Balitang Agdangan

23/08/2022

SA PAGTAWID NG A*O, 4 KATAO SUGATAN

Nagjo-joy ride lamang umano ang apat na katao nang biglang iwasan ang tumatawid na a*o, sanhi ng pagka-aksidente nito sa Barangay Dinahican Infanta, Quezon, kahapon Linggo, Agosto 23, 2022.

Agad naman itong iniwasan ng driver ngunit bumangga parin sa isang konkretong bakod. Dahilan sa pagkawala ng kontrol ng sinasakyang kotse.

Sa ulat ng Police Report, binabagtas umano ang kahabaan ng National Road ng 31-anyos na driver ng Toyota Innova kasama ang dalawang menor de edad at isang 23-anyos na dalaga, patungo sa nasabing barangay ng bigla na lamang may tumawid na a*o.

Samantala, nagtamo ng sugat ang mga biktima kaya agad ring isinugod sa pagamutan para mabigyan ng lunas ang mga ito.

Source: BalitangQuezon

19/08/2022

Sa pagdiriwang ng ika-144 taon ng kapanganakan ng Ama ng wikang Pilipino, ating gunitain ang mga natatanging pangarap ng isang kagalang galang na lingkod bayan sa katauhan ni Pangulong Manuel L. Quezon.

Ang “Quezon Day” ay special working holiday sa buong Pilipinas at special non-working public holiday naman sa probinsya ng Quezon at Aurora at sa lungsod ng Quezon ayon sa Republic Act. No. 6741 noong 1989.

16/08/2022

Tignan: 25 na pamilya ang nawalan ng tahanan dahil sa nangyaring sunog kahapon (Aug. 15) sa Poblacion, Buenavista, Quezon province.

12/08/2022

Arestado ang Lider ng Drug Group sa Lucena City Buy-Bust

Arestado ang isang lider ng isang drug group, kung saan nasabat ng mga operatiba ang humigit-kumulang P108,000 halaga ng shabu sa isinagawang buy-bust operation noong Miyerkules, Agosto 10, sa Purok Matahimik Isla, Barangay Cotta Lucena City.

Kinilala ng pulisya ang suspek na si Alfredo Querijero alyas Jetox, 58, high-value individual, at lider ng Querijero Drug Group.

Ang pinagsanib na operatiba ng Station Drug Enforcement Unit ng Lucena City Police Station sa pangunguna ni P/Lt. Jerome Ubaldo II kasama ang Provincial Intelligence Branch- Quezon Provincial Drug Enforcement Unit, Quezon Maritime Police Station, Criminal Investigation and Detection Group-Quezon at Regional Intelligence Unit-Quezon ay nagsagawa ng buy-bust operation laban sa suspek kasunod ng verified information mula sa mga concerned residents hinggil sa kanyang kalakalan ng droga

09/08/2022

A funeral mass is being held Tuesday in Taguig City before the burial of late President Fidel V. Ramos.

The funeral mass closed to the public and attended only by family members at the Heritage Chapel in Taguig City before he is finally laid to rest at the Libingan ng mga Bayani.

Before the mass, family members bid farewell to the former president.

“Our family is truly grateful for the overwhelming outpouring of support and well wishes,” Ramos’ grandson, Sam Ramos-Jones, earlier said in a statement.

“As we grieve, let us also celebrate a rich life – dedicated in service to this nation and its people,” he added.

According to the Palace, Ramos will be accorded a state funeral with full military honors shortly before his inurnment. The Palace also earlier declared a 10-day “period of national mourning” following the former president’s death.

The ceremony at the Libingan ng mga Bayani includes full military honors and a 21-gun salute. A Philippine flag will also be turned over to Ramos’ family and favorite music of the late president will also be played.

Ramos, who served as president of the Philippines from 1992 to 1998, died at 94.

05/08/2022

ILANG BAHAGI NG QUEZON, MAWAWALAN NG DALOY NG KURYENTE SA AGOSTO 6, 11, at 13.

Pansamantalang mawawalan ng daloy ng kuryente sa ilang bahagi ng Quezon ngayong darating na Sabado, Agosto 6 simula ika-7 ng umaga hanggang ika-6 ng gabi.

Kabilang sa mga apektadong lugar ang ilang barangay sa Mulanay, Quezon tulad ng Brgy. Sta Rosa, Brgy. Bagupaye, Brgy. Anonang, Brgy. Magsaysay, Brgy. Cambuga, Brgy. Burgos, Brgy. Mabini, Brgy. Bulo at Brgy. Bagong Silang.

Apektado rin ang bayan ng Buenavista at San Narciso maliban sa Brgy. White Cliff.
Samantala, mawawalan din ng daloy ng kuryente mula Brgy. Tala Camflora hanggang Brgy. Poblacion ng San Andres, Quezon habang Brgy. Cawayanin naman ang apektado sa bayan ng Lopez.

Ang labing isang (11) oras na power interruption ay dulot ng pag aayos ng 69kV line ng QUEZELCO 1 para sa paghahanda sa 10MVA ng San Narciso substation.

