Khit Kyae Hmon - ခေတ်ကြေးမုံ

30/04/2023

KNU ညီလာခံကျင်းပနေစဉ် တပ်မဟာ (၅)နှင့်
တပ်မဟာ(၂)တို့မှ ရုတ်တရက် ထွက်ခွာသွားသည့်
အတွက် ညီလာခံအား
ယာယီရပ်ဆိုင်းခဲ့ရ
==================================

ရန်ကုန် ဧပြီ ၂၉

ကရင်အမျိုးသားအစည်းအရုံး(KNU) ညီလာခံ
ကျင်းပနေစဉ် တပ်မဟာ(၅)နှင့် တပ်မဟာ(၂)
ဦးဆောင်သူများက ရုတ်တ ရက် ထွက်ခွာခဲ့သည့်
အတွက် ညီလာခံအား ယာယီရပ်ဆိုင်းခဲ့ရကြောင်း
သတင်းရရှိသည်။

(၁၇)ကြိမ်မြောက် KNU ညီလာခံကို ဧပြီ ၂၄ ရက်မှ
စတင်ကာ တပ်မဟာ(၇)နယ်မြေ၌ ကျင်းပနေခြင်း
ဖြစ်ပြီး ဥက္ကဋ္ဌဗိုလ်ချုပ် ကြီးစောမူတူးစေးဖိုး ကိုယ်တိုင်တက်ရောက်လျက်ရှိကာ တပ်မဟာခေါင်းဆောင်အချို့မှာလည်း အွန်လိုင်းမှတစ်ဆင့် တက်ရောက်လျက်ရှိကြောင်း သိရသည်။

လက်ရှိတွင် KNU ညီလာခံအတွင်း၌ ငြိမ်းချမ်းစွာဖြင့် NCA လမ်းကြောင်းအတိုင်း နိုင်ငံရေးဆွေးနွေးလိုသည့်အဖွဲ့နှင့် တပ်မတော်အား အမြစ်ပြတ်ချေမှုန်းလိုသည့်အဖွဲ့ဟူ၍ နှစ်ဖွဲ့ကွဲနေလျက်ရှိကြောင်း KNU ၏ ထိပ်ပိုင်းခေါင်းဆောင်များနှင့်နီးစပ်သော သတင်းအရင်းအမြစ်က
NP News ကို ပြောသည်။

ထိုသို့ညီလာခံ ကျင်းပနေစဉ်အချိန် ဧပြီ ၂၈ ရက်တွင် KNU တပ်မဟာ(၅)နှင့် တပ်မဟာ(၂)တို့အား ဦးဆောင်သူများက ညီလာခံအစည်းအဝေးအတွင်းမှ လုံခြုံရေးအပါအဝင် အကြောင်းပြချက်များဖြင့် ရုတ်တရက် ထွက်ခွာသွားခဲ့ကြောင်း အထက် ပါ သတင်းအရင်းအမြစ်က ဆိုသည်။

“မနေ့က ညနေ နောက်ဆုံးပိတ် ရလာဒ်က
တပ်မဟာ(၅)က NCA သမားတွေနဲ့ ဆက်ဆွေးနွေးစရာ အကြောင်းမရှိတော့ဘူး ဆိုပြီးတော့မှ အွန်လိုင်းပေါ်က နေထွက်သွားလိုက်တာ ...

သူနဲ့အတူတူ တပ်မဟာ(၂)ကပါ ပါသွားတယ်...
လောလောဆယ် တော့ Congress က ယာယီရပ်ဆိုင်း သွားတယ်ပေါ့ ... ” ဟု ၎င်းက ဆက်လက်ပြောသည်။

KNU ဥက္ကဋ္ဌစောမူတူးစေးဖိုးအပါအဝင်
တပ်မဟာ (၇) တို့သည် နိုင်ငံရေးပြဿနာများကို
ငြိမ်းချမ်းစွာဖြင့် NCA လမ်းကြောင်းအတိုင်း
ဖြေရှင်းဆောင်ရွက်လိုကြောင်း သိရသည်။

ထို့ပြင် KNU ၏ လက်အောက်ခံအဖွဲ့များဖြစ်သော
တပ်မဟာ(၁)၊ တပ်မဟာ(၃)၊ တပ်မဟာ(၄)နှင့်
တပ်မဟာ(၆)တို့၏ ဦး ဆောင်သူများထဲတွင်လည်း
နိုင်ငံရေးပြဿနာကို ငြိမ်းချမ်းစွာဖြင့် NCA
လမ်းကြောင်းအတိုင်း ဖြေရှင်းဆောင်ရွက်လိုသူများ ရှိကြောင်း အထက်ပါသတင်းအရင်းအမြစ်က ဆက်လက်ပြောဆိုထားသည်။

“တပ်မဟာ(၇)ကတော့ မတိုက်ဘူး ...
NCA အတိုင်းပဲ သွားမယ် ...

ကျန်တဲ့ တပ်မဟာ(၄) ခုမှာလည်း
NCA သမားတွေ အများ ကြီးရှိတယ် ...

ညီလာခံအစည်းအဝေးအတွင်းမှာ
တပ်မဟာ ၁၊ ၃၊ ၄၊ ၆ က NCA သမားတွေ
ထွက်လာတယ် ...

(၇)ကတော့ ပြတ်ပြတ်သားသားပဲ
သူက NCA ပဲလေ ...” ဟု
၎င်းက ဆက်လက်ပြောဆိုထားသည်။

လက်ရှိတွင် (၁၇)ကြိမ်မြောက် KNU ညီလာခံကို
ယနေ့(ဧပြီ ၂၉ ရက်) နှင့် ဧပြီ ၃ဝ ရက်တို့တွင် ယာယီရပ်နားထားကြောင်း သိရပြီး မေလ ၁ ရက်တွင် ညီလာခံကို ဆက်လက်ကျင်းပသွားမည်ဖြစ်ကြောင်း သိရသည်။

“အဲဒီတော့
တပ်မဟာ(၅)နဲ့ တပ်မဟာ(၂)တို့က
အချိန် (၂)ရက် ရထားတယ် ...

ဒီနေ့ စနေနဲ့ တနင်္ဂနွေ နှစ်ရက်ရထားတယ် ...
တနင်္လာနေ့မှာ ပြန်တက်မလာတော့ဘူးဆိုရင်
ဒီဘက်ကတော့ ပြတ်ပြတ်သားသား ကြေညာတော့မယ့် သဘောရှိတယ် ...” ဟု KNU ထိပ်ပိုင်းခေါင်းဆောင်များနှင့်နီးစပ်သူက ဆိုသည်။

ထို့ကြောင့် (၁၇)ကြိမ်မြောက် KNU ညီလာခံကို
လာမည့် မေလ ၁ ရက်နေ့တွင် ဆက်လက်ကျင်းပ
သွားမည်ဖြစ်ကာ KNU ၌ ဆက်လက်တာဝန်
ထမ်းဆောင်မည့် ထိပ်ပိုင်းခေါင်းဆောင်များစာရင်းကိုလည်း ထုတ်ပြန်ကြေညာသွားဖွယ်ရှိကြောင်း
သိရသည်။

Source - NP News

10/04/2023

ပအိုဝ်းဒေသ ပင်လောင်း၌ တိုက်ပွဲများ ရပ်စဲသွားသော်လည်း မိုင်းအန္တရာယ်များကြောင့် စစ်ဘေးရှောင်များစွာ နေရပ်မပြန်နိုင်သေး

မျိုးကြီး (NP News) - ဧပြီ ၁ဝ

ပအိုဝ်းကိုယ်ပိုင်အုပ်ချုပ်ခွင့်ရဒေသ ပင်လောင်းမြို့နယ်အတွင်း တိုက်ပွဲများ ရပ်စဲလုနီးပါးအခြေအနေသို့ ရောက်ရှိခဲ့ပြီဖြစ်သော်လည်း မိုင်းအန္တရာယ်ကြောင့် စစ်ဘေးရှောင်များစွာ နေရပ်မပြန်နိုင်သေးကြောင်းသတင်းရရှိသည်။

ပြီးခဲ့သော မတ်လအတွင်း ပင်လောင်းမြို့နယ်ရှိ လုံးပြင်ကျေးရွာအုပ်စု၌ KNDF၊ PDF ပူးပေါင်းအဖွဲ့များနှင့် တပ်မတော်လုံခြုံရေးအဖွဲ့၊ PNA တို့အကြား တိုက်ပွဲများ အပြင်းအထန်ဖြစ်ပွားခဲ့သည်။

အဆိုပါတိုက်ပွဲများကြောင့် လုံးပြင်ကျေးရွာအုပ်စုရှိ နန်းနိန်းရွာ၊ လုံးပြင်ရွာ၊ တောင်မဲသင်းရွာ၊ ပင်ပွံရွာတို့မှ ဒေသခံတိုင်းရင်းသား (၇ဝဝဝ)နီးပါးသည် ပင်လောင်းမြို့၌ စစ်ဘေးရှောင်ခဲ့ရကြောင်း သိရသည်။

လက်ရှိတွင် နှစ်ဖက်အကြား တိုက်ပွဲများသည် ရပ်စဲလုနီးပါးအခြေအနေသို့ ရောက်ရှိခဲ့ပြီဖြစ်သော်လည်း ပင်လောင်းမြို့ပေါ်၌ စစ်ဘေးရှောင်နေသည့် စစ်ဘေးရှောင်အများအပြားမှာ ၎င်းတို့ကို နေရပ်သို့မပြန်နိုင်သေးကြောင်း ဒေသခံများက NP News ကို အသိပေးပြောဆိုထားသည်။

“အဲဒီရွာပြင်မှာရော၊ လမ်းဆုံမှာရော မိုင်းတွေ ထောင်ထားတာရှိတယ်။ အဲဒါကြောင့်မိုလို့ ရွာသားတွေလည်း ပြန်လို့မရဘူး။ မိုင်းတွေရှိတာက နန်းနိန်းရယ်၊ လုံးပြင်ရယ်မှာရှိတဲ့ လမ်းဆုံတွေမှာ မိုင်းတွေထောင်ထားတယ်။ ရွာထဲ ပြန်လို့မရတဲ့အကြောင်းအရာကတော့ သူတို့နေရာတစ်ချို့ လူအများသွားလာတဲ့နေရာတွေမှာ မိုင်းထောင်ထားတွေလည်း ရှိတယ်။ နောက်တစ်ခါ PDF တွေက အရပ်ဝတ်တွေနဲ့ ရွာထဲမှာ နေတာတွေလည်းရှိတော့ ရွာသားတွေအနေနဲ့ ပြန်ဖို့က အခက်အခဲဖြစ်နေတယ်”ဟု ဒေသခံပအိုဝ်းတိုင်းရင်းသားတစ်ဦးက ပြောသည်။

