237 Tori Time

10/07/2023

02/11/2022

After PC kumba town Church, Na some Christian dem for PC Bassa for Douala inside littoral region for cameroon, dem don hole their pastor with fight for Sunday as church service be di happene.
According to tori wey Church pipo dem tok, Dem say Rev Ndip Phillip Nkongho be want make new vote for get Church chairman after wey the other one be take by force pension and wey church law tok say na the Assistant chairman get for take chair for continue the work, But the pastor no gree, Rev Ndip Phillip tok say thing wey e do comot na for book wey SYNOD OFFICE sennam for e,
Rev Ndip Phillip still deg hospital even though docta to say for sikah the beating and pushing wey dem push man of God , e get problem with e corner belle.
Wettin di happened with Church dem now??

BBC pidgin

20/08/2022

Some business pipo dem for inside Bekoko for littoral region for cameroon don lose they business place dem after some Ngongoro motor wey e carry fuel make accident for middle road, e fall then start catch fire , the fire waka small small enter for some business house dem for corner road, for sikah this wowo accident wey e happened, Traffic be plenty for the road.
Pipo wey comot from west and South West region for cameroon, even the one dem for moungo Division wey be want enter for Douala from Bekoko side , be get for wait, before 237 tori Time want comot, Army rescue be dey for stop the fire.

02/05/2022

Tuesday, may 3 - 2022 na day for rest for all countri pipo dem for cameroon, na for inside book wey Paul Biya put e pen ontop

29/03/2022

Na so we take see Algeria this time as them prepare for nack Ndamba with Cameron

29/03/2022

Douala.

Na 22years Old Ntanta Njoumissi Jordan Internally Ddisplaced Boy wey e comot for santa, Mezam Division for inside North west region, don killed e self after were nack nack e head for some iron inside makepe missoke. Inside Douala 5 subdivision

According to tori wey emit up 237 Tori Time, this boy get O/L certificate then comot came Douala for beta e life, as e came e start dey go some Pentecostal church.

Tori wey e enter we ear say na for dey dem turn e head and then e dey wake up fight with some spirits dem. Ye nebo dem say Jordan be di talk and fight for sleep

Na the other day e comot go for market for makepe missoke start nack e head for some iron before country pipo dey carry go for laquantinie hospital.na for dey wey e breathe last air.

27/03/2022

West Region,
Ketu black cap dem for Bafoussam inside west region for cameroon don put hand for some boy were dem di point finger for ye say na ye be by force chop soya for this girl were e name na Ngafi faith

Na the other day were dem be put Ngafi faith for six feet for Binka , Donga mantung Division for North west Region
Them be meet top this girl e die body for some wuwu way inside e room for Bafoussam deh, na ye were ketu be open book for didnot for sabi who do this kind wuwu act.

27/03/2022

Tori for Ndamba,
Cameroon their man team Dey Road di go Alger's, inside Algeria we're dem go nack Ndamba with The Desert Foxes for Algeria,na the second leg Ndamba for qualified for World cup were e go dey happene for Qatar
Boys dem for Rigobert Song get for win 2-0 or 3-1 if dem want qualify, but if dem win 1-0 dem go enter penalty shootouts.
Make wunna no forget say Algeria be Nack Cameroon man team 1-0 for Japoma field for inside Douala for number 25th day for match moon 2022,for sikah this nacking were Algeria be nack dem, Cameroon man team must win if them want go Qatar 2022.

27/03/2022

Na pipo dem for old town inside Bamenda don talk say any tif man were e enter old town again go end like this we paddy man

25/03/2022