Humihingi naman ng malawak na pang-unawa at kooperasyon ang QUEZELCO I Electric Cooperative, Inc. para sa nasabing power interruption.

| via Kristine Salamat/BNFM Lucena

02/08/2022

NORTHERN LUZON MULING NIYANIG NG LINDOL

Niyanig ng magnitude 5.1 na lindol ang Northern Luzon alas 2:48 ng madaling araw noong Lunes, Agosto 1.

Ayon sa Philippine Institute of Volcanology and Seismology (Phivolcs), ang kalikasan ng paggalaw ng lupa ay tectonic. Ang epicenter ay nasa 17.45 degrees north, 120.66 degrees east- 004 kilometers north, 71 degrees east ng Villaviciosa sa Abra. Ito ay may lalim na 013 km.

Intensity 5 ang naramdaman sa Dolores, Abra; Vigan City, Sinait, Bantay, Banayoyo, Nagbukel, Gregorio del Pilar, Suyo, Sugpon, San Ildefonso, Santa, Magsingal, San Juan, and Cabugao, Ilocos Sur; Pinili at Badoc sa Ilocos Norte; at Besao, at Sagada, Mountain Province.

Intensity 4 ang naramdaman sa Bangued, Abra; Laoag City, Bacarra at Pasuquin sa Ilocos Norte; Ang Sto. Domingo, San Vicente, Sta. Catalina, Candon City, Santa, Narvacan, San Esteban, Sta. Maria, Caoayan, Sta. Lucia, Sta. Cruz, at Tagudin, pawang nasa Ilocos Sur; Sudipen, Luna, Balaoan, Bangar, Bacnotan at Lungsod ng San Fernando, La Union; Bontoc, at Sadanga, Mountain Province.

Ang bilang ng mga pamilyang naapektuhan ng magnitude 7 na lindol noong nakaraang linggo na yumanig sa hilagang bahagi ng Luzon noong Miyerkules, Hulyo 27, ay tumaas sa 100,665.

01/08/2022

Nagluluksa ang bansa sa pagpanaw ng ika-12 na presidente ng Pilipinas, si Fidel V. Ramos. Si FVR ay nanungkulan bilang pangulo mula 1992 hanggang 1998.

26/07/2022

𝐓𝐄𝐋𝐄𝐌𝐄𝐃𝐈𝐂𝐈𝐍𝐄 𝐏𝐑𝐎𝐉𝐄𝐂𝐓 𝐎 𝐌𝐄𝐃𝐈𝐂𝐀𝐋 𝐕𝐈𝐃𝐄𝐎 𝐂𝐎𝐍𝐒𝐔𝐋𝐓𝐀𝐓𝐈𝐎𝐍, 𝐔𝐌𝐀𝐑𝐀𝐍𝐆𝐊𝐀𝐃𝐀 𝐍𝐀 𝐒𝐀 𝐑𝐄𝐀𝐋 𝐐𝐔𝐄𝐙𝐎𝐍

Umarangkada na kamakailan sa bayan ng Real, Quezon ang Telemedicine Project o Medical Video Consultation (MVC) na proyektong ay inilunsad ng Kagawaran ng Kalusugan.

Isa ang bayan ng Real sa kaunahang nabigyan ng kagamitan at nakapagsagawa ng MVC kung saan layunin nitong mabigyan ang mga mamamayang Realeño ng mabilis na access sa mga espesyalistang doctor na wala sa nasabing bayan.

Ang mga nasabing espesyalista ay mula sa Quezon Medical Center at Batangas Medical Center.

Sa gitna nito, bunsod ng pandemya malaki ang naitulong ng naturang proyekto dahil hindi na kinakailangan na personal pang magpunta sa malalaking ospital ang mga gustong magpakosulta at nalilimitahan din nito ang interaksyon sa pagitan ng pasyente at doctor.

19/07/2022

IBINASURA: KA*ONG ISINAMPA NI AMERICA KINA ESCUETA AT IBA PA.

Ibinasura ng Office of the Provincial Prosecutor ang mga ka*ong Frustrated Murder at Attempted Murder na isinampa ni Mayor Filipina Grace America laban sa mga katunggali sa politika na sina Ereberto "Ebet" Escueta, Infanta Vice Mayor LA Ruanto, at iba pa. Hindi naging sapat ang mga batayan ng ka*ong kanyang isinampa ayon sa naging resolusyon ng panel of prosecutors na nilagdaan ni Provincial Prosecutor Rodrigo E. Domingo.

Source: https://quezonprovincenewsandupdates.com/f/ibinasura-ka*ong-isinampa-ni-america-kina-escueta-at-iba-pa?fbclid=IwAR1UhLf72h99MTUPslavYGrR_ca4VnzYO3K8Gu-AVGdBBr1I0c9WMpdbN4s

16/07/2022

9 NA NPA SUMUKO SA QUEZON

Inihayag ng militar noong Huwebes, Hulyo 14, na hindi bababa sa siyam na rebeldeng New People’s Army (NPA) ang sumuko noong Miyerkules dala ang kanilang mga baril sa bayan ng Infanta sa lalawigan ng Quezon.

Iniulat ng 2nd Infantry Division ng Army sa page nito na ang mga rebelde ay nagtungo sa 1st Infantry Battalion sa Infanta. Itinago ang pagkakakilanlan ng mga rebelde, na umano'y nag-ooperate sa hilagang Quezon.