၎င်းတို့အနေဖြင့် စစ်ဘေးရှောင်နေရသည်မှာ တစ်လခန့်ရှိနေပြီဖြစ်ကာ မကြာခင်တွင် တောင်ယာစိုက် ခင်းများ လုပ်ဆောင်ရန်အတွက် အချိန်ကျရောက်တော့မည်ဖြစ်ကြောင်း သိရသည်။

“ငြိမ်းချမ်းတဲ့ဒေသက အခုပျက်စီးသွားပြီ။ အဲဒီတော့ တစ်လပြည့်တဲ့အတောအတွင်းမှာ နန်းနိန်းမှာဖြစ်သွားတဲ့ကိစ္စတွေက လူထုအတွက်တော့ အရမ်းကို နစ်နာဆုံးရှုံးခဲ့ရတယ်။ စားဝတ်နေရေးကအစ၊ လူမှုရေးကအစ၊ တစ်ရွာနဲ့တစ်ရွာယုံကြည်မှုကအစ အခုပျက်စီးကုန်တယ်ဆိုတဲ့အကြောင်းကို သိစေချင်တယ်” ဟု ၎င်းက ဆက်လက်ပြောသည်။

ပြီးခဲ့သော မတ်လအတွင်းက ပင်လောင်းမြို့နယ်၊ နန်းနိန်းရွာရှိ ဘုန်းကြီးကျောင်း၏ ကျောင်းထိုင်ဆရာ တော်အပါအဝင် အရပ်သားများစွာကို KNDF နှင့်အပေါင်းအပါများက အစုလိုက်အပြုံလိုက်သတ်ဖြတ်ခဲ့ကြောင်း ပအိုဝ်းတိုင်းရင်းသားများကပြောဆိုခဲ့ပြီး ကန့်ကွက်ရှုတ်ချမှုများ ပြုလုပ်ခဲ့သည်ကို တွေ့ရှိရသည်။

ပအိုဝ်းဒေသသည် ယခင်က တည်ငြိမ်းအေးချမ်းသည့် ဒေသတစ်ခုဖြစ်ပြီး KNDF နှင့်အပေါင်းအပါများမှ ကျူးကျော်ဝင်ရောက်လာသည့်အတွက် စစ်ပွဲများ ဖြစ်ပွားခဲ့ရခြင်းဖြစ်ကာ အစုလိုက်အပြံလိုက်သတ်ဖြတ်ခံရသည့်ဖြစ်စဉ်များပါ ဖြစ်ပွားခဲ့ကြောင်း ဒေသခံတိုင်းရင်းသားများက ဆိုထားသည်။

“နန်းနိမ်းဆရာတော်အပါအဝင် ရွာသားတွေအသတ်ခံရတာ မနက်ဖြန် ၁၁ ရက်နေ့ဆိုရင် တစ်လပြည့်ပြီပေါ့။ ဆိုတော့ တစ်လပြည့်အတော့အတွင်းမှာ ကျွန်တော်တို့ ဒေသမှာ ဝင်ရောက်ကျူးကျော်လာတဲ့ PDF အဖွဲ့တွေကြောင့် ကျေးရွာတွေ ပျက်စီးသွားတယ်။ ဒီလိုထပ်မံပြီးတော့ မဖြစ်ဖို့ လူထုတွေကို မျက်နှာမူပေးဖို့ လူထုတွေကို စာနာထောက်ထားပေးဖို့ ဒါတွေကို အဓိက သိစေချင်တယ်” ဟု ဒေသခံပအိုဝ်းတိုင်းရင်းသားတစ်ဦးက ဆိုသည်။

10/04/2023

ယုဇနဥယျာဉ်မြို့တော်အိမ်ယာ၌ အသက်ရှူကြပ်၍ ဆုံးပါးသည်ဟု ယူဆရသော အလောင်း(၂)လောင်းတွေ့ရှိ

Pearl (NP News) - ဧပြီ ၁ဝ

ရန်ကုန်တိုင်း၊ ဒဂုံဆိပ်ကမ်းမြို့နယ်ရှိ ယုဇနဥယျာဉ်မြို့တော်အိမ်ယာ၌ အသက်ရှူကြပ်၍ ဆုံးပါးသည်ဟု ယူဆရသော အလောင်း(၂)လောင်းတွေ့ရှိကြောင်း ‌ရွှေသန်လျင်နာရေးကူညီမှုအသင်း (ဒဂုံ)ထံမှ သိရသည်။

ဖြစ်စဉ်မှာ ယနေ့ (ဧပြီလ ၁ဝ ရက်)၊ နံနက် (၁၁)နာရီ၊ (၄၅)မိနစ်အချိန်ခန့်တွင် ဒဂုံဆိပ်ကမ်းမြို့နယ်၊ ယုဇနဥယျာဉ်မြို့တော်တွင် ဖြစ်ပွားခဲ့ကြောင်း သိရသည်။

ယုဇနဥယျာဥ်မြို့တော်၊ ၉၄ ရပ်ကွက်၊ ၁၄ လမ်း( အေ)တွင် နေထိုင်သော အသက်(၅၆)နှစ်အရွယ်ရှိ အမျိုးသမီး နှင့် အသက် (၃၁)နှစ်အရွယ်ရှိ အမျိုးသားတစ်ဦးတို့သည် အသက်ရှူကြပ်၍ သေဆုံးသွားခဲ့သည်ဟုယူဆရကြောင်း ကနဦး သိရသည်။

"ကျွန်တော်တို့ ရောက်တဲ့အချိန် (၂)ယောက်လုံးဆုံးသွားပြီ၊ ကလေးကတော့ ဆေးရုံကို ပို့ထားတယ်။ ကျွန်တော်တို့‌ရောက်တဲ့အချိန် အိမ်ထဲမှာလည်း မွှန်နေတာပဲ။ အခန်းက လုံတယ်။ မြေညီထပ်ပါ။ အထဲမှာ မီးစက်လည်း နှိုးထားတယ်။ Air Cooler တွေလည်း ဖွင့်ထားတယ်။ ဘာဖြစ်လို့ဆုံးလဲတော့မသိဘူး။ အသက်ရှူကြပ်တာလား ၊ အစာအဆိပ်သင့်တာလားတော့ မနက်ဖြန် ရင်ခွဲစစ်ဆေးမှုတွေ ပြီးမှသိရမှာ " ဟု ‌ရွှေသန်လျင်နာရေးကူညီမှုအသင်း (ဒဂုံ) ၏ တာဝန်ရှိသူတစ်ဦးမှ NP News ကို ပြောသည်။

လက်ရှိတွင် ၎င်းတို့အား သင်္ကန်းကျွန်းမြို့နယ်၊ စံပြဆေးရုံသို့ ပို့ဆောင်ပေးထားကြောင်း သိရသည်။

06/03/2023

အိမ်ခြံမြေငှါးရမ်းခြင်းမှတဆင့် အပိုဝင်ငွေကို ဖန်တီးနိုင်ပါတယ်...
အိမ်ခြံမြေမှာရင်းနှီးမြုပ်နှံခြင်းဟာ တသမတ်တည်း ၀င်ငွေရရှိဖို့
ကောင်းမွန်တဲ့ နည်းလမ်းတစ်ခုဖြစ်ပေမယ့် မည်သည့်နေရာက
စတင်ရမည်ကို မသိပါက ခက်ခဲနိုင်ပါတယ် ,,,,
ဒီဗီဒီယိုမှာ အိမ်ခြံမြေ သို့မဟုတ် အခြားပိုင်ဆိုင်မှုတွေကို ငှားရမ်းပြီး
ငွေရှာရန် ကူညီပေးမယ့် အရေးကြီးသော လုပ်ထုံးလုပ်နည်း အချို့ကို
တင်ပြထားပါတယ် ... အသုံးဝင်ကြလိမ့်မယ်လို့ မျှော်လင့်ပါတယ် ...😁😁

အိမ်ခြံမြေငှါးရမ်းခြင်းမှတဆင့် အပိုဝင်ငွေကို ဖန်တီးနိုင်ပါတယ်...အိမ်ခြံမြေမှာရင်းနှီးမြုပ်နှံခြင်းဟာ တသမ...

26/11/2022

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌ ဦးခင်ရီ နှင့်
ပါတီဝင်များတွေ့ဆုံပွဲ ပြောကြားချက်မှ ကောက်နှုတ်ချက်များ

Crd >>> Video

26/11/2022

ဆီစက်ချေးငွေများ လျှောက်ထားနိုင်
====================
ပြည်တွင်းဆီစက်များ တိုးချဲ့တပ်ဆင်ခြင်း၊ အဆင့်မြှင့်တင်ခြင်း
ခေတ်မီဆီစက်အသစ်များ တည်ဆောက်ခြင်းတို့အတွက် ရင်းနှီး
မြှုပ်နှံမှုလိုအပ်ချက်ကို ဖြည့်ဆည်းပေးရန် မြန်မာနိုင်ငံသား
ပုဂ္ဂလိကလုပ်ငန်းရှင်များအား ဆီစက်ချေးငွေ ပေးအပ်သွားမည်
ဖြစ်ကြောင်း စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေး
ဦးစီးဌာန ၏ ဆီစက်လုပ်ငန်းများ၏ ချေးငွေလိုအပ်ချက်ကိုလေ့လာ
သုံးသပ်တင်ပြရေးအဖွဲ့ မှကြေညာချက်ကို နိုဝင်ဘာလ (၂၆)ရက်ထုတ်
နိုင်ငံပိုင်သတင်းစာများ၌ ဖော်ပြထားသည် ။

