20/07/2024
පුළුල්ව පැතිරුනු වින්ඩෝස් දෝෂය හේතුවෙන් හදිසි සේවා, බැංකු, ගුවන් තොටුපල සහ තවත් බොහෝ දේවල පරිගණක පද්ධති කඩා වැටීමේ හේතුව පිළිබඳව දැන් අනාවරණය වෙනවා. ඒ එක්සත් ජනපදයේ ටෙක්සාස් හී සිය මුලස්ථානය පවත්වාගෙන යන සයිබර් ආරක්ෂණ සමාගමක් වන CrowdStrike හි මෘදුකාංගයේ ගැටලුවක් හේතුවෙන් බවයි දැන් වාර්තා වන්නේ.
මයික්‍රොසොෆ්ට් ප්‍රධාන මෙහෙයුම් පද්ධති ඇතුළු යෙදවුම් සේවා රැසක බිඳ වැටීම හෙවත් Blue Screen Death ලෙස හදුන්වන දෝෂය හේතුවෙන් ඊයේ දිනයේ දී ලොව පුරා රටවල් රැසක දෛනික කටයුතුවලට දැඩි බාධා එල්ල වී තිබුණා. ඒ හේතුවෙන් ගුවන් ගමන්, බැංකු සේවා, රූපවාහිනී නාලිකා විකාශන කටයුතු ඇතුළු සේවා රැසක මෙහෙයුම් අනපේක්ෂිත ලෙස අඩාළ වූ බවයි ලොව පුරා මාධ්‍ය වාර්තා කළේ.
මෙම බිඳවැටීමෙන්, ශ්‍රී ලංකන් ගුවන් සේවයට සහ මෙරට පෞද්ගලික ආයතන හතරක මෙහෙයුම් කටයුතුවලටත් දැඩි බලපෑමක් එල්ල වූ බව වාර්තා වෙනවා.
මෙම මහා පරිමාණ ගෝලීය තොරතුරු තාක්ෂණික බිඳ වැටීම පිළිබඳව වාර්තා වූයේ මෙරට වේලාවෙන් ඊයේ (19) දහවලේ දී යි. මයික්‍රොසොෆ්ට් ප්‍රධාන මෙහෙයුම් පද්ධති ඇතුළු ප්‍රධාන යෙදවුම් සේවා රැසක බිඳ වැටීම පළමුව වාර්තා වී තිබුණේ අමෙරිකාවෙන්. ඒ සමඟම Blue Screen Death ලෙස නම් කළ මෙම මෙහෙයුම් දෝෂය තවත් රටවල් ගණනාවකින් වාර්තා වුණා.
මයික්ක්‍රොසොෆ්ට් යෙදවුම් මෙහෙයුම් පද්ධති ක්‍රියාත්මක ලොවපුරා පරිගණක තිර මත Blue Screen Death ලෙස දිස්වීමත් සමඟ සියලු මාධ්‍ය ඊට ප්‍රමුඛතාව ලබා දුන්නා.
බිඳ වැටීම නිසා ගෝලීයව අවලංගු කෙරුණු ගුවන් ගමන් වාර ගණන දහසක් ඉක්මවන බවයි දැන් කියන්නේ.
අමෙරිකාවේ ඩෙල්ටා, අමෙරිකන් එයාර්ලයින්ස්, යුනයිටඩ් ඇතුළු ප්‍රධාන ගුවන් සමාගම්වලත් බ්‍රිතාන්‍යයේ ඊසි ජෙට්ස්, රයන් එයාර් ඇතුළු ගුවන් සමාගම්, ජපානයේ ජෙට් ස්ටාර්, ජේජු එයාර්, HK එක්ස්ප්‍රස් මෙන්ම ස්ප්‍රින්ග් ජැපෑන් ගුවන් සමාගම් ද ඉන්දියාවේ ඉන්ඩිගෝ, අකාස එයාර් සහ ශ්‍රී ලන්කන් ගුවන් සේවා මෙහෙයුම් අඩපණව වූ බව එම ආයතන නිල වශයෙන් ප්‍රකාශ කළා.
මෙම තාක්ෂණික බිඳ වැටීමෙන් එංගලන්තයේ ද දුම්රිය, සෞඛ්‍ය ඇතුළු අත්‍යවශ්‍ය සේවා රැසකට ද දැඩි බලපෑමක් එල්ල වූ බවයි කියන්නේ. බ්‍රිතාන්‍යයේ ස්කයි නිව්ස් මාධ්‍ය ජාලයත්, BBC නාලිකාවට අනුබද්ධ CBBC මාධ්‍ය ජාලයත්, ඔස්ට්‍රේලියාවේ ABC මාධ්‍ය ජාලයත් බිඳ වැටී තිබුණා.
නවසීලන්ත පාර්ලිමේන්තුවෙත් පරිගණක ජාලය අක්‍රීය වූ බව එරට මාධ්‍ය වාර්තා කළා.
ඔස්ට්‍රේලියාවේ සුපිරි වෙළෙඳසැල් ජාලයන්, පොලීසිය, රූපවාහිනි නාලිකා මෙන්ම නවසීලන්ත බැංකු කිහිපයක් ද සිය පද්ධති ආශ්‍රිත දෝෂ වාර්තා කර තිබුණා.