Ibinalik ng mga umano'y rebelde ang isang M16 assault rifle na may dalawang magazine at 58 bala, isang M1 Garand Rifle at 10 bala, isang caliber .45 pistol na may kargang walong bala, at isang shotgun na may tatlong bala.

Sinabi ni Lieutenant Colonel Danilo Escandor, commander ng 1st IB, ang mga pagsuko kamakailan ay patunay na nakararanas ng hirap ang mga rebelde.

Tutulungan ng militar at iba pang ahensya ng gobyerno ang mga sumuko sa kanilang muling pagsasama sa libreng medikal na pagpapagamot, edukasyon, pabahay, at tulong legal.

Iniulat ng Armed Forces of the Philippines noong nakaraang linggo na ang NPA, ang armadong pakpak ng Communist Party of the Philippines, ay bumaba sa 2,000, na may aktibong mga larangang gerilya hanggang 23 lamang sa panahon ng administrasyong Duterte.

14/07/2022

CARNAPPER NA SI JESTIN AQUINO TIMBOG

Kalaboso ang carnapper na si Jestin Aquino matapos mahuli ng pulisya. Ayon sa report ng PNP matagal ng minamanmanan ng awtoridad si Jestin Aquino dahil sa iba't-ibang ka*o na kinasasangkutan nito tulad ng carnapping.

Matatandaan na si Jestin Aquino ay binayaran ni Suarez noong campaign period upang maging testigo laban sa kasalukuyang Gobernador ng Quezon na si Doktora Helen Tan at asawa nito na si Ilocos DPWH Regional Director Ronel Tan na di umano'y nasa likod ng pagkakakulong ng dating konsehal ng Lopez na may patung-patong na ka*o ng panggagahasa sa mga menor de edad na si Arkie Yulde.

Source: Quezon Province News and Updates

12/07/2022

𝐌𝐎𝐒𝐓 𝐖𝐀𝐍𝐓𝐄𝐃 𝐏𝐄𝐑𝐒𝐎𝐍 𝐂𝐈𝐓𝐘 𝐋𝐄𝐕𝐄𝐋 𝐍𝐀 𝐍𝐀𝐍𝐆𝐑𝐀𝐏𝐄 𝐍𝐆 𝐒𝐀𝐑𝐈𝐋𝐈𝐍𝐆 𝐀𝐍𝐀𝐊, 𝐍𝐀𝐒𝐀𝐊𝐎𝐓𝐄 𝐍𝐆 𝐓𝐀𝐘𝐀𝐁𝐀𝐒 𝐏𝐔𝐋𝐈𝐒

Himas rehas ang isang 55-anyos na lalaking Most Wanted Person in City Level sa ikinasang operasyon ng pinagsanib na pwersa ng Tayabas City Police Station at 1st and 3rd platoon ng 1st Quezon Provincial Mobile Force Company nitong Sabado, Hulyo 9.

Ayon sa ulat ng Tayabas CPS, mismong anak ng suspek ang naghain ng demanda dahil sa umano’y panggagahasa nito sa kanya.

Nahaharap sa tatlong counts ng ka*ong r**e ang suspek na may Criminal Case Number 30439-B to 30441-B na inisyu at nilagdaan ni Hon. Judge Teodoro Solis ng Regional Trial Court Branch 25 Biñan City noong Enero 22, 2015 at walang inirerekomendang piyansa.

Kaugnay nito, ang akusado ay nasa custodial facility na ng Tayabas CPS matapos sumailalim sa medical examination.

11/07/2022

Retired AFP member, patay sa pamamaril sa Sariaya, Quezon

Patay ang isang dating military matapos na pagbabarilin ng dalawang hindi pa nakikilalang suspek sa ECO Tourism Road Sitio Kaingin, Brgy Bignay 2, Sariaya, Quezon pasado alas-4:00 kaninang hapon.

Kinilala ang biktima na si Salvador Sales y Marquez, 50 anyos, isang negosyante at residente ng nabanggit na barangay.

Ayon sa report ng Sariaya Municipal Police Station, sakay sa motorsiklo ang biktima mula Bantilan patungo sa Brgy. Bignay 2 ng tambangan ng dalawang suspek.
Nagtamo ng tama ng bala sa iba't-ibang bahagi ng katawan ang biktima na naging dahilan ng kamatayan nito.

Agad na tumakas ang dalawang suspek matapos ang pamamaril.
Inaalam na ng mga awtoridad ang motibo sa naturang krimen kasabay sa isinasagawang imbestigasyon.

09/07/2022

𝐋𝐀𝐋𝐀𝐊𝐈𝐍𝐆 𝐖𝐀𝐍𝐓𝐄𝐃 𝐒𝐀 𝐊𝐀𝐒𝐎𝐍𝐆 𝐌𝐔𝐑𝐃𝐄𝐑, 𝐑𝐀𝐏𝐄 𝐖𝐈𝐓𝐇 𝐇𝐎𝐌𝐈𝐂𝐈𝐃𝐄 𝐀𝐓 𝐓𝐇𝐄𝐅𝐓, 𝐀𝐑𝐄𝐒𝐓𝐀𝐃𝐎 𝐍𝐀

Nasa kamay na ng mga awtoridad ang tinaguriang rank 1 most wanted person sa Quezon matapos maaresto nitong Huwebes, Hulyo 7.