ဆီစက်ချေးငွေရယူလိုသော လုပ်ငန်းရှင်များအနေဖြင့် ၂၀၂၂ခုနှစ်
ဒီဇင်ဘာလ (၂၇)ရက် နောက်ဆုံးထား၍ ချေးငွေအဆိုပြုလွှာပုံစံများ
ကို စက်မှုကြီးကြပ်ရေးဦးစီးဌာန နှင့် စိုက်ပျိုးရေး၊ မွေးမြူရေးနှင့်
ဆည်မြောင်းဝန်ကြီးဌာန၏ Website များတွင် အခမဲ့ download
ရယူနိုင်ကြောင်း သိရသည်။

ချေးငွေအဆိုပြုလွှာနှင့် စာရွက်စာတမ်းများကို ချိတ်ပိတ်စာအိတ်
တွင် ထည့်သွင်းပြီး စာအိတ်ပေါ်တွင် "ဆီစက်လုပ်ငန်းချေးငွေအဆို
ပြုလွှာပေးပို့ခြင်း"ဟုဖော်ပြ၍ လူကိုယ်တိုင်(သိုမဟုတ်) အမြန်ချော
ဖြင့် နေပြည်တော်၊ စက်မှုဝန်ကြီးဌာန၊ ရုံးအမှတ် (၃၇( သို့ ပေးပို့ရ
မည်ဖြစ်ကြောင်း ဖော်ပြထားသည် ။

၂၆/၁၁/၂၀၂၂

07/07/2022

လုပ်ငန်းလုပ်ကိုင်ခြင်းမရှိသော KBZ ဘဏ်ဥက္ကဋ္ဌ ပိုင်ဆိုင်သည့် မြေဧက နှစ်သောင်းတစ်ထောင်ကျော်ကို န-စ-ကမှ ပြန်လည်သိမ်းဆည်းလိုက်ပြီ
………………………………
ရန်ကုန်၊ ဇူလိုင် ၇
တနင်္သာရီတိုင်းဒေသကြီး၊ တနင်္သာရီမြို့နယ်၌ ဆီအုန်းစိုက်ပျိုးရန် မြေနေရာ ရယူထားသော်လည်း အကောင် အထည်ဖော်ခြင်းမရှိသည့် KBZ ဘဏ်ဥက္ကဋ္ဌပိုင် မြေဧက နှစ်သောင်းတစ်ထောင်ကျော်ခန့်ကို န-စ-ကမှ ပြန် လည်သိမ်းဆည်းလိုက်သည်။

တနင်္သာရီမြို့နယ်၊ သိန်းခွန်းကျေးရွာ၊ တမုတ်ချုံကျေးရွာများ၌ မြေဧက နှစ်သောင်းကျော်ကို ရွှေကမ္ဘောဇ ကုမ္ပဏီလီမိတက်မှ ဒေါ်နန်းသန်းထွေးအမည်ဖြင့် ရယူခဲ့ခြင်းဖြစ်သည်။

အဆိုပါ မြေဧရိယာများကို ရွှေကမ္ဘောဇကုမ္ပဏီလီမိတက်မှ ဆီးအုန်းစိုက်ပျိုးရန် မြေဧက နှစ်သောင်းကျော်ကို ရယူထားခဲ့သော်လည်း မြေဧကအချို့သာ စီမံကိန်းအကောင်ထည်ဖော်ပြီး စီမံကိန်းဆောင်ရွက်မှုမရှိသော မြေဧကများစွာကို ပြန်လည်သိမ်းဆည်းခဲ့ခြင်း ဖြစ်သည်။

မြေလွတ်၊ မြေလပ်၊ မြေရိုင်းများ စီမံခန့်ခွဲမှုဥပဒေအရ သတ်မှတ်ကာလ ၄ နှစ်အတွင်း၌ စီမံကိန်းအကောင် အထည်ဖော်ဆောင်ရွက်မှုမရှိသောမြေများကို နိုင်ငံတေ်ာမှ ပြန်လည်သိမ်းဆည်းခြင်းဖြစ်သည်။ ထိုသို့ သိမ်း ဆည်းရာတွင်လည်း ပေးသွင်းထားသော အာမခံကြေးများကို နိုင်ငံတော်မှ နိုင်ငံဘဏ္ဍာအဖြစ် သိမ်းဆည်းနိုင် ကြောင်း သိရသည်။

#တနင်္သာရီမြို့ #ဆီအုန်း

07/07/2022

ပြည်တွင်းစက်သုံးဆီစျေးနှုန်း တစ်လီတာလျှင်ကျပ် ၂၀၀၀ အောက်ထိ ကျဆင်း
ပြည်တွင်းစက်သုံးဆီစျေးနှုန်းများ ယနေ့ဇူလိုင် ၇ ရက်တွင် တစ်လီတာလျှင် ကျပ်၂၀၀၀ ကျပ် ဝန်းကျင်အောက်အထိ ကျဆင်းခဲ့ကြောင်း စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်မှုကော်မတီ၏ ထုတ်ပြန်ချက်အရသိရသည်။

ယနေ့တွင် ရန်ကုန်နှင့်မန္တလေးမြို့ရည်ညွှန်းလက်ကားစျေးနှုန်းများနှင့် ပြည်ထောင်နယ်မြေအပါအဝင် တိုင်းဒေကြီး၊ ပြည်နယ်များအတွင်းရှိစက်သုံးဆီ လက်လီစျေးနှုန်းများကို စက်သုံးဆီတင်သွင်သိုလှောင်ဖြန့်ဖြူးခြင်းလုပ်ငန်းကြီးကြပ်မှုကော်မတီက အများပြည်သူဝယ်ယူနိုင်မည့် လက်လီစျေးနှုန်းများကို ထုတ်ပြန်ပေးထားသည်။

ယနေ့ ဇူလိုင် ၇ ရက် ရန်ကုန်မြို့၌ 92Ron တစ်လီတာလျှင် ၁၈၃၅ကျပ်၊ 95 Ron တစ်လီတာလျှင် ၁၉၅၅ ကျပ် ၊ HSD (500pm) တစ်လီတာလျှင်၂၁၉၅ကျပ်၊ HSD (50 ppm)တစ်လီတာလျှင် ၂၂၂၅၊ HSD(10ppm)တစ်လီတာလျှင် ၂၂၂၅ အထိကျဆင်းခဲ့သည်။

အလားတူ မန္တလေးမြို့တွင် 92Ron တစ်လီတာလျှင် ၁၈၈၀ကျပ်၊ 95Ron တစ်လီတာလျှင် ၂၀၀၀ကျပ်၊ HSD( 500 ppm) တစ်လီတာလျှင် ၂၂၄၀၊ HSD(50 ppm)တစ်လီတာလျှင်၂၂၇၀ကျပ်၊ HSD( 10 ppm)တစ်လီတာလျှင်၂၂၇၀ ကျပ်အထိ ကျဆင်းသည်။

ထို့အပြင် ပြည်ထောင်နယ်မြေ နေပြည်တော်တွင် 92Ron တစ်လီတာလျှင် ၁၈၇၅ကျပ်၊ 95Ron တစ်လီတာလျှင် ၂၀၀၀ကျပ် HSD (500ppm)တစ်လီတာလျှင် ၂၂၄၀ကျပ်၊ HSD(HSD 50ppm)တစ်လီတာလျှင်၂၂၇၀ကျပ်၊ HSD(HSD 10ppm)တစ်လီတာလျှင် ၂၂၇၀ကျပ် ကျဆင်းပြီး၊ အခြားပြည်နယ်နှင့် တိုင်းဒေသကြီးများအတွင်း၌လည်း ကျပ် ၁၀၀မှ ကျပ် ၂၀၀ ဝန်းကျင်အထိ ကျဆင်းသွားကြကြောင်းသိရသည်။

ထို့ကြောင့် ယခင်ရက်များထက် ပြည်တွင်းစက်သုံးဆီစျေးနှုန်းမှာ ကျပ် ၁၀၀ ကျော်ဝန်းကျင်အထိ ကျဆင်းခဲ့ခြင်းဖြစ်ပြီး၊ သုံးစွဲသူမိဘပြည်သူများအနေဖြင့် စက်သုံးဆီဝယ်ယူသုံးစွဲရာတွင်ကျေနပ်မှုမရှိပါကကော်မတီထံ သတင်းပေးတိုင်ကြားနိုင်ကြောင်း ထုတ်ပြန်ထားသည်။

Telegram တွင်ဖတ်ရန် >> https://t.me/popularjournal

04/07/2022

"ရွှေပြည်သာမြိုမှာ ဆောက်လက်စအဆောက်အဦး ကွန်ကရစ်လောင်းနေစဥ် ပြိုကျလို ၇ ဦးဒဏ်ရာရ"

ရန်ကုန်တိုင်းဒေသကြီး၊ ရွှေပြည်သာမြိုနယ်၊ ၅ ရပ်ကွက်၊ ပတ္တမြားလမ်းမှာ ဒီကနေ့ (ဇူလိုင် ၄ ရက်)မနက် ၁၀ နာရီကျော်အချိန်ခန့်က ဆောက်လက်စအဆောက်အဦးတစ်ခု ကွန်ကရစ်လောင်းနေစဥ် ပြိုကျမှုဖြစ်ပွားခဲ့တယ်လို မြန်မာနိုင်ငံမီးသတ်တပ်ဖွဲဌာနချုပ်ထံက သိရပါတယ်။

ဖြစ်စဥ်ဖြစ်ပွားရာနေရာကို မြန်မာနိုင်ငံမီးသတ်တပ်ဖွဲဌာနချုပ်မှ ရှာဖွေကယ်ဆယ်ရေးကားများ၊ရှာဖွေကယ်ဆယ်ရေး(အထူး)အဖွဲဝင်များ၊ ရွှေပြည်သာမြိုနယ်မီးသတ်စခန်းမှ ရှာဖွေကယ်ဆယ်ရေးအဖွဲဝင်များ၊လူမှုကူညီရေးအသင်းများက သွားရောက် ရှာဖွေကယ်ဆယ်ရေးလုပ်ငန်းများပြုလုပ်ခဲ့ကြတယ်လို ဆိုပါတယ်။