2024 පැරිස් ඔලිම්පික් උළෙලට සම්බන්ධ තොරතුරු තාක්ෂණික මෙහෙයුම් පද්ධතියටත් බලපෑම් එල්ලවූ බව විදෙස් මාධ්‍ය වාර්තා වුණා.
ප්‍රශ්නය මයික්‍රොසොෆ්ට් විසින් නොව Windows PCs සහ servers වල ආරක්ෂාව කළමනාකරණය කිරීම සඳහා ලොව පුරා බොහෝ ව්‍යාපාර විසින් බහුලව භාවිතා කරන තෙවන පාර්ශවීය CrowdStrike මෘදුකාංගය මගින් ඇති කරන ලද්දක් බව දැන් තහවුරු වී තිබෙනවා.
“Windows සඳහා තනි අන්තර්ගත යාවත්කාලීනයක ඇති දෝෂයක් හේතුවෙන් බලපෑමට ලක් වූ පාරිභෝගිකයන් සමඟ CrowdStrike සක්‍රියව කටයුතු කරයි. Mac සහ Linux සත්කාරකවලට බලපෑමක් නැත. මෙය ආරක්ෂක සිද්ධියක් හෝ සයිබර් ප්‍රහාරයක් නොවේ” යයි CrowdStrike නිර්මාතෘ සහ ප්‍රධාන විධායක නිලධාරී George Kurtz ඉක්මනින්ම කෙටි පණිවිඩයක් තබමින් මේ පිළිබඳව පවසා තිබුණා.
ඉන් පැය කිහිපයකට පසුව ඔහු විසින්ම CrowdStrike හී නිල නිවේදනය නිකුත් කළා.
සිය පාරිභෝගිකයින් සහ හවුල්කරුවන් අමතමින් CrowdStrike නිර්මාතෘ සහ ප්‍රධාන විධායක නිලධාරී George Kurtz පවසා තිබුණේ සිදු වූ ඇණහිටීම ගැන මම ඔබ සැමගෙන් අවංකවම අවංකවම සමාව ඉල්ලා සිටින බවයි.
“අපි ඉක්මනින් ගැටලුව හඳුනාගෙන විසඳුමක් යෙදවූ අතර, අපගේ ඉහළම ප්‍රමුඛතාවය ලෙස පාරිභෝගික පද්ධති ප්‍රතිසාධනය කිරීම කෙරෙහි උනන්දුවෙන් අවධානය යොමු කිරීමට අපට ඉඩ සලසයි.
වින්ඩෝස් සත්කාරක සඳහා Falcon අන්තර්ගත යාවත්කාලීනයක ඇති දෝෂයක් හේතුවෙන් මෙම ඇණහිටීම සිදු විය. Mac සහ Linux ධාරකවලට බලපෑමක් නැත. මෙය සයිබර් ප්‍රහාරයක් නොවේ.
සියලුම පද්ධති ප්‍රතිසාධනය කර ඇති බව සහතික කිරීමට අපි බලපෑමට ලක් වූ ගනුදෙනුකරුවන් සහ හවුල්කරුවන් සමඟ සමීපව කටයුතු කරමින් සිටිමු, එවිට ඔබට ඔබේ ගනුදෙනුකරුවන් විශ්වාස කරන සේවාවන් ලබා දිය හැකිය.
CrowdStrike සාමාන්‍යයෙන් ක්‍රියාත්මක වන අතර, මෙම ගැටලුව අපගේ Falcon පද්ධතිවලට බලපාන්නේ නැත. Falcon සංවේදකය ස්ථාපනය කර ඇත්නම් ආරක්ෂාවකට කිසිදු බලපෑමක් නැත. Falcon Complete සහ Falcon OverWatch සේවා අඩාල වන්නේ නැත.
අපි ඔබට සහ ඔබේ කණ්ඩායම්වලට උදව් කිරීමට CrowdStrike සියල්ල බලමුලු ගන්වා ඇත. ඔබට ප්‍රශ්න ඇත්නම් හෝ අමතර සහාය අවශ්‍ය නම්, කරුණාකර ඔබේ CrowdStrike නියෝජිතයා හෝ තාක්ෂණික සහාය වෙත සම්බන්ධ වන්න.
ප්‍රතිවාදීන් සහ තවත් එවැනි අය මෙවැනි සිදුවීම් ගසාකෑමට උත්සාහ කරන බව අපි දනිමු. සුපරීක්ෂාකාරීව සිටීමට සහ ඔබ නිල CrowdStrike නියෝජිතයන් සමඟ සම්බන්ධ වී සිටින බවට සහතික වන ලෙස මම සියලු දෙනා දිරිමත් කරමි.
අපගේ ගනුදෙනුකරුවන් සහ හවුල්කරුවන් CrowdStrike වෙත තබා ඇති විශ්වාසය සහ විශ්වාසයට වඩා මට කිසිවක් වැදගත් නොවේ. අපි මෙම සිදුවීම විසඳන විට, මෙය සිදුවූයේ කෙසේද යන්න පිළිබඳව පූර්ණ විනිවිදභාවයකින් අනාවරණය කිරීමට සහ මෙවැනි දෙයක් නැවත සිදු නොවීමට අප ගන්නා පියවර පිළිබඳව කැපවෙමි” යි George Kurtz සිය නිල නිවේදනයේ සඳහන් කර තිබෙනවා.