Ang suspek na humaharap sa patong-patong na ka*o ng murder, r**e with homicide at theft, ay kinilala bilang si Mac Jay Blacer alyas “Utoy/Bokyo” isang 28-anyos na lalaki.

Sa sanib puwersa ng Lucena City Police Station, Alfonso Municipal Police Station at San Pablo City Police Station naaresto ang suspek, sa bisa na rin ng warrant of arrest na inihain laban sa kanya.

Naganap ang krimen noong Setyembre ng taong 2011 kung saang sinaksak, ni-r**e at ninakawan ng pera ng suspek ang biktima sa San Pablo, Laguna.

Kaugnay nito, walang nakalaang piyansa para sa pansamantalang kalayaan ng suspek.
Samantala, kasalukuyan na siyang nakaditine sa kustodiya ng Lucena PNP para sa kaukulang disposisyon.

Source: BrigadaNewsFM

07/07/2022

Patay ang isang binatilyo matapos siyang masuntok sa leeg ng kanyang kaklase! Giit ng kaklase, hindi sinasadya ang pangyayari

18/06/2022

SUNOG SA BAYAN NG LUCENA

Isang sunog ang naganap sa isang establisyemento sa bayan ng Lucena kaninang tanghale.
Wala pang naiulat na nasaktan sa sinabeng insidente.

14/06/2022

PAUNAWA: Sensitibo ang kondisyon ni “Alex”

14-ANYOS MULA QUEZON PROVINCE, HINDI MAWARI ANG TOTOO NIYANG KASARIAN. MAYROON DAW KASI SIYANG… DALAWANG ARI?!

“Pagkapanganak ko, sabi ng kumadrona, mayroon daw kakaiba.
Sa ilalim kasi ng ari ng anak ko, may maliit na butas.
Naging usap-usapan ‘yun sa lugar namin.
Hindi raw kasi mawari kasarian niya.”

-Nanay ni “Alex”

“Maraming nakakaalam ng kondisyon ko sa lugar namin.
Madalas po akong kinukutya dahil doon.
Kaya gusto ko pong malaman kung ano talaga kasarian ko.
Gusto ko lang naman pong maging normal.”

-”Alex”

Source: PinoyMD

10/06/2022

Isang barko ang tumagilid sa Real Quezon ngayong hapon na syang dahilan ng paglubog ng apat na truck na lulan nito.

Kasalukuyang nakalubog pa din ang sinasabeng apat na truck sa dagat ng Ungos Pier sa Real Quezon.

09/06/2022

Patay ang tatlong construction worker sa isang ginagawang tulay sa Mulanay, Quezon matapos ma-suffocate at malunod ang mga ito nang makalanghap ng hinihinalang natural gas sa ibaba ng hukay.

Source: GMA News Photos

08/06/2022

Padadalhan na ng final show cause order ang may-ari ng SUV na nanagasa sa guwardiya sa Mandaluyong matapos itong hindi sumipot sa pagdinig ng Land Transportation Office.

Source: GMA News

06/06/2022

TINGNAN: Sitwasyon ng Bulkang Bulusan sa Sorsogon nitong alas-5 ng umaga ngayong Lunes, June 6, 2022.

Ito'y matapos pumutok at bumuga ng makapal at maitim na abo at usok ang bulkan nitong umaga ng Linggo.

29/05/2022

Lalaking sangkot sa ilegal na sabong, naparalisa nang tumalon sa bangin para takasan ang mga pulis

Paralisado ang kalahati ng katawan ng isang mangingisda na naaktuhan sa ilegal na tupada matapos siyang tumalon sa bangin para matakasan ang pulisya sa Ragay, Camarines Sur.

Sa ulat ng nitong Sabado, sinabing bumagsak sa damuhan ang lalaki.

Dinakip ang lalaki at ang kaniyang kapatid, na tumalon din sa bangin at napilayan.

Sa kulungan din ang bagsak ng iba pa nilang kasamahan, ngunit may ilan pang nakatakas.

Nakuha sa lugar ng tupada ang dalawang manok, tari at pera sa tayaan.

Hindi nagbigay ng pahayag ang mga suspek.

Source: GMA News

27/05/2022

Walang saplot at patay na nang matagpuan ang isang 7-anyos na batang babae sa Marinduque.

Source: BrigadaNews

06/05/2022

Nakatanggap na ba kayo ng pera galing sa mga Suarez?

05/05/2022

NO SURPRISE! Matagal nang ganito ang laro sa Politika ng Sawarez. Dahil malapit na ang halalan, dagsa na naman ang pakimkim ni Lolo Danny! Bulok na ang ganito nilang taktika, repleksyon ng bulok nilang panunungkulan.

Mga kababayan, ilang dekada na tayong binubudol ng Sawarez. At alam kong gising na tayo sa katotohanan. Tanggapin ang pera pero 'wag iboto at magpaloko! Mas tuso tayo kay Lolo Danny.

29/04/2022

PANOORIN: Ang Misteryosong Pantalan ni Suarez sa Brgy. Punta, Unisan Quezon.