အဆိုပါဖြစ်စဥ်ကြောင့် အမျိုးသား ၆ ဦးနဲ့အမျိုးသမီး ၁ ဦးတို ထိခိုက်ဒဏ်ရာများရရှိခဲ့တာကြောင့် ရွှေပြည်သာမြိုနယ်ပြည်သူ့ဆေးရုံကို ပိုဆောင်ပေးခဲ့ပေမယ့် အဲဒီအထဲက ဦးခေါင်းနဲ့ခြေထောက်ကိုထိထားတဲ့ အမျိုးသမီးတစ်ဦးနဲ့ နောက်ထပ်ထိခိုက်မှုပြင်းထန်တဲ့ အမျိုးသား ၄ ဦးတိုကိုတော့ အင်းစိန်ဆေးရုံကို လွှပြောင်းပေးထားရတယ်လို သိရပါတယ်။

နိုင်ငံတော်စီမံအုပ်ချုပ်ရေးကောင်စီ
သတင်းမှန်ပြန်ကြားရေး

30/06/2022

အိန္ဒိယ မဏိပူရ်ပြည်နယ်အတွင်း တရားမဝင် နေထိုင်တဲ့ မြန်မာနိုင်ငံသား
၈၀ ဦးကို ဒေသအာဏာပိုင်တွေ ဖမ်းဆီး
======================
အိန္ဒိယနိုင်ငံ၊ မဏိပူရ်ပြည်နယ် ၊ ချာချန်ပူရ်ခရိုင်၊ ချာချန်ပူရ်မြိုမှာ နယ်စပ်ဖြတ်ကျော်ဝင်ရောက်ပြီး တရားမဝင်နေထိုင်တဲ့ မြန်မာနိုင်ငံသား ၈၀ ကို ဒေသအာဏာပိုင်တွေက ဇွန် ၂၈ ရက်နေ့မှာ ဖမ်းဆီးလိုက်တယ်လို အိန္ဒိယသတင်းဖော်ပြမှုတွေအရ သိရပါတယ်။

မဏိပူရ်အာဏာပိုင်းတွေက ဗာလ်ရပ်ကွက်ကို တစ်အိမ်တက်ဆင်း လိုက်လံစစ်ဆေးခဲ့ရာက ဖမ်းဆီးရမိခဲ့တာဖြစ်ပြီး အဲဒီအထဲမှာ ကလေးငယ် ၂၀ ဦးကျော်ပါဝင်တယ်လို ဆိုပါတယ်။

ဖမ်းဆီးရမိသူအများဟုဟာ မန္တလေးနဲ့ မုံရွာဘက်ကဖြစ်ကြပြီး ၂၀၂၁ ခုနှစ် နှစ်ဆန်းပိုင်းကတည်းက အိန္ဒိယဘက်ကို ထွက်ပြေးတိမ်းရှောင်လာကြရင်း ရရာအလုပ်ကို လုပ်ကိုင်နေကြသူတွေဖြစ်တယ်လို သိရပါတယ်။

09/06/2022

တောင်ဒဂုံက ရပ်ကွက်ရုံးစာရေး လက်ဖက်ရည်ထိုင်သောက်နေစဥ်
သေနတ်ဖြင့် ပစ်ခတ်ခံရ
===================================
ရန်ကုန်တိုင်းဒေသကြီး၊ ဒဂုံမြို့သစ်တောင်ပိုင်းမြို့နယ်၊
(၁၀၆) ရပ်ကွက် အုပ်ချုပ်ရေးမှူးရုံးမှ စာရေးတစ်ဦး ယ နေ့
နံနက်ပိုင်းက သေနတ်ဖြင့် ပစ်ခတ်ခံရကြောင်း သိရသည်။

သေနတ်ဖြင့် ပစ်ခတ် ခံရသူမှာ (၁၀၆) ရပ်ကွက် အုပ်ချုပ်ရေးမှူးရုံးမှ
စာရေး ဦးမောင်မောင် ဆိုသူဖြစ်ပြီး ယနေ့ နံနက်ပိုင်း (၈) နာရီ ဝန်းကျင်
က လက်ဖက်ရည်‌ေသာက်နေစဉ် ပစ်ခတ်ခံရခြင်း ဖြစ်ကြောင်း သိရ
သည်။

" သေသလား ရှင်သလားတော့ မသိဘူး။ သုံးလေးချက်လောက်ရှိမယ်
အသံကြား လိုက်တာ ။ ပစ်သွားတာ။ သူ က အုပ်ကြီးရုံးက စာရေးလို့
တော့ ပြောတယ်" ဟု အခင်း ဖြစ် နေရာအနီးတွင် ဆိုင်ကယ် ကယ်ရီ
မောင်းနှင်သူ တစ်ဦးက ပြောသည်။

အဆိုပါ ပစ်ခတ်မှု ဖြစ်ပွားပြီးနောက်တွင် အခင်းဖြစ်ပွားရာ နေရာသို့
လုံခြုံရေး တပ်ဖွဲ့ဝင်များ ရောက်ရှိလာပြီး ပိတ်ဆို့ စစ်ဆေးမှုများ လုပ်
ဆောင်ခဲ့ကြောင်းလည်း သိရသည်။

ယနေ့ နံနက်ပိုင်းတွင် ရန်ကုန်တိုင်းဒေသကြီး လှိုင်သာယာမြို့နယ်၊
အမှတ် (၂၀) ရပ်ကွက်တွင်လည်း ရပ်ကွက် အုပ် ချုပ်ရေးအဖွဲ့ဝင်
ဦးဝင်းဇော် သေနတ်ဖြင့် ပစ်ခတ်ခံရကြောင်း သိရသည်။

အဆိုပါ ပစ်ခတ်မှုကြောင့် ရပ်ကျေး အုပ်ချုပ်ရေး အဖွဲ့ဝင် ဦးဝင်းဇော်
တွင် ဒဏ်ရာအပြင်းအထန်ရရှိခဲ့သည့် အတွက် လှိုင်သာယာဆေးရုံကြီး
သို့ ပို့ဆောင်ခဲ့ရကြောင်း သိရသည်။

Crd >>> Popular News Journal

04/06/2022

PDF များ မကြာခင် ဇာတ်လမ်းပြတ်တော့မည်ဖြစ်ကြောင်း
ပြောဆိုလိုက်သည့် ဘူးလက်လှဆွေ
………………………………………
“PDF တွေ ခေါင်းထဲမှာ အနန္တောအနန္တငါးပါးဆိုတာ မရှိတော့ဘူး။ အနန္တောအနန္တငါးပါးနဲ့ ဒေါ်အောင်ဆန်းစု ကြည်ကို လဲလိုက်ပြီ”
ဘူးလက်လှဆွေ

Crd >>>

https://youtu.be/kxTovB-eNFc

PDF များ မကြာခင် ဇာတ်လမ်းပြတ်တော့မည်ဖြစ်ကြောင်း ပြောဆိုလိုက်သည့် ဘူးလက်လှဆွေ ………………………………………“PDF တွေ ခေါင်းထဲ....

19/05/2022

ငြိမ်းချမ်းရေး တွေ့ဆုံဆွေးနွေးမှုများ
မနက်ဖြန် စတင်ဆောင်ရွက်မည်
===================
နစကဥက္ကဌရဲ့ ဖိတ်ခေါ်ကမ်းလှမ်းမှုမှတဆင့် ဖြစ်ပေါ်လာမယ့် ငြိမ်းချမ်းရေးတွေ့ဆုံဆွေးနွေးမှုတွေကို အခုလာမယ့် မေလ ၂၀ရက် မနက်ဖြန်ကနေ စတင်ဆောင်ရွက်တော့မှာ ဖြစ်တယ်လို့ နစကသတင်းပြန်ကြားရေးအဖွဲ့ခေါင်းဆောင်ဗိုလ်ချုပ်ဇော်မင်းထွန်းက ဒီကနေ့ သတင်းစာရှင်းလင်းပွဲမှာ ပြောဆိုလိုက်ပါတယ်။
နစကဥက္ကဌနဲ့ ငြိမ်းချမ်းရေးဆွေးနွေးဖို့ စာရင်းပေးထားတဲ့ အဖွဲ့အစည်း ၁၀ဖွဲ့ရှိပြီး အဲ့ဒီအဖွဲ့အစည်းတွေထဲက ဥက္ကဌအဆင့်ရှိသူ ၃ဦးပါတဲ့ အဖွဲ့ ၃ဖွဲ့၊အခြားအဖွဲ့တွေကတော့ ဥက္ကဌကဲ့သို့ ဆုံးဖြတ်ပိုင်ခွင့်အခွင့်ရ ဒုတိယဥက္ကဌစတဲ့ အဆင့်မြင့်ကိုယ်စားလှယ်တွေ တက်ရောက်မှာဖြစ်တဲ့အကြောင်းလည်း ဗိုလ်ချုပ်ဇော်မင်းထွန်းက ဆက်ပြောပါတယ်။
ငြိမ်းချမ်းရေးဆွေးနွေးဖို့ရာမှာ ဥက္ကဌမတက်ရောက်ဖြစ်တဲ့ အဖွဲ့တွေက ကျန်းမာရေးအခြေအနေအရ၊ခရီးသွားလာဖို့ရာ အဆင်မပြေတာကြောင့် ဖြစ်တယ်လို့ပါ ဗိုလ်ချုပ်ဇော်မင်းထွန်းက ထည့်သွင်းပြောဆိုသွားတာတွေ့ရပါတယ်။
နစကဥက္ကဌက ငြိမ်းချမ်းရေးဆွေးနွေးတာမှာ ကြိုတင်ကန့်သတ်ချက်မထားဘဲ သူကိုယ်တိုင်တွေ့မှာဖြစ်တဲ့အပြင်၊နစကအဖွဲ့ဝင်အချို့ပါတဲ့ ကိုယ်စားလှယ်အဖွဲ့နဲ့ပါ တွေ့ဆုံမယ်လို့ ပြောဆိုထားပါတယ်။လိုအပ်မယ်ဆိုရင် သူကိုယ်တိုင်လည်း ထပ်တွေ့ပေးမယ်လို့ ပြောဆိုခဲ့တာလည်းရှိပါတယ်။
ငြိမ်းချမ်းရေးဆွေးနွေးမှုကို တက်ရောက်မယ့်အဖွဲ့တွေကတော့ ရှမ်းပြည်နယ် ပြန်လည်ထူထောင်ရေးကောင်စီ၊ရှမ်းပြည်တပ်မတော်(RCSS/SSA)၊တိုးတက်သော ဗုဒ္ဓဘာသာကရင်အမျိုးသားအစည်းအရုံး DKBA ၊ကရင်အမျိုးသားလွတ်မြောက်ရေးတပ်မတော် ငြိမ်းချမ်းရေးကောင်စီ KNU/KNLA၊မွန်ပြည်သစ်ပါတီ NMSP ၊ရခိုင်လွတ်မြောက်ရေးပါတီ ALP ၊ပအိုဝ်းအမျိုးသားလွတ်မြောက်ရေးအဖွဲ့ PNLO၊လားဟူဒီမိုကရက်တစ် သမဂ္ဂ LDU၊ ဝပြည်သွေးစည်းညီညွှတ်ရေးတပ်မတော် UWSP/UWSA၊မိုင်းလားဒေသအဖွဲ့ NDAA၊ရှမ်းပြည်တပ်မတော် SSPP/SSAတို့ဖြစ်ပါတယ်။

