22/11/2023
በዓለ ሢመት ሕዳር 16 ክፍጸም እዩ!
ቆሞስ አባ ሠረቀብርሃን ወልደሳሙኤል ካፍቶም ሕፁያት ኤጲስቆጶሳት ዝለዓለ ድምፂ ብምርካብ ከም ዝተሓረዩ ዝዝከር እዩ። ኢ/ያውያን ብግፍዒ ናብ ዓዶም ንኸይኣትዉ ከልኩለሙዎም ፀኒሖም እዮም።እንሆ ኸዓ ናይ አምላከ ጽዮን ቅዱስ ፍቓድ ኮይኑ ሕዳር 15 ኩሎም ሊቃውንቲ ተኣኻኺቦም እቲ ዝግባእ ጸሎት ምስ ፈጸሙ ሕዳር 16 ሥርዓተ ሲመት ክፍጸም እዩ።ዝኸኣሎ ኣብ ርእሰ ኣድባራት ወገዳማት ኣኽሱም ጽዮን ተረኺቡ ናይቲ በዓል ተሳታፊ ክኸውን ብመንበረ ሰላማ መንፈሳዊ ፃውዒት ቀሪቡ ኣሎ።
ክቡር ቆሞስ ኣቦና ሽርሒ ሸዋውያንን ክፉእ ግብሪ ማሕበረ ቅ*ሱ*ንን ስለ ዘጋለፁ ፤ ድምፂ ውፁዕ ህዝቦም ብምዃን ብቃለ እግዚአብሔር ደቆም ስለ ዘጽናዕንዑ ንዘመናት እናተጋፍዑ ኣብ ስደት ፀኒሖም እዮም።ሕዚ ኸዓ ኩሉ ህዝበ ክርስቲያን ኣይዞኹም ክብሎም ይግባእ።
"ተፈሣሕነ ወተሐሠይነ በኵሉ መዋዕሊነ
ወተፈሣሕነ ህየንተ መዋዕል ዘአሕመምከነ
ወህየንተ አመት እንተ ርኢናሃ ለእኪት"
ኣብ ኩሉ ዘመንና ደስ ይብለና ሓሴት እውን ንገብር፤ ኣብ ክንዲ እቲ መከራ ዘርአኻና መዓልቲታትኣብ ክንዲ እቶም ክፍኣት ዝርኣናሎም ዓመታት ደስ ይብለና ።
መዝ 89:14-15
ኣብ ርእሰ አድባራት ወገዳማት አኲሱም ጽዮን ብሰላም የራኽበና!