27/04/2022

𝐓𝐔𝐏𝐀𝐃 𝐤𝐚𝐩𝐚𝐥𝐢𝐭 𝐧𝐠 𝐩𝐚𝐧𝐠𝐚𝐤𝐨𝐧𝐠 𝐡𝐢𝐧𝐝𝐢 𝐧𝐚𝐓𝐔𝐏𝐀𝐃

Ang isang lider na may sinseridad at tunay na malasakit sa kapwa ay gumagawa ng proyektong ikauunlad at ikabubuti ng bayan, at hindi para sa ikabubuti ng mga politiko tuwing halalan. Ang mga proyekto ay paraan upang magserbisyo, hindi paraan upang makahakot ng boto sa darating na Mayo. At dahil eleksyon na naman, nagkalat na naman ang mga hangal at walang pusong mga politikong gumagamit ng mga proyekto upang sikilin at dustain ang ating mga kababayan.

Isang halimbawa nito ay ang Tulong Panghanapbuhay sa Ating Disadvantaged/Displaced Workers (TUPAD). Para sa kaalaman ng lahat, ang TUPAD ay hindi ginawa at inisyatibo ng mga Suarez tulad ng kanilang ipinagmamalaki. Bagkus, isa itong community-based package, sa inisyatibo ng DOLE, upang magbigay ng emergency employment assistance para sa mga displaced, sea*onal at underemployed workers.

Ang orihinal na benepisyaryo ng nasabing proyekto ay ang mga disadvantaged workers, lalong-lalo na sa panahon ng pandemya. Ngunit tila kakaiba ang sitwasyon na nangyayari sa Quezon dahil sa pakana ng mga Suarez. Sa halip na mga disadvantaged workers, mga kamag-anak at mga kaibigan ng mga kaalyado ng pamilya ang kasama sa nasabing proyekto. Ayon sa mga ulat, obligadong makinig sa mga talumpati ng mga kaalydong politiko ng pamilya ang mga benepisyaryo bago i-release ang actual na payout kahit na wala naman ito sa terms at regulation ng DOLE.

Kung talagang mabuting lider ang mga Suarez, bakit mga kaalyado lang nila ang nakikinabang sa TUPAD sa halip na mga totoong disadvantaged workers? Ano bang tingin nila sa populasyon ng Quezon, binubuo lang ng mga kaalyado nila? Na kapag hindi ka kaalyado, kahit nangangailangan ka, hindi ka pa*ok sa benepisyo? Kailan pa naging eksklusibo ang serbiyo publiko?

Ang proyekto ng pamahalaan, kahit kailan, ay hindi utang na loob ng taumbayan sa mga politiko. Bahagi ito ng trabaho nila at galing ito sa bulsa ng bansa. Hindi ito kasangkapan para ipamukha sa mga tao na may utang na loob sila sa mga nagpapatakbo ng gobyerno.

Malinaw na ang TUPAD ay ginagamit ng mga Suarez sa pamumulitika. Paraan nila ito upang sikilin ang mga tao dahil ipinepresenta nila ang proyekto bilang “utang na loob” ng mga tao; na dapat mo silang iboto dahil binigyan ka nila ng trabaho. Ang bayan ay hindi pagmamay-ari ng sinuman. Ang mga taong tumatamasa ng mga benepisyo ay walang pananagutan o obligasyon sa kaninoman.

Kung talagang maayos at karapat-dapat sa Quezon ang mga Suarez, bakit ngayon lang nagsusulputan ang kabi-kabilang mga proyekto nila kuno? Mga proyektong karamihan ay inisyatibo ng nasyonal na pamahalaan at mga pribadong institusyon na inaangkin at nilalagyan nila ng pangalan.

Bakit ngayon lang, hindi noong panahon ng pandemya kung saan kailangan ng mga tao ang kalinga ng gobyerno? Dahil ba malapit na ang eleksyon at kailangang may ipamukha sa mga tao?

Mahal ka lang nila at naaalala kapag kailangan ka nila. Aaksyon kapag kailangan ng atensyon. May obligasyon kapag malapit na ang eleksyon. Ganyan ang totoong kulay ng mga Suarez; hinahamak ang mga tao para sa pansarili nilang interes. Ganito ba ang gusto mong mamuno sa ating lalawigan? Bibigyan mo ba sila ng panibagong tatlong taon para magpakasasa sa kapangyarihan at lunudin ka sa mga ilusyon?

27/04/2022

"I'm with you, i don't like Kaliwa either", "If you continue Kaliwa, i will see you in court". Ito ang matitigas na mga salitang binitiwan ni Gov. Danilo Suarez sa isang press conference noong November 2020 hinggil sa issue ng pagtatayo ng Kaliwa Dam Project sa REINA area bilang tugon sa malakas na pagtutol ng mamamayan ng Quezon particular ng mga katutubong Dumagat.

Ito rin ang mga salitang binali niya sa isang flag ceremony na naganap sa kapitolyo noong Hulyo 2021. "800 milyong piso ang ating kikitain taon-taon" buong pagmamalaki ng gobernador matapos niyang aprubahan ang pagtatayo ng naturang proyekto.