03/05/2022

ယူနိုက်တက်အမရာဘဏ်မှ ယာဉ်မောင်းရာဇာထက်သည် ကုမ္ပဏီတစ်ခုမှ ငွေလွှရန်သိမ်းဆည်းလာသော ငွေကျပ် (၂၁၉၅) သိန်းကို မေလ ၃ ရက်နေ့လယ်က ကားရွှေ့ခိုင်းစဉ်ယူဆောင်ခိုးပြေးသွားကြောင်းသိရသည်။

အဆောင်ကောင်းကုမ္ပဏီမှ မြိတ်သိုငွေကျပ်၂၁၉၅ သိန်းလွှဲလိုကြောင်း ဖုန်းဆက်သဖြင့် ယူနိုက်တက်အမရာဘဏ်မှအကြီးတန်းစာရေး ဦးကြည်စင်ငြိမ်း၊အငယ်တန်းစာရေး ဒေါ်ခင်မိုမိုအောင်နှင့် ယာဉ်မောင်းရာဇာထက်တိုသည် ယာဉ်အမှတ် YGN 5Q/Nissan Camery ကားဖြင့်ငွေကိုသွားရောက်လက်ခံခဲ့သည်။

အပြန်တွင် တောင်ဥက္ကလာပမြို၊ (၁၅) ရပ်ကွက်၊ မြင်သာ (၂) လမ်းရှိ ဦးကြည်စင်ငြိမ်း၏အိမ်သို နေလယ်စာစားရန်သွားခဲ့ကြသည်။ လမ်းအတွင်းနာရေးကြောင့်ကားများပိတ်နေသဖြင့် ရာဇာထက်မှကားကိုနေရာရွှေ့မည်ဟုပြောကာထွက်သွားပြီး ပြန်မလာသောကြောင့် ဘဏ်ရုံးချုပ်သိုဖုန်းဆက်အကြောင်းကြားခဲ့သည်။ ကားကိုလိုက်လံရှာဖွေရာ (၇) ရပ်ကွက်၊ ရာဇသူရ (၄) လမ်းတွင်ရပ်ထားသည်ကိုတွေ့ပြီးယာဉ်မောင်းရာဇာထက်နှင့် ကျပ် (၂၁၉၅) သိန်းပျောက်ဆုံးသွားသဖြင့်အမှုဖွင့်လှစ်ထားကြောင်းသိရသည်။

03/05/2022

တွံတေး ကမ္ဘာ့ရတနာဘဏ်ရှေ့တွင် လူတစ်ဦး သေနတ်ဖြင့်ပစ်သတ်ခံရ

မေလ ၃၊ ၂၀၂၂

ရန်ကုန်တိုင်းဒေသကြီး၊ တွံတေးမြို၊ မင်းပိုင်းရပ်ကွက်၊ မင်းရဲကျော်စွာလမ်းနှင့် အလောင်းဘုရားလမ်းထိပ်၊ ကမ္ဘာ့ရတနာဘဏ်ရှေ့တွင် မေလ ၃ ရက် မွန်းလွဲ
၂ နာရီ ၃၀ မိနစ်အချိန်က လူတစ်ဦးကိုအကြမ်းဖက်သမားများက သေနတ်ဖြင့်ပစ်သတ်သွားကြောင်းသိရသည်။

ရှမ်းစုကျေးရွာနေ ဦးမြဦးသည် ကမ္ဘာ့ရတနာဘဏ်ရှေ့အရောက်တွင် ဆိုင်ကယ်တစ်စီးဖြင့်လူနှစ်ဦးက ဆိုင်ကယ်ပေါ်မှဆင်းလာပြီးသေနတ်ဖြင့်ပစ်ခတ်သည့်အတွက် ဦးမြဦးမှာဝဲပါးဖောက်ဝင်၊ ယာမျက်လုံးအောက်ဖောက်ဝင်ဒဏ်ရာများဖြင့်ပစ်ခတ်ခံရသည့်နေရာတွင်ပင် သေဆုံးသွားပြီး အကြမ်းသမားများသည်ဆိုင်ကယ်ဖြင့်ထွက်ပြေးသွားကြောင်းသိရသည်။

03/05/2022

"ဂျပန်- မြန်မာ စီးပွားရေးအကျိုးဆောင် မစ္စတာဝါတာနာဘေး မြန်မာသို
ထပ်မံရောက်ရှိပြီး မြန်မာနိုင်ငံ၏ စီးပွားရေးဖွံဖြိုးတိုးတက်မှုကိစ္စများဆွေးနွေး"
=========================================
ဂျပန်- မြန်မာ စီးပွားရေးအကျိုးဆောင် Mr. Watanabe Hideo သည် မြန်မာနိုင်ငံ၏ စီးပွားရေးဖွံဖြိုးတိုးတက်မှုအတွက် ဂျပန်နိုင်ငံက ပံ့ပိုးကူညီပေးသည့်ကိစ္စရပ်များနှင့်ပတ်သက်၍ မြန်မာနိုင်ငံသို ယခုရက်ထဲလာရောက်ဆွေးနွေးခဲ့သည်ဟု သိရသည်။

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်နှင့်‌ မေလ၂ရက်နေ့ နံနက် ၁၀ နာရီတွင် နေပြည်တော်ရှိ စီမံကိန်းနှင့်ဘဏ္ဍာ ရေးဝန်ကြီးဌာန၌ တွေ့ဆုံဆွေးနွေးခဲ့ကြခြင်းဖြစ်သည်။

တွေ့ဆုံစဉ် မြန်မာနိုင်ငံ၏ စီးပွားရေးဖွံဖြိုးတိုး တက်မှုအတွက် ဂျပန်နိုင်ငံက ပံ့ပိုးကူညီပေးသည့်ကိစ္စ၊ နှစ်နိုင်ငံ စီးပွားရေးနှင့် ဘဏ္ဍာရေးပူးပေါင်း ဆောင်ရွက်မှုဆိုင်ရာကိစ္စနှင့် ဆက်လက်ဆောင်ရွက် မည့်ကိစ္စရပ်များကို အမြင်ချင်းဖလှယ် ဆွေးနွေးခဲ့ကြသည်ဟု စီမံကိန်းနှင့် ဘဏ္ဍာရေးဝန်ကြီးဌာနသတင်းအရ သိရသည်။

29/04/2022

"ဘိုကလေးမြိုရှိ နှစ်ပေါင်း ၅၀ ကျော်သက်တမ်းရှိ တာဝတိံသာစေတီတော်လှေကားဆောင်းတန်းပြိုကျ"

ဧရာဝတီတိုင်း၊ဘိုကလေးမြို၊အမှတ် (၂) ရပ်ကွက်ရှိ ရှေးဟောင်းသမိုင်းဝင် အောင်စင်္ကြာစေတီတော်မြတ်ကြီးဝင်းအတွင်း၌တည်ထားသည့် တာဝတိံသာဆုတောင်းပြည့်စေတီတော်၏ လှေကားဆောင်းတန်းသည် ယနေ့ (ဧပြီ ၂၉ ရက်) တွင် ပြိုကျသွားခဲ့ကြောင်း ဒေသခံများထံမှသိရသည်။

အဆိုပါ လှေကားစောင်းတန်းကို ဆောက်လုပ်ထားသည်မှာ နှစ်ပေါင်း ၅၀ ကျော်ကြာမြင့်ပြီဖြစ်သဖြင့် ခံနိုင်ရည်အားနည်းလာကာ အရှည်ပေ ၆၀ ခန့် အလိုလျောက် ပြိုကျသွားခဲ့ခြင်းဖြစ်ပြီး လူနှင့်တိရစ္ဆာန် ထိခိုက်မှုမရှိခဲ့ဟုဆိုသည်။

ပြိုကျသွားခဲ့သည့် လှေကားစောင်းတန်းကို ဆရာတော်ကြီးများထံ သြဝါဒခံယူ၍ ပြန်လည်ပြင်ဆင်ဆောက်လုပ်သွားမည်ဖြစ်ကြောင်း သိရသည်။

29/04/2022

ပုဂံဘုရားခိုးသူတွေ ဖမ်းမိပြီး ရုပ်တုတွေ ပြန်လည်ရရှိ

ဧပြီ ၂၉-၂၀၂၂

VOM (GG)

ကမ္ဘာအမွေအနှစ်စာရင်းဝင် ပုဂံဒေသက ဘုရားအမှတ် ၄၁၈ နဲ့ ဘုရားအမှတ် ၇၁၆ ဘုရားတွေဆီကနေ ဖြုတ်ယူအခိုးခံလိုက်ရတဲ့ ရုပ်တုတွေနဲ့ ရှေးဟောင်း ပစ္စည်းတွေ ပြန်လည်ရရှိခဲ့သလို ခိုးယူသူတွေကိုလည်း ဖမ်းဆီးရမိထားပြီဖြစ်တယ်လို ပုဂံရှေးဟောင်းယဉ်ကျေးမှု ဌာနခွဲကနေ သိရပါတယ်။

ဘုရားအမှတ် ၄၁၈ မှ ဦးခေါင်းသုံးလုံးပါ ဗြဟ္မာရုပ်တု ၄ ခု ၊ဘုရားအမှတ် - ၇၁၆ မှခြင်္သေ့ရုပ်တု ၄ခု ၊ ဗုံတီးဟန်ရုပ်တု ၂ ခု (ဦးခေါင်းနဲ့အပိုင်းအစအချို ပဲ့)၊ပလ္လင်ထမ်းဟန် ရုပ်တု ၁ ခု၊ကချေသည်ရုပ်တု ၁ ခု၊ အုတ်ခွက်စာပါအုတ် ၁၉ ချပ် ၊၂ ပေပတ်လည် ကျောက်ပြားမှာ သမင်ရုပ်ပုံပါ ၁ ချပ်ကို ရရှိခဲ့တယ်လိုသိရပါတယ်။

