10/11/2021
👌👌👌
Sabik na sabik na si Filipino center Kai Sotto na katawanin ang Pilipinas sa kanyang napipintong professional debut sa National Basketball League (NBL) ng Australia sa susunod na buwan.
Ang 7-foot-3 big man ay unang magsusuot ng Adelaide 36ers uniform katapat ang Tasmania JackJumpers sa season-opener sa December 03.
Kwento ni Sotto, siya ang tanging Filipino na maglalaro sa NBL, kaya't sisiguruhin niya na magpeperform siya ng maayos sa bawat laro, dahil magre-reflect umano sa ating bansa ang anumang ipapakita niya sa liga.
Dagdag pa ni Sotto, depensa ang dapat niyang i-improve para maisakatuparan ang kanyang asam na magamit niya ang NBL bilang springboard tungo sa kanyang ultimate dream na maging kauna-unahang Filipino dribbler na makapasok sa pamosong National Basketball Association (NBA).