Balimbing sa Kaliwa Dam at Taksil sa mamamayan. Ito ang naging sigaw ng mamamayan ng Quezon matapos ang ginawang pagkabig ng gobernador sa mapaminsalang proyektong ito.

Mariin naman kinondena ito ng mga katutubo dumagat, ayon kay Ramsey Astrovera- Agta Tribe Chieftain at commissioner ng National Commission on Indigenous Peoples, ang kanilang tribo ay hindi kailanman magbibigay ng kanilang malayang pag-sang ayon sa proyekto.

Ayon pa kay Fr. Pete Montallana- Chairperson ng Save Sierra Madre Network Alliance Inc. (SSMNA) “Ang krisis sa tubig sa Metro Manila ay hindi dahil sa kakulangan ng mapagkukunan ng supply kundi dahil sa maaksayang paggamit ng mga residente dito".

Pinuna naman ng COA ang MWSS (Metropolitan Waterworks and Sewerage System) sa kanilang pag implementa ng Kaliwa Dam Project ng walang mga kaukulang permit.

Ayon sa pahayag: “ The COA said its audit team requested for the submission of the relevant documents and permits, but the MWSS simply provided a “checklist” and a photocopy of a compliance monitoring report last May 20.

Banggit pa ng COA halos 92% patapos na ang project ngunit hanggang ngayon ay hindi pa sila nakapag lalatag ng alternatibong programa para pangalagaan ang mga area na sakop ng project gaya ng proteksyon sa kalikasan at relokasyon ng mga tatamaang barangay.

25/04/2022

PANOORIN: Governor Danilo Suarez, protektor nga ba ng iligal na droga sa lalawigan ng Quezon?

19/04/2022

March 15,2022 bumulaga sa Infantahin ang balita tungkol sa mahigit isang tonelada ng shabu na nasabat ng pinagsanib na pwersa ng NBI at lokal na pulisya sa Brgy. Comon ng Infanta, Quezon.

Batay kay Major Francis Aldrich Garcia, hepe ng pulisya ng nasabing bayan,10-katao na sakay sa 3 magkakahiwalay na van ang kanilang naharang sa checkpoint kung saan may karga umano ang mga itong iligal na droga. Dahil sa laki ng volume na aabot halos ng mahigit isang tonelada, kinailangan nilang ilipat ito sa Antipolo,Rizal.

Sa paggulong imbestigasyon, napag alamang ang mga kontrabando ay nanggaling China at pinadaan sa karagatan ng Pacific Ocean lulan ng isang barko, saka inilipat sa isang yate at ibinaba sa pampang ng Infanta. Mula naman dito at pibick uo ito ng 10 Van upang idistribute sa kalakhang Maynila.

Sa panayam naman na isinagawa ng TV Patrol sa isa sa mga driver ng van na nahuli, inamin nito na ang karga nilang shabu ay pangalawang shipment na mula sa China na ibinabagsak sa Infanta.

Matatandaan sa bago ito ay may nauna ng report na may idinaong na shabu sa baybayin ng Infanta ngunit hindi ito nasabat ng awtoridad.

Pinangangamabahan ngayon ng mga residente dito na maging sentro ng droga at kriminalidad ang kanilang bayan kung patuloy na mananahimik at hindi ito gagawan ng aksyon ng kanilang alkalde.

13/04/2022

12/04/2022

Ang Mulanay ay isang maliit na munisipalidad sa baybayin ng Quezon. Mayroon itong 420 square kilometer land area at bumubuo ng 4.80% ng buong land area ng lalawigan. Ayon sa 2020 Census mayroon itong 55,576 population na nagrereprenta sa 2.85 % total population ng probonsya, nakapagtala din ito ng 0.34% overall population sa buong Calabarzon region.

Binubuo ito ng 28 Barangay, at nakapagtala ng ₱154,478,705.85 annual revenue income noon taong 2016.

Sa kasalukuyan, mahalagang silipin natin ang kalagayang pang ekonomiya ng bayan ng Mulanay. Bilang isa sa mga bayan na kabilang sa ikatlong distrito ng lalawigan sa pamumuno ni Congw. Aleta Suarez.

Mayaman ang lupain ng Mulanay, isa itong patag na lupain na nakaharap sa Tayabas Bay. Saganang tumutubo dito ang mga gulayin gaya ng bawang, saging, mais, mani, mongo, luya, kalabasa at niyog. At dahil nakatayo ito sa lokasyong baybayin, sagana ito sa yaman-dagat.

Pinag-aaralan din na mapasama sa UNESCO World Heritage Site incription ang architectural marvels na kapansin-pansin sa baroque church, mga na preserbang ancestral houses mula sa panahon ng Spanish rule at ang limestone tombs of Kamhantik ( a highly-significant Tagalog archaeological site and dambana, in the Buenavista Protected Landscape).

Ngunit sa kabila ng pagkakaroon nito ng mayamang kalikasan at historical heritage, nanatili itong isang mahirap na bayan. Batay sa datos na inilabas ng CALABARZON Regional Social and Econimic Trends for CY 2020, kasama ang bayan ng Mulanay sa 25 na mga bayan sa lalawigan ng Quezon na nakapagtala ng may higit sa 20% rate ng poverty estimate.