ရှေးဟောင်းပစ္စည်းတွေနဲ့အတူ ပစ္စည်းဖြုတ်ယူခိုးသူ၊လက်ခံသူ ၊ရောင်းဝယ်တဲ့ ၆ ယောက်ကို ဧပြီ ၁၉ရက်နေ့ကနေ ဧပြီ၂၈ရက်နေ့အတွင်းမှာ ဖမ်းဆီးရမိထားတာဖြစ်ပြီး ဖမ်းမိသူတွေဟာ ပုဂံညောင်ဦးဒေသခံတွေဖြစ်တယ်လို သိရပါတယ်။

"၁၉ ရက်ကစပြီး သတင်းရလို ချိတ်ဆက်ဆောင်ရွက်ရင်း ဖမ်းဆီးရမိတာပေါ့။ ကိုယ်တိုင်ခွာတဲ့သူရော၊အပေါင်ခံတဲ့သူရော ၊ အထိုင်ပစ္စည်းကောက်တဲ့သူရော လက်ရှိမိထားတာပေါ့။ အမှတ် ၄၁၈ မှာ ပျောက်တာက အရင်မှတ်တမ်းပုံတွေနဲ့စစ်တော့ ၄ ခုပျောက်တာကို အခု ၄ခုလုံးပြန်ရတယ်။ ၇၁၆ ကလည်း ဗုံတီးအရုပ်တွေ၊ကချေသည်အရုပ်တွေ အကုန်ရတယ်။ နောက်ထပ်လည်း ဆက်စပ်တွေကိုဆက်လုပ်နေတယ်" လို ပုဂံရှေးဟောင်းယဉ်ကျေးမှုဌာနခွဲမှ ညွှန်ကြားရေးမှူး ဦးကျော်မျိုးဝင်းကပြောပါတယ်။

ရှေးဟောင်းပစ္စည်းတွေကိုတော့ လွန်ခဲ့တဲ့ ၂ နှစ်လောက်ကတည်းက ဖြုတ်ယူခိုးနေတာဖြစ်တယ်လို ရှေးဟောင်းပစ္စည်း ခိုးယူသူတွေကို စစ်ဆေးချက်တွေအရ သိရပါတယ်။

ဘုရားအမှတ် ၄၁၈ နဲ့ ဘုရားအမှတ် ၇၁၆ က ရုပ်တုတွေ ပျောက်ဆုံးပြီး ဖြုတ်ယူအခိုးခံရကြောင်းကို ဧပြီလ ၁၈ ရက်နေ့က စစ်ဆေးတွေ့ရှိခဲ့တာဖြစ်ပါတယ်။

အဲ့ဒီနောက် ပျောက်ဆုံးသဲကျောက်ရုပ်တုတွေ ပြန်လည်ရရှိရေးနဲ့ သတင်းပေါက်ကြားမှု မရှိစေရေး နဲ့ ဆက်စပ်ကျူးလွန်သူတွေကို ဖော်ထုတ်နိုင်ရေး၊ ဆုံးရှုးသွားတဲ အမွေအနှစ်တွေ ပြန်လည်ရရှိရေးအတွက် သက်ဆိုင်ရာအဖွဲစုံတွေနဲ့ ပူးပေါင်းပြီး လုပ်ဆောင်ခဲ့သလို ရှေးဟောင်းပစ္စည်းတွေ ပြည်ပကို တရားမဝင်ရောက်ရှိမသွားစေဖိုအတွက်လည်း နိုင်ငံတကာရဲတပ်ဖွဲ (Interpol)နဲ့ ချိတ်ဆက်ဆောင်ရွက်ခဲ့တာကြောင့် ပျောက်ဆုံးရုပ်တုတွေပြန်လည်ရရှိခဲ့တာဖြစ်တယ်လို သိရပါတယ်။

ရှေးဟောင်းပစ္စည်းရောင်းဝယ်ဖောက်ကားသူတွေဟာ ပုဂံမှာ တောထူ၊ချောင်ကျတဲ့နေရာက ဘုရားတွေကို ခရီးသွားပြည်သူအရောက်အပေါက်နည်းချိန် အခွင့်ကောင်းယူကာ ခိုးယူတာတွေလုပ်နေကြတာဖြစ်လို ရှေးသုဌာနအနေနဲ့နံရံဆေးရေးပန်းချီလက်ရာကောင်းတွေ၊ရှားပါးလက်ရာရုပ်တုရှိပြီး ချောင်ကျတဲ့ဘုရားတွေကို စာရင်းကောက်ယူကာ သံတံခါးတွေတပ်ဆင်ဖိုလုပ်နေတယ်လိုလည်း သိရပါတယ်။

29/04/2022

"အကြမ်းဖက် လူသတ် ၊ မုဒိန်ကျင့်ပြီး ထွက်ပြေးတိမ်းရှောင်နေတဲ့ ကလေးမြိုနယ်က CDM ကျောင်းဆရာ အကြမ်းဖက်သမားတစ်ဦးကို ဖမ်းဆီးရမိ"

အကြမ်းဖက် လူသတ် ၊ မုဒိန်ကျင့်ပြီး ထွက်ပြေးတိမ်းရှောင်နေတဲ့ ကလေးမြိုနယ်က CDM ကျောင်းဆရာ အကြမ်းဖက်သမားတစ်ဦးကို စစ်ကိုင်းတိုင်းဒေသကြီး ၊ ကလေးမြို၊ ပင်လုံရပ်ကွက် ၊ ဆိပ်ကမ်းသာလမ်းမှာ ယနေ့ (ဧပြီ ၂၉ ရက်) နေ့လည်ပိုင်းက ဖမ်းဆီးရမိခဲ့တယ်လို ကလေးမြိုခံတွေဆီက သိရပါတယ်။

အဖမ်းရမိတဲ့သူဟာ ကလေးမြိုနယ် ၊ မှန်တောကျေးရွာ ၊ မှန်တော အထက ခွဲ ကျောင်းက CDM ကျောင်းအုပ်ဆရာ ဦးကျော်မင်းနိုင် ဆိုသူဖြစ်တယ်လိုသိရပြီး သူ့ကို အကြမ်းဖက် လူသတ် မုဒိန်းကျင့် မှုတွေနဲ့ လုံခြုံရေးတပ်ဖွဲက အလိုရှိနေတာလို ဆိုပါတယ်။

အဲ့ဒီ အကြမ်းဖက် မုဒိန်းကောင် ကျောင်းဆရာဟာ ကလေးမြိုနယ်တောင်ပိုင်း ကမ္ဘားနီဝန်းကျင်မှာ ခိုအောင်းပြီး မိန်းကလေးငယ်တွေကို မုဒိန်းကျင့်တဲ့အပြင် လူတွေရဲ့ ကိုယ်အင်္ဂါအစိပ်အပိုင်းတွေကို ဖြတ်တောက်သတ်ဖြတ်ကာ အလောင်းတွေကို မြစ်သာမြစ်နဲ့ ကမ္ဘားနီချောင်းထဲကိုမျှောခြင်း၊ ရွာတွေကိုဝင်ပြီး ဆက်ကြေးကောက်ခြင်း ၊ လုပ်သေနတ်များပြုလုပ်ပြီး အကြမ်းဖက်အဖွဲကို ထောက်ပံပေးခြင်းဆိုတဲ့အမှုတွေကို ကျူးလွန်နေသူဖြစ်တဲ့အတွက် ဥပဒေနဲ့အညီ အရေးယူနိုင်ဖို ဆောင်ရွက်လျှက်ရှိတယ်လို သိရပါတယ်။

29/04/2022

မိုးညှင်းမြိုနယ်တွင် အလှူလုပ်ရန်ပြင်ဆင်နေသည့် ဘုန်းတော်ကြီးကျောင်းအားအနူဂျီတောပဒက် ဒရုန်းဖြင့် ဗုံးခွဲတိုက်ခိုက်မှုကြောင့် ဆရာတော် တစ်ပါးအပါအဝင် ၅ ဦးဒဏ်ရာရ
==========================================
မြစ်ကြီးနား၊ ဧပြီ ၂၉

မိုးညှင်းမြိုနယ်၊ နန်းမားကျေးရွာအုပ်စု၊ နန့်စလော်ကျေးရွာအတွင်းရှိ အလှူပြုလုပ်ရန်ပြင်ဆင်နေသည့် ဘုန်းတော်ကြီးကျောင်းအား အမည်မသိ အကြမ်းဖက်သမားများက ယမန်နေ့ညပိုင်အချိန်တွင် ဒရုန်းဖြင့် ဗုံးခွဲတိုက်ခိုက်ခဲ့သဖြင့် ဆရာတော် တစ်ပါးအပါအဝင် သုံးဦးဒဏ်ရာရရှိခဲ့ကြောင်း သတင်းရရှိသည်။

ဖြစ်စဉ်မှာ နန့်စလော်ကျေးရွာတွင် တည်ထားကိုးကွယ်သည့် နဂါရုံဘုရား အနေဂဇာတင်ရန်အတွက် ဒက္ခိဏဝန်မန်ဘုန်းတော်ကြီးကျောင်းတိုက်အတွင်း ချက်ပြုတ်ရေးလုပ်ငန်းများ ဆောင်ရွက်နေစဉ် ည ၇ နာရီအချိန်ခန့်တွင် အကြမ်းဖက်သမားများက ဒရုန်းဖြင့် နှစ်ကြိမ် လာရောက်တိုက်ခိုက်ခဲ့ခြင်းဖြစ်သည်။

ယင်းကြောင့် အလှူအတွက် ကူညီချက်ပြုတ်နေကြသူများမှာ ဘေးလွတ်ရာသို ထွက်ပြေးလွတ်မြောက်သွားခဲ့သော်လည်း မပြေးနိုင်သည့် ဦးဝိမလ သက်တော်(၇၈) နှစ် နှင့် ဦးသန်းထွန်း ( ၅၂) နှစ်၊ ဦးအောင်ကြီး(၆၈)နှစ်၊ ဦးမြကြီး (၈၃)နှစ်၊ မောင်ဓါတ်ဆံ (၁၅)နှစ်၊ တိုတွင် ဒဏ်ရာအသီးသီးရရှိခဲ့ကြကြောင်း သိရသည်။

