s, ang isang mink coat ay nagkakahalaga ng $8,000 hanggang $50,000 pero maaari itong lumagpas hanggang $400,000 para sa all-belly black Russian mink coat.
508 Mga Gown
888 Mga Handbag
3,000 Mga pares ng sapatos
Kung tutuusin ay kulang pa nga ang mga numerong ito.
Subalit katulad ng KASAYSAYAN
Hindi KAILANMAN
Nagsisinungaling
Ang mga NUMERONG nabibilang dito
(Kahit pa i-Google mo)
Oo, mga KABABAYAN ko, hindi nga biro ang mahigit tatlumpu't isang milyon
Napakalaki nga naman nito
Lalo na kung ikukumpara sa
Tatlong libo, dalawang daan at limampu't pito
Ano po?
Ang tanong ko lang, mga KAPWA ko PILIPINO.
Kung nakapagsasalita lang kaya ang tatlong libo, dalawang daan at limampu't pito (3, 257)
Idagdag pa natin ang isang daan at anim napu't siyam (169)
At ang pitong daan at walumpu't tatlo (783)...
Hahantong pa kaya ang lahat sa ganito?...
PAHULING SULAT:
Sana nga ay hindi pa huli para MAMULAT tayo.
Hinahamon ko ang kung sino man na nagbasa o nagbabasa na saliksikin ang lahat ng mga katotohanang nasasaad dito.
Dahil sa huli, bali-baligtarin man natin ang mundo,
Hinding-hindi magagawang magsinungaling ng numerong
TATLONG LIBO, DALAWANG DAAN AT LIMAMPU'T PITO...