Mula sa bayan ng Jomalig na nanguna sa talaan ng may mataas na small area poverty estimate sa lalawigan, pang 10 ang bayan ng Mulanay na nakapagtala naman ng 34.3% small area poverty estimate.

Batay sa mga pag-aaral kung paano umuunlad ang mga bayan, maaaring ang maling pamamahala, kapabayaan at korapsyon ang dahilan kung bakit hindi umuunlad ang isang bayan na may mayamang likas na yaman at mga batayang rekisito para umunlad.

09/04/2022

Bilang pinaka maimpluwesyang dinastiya sa Quezon, Ang dinastiyang Suarez ay 30-taon ng naghahari sa lalawigan. "Political dynasties" generally refer to traditional political families or the practices by these political families of monopolizing political power and public offices from generation to generation and treating the public elective office almost their personal property.

At upang manatili sa kanilang mga kamay ang kontrol at kapangyarihan, most dynasties uses "guns,goons,gold and glitter".

Sa lalawigan ng Quezon, ginawang negosyo ng mga Suarez ang pagtakbo sa pulitika, ito'y upang siguraduhin ang tuloy-tuloy na pamumuno ng kanilang pamilya dito. Sa halip na gawin ang mandato ng pagiging sebisyo publiko, ginawa nilang kapital ang posisyon sa gobyerno upang higit pang makapag palawak ng kanilang kabuhayan.

Ayon sa pag-aaral, karamihan sa mga bayan o lalawigan na kinokontrol ng isang dinastiya ay nanatiling mahirap. Dahil ito sa kawalan ng konkretong programa ng nakaupo, hindi tumututok sa mga programang tutugon sa batayang pangangailangan ng mamamayan bagkus ang inilulunsad ay mga programang maaari lamang nilang pagkakitaan.

Isang malinaw na halimbawa kung saan makikita natin ang pagiging negosyante ng mga Suarez ay ang pagkabig nito pabor sa pagtatayo ng kaliwa dam, kung saan pinangakuan ito ng P800 million kita taon-taon. Mas prayoridad din umano ang programa sa mga infrastractura, kung saan may malaki silang kikitain mula sa kontrata, sa halip na pagtatayo ng mga public hospitals at colleges. Panggigipit sa mga investor na nais magnegosyo sa lalawigan kung alam nila na wala silang kikitain mula dito, at ang pagkontrol sa mga vital industries at pangunahing mga negosyo gaya ng fisheries at ilan pang malalaking kumpanya.

Isang malaking patunay upang masabi na negosyo at hindi serbisyo ang hangad ng mga Suarez sa Quezon, ay ang mga datos ng kahirapan at pagkabansot ng ekonomiya ng lalawigan. Sa kabila ng yaman ng kalikasan, nanatili itong kulelat sa talaan ng mauunlad ng probinsiya sa rehiyon. Ngunit kung ating sisilipin ang uri ng pamumuhay ng pamilya Suarez, maituturing na isa sila sa pinakamayamang angkan sa Quezon.

07/04/2022

Kapag sinabing political dynasties, ito ay ang paghawak ng posisyon sa gobyerno ng magkakapamilya, either simultaneously o heriditarily. Sa Pilipinas, umiikot lang o nagpapalit-palitan ang posisyon sa local at national politics sa 250 pamilya lamang. Taong 2013, naitala ang halos 74% na miyembro ng lower house ay magkakapamilya.

Madaming pag aaral na rin ang nabuo sa epektong pang ekonomiya ng dinastiya sa bansa. Bagaman mayorya ng mga probinsya ay pinapatakbo ng dinastiya, may ibat'-ibang resulta naman ito o epekto sa bawat lugar na kanilang nasasakupan.

Halimbawa, mayroong mga lalawigan o lugar na nagkakaroon ng pag-unlad sa ilalim ng pamamahala ng isang dinastiya subalit mayroon din namang mga lalawigan o lugar na nababansot ang pag unlad dahil sa maling pamamalakad ng dinastiya dito.

Sa lalawigan ng Quezon, 30 years nang namumuno ang dinastiyang Suarez. Subalit hindi katulad ng ibang dinastiya kung saan pinili nilang paunlarin ang bayan na kanilang nasasakupan, nanatiling bansot at napag iwanan ang lalawigan ng quezon.

Batay sa mga datos, lumalabas na kulelat ang lalawigan sa talaan ng mga naitayong economic zone sa calabarzon, nahuhuli din ang Quezon sa talaan ng mga nalikhang trabaho at talaan ng mga naitayong light and heavy industries, Quezon din ang nakapagtala ng may pinakamataas na poverty incidence at inflation rate sa rehiyon.

Kung susuriin, may mga lalawigang umunlad sa ilalim ng dinastiya, kagaya ng Cebu, Davao, Laguna, Cavite. Ngunit sa lalawigan ng Quezon, hindi ito napaunlad ng mga Suarez. Nanatiling naghihirap at atrasado ang kabuhayan ng mayorya ng mamamayan sa lalawigan

06/04/2022

𝐃𝐀𝐍𝐈𝐋𝐎 𝐒𝐔𝐀𝐑𝐄𝐙: 𝐏𝐫𝐨𝐭𝐞𝐤𝐭𝐨𝐫 𝐧𝐠 𝐂𝐨𝐜𝐨 𝐋𝐞𝐯𝐲 𝐅𝐮𝐧𝐝 𝐒𝐜𝐚𝐦𝐦𝐞𝐫

May mga pagkakataon ba nung bata pa kayo na inutangan kayo ng kaklase nyo tapos hindi nila binayaran?
Naranasan nyo bang isumbong sa tatay ninyo ang kaklase nyong hindi nagbayad ng utang (sa madaling sabi ay magnanakaw) ngunit katahimikan at kawalan ng aksyon lamang ang tugon na nakuha mo galing sa kanya?