အဆိုပါဖြစ်စဉ်နှင့် ပတ်သက်၍ နယ်မြေလုံခြုံရေးတပ်ဖွဲဝင်များက စုံစမ်းစစ်ဆေးမှုများ ပြုလုပ်လျက်ရှိပြီး ဒဏ်ရာရာရှိသူများကို ဟိုပင်မြိုဆေးရုံကြီးသို ပိုဆောင်ကာ ဆေးကုသမှုခံယူစေလျက်ရှိကြောင်း သိရသည်။

EPN

ကေကေ
Credit

26/04/2022

ပြည်ထောင်စုဝန်ကြီးဟောင်း ဦးအုန်းဝင်း၊ဦးချစ်ခိုင်သားအဖအပါအဝင်
၆ ဦးကို အဂတိပုဒ်မနဲ့အမှုဖွင့်
=========================================
ပြည်ထောင်စုဝန်ကြီးဟောင်း ဦးအုန်းဝင်း၊ဦးချစ်ခိုင်သားအဖအပါအဝင်
၆ ဦးကို အဂတိပုဒ်မနဲ့ဒီကနေ့ နေပြည်တော်မှာ အမှုဖွင့်လိုက်တယ်လို့ အဂတိလိုက်စားမှုတိုက်ဖျက်ရေးကော်မတီကနေ သိရပါတယ်။

ပြည်ထောင်စုဝန်ကြီးဟောင်း ဦးအုန်းဝင်း၊ဦးဝင်းခိုင်၊ ဒုတိယဝန်ကြီးဟောင်း ဒေါက်တာထွန်းနိုင်၊ အမှတ်(၁)သတ္တုတွင်းလုပ်ငန်း၊ ဦးဆောင်ညွှန်ကြားရေးမှူးဟောင်း ဦးကျော်ဆန်း၊ လျှပ်စစ်ဓာတ်အားပေးရေးလုပ်ငန်းဦးဆောင်ညွှန်ကြား ရေးမှူး ဦးသန်းနိုင်ဦး၊ ကုမ္ပဏီဥက္ကဋ္ဌ ဦးချစ်ခိုင်နဲ့ မန်နေဂျင်းဒါရိုက်တာ ဦးဝင်းမင်းခိုင်တို့အပေါ် အဂတိလိုက်စားမှုတိုက်ဖျက်ရေးဥပဒေနဲ့ မနေ့ နေ့လယ်ပိုင်းက ပုဒ်မ-၅၅/၆၃နဲ့ နေပြည်တော်၊ ဥတ္တရသီရိမြို့နယ်၊ ဘုရားကုန်းမြို့မရဲစခန်းမှာ အမှုဖွင့်ခဲ့တယ်လို့ နကစပြန်ကြားရေးတာဝန်ခံဗိုလ်ချုပ်ဇော်မင်းထွန်းက ပြောပါတယ်။

"ဖမ်းတာဟုတ်ပါတယ် မနေ့က ဖမ်းလိုက်တာ သူရယ် သူသားရယ် ဝန်ကြီးဟောင်းတွေလည်းပါတယ်၊ အခုတရားစွဲဆိုနိူင်ဖို့ ဆောင်ရွက်နေပါတယ်"လို့ ပြောပါတယ်။

အမှုဖွင့်ရတဲ့အကြောင်းအရင်းမှာ လျှပ်စစ်နှင့် စွမ်းအင်ဝန်ကြီးဌာန၊ လျှပ်စစ် ဓာတ်အားထုတ်လုပ်ရေးလုပ်ငန်း၊ တီကျစ် ကျောက်မီးသွေးသုံး ရေနွေးငွေ့ဓာတ်အားပေးစက်ရုံအတွက် လိုအပ်သော ကျောက်မီးသွေး ထုတ်လုပ်ခြင်း၊ ရောင်းချခြင်း ဆောင်ရွက်ချက်များတွင် အဂတိလိုက်စားမှုတွေရှိနေတာကြောင့် အမှုဖွင့်လှစ်ရတာဖြစ်တယ်လို့ နကစပြန်ကြားရေးတာဝန်ခံဗိုလ်ချုပ်ဇော်မင်းထွန်းက ပြောပါတယ်။

လက်တလောမှာ ဦးချစ်ခိုင်နဲ့ သားဖြစ်သူ ဦးဝင်းမင်းခိုင်တို့ကို ဘယ်မှာ ထိန်းသိမ်းထားတယ်ဆိုတာကို VOM အနေနဲ့ သီးခြားအတည်ပြုနိူင်ခြင်း
ရှိပါဘူး။

ဦးချစ်ခိုင်ဟာ ဧဒင်စီးပွားရေးအုပ်စုရဲ့ ဥက္ကဋ္ဌတစ်ဦးဖြစ်သလို မြန်မာ့ရှေ့ဆောင်ဘဏ်၊ DENKO စက်သုံးဆီဆိုင်၊ ဆောက်လုပ်ရေးလုပ်ငန်း၊ မန္တလေးအပန်းဖြေ‌ ဂေါက်ကွင်းနှင့် ဟိုတယ်လုပ်ငန်းစုတို့ကို ပိုင်ဆိုင်ထားသူတစ်ဦးဖြစ်ပါတယ်။

ဇေကမ္ဘာဦးခင်ရွှေနှင့်သားဖြစ်သူ ဦးဇေသီဟတို့ကိုလည်း ပြီးခဲ့တဲ့ မတ်လ ၂၁ ရက်က ဗဟန်းမြို့နယ်မှာ ဖမ်းဆီးခံရပြီး ပုဒ်မ ၂၁ နဲ့အမှုဖွင့်ကာ အင်းစိန်အကျဉ်းထောင်ကို ပို့ဆောင်ခဲ့တာဖြစ်ပါတယ်။

Crd >>> Voice of Myanmar

26/04/2022

နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ၏ (၁၃) ကြိမ်မြောက် သတင်းစာရှင်းလင်းပွဲအား ဧပြီလ ၂၇ ရက်နေ့ မွန်းလွဲ ၁နာရီတွင် ပြန်ကြားရေးဝန်ကြီးဌာနစုပေါင်းအစည်းအဝေးခန်းမတွင် ပြုလုပ်သွားမည်ဖြစ်ကြောင်း ပြည်သူများသို အသိပေးနှိးဆော်အပ်ပါသည်။

26/04/2022

ြန်မာ-တရုတ် ချစ်ကြည်ရေး ဥမင်လိုဏ်ခေါင်း(မြန်မာဘက်ခြမ်း)
တွင် ပြည်တော်ပြန် ၃၀၀ နီးပါးအား စနစ်တ ကျ စိစစ် လက်ခံ
………………………………………

မြစ်ကြီးနား၊ ဧပြီ ၂၆

ကချင်ပြည်နယ်၊ ကံပိုင်တည်း မြန်မာ-တရုတ် ချစ်ကြည်ရေး ဥမင်လိုဏ်ခေါင်း (မြန်မာဘက်ခြမ်း) တွင် ပြည် တော်ပြန် ၃၀၀ နီးပါးအား ယနေ့ နံနက်ပိုင်းအချိန်က သက်ဆိုင်ရာတာဝန်ရှိသူများမှ စနစ်တကျ စိစစ် လက်ခံပေးခဲ့ကြောင်းသိရသည်။

တရုတ်နိုင်ငံ၊ ကွမ်တုန်းပြည်နယ်ရှိ မြိုအသီးသီး၌ အကြောင်းအမျိုးမျိုးကြောင့် ထိန်းသိမ်းခံထားရသည့် ပြည်တော်ပြန် မြန်မာနိုင်ငံသူ/သား ၂၉၈ ဦးတိုအား မြစ်ကြီးနားမြိုတိုတွင် ကွာရန်တင်းဝင်ရောက်ရမည်ဖြစ်ကြောင်း သိရသည်။

အဆိုပါ ပြည်တော်ပြန် မြန်မာနိုင်ငံသူ/သား (၂၉၈)ဦးတိုအနက် ကျား(၂၁၃) ဦးတိုအား မြစ်ကြီးနားမြို၊ အား ကာခန်းမ၌လည်းကောင်း၊ မ (၈၅)ဦးတိုအား မြစ်ကြီးနားမြို၊ အံတော်ရှင်ဘုန်းတော်ကြီးကျောင်းဝင်းရှိ သီတဂူ မျက်စိဆေးရုံတွင်လည်းကောင်း Quarantine ဝင်ရောက်စေမည်ဖြစ်ကြောင်းသိရသည်။

ယင်းပြည်တော်ပြန်များအနက် ကချင်ပြည်နယ် (၂၆) ဉီး၊ ကရင်ပြည်နယ် (၁) ဉီး၊ ချင်းပြည်နယ် (၁) ဉီး၊ မွန် ပြည်နယ် (၁) ဉီး ရခိုင်ပြည်နယ် (၇၃) ဉီးရှမ်းပြည်နယ် (၉၉) ဉီး မန္တလေးတိုင်းဒေသကြီး (၂၁) ဉီး စစ်ကိုင်းတိုင်းဒေသကြီး (၃၀) ဉီး မကွေးတိုင်းဒေသကြီး (၁၄)ဉီး ပဲခူးတိုင်းဒေသကြီး(၂) ဉီး ဧရာဝတီတိုင်းဒေသကြီး (၁၉)ဉီး ရန်ကုန်တိုင်းဒေသကြီး (၉) ဉီး နေပြည်တော် (၂)ဉီး စုစုပေါင်း (၂၉၈) ဉီး တိုအား လွှပြောင်းလက်ခံစိစစ်ခဲ့ ကြောင်းသိရသည်။

အဆိုပါ ပြည်တော်ပြန်များအား ကူမင်းမြို၊ မြန်မာကောင်စစ်ဝန်ချုပ်ရုံးအနေဖြင့် (၂၂-၄-၂၀၂၂)ရက်နေ့တွင် ပြည်တော်ပြန် မြန်မာနိုင်ငံသူ/သား(၂၉၈)ဉီးတိုအား လွှပြောင်းစေလွှတ်မည်ဖြစ်သော်လည်း အကြောင်း အမျိုးမျိုးကြောင့် (၂၆-၄-၂၀၂၂)ရက်နေ့မှသာ လွှပြောင်းစေလွှတ်ခဲ့ကြောင်းသိရသည်။