Kung oo, paano kung halimbawa sabihin sayo ng tatay mo na kaibiganin at iboto sa darating na eleksyon ang kaklase mong nangutang sayo at hindi na nagbayad? Sa palagay mo, anong mararamdaman mo? Matutuwa ka ba?

Simpleng konteksto ngunit ganito ang gustong mangyari ng binansagang "Ama" ng Quezon, Gobernador Danilo Suarez, sa pag-endorso nya kay Bongbong Marcos bilang Pangulo ng Pilipinas.
Ganoon ba talaga kapag tumatanda na, nagiging makakalimutin at inkompetente na? Matatandaang kabilang sa libo-libong coconut farmers na nabiktima ng coco levy fund scam ang mga kapatid nating taga-Quezon.

Noong 1971 hanggang 1983, binuwisan ng mga Marcos ang mga kopra na ibinebenta ng mga nakakaawang magsasaka kapalit ang pangakong magandang benepisyo mula sa buwis. Binulag ng gobyerno sa salitang "investment" ang ating mga magsasaka upang pagtakpan ang gagawin nilang pagnanakaw. Umabot sa 9.7 bilyon ang nakolektang coco levy fund ng administrasyon ni Marcos ngunit ni-piso ay walang nakuha ang mga magsasaka mula dito.

Hanggang ngayon, makalipas ang ilang dekada, umaasa pa din ang mga coconut farmers na maibigay ang ipinangako sa kanilang mga benepisyo. Nakatabi pa din sa baul ni aling Rosing Valdeavilla (77), ng Tayabas Quezon, ang mga stock certificates na naglalaman ng stock ownership nila sa United Coconut Planters Bank, Cocolife insurance, Legaspi Oil Company, Granexport Manufacturing Corporation, at San Pablo Manufacturing Corporation. Hanggang ngayon, umaasa at naghihintay pa din si nanay sa pangako na binatawan ng isang magnanakaw.

Ilang dekada ng paghihirap. Ilang dekada ng paghihintay. Ilang dekada ng pagsamo ng katarungan. Ilan sa mga biktima ay wala na sa mundong ito.

Namatay silang may kirot sa mga puso dahil mismong gobyerno ang nanloko sa kanila. Namatay silang nasa isip na sa paghango lang ng niyog maaaring magamit ang tabak, hindi sa paglaban at paghingi ng hustisya.

Ganito ba dapat ang isang ama? May ama bang susuportahan ang nagnakaw sa kanyang mga anak?

04/04/2022

Kinasuhan ni Infanta, Quezon Mayor Filipina Grace America ang kanyang katunggali sa pagka-alkalde na si Eri­berto “Ebit” Escueta, at sina incumbent Vice-Mayor Lord Arnel Ruanto, Bobby Vargas, Ronil Nolledo, Jorraffin Plantilla at Gilbert Pacio.

Sa kanyang salaysay, inakusahan ng alkalde sina Escueta at Ruanto bilang mga mastermind sa pananambang.

Ito'y kaugnay ng naganap na bigong pagtatangka sa kanyang buhay noong Feb.27,2022 kung saan tinambangan siya ng hindi kilalang mga kalalakihan matapos niyang dumalo sa misa sa isang simbahan sa Infanta. Alinsunod nito, mabilis namang umaksyon ang pulisya at kaagad binuo ang Special Investigation Task Group (SITG) upang resolbahin ang nasabing ka*o.

Ngunit hindi pa man natatapos ang nasabing imbestigasyon, nagsampa na ng ka*ong Frustrated Murder and Attempted Murder si Mayor America noong April 1, 2022 sa Camp BGen Vicente P Lim laban sa mga itinuturo niyang suspect.

Dahil sa nangyari dismayado ngayon ang SITG sa tila naging pag balewala ng alkalde sa iginulong ng kanilang imbestigasyon, lumalabas kasi na mula sa kanilang mga nakalap na impormasyon, hindi pulitika kundi quarry operation at sugal ang pangunahing ugat ng pananambang. Gayunman, ang ka*o ay hindi pa naisasampa ng SITG sa piskalya dahil tumanggi umanong magbigay ng kanyang salaysay si America, bagay na naging palaisipan sa pulisya.

Marami ang naniniwala na ang punongbayan ay ginagamit lamang ng mga kaalyado nitong pulitiko upang sirain ang imahe ng kanyang katunggali sa pulitika. Ito ay sa dahilang sina Escueta at Ruanto ay kapartido at masugid na tagapagtaguyod ng kanyang katunggali sa 8 bayan ng Northern Quezon na kinabibilangan ng 3 coastal towns at 5 island municipalities