မြတ်မင်း

26/04/2022

ြစ်ကြီးနားမြို၌ ဖောက်ခွဲရေးများ လုပ်ဆောင်လျက်ရှိသည့်
PDF အဖွဲဝင် ၄ ဦးကို လက်နက်များနှင့်အတူ ဖမ်းမိထား
================================

မြစ်ကြီးနား၊ ဧပြီ ၂၅

ကချင်ပြည်နယ်၊ မြစ်ကြီးနားမြို၌ ရပ်ကွက်အုပ်ချုပ်ရေးမှူးအချိုကို လုပ်ကြံခြင်း၊ မြိုတွင်း၌ ဖောက်ခွဲရေး လုပ်ငန်းများ ဆောင်ရွက်ခဲ့သော PDF အဖွဲဝင်
၄ ဦးကို လက်နက်များနှင့်အတူ မြစ်ကြီးနားရှိ လုံခြုံရေးတပ်ဖွဲမှဖမ်းဆီးနိုင်ခဲ့ကြောင်း တာ ဝန်ရှိသူများက အတည်ပြုသည်။

“သူတို လှုပ်ရှားအခြေချတဲ့နေရာကို သွားဖမ်းတာပါ။ လက်နက်များနဲ့အတူ
၄ ယောက် မိပါတယ်။ သူတိုက မြိုတွင်းဖောက်ခွဲရေး၊ အုပ်ချုပ်ရေးမှူးအချိုကို လုပ်ကြံသတ်ဖြတ်မှုများ ဆောင်ရွက်ခဲ့သူတွေ ဖြစ်တယ်” လို တာဝန်ရှိသူတစ်ဦးက ပြောသည်။

ဖမ်းဆီးရမိခဲ့သူ အမျိုးသား ၄ ဦးသည် မြစ်ကြီးနားမြို မြိုပြပြောက်ကျားအဖွဲဝင်များဖြစ်ပြီး ၎င်းတိုနှင့် ဆက် စပ်သည့် ကွင်းဆက်များကိုလည်း ဖမ်းဆီးရမိရေးဆောင်ရွက်လျက်ရှိပြီး မြစ်ကြီးနားမြို လုံခြုံရေးအတွက် လုံခြုံရေးတပ်မှ တင်းကြပ်စွာတာဝန်ထမ်းဆောင်လျက်ရှိကြောင်းသိရှိရသည်။

လင်းနေ

(နကစ သတင်းမှန်ပြန်ကြားရေး)

23/04/2022

လျှပ်စစ်တာဝါတိုင်ပြင်ဆင်ရန်သွားသည့် လျှပ်စစ်ကျွမ်းကျင်ဝန်ထမ်းတစ်ဦးအပါအဝင် (၂၆)ဦး လွိုင်ကော်-မိုးဗြဲကားလမ်းတွင် ဖမ်းဆီးခံရ
=========================================
- ဧပြီ ၂၃
လျှပ်စစ်တာဝါတိုင်ပြင်ဆင်ရန်သွားသည့် လျှပ်စစ်ကျွမ်းကျင်ဝန်ထမ်းတစ်ဦးအပါအဝင် စုစုပေါင်းဝန်ထမ်း (၂၆) ဦးသည် ဧပြီလ ၂၂ ရက် နံနက် ၇ နာရီခန့်တွင် လွိုင်ကော်-မိုးဗြဲကားလမ်းတွင် ဖမ်းဆီးခံခဲ့ရကြောင်း ဒေသခံသတင်းအရင်းအမြစ်များက NP News ကိုပြောကြားသည်။

ကယားပြည်နယ်အတွင်းရှိ လောပိတ-ရွှေမြို့မဟာဓာတ်အားလိုင်းမှ ပျက်စီးနေသည့် တာဝါတိုင်များ ပြင်ဆင်ရန်အတွက် မဟာဓာတ်အားလိုင်းမှူးရုံး(သာစည်)မှ လျှပ်စစ်ကျွမ်းကျင်(၁)ဦးစိုးသန်း အပါအဝင် ဝန်ထမ်း (၂၆)ဦးသည် FUSO ကရိန်းယာဉ်ဖြင့် သွားရောက်ခဲ့ကြောင်း သိရသည်။

ထိုသို့သွားရောက်စဉ်အချိန်တွင် လွိုင်ကော်-မိုးဗြဲကားလမ်း၊ လွိုင်ကော်မြို့ ကုန်းသာရွာအနီးတွင် လက်နက်ကိုင်ဆောင်ထားသူ ၅ ဦးခန့်မှ ကားတစ်စီးဖြင့် နောက်မှလိုက်ပါလာကာ လျှပ်စစ်ဝန်ထမ်းများကို ဖမ်းဆီးခဲ့ကြောင်း သိရသည်။

လက်ရှိတွင် နစက၏ သတင်းထုတ်ပြန်ရေးအဖွဲ့က လျှပ်စစ်ဝန်ထမ်း (၂၆) ဦးဖမ်းဆီးခံရမှုနှင့်ပတ်သက်၍ တစ်စုံတစ်ရာထုတ်ဖော်ပြောဆိုထားခြင်းမျိုး မရှိသေးပေ။

ပြီးခဲ့သည့် လများအတွင်းကလည်း ကယားပြည်နယ်၊ လွိုင်ကော်၊ မိုးဗြဲတို့တွင် နစက၏ လုံခြုံရေးတပ်ဖွဲ့ဝင်များနှင့် ဒေသခံ PDF ပူးပေါင်းအဖွဲ့များအကြားတိုက်ပွဲများ ပြင်းထန်စွာဖြစ်ပွားမှုများရှိခဲ့သည်။

ထို့အတူ ပြီးခဲ့သည့် ဧပြီလ ၁၉ ရက်က ရှမ်းပြည်နယ်၊ ကျောက်မဲခရိုင်တရားသူကြီးနှင့် နမ့်ဆန်မြို့နယ်တရားသူကြီးအပါအဝင် (၉)ဦးသည် ပလောင်ပြည်နယ်လွတ်မြောက်ရေးတပ်ဦး(TNLA)၏ ဖမ်းဆီးခေါ်ဆောင်ခြင်းကို ခံခဲ့ရသည်။

ကျောက်မဲခရိုင်တရားသူကြီး ဦးမောင်မောင်အေး အပါအဝင် (၉)ဦးသည် ကျောက်မဲမြို့မှ နမ့်ဆန်မြို့ရှိ တရားရုံးသို့ ကားဖြင့်သွားရောက်စဉ်အချိန်တွင် တောင်မရွာအနီး လမ်းခွဲအရောက်တွင် TNLA လက်နက်ကိုင်အဖွဲ့က ဖမ်းဆီးခေါ်ဆောင်သွားခြင်းဖြစ်သည်။

Crd

23/04/2022

မန္တလေး အမှတ် (၂) ရဲစခန်းရှေ့ tayမှာကြောက်နေလား’ ဆိုပြီး အော်သည့် လူငယ်အချို့ ပစ်ခတ် ဖမ်းဆီးခံရ
=========================
ဧပြီ ၂၃
မန္တလေးမြို့ အောင်မြေသာစံမြို့နယ် ၇၆ လမ်း၊ ၄ လမ်း နဲ့ ၅ လမ်း ကြားရှိ အမှတ် (၂) ရဲစခန်းရှေ့မှာ ဧပြီ ၂၂ ရက် ည ၉ နာရီခွဲက tayမှာကြောက်နေလားဆိုပြီး အော်တဲ့ လူငယ်တချို့ ပစ်ခတ်ဖမ်းဆီးခံခဲ့ရပါတယ်။

လူငယ် ၄ ဦးဟာ အမှတ် (၂) ရဲစခန်းရှေ့မှာ “ ငါ-ိုးမသတွေ မင်းတို့ရဲတွေ tayမှာကြောက်နေလား၊ မင်းတို့ကြောက်နေလို့ အတားအဆီးတွေ ပိတ်ထားတာလား၊ သတ္တိရှိရင်ထွက်ခဲ့” အော်ဟစ်ပြီး ဆိုင်ကယ်နဲ့ မောင်းပြေးရာ စစ်ကောင်စီ လက်နက်ကိုင်တွေက သေနတ်နဲ့ လိုက်လံပစ်ခတ်ခဲ့တာလို့ ဒေသခံတွေကပြောပါတယ်။

မြောက်ပြင်ရပ်မှာ နေထိုင်သူတဦးက “ညက အမှတ် (၂) စခန်းရှေ့မှာ ပစ်တာ။ အဲ့ဒီကနေ ၁ လမ်းဘက်ထိ လိုက်ပစ်တာ ကြားရတယ်။ မနက်ကျတော့ အဲ့ဒီလူငယ်တွေ ဖမ်းခံလိုက်ရတယ်လို့တော့ ကြားတယ်။ တယောက်လည်း သေနတ်မှန်တယ်ပြောကြတယ်။” လို့ ဆိုပါတယ်။

သေနတ်မှန်သူမှာ အသက် (၁၇) နှစ်အရွယ် ရဝေအောင် ဆိုသူဖြစ်ပြီး ပေါင်မှာ ကျည်ဖောက်ဝင် ဒဏ်ရာရတာကြောင့် ပရဟိတအသင်းတခုက သယ်ဆောင်လာစဉ်မှာ ဖမ်းဆီးခံခဲ့ရတာဖြစ်ပါတယ်။

အဲ့ဒီနောက် အသက် (၁၉) နှစ်အရွယ် ဇင်ကို၊ အသက် (၁၉) နှစ်အရွယ် ချမ်းအေးတို့ကို ထပ်မံဖမ်းဆီးရမိခဲ့ပြီး တဦးမှာ လွတ်မြောက်နေတယ်လို့ သိရပါတယ်။ ပစ်ခတ်ဖမ်းဆီးခံရတဲ့ လူငယ်တွေကို စစ်ကောင်စီက ဘယ်မှာ ထိန်းသိမ်းထားတယ်ဆိုတာ မသိရသေးပါဘူး။

DVB